ਅੱਠ ਲੋਕ ਜ਼ਖਮੀ ਇੱਕ ਦੀ ਹਾਲਤ ਨਾਜ਼ੁਕ
ਫ਼ਰੀਦਕੋਟ, 30 ਨਵੰਬਰ (ਗੁਰੂਦੇਵ ਗ਼ਾਲਿਬ ) ਬਠਿੰਡਾ ਅੰਮ੍ਰਿਤਸਰ ਹਾਈਵੇ ਤੇ ਪਿੰਡ ਪੱਕਾ ਦੇ ਨੇਡ਼ੇ ਸਵੇਰੇ ਅੱਠ ਵਜੇ ਧੁੰਦ ਕਾਰਨ ਵਾਪਰੇ ਹਾਦਸੇ ਚ ਸੱਤ ਵਾਹਨ ਆਪਸ ਵਿਚ ਟਕਰਾ ਗਏ । ਹਾਦਸਾ ਇੰਨਾ ਭਿਆਨਕ ਸੀ ਕਿ ਦੂਰ ਦੁਰਾਡੇ ਤਕ ਚੀਕਾਂ ਅਤੇ ਖੜ੍ਹਕੇ ਦੀਆ ਆਵਾਜ਼ਾਂ ਸੁਣਾਈ ਦਿੱਤੀਆਂ । ਹਾਦਸੇ ਵਿੱਚ ਅੱਠ ਲੋਕ ਜ਼ਖਮੀ ਹੋ ਗਏ ਜਿਨ੍ਹਾਂ ਚੋਂ ਇਕ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਜਿਸ ਨੂੰ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ ਹੈ ।ਇਹ ਹਾਦਸਾ ਥਾਣਾ ਫ਼ਰੀਦਕੋਟ ਸਦਰ ਤਹਿਤ ਆਉਂਦੇ ਪਿੰਡ ਪੱਕਾ ਦੇ ਨੇੜੇ ਵਾਪਰਿਆ । ਧੁੰਦ ਦੇ ਕਾਰਨ ਵਿਜ਼ੀਬਿਲਟੀ ਘੱਟ ਹੋਣ ਤੇ ਹੋਇਆ ਹਾਦਸਾ ਜਿਸ ਵਿੱਚ ਹਾਈਵੇ ਉਪਰ ਟਰੈਕਟਰ ਟਰਾਲੀ ਚੜ੍ਹ ਰਹੇ ਸਨ ਜਿਸ ਨੂੰ ਟਰਾਲੇ ਨੇ ਪਿੱਛੋਂ ਟੱਕਰ ਮਾਰ ਦਿੱਤੀ ਅਤੇ ਟ੍ਰੇਲਰ ਦੇ ਪਿੱਛੇ ਆ ਰਹੀ ਜੀਪ ਅਤੇ ਦੋ ਕਾਰਾਂ ਵੀ ਘਟਨਾਗ੍ਰਸਤ ਹੋ ਗਈਆਂ ।
