ਆ ਕਾਮੇ ਤੇਰੀ ਹਿੱਕ 'ਤੇ ਖੜੇ
ਕਿੱਤਾ ਸਵਰ ਬਥੇਰਾ
ਪਾ ਲਿਆ ਦਿੱਲੀ ਨੂੰ ਹੁਣ ਘੇਰਾ
ਚੜ ਗਿਆ ਨਵਾਂ ਸਵੇਰਾ
ਆ ਕਾਮੇ ਤੇਰੀ ਹਿੱਕ 'ਤੇ ਖੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਕਿਹਾ ਸੀ ਤੈਨੂੰ ਨਾ ਛੇੜ ਛੱਤਾ ਭਰਿੰਡਾਂ
ਫੁਲਾਦੀ ਇਰਾਦੇ, ਸਾਡਾ ਲੋਹੇ ਦਾ ਪਿੰਡਾ
ਲਿਆ ਕਿਰਪਾਣ, ਕਰ ਸਰ ਕਲਮ
ਸਾਹਮਣੇ ਤੇਰੇ ਲੱਖਾਂ ਸੀਸ਼ ਖੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਲਾਈਆਂ ਬੇਹਿਸਾਬ ਰੋਕਾਂ
ਰਾਹ ਨਹੀਂ ਸੀ ਸੋਖਾ
ਪੁਲਿਸ ਮਾਰੀਆਂ ਸਰੀਰੀ ਟੋਕਾਂ
ਖ਼ੂਨ ਚੂਸਿਆ ਵਾਂਗ ਜੋਕਾਂ
ਚਲਾ ਗੋਲੀਆਂ ਆਖ ਸੰਗੀਨਾਂ ਨੂੰ
ਸਾਡੇ ਹੌਂਸਲੇ ਨਾਲ ਲੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਆਖਿਆ ਅੱਤਵਾਦੀ, ਆਖਿਆ ਖਾਲਿਸਤਾਨੀ
ਅਸਾਂ ਦੇਸ਼ ਦੇ ਰਾਖੇ, ਤੇਰੀ ਜ਼ਮੀਰ ਹੈ ਫ਼ਾਨੀ
ਸ਼ਹਾਦਤਾਂ ਸਾਡੀਆਂ ਗੂੰਜ਼ਣ ਵਿੱਚ ਜ਼ਲਿਆਂਵਾਲੇ, ਕਾਲੇ ਪਾਣੀ
ਸ਼ਰਮ ਨਾ ਆਈ ਤੈਨੂੰ, ਝੂਠੇ ਦੋਸ਼ ਮੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਸ਼ੌਂਕ ਨਹੀਂ ਸਾਨੂੰ ਠੰਢੀਆਂ ਪੌਣਾਂ ਦਾ
ਲੈ ਨਾਪ ਸਾਡੀਆਂ ਲੰਮੀਆਂ ਧੌਣਾਂ ਦਾ
ਵੱਟ ਕੱਸ ਕੇ ਰੱਸੀਆਂ, ਕਰ ਤਕੜਾ ਫੰਦਾ
ਜਾਵੇ ਕਿਤੇ ਨਾ ਗਲੋਟੇ ਵਾਂਗ ਉੱਧੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਜੇ ਫ਼ਿਰੰਗੀ ਹੁਕਮਰਾਨ ਤੂੰ
ਅਸੀਂ ਸੁਖਦੇਵ, ਰਾਜਗੁਰੂ , ਸਿੰਘ ਭਗਤ
ਮਾਤ ਹੀ ਦੇਵਾਂਗੇ ਤੇਰੀ ਤਸ਼ੱਦਦ ਨੂੰ
ਪੀੜਾਂ ਦੀ ਭੱਠੀ ਵਿਚ ਹਾਂ ਰੜੇ
ਵੇਖ ਦਿੱਲੀਏ ਨੀਂ ਨਵਾਂ ਨਜ਼ਾਰਾ
ਵਿਹੜੇ ਢੁੱਕਿਆ ਕਿਰਤੀ ਸਾਰਾ
ਜ਼ੁਲਮ ਤੇਰਾ ਸਹਿਣ ਨੂੰ
ਮੁਕਾਉਣ ਕਾਲੀ ਰੈਣ ਨੂੰ
ਮੌਤ ਆਪਣੀ ਨਾਲ ਖਹਿਣ ਨੂੰ
ਆਣ ਤੇਰੇ ਬੂਹੇ ਖੜੇ
ਅਬਦਾਲੀ ਮਸਾ ਰੰਘੜ, ਦੋਵੇਂ ਨੇ ਰਗੜੇ
ਚੰਦਰ ਪ੍ਰਕਾਸ਼
ਸਾਬਕਾ ਸੂਚਨਾ ਕਮਿਸ਼ਨਰ, ਪੰਜਾਬ
ਬਠਿੰਡਾ
98762-15150, 98154-37555
