ਹੈਡਸਫੀਲਡ/ਯੂ ਕੇ,ਅਕਤੂਬਰ 2019-(ਗਿਆਨੀ ਅਮਰੀਕ ਸਿੰਘ ਰਾਠੌਰ)-
ਯੂ ਕੇ ਫੇਰੀ ਦੋਰਾਨ ਅੱਜ ਸਿੰਘ ਸਾਹਿਬ ਗਿਆਨੀ ਫੂਲਾ ਸਿੰਘ ਜੀ ਹੈਡ ਗ੍ਰੰਥੀ ਤਖਤ ਸ਼੍ਰੀ ਕੇਸਗੜ੍ਹ ਸਾਹਿਬ ਨੋਰਥ ਵੇਸ੍ਟ ਦੇ ਸ਼ਹਿਰ ਹੈਡਸਫੀਲਡ ਪਹੁੰਚੇ ਜਿਥੇ ਓਹਨਾ ਦਾ ਭਰਮਾ ਸੁਆਗਤ ਕੀਤਾ ਗਿਆ।ਸਿੰਘ ਸਾਹਿਬ ਜੀ ਵਲੋਂ ਐਤਵਾਰ ਗੁਰਦੁਆਰਾ ਗੁਰੂ ਨਾਨਕ ਦੇਵ ਜੀ ਅਤੇ ਗੁਰਦੁਆਰਾ ਸ਼੍ਰੀ ਗੁਰੂ ਸਿੰਘ ਸਭਾ ਵਿਖੇ ਕਥਾ ਦੁਆਰਾ ਸੰਗਤਾਂ ਨਾਲ ਗੁਰੂ ਸ਼ਬਦ ਦੀ ਸਾਝ ਪਾਈ।ਜਿਥੇ ਓਹਨਾ ਸੰਗਤਾਂ ਨੂੰ ਬਾਣੀ ਅਤੇ ਬਾਣੇ ਨਾਲ ਜੁੜਨ ਲਈ ਆਖਿਆ ਓਥੇ ਓਹਨਾ ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲ ਪੁਰਬ ਵੀ ਗੁਰੂ ਦੇ ਸ਼ਬਦ ਨੂੰ ਮੁੱਖ ਰੱਖਕੇ ਧੂਮ ਧਾਮ ਨਾਲ ਮਨਾਉਣ ਦਾ ਹੋਕਾ ਵੀ ਦਿੱਤਾ।ਅੱਜ ਸਿੰਘ ਸਾਹਿਬ ਜੀ ਅਤੇ ਓਹਨਾ ਨਾਲ ਹਾਜਰੀ ਭਰ ਰਹੇ ਸ ਪ੍ਰਭਜੋਤ ਸਿੰਘ ਅਤੇ ਜਨ ਸਕਤੀ ਨਿਉਜ ਦੀ ਟੀਮ ਨੇ ਗੁਰਦੁਆਰਾ ਸਿੰਘ ਸਭਾ ਦੇ ਪ੍ਰਬੰਧਕਾਂ ਨਾਲ ਸਿੱਖੀ ਦੇ ਪ੍ਰਚਾਰ ਪਸਾਰ ਵਾਰੇ ਵਿਚਾਰਾਂ ਵੀ ਕੀਤੀਆਂ।ਉਸ ਸਮੇ ਓਥੇ ਗੁਰਦੁਆਰਾ ਸਿੰਘ ਸਭਾ ਦੀ ਪ੍ਰਬੰਧਕ ਕਮੇਟੀ ਪ੍ਰਧਾਨ ,ਮੈਂਬਰ ਸਾਹਿਬਾਨ ਅਤੇ ਟਰੱਸਟੀ ਸਾਹਿਬਾਨ ਮੰਜੂਦ ਸਨ।
