ਲੁਧਿਆਣਾ

ਰਾਏਕੋਟ /ਲੁਧਿਆਣਾ, ਜੂਨ 2020 - (ਗੁਰਕੀਰਤ ਸਿੰਘ / ਗੁਰਦੇਵ ਗਾਲਿਬ) ਜਥੇਦਾਰ ਜਗਦੇਵ ਸਿੰਘ ਤਲਵੰਡੀ ਦੀ ਯਾਦ ‘ਚ ਮਹਾਰਾਜਾ ਦਲੀਪ ਸਿੰਘ ਕੋਠੀ ਬੱਸੀਆਂ ਵਿਖੇ 8 ਏਕੜ ਜਮੀਨ ‘ਚ ਕਰੀਬ 50 ਕਰੋੜ ਦੀ ਲਾਗਤ ਨਾਲ ਤਿਆਰ ਹੋਣ ਵਾਲੇ ਜਥੇਦਾਰ ਜਗਦੇਵ ਸਿੰਘ ਤਲਵੰਡੀ ਕਾਲਜ ਆਫ ਪੋ੍ਰਫੈਸ਼ਨਲਜ਼ ਸਟੱਡੀ ਦਾ ਉਦਘਾਟਨ ਅਕਾਲੀ ਸਰਕਾਰ ਸਮੇ ਤਤਕਾਲੀ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ 2016 ਵਿੱਚ ਕੀਤਾ ਗਿਆ ਸੀ ਪਰ ਸਾਲ ਬਾਅਦ ਹੀ ਸੂਬੇ ‘ਚ ਸਰਕਾਰ ਬਦਲਣ ਤੇ ਸੂਬੇ ਦੀ ਕਾਂਗਰਸ ਸਰਕਾਰ ਨੇ ਕਾਲਜ ਦੇ ਨਿਰਮਾਣ ਕਾਰਜਾਂ ਨੂੰ ਬੰਦ ਕਰ ਦਿੱਤਾ ਅਤੇ ਕੈਪਟਨ ਸਰਕਾਰ ਵੱਲੋਂ ਕਾਲਜ ਦੇ ਨਿਰਮਾਣ ਲਈ ਸਰਕਾਰ ਵੱਲੋਂ ਭੇਜੀ ਜਾਂਦੀ ਗਰਾਂਟ ਤੇ ਰੋਕ ਲੱਗ ਦਿੱਤੀ ਗਈ ਜਿਸ ਸਬੰਧੀ ਹਲਕੇ ਦੇ ਕਾਂਗਰਸੀ ਲੀਡਰਾਂ ਨੇ ਵੀ ਇਸ ਕਾਲਜ ਦੇ ਨਿਰਮਾਣ ਸਿਰੇ ਚੜਾਉਣ ‘ਚ ਕੋਈ ਦਿਲਚਸਪੀ ਨਾ ਵਿਖਾਈ ਸਗੋਂ ਕਰੋੜਾਂ ਰੁਪਏ ਦੀ ਲਾਗਤ ਨਾਲ ਲੱਗਭਗ ਤਿਆਰ ਕਾਲਜ ਨੂੰ ਵਿੱਚਕਾਰ ਛੱਡ ਰਾਏਕੋਟ-ਤਲਵੰਡੀ ਰੋਡ ’ਤੇ ਪੈਂਦੇ ਪਿੰਡ ਬੁਰਜ ਹਰੀ ਸਿੰਘ ਵਿਖੇ ਗ੍ਰਾਮ ਪੰਚਾਇਤ ਤੋਂ 5 ਏਕੜ ਜਮੀਨ ਐਕਵਾਇਰ ਕਰਕੇ ਕਰੀਬ ਸਾਢੇ 8 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਣ ਵਾਲੇ ਸਰਕਾਰੀ ਡਿਗਰੀ ਕਾਲਜ ਦਾ ਨੀਂਹ ਪੱਧਰ ਰੱਖ ਕੇ ਨਿਰਮਾਣ ਸ਼ੁਰੂ ਕਰ ਦਿੱਤਾ ਹੈ।ਇਸ ਸਬੰਧੀ ਯੂਥ ਅਕਾਲੀ ਦਲ ਜਿਲ੍ਹਾ ਲੁਧਿਆਣਾ ਦਿਹਾਤੀ ਦੇ ਪ੍ਰਧਾਨ ਪ੍ਰਭਜੋਤ ਸਿੰਘ ਧਾਲੀਵਾਲ ਵੱਲੋਂ ਜਥੇਦਾਰ ਜਗਦੇਵ ਸਿੰਘ ਤਲਵੰਡੀ ਕਾਲਜ ਆਫ ਪੋ੍ਰਫੈਸ਼ਨਲ ਸਟੱਡੀ ਦੀ ਕਰੀਬ-ਕਰੀਬ ਤਿਆਰ ਇਮਾਰਤ ਨੂੰ ਦਿਖਾਉਂਦਿਆ ਕਿਹਾ ਕਿ ਜੇਕਰ ਲੋਕ ਸਭਾ ਹਲਕਾ ਸ਼੍ਰੀ ਫਤਿਹਗੜ੍ਹ ਸਾਹਿਬ ਦੇ ਮੈਂਬਰ ਪਾਰਲੀਮੈਂਟ ਡਾ.ਅਮਰ ਸਿੰਘ ਵਾਕਿਆ ਹੀ ਹਲਕਾ ਰਾਏਕੋਟ ਦੇ ਨੌਜਵਾਨਾਂ ਦੀ ਉਚੇਰੀ ਵਿੱਦਿਆ ਲਈ ਉਪਰਾਲਾ ਕਰਨਾ ਚਾਹੁੰਦੇ ਹਨ ਤਾਂ ਉਹ ਉਸਾਰੀ ਅਧੀਨ ਪੀ.ਟੀ.ਯੂ ਕੈਂਪਸ ਦੇ ਅਧੂਰੇ ਪਏ ਨਿਰਮਾਣ ਕਾਰਜਾਂ ਨੂੰ ਪੂਰੇ ਕਰਵਾ ਕੇ ਕਾਲਜ ਨੂੰ ਕਿਉਂ ਨਹੀਂ ਸ਼ੁਰੂ ਕਰਵਾਉਂਦੇ।ਉਨ੍ਹਾਂ ਕਿਹਾ ਕਿ ਜੇਕਰ ਕਾਲਜ ਦੀ ਇਮਾਰਤ ਨੂੰ ਜਲਦ ਨਾ ਸੰਭਾਲਿਆ ਗਿਆ ਤਾਂ ਕਰੀਬ 3 ਕਰੋੜ ਰੁਪਏ ਦੀ ਬਣੀ ਇਹ ਇਮਾਰਤ ਜਲਦ ਹੀ ਖੰਡਰ ਦਾ ਰੂਪ ਧਾਰਨ ਕਰ ਜਾਵੇਗੀ।ਇਸ ਸਮੇਂ ਪ੍ਰਭਜੋਤ ਸਿੰਘ ਧਾਲੀਵਾਲ ਨੇ ਕਿਹਾ ਕਿ ਜੇਕਰ ਡਾ.ਅਮਰ ਸਿੰਘ ਉਨ੍ਹਾਂ ਨੂੰ ਸਮਾਂ ਦੇਣ ਤਾਂ ਉਹ ਹਲਕੇ ਦੇ ਨੌਜਵਾਨਾਂ ਦੇ ਭਵਿੱਖ ਲਈ ਪਾਰਟੀਬਾਜ਼ੀ ਤੋਂ ਉੱਪਰ ਉੱਠ ਕੇ ਕਾਲਜ ਨੂੰ ਸ਼ੁਰੂ ਕਰਵਾਉਣ ਲਈ ਉਨ੍ਹਾਂ ਦੇ ਕੋਲ ਫਰਿਆਦੀ ਬਣ ਕੇ ਵੀ ਜਾ ਸਕਦੇ ਹਨ।ਉਧਰ ਜਦ ਐਮ.ਪੀ ਡਾ.ਅਮਰ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾ ਕਿਹਾ ਕਿ ਇਸ ਹਲਕੇ ਵਿੱਚ ਪਹਿਲਾਂ ਤਲਵੰਡੀ ਪਰਿਵਾਰ ਨੇ 50 ਸਾਲ ਰਾਜ ਕੀਤਾ ਉਸ ਸਮੇਂ ਕੋਈ ਕਾਲਜ ਵਗੈਰਾ ਕਿਉਂ ਨਹੀਂ ਬਣਾਇਆ,ਜਦ ਉਨ੍ਹਾਂ ਨਾਲ ਪੀ.ਟੀ.ਯੂ ਕੈਂਪਸ ਦੀ ਉਸਾਰੀ ਹੋਣ ਸਬੰਧੀ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਸੈਕਸ਼ਨ ਲੈਟਰ ਅਕਾਲੀ ਦਲ ਲੈ ਕੇ ਮਿਲਣ ਤਾਂ ਇਸ ਬਾਰੇ ਵਿਚਾਰ ਕੀਤਾ ਜਾਵੇਗਾ।ਇਸ ਮੌਕੇ ਯੂਥ ਅਕਾਲੀ ਆਗੂ ਗਗਨਪ੍ਰੀਤ ਸਿੰਘ ਛੰਨਾਂ,ਸਨੀ ਸਿੰਘ ਰਾਏਕੋਟ,ਜਗਦੀਪ ਸਿੰਘ ਤਲਵੰਡੀ,ਹੈਪੀ ਸਿੰਘ ਰਾਏਕੋਟ ਆਦਿ ਹਾਜ਼ਰ ਸਨ।

ਚੀਨ ਦੇ ਬਣੇ ਸਮਾਨ ਦਾ ਵੀ ਕੀਤਾ ਬਾਈਕਾਟ

ਜਗਰਾਓਂ/ਲੁਧਿਆਣਾ, ਜੂਨ 2020 -(ਪ੍ਰਦਿਯਮ ਬਾਂਸਲ /ਮਨਜਿੰਦਰ ਗਿੱਲ)-

ਅੱਜ ਜਗਰਾਉਂ ਵਿਖੇ ਭਾਰਤੀ ਜਨਤਾ ਪਾਰਟੀ ਦੇ ਜਗਰਾਉਂ ਮੰਡਲ ਦੇ ਪ੍ਰਧਾਨ ਸ਼੍ਰੀ ਹਨੀ ਗੋਇਲ ਜੀ ਦੀ ਪ੍ਰਧਾਨਗੀ ਹੇਠ ਚੀਨ ਦੇ ਰਾਸ਼ਟਰਪਤੀ ਦਾ ਪੁਤਲਾ ਅਤੇ ਝੰਡਾ ਸਾੜਿਆ ਗਿਆ, ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀ ਗੌਰਵ ਖੁੱਲਰ ਜੀ  ਵਿਸ਼ੇਸ਼ ਤੌਰ ਤੇ ਮੌਜੂਦ ਸਨ,ਸ੍ਰੀ ਗੌਰਵ ਜੀ ਨੇ ਕਿਹਾ  ਕਿ ਚੀਨੀ ਸੈਨਿਕਾਂ ਦੁਆਰਾ ਕੀਤੀ ਗਈ ਹਰਕਤ ਬਹੁਤ ਗਲਤ ਹੈ ਅਤੇ ਭਾਰਤੀ ਫੌਜ ਇਸ ਦਾ ਜ਼ਰੂਰ ਜਵਾਬ ਦੇ ਦੇਵੇਗੀ।ਸ੍ਰੀ ਗੌਰਵ ਜੀ ਨੇ ਲੱਦਾਖ   ਵਿਚ ਸ਼ਹੀਦ ਹੋਏ  ਸੈਨਿਕਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਤੇ ਨਾਲ ਹੀ ਦੋ ਮਿੰਟ ਦਾ ਮੌਨ ਵੀ ਰੱਖਿਆ  ਅਤੇ ਚੀਨੀ ਚੀਜ਼ਾਂ ਦਾ ਬਾਈਕਾਟ ਕਰਨ ਦੀ ਅਪੀਲ ਕੀਤੀ। ਗੌਰਵ ਜੀ ਨੇ ਕਿਹਾ ਕਿ ਚੀਨ ਨਾਲ ਕਈ ਸਮਝੌਤੇ ਭਾਰਤ ਸਰਕਾਰ ਨੇ ਰੋਕ ਦਿੱਤੇ ਹਨ।  ਇਸ ਮੌਕੇ ਜਗਰਾਉਂ  ਮੰਡਲ ਦੇ ਪ੍ਰਧਾਨ ਸ਼੍ਰੀ ਹਨੀ ਗੋਇਲ ਜੀ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜਿਹੜੀਆਂ ਚੀਜ਼ਾਂ ਅਸੀਂ ਖਰੀਦੀਆਂ ਹਨ ਉਨ੍ਹਾਂ ਨੂੰ ਤੋੜਿਆ ਨਹੀਂ ਜਾਣਾ ਚਾਹੀਦਾ ਕਿਉਂਕਿ ਇਸ ਉੱਪਰ ਸਾਡੀ  ਮਿਹਨਤ ਦਾ ਪੈਸਾ ਲੱਗਿਆ ਹੈ , ਪਰ ਸਾਨੂੰ ਭਵਿੱਖ ਵਿਚ ਚੀਨ ਦ ਸਾਰੇ ਮਾਲ ਦਾ ਬਾਈਕਾਟ ਕਰਨਾ ਚਾਹੀਦਾ ਹੈ ਤਾਂ ਜੋ  ਅਸੀਂ ਸਾਰੇ ਭਾਰਤੀ ਮਿਲ ਕੇ ਚੀਨ ਨੂੰ ਆਰਥਿਕ ਤੌਰ ਤੇ ਕਮਜ਼ੋਰ ਕਰ ਸਕੀਏ।ਇਸ ਮੌਕੇ ਜਗਦੀਸ਼ ਓਹਰੀ, ਜਸਪਾਲ ਸਿੰਘ, ਦਵਿੰਦਰ ਸਿੰਘ, ਅਮਿਤ ਸਿੰਘਲ, ਪੰਕਜ ਗੁਪਤਾ, ਕੁਨਾਲ ਬੱਬਰ, ਐਡਵੋਕੇਟ ਵਿਵੇਕ ਭਾਰਦਵਾਜ, ਐਡਵੋਕੇਟ ਨਵੀਨ ਗੁਪਤਾ, ਦੀਪਕ ਪੱਲਣ, ਅਭਿਸ਼ੇਕ ਗਰਗ, ਹਿਤੇਸ਼ ਗੋਇਲ, ਵਿਸ਼ਾਲ ਘਈ, ਜੋਨਸਨ, ਸ਼ੰਮੀ ਜੀ, ਰਾਜੇਸ਼ ਬੌਬੀ, ਸੰਜੀਵ  ਸ਼ਰਮਾ, ਪਰਮਿੰਦਰ ਸਿੰਘ, ਪੰਕਜ ਜੀ, ਮਨਜੀਤ ਸਿੰਘ, ਅਮਰਜੀਤ ਸਿੰਘ, ਦਵਿੰਦਰ ਸਿੰਘ ਸਿੱਧੂ, ਇੰਦਰਜੀਤ ਸਿੰਘ, ਦਿਨਕਰ ਅਰੋੜਾ, ਐਡਵੋਕੇਟ ਅੰਕੁਰ ਧੀਰ, ਸ਼ੰਟੀ ਜੀ , ਜੀਵਨ ਗੁਪਤਾ, ਸਮੀਰ ਗੋਇਲ, ਪੰਕਜ ਗੋਇਲ, ਸਰ ਜੀਵਨ ਬਾਂਸਲ, ਅੰਕੁਸ਼ ਗੋਇਲ ਜੀ ਹਾਜ਼ਰ ਸਨ।

ਕੱਚੇ ਤੇਲ ਦੀਅ ਕੀਮਤਾ ਵਿੱਚ ਗਿਰਾਵਟ ਪਰ ਮਾਰਕੀਟ ਵਿੱਚ ਕੀਮਤਾ ਵਧੀਆ

ਹਠੂਰ  ਜੂਨ 2020(ਨਛੱਤਰ ਸੰਧੂ)ਤੇਲ ਦੀਆ ਕੀਮਤਾ ਵਿੱਚ ਲਗਾਤਾਰ ਤੇਰਵੇ ਦਿਨ ਵੀ ਵਾਧਾ ਕੀਤਾ ਗਿਆ।ਪੈਟਰੋਲ 56 ਪੈਸੇ ਅਤੇ ਡੀਜਲ 63 ਪੈਸੇ ਮਹਿੰਗਾ ਕੀਤਾ ਗਿਆ।ਇਨ੍ਹਾ ਸਬਦਾ ਦਾ ਪ੍ਰਗਟਾਵਾ ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਜਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ ਸੁਦਾਗਰ ਸਿੰਘ ਚਕਰ,ਬਲਾਕ ਪ੍ਰਧਾਨ ਹਰਬੰਸ ਸਿੰਘ ਦੇਹੜਕਾ ਅਤੇ ਹਲਕਾ ਰਾਏਕੋਟ ਦੇ ਪ੍ਰਧਾਨ ਅਜੈਬ ਸਿੰਘ ਰੂਪਾਪੱਤੀ ਨੇ ਅੱਜ ਇਥੇ ਇੱਕ ਸਾਝੇ ਪ੍ਰੈਸ ਬਿਆਨ ਰਾਹੀ ਕੀਤਾ।ਉਨ੍ਹਾ ਕਿਹਾ ਕਿ ਸਾਬਕਾ ਡਿਪਟੀ ਮੁੱਖ ਮੰਤਰੀ ਪੰਜਾਬ ਸੁਖਬੀਰ ਸਿੰਘ ਬਾਦਲ ਪੰਜਾਬ ਦੀ ਬਜਾਏ ਕੇਦਰ ਨੂੰ ਤੇਲ ਸਸਤਾ ਕਰਨ ਦਾ ਸੁਝਾਅ ਦੇਣ ਕਿਉਕਿ ਉਨ੍ਹਾ ਦੀ ਰਾਜਨੀਤਿਕ ਭਾਈਵਾਲ ਪਾਰਟੀ ਹੈ।ਉਨ੍ਹਾ ਕਿਹਾ ਕਿ ਪਿਛਲੇ ਦੋ ਹਫਤਿਆ ਤੋ ਵੀ ਘੱਟ ਸਮੇ ਵਿੱਚ ਪੈਟਰੋਲ ਦੀਆ ਕੀਮਤਾ ਵਿੱਚ ਸੱਤ ਰੁਪਏ ਗਿਆਰਾ ਪੈਸੇ ਅਤੇ ਡੀਜਲ ਸੱਤ ਰੁਪਏ ਸਤਾਹਠ ਪੈਸੇ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ ਗਿਆ ਹੈ।ਕੌਮਾਂਤਰੀ ਮੰਡੀ ਵਿੱਚ ਕੱਚੇ ਤੇਲ ਦੀਆ ਕੀਮਤਾ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ।ਪਰ ਦੇਸ ਦੇ ਪ੍ਰਧਾਨ ਮੰਂਤਰੀ ਨਰਿੰਦਰ ਮੋਦੀ ਲਗਾਤਾਰ ਤੇਲ ਦੀਆ ਕੀਮਤਾ ਵਿੱਚ ਵਾਧਾ ਕਰਕੇ ਦੋਹੀ ਹੱਥੀ ਲੋਕਾ ਨੂੰ ਲੁੱਟ ਰਹੇ ਹਨ।ਉਨ੍ਹਾ ਕਿਹਾ ਕਿ ਕੋਵਿਡ-19 ਕੋਰੋਨਾ ਵਾਇਰਸ ਕਾਲ ਦੌਰਾਨ ਵੀ ਦੇਸ ਦੀ ਜਨਤਾ ਨੂੰ ਦੋਹਰੀ ਮਾਰ ਸਹਿਣੀ ਪਈ।ਕੋਰੋਨਾ ਫੈਲਣ ਕਾਰਨ ਪਹਿਲਾ ਹੀ ਦੇਸ ਵਿੱਚ ਦਹਿਸਤ ਦਾ ਮਾਹੌਲ ਬਣਿਆ ਹੋਇਆ ਹੈ,ਪਰ ਕੇਦਰ ਸਰਕਾਰ ਦੇਸ ਦੀ ਜਨਤਾ ਨੂੰ ਸਹੂਲਤਾ ਦੇਣ ਦੀ ਬਜਾਏ ਉਨ੍ਹਾ ਨੂੰ ਲੁੱਟ ਰਹੀ ਹੈ।ਅਖੀਰ ਵਿੱਚ ਉਕਤ ਆਗੂਆ ਨੇ ਕਿਹਾ ਕਿ ਜੇਕਰ ਮੋਦੀ ਸਰਕਾਰ ਨੇ ਤੇਲ ਦੀ ਵਧੀਆ ਕੀਮਤਾ ਵਿੱਚ ਕਟੌਤੀ ਨਾ ਕੀਤੀ ਤਾ  ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਸਰਕਾਰ ਦੇ ਅਰਥੀਫੂਕ ਮੁਜਾਹਰੇ ਅਤੇ ਆਦੋਲਨ ਛੇੜੇਗੀ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਕੇਂਦਰ ਦੀ ਮੋਦੀ ਸਰਕਾਰ ਨੇ ਇਕ ਵਾਰ ਫਿਰ ਕਿਸਾਨਾਂ ਦੀਆ ਫਸਲਾਂ ਦੇ ਮੰਡੀਕਰਨ ਸਬੰਧੀ ਪਿਛਲੇ ਸਾਲਾਂ ਦੇ ਕੰਮਕਾਜ ਵਿਚ ਵਿਘਨ ਪਾ ਕੇ ਆਰਡੀਨੈਸ ਜਾਰੀ ਕਰਕੇ ਆਪਣਾ ਕਿਸਾਨ ਵਿਰੋਧੀ ਚਿਹਰਾ ਨੰਗਾ ਦਿੱਤਾ ਹੈ ਇੰਨ੍ਹਾਂ ਸਬਦਾਂ ਦਾ ਪ੍ਰਗਟਾਵਾ ਕਿਸਾਨ ਵਿੰਗ
ਜਿਲ੍ਹਾਂ ਮੋਗਾ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਔਲਖ ਨੇ ਪੱਤਰਕਾਰਾਂ ਨਾਲ ਖੀਤੇ। ੳਨ੍ਹਾਂ ਕਿਹਾ ਕਿ ਪੰਜਾਬ ਦਾ ਕਿਸਾਨ ਦੇਸ਼ ਦੇ ਅੰਨ ਭੰਡਾਰ ਵਿੱਚ ਕਣਕ ਤੇ ਚਾਵਲ ਵਿੱਚ 80% ਹਿੱਸਤ ਪਾਉਦਾ ਹੈ ਪਰ ਮੋਦੀ ਸਰਕਾਰ ਨੇ ਪਹਿਲੇ ਹੀ ਲਿਤਾੜੇ ਹੋਏ ਕਿਸਾਨ ਦਾ ਗਲਤ ਮੰਡੀਕਰਨ ਕਰਕੇ ਕਚੂਬਰ ਕੱਢ ਦਿੱਤਾ ਹੈ। ਉਨ੍ਹਾ ਕਿਹਾ ਕਿਿਕਸਾਨ ਹਤੈਸੀ ਅਖਵਾਉਣ ਵਾਲੀ ਭਾਜਪਾ ਦੀ ਭਾਈਵਾਲ ਪਾਰਟੀ ਅਕਾਲੀ ਦਲ ਅੱਜ ਕਿਉ ਚੱੁਪ ਬੈਠੀ ਹੈ।ੳਨ੍ਹਾਂ ਕੇਂਦਰ ਸਰਕਾਰ ਤੋ ਪੰਜਾਬ ਦੇ ਕਿਸਾਨਾਂ ਦੀਆਂ ਫਸਲਾਂ ਦਾ ਭਾਅ ਸਵਾਮੀਨਾਰਥ ਰਿਪੋਰਟ ਅਨੁਸਾਰ ਲਾਗੂ ਕਰਨ ਦੀ ਮੰਗ ਕੀਤੀ।ਇਸ ਮੌਕੇ ਉਨ੍ਹਾਂ ਚੀਨ ਦੀ ਸਰਹੱਦ ਤੇ ਪੰਹਾਬ ਦੇ 4 ਨੌਜਵਾਨਾਂ ਦੀ ਸ਼ਹੀਦੀ ਤੇ ਦੱੁਖ ਪ੍ਰਗਟ ਕਰਦਿਆਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਤੇ ਉਥੇ ਹੀ ਉਨ੍ਹਾਂ ਕੇਂਦਰ ਸਰਕਾਰ ਤੇ ਵਰਦਿਆਂ ਕਿਹਾ ਕਿ ਕੇਂਦਰ ਸਰਕਾਰ ਦੀਆਂ ਗਲਤ ਨੀਤੀਆਂ ਕਰਕੇ ਹੀ ਮਾਵਾਂ ਦੇ ਪੱੁਤ ਮਰਵਾਏ ਜਾ ਰਹੇ ਹਨ ਜਿਸ ਨੂੰ ਉਹ ਕਦੇ ਵੀ ਬਰਦਾਸ਼ਤ ਨਹੀ ਕਰਨਗੇ।