ਨਿਪੁੰਸਕ ਸਾਹਿਤਕਾਰ!
- ਨਿਪੁੰਸਕ ਸਾਹਿਤਕਾਰਾਂ ਦੇ
ਲੁੰਗ-ਲਾਣੇ ਨੂੰ
ਸੋਹਣੀ ਕੁੜੀ ਦੇ
ਪੈਰਾਂ 'ਚ ਪਾਈਆਂ
ਝਾਂਜਰਾਂ
ਦੂਰੋਂ ਦਿਸ ਪੈਂਦੀਆਂ ਨੇ!
ਪਿੰਡ ਵਿਚ
ਜਿਮੀਂਦਾਰਾਂ ਦੇ ਘਰਾਂ ਦਾ
ਗੋਹਾ ਕੂੜਾ ਸਿਰ 'ਤੇ
ਸੁੱਟਦੀ
ਮੱਜਬੀਆਂ ਦੀ ਰਾਣੋ
ਦੇ ਮੂੰਹ ਉਪਰੋਂ
ਪਸ਼ੂਆਂ ਦੇ
ਮੂਤ ਦੀਆਂ ਵਗਦੀਆਂ
ਘਰਾਲਾਂ ਨੇੜਿਓਂ ਵੀ
ਦਿਖਾਈ ਨਹੀਂ ਦਿੰਦੀਆਂ!
ਮੁਰਗੇ ਦੀਆਂ ਟੰਗਾਂ
ਚੱਭਦੇ!
ਦਾਰੂ ਪੀਂਦੇ
ਐਸ਼ਾਂ ਕਰਦੇ,
ਬੁੱਲੇ ਲੁੱਟਦੇ
ਲੁੰਗ-ਲਾਣੇ ਨੂੰ
ਕਿਰਨ ਬੇਦੀ ਨੂੰ
ਭਾਰਤ ਦੀ ਪਹਿਲੀ
ਆਈ ਪੀ ਐਸ
ਲਿਖਦਿਆਂ,
ਪ੍ਰਚਾਰਦਿਆਂ,
ਡਾਹਡਾ ਮਾਣ ਮਹਿਸੂਸ ਹੁੰਦੈ!
ਪਰ -
ਵਿਹੜੇ ਵਾਲਿਆਂ ਦੀ
ਸੁਰਜੀਤ ਕੌਰ
ਜਿਹੜੀ 1956 ਵਿਚ
ਆਈ ਪੀ ਐਸ
ਬਣੀ ਸੀ,
ਮੋਟੇ ਸ਼ੀਸ਼ਿਆਂ ਵਾਲੀਆਂ
ਐਨਕਾਂ ਵਿਚੋਂ ਵੀ
ਦਿਖਾਈ ਨਹੀਂ ਦਿੱਤੀ!
-ਸੁਖਦੇਵ ਸਲੇਮਪੁਰੀ
09780620233
22 ਅਗਸਤ, 2022.
