ਹਠੂਰ,15,ਜਨਵਰੀ-(ਕੌਸ਼ਲ ਮੱਲ੍ਹਾ)-ਖੇਤਾ ਦੀਆ ਮੋਟਰਾ ਤੋ ਬਿਜਲੀ ਦੀਆ ਤਾਰਾ ਚੋਰੀ ਕਰਨ ਵਾਲੇ ਤਿੰਨ ਚੋਰਾ ਨੂੰ ਹਠੂਰ ਪੁਲਿਸ ਨੇ ਕਾਬੂ ਕੀਤਾ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੁਲਿਸ ਥਾਣਾ ਹਠੂਰ ਦੇ ਏ ਐਸ ਆਈ ਮਨੋਹਰ ਲਾਲ ਨੇ ਦੱਸਿਆ ਕਿ ਪਿੰਡ ਲੱਖਾ ਤੋ ਸ੍ਰੀ ਗੁਰਦੁਆਰਾ ਮੈਹਦੇਆਣਾ ਸਾਹਿਬ ਦੇ ਵਿਚਕਾਰ ਪੈਦੇ ਪਾਣੀ ਵਾਲੇ ਸੂਏ ਦੇ ਨਜਦੀਕ ਬੰਦ ਪਾਏ ਇੱਟਾ ਦੇ ਭੱਠੇ ਤੇ ਚੋਰ ਬਿਜਲੀ ਦੀਆ ਤਾਰਾ ਨੂੰ ਅੱਗ ਲਾ ਕੇ ਤਾਰਾ ਵਿਚੋ ਤਾਬਾ ਕੱਢ ਰਹੇ ਸਨ ਜਿਨ੍ਹਾ ਨੂੰ ਨੇੜਲੇ ਖੇਤਾ ਵਾਲਿਆ ਨੇ ਮੌਕੇ ਤੇ ਹੀ ਫੜ੍ਹ ਕੇ ਪੁਲਿਸ ਹਵਾਲੇ ਕਰ ਦਿੱਤਾ।ਜਿਨ੍ਹਾ ਦੀ ਜਦੋ ਬਰੀਕੀ ਨਾਲ ਤਫਤੀਸ ਕੀਤੀ।ਉਨ੍ਹਾ ਦੱਸਿਆ ਕਿ ਅਸੀ ਇਲਾਕੇ ਦੀਆ ਮੋਟਰਾ ਤੋ ਬਿਜਲੀ ਦੀਆ ਤਾਰਾ ਚੋਰੀ ਕਰਦੇ ਸੀ।ਇਨ੍ਹਾ ਚੋਰਾ ਦੇ ਖਿਲਾਫ ਅਵਤਾਰ ਸਿੰਘ ਪੁੱਤਰ ਜੋਰਾ ਸਿੰਘ ਵਾਸੀ ਲੱਖਾ ਦੇ ਬਿਆਨਾ ਦੇ ਅਧਾਰ ਤੇ ਗੁਰਪ੍ਰੀਤ ਸਿੰਘ ਉਰਫ ਲੱਡੂ ਪੁੱਤਰ ਗੁਰਜੰਟ ਸਿੰਘ,ਮਨਪ੍ਰੀਤ ਸਿੰਘ ਪੁੱਤਰ ਇਕਬਾਲ ਸਿੰਘ ਅਤੇ ਕਬਾੜੀਆ ਗੁਰਪਾਲ ਸਿੰਘ ਪੁੱਤਰ ਸਿੰਦਰ ਸਿੰਘ ਵਾਸੀ ਲੱਖਾ ਖਿਲਾਫ ਮੁਕੱਦਮਾ ਨੰਬਰ ਦੋ ਧਾਰਾ 379,411,427 ਤਹਿਤ ਥਾਣਾ ਹਠੂਰ ਵਿਖੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਇਨ੍ਹਾ ਚੋਰਾ ਨੂੰ ਅੱਜ ਮਾਨਯੋਗ ਅਦਾਲਤ ਵਿਚ ਪੇਸ ਕਰਕੇ ਦੋ ਦਿਨਾ ਦਾ ਰਿਮਾਡ ਮਿਿਲਆ ਹੈ ਅਤੇ ਹੋਰ ਤਫਤੀਸ ਕੀਤੀ ਜਾ ਰਹੀ ਹੈ।ਇਸ ਮੌਕੇ ਉਨ੍ਹਾ ਨਾਲ ਏ ਐਸ ਆਈ ਸੁਲੱਖਣ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:- ਏ ਐਸ ਆਈ ਮਨੋਹਰ ਲਾਲ ਬਿਜਲੀ ਦੀਆ ਤਾਰਾ ਸਮੇਤ ਕਾਬੂ ਕੀਤੇ ਚੋਰਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ।
