ਲੁਧਿਆਣਾ

ਪੁਲਿਸ ਵਲੋਂ ਲਾੜਾ ਅਤੇ ਉਸਨੂੰ ਅਗਵਾ ਕਰਨ ਵਾਲਾ ਇਕ ਗਿਰਫ਼ਤਾਰ
ਜਗਰਾਓਂ, 30 ਜੁਲਾਈ (ਅਮਿਤ ਖੰਨਾ, ) ਪਿਛਲੇ ਦਿਨੀਂ ਜਗਰਾਓਂ ਦੇ ਕੋਠੇ ਬੱਗੂ ਵਿਖੇ ਸਥਿਤ ਗੁਰੂਦਵਾਰਾ ਸਾਹਿਬ ਵਿਚ ਲਾੜਾ-ਲਾੜੀ ਵਿਆਹ ਦੀਆਂ ਲਾਵਾਂ ਲੈਣ ਲਈ ਪੁੱਜੇ ਹੋਏ ਸਨ ਕਿ ਕੁਝ ਲੋਕਾਂ ਵਲੋਂ ਮੌਕੇ ਤੇ ਆਕੇ ਲਾੜਾ -ਲਾੜੀ ਨੂੰ ਅਗਵਾ ਕਰਕੇ ਲੈ ਗਏ ਸਨ। ਇਸ ਸੰਬੰਧੀ ਥਾਣਾ ਸਿਟੀ ਜਗਰਾਓਂ ਵਿਖੇ ਲਾੜੀ ਦੇ ਪਿਤਾ ਅਤੇ ਹੋਰਨਾਂ ਕਈ ਲੋਕਾਂ ਖਿਲਾਫ ਮੁਕਦਮਾ ਦਰਜ ਕੀਤਾ ਗਿਆ ਸੀ। ਅੱਜ ਪੁਲਿਸ ਵਲੋਂ ਲਾੜਾ ਅਤੇ ਉਸਨੂੰ ਅਗਵਾ ਕਰਨ ਵਾਲਾ ਇਕ ਵਿਅਕਤੀ ਵੀ ਗਿਰਫ਼ਤਾਰ ਕਰ ਲਿਆ ਗਿਆ ਹੈ। ਡੀਐਸਪੀ ਜਤਿੰਦਰਜੀਤ ਸਿੰਘ ਅਤੇ ਡੀਐਸਪੀ ਹਰਸ਼ਪ੍ਰੀਤ ਸਿੰਘ ਨੇ ਦਸਿਆ ਕਿ ਪੁਲਿਸ ਵਲੋਂ ਲਾੜੇ ਜੱਗਾ ਸਿੰਘ ਨੂੰ ਦੌਧਰ ਤੋਂ ਬਰਾਮਦ ਕੀਤਾ ਗਿਆ ਅਤੇ ਆਰੋਪੀ ਸੁਰਜੀਤ ਸਿੰਘ ਨੂੰ ਵੀ ਗਿਰਫ਼ਤਾਰ ਕਰ ਲਿਆ ਗਿਆ ਹੈ। ਪੁਲਿਸ ਵਲੋਂ ਮਾਨਯੋਗ ਅਦਾਲਤ ਤੋਂ ਸੁਰਜੀਤ ਸਿੰਘ ਦਾ ਤਿੰਨ ਦਿਨਾਂ ਦਾ ਰਿਮਾਂਡ ਹਾਸਲ ਕੀਤਾ ਗਿਆ ਹੈ।

ਜਗਰਾਓਂ, 30 ਜੁਲਾਈ (ਅਮਿਤ ਖੰਨਾ, ) ਬਲੌਜ਼ਮਜ਼ ਕਾਨਵੈਂਟ ਸਕੂਲ ਸਿੱਧਵਾਂ ਬੇਟ ਰੋਡ ਜਗਰਾਉਂ ਦੇ ਬਾਰ•ਵੀ ਜਮਾਤ ਦੇ ਨਤੀਜੇ ਸ਼ਾਨਦਾਰ ਰਹੇ। ਸਕੂਲ ਵਿਚ ਮੈਡੀਕਲ ਗਰੁੱਪ ਵਿਚੋਂ ਅਮਰਪ੍ਰੀਤ ਕੌਰ ਅਤੇ ਜਸ਼ਨਪ੍ਰੀਤ ਕੌਰ (95.6%),  ਨਾਨ-ਮੈਡੀਕਲ ਵਿਚੋਂ ਅਦਿੱਤੀ ਸੈਣੀ ਅਤੇ ਖੁਸ਼ਦੀਪ ਕੌਰ (95.6%), ਕਮਰਸ ਗੁਰੱਪ ਵਿਚੋਂ ਅਕਸ਼ਿਤ ਮੈਨੀ (95.8%), ਪਰਲ ਢੰਡ ਅਤੇ ਯਸ਼ਿਕਾ ਗੁਪਤਾ (95.6%) ਅਤੇ ਆਰਟਸ ਗਰੁੱਪ ਵਿਚੋਂ ਹਰਸ਼ਵੀਰ ਸਿੰਘ ਸੰਘੇੜਾ (95.4%) ਅੰਕ ਲੈ ਕੇ ਪਹਿਲੇ ਸਥਾਨ ਤੇ ਰਹੇ।ਅਹਿਮ ਗੱਲ ਇਹ ਹੈ ਕਿ ਸਾਰੇ ਹੀ ਬੱਚੇ ਪਹਿਲੇ ਦਰਜੇ ਵਿਚ ਪਾਸ ਹੋਏ। ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਡਾ:ਅਮਰਜੀਤ ਕੌਰ ਨਾਜ਼ ਨੇ ਬੱਚਿਆਂ, ਮਾਪਿਆਂ ਅਤੇ ਅਧਿਆਪਕਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਬੱਚਿਆਂ ਅਤੇ ਅਧਿਆਪਕਾਂ ਦੀ ਜੀ ਤੋੜ ਕੀਤੀ ਹੋਈ ਮਿਹਨਤ ਨੇ ਅੱਜ ਆਪਣਾ ਰੰਗ ਦਿਖਾਇਆ ਹੈ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਬੱਚਿਆਂ ਨੇ ਆਪਣੇ ਅਧਿਆਪਕਾਂ ਵੱਲੋਂ ਕਰਵਾਈ ਹੋਈ ਮਿਹਨਤ ਦੇ ਉੱਤੇ ਪੂਰਾ ਉਤਰਦੇ ਹੋਏ ਅੱਜ ਆਪਣੇ ਨਤੀਜਿਆਂ ਰਾਹੀ ਸਾਬਤ ਕੀਤਾ। ਇੱਥੇ ਅੱਜ ਪੂਰੀ ਮੈਨੇਜ਼ਮੈਂਟ ਨੂੰ ਵੀ ਵਧਾਈ ਦਿੰਦੀ ਹਾਂ ਕਿ ਉਹਨਾਂ ਨੇ ਹਰ ਇੱਕ ਵਧੀਆ ਸਹੂਲਤ ਮੁਹੱਈਆ ਕਰਵਾਈ। ਇਸ ਮੌਕੇ ਸਕੂਲ ਦੇ ਪੈ੍ਰਜ਼ੀਡੈਂਟ ਸ:ਮਨਪ੍ਰੀਤ ਸਿੰਘ ਬਰਾੜ ਅਤੇ ਸ: ਅਜਮੇਰ ਸਿੰਘ ਰੱਤੀਆ ਨੇ ਵੀ ਬੱਚਿਆਂ ਅਤੇ ਮਾਪਿਆਂ ਨੂੰ ਵਧਾਈਆਂ ਦਿੱਤੀਆਂ ਅਤੇ ਅਧਿਆਪਕਾਂ ਨੂੰ ਸਖ਼ਤ ਮਿਹਨਤ ਕਰਵਾਉਣ ਤੇ ਸ਼ੁੱਭ-ਕਾਮਨਾਵਾਂ ਵੀ ਦਿੱਤੀਆਂ।

ਹਠੂਰ,29,ਜੁਲਾਈ-(ਕੌਸ਼ਲ ਮੱਲ੍ਹਾ)-ਬੀਤੀ 22 ਜੂਨ ਨੂੰ ਪਿੰਡ ਲੱਖਾ ਦੇ ਬਜੁਰਗ ਜੋੜੇ ਹਰੀ ਚੰਦ ਅਤੇ ਉਸ ਦੀ ਪਤਨੀ ਸ਼ਾਤੀ ਦੇਵੀ ਦਾ ਘਰ ਵਿਚ ਹੀ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਸੀ ਅਤੇ ਪੰਜਾਬ ਪੁਲਿਸ ਥਾਣਾ ਹਠੂਰ ਨੇ ਅਣਪਛਾਤੇ ਕਾਤਲਾ ਖਿਲਾਫ ਮਾਮਲਾ ਦਰਜ ਕਰ ਲਿਆ ਸੀ ਪਰ 37 ਦਿਨ ਬੀਤ ਜਾਣ ਦੇ ਬਾਵਜੂਦ ਅੱਜ ਤੱਕ ਹਠੂਰ ਪੁਲਿਸ ਨੇ ਕਿਸੇ ਵੀ ਕਾਤਲ ਨੂੰ ਗ੍ਰਿਫਤਾਰ ਨਹੀ ਕੀਤੀ।ਬਜੁਰਗ ਜੋੜੇ ਦੇ ਕਾਤਲਾ ਨੂੰ ਜਲਦੀ ਗ੍ਰਿਫਤਾਰ ਕਰਨ ਲਈ ਅੱਜ ਵਿਧਾਨ ਸਭਾ ਹਲਕਾ ਜਗਰਾਓ ਦੇ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਪੁਲਿਸ ਥਾਣਾ ਹਠੂਰ ਦੇ ਇੰਚਾਰਜ ਅਰਸ਼ਪ੍ਰੀਤ ਕੌਰ ਗਰੇਵਾਲ ਨਾਲ ਮੀਟਿੰਗ ਕੀਤੀ।ਇਸ ਮੌਕੇ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਕਿਹਾ ਕਿ ਬੜੇ ਦੁੱਖ ਦੀ ਗੱਲ ਹੈ ਕਿ ਇੱਕ ਮਹੀਨੇ ਤੋ ਵੱਧ ਸਮਾਂ ਬੀਤ ਚੁੱਕਾ ਹੈ ਅਤੇ ਕਾਤਲ ਪੁਲਿਸ ਦੀ ਪਕੜ ਤੋ ਬਾਹਰ ਹਨ ਅਤੇ ਇਲਾਕੇ ਦੇ ਲੋਕਾ ਨੇ ਭਾਵੇ ਥਾਣਾ ਹਠੂਰ ਅੱਗੇ ਰੋਸ ਧਰਨਾ ਵੀ ਦਿੱਤਾ ਪਰ ਪੁਲਿਸ ਟੱਸ ਤੋ ਮੱਸ ਨਹੀ ਹੋਈ ਜਿਸ ਕਰਕੇ ਅੱਜ ਹਠੂਰ ਪੁਲਿਸ ਤੇ ਸਵਾਲਿਆ ਨਿਸਾਨ ਲੱਗ ਚੁੱਕਾ ਹੈ।ਉਨ੍ਹਾ ਕਿਹਾ ਕਿ ਕਤਾਲਾ ਨੂੰ ਗ੍ਰਿਫਤਾਰ ਕਰਵਾਉਣ ਲਈ ਮੈ ਇਨਸਾਫ ਪਸੰਦ ਲੋਕਾ ਦੇ ਨਾਲ ਹਾਂ ਅਤੇ ਹਰ ਸੰਘਰਸ ਦਾ ਖੁੱਲ੍ਹ ਕੇ ਸਾਥ ਦੇਵਾਗੀ।ਇਸ ਮੌਕੇ ਇੰਚਾਰਜ ਅਰਸ਼ਪ੍ਰੀਤ ਕੌਰ ਗਰੇਵਾਲ ਨੇ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਵਿਸਵਾਸ ਦਿਵਾਇਆ ਕਿ ਇੱਕ ਦੋ ਦਿਨਾ ਵਿਚ ਹੀ ਕਾਤਲਾ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।ਹੁਣ ਦੇਖਣ ਵਾਲੀ ਗੱਲ ਹੈ ਕਿ ਹਠੂਰ ਪੁਲਿਸ ਕਾਤਲਾ ਨੂੰ ਕਦੋ ਗ੍ਰਿਫਤਾਰ ਕਰਦੀ ਹੈ ਇਹ ਤਾ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।

 ਮੀਟਿੰਗ ਵਿੱਚ ਮੀਤ ਪ੍ਰਧਾਨ ਨੇ ਸੜਕ 'ਤੇ ਨਜ਼ਾਇਜ ਕਬਜਿਆ ਬਾਰੇ ਦਿੱਤੀਆ ਲਿਖਤੀ ਸ਼ਿਕਾਇਤਾ
ਜਗਰਾਓਂ, 29 ਜੁਲਾਈ (ਅਮਿਤ ਖੰਨਾ,) ਨਗਰ ਕੌਂਸਲ ਜਗਰਾਓ ਦੀ ਮੀਟਿੰਗ ਪ੍ਰਧਾਨ ਜਤਿੰਦਰਪਾਲ ਰਾਣਾ ਤੇ ਕਾਰਜ ਸਾਧਕ ਅਫਸਰ ਪ੍ਰਦੀਪ ਦੌਧਰੀਆਂ ਦੀ ਅਗਵਾਈ ‘ਚ ਟਾਊਨ ਹਾਲ ‘ਚ ਹੋਈ। ਅੱਜ ਵੀ ਮੀਟਿੰਗ ਵਿਚ ਮੀਡਿਆ ਤੋਂ ਦੂਰੀ ਬਣਾਕੇ ਰੱਖੀ ਗਈ। ਮੀਟਿੰਗ ਦੌਰਾਨ ਅਜਾਦ ਕੌਂਸਲਰ ਅਮਰਜੀਤ ਸਿੰਘ ਮਾਲਵਾ ਵਲੋਂ ਮੀਡੀਆ ਨੂੰ ਅੰਦਰ ਬੁਲਾਕੇ ਕਵਰੇਜ ਕਰਨ ਦੀ ਇਜਾਜਤ ਦੇਣ ਲਈ ਕਿਹਾ ਅਤੇ ਦਸਿਆ ਕਿ ਪਹਿਲਾਂ ਵੀ ਮੀਡਿਆ ਵਲੋਂ ਮੀਟਿੰਗ ਹਾਲ ਵਿਚ ਆਕੇ ਸਾਰੀ ਕਾਰਵਾਈ ਅਖਬਾਰਾਂ ਰਾਹੀਂ ਲੋਕਾਂ ਤਕ ਪਹੁੰਚਾਈ ਜਾਂਦੀ ਸੀ ਅਤੇ ਇਸ ਸੰਬੰਧੀ  ਕੰਵਰਪਾਲ ਸਿੰਘ ਵਲੋਂ ਵੀ ਸਮਰਥਨ ਜਤਾਇਆ ਗਿਆ।ਇਸ ਮੀਟਿੰਗ ‘ਚ ਸਫਾਈ ਸੇਵਕਾਂ ਨੂੰ ਕੱਚੇ ਤੌਰ 'ਤੇ ਰੱਖਣ ਲਈ ਸਰਬਸੰਮਤੀ ਨਾਲ ਫੈਸਲਾ ਲਿੱਤਾ ਗਿਆ। ਮੀਟਿੰਗ ‘ਚ ਕਾਰਜ ਸਾਧਕ ਅਫਸਰ ਨੇ ਦੱਸਿਆ ਕਿ ਸਫਾਈ ਸੇਵਕਾਂ ਦੀ ਭਰਤੀ ਉਮਰ ,ਯੋਗਤਾ ਅਤੇ ਕਾਨੂੰਨ ਮੁਤਾਬਿਕ ਹੀ ਕੀਤੀ ਜਾਵੇਗੀ। ਮੀਟਿੰਗ ‘ਚ ਨਗਰ ਕੌਂਸਲ ਦੇ ਮੀਤ ਪ੍ਰਧਾਨ ਗੁਰਪ੍ਰੀਤ ਕੌਰ ਤੱਤਲਾ ਨੇ ਪ੍ਰਧਾਨ ਨੂੰ ਵਾਰਡ ਵਿੱਚ ਆ ਰਹੀਆ ਦਿੱਕਤਾ ਸਬੰਧੀ ਲ਼ਿਖਤੀ ਸਿਕਾਇਤਾਂ ਦਿੱਤੀਆ ਅਤੇ ਦੱਸਿਆ ਕਿ ਨਗਰ ਕੌਸਲ ਦੇ ਅਧਿਕਾਰੀ ਨੂੰ 7-8 ਵਾਰ ਜਬਾਨੀ ਕਹਿਣ ਦੇ ਬਾਵਜੂਦ ਵੀ ਕੰਮ ਨਹੀਂ ਹੋਇਆ। ਉਹਨਾਂ ਲਿਖਤੀ ਸਿਕਾਇਤ ਵਿੱਚ ਦੱਸਿਆ ਕਿ ਵਾਰਡ ਨੰ: 1 ਦੀ ਇੱਕ ਗਲੀ ਦੀ ਸੜਕ ਦੱਬ ਗਈ ਹੈ ਅਤੇ ਚੈਂਬਰ ਵੀ ਸੜਕ ਦੇ ਵਿੱਚ ਹੀ ਦੱਬ ਦਿੱਤੇ ਗਏ ਹਨ ਜਦਕਿ ਚੈਬਰ ਦੇ ਢੱਕਣ ਸੜਕ ਦੇ ਉਪਰ ਹੋਣੇ ਚਾਹੀਦੇ ਹਨ।ਤਤਲਾ ਨੇ ਇਹ ਵੀ ਦੱਸਿਆ ਕਿ ਓਨਾ ਦੇ ਵਾਰਡ ਦੇ ਵਿੱਚ ਨਗਰ ਕੌਸਲ ਦੀ ਜਗਾ 'ਤੇ ਨਜ਼ਾਇਜ ਕਬਜੇ ਹਨ ਅਤੇ ਇਸ ਸਬੰਧੀ ਵੀ ਅਫਸਰਾਂ ਨੂੰ ਜੁਬਾਨੀ  ਤੌਰ ਤੇ ਕਈ ਵਾਰ ਕਹਿਣ ਦੇ ਬਾਵਜੂਦ ਵੀ ਪਰਨਾਲਾ ਉੱਥੇ ਦਾ ਉੱਥੇ ਹੀ ਹੈ। ਉਹਨਾਂ ਚੇਤਾਵਨੀ ਦਿੰਦਿਆ ਕਿਹਾ ਕਿ ਜੇਕਰ ਮੇਰੇ ਵਾਰਡ ਦੇ ਵਿੱਚ ਕੋਈ ਅਣਸੁਹਾਣੀ ਘਟਨਾ ਵਾਪਰਦੀ ਹੈ ਤਾਂ ਉਸ ਦੀ ਜਿੰਮੇਵਾਰ ਨਗਰ ਕੌਸਲ ਹੋਵੇਗੀ। ਉਹਨਾਂ ਇੱਥੋ ਤੱਕ ਇਹ ਵੀ ਕਹਿ ਦਿੱਤਾ ਕਿ ਨਗਰ ਕੌਸਲ ਜਗਰਾਓ ਤੋ ਕੋਈ ਵੀ ਆਸ ਨਹੀ ਹੈ।ਮੀਟਿੰਗ ‘ਚ ਕੌਸਲਰ ਅਮਰਜੀਤ ਮਾਲਵਾ ਨੇ ਬਿਜਲੀ ਦੇ ਸਮਾਨ ਨਾ ਹੋਣ 'ਤੇ ਇਤਰਾਜ਼ ਪ੍ਰਗਟਾਇਆ। ਕੌਸਲਰ ਰਮੇਸ਼ ਕੁਮਾਰ ਮਹੇਸ਼ੀ ਸਹੋਤਾ ਨੇ ਆਪਣੇ ਵਾਰਡ ਅੰਦਰ ਸੀਵਰੇਜ਼ ਦੀ ਸਮੱਸਿਆ ਢੱਕਣ ਟੁੱਟਣ ਸਬੰਧੀ , ਸਫਾਈ ਸੇਵਕਾਂ ਦੀ ਬੀਟ ਦੇ ਜਾਣਨ ਸਬੰਧੀ ਮੀਟਿੰਗ ‘ਚ ਕਿਹਾ । ਅਕਾਲੀ ਦਲ ਦੇ ਕੌਸਲਰ ਸਤੀਸ਼ ਕੁਮਾਰ ਪੱਪੂ ਨੇ ਕਿਹਾ ਕਿ ਬਣਾਉਣ ਵਾਲੀਆ ਸੜਕਾਂ ਦੀ ਮਿਣਤੀ ਕਿਸੇ ਅਧਿਕਾਰੀ ਤੋ ਕਰਾਉਣ ਨਾ ਕਿ ਕਿਸੇ ਸੇਵਾਦਾਰ ਤੋ। ਉਹਨਾਂ ਦੱਸਿਆ ਕਿ ਇੰਜੀਨੀਅਰ ਨੂੰ ਪਤਾ ਹੁੰਦਾ ਹੈ ਕਿ ਕਿੱਥੋ ਸੜਕ ਉੱਚੀ ਤੇ ਨੀਵੀ ਬਣਾਉਣੀ ਹੈ।ਵਾਰਡ ਨੰ: 23 ਦੇ ਕੌਸਲਰ ਕਮਲਜੀਤ ਕੌਰ ਕਲੇਰ ਨੇ ਕਿਹਾ ਕਿ ਮੇਰਾ ਵਾਰਡ ਹਨੇਰੇ ਵਿੱਚ ਡੁੱਬਿਆ ਪਿਆ ਹੈ ਅਤੇ ਨਗਰ ਕੌਸਲ ਵੱਲੋ ਕੋਈ ਵੀ ਬਿਜਲੀ ਦਾ ਪ੍ਰਬੰਧ ਨਹੀ ਕੀਤਾ ਜਾ ਰਿਹਾ ਹੈ। ਉਹਨਾਂ ਸੀਵਰੇਜ਼ ਦੀ ਸਮੱਸਿਆ ਬਾਰੇ ਵੀ ਕਾਰਜ ਸਾਧਕ ਅਫਸਰ ਨੂੰ ਜਾਣੂ ਕਰਵਾਇਆ। ਇਸ ਮੌਕੇ ਕੌਸਲਰ ਹਿੰਮਾਸ਼ੂ ਮਲਿਕ, ਕੌਂਸਲਰ ਵਿਕਰਮ ਜੱਸੀ ,ਕੌਸਲਰ ਦਰਸ਼ਨਾਂ ਦੇਵੀ , ਕੌਸਲਰ ਡਿੰਪਲ ਗੋਇਲ , ਕੌਸਲਰ ਕਵਿਤਾ ਰਾਣੀ ਆਦਿ  ਤੋ ਇਲਾਵਾ ਹੋਰ ਵੀ ਕਈ ਕੌਸਲਰ ਮੌਜੂਦ ਸਨ।