ਚੌਕੀਮਾਨ/ਸਵੱਦੀ ਕਲਾਂ (ਨਸੀਬ ਸਿੰਘ ਵਿਰਕ/ ਬਲਜਿੰਦਰ ਸਿੰਘ ਵਿਰਕ) ਇੱਥੋ ਨੇੜਲੇ ਪਿੰਡ ਸੰਗਤਪੁਰਾ (ਢੈਪਈ) ਦੇ ਸਰਕਾਰੀ ਹਾਈ ਸਕੂਲ ਚ ਸਲਾਨਾ ਇਨਾਮ ਵੰਡ ਸਮਾਰੋਹ ਕਰਵਾਇਆ ਗਿਆ । ਇਸ ਸਮਾਗਮ ਵਿੱਚ ਸਰਪੰਚ ਪਲਵਿੰਦਰ ਕੌਰ ਸਿੱਧੂ ਅਤੇ ਪ੍ਰਧਾਨ ਬਿੰਦਰ ਮਨੀਲਾ ਨੇ ਮੁੱਖ ਮਹਿਮਾਨ ਵਜੋਂ ਸਿਰਕਤ ਕੀਤੀ । ਇਸ ਮੌਕੇ ਨੌਵੀਂ ਜਮਾਤ ਦੀ ਵਿਦਿਆਰਥਣ ਬ੍ਰਹਮਜੋਤ ਕੌਰ ਨੇ ਆਪਣੇ ਅੰਗਰੇਜੀ ਭਾਸਣ ਵਿੱਚ ਹਾਜਰੀਨ ਨੂੰ ਜੀ ਆਇਆ ਆਖਦੇ ਹੋਏ ਸਵਾਗਤ ਕੀਤਾ । ਇਸ ਸਮਾਰੋਹ ਦੌਰਾਨ ਸਕੂਲ ਦੇ ਬੱਚਿਆ ਵੱਲੋਂ ਧਾਰਮਿਕ ਸ਼ਬਦ ਗਾਇਨ ਕਰਕੇ ਸਮਾਗਮ ਦਾ ਅਗਾਜ ਕੀਤਾ ਅਤੇ ਰੱਬ ਰੂਪੀ ਬੱਚਿਆ ਵੱਲੋਂ ਰੰਗਾ ਰੰਗ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ । ਇਸ ਤੋਂ ਇਲਾਵਾ ਬੱਚਿਆ ਵੱਲੋਂ ਗੀਤ, ਕੋਰੀਓੁਗ੍ਰਾਫੀ ,ਕਵੀਸ਼ਰੀ , ਨਾਟਕ , ਗਿੱਧਾ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ। ਇਸ ਸਮੇਂ ਪ੍ਰਧਾਨ ਅਤੇ ਉੱਘੇ ਸਮਾਜਸੇਵੀ ਬਿੰਦਰ ਮਨੀਲਾ ਨੇ ਇੱਕਤਰ ਹੋਏ ਨਗਰ ਵਾਸੀਆ ਨੂੰ ਅਤੇ ਸਕੂਲ ਸਟਾਫ ਨੂੰ ਹਰ ਸੰਭਣ ਸਹਾਇਤਾ ਦੇਣ ਅਤੇ ਅਧਿਆਪਕਾ ਦੀ ਘਾਟ ਨੂੰ ਆਪਣੇ ਪੱਧਰ ਤੇ ਪੂਰਾ ਕਰਨ ਦਾ ਭਰੋਸਾ ਦਵਾਇਆ । ਸਮਾਗਮ ਦੌਰਾਨ ਸਲਾਨਾ ਕਾਰਗੁਜਾਰੀ ਚ ਵਧੀਆ ਰਹਿਣ ਵਾਲੇ ਵਿਦਿਆਰਥੀਆ ਅਤੇ ਬਲਾਕ ਪੱਧਰ ਤੇ ਭਾਗ ਲੈਣ ਵਾਲੇ ਬੱਚਿਆ ਨੂੰ ਇਨਾਮ ਵੰਡਦੇ ਹੋਏ ਨਵੇਂ ਦਾਖਲ ਹੋਏ ਵਿਦਿਆਰਥੀਆ ਨੂੰ ਵੀ ਸਨਮਾਨਿਤ ਕੀਤਾ ਗਿਆ । ਇਸ ਮੌਕੇ ਸਮੂਹ ਐਸ ਐਮ ਸੀ ਮੈਂਬਰ ਸਾਬਕਾ ਗ੍ਰਾਮ ਪੰਚਾਇਤ ,ਮੌਜੂਦਾ ਗ੍ਰਾਮ ਪੰਚਾਇਤ ਅਤੇ ਦਾਨੀ ਸੱਜਣਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ । ਇਸ ਸਮਾਗਮ ਦੌਰਾਨ ਸਟੇਜ਼ ਸੈਕਟਰੀ ਦੀ ਭੂਮਿਕਾ ਮਾ ਜਸਮੇਲ ਸਿੰਘ ਜੱਸੋਵਾਲ ਨੇ ਬਾਖੂਬੀ ਨਿਭਾਈ । ਇਸ ਸਮਾਗਮ ਵਿੱਚ ਰਾਗਾ ਸਿੰਘ , ਸੰਦੀਪ ਸਿੰਘ , ਹਰਪਾਲ ਕੌਰ , ਨਵਜੋਤ ਕੌਰ , ਨਸੀਬ ਕੌਰ (ਸਾਰੇ ਪੰਚ ), ਸਰਬਣ ਸਿੰਘ , ਜਗਜੀਤ ਸਿੰਘ , ਜਸਵੀਰ ਕੌਰ , ਸੂਬੇਦਾਰ ਬਲਦੇਵ ਸਿੰਘ , ਸਾਬਕਾ ਸਰਪੰਚ ਗੁਰਜੀਤ ਸਿੰਘ , ਕਾਹਨ ਸਿੰਘ , ਜਗਰਾਜ ਸਿੰਘ , ਗੁਰਸ਼ਰਨ ਸਿੰਘ ,ਦੀਦਾਰ ਸਿੰਘ ,ਜਸਮਿੰਦਰ ਸਿੰਘ , ਅੰਮ੍ਰਿਤਪਾਲ ਸਿੰਘ , ਜਸਮੇਲ ਸਿੰਘ , ਮਨਦੀਪ ਸਿੰਘ , ਸੁਖਵਿੰਦਰ ਸਿੰਘ , ਸਰਬਜੀਤ ਕੌਰ , ਕਿਰਨਜੀਤ ਕੌਰ ਆਦਿ ਨੇ ਵੀ ਹਾਜਰੀ ਲਗਵਾਈ ।
