ਜਗਰਾਉਂ, 30 ਜੁਲਾਈ (ਮਨਜਿੰਦਰ ਗਿੱਲ) ਪਿੰਡ ਸਵੱਦੀ ਖੁਰਦ ਦੇ ਅਗਾਂਹਵਧੂ ਸਕੂਲ ਵਿੱਚ ਅੱਜ ਅਧਿਆਪਕ ਹਰਨਰਾਇਣ ਸਿੰਘ ਮੱਲੇਆਣਾ ਦੇ ਯੋਗ ਯਤਨਾਂ ਸਦਕਾ ਬੱਚਿਆਂ ਨੂੰ ਗਿਣਤੀ ਪਡ਼੍ਹਾਈ ਵਿਚ ਮਾਹਿਰ ਕਰਨ ਲਈ ਗਣਿਤ ਦੀ ਪੜ੍ਹਾਈ ਤੇ ਮੇਲਾ ਲਾਇਆ ਗਿਆ । ਜਿਸ ਦਾ ਬੱਚਿਆਂ ਨੇ ਬਹੁਤ ਹੀ ਉਤਸ਼ਾਹਤ ਤਰੀਕੇ ਨਾਲ ਫ਼ਾਇਦਾ ਲਿਆ । ਇਸ ਸਮੇਂ ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦੇ ਹੋਏ ਅਧਿਆਪਕ ਹਰਨਰਾਇਣ ਸਿੰਘ ਮੱਲੇਆਣਾ ਨੇ ਦੱਸਿਆ ਕੀ ਇਸ ਤਰ੍ਹਾਂ ਦੇ ਮੇਲੇ ਬੱਚਿਆਂ ਦੇ ਲਈ ਸਮੇਂ ਦੀ ਮੁੱਖ ਲੋੜ ਹਨ । ਸਵੱਦੀ ਖੁਰਦ ਪਿੰਡ ਦੇ ਬੱਚੇ ਬਹੁਤ ਹੀ ਮਿਹਨਤ ਨਾਲ ਆਪਣੀ ਪੜ੍ਹਾਈ ਕਰ ਰਹੇ ਹਨ ਉਮੀਦ ਕਰਦੇ ਹਾਂ ਕਿ ਆਉਂਦੇ ਸਮੇਂ ਵਿਚ ਵੱਡੀਆਂ ਪ੍ਰਾਪਤੀਆਂ ਇਨ੍ਹਾਂ ਬੱਚਿਆਂ ਦੇ ਨਾਂ ਨਾਲ ਲੱਗਣ ਗਈਆਂ ।
