"ਸੱਚ ਲਿਖਣ ਦਾ ਕਰੋ ਤੁਹੱਈਆ"
ਲਿਖੋ ਥੋੜਾ ਪਰ ਲਿਖਤ ਸੱਚਾਈ ਭਰਪੂਰ ਹੋਵੇ,
ਐਸੀਆਂ ਲਿਖਤਾਂ ਦੀ ਅੱਜਕਲ ਲੋੜ ਭਾਈ।
ਐਵੇਂ ਊਟ ਪਟਾਂਗ ਲਿਖ ਕੇ ਛਪਵਾਈ ਜਾਣਾ,
ਇਸ ਗੱਲ ਦੀ ਲੱਗੀ ਹੈ ਹੁਣ ਹੋੜ ਭਾਈ।
ਲਿਖਣ ਲਈ ਪੜਨਾ ਵੀ ਹੈ ਅਤੀ ਜਰੂਰੀ,
ਕਦੇ ਲਿਖੀਏ ਨਾ ਲਿਖਤ ਤਰੋੜ ਮਰੋੜ ਭਾਈ।
ਰਲਗੱਡ ਸ਼ਬਦਾਵਲੀ ਵੀ ਕਦੇ ਵਰਤੀਏ ਨਾ,
ਇਹ ਆਪਣੀ ਲਿਖਤ ਚੋਂ ਕੱਢੀਏ ਕੋਹੜ ਭਾਈ।
ਸਰਲ ਸਾਦੀ ਭਾਸ਼ਾ ਲਿਖਤਾਂ ਵਿੱਚ ਵਰਤੀਏ ਜੀ,
ਸਹੀ ਹੋਵੇ ਅੱਖਰਾਂ ਦਾ ਵੀ ਜੋੜ ਤੋੜ ਭਾਈ।
ਆਪੇ ਲਿਖਕੇ ਰਚਨਾ ਆਪੇ ਕਈ ਵਾਰ ਪੜੀਏ,
ਸੁਧਰ ਜਾਂਦੀ ਹੈ ਲਿਖਤ ਇਹ ਨਿਚੋੜ ਭਾਈ।
ਦੋਸਤਾਂ ਦੀਆਂ ਲਿਖਤਾਂ ਤੇ ਕਮੈਂਟ ਲਿਖ ਦੇਈਏ,
ਤਾਹੀਓ ਮਿਲੂਗਾ ਤੁਹਾਨੂੰ ਕੋਈ ਮੋੜ ਭਾਈ।
ਦੱਦਾਹੂਰੀਏ ਦੀਆਂ ਗੱਲਾਂ ਦਾ ਸੱਚ ਜਾਣਿਓਂ,
ਕੋਈ ਤੁਹਾਡੀ ਅਕਲ ਨੂੰ ਕਹੂ ਨਾ ਸੌੜ ਭਾਈ।
ਜਸਵੀਰ ਸ਼ਰਮਾ ਦੱਦਾਹੂਰ
ਸ਼੍ਰੀ ਮੁਕਤਸਰ ਸਾਹਿਬ
