ਮੁੱਲਾਂਪੁਰ ਦਾਖਾ, 13 ਜੂਨ (ਸਤਵਿੰਦਰ ਸਿੰਘ ਗਿੱਲ) ਲੁਧਿਆਣਾ ਦੇ ਥਾਣਾ ਸਦਰ 'ਚ ਪੇਂਦੀ ਚੌਂਕੀ ਲਲਤੋਂ ਕਲਾਂ ਦੀ ਹੱਦ ਖੇਤਰ 'ਚ ਪਿੰਡ ਠੱਕਰਵਾਲ ਤੋਂ ਖੇੜੀ ਝਮੇੜੀ ਰੋਡ ਵਾਲੇ ਸੂਏ ਵਿਚ ਮਿਲੀ ਨੌਜਵਾਨ ਦੀ ਅੱਧ ਸੜੀ ਲਾਸ਼। ਇਸ ਮੌਕੇ ਘਟਨਾ ਸਥਾਨ ਤੇ ਪਹੁੰਚੇ ਸਦਰ ਥਾਣੇ ਦੇ ਐਸ ਐਚ ਓ ਗੁਰਪ੍ਰੀਤ ਸਿੰਘ ਅਤੇ ਲਲਤੋਂ ਚੌਕੀ ਦੇ ਇੰਚਾਰਜ ਰਜਿੰਦਰ ਕੁਮਾਰ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਆਖਿਆ ਕਿ ਤੇ ਅੱਧ ਸੜੀ ਲਾਸ਼ ਕਿਸੇ 25 ਤੋਂ 30 ਸਾਲ ਦੀ ਉਮਰ ਦੇ ਨੌਜਵਾਨ ਦੀ ਜਾਪਦੀ ਹੈ। ਫਿਲਹਾਲ ਮਰਨ ਵਾਲੇ ਵਿਅਕਤੀ ਦੀ ਕੋਈ ਜਾਣਕਾਰੀ ਨਹੀਂ। ਵਿਅਕਤੀ ਦੀਆਂ ਤਸਵੀਰਾਂ ਸੀ ਸੀ ਕੈਮਰੇ ਦੀ ਫੋਟੋ ਪ੍ਰਾਪਤ ਹੋਈਆਂ ਹਨ ਬਾਕੀ ਘਟਨਾ ਸਥਾਨ ਜਾਦਾ ਸੁੰਨੀ ਜਗ੍ਹਾ ਹੋਣ ਕਰਕੇ ਲੋਕਾਂ ਦਾ ਏਧਰ ਆਉਣਾ ਜਾਣਾ ਘੱਟ ਹੋਣ ਤੇ ਦੋਸ਼ੀਆਂ ਨੇ ਇਸ ਜਗ੍ਹਾ ਘਟਨਾ ਨੂੰ ਅੰਜਾਮ ਦਿੱਤਾ। ਲਾਸ ਨੂੰ ਬੋਕਸ ਬੈਡ 'ਚ ਬੰਦ ਕਰਕੇ ਇੱਥੇ ਲਿਆਉਣ ਸਮੇਂ ਜੋ ਰਕਸ਼ਾ ਵਰਤਿਆ ਗਿਆ ਅਤੇ ਉਸ ਨਾਲ ਇਕ ਹੋਰ ਸ਼ੱਕੀ ਵਿਅਕਤੀ ਦੀਆਂ ਤਸਵੀਰਾਂ ਸੀ ਸੀ ਕੈਮਰੇ ਦੀ ਫੁਟੇਜ ਤੋਂ ਪ੍ਰਾਪਤ ਹਨ ।ਜਿਸ ਦੇ ਅਧਾਰ ਤੇ ਪੁਲਿਸ ਪਾਰਟੀ ਦੋਸ਼ੀਆਂ ਦੀ ਭਾਲ ਵਿਚ ਜੁਟ ਗਈ ਹੈ।ਸੋ ਜਲਦ ਦੋਸ਼ੀ ਪੁਲਸ ਦੀ ਗ੍ਰਿਫਤ 'ਚ ਹੋਣਗੇ। ਜਦੋਂ ਘਟਨਾ ਬਾਰੇ ਲੋਕਾਂ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਨੇ ਆਖਿਆ ਕਿ ਦਿਨ ਦਿਹਾੜੇ ਨੌਜਵਾਨ ਦੀ ਅੱਧ ਸੜੀ ਲਾਸ਼ ਮਿਲਣ ਤੇ ਇਲਾਕੇ ਦੇ ਲੋਕਾਂ ਵਿਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ।
