ਸਾਵਣ ਆਇਆ
ਸਾਵਣ ਆਇਆ, ਸਾਵਣ ਆਇਆ
ਕਾਲੀ ਘਟਾ ਨਾਲ ਲਿਆਇਆ ।
ਸਭ ਨੇ ਆਪਣਾ ਦਿਲ ਪਰਚਾਇਆ,
ਸਾਵਣ ਆਇਆ, ਸਾਵਣ ਆਇਆ ।
ਪੀਂਘਾਂ ਝੂਟਣ ਕੁੜੀਆਂ ਮੁਟਿਆਰਾਂ,
ਹੱਸਣ -ਕੁੱਦਣ ਖਿੜਨ ਗੁਲਜ਼ਾਰਾਂ ।
ਜਦ ਵੀਰ ਸੰਧਾਰਾਂ ਲਿਆਇਆ,
ਸਾਵਣ ਆਇਆ, ਸਾਵਣ ਆਇਆ ।
ਚੁੱਲ੍ਹੇ ‘ਤੇ ਪੱਕਦੇ ਪੂੜੇ ਰਿੱਝੇ ਖੀਰ ,
ਘਰ ਆਜਾ ਪ੍ਰਦੇਸ਼ੀ ਨੂੰ ਉਡੀਕੇ ਹੀਰ।
ਲਾਲ ਸੂਹਾ ਹੱਥ ਮਹਿੰਦੀ ਨਾਲ ਸਜਾਇਆ,
ਸਾਵਣ ਆਇਆ, ਸਾਵਣ ਆਇਆ ।
ਬੱਚੇ ਮੀਂਹ ਵਿੱਚ ਨਹਾਵਣ,
ਡੱਡੂ,ਗੰਡੋਏ ਰੋਲਾ ਪਾਵਣ।
ਗਗਨ ਮਾਰ ਟਪੂਸੀ ਪਾਣੀ ‘ਚ ਨਜ਼ਾਰਾ ਆਇਆ,
ਸਾਵਣ ਆਇਆ ,ਸਾਵਣ ਆਇਆ ।
ਗਗਨਦੀਪ ਧਾਲੀਵਾਲ ਝਲੂਰ ਬਰਨਾਲਾ ।
