ਜਗਰਾਉ , ਅਕਤੂਬਰ 2020 ( ਕੁਲਵਿੰਦਰ ਸਿੰਘ ਚੰਦੀ) : ਮਾਰਕਿਟ ਕਮੇਟੀ ਸਿੱਧਵਾਂ ਬੇਟ ਦੇ ਅਧੀਨ ਆਉਦੇ ਗੋਰਸੀਆਂ ਮੱਖਣ ਦੇ ਖਰੀਦ ਕੇਂਦਰ ਦੇ ਫੜ ਨੂੰ ਤਕਰੀਬਨ 68 ਲੱਖ ਦੀ ਲਾਗਤ ਨਾਲ ਪੱਕਾ ਕਰਨ ਦਾ ਉਦਘਾਟਨ ਅੱਜ ਕੈਪਟਨ ਸੰਦੀਪ ਸਿੰਘ ਸੰਧੂ ਸਿਆਸੀ ਸਕੱਤਰ ਮੁੱਖ ਮੰਤਰੀ ਪੰਜਾਬ ਤੇ ਹਲਕਾ ਦਾਖਾ ਇੰਚਾਰਜ ਨੇ ਕੀਤਾ । ਇਸ ਮੌਕੇ ਨੂੰ ਭਾਰੀ ਇਕੱਠ ਨੂੰ ਸੰਬੋਧਨ ਕਰਦਿਆ ਕੈਪਟਨ ਸੰਧੂ ਕਿਹਾ ਕਿ ਭਾਂਵੇ ਕਿ ਕੇਂਦਰ ਦੀ ਮੋਦੀ ਸਰਕਾਰ ਸੂਬੇ ਦੇ ਕਿਸਾਨਾਂ ਨੂੰ ਖੱਜਲ ਖੁਆਰ ਕਰਨ ਲਈ ਨਿੱਤ ਨਵੇ ਤੋਂ ਨਵੇਂ ਕਾਨੂੰਨ ਬਣਾ ਰਹੀ ਹੈ ਜਿਸ ਨਾਲ ਕਿ ਸੂਬੇ ਦੇ ਕਿਸਾਨਾਂ ਵਿੱਚ ਆਪਣੀ ਫਸਲ ਨੂੰ ਵੇਚਣ ਸੰਬੰਧੀ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ ਪਰ ਕੈਪਟਨ ਅਮਰਿੰਦਰ ਸਿੰਘ ਮੁੱਖ ਮੰਤਰੀ ਪੰਜਾਬ ਦੇ ਕਿਸਾਨਾਂ ਦੀ ਫਸਲ ਦਾ ਇੱਕ ਇੱਕ ਦਾਣਾ ਖਰੀਦਣ ਲਈ ਪੂਰੀ ਤਰ੍ਹਾਂ ਨਾਲ ਵਚਨਬੱਧ ਹੈ । ਉਨ੍ਹਾਂ ਕਿਸਾਨਾ ਨੂੰ ਵਿਸ਼ਵਾਸ ਦਿਵਾਉਦਿਆਂ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਆਉਣ ਵਾਲੇ ਦਿਨਾਂ ਵਿੱਚ ਪੰਜਾਬ ਦੀ ਕਿਰਸਾਨੀ ਦੇ ਹੱਕ ਵਿੱਚ ਵੱਡੇ ਅਤੇ ਇਤਿਹਾਸਿਕ ਫੈਸਲੇ ਲੈਣ ਜਾ ਰਹੀ ਹੈ । ਇਸ ਸਮੇਂ ਡਾ ਕਰਨ ਵੜੈਗ ਵਾਈਸ ਚੇਅਰਮੈਨ ਪੇਡਾ , ਕਰਨਜੀਤ ਸਿੰਘ ਸੋਨੀ ਗਾਲਿਬ ਪ੍ਰਧਾਨ ਕਾਂਗਰਸ ਲੁਧਿਆਣਾ ਦਿਹਾਤੀ , ਸੁਰਿੰਦਰ ਸਿੰਘ ਟੀਟੂ ਚੇਅਰਮੈਨ ਮਾਰਕਿਟ ਕਮੇਟੀ ਸਿੱਧਵਾਂ ਬੇਟ , ਮਨਜੀਤ ਸਿੰਘ ਭਰੋਵਾਲ ਚੇਅਰਮੈਨ ਮਾਰਕਿਟ ਕਮੇਟੀ ਦਾਖਾ , ਗੁਲਵੰਤ ਸਿੰਘ ਜੰਡੀ ਵਾਈਸ ਚੇਅਰਮੈਨ ਮਾਰਕਿਟ ਕਮੇਟੀ ਸਿੱਧਵਾਂ , ਸੈਕਟਰੀ ਮਨਮੋਹਣ ਸਿੰਘ , ਅੰਮ੍ਰਿਤਪਾਲਜੀਤ ਕੌਰ ਸਰਪੰਚ , ਸੁਖਜਿੰਦਰ ਸਿੰਘ ਨੰਬਰਦਾਰ , ਦਰਸਨ ਸਿੰਘ ਪੰਚ , ਕਮਲਜੀਤ ਕੌਰ ਪੰਚ , ਹਰਜਿੰਦਰ ਕੌਰ ਪੰਚ , ਸੁਖਜੀਤ ਸਿੰਘ ਪੰਚ , ਅੰਮ੍ਰਿਤਪਾਲ ਸਿੰਘ ਪੰਚ , ਜਗਦੀਪ ਸਿੰਘ , ਤੇਜਿੰਦਰ ਸਿੰਘ , ਸਾਧੂ ਸਿੰਘ , ਹਰਮਨ ਸਰਪੰਚ ਬੜੈਚ , ਗੁਰਜੀਤ ਸਿੰਘ ਮੰਤਰੀ , ਆਦਿ ਹਾਜਰ ਸਨ ।
