ਲੁਧਿਆਣਾ

ਜਗਰਾਉਂ/ਲੁਧਿਆਣਾ, ਜੂਨ 2020 -(ਰਸ਼ਪਾਲ ਸ਼ੇਰਪੁਰੀ/ਮਨਜਿੰਦਰ ਗਿੱਲ)-

ਵਿਵੇਕਸ਼ੀਲ ਸੋਨੀ, ਆਈ.ਪੀ.ਐਸ,ਐਸ.ਐਸ.ਪੀ,ਲੁਧਿਆਣਾ(ਦਿਹਾਤੀ) ਵੱਲੋ  ਪੁਲਿਸ ਜਿਲ੍ਹਾ ਲੁਧਿਆਣਾ(ਦਿਹਾਤੀ) ਨੂੰ ਨਸ਼ਾਂ ਮੁਕਤ ਅਤੇ ਸਮਾਜ ਵਿਰੋਧੀ ਅਨਸਰਾਂ ਨੂੰ ਕਾਬੂ ਕਰਨ ਲਈ ਆਰੰਭ ਕੀਤੀ ਗਈ ਵਿਸ਼ੇਸ਼ ਮੁਹਿੰਮ ਦੌਰਾਨ ਰਾਜਬੀਰ ਸਿੰਘ, ਪੀ.ਪੀ.ਐਸ,ਪੁਲਿਸ ਕਪਤਾਨ(ਡੀਂ),ਲੁਧਿਆਣਾ(ਦਿਹਾਤੀ) ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਸ੍ਰਦਿਲਬਾਗ ਸਿੰਘ,ਪੀ.ਪੀ.ਐਸ, ਡੀ.ਐਸ.ਪੀ(ਡੀ),ਲੁਧਿ:(ਦਿਹਾਤੀ) ਅਤੇ ਐਸ.ਆਈ ਸਿਮਰਜੀਤ ਸਿੰਘ, ਇੰਚਾਰਜ ਸੀ.ਆਈ.ਏ ਸਟਾਫ ਜਗਰਾਉ ਦੀ ਨਿਗਰਾਨੀ ਹੇਠ ਗੁਰਸੇਵਕ ਸਿੰਘ ਸੀ.ਆਈ.ਏ ਸਟਾਫ ਨੇ ਸਮੇਤ ਪੁਲਿਸ ਪਾਰਟੀ ਦੇ ਪਿੰਡ ਗੋਰਸੀਆਂ ਮੱਖਣ ਵਿਖੇ ਨਾਕਾਬੰਦੀ ਕੀਤੀ ਹੋਈ ਸੀ ਤਾਂ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਮੁਹੰਮਦ ਲਤੀਫ ਪੁੱਤਰ ਮੁਹੰਮਦ ਗੁਲਜਾਰ ਉਰਫ ਮੁਹੰਮਦ ਮਕਬੂਲ ਵਾਸੀ ਦਰਸੂ ਜਗੀਰ ਪੁਲਿਸ ਸਟੇਸ਼ਨ ਵਾਟਰਗਾਮ ਜਿਲ੍ਹਾ ਬਾਰਾਮੂਲਾ ਜੰਮੂ ਅਤੇ ਕਸ਼ਮੀਰ, ਜਸਵੀਰ ਸਿੰਘ ਟਿਲੂ ਪੁੱਤਰ ਸੰਬੂ ਸਿੰਘ ਵਾਸੀ ਪਿੰਡ ਹੂਜਰਾ ਥਾਣਾ ਸਿੱਧਵਾਂ ਬੇਟ, ਸਤਨਾਮ ਸਿੰਘ ਪੁੱਤਰ ਦਲਬੀਰ ਸਿੰਘ ਅਤੇ ਸੁਖਵਿੰਦਰ ਸਿੰਘ ਉਰਫ ਕਾਕੂ ਸਿੰਘ ਵਾਸੀਆਨ ਸੰਗੋਵਾਲ ਜਿਲ੍ਹਾ ਜਲੰਧਰ ਜੋ ਭੁੱਕੀ ਚੂਰਾ ਪੋਸਤ ਵੇਚਣ ਦਾ ਧੰਦਾ ਕਰਦੇ ਹਨ।ਜੋ ਅੱਜ ਵੀ ਟਰੱਕ ਨੰਬਰ ਜੇ.ਕੇ-05ਸੀ-6797 ਵਿੱਚ ਭਾਰੀ ਮਾਤਰਾ ਵਿੱਚ ਭੁੱਕੀ ਚੂਰਾ ਜੰਮੂ ਕਸ਼ਮੀਰ ਤੋ ਲਿਆ ਕੇ ਸਿੱਧਵਾਂ ਬੇਟ ਅਤੇ ਜਗਰਾਉ ਏਰੀਏ ਵਿੱਚ ਵੇਚਣ ਲਈ ਆ ਰਹੇ ਹਨ।ਜਿਸ ਤੇ ਉਕਤਾਨ ਦੋਸ਼ੀਆਨ ਵਿਰੁੱਧ ਮੁਕੱਦਮਾ ਨੰਬਰ 75 ਅ/ਧ 15/25/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਸਿੱਧਵਾਂ ਬੇਟ ਦਰਜ ਕੀਤਾ ਗਿਆ।ਐਸ.ਆਈ ਬਲਦੇਵ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੇ ਪੁਲ ਨਹਿਰ ਭਰੋਵਾਲ ਨਾਕਾਬੰਦੀ ਕਰਕੇ ਹੰਬੜਾਂ ਸਾਈਡ ਤੋਂ ਆ ਰਹੇ ਟਰੱਕ ਨੰਬਰ ਜੇ.ਕੇ-05ਸੀ-6797 ਨੂੰ ਰੋਕਿਆਂ ਤਾਂ ਦੋ ਵਿਅਕਤੀ ਟਰੱਕ ਰੋਕ ਕੇ ਮੌਕਾ ਤੋ ਫਰਾਰ ਹੋ ਗਏ।ਡਰਾਇਵਰ ਸਾਈਡ ਬੈਠੇ ਵਿਅਕਤੀ ਦਾ ਨਾਮ ਪਤਾ ਪੁੱਛਿਆ ਤਾਂ ਉਸ ਨੇ ਆਪਣਾ ਨਾਮ ਪਤਾ ਮੁਹੰਮਦ ਲਤੀਫ ਪੁੱਤਰ ਮੁਹੰਮਦ ਗੁਲਜਾਰ ਉਰਫ ਮੁਹੰਮਦ ਮਕਬੂਲ ਵਾਸੀ ਦਰਸੂ ਜਗੀਰ ਪੁਲਿਸ ਸਟੇਸ਼ਨ ਵਾਟਰਗਾਮ ਜਿਲ੍ਹਾ ਬਾਰਾਮੂਲਾ ਜੰਮੂ ਅਤੇ ਕਸ਼ਮੀਰ ਅਤੇ ਕੰਡਕਟਰ ਸਾਈਡ ਬੈਠੇ ਵਿਅਕਤੀ ਨੇ ਆਪਣਾ ਨਾਮ ਜਸਵੀਰ ਸਿੰਘ ਟਿਲੂ ਪੁੱਤਰ ਸੰਬੂ ਸਿੰਘ ਵਾਸੀ ਹੂਜਰਾ ਥਾਣਾ ਸਿੱਧਵਾਂ ਬੇਟ ਦੱਸਿਆ।ਇਸੇ ਦੌਰਾਨ ਇਤਲਾਹ ਮਿਲਣ ਤੇ  ਦਿਲਬਾਗ ਸਿੰਘ, ਪੀ.ਪੀ.ਐਸ, ਡੀ.ਐਸ.ਪੀ (ਡੀ),ਲੁਧਿ: (ਦਿਹਾਤੀ) ਵੀ ਮੌਕਾ ਪਰ ਪੁੱਜ ਗਏ।ਜਿਹਨਾਂ ਦੀ ਨਿਗਰਾਨੀ ਹੇਠ ਟਰੱਕ ਦੀ ਤਲਾਸ਼ੀ ਕੀਤੀ ਗਈ ਤਾਂ ਟਰੱਕ ਵਿੱਚੋ 150 ਪੇਟੀਆਂ ਸੇਬ ਦੇ ਹੇਠਾਂ ਤੋ 30 ਗੱਟੂ ਪਲਾਸਟਿਕ ਭੁੱਕੀ ਚੂਰਾ ਪੋਸਤ ਬਰਾਮਦ ਹੋਏ।ਜਿਹਨਾਂ ਦਾ ਵਜਨ ਕਰਨ ਤੇ ਹਰੇਕ ਗੱਟ੍ਵ 35/35 ਕਿਲੋਗ੍ਰਾਮ ਹੋਏ।(ਕੁੱਲ 10 ਕੁਇੰਟਲ 50 ਕਿਲੋਗ੍ਰਾਮ)।ਗ੍ਰਿਫਤਾਰ ਦੋਸ਼ੀਆਨ ਦਾ ਪੁਲਿਸ ਰਿਮਾਂਡ ਹਾਸਲ ਕਰਕੇ ਉਹਨਾਂ ਪਾਸੋ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ।ਜਿਹਨਾਂ ਪਾਸੋ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।

ਜਗਰਾਉਂ /ਲੁਧਿਆਣਾ, ਜੂਨ 2020 ( ਚਰਨਜੀਤ ਸਿੰਘ ਚੰਨ/ ਮਨਜਿੰਦਰ ਗਿੱਲ )

ਪਿਛਲੇ ਦਿਨੀਂ ਸਰਦਾਰ ਨਰਿੰਦਰ ਸਿੰਘ ਧਾਲੀਵਾਲ ਨੇ ਐਸਡੀਐਮ ਜਗਰਾਉਂ ਦਾ ਅਹੁਦਾ ਸੰਭਾਲਿਆ। ਉਨ੍ਹਾਂ ਦੇ ਅਹੁਦਾ ਸੰਭਾਲਣ ਉਪਰੰਤ ਦਾ ਗਰੀਨ ਮਿਸ਼ਨ ਪੰਜਾਬ ਟੀਮ ਅਤੇ ਜਨਸ਼ਕਤੀ ਨਿਊਜ਼ ਪੰਜਾਬ ਦੇ ਮੈਂਬਰ ਸਾਹਿਬਾਨ ਵੱਲੋ ਉਨ੍ਹਾਂ ਨੂੰ ਜੀ ਆਇਆਂ ਆਖਿਆ ਗਿਆ। ਜਿੱਥੇ ਐਸਡੀਐਮ ਸਰਦਾਰ ਨਰਿੰਦਰ ਸਿੰਘ ਧਾਲੀਵਾਲ ਨੇ ਦਾ ਗਰੀਨ ਮਿਸ਼ਨ ਪੰਜਾਬ ਟੀਮ ਨਾਲ ਮਿਲ ਕੇ ਕੰਮ ਕਰਨ ਲਈ ਆਖਿਆ ਉੱਥੇ ਉਨ੍ਹਾਂ ਨੇ ਜਨ ਸ਼ਕਤੀ ਨਿਊਜ਼ ਪੰਜਾਬ ਦੇ ਪ੍ਰਤੀਨਿਧਾਂ ਨਾਲ ਗੱਲਬਾਤ ਵੀ ਕੀਤੀ। ਇਸ ਸਮੇਂ ਉਨ੍ਹਾਂ ਗੱਲਬਾਤ ਦੌਰਾਨ ਸਮੇਂ ਦੀ ਮੁੱਖ ਲੋੜ ਪ੍ਰਦੂਸ਼ਣ ਮੁਕਤ ਪੰਜਾਬ ਲਈ ਆਪਣਾ ਬਣਦਾ ਯੋਗਦਾਨ ਪਾਉਣ ਅਤੇ ਜਗਰਾਉਂ ਨੂੰ ਸੁੰਦਰ ਅਤੇ ਪ੍ਰਦੂਸ਼ਣ ਮੁਕਤ ਸਾਫ਼ ਸੁਥਰਾ ਸ਼ਹਿਰ ਬਣਾਉਣ ਲਈ ਯੋਗ ਉਪਰਾਲੇ ਕਰਨ ਦਾ ਵਾਅਦਾ ਵੀ ਕੀਤਾ। ਇਸ ਸਮੇਂ ਉਨ੍ਹਾਂ ਨਾਲ ਮੌਜੂਦ ਸਨ ਤਹਿਸੀਲਦਾਰ ਸ਼੍ਰੀ ਮਨਮੋਹਨ ਕੌਸ਼ਕ , ਸਰਦਾਰ ਅਮਨਜੀਤ ਸਿੰਘ ਖਹਿਰਾ ਆਡੀਟਰ ਜਨਸ਼ਕਤੀ ਨਿਊਜ਼ ਪੰਜਾਬ, ਪ੍ਰੋਫੈਸਰ ਕਰਮ ਸਿੰਘ ਸੰਧੂ ,ਸਰਦਾਰ ਸੱਤਪਾਲ ਸਿੰਘ ਦੇਹੜਕਾ,  ਮਾਸਟਰ ਹਰਨਰਾਇਣ ਸਿੰਘ ਮੱਲੇਆਣਾ, ਸ਼੍ਰੀ ਕੇਵਲ ਮਲਹੋਤਰਾ, ਸਰਦਾਰ ਚਰਨਜੀਤ ਸਿੰਘ ਚੰਨ, ਸਰਦਾਰ ਗੁਰਕੀਰਤ ਸਿੰਘ ਜਗਰਾਓਂ ਅਤੇ ਸਰਦਾਰ ਮਨਜਿੰਦਰ ਗਿੱਲ ਮੈਨੇਜਰ ਜਨਸ਼ਕਤੀ ਨਿਊਜ਼ ਪੰਜਾਬ ਆਦਿ।

ਕਾਉਂਕੇ ਕਲਾਂ, ਜੂਨ 2020 ( ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਇਸ ਵਾਰ ਝੋਨੇ ਦੀ ਲੁਆਈ ਦੀ ਮਜਦੂਰੀ ਦੇ ਰੇਟ ਨੂੰ ਲੈ ਕੇ ਕੁਝ ਸਰਾਰਤੀ ਅਨਸਰ ਕਿਸਾਨਾਂ ਮਜਦੂਰਾਂ ਦੇ ਆਪਸੀ ਭਾਈਚਾਰਕ ਰਿਸਤੇ ਵਿੱਚ ਤਰੇੜਾ ਪਾਉਣ ਵਿੱਚ ਲੱਗੇ ਹੋਏ ਹੋਏ ਹਨ ਜਿੰਨਾ ਨੂੰ ਆਪਣੀਆਂ ਇੰਨਾ ਹਰਕਤਾਂ ਤੋ ਬਾਝ ਆਉਣਾ ਚਾਹੀਦਾ ਹੈ। ਇਸ ਸਬੰਧੀ ਗੱਲਬਾਤ ਕਰਦਿਆ ਵੱਖ ਵੱਖ ਖੇਤਰਾਂ ਦੀਆਂ ਪ੍ਰਮੱੁਖ ਸਖਸੀਅਤਾਂ ਸਰਪੰਚ ਜਗਜੀਤ ਸਿੰਘ ਕਾਉਂਕੇ,ਜੱਥੇਦਾਰ ਤ੍ਰਲੋਕ ਸਿੰਘ ਡੱਲਾ,ਸਮਾਜ ਸੇਵੀ ਆਗੂ ਗੁਰਮੇਲ ਸਿੰਘ ਦੋਹਾ ਕਤਰ ਵਾਲੇ,ਗੁਰਪ੍ਰੀਤ ਸਿੰਘ ਗੋਪੀ,ਜਸਦੇਵ ਸਿੰਘ ਕਾਉਂਕੇ,ਜੱਗਾ ਸਿੰਘ ਸੇਖੋ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਮੱਦੇਨਜਰ ਲੱਗੇ ਲਾਕਡਾਉਨ ਦੌਰਾਨ ਪੰਜਾਬ ਵਿੱਚੋ ਬਹੁਤੇ ਮਜਦੂਰ ਆਪਣੇ ਆਪਣੇ ਰਾਜਾਂ ਵਿੱਚ ਜਾ ਚੱੁਕੇ ਹਨ ਜਿਸ ਕਾਰਨ ਹੁਣ ਝੋਨੇ ਦੀ ਬਿਜਾਈ ਨੂੰ ਲੈ ਕੇ ਕਿਸਾਨਾ ਨੂੰ ਭਾਰੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਉਨਾ ਕਿਹਾ ਕਿ ਕਿਸਾਨਾਂ ਤੇ ਲੋਕਲ ਮਜਦੂਰਾਂ ਦਾ ਆਪਸੀ ਪਰਿਵਾਰਿਕ ਰਿਸਤਾ ਹੈ ਜਿਸ ਵਿੱਚ ਕੁਝ ਸਰਾਰਤੀ ਅਨਸਰ ਬੇਵਜਾ ਤੂਲ ਦੇ ਕੇ ਕਿਸਾਨਾਂ ਮਜਦੂਰਾਂ ਦੇ ਰਿਸਤੇ ਵਿੱਚ ਤਰੇੜਾ ਲਿਆ ਰਹੇ ਹਨ।ਆਪਣੇ ਰਾਜਾ ਵਿੱਚ ਜਾ ਚੱੁਕੇ ਪ੍ਰਵਾਸੀ ਮਜਦੂਰਾਂ ਤੋ ਬਾਅਦ ਹੁਣ ਕਿਸਾਨਾਂ ਨੂੰ ਆਪਣੇ ਲੋਕਲ ਮਜਦੂਰਾਂ ਤੇ ਹੀ ਝੋਨੇ ਦੀ ਲੁਆਈ ਦੀ ਆਸ ਹੈ ਜਾਂ ਫਿਰ ਸਿੱਧੀ ਬਿਜਾਈ ਕਰਨ ਦਾ ਹੀ ਉਨਾ ਕੋਲ ਢੁਕਵਾਂ ਰਸਤਾ ਹੈ।ਉਨਾ ਕਿਹਾ ਕਿ ਪੰਜਾਬ ਦੇ ਬਹੁਤੇ ਹਿੱਸਿਆ ਵਿੱਚ ਕਿਸਾਨ ਮਜਦੂਰਾਂ ਨੂੰ ਝੋਨੇ ਦੀ ਲੁਆਈ ਦਾ 3000 ਤੋ 3500 ਰੁਪਏ ਪ੍ਰਤੀ ਏਕੜ ਦੇਣ ਨੂੰ ਤਿਆਰ ਹਨ ਜੋ ਸਮੇ ਤੇ ਮਹਿੰਗਾਈ ਅਨੁਸਾਰ ਠੀਕ ਵੀ ਹੈ ਪਰ ਕੁਝ ਸਰਾਰਤੀ ਅਨਸਰ ਝੋਨੇ ਦੀ ਲੁਆਈ ਪ੍ਰਤੀ ਏਕੜ 5000 ਤੋ 6000 ਮੰਗ ਕੇ ਹੋਰਨਾਂ ਕਿਸਾਨਾਂ ਮਜਦੂਰਾ ਦੇ ਰਿਸਤਿਆਂ ਨੂੰ ਖਰਾਬ ਕਰ ਰਹੇ ਹਨ।ਅੱਤ ਦੀ ਮਹਿੰਗਾਈ ਕਾਰਨ ਬਹੁਤੇ ਗਰੀਬ ਕਿਸਾਨ ਇੰਨਾ ਝੋਨੇ ਦੀ  ਲੁਆਈ ਦਾ ਰੇਟ ਦੇਣ ਤੋ ਅਸਮਰਥ ਹਨ।ਉਨਾ ਕਿਹਾ ਕਿ ਲੱਗੇ ਲਕਾਡਾਉਨ –ਕਰਫਿਉ ਦੌਰਾਨ ਗਰੀਬ ਵਰਗ ਦੀ ਕਿਸਾਨਾਂ ਤੇ ਹੋਰਨਾ ਸਮਾਜ ਸੇਵੀ ਸੰਸਥਾਵਾਂ ਨੇ ਹੀ ਬਾਂਹ ਫੜੀ ਸੀ ਤੇ ਮਜਦੂਰਾਂ ਨੂੰ ਘਰ ਬੈਠਿਆਂ ਹੀ ਰਾਸਨ ਮੁਹੱਈਆਂ ਕਰਵਾਇਆ ਸੀ ਤੇ ਹੁਣ ਮਜਦੂਰ ਵਰਗ ਨੂੰ ਵੀ ਚਾਹੀਦਾ ਹੈ ਕਿ ਉਹ ਹੁਣ ਸੰਕਟ ਦੇ ਸਮੇ ਕਿਸਾਨ ਵਰਗ ਦਾ ਸਾਥ ਦੇਣ।ਉਨਾ ਕਿਹਾ ਕਿ ਕਿਸਾਨਾ ਮਜਦੂਰਾਂ ਦਾ ਆਪਸੀ ਪਰਿਵਾਰਿਕ ਰਿਸਤਾ ਹੈ ਤੇ ਕਿਸੇ ਭੀੜ ਪੈਣ ਦੇ ਸਮੇ ਗਰੀਬ ਵਰਗ ਦੀ ਮੱਦਦ ਕਿਸਾਨ ਵਰਗ ਹੀ ਕਰਦਾ ਹੈ ਤੇ ਹੁਣ ਮਜਦੂਰ ਵਰਗ ਨੂੰ ਵੀ ਚਾਹੀਦਾ ਹੈ ਕਿ ਉਹ ਆਪਣੀ ਬਣਦੀ ਜਾਇਜ ਮਜਦੂਰੀ ਲਵੇ ਤੇ ਕਿਸੇ ਗਲਤ ਅਨਸਰ ਦੇ ਬਹਿਕਾਵੇ ਵਿੱਚ ਨਾ ਆਵੇ।

ਰਾਏਕੋਟ/ਲੁਧਿਆਣਾ -(ਰਾਣਾ ਸ਼ੇਖਦੌਲਤ)- ਇੱਕ ਨਾਮਾਲੂਮ ਵਿਅਕਤੀ ਵੱਲੋਂ ਆਪਣੇ ਵਹੀਕਲ ਨੂੰ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਨਾਲ ਚਲਾਉਣ ਕਰਕੇ ਇੱਕ ਸਾਇਕਲ ਸਵਾਰ ਪ੍ਰਵਾਸੀ ਮਜਦੂਰ ਦੀ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ  ਏ.ਐਸ. ਆਈ ਬਲਦੇਵ ਸਿੰਘ ਨੇ ਦੱਸਿਆ ਕਿ ਸਿਵ ਕੁਮਾਰ ਪੁੱਤਰ ਕਮਲੇਸ਼ ਮੰਡਲ ਵਾਸੀ ਹਰਿਆਣਾ ਨੇ ਦੱਸਿਆ ਕਿ ਮੈਂ ਤੇ ਮੇਰਾ ਰਿਸਤੇਦਾਰ ਸੰਨਜੀਤ ਮੰਡਲ ਮਿਤੀ7-06- 2020 ਨੂੰ ਪਿੰਡ ਬਰਮੀ ਤੋਂ ਬੁਰਜ ਲੱਟਾ ਨੂੰ ਸਾਇਕਲ ਤੇ ਜਾ ਰਹੇ ਸਨ ਸੰਨਜੀਤ ਮੰਡਲ ਮੇਰੇ ਤੋਂ ਕੁਝ ਦੂਰੀ ਤੇ ਅੱਗੇ ਜਾ ਰਿਹਾ ਸੀ ਰਾਤ ਦੇ ਕਰੀਬ9 ਵਜੇ ਦਾ ਟਾਈਮ ਸੀ ਅਚਾਨਕ ਇੱਕ ਤੇਜ਼ ਰਫਤਾਰ ਵਹੀਕਲ ਨੇ ਸੰਨਜੀਤ ਮੰਡਲ ਵਿੱਚ ਫੇਟ ਮਾਰਕੇ  ਚਲਾ ਗਿਆ ਜਿਸ ਨਾਲ ਉਸ ਦੀ ਮੌਕੇ ਪਰ ਮੌਤ ਹੋ ਗਈ ਇਹ ਹਾਦਸਾ ਵਹੀਕਲ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਨਾਲ ਚਲਾਉਣ ਕਰਕੇ ਵਾਪਰਿਆ । ਮੁਕੱਦਮਾ ਦਰਜ ਕਰ ਲਿਆ ਹੈ