ਹਮਬਰਗ (ਸਮਰਾ )ਕੋਰੋਨਾ ਨੂੰ ਧਿਆਨ ਵਿੱਚ ਰੱਖਦਿਆਂ ਤੇ ਪ੍ਰਸ਼ਾਸਨ ਦੇ ਹੁਕਮ ਮੁਤਾਬਕ ਬੇਸੱਕ ਬਹੁਤ ਸਾਰੇ ਲੋਕਾਂ ਨੂੰ ਨਹੀਂ ਸੱਦਿਆ ਸੀ ਪਰ ਪੰਦਰਾਂ ਅਗਸਤ ਜੋ ਅਜ਼ਾਦੀ ਦਿਵਸ ਸਾਰੇ ਦੇਸ਼ ਵਾਸੀਆ ਵੱਲੋਂ ਬੜੀ ਧੂਮਧਾਮ ਨਾਲ ਮਨਾਇਆ ਜਾਂ ਰਿਹਾ ਹੈ ਇਸੇ ਤਰਾਂ ਹੀ ਜਰਮਨ ਦੇ ਸ਼ਹਿਰ ਹਮਬਰਗ ਵਿੱਖੇ ਵੀ ਇੰਡੀਅਨ ਉਵਰਸੀਜ ਕਾਂਗਰਸ ਵੱਲੋਂ ਰੈਸਟੂਰੈਟ ਵਿੱਚ ਮਨਾਇਆ ਗਿਆ,ਰੇਸ਼ਮ ਭਰੋਲੀ ਨੇ ਸਾਰਿਆ ਦਾ ਇਹਥੇ ਪਹੁੰਚਣ ਤੇ ਧੰਨਵਾਦ ਕੀਤਾ ਤੇ 74ਵੇ ਸੁਤੰਤਰਤਾ ਦਿਵਸ ਦੀ ਸਾਰਿਆ ਨੂੰ ਵਧਾਈ ਦਿੱਤੀ ਤੇ ਨਾਲ ਹੀ ਆਪਣੇ ਕੀਮਤੀ ਸਮੇਂ ਚੋ ਸਮਾਂ ਕੱਢ ਕੇ ਪਹੁੰਚੇ ਇੰਡੀਅਨ ਜਨਰਲ ਕੋਸਲੇਟ ਸ੍ਰੀ ਮਦਨ ਲਾਲ ਰਾਈਗਰ ਸਾਹਿਬ ਨੂੰ ਮੰਚ ਤੇ ਆਉੱਣ ਲਈ ਬੇਨਤੀ ਕੀਤੀ ਤੇ ਰਾਈਗਰ ਸਾਹਿਬ ਨੇ ਤੇ ਜਰਮਨ ਦੇ ਪ੍ਰਧਾਨ ਸ੍ਰੀ ਪਰਮੋਦ ਕੁਮਾਰ ਨੇ ਮਿਲ ਕੇ ਝੰਡੇ ਲਾਹਿਰਾਇਆ ਤੇ ਸਭ ਨੇ ਮਿਲ ਕੇ ਰਾਸ਼ਟਰੀ ਗੀਤ ਗਾਇਆ ਤੇ ਜਰਨਲ ਕੋਸਲੇਟ ਸ੍ਰੀ ਰਾਈਗਰ ਨੇ ਸਭ ਨੂੰ 15 ਅਗਸਤ ਦੀ ਸਾਰਿਆ ਨੂੰ ਵਧਾਈ ਦਿੱਤੀ ਤੇ ਵਿਸ਼ੇਸ਼ ਸੱਦਾ ਦੇਣ ਲਈ ਪ੍ਰਧਾਨ ਸ੍ਰੀ ਪਰਮੋਦ ਦਾ ਧੰਨਵਾਦ ਵੀ ਕੀਤਾ ਤੇ 74ਵੇ ਅਜ਼ਾਦੀ ਦਿਨ ਵਾਰੇ ਆਪਣੇ ਵਿਚਾਰ ਸਾਰਿਆ ਨਾਲ ਸਾਂਝੇ ਕੀਤੇ। ਤੇ ਨਾਲ ਹੀ ਜਰਮਨ ਦੇ ਪ੍ਰਧਾਨ ਸ੍ਰੀ ਪਰਮੋਦ ਕੁਮਾਰ (ਮਿੰਟੂ) ਨੇ ਪਹਿਲਾ ਤਾਂ ਸਾਰਿਆ ਦਾ ਇਹਥੇ ਪਹੁੰਚਣ ਤੇ ਧੰਨਵਾਦ ਕੀਤਾ ਤੇ ਨਾਲ ਹੀ ਅਜ਼ਾਦੀ ਦਿਵਸ ਤੇ ਬੋਲਦਿਆਂ ਸਰੂਆਤ 1947 ਤੋਂ ਲੈਕੇ ਹੁਣ ਤੱਕ ਦੇ ਕਾਂਗਰਸ ਦੇ ਕੰਮਾਂ ਵਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਾਂਗਰਸ ਪਾਰਟੀ ਨੇ ਬਹੁਤ ਸਾਰੇ ਕੰਮ ਕੀਤੇ ਹਨ ਹਾ ਇੰਡੇ ਵੱਡੇ ਦੇਸ਼ ਵਿੱਚ ਹੋ ਸਕਦਾ ਹੈ ਕਿ ਕਈ ਗਲਤੀਆਂ ਵੀ ਹੋਈਆ ਹੋਣਗੀਆਂ ਪਰ ਫਿਰ ਵੀ ਇਹਨੇ ਸਾਲਾ ਵਿੱਚ ਦੇਸ਼ ਲਈ ਬਹੁਤ ਕੰਮ ਕੀਤੇ ਹਨ ਤੇ ਨਾਲ ਹੀ ਸਾਡੇ ਹਮਬਰਗ ਦੇ ਉਬਰ ਰਹੇ ਗਾਇਕ ਸ: ਅਮਰੀਕ ਸਿੰਘ ਮੀਕਾ ਨੇ ਦੇਸ਼ ਭਗਤੀ ਦੇ ਗੀਤਾ ਰਾਹੀਂ ਆਪਣੀ ਹਾਜ਼ਰੀ ਲਵਾਈ ਤੇ ਨਾਲ ਹੀ ਸਾਡੇ ਹਮਬਰਗ ਤੋ ਪੰਜਾਬੀਆਂ ਦਾ ਨਾਮ ਰੋਸ਼ਨ ਕਰਨ ਵਾਲੇ ਲੱਵਲੀ ਤੇ ਮੂੰਟੀ ਭੱਗੂ ਭਰਾਵਾਂ ਨੇ ਇਕ ਧਰਮਿੱਕ ਸ਼ੇਅਰ ਨਾਲ ਸ਼ੁਰੂ ਕੀਤਾ ਤੇ ਫਿਰ ਬਹੁਤ ਸਾਰੇ ਗੀਤਾ ਨਾਲ ਰੰਗ ਬੱਨੀ ਰੱਖਿਆ ਤੇ ਸਾਰਿਆ ਨੂੰ ਨੱਚਣ ਲਈ ਵੀ ਮਜਬੂਰ ਕੀਤਾ ਤੇ ਇਸ ਸਮੇਂ ਜਰਮਨ ਕਮੇਟੀ ਵਿੱਚੋਂ ਸ੍ਰੀ ਰਾਜ ਸ਼ਰਮਾ ਕੈਸ਼ੀਅਰ ,ਸੁਖਜਿੰਦਰ ਸਿੰਘ ਗਰੇਵਾਲ਼ ,ਤੇ ਹਮਬਰਗ ਕਮੇਟੀ ਤੋਂ ਸ੍ਰੀ ਰਾਜੀਵ ਬੇਰੀ ਚੇਅਰਮੈਨ ,ਸ: ਸੁਖਦੇਵ ਸਿੰਘ ਚਾਹਲ ਵਾਈਸ ਪ੍ਰਧਾਨ ਤੇ ਸ:ਮੁਖ਼ਤਿਆਰ ਸਿੰਘ ਰੰਧਾਵਾ ਵਾਈਸ ਪ੍ਰਧਾਨ ਤੇ ਹੋਰ ਬਹੁਤ ਸਾਰੇ ਕਾਂਗਰਸ ਆਗੂ ਮੌਜੂਦ ਸੀ ਤੇ ਨਾਲ ਹੀ ਪਰਮੋਦ ਨੇ ਜੋ ਖਾਣ ਪੀਣ ਦਾ ਬਹੁਤ ਹੀ ਵਧੀਆ ਰੇਜਮੈਟ ਕੀਤਾ ਹੋਇਆਂ ਸੀ ਤੇ ਸਾਰਿਆ ਨੂੰ ਬੇਨਤੀ ਕੀਤੀ ਕਿ ਖਾਣਾ ਖਾਂ ਕੇ ਜਾਣਾ ਤੇ ਆਖਰ ਵਿੱਚ ਸਾਰਿਆ ਦਾ ਧੰਨਵਾਦ ਤੇ ਸਟੇਜ ਦੀ ਸੇਵਾ ਰੇਸ਼ਮ ਭਰੋਲੀ ਵੱਲੋਂ ਨਿਵਾਈ ਗਈ ਸੀ।

ਅਸਟ੍ਰੇਲੀਆ  (ਸੁਰਜੀਤ ਸਿੰਘ ਲੱਖਾ )

ਪਰਦੇਸਾਂ  ਵਿੱਚ ਜਿੱਥੇ ਲੋਕ ਅੱਜ ਕੱਲ ਅਪਣੇ ਬੱਚਿਆਂ ਨੂੰ ਸਹੀ ਟਾਈਮ ਨਹੀਂ ਦੇ ਸਕਦੇ ਅਤੇ ਪੰਜਾਬੀ ਸਾਹਿਤ ਤੋਂ ਮੁੱਖ ਮੋੜ ਰਿਹੇ ਹਨ ਉਸ ਸਮੇਂ  ਪਰ ਇਸ ਉਲਟੇ ਰੁੱਖ ਪਰਵਾਜ ਦੇ ਦੌਰ ਵਿੱਚ ਵੀ ਮਾਂ ਬੋਲੀ ਪੰਜਾਬੀ ਦੇ ਬਹੁਤ ਸਾਰੇ ਲਾਡਲੇ ਪੁੱਤ ਜੋ ਹਮੇਸ਼ਾ ਪੰਜਾਬੀ ਬੋਲੀ ਅਤੇ ਪੰਜਾਬੀ ਸਾਹਿਤ ਦੀ ਚੱੜਦੀ ਕਲਾਂ ਲਈ  ਸਰਗਰਮ ਹਨ । ਇਹਨਾਂ ਵਿੱਚ ਹੀ ਪੰਜਾਬ ਦੇ ਧੁਰ ਕੇਂਦਰੀ  ਪਿੰਡ ਅਜੀਤਵਾਲ (ਮੋਗਾ) ਦੀ ਮਿੱਟੀ ਦਾ ਪੁੱਤ ਸੁਰਜੀਤ ਸੰਧੂ ਇੱਕ ਦਹਾਕੇ ਤੋਂ ਵੱਧ ਸਮੇਂ ਤੋਂ ਆਸਟਰੇਲੀਆ ਦੇ ਸ਼ਹਿਰ ਬ੍ਰਿਸਬੇਨ ‘ਚ ਜਿੱਥੇ ਰਿਜਕ ਦਾ ਚੋਗਾ ਚੁੱਗ ਰਿਹਾ ਹੈ । ਉੱਥੇ ਹੀ ਮਾਂ ਬੋਲੀ ਪੰਜਾਬੀ ਲਈ ਉਸਦਾ ਸਮਰਪਣ ਕਿਸੇ ਅਲਬੇਲੇ ਆਸ਼ਿਕ ਤੋਂ ਘੱਟ ਨਹੀਂ । ਜਿੱਥੇ ਉਸਦੇ ਗੁੜ ਵਰਗੇ ਮਿੱਠੇ ਗੀਤ ਸੰਗੀਤਿਕ ਧੁਨਾਂ ਨਾਲ ਗੂੰਜਦੇ ਹਨ । ਜਿੱਥੇ ਉਸਦੀਆਂ ਕਵਿਤਾਵਾਂ ਰਿਉੜੀਆਂ ਵਾਂਗ ਸੁਆਦ ਨੇ , ਉੱਥੇ ਹੀ ਪਿਛਲੇ ਸਮੇਂ ਦੌਰਾਨ ਪਰਵਾਸੀ ਕਵਿਤਾ ‘ਚ ਬਾਲ ਸਾਹਿਤ ਦੇ ਮਨਫੀ ਰੰਗਾਂ ਦੀ ਪੈੜ ਪਛਾਣ ਸੁਰਜੀਤ ਸੰਧੂ ਨੇ ਬਾਲ ਗੀਤ ਲਿਖਣੇ ਸ਼ੁਰੂ ਕੀਤੇ । ਉਸਦੇ ਗੀਤ ਜਨਮ ਦਿਨ ਦੇ ਕਾਰਡ ਬਣ ਆਸਰਟੇਲੀਆ ਨਿਊਜੀਲੈਂਡ   ਦੇ ਹਰ ਪੰਜਾਬੀ ਘਰ ਵਿੱਚ ਖੁਸ਼ਬੂ ਵੰਡਦੇ ਵੰਡਦੇ ਰਹੇ ਹਨ । ਇਹੀ ਗੀਤ ਕਵਿਤਾਵਾਂ ਅੱਗੇ ਚੱਲ ਕੇ “ਨਿੱਕੇ ਨਿੱਕੇ ਤਾਰੇ “ ਰੂਪੀ ਖੂਬਸੂਰਤ ਕਿਤਾਬ ਰੂਪ ‘ਚ ਸਾਹਮਣੇ ਆਏ ਤੇ ਇਸੇ ਰੂਪ ‘ਚ ਆਸਟਰੇਲੀਆ ਨਿਊਜੀਲੈਂਡ ਦਾ ਪਹਿਲਾ ਪ੍ਰੌੜ ਬਾਲ ਸਾਹਿਤਕਾਰ ਸੁਰਜੀਤ ਸੰਧੂ ਵੀ ਸਾਹਮਣੇ ਆਇਆ । ਸੁਰਜੀਤ ਸੰਧੂ ਦੀ ਪਲੇਠੀ ਬਾਲ ਪੁਸਤਕ ਨੂੰ ਨਿਊਜੀਲੈਂਡ ਦੀਆਂ ਸਭ ਸਿਰਮੌਰ ਸੰਸਥਾਵਾਂ ਦੇ ਸੇਵਾਦਾਰਾਂ ਨੇ ਸਾਂਝੇ ਰੂਪ ‘ਚ ਲੋਕ ਅਰਪਣ ਕੀਤਾ । ਪੰਜਾਬ ਵਿਰਾਸਤ ਭਵਨ ਆਕਲੈਂਡ ਵਿਖੇ ਸੁਪਰੀਮ ਸਿੱਖ ਸੁਸਾਇਟੀ ਤੇ ਸਿੱਖ ਹੈਰੀਟੇਜ ਸਕੂਲ ਤੋਂ ਭਾਈ ਦਲਜੀਤ ਸਿੰਘ , ਸ. ਰਾਜਿੰਦਰ ਸਿੰਘ ਜਿੰਦੀ , ਸ. ਹਰਮੇਸ਼ ਸਿੰਘ  ਸਾਹਿਤਕ ਸੱਥ ਤੋਂ ਗੁਰਦੀਪ ਸਿੰਘ ਲੂਥਰ (ਪ੍ਰਧਾਨ ਇੰਡੀਅਨ ਰਿਟੇਲਰਜ ਐਸ਼ੋਸੀਏਸਨ) , ਮੁਖਤਿਆਰ ਸਿੰਘ ,  ਅਮਰਜੀਤ ਸਿੰਘ ਲੱਖਾ , ਫਾਈਵ ਰਿਵਰਜ ਸਪੋਰਟਸ ਐਂਡ ਕਲਚਰਲ ਕਲੱਬ ਵੱਲੋਂ ਬਿਕਰਮਜੀਤ ਸਿੰਘ ਮਟਰਾਂ , ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ ਵੱਲੋਂ ਚੇਅਰਮੈਨ ਪਰਮਜੀਤ ਬੋਲੀਨਾ , ਪੰਜਾਬ ਵਿਰਾਸਤ ਭਵਨ ਵੱਲੋਂ ਮਨਜਿੰਦਰ ਸਿੰਘ ਬਾਸੀ ਅਤੇ ਤਰਨਦੀਪ ਬਿਲਾਸਪੁ

ਰਾਸ਼ਟਰਪਤੀ ਪੁਤਿਨ ਦੀ ਬੇਟੀ ਨੇ ਲਿਆ 'ਡੋਜ਼

ਵੈਕਸੀਨ ਬਣਨ ਸਾਰ ਸ਼ੱਕ ਦੇ ਦਾਇਰੇ ’ਚ ਆਈ

ਮਾਸਕੋ,ਅਗਸਤ 2020-(ਏਜੰਸੀ )

ਰੂਸ ਨੇ ਕੋਵਿਡ-19 ਮਹਾਮਾਰੀ ਤੋਂ ਛੁਟਕਾਰਾ ਪਾਉਣ ਲਈ ਵੈਕਸੀਨ ਵਿਕਸਿਤ ਕਰਨ 'ਚ ਸਫ਼ਲਤਾ ਪਾ ਲਈ ਹੈ। ਮੰਗਲਵਾਰ ਨੂੰ ਰਾਸ਼ਟਰਪਤੀ ਬਲਾਦੀਮੀਰ ਪੁਤਿਨ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਰਾਸ਼ਟਰਪਤੀ ਨੇ ਦੱਸਿਆ ਕਿ ਇਸ ਵੈਕਸੀਨ ਦੀ ਪਹਿਲੀ ਡੋਜ਼ ਜਿਸਨੂੰ ਦਿੱਤੀ ਗਈ ਹੈ, ਉਸ 'ਚ ਉਨ੍ਹਾਂ ਦੀ ਬੇਟੀ ਵੀ ਸ਼ਾਮਿਲ ਹੈ

ਵੈਕਸੀਨ ਬਣਨ ਸਾਰ ਸ਼ੱਕ ਦੇ ਦਾਇਰੇ ’ਚ ਆਈ

ਇਸ ਗੱਲ ’ਤੇ ਵੀ  ਬਹਿਸ ਛਿੜ ਪਈ ਹੈ ਕਿ ਜਿੰਨੀ ਤੇਜ਼ੀ ਨਾਲ ਕਰੋਨਾਵਾਇਰਸ ਨਾਲ ਨਜਿੱਠਣ  ਲਈ ਦਵਾਈ ‘ਸਪੂਤਨਿਕ V’ ਬਣਾਈ ਗਈ ਹੈ, ਉਸ ਨੇ ਕਈ ਮੋਹਰੀ ਕੰਪਨੀਆਂ ਆਕਸਫੋਰਡ  ਸਟਰਾਜੈਂਸਾ, ਮੌਡੇਰਨਾ ਤੇ ਪਫਿਜ਼ਰ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਹੁਣ ਇਸ ਗੱਲ ’ਤੇ ਵੀ  ਬਹਿਸ ਹੋ ਰਹੀ ਹੈ ਕਿ ਸਰਕਾਰ ਨੇ ਨਿਯਮ ਤਾਕ ’ਤੇ ਰੱਖ ਦਿੱਤੇ ਹਨ ਤੇ ਇਹ ਲੋਕਾਂ ਦੀ ਜਾਨ  ਨੂੰ ਖ਼ਤਰੇ ’ਚ ਪਾ ਸਕਦੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇੱਕ ਵੈਕਸੀਨ ਦੇ ਟਰਾਇਲ ’ਚ ਕਈ ਸਾਲ ਲੱਗ ਜਾਂਦੇ ਹਨ ਤੇ ਸਰਕਾਰ ਨੇ ਦੋ ਮਹੀਨਿਆਂ ’ਚ ਹੀ ਸਾਰੀ ਪ੍ਰਕਿਰਿਆ ਪੂਰੀ ਕਰ ਦਿੱਤੀ ਹੈ। ਦੂਜੇ ਪਾਸੇ, ਰੂਸ ਦਾ ਦਾਅਵਾ ਹੈ ਕਿ ਇਹ ਸਭ ਇਸ ਲਈ ਜਲਦੀ ਸੰਭਵ ਹੋ ਸਕਿਆ ਕਿਉਂਕਿ ਇਸਦੇ ਕੋਵਿਡ-19 ਉਮੀਦਵਾਰ ਨੇ ‘ਮਿਡਲ ਈਸਟ ਰੈਸਪੀਰੇਟਰੀ ਡਿਸੀਜ਼’ (ਐੱਮਈਆਰਐੱਸ) ਦੀ ਟੈਸਟਿੰਗ (ਜੋ ਇੱਕ ਕਰੋਨਾਵਾਇਰਸ ਕਿਸਮ ਤੋਂ ਹੀ ਪੈਦਾ ਹੋਈ ਸੀ) ਵਿੱਚ ਵੀ ਹਿੱਸਾ ਲਿਆ ਸੀ ਤੇ ਜਿਸ ਬਾਰੇ ਪਹਿਲਾਂ ਹੀ ਕਾਫ਼ੀ ਟੈਸਟਿੰਗ ਹੋ ਚੁੱਕੀ ਹੈ। 

ਅੱਜ ਸ੍ਰੀ ਪੂਤਿਨ ਨੇ  ਕਰੋਨਾਵਾਇਰਸ ਖ਼ਿਲਾਫ਼ ਇਹ ਵੈਕਸੀਨ ਤਿਆਰ ਕਰਨ ’ਚ ਲੱਗੇ ਸਾਰੇ ਵਿਅਕਤੀਆਂ ਦਾ ਧੰਨਵਾਦ  ਕਰਦਿਆਂ ਆਸ ਪ੍ਰਗਟਾਈ  ਕਿ ਰੂਸ ਜਲਦੀ ਹੀ ਇਸ ਵੈਕਸੀਨ ਦਾ ਵੱਡੇ ਪੱਧਰ ’ਤੇ ਉਤਪਾਦਨ ਕਰਨ  ਯੋਗ ਹੋਵੇਗਾ। ਇਸ ਦੌਰਾਨ ਰੂਸ ਦੇ ਸਿਹਤ ਮੰਤਰੀ ਮਿਖਾਈਲ ਮੁਰਾਸ਼ਕੋ ਨੇ ਦੱਸਿਆ ਕਿ ਇਹ  ਵੈਕਸੀਨ ਗਮਾਲੀਆ ਰਿਸਰਚ ਇੰਸਟੀਚਿਊਟ ਤੇ ਰੂਸ ਦੇ ਰੱਖਿਆ ਮੰਤਰਾਲੇ ਨੇ ਇਕੱਠਿਆਂ ਬਣਾਈ  ਹੈ। ਇਸ ਵੈਕਸੀਨ ’ਚ ਦੋ ਵੱਖ-ਵੱਖਰੇ ਇੰਜੈਕਸ਼ਨ ਸ਼ਾਮਲ ਹਨ, ਜੋ ਇਸ ਵਾਇਰਸ ਖ਼ਿਲਾਫ਼ ਲੜਨ  ਲਈ ਲੰਮੇ ਸਮੇਂ ਤੱਕ ਰੋਗ ਪ੍ਰਤੀਰੋਧੀ ਸਮਰੱਥਾ ਵਧਾਉਂਦੇ ਹਨ।

ਕੁਸ ਮੁਲਕਾਂ ਦੀ ਕੋਰੋਨਾ ਵੈਕਸੀਨ ਵਿੱਚ ਰੁਚੀ 

ਇਸ ਦੌਰਾਨ ਰਸ਼ੀਅਨ ਡਾਇਰੈਕਟ ਇਨਵੈਸਟਮੈਂਟ ਫੰਡ (ਆਰਡੀਆਈਐੱਫ) ਦੇ ਮੁਖੀ ਕਿਰਿੱਲ ਦਿਮਿਤਰੀਏਵ ਨੇ ਕਿਹਾ ਕਿ 20 ਮੁਲਕਾਂ ਨੇ ਇਸ ਵੈਕਸੀਨ ’ਚ ਰੁਚੀ ਵਿਖਾਈ ਹੈ। ਇਨ੍ਹਾਂ ’ਚ ਬ੍ਰਾਜ਼ੀਲ, ਭਾਰਤ ਤੇ ਹੋਰ ਕਈ ਦੇਸ਼ ਸ਼ਾਮਲ ਹਨ ਜਦਕਿ ਬਰਤਾਨੀਆ ਆਪਣੇ ਲੋਕਾਂ ਲਈ ਰੂਸ ਦੀ ਇਹ ਵੈਕਸੀਨ ਦੀ ਵਰਤੋਂ ਲਈ ਤਿਆਰ ਨਹੀਂ ਹੈ।

ਅਮਰੀਕਾ ਨੇ ਕੋਰੋਨਾ ਵੈਕਸੀਨ ਨੂੰ ਲਿਆ ਸ਼ੱਕ ਦੇ ਘੇਰੇ ਚ

ਤਾਈਪੋਈ: ਅਮਰੀਕਾ ਦੇ ਸਿਹਤ ਤੇ ਮਨੁੱਖੀ ਸੇਵਾਵਾਂ ਬਾਰੇ ਸਕੱਤਰ ਅਲੈਕਸ ਅਜ਼ਾਰ ਨੇ ਕਿਹਾ ਕਿ ਕਰੋਨਾਵਾਇਰਸ ਦੇ ਇਲਾਜ ਲਈ ਪਹਿਲੀ ਵੈਕਸੀਨ ਤਿਆਰ ਕਰਨ ਦੀ ਬਜਾਇ ਜ਼ਿਆਦਾ ਸੁਰੱਖਿਅਤ ਤੇ ਪ੍ਰਭਾਵਸ਼ਾਲੀ ਵੈਕਸੀਨ ਤਿਆਰ ਕਰਨਾ ਹੈ। ਸ੍ਰੀ ਅਜ਼ਾਰ ਵੱਲੋਂ ਤਾਇਵਾਨ ਦੇ ਦੌਰੇ ਮੌਕੇ ਏਬੀਸੀ ਵੱਲੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਸੀ ਕਿ ਰੂਸ ਵੱਲੋਂ ਕਰੋਨਾਵਾਇਰਸ ਖ਼ਿਲਾਫ਼ ਪਹਿਲੀ ਵੈਕਸੀਨ ਤਿਆਰ ਕਰਨ ਵਾਲਾ ਪਹਿਲਾ ਮੁਲਕ ਬਣਨ ਸਬੰਧੀ ਐਲਾਨ ਕਰਨ ਬਾਰੇ ਉਨ੍ਹਾਂ ਦਾ ਕੀ ਖਿਆਲ ਹੈ? ਇਸ ਸੁਆਲ ਦੇ ਜੁਆਬ ’ਚ ਉਨ੍ਹਾਂ ਕਿਹਾ,‘ਵੈਕਸੀਨ ਦੇ ਸੁਰੱਖਿਅਤ ਤੇ ਇਸ ਦੇ ਪ੍ਰਭਾਵਸ਼ਾਲੀ ਹੋਣ ਸਬੰਧੀ ਸਪੱਸ਼ਟ ਅੰਕੜੇ ਹੋਣੇ ਵੱਧ ਜ਼ਰੂਰੀ ਹਨ। ਉਨ੍ਹਾਂ ਦੱਸਿਆ ਕਿ ਅਮਰੀਕਾ ਵਿੱਚ ‘ਅਪਰੇਸ਼ਨ ਰੈਪ ਸਪੀਡ’ ਮੁਹਿੰਮ  ਤਹਿਤ ਛੇ ਵੈਕਸੀਨਾਂ ’ਤੇ ਕੰਮ ਚੱਲ ਰਿਹਾ ਹੈ।ਇਸ ਦੌਰਾਨ ਵਾਈ੍ਹਟ ਹਾਊਸ ਦੀ ਕਾਊਂਸਲਰ ਕੇਲਯਾਨ ਕੌਨਵੇ ਨੇ ਰੂਸ ਵੱਲੋਂ ਕੋਵਿਡ- 19 ਵੈਕਸੀਨ ਤਿਆਰ ਕਰਨ ਸਬੰਧੀ ਵਰਤੀ ਗਈ ਟੈਸਟਿੰਗ ਪ੍ਰਣਾਲੀ ’ਤੇ ਵੀ ਖਦਸ਼ਾ ਜ਼ਾਹਰ ਕੀਤਾ।  

ਅਯੁੱਧਿਆ, ਅਗਸਤ 2020-(ਏਜੰਸੀ ) ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਇਥੇ ਰਾਮ ਮੰਦਰ ਦਾ ਨੀਂਹ ਪੱਥਰ ਰੱਖਣ ਤੋਂ ਬਾਅਦ ਕਿਹਾ ਕਿ ਸਦੀਆਂ ਦੀ ਉਡੀਕ ਖ਼ਤਮ ਹੋ ਗਈ ਹੈ। ਇਹ ਉਨ੍ਹਾਂ ਦੀ ਚੰਗੇ ਕਰਮ ਹਨ ਕਿ ਸ੍ਰੀ ਰਾਮ ਜਨਮ ਭੂਮੀ ਟਰਸਟ ਨੇ ਉਨ੍ਹਾਂ ਨੂੰ ਮੰਦਰ ਦੀ ਉਸਾਰੀ ਲਈ ਕੀਤੀ ਜਾ ਰਹੀ ਪੂਜਾ ਲਈ ਸੱਦਾ ਦਿੱਤਾ। ਅੱਜ ਪੂਰਾ ਦੇਸ਼ ਰਾਮ ਦੇ ਰੰਗ ਵਿੱਚ ਰੰਗਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਟੈਂਟ ਦੇ ਹੇਠ ਰਹੇ ਰਾਮਲੱਲਾ ਲਈ ਹੁਣ ਵਿਸ਼ਾਲ ਮੰਤਰ ਬਣੇਗਾ। ਆਜ਼ਾਦੀ ਅੰਦੋਲਨ ਵਾਂਗ ਰਾਮ ਮੰਦਰ ਅੰਦੋਲਨ ਚੱਲਿਆ। ਉਹ 130 ਕਰੋੜ ਭਾਰਤੀਆਂ ਨੂੰ ਨਮਨ ਕਰਦੇ ਹਨ। ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨੇ ਅੱਜ ਬਾਅਦ ਦੁਪਹਿਰ 12:44 ਵਜੇ ‘ਭੂਮੀ ਪੂਜਨ’ ਦੇ ‘ਮਹੂਰਤ’ ਅਨੁਸਾਰ ਅਯੁੱਧਿਆ ਵਿਚ ਵਿਸ਼ਾਲ ਰਾਮ ਮੰਦਰ ਦੀ ਨੀਂਹ ਰੱਖੀ। ਇਸ ਮੌਕੇ ਯੂਪੀ ਦੀ ਰਾਜਪਾਲ ਆਨੰਦੀਬੇਨ ਪਟੇਲ ਅਤੇ ਆਰਐੱਸਐੱਸ ਮੁਖੀ ਮੋਹਨ ਭਾਗਵਤ, ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਅਤੇ ਯੋਗ ਗੁਰੂ ਰਾਮਦੇਵ ਵਰਗੇ ਕਈ ਹਸਤੀਆਂ ਮੌਜੂਦ ਸਨ। ਇਥੇ ਪੁੱਜਣ ਵੇਲੇ ਸ੍ਰੀ ਮੋਦੀ ਨੇ ਸਭ ਤੋਂ ਪਹਿਲਾਂ 10ਵੀਂ ਸਦੀ ਦੇ ਹਨੂਮਾਨ ਗੜ੍ਹੀ ਮੰਦਿਰ ਵਿਖੇ ਪੂਜਾ ਕੀਤੀ ਤੇ ਮੰਤਰ ਦੀ ਪਰਿਕਰਮਾ 'ਕੀਤੀ। ਇਸ ਮੌਕੇ ਮੰਦਿਰ ਦੇ ਮੁੱਖ ਪੁਜਾਰੀ ਗੱਦੀਨਸ਼ੀਨ ਪ੍ਰੇਮਦਾਸ ਮਹਾਰਾਜ ਨੇ ਪ੍ਰਧਾਨ ਮੰਤਰੀ ਨੂੰ ਚਾਂਦੀ ਦਾ 'ਮੁਕਤ' ਭੇਟ ਕੀਤਾ।  ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਅੱਜ ਦਾ ਇਹ ਇਤਿਹਾਸਕ ਪਲ਼ ਯੁਗਾਂ-ਯੁਗਾਂ ਤਕ ਭਾਰਤ ਦੀ ਕੀਰਤੀ ਦਾ ਝੰਡਾ ਲਹਿਰਾਏਗਾ। ਅੱਜ ਦਾ ਇਹ ਦਿਨ ਕਰੋੜਾਂ ਰਾਮ ਭਗਤਾਂ ਦੇ ਸੰਕਲਪ ਦੀ ਸਚਾਈ ਦਾ ਪ੍ਰਮਾਣ ਹੈ। ਅੱਜ ਦਾ ਇਹ ਦਿਨ ਸਤਯ, ਅਹਿੰਸਾ, ਆਸਥਾ ਤੇ ਬਲੀਦਾਨ ਨੂੰ ਨਿਆ ਪ੍ਰਿਅ ਭਾਰਤ ਦੀ ਇਕ ਅਨੁਪਮ ਭੇਟ ਹੈ। ਭੂਮੀ ਪੂਜਨ ਦਾ ਇਹ ਪ੍ਰੋਗਰਾਮ ਕਈ ਮਰਿਆਦਾ ਵਿਚਕਾਰ ਹੋ ਰਿਹਾ ਹੈ। ਸ਼੍ਰੀ ਰਾਮ ਦੇ ਕੰਮ 'ਚ ਮਰਿਆਦਾ ਦਾ ਅਨੁਭਵ ਅਸੀਂ ਉਦੋਂ ਵੀ ਕੀਤਾ ਸੀ, ਜਦੋਂ ਮਾਨਯੋਗ ਸੁਪਰੀਮ ਕੋਰਟ ਨੇ ਆਪਣਾ ਇਤਿਹਾਸਕ ਫ਼ੈਸਲਾ ਸੁਣਾਇਆ ਸੀ। ਅਸੀਂ ਉਦੋਂ ਵੀ ਦੇਖਿਆ ਸੀ ਕਿਵੇਂ ਸਾਰੇ ਦੇਸ਼ਵਾਸੀਆਂ ਨੇ ਸ਼ਾਂਤੀ ਦੇ ਨਾਲ ਸਾਰਿਆਂ ਦੀਆਂ ਭਾਵਨਾਵਾਂ ਦਾ ਧਿਆਨ ਰੱਖਦੇ ਹੋਏ ਵਿਵਹਾਰ ਕੀਤਾ ਸੀ। ਅੱਜ ਵੀ ਅਸੀਂ ਹਰ ਪਾਸੇ ਉਹੀ ਮਰਿਆਦਾ ਦੇ ਰਹੇ ਹਾਂ। ਇਸ ਮੰਦਰ ਦੇ ਨਾਲ ਸਿਰਫ਼ ਨਵਾਂ ਇਤਿਹਾਸ ਹੀ ਨਹੀਂ ਸਿਰਜਿਆ ਜਾ ਰਿਹਾ ਬਲਕਿ ਇਤਿਹਾਸ ਖ਼ੁਦ ਨੂੰ ਦੁਹਰਾ ਵੀ ਰਿਹਾ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਸ਼੍ਰੀਰਾਮ ਸਾਡੀ ਆਸਥਾ ਦਾ ਪ੍ਰਤੀਕ ਬਣੇਗਾ। ਸਾਡੀ ਰਾਸ਼ਟਰੀ ਭਾਵਨਾ ਦਾ ਪ੍ਰਤੀਕ ਬਣੇਗਾ ਤੇ ਇਹ ਮੰਦਰ ਕਰੋੜਾਂ ਲੋਕਾਂ ਦੀ ਸਮੂਰਕ ਸੰਕਲਪ ਸ਼ਕਤੀ ਦਾ ਵੀ ਪ੍ਰਤੀਕ ਬਣੇਗਾ। ਇਹ ਮੰਦਰ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਆਸਥਾ ਸ਼ਰਧਾ ਤੇ ਸੰਕਲਪ ਦੀ ਪ੍ਰੇਰਣਾ ਦਿੰਦਾ ਰਹੇਗਾ। ਇਸ ਮੰਦਰ ਦੇ ਬਣਨ ਤੋਂ ਬਾਅਦ ਅਯੁੱਧਿਆ ਦੀ ਸਿਰਫ਼ ਖ਼ਿਆਤੀ ਹੀ ਨਹੀਂ ਵਧੇਗੀ, ਇਸ ਖੇਤਰ ਦਾ ਪੂਰਾ ਅਰਥ ਤੰਤਰ ਵੀ ਬਦਲ ਜਾਵੇਗਾ। ਇੱਥੇ ਹਰ ਖੇਤਰ 'ਚ ਨਵੇਂ ਅਵਸਰ ਬਣਨਗੇ। ਹਰ ਖੇਤਰ 'ਚ ਅਵਸਰ ਵਧਣਗੇ। ਸੋਚੋ ਪੂਰੀ ਦੁਨੀਆ ਤੋਂ ਲੋਕ ਇੱਥੇ ਆਉਣਗੇ। ਪੂਰੀ ਦੁਨੀਆ ਪ੍ਰਭੂ ਰਾਮ ਤੇ ਮਾਤਾ ਜਨਕੀ ਦਾ ਦਰਸ਼ਨ ਕਰਨ ਆਵੇਗੀ। ਰਾਮ ਮੰਦਰ ਦੇ ਨਿਰਮਾਣ ਦੀ ਪ੍ਰਕਿਰਿਆ ਦੇਸ਼ ਨੂੰ ਜੋੜੇਗੀ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਸਦੀਆਂ ਤੋਂ ਚੱਲ ਰਹੇ ਟੁੱਟਣ ਤੇ ਉੱਠਣ ਦੇ ਕ੍ਰਮ ਤੋਂ ਰਾਮ ਜਨਮ ਭੂਮੀ ਅੱਜ ਮੁਕਤ ਹੋਈ ਹੈ। ਰਾਮ ਮੰਦ ਲਈ ਕਈ ਸਦੀਆਂ ਤਕ ਕਈ ਪੀੜ੍ਹੀਆਂ ਨੇ ਸੰਘਰਸ਼ ਕੀਤਾ। ਨੀਂਹ ਦੀ ਤਰ੍ਹਾਂ ਜਿਨ੍ਹਾਂ ਤਪੱਸਿਆ ਰਾਮ ਮੰਦਰ 'ਚ ਗੜ੍ਹੀ ਹੈ ਉਨ੍ਹਾਂ ਨੂੰ ਦੇਸ਼ਾਂ ਵਾਸੀਆਂ ਵੱਲੋਂ ਨਮਨ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣਾ ਸੰਬੋਧਨ ਜੈ ਸੀਆ ਰਾਮ ਦੇ ਨਾਲ ਆਰੰਭ ਕੀਤਾ। ਅੱਜ ਇਸ ਜੈਘੋਸ਼ ਦੀ ਗੂੰਜ ਪੂਰੇ ਵਿਸ਼ਵ 'ਚ ਹੈ। ਸਾਰੇ ਦੇਸ਼ ਵਾਸੀਆਂ, ਭਾਰਤ ਭਗਤਾਂ ਨੂੰ ਤੇ ਰਾਮ ਭਗਤਾਂ ਨੂੰ ਕੋਟੀ-ਕੋਟਿਨ ਵਧਾਈ। ਇਹ ਮੇਰੀ ਖੁਸ਼ਕਿਸਮਤੀ ਹੈ ਸ਼੍ਰੀ ਰਾਮ ਜਨਮਭੂਮੀ ਤੀਰਥ ਖੇਤਰ ਟਰੱਸਟ ਨੇ ਮੈਨੂੰ ਇਸ ਇਤਿਹਾਸਕ ਪਲ਼ ਦਾ ਗਵਾਹ ਬਣਨ ਦਾ ਮੌਕਾ ਦਿੱਤਾ। ਆਉਣਾ ਬੜਾ ਸੁਭਾਵਿਕ ਸੀ ਕਿਉਂਕਿ ਰਾਮ ਕਾਜ ਕੀਨ ਬਿਨ ਮੋਹਿ ਕਹਾਂ ਵਿਸ਼ਰਾਮ। ਭਾਰਤ ਅੱਜ ਭਗਵਾਨ ਭਾਸਕਰ ਸਾਹਮਣੇ ਸਰਯੂ ਕਿਨਾਰੇ ਇਕ ਨਵਾਂ ਅਧਿਆਏ ਦੀ ਰਚਨਾ ਕਰ ਰਿਹਾ ਹੈ। ਅੱਜ ਪੂਰਾ ਭਾਰਤ ਰਾਮਣੀ ਹੈ। ਹਰ ਮਨ ਦੀਪਮਈ ਹੈ। ਪੂਰਾ ਦੇਸ਼ ਰੋਮਾਂਚਿਤ ਹੈ। ਹਰਮਨ ਦੀਪ 'ਚ ਹੈ। ਸਦੀਆਂ ਦਾ ਇੰਤਜ਼ਾਰ ਸਮਾਪਤ ਹੋ ਗਿਆ ਹੈ। ਅੱਜ ਪੂਰਾ ਭਾਰਤ ਭਾਵੁਕ। ਸਦੀਆਂ ਦਾ ਇੰਤਜ਼ਾਰ ਅੱਜ ਖ਼ਤਮ।

ਜਿਸ ਆਤਮ ਭਾਨ ਦੀ ਜ਼ਰੂਰਤ ਸੀ, ਉਸ ਦਾ ਸ਼ੁੱਭ ਆਰੰਭ ਅੱਜ ਹੋਇਆ : ਭਾਗਵਤ

ਸੰਘ ਮੁਖੀ ਮੋਹਨ ਭਾਗਤਵ ਭੂਮੀ ਪੂਜਨ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਅੱਜ ਸਦੀਆਂ ਦੀ ਆਸ ਦੀ ਲਹਿਰ ਹੈ। ਆਨੰਦ ਦਾ ਛਿਣ ਹੈ, ਕਈ ਤਰ੍ਹਾਂ ਦਾ ਆਨੰਦ ਹੈ। ਇਕ ਸੰਕਲਪ ਲਿਆ ਸੀ ਪਰ ਮੈਨੂੰ ਯਾਦ ਹੈ ਉਦੋਂ ਕਿ ਸਾਡੇ ਸੰਘ ਦੇ ਸਰਸੰਘਚਾਲਕ ਬਾਲਾ ਸਾਹਬ ਦੇਵਰਸ ਜੀ ਨੇ ਇਹ ਗੱਲ ਸਾਨੂੰ ਸਾਰਿਆਂ ਨੂੰ ਅੱਗੇ ਵਧਾਉਣ ਤੋਂ ਪਹਿਲਾਂ ਚੇਤੇ ਕਰਵਾਈ ਸੀ। ਕਈ ਲੋਕਾਂ ਨੇ ਬਲੀਦਾਨ ਦਿੱਤੇ ਹਨ ਤੇ ਸੂਖਮ ਰੂਪ 'ਚ ਇੱਥੇ ਮੌਜੂਦ ਹਨ। ਅਜਿਹੇ ਵੀ ਹਨ ਜਿਹੜੇ ਇੱਥੇ ਆ ਨਹੀਂ ਸਕਦੇ। ਅਡਵਾਨੀ ਜੀ ਆਪਣੇ ਘਰ ਬੈਠ ਕੇ ਇਸ ਪ੍ਰੋਗਰਾਮ ਨੂੰ ਦੇਖ ਰਹੇ ਹੋਣਗੇ। ਪੂਰੇ ਦੇਸ਼ ਵਿਚ ਆਨੰਦ ਦੀ ਲਹਿਰ ਹੈ। ਸਦੀਆਂ ਦੀ ਆਸ ਪੂਰੀ ਹੋਣ ਦਾ ਆਨੰਦ ਹੈ। ਸਭ ਤੋਂ ਵੱਡਾ ਆਨੰਦ ਹੈ। ਭਾਰਤ ਨੂੰ ਆਤਮਨਿਰਭਰ ਬਣਾਉਣ ਲਈ ਜਿਸ ਆਤਮ ਵਿਸ਼ਵਾਸ ਦੀ ਜ਼ਰੂਰਤ ਸੀ, ਜਿਸ ਆਤਮ ਭਾਨ ਦੀ ਜ਼ਰੂਰਤ ਸੀ, ਉਸ ਦਾ ਸ਼ੁੱਭ ਆਰੰਭ ਅੱਜ ਹੋ ਰਿਹਾ ਹੈ।

ਜੇਕਰ ਇੱਕ ਹਫ਼ਤੇ ਅੰਦਰ ਕਾਰਵਾਈ  ਨਾ ਹੋਈ ਤਾਂ ਮਹਿਲ ਕਲਾਂ ਮੇਨ ਹਾਈਵੇ ਕੀਤਾ ਜਾਵੇਗਾ ਜਾਮ -ਪੀੜਤ ਕਿਸਾਨ ਗੁਰਪ੍ਰੀਤ ਸਿੰਘ 

ਮਹਿਲ ਕਲਾਂ /ਬਰਨਾਲਾ- ਜੁਲਾਈ 2020 (ਗੁਰਸੇਵਕ ਸਿੰਘ ਸੋਹੀ)- ਜ਼ਿਲ੍ਹਾ ਬਰਨਾਲਾ ਅਧੀਨ ਪੈਂਦੇ ਪਿੰਡ ਚੁਹਾਣਕੇ ਖੁਰਦ ਦੇ ਕਿਸਾਨ  ਗੁਰਪ੍ਰੀਤ ਸਿੰਘ ਪੁੱਤਰ ਹਿੰਮਤ ਸਿੰਘ ਨੇ ਆਪਣੀ ਦੋ ਏਕੜ ਮੱਕੀ ਦੀ ਫ਼ਸਲ ਆਪਣੇ ਖੇਤ ਦੇ ਗੁਆਂਢੀ ਕਿਸਾਨ ਵੱਲੋਂ ਕਣਕ ਦੀ ਨਾੜ ਨੂੰ ਲਗਾਈ ਅੱਗ ਨਾਲ ਸੜਨ ਦੇ ਦੋਸ਼ ਲਗਾਏ ਹਨ ।ਇਸ ਸਬੰਧੀ ਪੱਤਰਕਾਰਾਂ ਨੂੰ ਆਪਣਾ ਤਸਦੀਕ ਸ਼ੁਦਾ ਹਲਫ਼ੀਆ ਬਿਆਨ ਦਿੰਦਿਆਂ ਹੋਇਆ ਕਿਸਾਨ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮੈਂ ਆਪਣੇ ਖੇਤ ਵਿੱਚ ਪਾਣੀ ਦੀ ਬੱਚਤ ਤੇ ਹੋਰਨਾਂ ਬੱਚਤਾਂ ਨੂੰ ਦੇਖਦੇ ਹੋਏ ਸਰਕਾਰ ਅਤੇ ਖੇਤੀਬਾੜੀ ਵਿਭਾਗ ਦੀਆਂ ਖੇਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਦੋ ਏਕੜ ਦੇ ਕਰੀਬ ਦੀ ਫਸਲ ਦੀ ਬਿਜਾਈ ਕੀਤੀ ਸੀ ।ਪਰ ਮਿਤੀ  9/5/2020 ਨੂੰ   ਮੇਰੇ ਖੇਤ ਦੇ ਗੁਆਂਢੀ ਕਿਸਾਨ ਪਵਿੱਤਰ ਸਿੰਘ ਪੁੱਤਰ ਸ਼ੇਰ ਸਿੰਘ ਅਤੇ ਉਸ ਦੇ ਲੜਕੇ ਅਵਤਾਰ ਸਿੰਘ,  ਮੁਖਤਿਆਰ ਸਿੰਘ ਅਤੇ ਜਗਤਾਰ ਸਿੰਘ ਨੇ ਰਲ ਕੇ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਆਪਣੇ ਖੇਤ ਵਿੱਚ 20v ਏਕੜ ਦੇ ਕਰੀਬ ਕਣਕ ਦੇ ਨਾੜ ਨੂੰ ਅੱਗ ਲਗਾ ਦਿੱਤੀ ।ਜਿਸ ਦੀਆਂ ਲਪਟਾਂ ਦੀ ਲਪੇਟ ਵਿੱਚ ਮੇਰੀ ਮੱਕੀ ਦੀ ਫ਼ਸਲ ਆਉਣ ਨਾਲ ਸਾਰੀ ਫਸਲ ਸੜ ਕੇ ਸੁਆਹ ਹੋ ਗਈ।ਜਿਸ ਸਬੰਧੀ ਮੈਂ ਤੁਰੰਤ ਖੁਦ ਆਪ ਜਾ ਕੇ ਥਾਣਾ ਮਹਿਲ ਕਲਾਂ ਦੀ ਪੁਲਿਸ ਨੂੰ ਆਪਣੇ ਖੇਤ ਲਿਆ ਕੇ  ਸਥਿਤੀ ਨੂੰ ਜਾਣੂੰ ਕਰਵਾ ਦਿੱਤਾ ਸੀ ਅਤੇ ਥਾਣੇ ਵਿੱਚ ਦਰਖਾਸਤ ਦੇ ਦਿੱਤੀ ਸੀ । ਪਰ ਅਜੇ ਤੱਕ ਪੁਲਿਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ । ਉਨ੍ਹਾਂ ਦੱਸਿਆ ਕਿ ਉਕਤ ਗੁਆਂਢੀ ਕਿਸਾਨਾਂ ਨੇ ਮੱਕੀ ਦੀ ਸੜੀ ਫਸਲ ਦੇ ਸਬੂਤ ਮਿਟਾਉਣ ਲਈ ਜ਼ਮੀਨ ਵਿੱਚ ਕੰਪਿਊਟਰ ਕਰਾਹ ਲਗਾ ਦਿੱਤਾ ਹੈ । ਪਰ ਮੇਰੇ ਕੋਲ ਉਕਤ ਘਟਨਾ ਦੇ ਸਾਰੇ ਸਬੂਤ ਮੌਜੂਦ ਹਨ । ਪੀੜਤ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਖੇਤੀਬਾੜੀ ਵਿਭਾਗ ਮਹਿਲ ਕਲਾਂ ਦੇ ਅਧਿਕਾਰੀਆਂ ਨੇ ਮੱਚੀ ਹੋਈ ਮੱਕੀ ਦੀ ਫ਼ਸਲ ਦਾ ਜਾਇਜ਼ਾ ਲਿਆ ਅਤੇ 18.5.2020 ਨੂੰ ਆਪਣੇ ਵਿਭਾਗ ਬਰਨਾਲਾ ਵਿਖੇ ਮੇਰੇ ਹੱਕ ਵਿੱਚ ਰਿਪੋਰਟ ਬਣਾ ਕੇ ਭੇਜ ਦਿੱਤੀ ਸੀ । ਪਰ ਫਿਰ ਵੀ ਮੇਰੀ ਸ਼ਿਕਾਇਤ ਤੇ ਕਾਰਵਾਈ ਪੁਲਿਸ ਕਿਉਂ ਨਹੀਂ ਕਰ ਰਹੀ ? 

ਉਨ੍ਹਾਂ ਦੱਸਿਆ ਕਿ ਮਾਨਯੋਗ ਐਸਐਸਪੀ ਬਰਨਾਲਾ ਸੰਦੀਪ ਗੋਇਲ ਤੇ ਖੇਤੀਬਾੜੀ ਵਿਭਾਗ ਤੋਂ ਮੰਗ ਕੀਤੀ ਹੈ ਕਿ ਮੈਂ ਇੱਕ ਗਰੀਬ ਕਿਸਾਨ ਹਾਂ ਡਰਾਈਵਰੀ ਕਰਕੇ ਆਪਣੇ ਪਰਿਵਾਰ ਦਾ ਪੇਟ ਪਾਲ ਰਿਹਾ ਹਾਂ । ਇਸ ਲਈ ਮੈਨੂੰ ਇਨਸਾਫ ਦਿੱਤਾ ਜਾਵੇ ।ਕਿਸਾਨ ਗੁਰਮੀਤ ਸਿੰਘ ਨੇ ਚਿਤਾਵਨੀ ਭਰੀ ਸੁਰ ਵਿਚ ਕਿਹਾ ਕਿ ਅਗਰ ਮੈਨੂੰ ਇੱਕ ਹਫ਼ਤੇ ਦੇ ਅੰਦਰ ਅੰਦਰ ਇਨਸਾਫ ਨਾ ਮਿਲਿਆ ਤਾਂ ਉਹ ਕਿਸਾਨ ਜਥੇਬੰਦੀਆਂ ਦੇ ਸਹਿਯੋਗ ਨਾਲ ਮਹਿਲ ਕਲਾਂ ਮੇਨ ਰੋਡ ਜਾਮ ਕੀਤਾ ਜਾਵੇਗਾ । 

 *ਕੀ ਕਹਿੰਦੇ ਨੇ ਦੂਸਰੇ ਕਿਸਾਨ -* 

ਇਸ ਸਬੰਧੀ ਜਦੋਂ ਅੱਗ ਲਗਾਉਣ ਵਾਲੇ ਕਿਸਾਨ ਪਵਿੱਤਰ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਕਿਹਾ ਕਿ ਕਿਸਾਨ ਗੁਰਪ੍ਰੀਤ ਸਿੰਘ ਝੂਠ ਬੋਲ  ਰਿਹਾ ਹੈ। ਇਸ ਨੇ ਜਾਣ ਬੁੱਝ ਕੇ  ਕੀਟਨਾਸ਼ਕ ਦਵਾਈ (ਰਾਊਂਡਅੱਪ) ਕੱਖ ਮਾਰਨ ਵਾਲੀ ਦਾ ਸੜਕਾਂ ਕਰਕੇ ਆਪਣੀ ਫਸਲ ਨੂੰ ਨੁਕਸਾਨ ਪਹੁੰਚਾਇਆ ਹੈ ।  

 *ਕੀ ਕਹਿੰਦੇ ਨੇ ਖੇਤੀਬਾੜੀ ਅਫ਼ਸਰ*- ਇਸ ਮਾਮਲੇ ਸਬੰਧੀ ਖੇਤੀਬਾੜੀ ਦਫ਼ਤਰ ਮਹਿਲ ਕਲਾਂ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਉਕਤ ਕਿਸਾਨ ਦੀ ਫਸਲ ਨੂੰ ਨੁਕਸਾਨ ਜ਼ਰੂਰ ਹੋਇਆ ਹੈ । ਇਸ ਸਬੰਧੀ ਅਸੀਂ ਰਿਪੋਰਟ ਬਣਵਾ ਕੇ ਆਪਣੇ ਵਿਭਾਗ ਨੂੰ ਬਰਨਾਲਾ ਵਿਖੇ ਭੇਜ ਦਿੱਤੀ ਹੈ । 

 *ਕੀ ਕਹਿਣਾ ਪੁਲਿਸ  ਦਾ* 

ਇਸ ਸਬੰਧੀ ਥਾਣਾ ਮਹਿਲ ਕਲਾਂ ਦੇ ਏਐੱਸਆਈ ਸੁਖਵਿੰਦਰ ਸਿੰਘ ਨੇ ਕਿਹਾ ਕਿ ਉਕਤ ਮਾਮਲੇ ਸਬੰਧੀ ਸਾਡੇ ਕੋਲ ਦਰਖਾਸਤ ਆਈ ਹੋਈ ਹੈ।  ਜਿਸ ਦੀ ਅਸੀਂ ਪੜਤਾਲ ਕਰ ਰਹੇ ਹਾਂ । ਜੇਕਰ ਕੋਈ ਦੋਸ਼ੀ ਪਾਇਆ ਗਿਆ ਤਾਂ ਉਸ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ।

ਮੁੰਬਈ , ਜੁਲਾਈ 2020 -(ਏਜੰਸੀ)-  ਐਕਟਰਸ ਅਤੇ ਮਾਡਲ ਦਿਵਿਆ ਚੌਕਸੇ ਨਹੀਂ ਰਹੀ। ਬੀਤੇ ਦਿਨ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ। ਉਹ ਕੈਂਸਰ ਦੀ ਨਾਮੁਰਾਦ ਬਿਮਾਰੀ ਤੋਂ ਪੀੜਤ ਸੀ ਅਤੇ ਲੰਮੇ ਸਮੇਂ ਤੋਂ ਉਨ੍ਹਾਂ ਦੀ ਥੈਰੇਪੀ ਚੱਲ ਰਹੀ ਸੀ। ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਦੀ ਰਹਿਣ ਵਾਲੀ ਦਿਵਿਆ ਆਈਐੱਮਸੀ ਮਿਸ ਇੰਡੀਆ ਯੂਨੀਵਰਸ ਦੀ ਉਮੀਦਵਾਰ ਰਹਿ ਚੁੱਕੀ ਸੀ। ਉਨ੍ਹਾਂ ਕਈ ਐਡ ਫਿਲਮਾਂ 'ਚ ਕੰਮ ਕੀਤਾ। ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਉਨ੍ਹਾਂ ਫਿਲਮ 'ਹੈ ਆਪਣਾ ਦਿਲ ਅਵਾਰਾ' ਤੋਂ ਕੀਤੀ ਸੀ। ਉਨ੍ਹਾਂ ਇਸ 'ਚ 'ਸਾਨਿਆ ਦਲਵਾਨੀ' ਦਾ ਕਿਰਦਾਰ ਨਿਭਾਇਆ ਸੀ। ਦਿਵਿਆ ਦੀ ਭੈਣ ਸੌਮਿਆ ਨੇ ਫੇਸਬੁੱਕ 'ਤੇ ਪੋਸਟ ਕਰ ਕੇ ਇਸ ਖ਼ਬਰ ਦੀ ਸੂਚਨਾ ਦਿੱਤੀ। ਉਨ੍ਹਾਂ ਲਿਖਿਆ ਕਿ ਮੇਰੀ ਭੈਣ ਦਿਵਿਆ ਚੌਕਸੇ ਦਾ ਕੈਂਸਰ ਕਾਰਨ ਬਹੁਤ ਛੋਟੀ ਉਮਰ 'ਚ ਦੇਹਾਂਤ ਹੋ ਗਿਆ ਹੈ। ਲੰਡਨ ਤੋਂ ਐਕਟਿੰਗ ਦਾ ਕੋਰਸ ਕੀਤਾ ਸੀ, ਉਹ ਇਕ ਬਹੁਤ ਚੰਗੀ ਮਾਡਲ ਵੀ ਸੀ, ਉਨ੍ਹਾਂ ਕਈ ਫਿਲਮਾਂ 'ਚ ਕੰਮ ਕੀਤਾ ਤੇ ਸੀਰੀਅਲ 'ਚ ਵੀ ਕੰਮ ਕੀਤਾ, ਗਾਇਕੀ 'ਚ ਵੀ ਉਨ੍ਹਾਂ ਨਾਂ ਕਮਾਇਆ ਤੇ ਅੱਜ ਉਹ ਸਾਨੂੰ ਇਸ ਤਰ੍ਹਾਂ ਛੱਡ ਕੇ ਚੱਲੀ ਗਈ। ਈਸ਼ਵਰ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤ ਦੇਵੇ। ਦਿਵਿਆ ਦੀ ਦੋਸਤ ਨਿਹਾਰਿਕਾ ਰਾਏਜਾਦਾ ਨੇ ਵੀ ਆਪਣੇ ਫੇਸਬੁੱਕ ਅਕਾਊਂਟ 'ਤੇ ਇਕ ਪੋਸਟ ਲਿਖ ਕੇ ਦਿਵਿਆ ਦੀ ਮੌਤ ਦੀ ਪੁਸ਼ਟੀ ਕੀਤੀ।  

ਟੋਰਾਂਟੋ/ਕੈਨੇਡਾ, ਜੁਲਾਈ 2020 -(ਏਜੰਸੀ)- ਦੂਜੇ ਦੇਸ਼ਾਂ ਤੋਂ ਕੈਨੇਡਾ ਆਉਣ-ਜਾਣ ਵਾਲੇ ਲੋਕਾਂ ਲਈ ਕੈਨੇਡਾ ਸਰਕਾਰ ਨੇ ਘੇਰਾ ਵਧਾਉਂਦਿਆਂ ਇਸ ਨੂੰ ਹਵਾਈ ਮੁਸਾਫ਼ਰਾਂ 'ਤੇ ਵੀ ਲਾਗੂ ਕਰ ਦਿਤਾ ਹੈ। ਹੁਣ ਮਲਟੀਪਲ ਵੀਜ਼ਾ ਵਾਲੇ ਲੋਕ ਕੈਨੇਡਾ ਵਿਚ ਵੀਜ਼ਾ ਮਿਆਦ ਤੋਂ ਵੱਧ ਸਮਾਂ ਬਤੀਤ ਨਹੀਂ ਕਰ ਸਕਣਗੇ ਅਤੇ ਝੂਠ ਬੋਲਣ ਵਾਲਿਆਂ ਵਿਰੁੱਧ ਅਪਰਾਧਕ ਕਾਰਵਾਈ ਵੀ ਕੀਤੀ ਜਾ ਸਕਦੀ ਹੈ। ਇਹ ਨਿਯਮ ਬੀਤੀ 25 ਜੂਨ ਤੋਂ ਲਾਗੂ ਹੋ ਗਏ ਹਨ ਜਿਨ੍ਹਾਂ ਤਹਿਤ ਕਮਰਸ਼ੀਅਲ ਏਅਰਲਾਈਨਜ਼ ਵਾਸਤੇ ਲਾਜ਼ਮੀ ਹੈ ਕਿ ਉਹ ਆਪਣੇ ਮੁਸਾਫ਼ਰਾਂ ਦੀ ਮੁਕੰਮਲ ਜਾਣਕਾਰੀ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਨੂੰ ਮੁਹੱਈਆ ਕਰਵਾਉਣ। ਇਸ ਤੋਂ ਪਹਿਲਾਂ ਸਿਰਫ਼ ਜ਼ਮੀਨੀ ਰਸਤੇ ਕੈਨੇਡਾ ਵਿਚ ਦਾਖ਼ਲ ਹੋਣ ਅਤੇ ਬਾਹਰ ਜਾਣ ਵਾਲਿਆਂ ਦੀ ਬਾਇਓਗ੍ਰਾਫ਼ਿਕ ਜਾਣਕਾਰੀ ਸੀ.ਬੀ.ਐਸ.ਏ. ਦੁਆਰਾ ਇਕੱਤਰ ਕੀਤੀ ਜਾ ਰਹੀ ਸੀ। ਤਾਜ਼ਾ ਘਟਨਾਕ੍ਰਮ ਤਹਿਤ ਹਵਾਈ ਰਸਤੇ ਕੈਨੇਡਾ ਵਿਚ ਦਾਖ਼ਲ ਹੋਣ ਵਾਲੇ ਜਾਂ ਬਾਹਰ ਜਾਣ ਵਾਲਿਆਂ ਬਾਰੇ ਬੁਨਿਆਦੀ ਜਾਣਕਾਰੀ ਇਕੱਤਰ ਕਰਨੀ ਸ਼ੁਰੂ ਕਰ ਦਿਤੀ ਗਈ ਹੈ।

ਲਾਹੌਰ ਜੂਨ   2020-(ਏਜੰਸੀ )   ਪਾਕਿਸਤਾਨ ਨੇ ਤਿੰਨ ਮਹੀਨਿਆਂ ਪਿੱਛੋਂ ਸੋਮਵਾਰ ਨੂੰ ਕਰਤਾਰਪੁਰ ਲਾਂਘਾ ਖੋਲ੍ਹ ਦਿੱਤਾ। ਇਹ ਲਾਂਘਾ ਕੋਰੋਨਾ ਵਾਇਰਸ (ਕੋਵਿਡ-19) ਕਾਰਨ ਆਰਜ਼ੀ ਤੌਰ 'ਤੇ ਬੰਦ ਕੀਤਾ ਗਿਆ ਸੀ। ਭਾਰਤ ਸਰਕਾਰ ਵੱਲੋਂ ਕੋਰੋਨਾ ਵਾਇਰਸ ਕਾਰਨ 16 ਮਾਰਚ ਨੂੰ ਕਰਤਾਰਪੁਰ ਲਾਂਘਾ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ ਸੀ। ਇਵਾਕਿਊ ਟਰੱਸਟ ਪ੍ਰਰਾਪਰਟੀ ਬੋਰਡ ਦੇ ਡਿਪਟੀ ਡਾਇਰੈਕਟਰ ਇਮਰਾਨ ਖ਼ਾਨ ਨੇ ਦੱਸਿਆ ਕਿ ਅੱਜ ਪਹਿਲੇ ਦਿਨ ਭਾਰਤ ਦਾ ਕੋਈ ਵੀ ਸ਼ਰਧਾਲੂ ਕਰਤਾਰਪੁਰ ਸਾਹਿਬ ਨਹੀਂ ਪੁੱਜਾ। ਉਨ੍ਹਾਂ ਦੱਸਿਆ ਕਿ ਸਰੀਰਕ ਦੂਰੀ ਦੇ ਨਿਯਮ ਕਾਰਨ ਪਾਕਿਸਤਾਨ ਤੋਂ ਵੀ ਕੋਈ ਸ਼ਰਧਾਲੂ ਗੁਰਦੁਆਰਾ ਕਰਤਾਰਪੁਰ ਸਾਹਿਬ 'ਚ ਨਹੀਂ ਪੁੱਜਾ ਤੇ ਸਰਬੱਤ ਦੇ ਭਲੇ ਲਈ ਵਿਸ਼ੇਸ਼ ਅਰਦਾਸ ਕੀਤੀ ਗਈ।

ਇਸ ਤੋਂ ਪਹਿਲੇ ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਕਿਹਾ ਕਿ ਪਾਕਿਸਤਾਨ ਮਹਾਰਾਜਾ ਰਣਜੀਤ ਸਿੰਘ ਦੀ ਬਰਸੀ ਮੌਕੇ ਸਾਰੇ ਸਿੱਖ ਸ਼ਰਧਾਲੂਆਂ ਲਈ 29 ਜੂਨ ਤੋਂ ਕਰਤਾਰਪੁਰ ਲਾਂਘਾ ਖੋਲ੍ਹ ਰਿਹਾ ਹੈ। ਭਾਰਤ ਸਰਕਾਰ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨ ਪਿੱਛੋਂ ਹੀ ਕਰਤਾਰਪੁਰ ਲਾਂਘਾ ਖੋਲਿ੍ਹਆ ਜਾਵੇਗਾ। ਭਾਰਤ ਸਰਕਾਰ ਦੇ ਇਕ ਅਧਿਕਾਰੀ ਨੇ ਇਸ ਗੱਲ 'ਤੇ ਹੈਰਾਨੀ ਪ੍ਰਗਟ ਕੀਤੀ ਸੀ ਕਿ ਕਰਤਾਰਪੁਰ ਲਾਂਘੇ ਨੂੰ ਖੋਲ੍ਹਣ ਤੋਂ ਪਹਿਲੇ ਪਾਕਿ ਨੇ ਇਕ ਹਫ਼ਤੇ ਦਾ ਵਕਫਾ ਵੀ ਨਹੀਂ ਰੱਖਿਆ।

ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਸਿੱਖ ਧਰਮ ਦੇ ਬਾਨੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਦੋਵਾਂ ਦੇਸ਼ਾਂ ਦੀ ਰਜ਼ਾਮੰਦੀ ਨਾਲ ਕਰਤਾਰਪੁਰ ਲਾਂਘਾ ਖੋਲਿ੍ਹਆ ਗਿਆ ਸੀ ਜੋਕਿ ਭਾਰਤ ਦੇ ਡੇਰਾ ਬਾਬਾ ਨਾਨਕ (ਗੁਰਦਾਸਪੁਰ) ਨੂੰ ਪਾਕਿਸਤਾਨ ਦੇ ਗੁਰਦੁਆਰਾ ਕਰਤਾਰਪੁਰ ਸਾਹਿਬ ਨਾਲ ਜੋੜਦਾ ਹੈ। ਕਰਤਾਰਪੁਰ ਸਾਹਿਬ ਗੁਰਦੁਆਰਾ ਪਾਕਿਸਤਾਨ ਦੇ ਨਾਰੋਵਾਲ ਜ਼ਿਲ੍ਹੇ ਵਿਚ ਰਾਵੀ ਦਰਿਆ ਦੇ ਕਿਨਾਰੇ 'ਤੇ ਸਥਿਤ ਹੈ ਤੇ ਇੱਥੇ ਗੁਰੂ ਨਾਨਕ ਦੇਵ ਜੀ ਨੇ ਆਪਣੀ ਜ਼ਿੰਦਗੀ ਦੇ ਆਖਰੀ 18 ਸਾਲ ਬਤੀਤ ਕੀਤੇ ਸਨ। ਭਾਰਤ ਦੇ ਹਰ ਫਿਰਕੇ ਦੇ ਲੋਕ ਬਿਨਾਂ ਕਿਸੇ ਭੇਦਭਾਵ ਦੇ ਵੀਜ਼ਾ ਫ੍ਰੀ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ ਕਰ ਸਕਦੇ ਹਨ।

ਵੁਲਵਰਹੈਂਪਟਨ/ਇੰਗਲੈਂਡ, ਜੂਨ 2020 -(ਗਿਆਨੀ ਰਾਵਿਦਰਪਾਲ ਸਿੰਘ)-

ਯੂ. ਕੇ. ਦੇ ਸ਼ਹਿਰ ਵੁਲਵਰਹੈਂਪਟਨ 'ਚ ਰਹਿਣ ਵਾਲੇ ਲੇਖਕ ਬਲਵਿੰਦਰ ਸਿੰਘ ਚਾਹਲ ਦੀ ਦੂਸਰੀ ਸੰਸਾਰ ਜੰਗ ਦੌਰਾਨ ਇਟਲੀ 'ਚ ਬਰਤਾਨਵੀ ਭਾਰਤੀ ਫ਼ੌਜ ਵਲੋਂ ਲੜਨ ਵਾਲੇ ਫ਼ੌਜੀਆਂ 'ਤੇ ਆਧਾਰਿਤ 'ਇਟਲੀ ਵਿਚ ਸਿੱਖ ਫ਼ੌਜੀ' ਕਿਤਾਬ ਦਾ ਅੰਗਰੇਜ਼ੀ ਐਡੀਸ਼ਨ ਯੂ. ਕੇ. ਵਿਚ ਜਾਰੀ ਕੀਤਾ ਗਿਆ । ਯੂਰਪੀ ਪੰਜਾਬੀ ਸੱਥ ਯੂ. ਕੇ. ਦੇ ਸੰਚਾਲਕ ਮੋਤਾ ਸਿੰਘ ਸਰਾਏ ਨੇ ਦੱਸਿਆ ਕਿ ਯੂਰਪੀ ਪੰਜਾਬੀ ਸੱਥ ਯੂ. ਕੇ., ਪ੍ਰਵਾਸੀ ਸਾਹਿਤ ਅਧਿਐਨ ਕੇਂਦਰ ਗੁੱਜਰਾਂਵਾਲਾ ਗੁਰੂ ਨਾਨਕ ਕਾਲਜ ਲੁਧਿਆਣਾ, ਗੁਰੂ ਗੋਬਿੰਦ ਸਿੰਘ ਜੀ ਗੁਰਦੁਆਰਾ ਸ਼ੈਫਫੀਲਡ ਦੀ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ ਨਾਲ ਤਿਆਰ ਕੀਤੀ ਗਈ ਹੈ । ਗੁੱਜਰਾਂਵਾਲਾ ਗੁਰੂ ਨਾਨਕ ਖ਼ਾਲਸਾ ਕਾਲਜ ਲੁਧਿਆਣਾ ਦੇ ਅੰਗਰੇਜ਼ੀ ਵਿਭਾਗ ਦੇ ਮੁਖੀ ਡਾ. ਸੁਸ਼ਮਿੰਦਰਜੀਤ ਕੌਰ ਨੇ ਕਿਤਾਬ ਦਾ ਤਰਜਮਾ ਕੀਤਾ ਹੈ ।