ਬਸ ਇਹੀ ਗੱਲ ਸਹੀ ਨੀ
ਤੂੰ ਵੀ ਸਹੀ, ਮੈਂ ਵੀ ਸਹੀ
ਬਸ ਇਹੀ ਗੱਲ ਸਹੀ ਨੀ।
ਤੇਰੇ ਸੁਪਨਿਆਂ ਲਈ
ਕੁਰਬਾਨ ਸਾਡੀ ਜਿੰਦਗੀ
ਕੌਡੀ ਭਾਅ 'ਚ ਰੁਲੇ
ਸਾਡੀ ਹਰ ਗੱਲ ਕਹੀ
ਬਸ ਇਹੀ ਗੱਲ ਸਹੀ ਨੀ।
ਸਾਨੂੰ ਤਾਂਘ ਰਹੇ ਸਦਾ
ਦੁੱਖ ਤੇਰੇ ਨੂੰ ਮਿਟਾਉਣ ਦੀ
ਤੈਨੂੰ ਰਤਾ ਨਾ ਮਲਾਲ
ਸਾਡੇ ਤੇ ਕੀ ਬਣੀ ਪਈ
ਬਸ ਇਹੀ ਗੱਲ ਸਹੀ ਨੀ।
ਦੋਵੇਂ ਸਹੀ ਹੁੰਦੇ ਅਸੀਂ
ਕਈ ਵਾਰੀ ਸੱਜਣਾ
ਸੋਚ ਦਾ ਫਰਕ "ਕੰਮੋ"
ਜੋ ਹੈ ਬਣੀ ਪਈ
ਬਸ ਇਹੀ ਗੱਲ ਸਹੀ ਨੀ।
ਕਿਸੇ ਪਿੱਛੇ ਲੱਗੀਏ ਨਾ
ਹੱਸ ਹਰ ਬਿਤਾਈਏ ਪਲ
ਜਿੰਦਗੀ ਏ ਦਿੰਦੀ ਧੋਖਾ
ਇਹ ਸਦਾ ਨਾ ਰਹਿੰਦੀ ਬਈ
ਬਸ ਇਹੀ ਗੱਲ ਸਹੀ ਨੀ।
ਕਰਮਜੀਤ ਕੌਰ,ਸ਼ਹਿਰ-ਮਲੋਟ
ਜਿਲ੍ਹਾ-ਸ਼੍ਰੀ ਮੁਕਤਸਰ ਸਾਹਿਬ,ਪੰਜਾਬ
