ਹਠੂਰ ,ਮਾਰਚ 2021 -(ਕੌਸ਼ਲ ਮੱਲ੍ਹਾ)-ਪਿੰਡ ਲੱਖਾ ਵਿਖੇ ਇੱਕ ਪੁੱਤਰ ਵੱਲੋ ਆਪਣੀ ਮਾਂ ਦਾ ਬੇਰਹਿਮੀ ਨਾਲ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੰਜਾਬ ਪੁਲਿਸ ਥਾਣਾ ਹਠੂਰ ਦੇ ਇੰਚਾਰਜ ਅਰਸ਼ਪ੍ਰੀਤ ਕੌਰ ਗਰੇਵਾਲ ਨੇ ਦੱਸਿਆ ਕਿ ਮ੍ਰਿਤਕ ਪਰਮਜੀਤ ਕੌਰ ਪਤਨੀ ਜਗਰੂਪ ਸਿੰਘ ਵਾਸੀ ਲੱਖਾ ਜੋ ਰਾਜਸਥਾਨ ਵਿਖੇ ਆਪਣੇ ਪਰਿਵਾਰ ਸਮੇਤ ਰੋਜੀ ਰੋਟੀ ਕਮਾਉਣ ਗਏ ਸਨ ਅਤੇ ਇੱਕ ਦੋ ਦਿਨ ਪਹਿਲਾ ਹੀ ਮ੍ਰਿਤਕ ਪਰਮਜੀਤ ਕੌਰ ਆਪਣੇ ਪੁੱਤਰ ਕਰਮ ਸਿੰਘ ਉੱਰਫ ਨਿੱਕਾ ਨਾਲ ਪਿੰਡ ਲੱਖਾ ਵਿਖੇ ਆਈ ਹੋਈ ਸੀ।ਉਨ੍ਹਾ ਦੱਸਿਆ ਕਿ ਕਾਤਲ ਕਰਮ ਸਿੰਘ ਉੱਰਫ ਨਿੱਕਾ ਨਸੇ ਦਾ ਆਦੀ ਹੋਣ ਕਰਕੇ ਆਪਣੀ ਮਾਂ ਤੋ ਨਸਾਂ ਕਰਨ ਲਈ ਪੈਸੇ ਮੰਗਦਾ ਸੀ ਅਤੇ ਮਾਂ ਨੇ ਪੈਸੇ ਦੇਣ ਤੋ ਮਨ੍ਹਾ ਕਰ ਦਿੱਤਾ ਤਾਂ ਕਰਮ ਸਿੰਘ ਉੱਰਫ ਨਿੱਕਾ ਨੇ ਆਪਣੀ ਮਾਂ ਦੇ ਹੱਥ ਪੈਰ ਬੰਨ ਕੇ ਅਤੇ ਮੂੰਹ ਤੇ ਸਰਾਣਾ ਰੱਖ ਕੇ ਆਪਣੀ ਮਾਂ ਪਰਮਜੀਤ ਕੌਰ ਦਾ ਕਤਲ ਕਰ ਦਿੱਤਾ,ਹਠੂਰ ਪੁਲਿਸ ਨੇ ਕਾਤਲ ਕਰਮ ਸਿੰਘ ਉੱਰਫ ਨਿੱਕਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪਰਮਜੀਤ ਕੌਰ ਦੀ ਲਾਸ ਕਬਜੇ ਵਿਚ ਲੈ ਕੇ ਸਰਕਾਰੀ ਹਸਪਤਾਲ ਜਗਰਾਓ ਵਿਖੇ ਪੋਸਟਮਾਰਟਮ ਲਈ ਭੇਜ ਦਿੱਤੀ ਹੈ ਅਤੇ ਪਰਿਵਾਰਕ ਮੈਬਰਾ ਦੇ ਬਿਆਨ ਲੈ ਕੇ ਥਾਣਾ ਹਠੂਰ ਵਿਖੇ ਕਾਰਵਾਈ ਕੀਤੀ ਜਾ ਰਹੀ ਹੈ।
