ਲੁਧਿਆਣਾ

ਮੰਗ ਪੱਤਰ ਤਹਿਸੀਲਦਾਰ ਲਕਸ਼ੇ ਕੁਮਾਰ ਨੂੰ ਦਿੱਤਾ

ਜਗਰਾਓਂ, ਸਤੰਬਰ 2020-( ਮੋਹਿਤ ਗੋਇਲ)

ਕੈਪਟਨ ਅਮਰਿੰਦਰ ਸਿੰਘ ਮੁੱਖ ਮੰਤਰੀ ਪੰਜਾਬ

ਵਿਸ਼ਾ- ਕਰੋਨਾ   ਵਾਏਰਸ ਵਿੱਚ ਸਾਡੇ  ਕਾਰੋਬਾਰ ਅਤੇ ਪੰਜਾਬ ਰਾਜ ਦੀ ਆਰਥਿਕ ਸਥਿਤੀ ਜੋ ਖਰਾਬ ਹੋ ਚੁੱਕੀ ਹੈ, ਨੂੰ ਲਹ  ਤੇ ਲਿਆਉਣ ਸਬੰਧੀ ਬੇਨਤੀ ਪੱਤਰ।

ਸ਼੍ਰੀ ਮਾਨ ਜੀ,

     ਆਪ ਜੀ ਨੂੰ ਬੇਨਤੀ ਹੈ ਕਿ ਅਸੀਂ ਆਪ ਜੀ ਦਾ ਧਿਆਨ ਕੁੱਝ  ਜਰੂਰੀ  ਗੱਲਾਂ ਵੱਲ ਦਿਵਾਉਣਾ ਚਾਹੁੰਦੇ ਹਾਂ। ਅੱਜ ਪੰਜਾਬ ਦੀ ਮਾਲੀ ਹਾਲਤ ਬਹੁਤ ਹੀ ਬਦਤਰ ਸਥਿੱਤੀ ਵਿੱਚ ਹੈ। ਇਸ ਵੇਲੇ ਇਸ ਦਾ ਇੱਕ ਮੁੱਖ  ਕਾਰਨ ਵਿਆਹ ਸ਼ਾਦੀਆਂ ਦੇ  ਫੰਕਸ਼ਨ  ਦਾ ਨਾ ਹੋਣਾ ਵੀ ਹੈ। ਅੱਜ ਹਰ ਕਾਰੋਬਾਰ ਇੱਕ ਦੂਜੇ ਦੇ ਨਾਲ ਜੁੜਿਆ ਹੋਇਆ ਹੈ।   ਵਿਆਹ ਸ਼ਾਦੀਆਂ ਦੇ ਕਾਰੋਬਾਰ ਨਾਲ ਸਬੰਧਤ ਟੈਂਟ ਹਾਊਸ, ਕੈਟਰਿੰਗ, ਮੈਰਿਜ ਪੈਲੇਸ, ਪ੍ਰਿੰਟਿੰਗ ਪ੍ਰੈੱਸ ਆਦਿ ਤੋਂ ਇਲਾਵਾ ਇਸ ਕਾਰੋਬਾਰ ਨਾਲ ਡੀ ਜੇ, ਫਲਾਵਰ, ਡੈਕੋਰੇਸ਼ਨ, ਫੋਟੋਗ੍ਰਾਫੀ, ਬੈਂਡ ਬਾਜਾ , ਕੁੱਕ, ਹਲਵਾਈ, ਮਿਠਾਈ ਵਾਲੇ, ਵੇਟਰ, ਆਰਕੈਸਟਰਾ ਗਰੁੱਪ, ਲਾਈਟਿੰਗ ਵਾਲੇ, ਲੱਕੜ ਕੋਇਲਾ ਆਦਿ ਵੀ ਜੁੜੇ ਹੋਏ ਹਨ। ਇਨ੍ਹਾਂ ਦੀ ਗਿਣਤੀ ਹਜ਼ਾਰਾਂ ਵਿੱਚ ਨਹੀਂ ਬਲਕਿ ਲੱਖਾਂ ਵਿੱਚ ਹੈ। ਇਸ ਦੇ ਨਾਲ ਹੀ ਇਹ ਕੱਪੜੇ,ਜਿਊਲਰੀ, ਕਰਿਆਨਾ, ਸਬਜ਼ੀਆਂ ਅਤੇ ਸ਼ਰਾਬ ਦੇ ਕਾਰੋਬਾਰ ਨੂੰ ਵੀ ਪ੍ਰਭਾਵਿਤ ਕਰਦੇ ਹਨ ਜੋ ਅੱਜ ਕੱਲ੍ਹ ਬਿਲਕੁਲ ਬੰਦ ਪਏ ਹਨ। ਪ੍ਰਸ਼ਾਸਨ ਵੱਲੋਂ ਕੇਵਲ 30 ਵਿਅਕਤੀਆਂ ਦੇ ਫੰਕਸ਼ਨ ਦੀ ਹੀ ਮਨਜ਼ੂਰੀ ਦਿੱਤੀ ਗਈ ਹੈ ਜੋ ਕਿ ਬਿਲਕੁਲ ਹੀ ਨਾ-ਕਾਫੀ ਹੈ। ਅਗਰ ਆਪ ਜੀ ਘੱਟੋ ਘੱਟ 250-300 ਵਿਅਕਤੀਆਂ ਦੀ ਗੈਦਰਿੰਗ ਦੇ ਫੰਕਸ਼ਨ ਦੀ ਮਨਜ਼ੂਰੀ ਦਿੰਦੇ ਹੋ ਤਾਂ ਇਸ ਦੇ ਨਾਲ ਨਾ ਕੇਵਲ ਸਰਕਾਰ ਨੂੰ ਮਾਲੀਆ ਮਿਲੇਗੀ ਮੰਗੋ ਜੋ ਪ੍ਰਵਾਸੀ ਮਜ਼ਦੂਰ ਅੱਜ ਕਾਰੋਬਾਰ ਨਾ ਹੋਣ ਕਰਕੇ ਪੰਜਾਬ ਛੱਡ ਕੇ ਜਾ ਰਹੇ ਹਨ ਉਨ੍ਹਾਂ ਨੂੰ ਰੋਕਣ ਵਿੱਚ ਵੀ ਬਹੁਤ ਜ਼ਿਆਦਾ ਮਦਦ ਮਿਲੇਗੀ ਕਿਉਂਕਿ ਸਾਡਾ ਕਾਰੋਬਾਰ ਰੋਜ਼ਗਾਰ ਜਨਰੇਟ ਕਰਨ ਵਾਲਾ ਕਾਰੋਬਾਰ ਹੈ ਅਤੇ ਇਸ ਦੇ ਨਾਲ ਲੱਖਾਂ ਹੀ ਪ੍ਰਵਾਸੀ ਮਜ਼ਦੂਰਾਂ ਦੀ ਰੋਜ਼ੀ ਰੋਟੀ ਚੱਲਦੀ ਹੈ। ਸਤਪਾਲ ਸਿੰਘ,ਸੁਰਿੰਦਰ ਅਰੋੜਾ, ਤਰਸੇਮ ਲਾਲ,

ਸਿਧਵਾਂ ਬੇਟ,ਸਤੰਬਰ 2020  (ਅੰਕੁਸ਼ ਸਹਿਜਪਾਲ ਇਕ਼ਬਾਲ ਸਿੰਘ ਸਿੱਧੂ)-  ਕੱਲ ਬਾਅਦ ਦੁਪਹਿਰ ਸਿੱਧਵਾਂ ਬੇਟ-ਜਲੰਧਰ ਮਾਰਗ 'ਤੇ ਇੱਕ ਟੈਂਕਰ ਦਾ ਚਾਲਕ ਆਪਣਾ ਸੰਤੁਲਨ ਗਵਾ ਬੈਠਾ ਜਿਸ ਕਾਰਨ ਇਹ ਟੈਂਕਰ ਘੁੰਮ ਕੇ ਦੂਜੇ ਪਾਸੇ ਸੜਕ ਦੇ ਕਿਨਾਰੇ ਖੜ੍ਹੇ ਸਫ਼ੈਦੇ ਵਿੱਚ ਟਕਰਾ ਕੇ ਰੁਕ ਗਿਆ। ਜੇਕਰ ਅਜਿਹਾ ਨਾ ਹੁੰਦਾ ਤਾਂ ਕੋਈ ਵੱਡਾ ਹਾਦਸਾ ਵੀ ਵਾਪਰ ਸਕਦਾ ਸੀ। ਇਸ ਉਪਰੰਤ ਸੜਕ ਦੇ ਦੋਹੇਂ ਪਾਸੀ ਵਾਹਨਾਂ ਦੀਆਂ ਲਮਬੀਆਂ ਲਾਈਨਾਂ ਲੱਗ ਗਈਆਂ। ਜਾਣਕਾਰੀ ਅਨੁਸਾਰ ਇਹ ਟੈਂਕਰ ਹਿਮਾਚਲ ਪ੍ਰਦੇਸ਼ ਤੋਂ ਜਗਰਾਉਂ ਸਾਬਨ ਦਾ ਤੇਲ ਲੈਣ ਜਾ ਰਿਹਾ ਸੀ। ਜਦੋਂ ਇਹ ਟੈਂਕਰ ਸਿੱਧਵਾਂ ਬੇਟ ਦੇ ਨਜ਼ਦੀਕ ਪੁੱਜਾ ਤਾਂ ਚਾਲਕ ਦੀ ਅਣਗਹਿਲੀ ਕਾਰਨ ਇਹ ਹਾਦਸਾ ਵਾਪਰ ਗਿਆ। ਭਾਵੇਂ ਇਸ ਮੌਕੇ ਸਫ਼ੈਦੇ ਦੇ ਦੋ ਟੁਕੜੇ ਹੋ ਗਏ ਪਰ ਇਸ ਸਫ਼ੈਦੇ ਨੇ ਢਾਲ ਬਣ ਕੇ ਟੈਂਕਰ ਚਾਲਕ ਦੀ ਜਾਨ ਤਾਂ ਬਚਾਅ ਲਈ ਪਰ ਇੱਕ ਮੋਟਰਸਾਈਕਲ 'ਤੇ ਸਵਾਰ ਨਵ-ਵਿਆਹਿਆ ਜੌਡ਼ਾ ਜ਼ਖ਼ਮੀ ਹੋ ਗਿਆ। ਮੌਕੇ 'ਤੇ ਮੌਜ਼ੂਦ ਲੋਕਾਂ ਅਨੁਸਾਰ ਟੈਂਕਰ ਚਾਲਕ ਨਸ਼ੇ ਵਿੱਚ ਸੀ। ਲੋਕਾਂ ਨੇ ਉਸ ਨੂੰ ਬਾਹਰ ਕੱਢ ਕੇ ਪ੍ਰਾਈਵੇਟ ਹਸਪਤਾਲ ਲਿਆ ਕੇ ਉਸ ਦਾ ਇਲਾਜ਼ ਕਰਵਾਇਆ।

ਲੁਧਿਆਣਾ/ਰਾਏਕੋਟ-(ਗੁਰਸੇਵਕ ਸਿੰਘ ਸੋਹੀ)- ਸਾਰਾਗੜ੍ਹੀ ਦੀ ਲੜਾਈ ਵਿੱਚ ਸ਼ਹੀਦ ਹੋਏ 36 ਸਿੱਖ ਰੈਜੀਮੈਂਟ (ਹੁਣ 4 ਸਿੱਖ) ਦੇ 21ਸ਼ਹੀਦ ਸੈਨਿਕਾਂ ਦੀ123ਵੀ ਬਰਸੀ ਸ਼ਹੀਦ ਹੌਲਦਾਰ ਈਸ਼ਰ ਸਿੰਘ ਜੀ ਦੇ ਜੱਦੀ ਪਿੰਡ ਝੋਰੜਾਂ ਵਿਖੇ ਮਨਾਈ ਗਈ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਗਏ ਉਪਰੰਤ ਸ਼ਹੀਦ ਹੌਲਦਾਰ ਈਸ਼ਰ ਸਿੰਘ ਜੀ ਦੇ ਬੁੱਤ ਉੱਪਰ ਫੁੱਲ ਮਾਲਾਵਾਂ ਭੇਂਟ ਕੀਤੀਆਂ ਗਈਆਂ। ਕੈਪਟਨ ਸਾਧੂ ਸਿੰਘ ਮੂੰਮ ਮੈਂਬਰ ਸ਼ਿਕਾਇਤ ਨਿਵਾਰਨ ਕਮੇਟੀ ਬਰਨਾਲਾ ਅਤੇ ਇੰਡੀਅਨ ਐਕਸ ਸਰਵਿਸਿਜ਼ ਲੀਗ ਬਲਾਕ ਮਹਿਲ ਕਲਾਂ ਦੇ ਪ੍ਰਧਾਨ ਸੂਬੇਦਾਰ ਮੇਜਰ ਜਰਨੈਲ ਸਿੰਘ ਸਹਿਜੜਾ ਵੱਲੋਂ ਸ਼ਰਧਾਂਜਲੀ ਭੇਂਟ ਕੀਤੇ ਗਏ ਅਤੇ ਦੱਸਿਆ ਕਿ ਸਾਰਾਗੜ੍ਹੀ ਦੀ ਲੜਾਈ 12 ਸਤੰਬਰ 1897 ਨੂੰ 21 ਸਿੱਖ ਸੈਨਿਕਾਂ ਅਤੇ 10 ਹਜ਼ਾਰ ਅਫ਼ਗਾਨੀ ਪਠਾਣਾਂ ਅਤੇ ਅਫਰੀਦੀ ਕਬਾਇਲੀਆਂ ਦੇ ਵਿਚਕਾਰ ਹੋਈ ਸੀ। ਸਾਰਾਗੜ੍ਹੀ ਪੋਸਟ ਖੈਬਰ ਪਖਤੂਨਵਾ ਜ਼ਿਲ੍ਹਾ ਕੋਹਾਟ ਸਮਾਣਾ ਘਾਟੀ ਪਾਕਿਸਤਾਨ ਵਿਖੇ ਸਥਿਤ ਹੈ ਜਿਸ ਨੂੰ ਵਜ਼ੀਰਾਸਥਾਨ ਵੀ ਕਿਹਾ ਜਾਂਦਾ ਹੈ। ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਤੋਂ ਬਾਅਦ ਇੱਥੇ ਅੰਗਰੇਜ਼ਾਂ ਦਾ ਰਾਜ ਹੋਇਆ ਇਸ ਤੋਂ ਬਾਅਦ ਅਫ਼ਗਾਨੀ ਪਠਾਣਾਂ ਨੇ ਬਰਤਾਨਵੀ ਰਾਜ ਦੇ ਅਧੀਨ ਹੋਣ ਵਿਰੁੱਧ ਬਗ਼ਾਵਤ ਕਰ ਦਿੱਤੀ ਕਿਲ੍ਹਾ ਲੋਕਹਾਰਟ ਅਤੇ ਕਿਲ੍ਹਾ ਗੁਲਿਸਥਾਨ ਉੱਪਰ ਹਮਲੇ ਕੀਤੇ ਜੋ ਕਿ ਨਾਕਾਮ ਹੋਏ ਇਨ੍ਹਾਂ ਹਮਲਿਆਂ ਨੂੰ ਨਾਕਾਮ ਕਰਨ ਦਾ ਸਾਰਾਗੜ੍ਹੀ ਪੋਸਟ ਦਾ ਅਹਿਮ ਯੋਗਦਾਨ ਸੀ ਜੋ ਕਿ ਦੋਨਾ ਕਿੱਲਿਆਂ ਦੇ ਵਿਚਕਾਰ ਆਪਸੀ ਮਿਲਾਪ ਦਾ ਕੰਮ ਕਰਦਾ ਸੀ 21ਸਿੱਖ ਸੈਨਿਕ ਦੀ ਬਹਾਦਰੀ ਨੂੰ ਦੇਖਦੇ ਹੋਏ ਬਰਤਾਨਵੀ ਭਾਰਤੀ ਸਰਕਾਰ ਵੱਲੋਂ ਸਭ ਤੋਂ ਵੱਡਾ ਐਵਾਰਡ ਇੰਡੀਅਨ ਆਰਡਰ ਆਫ ਮੈਰਿਟ ਦਿੱਤਾ ਗਿਆ ਅਤੇ ਪਰਿਵਾਰਾਂ ਨੂੰ 500 ਰੁਪਏ ਨਗਦ ਦੋ ਮੁਰੱਬੇ ਜ਼ਮੀਨ ਅਲਾਟ ਕੀਤੀ ਗਈ ਇਸ ਸ਼ਰਧਾਂਜਲੀ ਸਮਾਗਮ ਸਮੇਂ ਹੌਲਦਾਰ ਮਨਮੋਹਨ ਸਿੰਘ ,ਗੁਰਚਰਨ ਸਿੰਘ ਕਲਾਲ ਮਾਜਰਾ ,ਲਖਵਿੰਦਰ ਸਿੰਘ ਤਲਵੰਡੀ, ਮਨਦੀਪ ਸਿੰਘ ਨਗਰ ਪੰਚਾਇਤ ਅਤੇ ਸਾਬਕਾ ਸੈਨਿਕ ਹਾਜ਼ਰ ਸਨ।

ਜਗਰਾਓਂ, ਸਤੰਬਰ 2020 -( ਮੋਹਿਤ ਗੋਇਲ )- ਸਾਨੂੰ ਮਿੱਲ ਕੇ ਬੂਟੇ ਲੱਗਣੇ ਚਾਹੀਦੇ ਹਨ । ਕਿਉਕਿ ਬੂਟੇ  ਲਗਾਉਣ ਨਾਲ ਮਨੁੱਖ  ਨੂੰ ਛਾਂ ਮਿਲਦੀ ਹੈ  ਅਤੇ ਰੁੱਖ  ਨਾਲ  ਸਾਨੂੰ ਫੁੱਲ ਅਤੇ ਫਲ ਆਦਿ ਮਿਲਦੇ ਹਨ । ਰੁੱਖ ਲਗਾਨ  ਨਾਲ  ਵਾਤਾਵਰਨ  ਸਾਫ਼  ਰਹਿੰਦਾ ਹੈ । ਸਾਨੂੰ ਮਿੱਲ ਕੇ  ਸ਼ਹਿਰ ਨੂੰ ਸੁੰਦਰ ਅਤੇ ਹਰਾ - ਭਰਾ ਬਣਾਉਣਾ ਚਾਹਿਦਾ ਹੈ ।ਅਸੀ ਸਭ ਨੂੰ ਬੇਨਤੀ ਕਰਦੇ ਹਨ ਕਿ ਸਾਰੇ ਆਪਣੇ ਘਰ ਜਾ ਸ਼ਹਿਰ  ਦੇ  ਵਿੱਚ ਇੱਕ - ਇੱਕ ਰੁੱਖ ਜਰੂਰ ਲਗਾਨਾ ਚਾਹਿਦਾ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਅੱਜ ਸੱਤਪਾਲ ਸਿੰਘ ਦੇਹੜਕਾ ਨੇ ਰੇਲਵੇ ਪਾਰਕ ਵਿੱਚ ਬੂਟੇ ਲਾਕੇ ਉਸ ਨੂੰ ਨਵੀਂ ਪ੍ਰਦੂਸ਼ਣ ਮੁਕਤ ਕਰਨ ਲਈ ਕੀਤੀ ਮਿਟਿਗ ਦੁਰਾਨ ਕੀਤਾ। ਉਸ ਸਮੇ ਅਮਨਜੀਤ ਸਿੰਘ ਖਹਿਰਾ, ਹਰਨਰਾਇਨ ਸਿੰਘ ਢਿੱਲੋਂ, ਮੇਜਰ ਸਿੰਘ ਛੀਨਾ, ਸੋਨੀ ਵੀਰ ਆਦਿ ਹਾਜਰ ਸਨ।