ਜਗਰਾਉ 6 ਅਕਤੂਬਰ (ਅਮਿਤਖੰਨਾ) 67 ਵੀਆ ਜਿਲ੍ਹਾ ਪੱਧਰ ਸਕੂਲ ਖੇਡਾਂ ਵਿੱਚ ਡੀ ਏ ਵੀ ਸੈਂਟਨਰੀ ਪਬਲਿਕ ਸਕੂਲ ਦੀਆ ਬੈਡਮਿੰਟਨ ਖਿਡਾਰਨਾਂ ਨੇ ਜ਼ਿਲ੍ਹੇ ਵਿੱਚੋਂ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਪ੍ਰਿੰਸੀਪਲ ਵੇਦ ਵ੍ਰਤ ਪਲਾਹ ਨੇ ਦੱਸਿਆ ਕਿ ਮੰਨਤਪ੍ਰੀਤ ਕੌਰ , ਦੇਵਾਸ਼ੀ ਅਤੇ ਦੀਕਸਿਤਾ ਨੇ ਬੈਡਮਿੰਟਨ ਅੰਡਰ -17 ਸਾਲ ਲੜਕੀਆਂ ਬੀ ਸੀ ਐਮ ਸਕੂਲ ਲੁਧਿਆਣਾ ਵਿੱਖੇ ਹੋ ਰਹੇ ਜਿਲ੍ਹਾ ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਖੇਡਦੇ ਹੋਏ ਬਹੁਤ ਹੀ ਵਧੀਆ ਖੇਡ ਦਾ ਪ੍ਰਦਰਸਨ ਕੀਤਾ । ਉੱਨਾਂ ਇਹ ਵੀ ਦੱਸਿਆ ਕਿ ਪੀ ਏ ਯੂ ਯੂਨੀਵਰਸਿਟੀ ਵਿੱਚ ਚੱਲ ਰਹੀਆਂ ਖੇਡਾਂ ਵਤਨ ਪੰਜਾਬ ਬੈਡਮਿੰਟਨ ਖੇਡਾਂ ਵਿੱਚ ਡੀ ਏ ਵੀ ਸਕੂਲ ਜਗਰਾਉ ਦੇ ਹੀ ਸਹਿਜਪ੍ਰੀਤ ਸਿੰਘ ਨੇ ਬੈਡਮਿੰਟਨ ਅੰਡਰ 14 ਸਾਲ ਵਿੱਚ ਸਾਰੇ ਲੁਧਿਆਣੇ ਜ਼ਿਲ੍ਹੇ ਦੇ ਖਿਡਾਰੀਆਂ ਨੂੰ ਹਰਾ ਕੇ ਜ਼ਿਲ੍ਹੇ ਭਰ ਵਿੱਚੋਂ ਪਹਿਲਾ ਸਥਾਨ ਪ੍ਰਾਪਤ ਕਰਦੇ ਹੋਏ ਗੋਲ਼ਡ ਮੈਡਲ ਪ੍ਰਾਪਤ ਕੀਤਾ ।ਸਟੇਟ ਪੱਧਰ ਤੇ ਵੀ ਸਹਿਜਪ੍ਰੀਤ ਸਿੰਘ ਬੈਡਮਿੰਟਨ ਵਿੱਚ ਵਧੀਆ ਖੇਡ ਦਾ ਪਰਦਰਸ਼ਨ ਕਰੇਗਾ ਸਕੂਲ ਆਉਣ ਤੇ ਸਹਿਜਪ੍ਰੀਤ ਸਿੰਘ,ਮੰਨਤਪ੍ਰੀਤ ਕੌਰ,ਦੇਵਾਸ਼ੀ ਤੇ ਦੀਕਸਿਤਾ ਨੂੰ ਸਕੂਲ ਸਟਾਫ਼ ਵੱਲੋ ਵਧਾਈ ਦਿੱਤੀ ਗਈ ਤੇ ਪ੍ਰਿੰਸੀਪਲ ਵੇਦ ਵ੍ਰਤ ਪਲਾਹ ਨੇ ਡੀ ਪੀ ਈ ਹਰਦੀਪ ਸਿੰਘ ਬਿੰਜਲ , ਡੀ ਪੀ ਈ ਸੁਰਿੰਦਰ ਪਾਲ ਵਿੱਜ ਤੇ ਡੀ ਪੀ ਜਗਦੀਪ ਸਿੰਘ ਨੂੰ ਵੀ ਵਧਾਈ ਦਿੱਤੀ ।
