ਅੰਤਰਰਾਸ਼ਟਰੀ

London /Chandigarh,15 April (Khaira) Tanmanjeet Singh Dhesi MP (Slough, UK) met today with the Punjab Chief Minister Bhagwant Mann at his official residence in Chandigarh. During their hour-long meeting, an array of issues pertaining to Non-Resident Indians were discussed. Present also were Raj Sabha MP Raghav Chadha, Dr Inderbir Singh Nijjar MLA (Amritsar South) and Dhesi’s father Jaspal Singh Dhesi.
MP Dhesi remarked, “I’m extremely grateful to the honourable Chief Minister for the warmth with which he received me. He, MP Chadha and MLA Nijjar kindly gave their valuable time, within which we were able to exchange views at length about matters affecting the Punjabi diaspora, including anxieties around land dispute cases, blacklisted individuals and long-standing political prisoners, and better laws and policies to attract (rather than decrease) NRI direct investment. We also discussed the importance of increasing cargo, trade and tourism through greater connectivity, especially daily direct flights from London, Birmingham and other cities abroad, to both Amritsar and Chandigarh.”
Dhesi further explained, “The diaspora obviously wants to see the land of their heritage flourish and contribute towards that. Given the CM’s extensive knowledge gained from visits abroad, he assured me that he would do his best to address these issues, which would undoubtedly lead to increased cooperation and progress.”

ਬਾਬਾ ਫਰੀਦ, ਗੁਰੂ ਨਾਨਕ ਦੇਵ ਅਤੇ ਇਤਾਲਵੀ ਕਵੀ ਊਜੈਨੀਓ ਮੋਨਤਾਲੇ ਨੂੰ ਕੀਤਾ ਗਿਆ ਯਾਦ 

ਇਟਲੀ - 4 ਅਪ੍ਰੈਲ - ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਵੱਲੋਂ ਪੰਜਾਬੀ ਤੇ ਇਤਾਲਵੀ ਭਾਸ਼ਾ ਦਾ ਜ਼ੂਮ ਦੇ ਮਾਧਿਅਮ ਰਾਂਹੀ ਪਹਿਲਾ ਸਾਂਝਾ ਸਾਹਿਤਕ ਸਮਾਗਮ ਸਫਲਤਾ ਪੂਰਵਕ ਸੰਪੰਨ ਹੋਇਆ। ਜਿਸ ਵਿੱਚ ਪੰਜਾਬੀ ਅਤੇ ਇਤਾਲਵੀ ਸਾਹਿਤਕਾਰਾਂ ਨੇ ਭਾਗ ਲਿਆ। ਇਸ ਪਹਿਲੇ ਸਾਹਿਤਿਕ ਸਮਾਗਮ ਵਿੱਚ ਪੰਜਾਬੀ ਤੇ ਇਤਾਲਵੀ ਕਵਿਤਾ ਉੱਪਰ ਆਲੋਚਨਾਤਮਿਕ ਪੱਖ ਤੋਂ ਨਿੱਠ ਕੇ ਵਿਚਾਰ ਚਰਚਾ ਕੀਤੀ। ਸਮਾਗਮ ਦੀ ਸਰਪ੍ਰਸਤੀ ਡਾ ਸ ਪ ਸਿੰਘ ਸਾਬਕਾ ਵੀਸੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਨੇ ਕੀਤੀ ਅਤੇ ਪ੍ਰਧਾਨਗੀ ਪ੍ਰੋ ਗੁਰਭਜਨ ਗਿੱਲ ਪ੍ਰਧਾਨ ਲੋਕ ਵਿਰਾਸਤ ਅਕਾਦਮੀ ਲੁਧਿਆਣਾ ਨੇ ਕੀਤੀ। ਵਿਸ਼ੇਸ਼ ਮਹਿਮਾਨ ਵਜੋਂ ਡਾ ਲਖਵਿੰਦਰ ਜੌਹਲ ਪ੍ਰਧਾਨ ਪੰਜਾਬੀ ਸਾਹਿਤ ਅਕਾਦਮੀ ਅਤੇ ਡਾ ਸਾਂਦਰੀਨੋ ਲੁਈਜੀ ਮਾਰਾ ਸ਼ਾਮਿਲ ਹੋਏ। ਇਸ ਸਮੇਂ ਡਾ ਦਵਿੰਦਰ ਸੈਫੀ, ਫਰਾਂਕੋ ਮਾਤੇਈ, ਸਵਰਨਜੀਤ ਸਵੀ ਅਤੇ ਅਨਤੋਨੀਉ ਮਾਰੀੳ ਨਾਪੋਲੀਤਾਨੋ ਨੇ ਆਪਣੀਆਂ ਕਵਿਤਾਵਾਂ ਪੜੀਆਂ ਅਤੇ ਡਾ ਯੋਗ ਰਾਜ ਵਾਈਸ ਚੈਅਰਮੈਨ ਲੋਕ ਕਲਾ ਅਕਾਦਮੀ ਚੰਡੀਗੜ ਅਤੇ ਡਾ ਦਾਨੀਏਲੇ ਕਾਸਤੇਲਾਰੀ ਬਤੌਰ ਆਲੋਚਕ ਸ਼ਾਮਿਲ ਹੋਏ। ਜਿਹਨਾਂ ਨੇ ਡਾ ਦਵਿੰਦਰ ਸੈਫੀ ਦੀ ਕਵਿਤਾ ‘ਮੁਰਗੀਆਂ, ਸਵਰਨਜੀਤ ਸਵੀ ਦੀ ਕਵਿਤਾ ‘ਕਿਤਾਬ ਜਾਗਦੀ ਹੈ, ਫਰਾਂਕੋ ਮਾਤੇਈ ਦੀ ਕਵਿਤਾ ‘ਪਿਆਰਾ ਪਿੰਡ, ‘ਝੀਲ’ ਅਤੇ ਨਾਪੋਲੀਤਾਨੋ ਦੀ ਕਵਿਤਾ ‘ਮੈਲੂਸੀਉ’ ਉੱਪਰ ਉੱਚ ਪਾਏ ਦੀ ਚਰਚਾ ਕੀਤੀ। ਇਸ ਸਮੇਂ ਨੋਬਲ ਇਨਾਮ ਜੇਤੂ ਇਤਾਲਵੀ ਕਵੀ ਊਜ਼ੈਨੀਉ ਮੌਨਤਾਲੇ ਅਤੇ ਬਾਬਾ ਫਰੀਦ ਜੀ ਸਮੇਤ ਗੁਰੂ ਨਾਨਕ ਦੇਵ ਜੀ ਨੂੰ ਵੀ ਯਾਦ ਕੀਤਾ ਗਿਆ। ਸਭਾ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਚਾਹਲ ਨੇ ਸਭ ਨੂੰ ਜੀ ਆਇਆਂ ਆਖਿਆ ਅਤੇ ਇਤਾਲਵੀ ਤੇ ਪੰਜਾਬੀਆਂ ਦੀ ਸਦੀਆਂ ਪੁਰਾਣੀ ਸਾਂਝ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਡਾ ਸ ਪ ਸਿੰਘ, ਪ੍ਰੋ ਗੁਰਭਜਨ ਗਿੱਲ, ਡਾ ਲਖਵਿੰਦਰ ਜੌਹਲ, ਸਾਂਦਰੀਨੋ ਲੁਈਜੀ ਮਾਰਾ ਨੇ ਇਸ ਸਮਾਗਮ ਦੀ ਸਰਾਹਨਾ ਕੀਤੀ ਅਤੇ ਦੋਵਾਂ ਭਾਸ਼ਾਵਾਂ ਵਿੱਚ ਸਾਂਝਾ ਸਮਾਗਮ ਕਰਨ ਲਈ ਸਭਾ ਦੇ ਮੈਂਬਰਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕੇ ਦੁਨੀਆਂ ਭਰ ਵਿੱਚ ਵੱਸਦੇ ਸਾਹਿਤਕਾਰਾਂ ਨੂੰ ਭਾਸ਼ਾ ਦੇ ਅਜਿਹੇ ਸਾਂਝੇ ਪੁਲ ਉਸਾਰ ਕੇ ਵਿਚਾਰ ਵਟਾਂਦਰਾ ਕਰਨਾ ਚਾਹੀਦਾ ਹੈ ਜਿਸ ਨਾਲ ਸਾਹਿਤਿਕ ਸੁਨੇਹਾ ਵੀ ਸਾਂਝਾ ਹੋਵੇਗਾ ਤੇ ਅਸੀਂ ਅਗਲੀਆਂ ਪੀੜ੍ਹੀਆਂ ਨੂੰ ਵੀ ਸਾਹਿਤ ਨਾਲ ਜੋੜ ਸਕਾਂਗੇ। ਇਸ ਸਮਾਗਮ ਵਿੱਚ ਇਟਲੀ ਵਿੱਚ ਰਹਿਣ ਵਾਲੇ ਬੱਚਿਆਂ ਦਵਿੰਦਰ ਸਿੰਘ, ਬਿਕਰਮ ਸਿੰਘ ਬਾਵਾ ਅਤੇ ਜਸਜੀਤ ਸਿੰਘ ਚਾਹਲ ਨੇ ਬਤੌਰ ਅਨੁਵਾਦਕ ਖਾਸ ਭੂਮਿਕਾ ਨਿਭਾਈ। ਇਸ ਸਮਾਗਮ ਦੀ ਸਮੁੱਚੀ ਸੰਚਾਲਨਾ ਪ੍ਰੋ ਜਸਪਾਲ ਸਿੰਘ ਅਤੇ ਦਲਜਿੰਦਰ ਰਹਿਲ ਨੇ ਪੰਜਾਬੀ ਅਤੇ ਇਤਾਲਵੀ ਭਾਸ਼ਾ ਵਿੱਚ ਬਾਖੂਬੀ ਨਿਭਾਈ।

ਆਸਟਰੇਲੀਆ ਦੇ ਸਾਬਕਾ ਕ੍ਰਿਕਟਰ ਸ਼ੇਨ ਵਾਰਨ ਦਾ 52 ਸਾਲ ਦੀ ਉਮਰ 'ਚ ਦੇਹਾਂਤ

ਦੁਨੀਆਂ ਦੇ ਮਹਾਨ ਸਪਿੰਨਰ ਨੇ ਆਖ਼ਰੀ ਸਮੇਂ ਥਾਈਲੈਂਡ ਵਿਚ ਲਏ ਆਪਣੇ ਆਖਰੀ ਸਾਹ  
ਮੌਤ ਤੋਂ ਥੋੜ੍ਹਾ ਸਮਾਂ ਪਹਿਲਾਂ ਸ਼ੇਨ  ਵਾਰਨ  ਨੇ ਆਪਣੇ ਟਵੀਟ ਉੱਪਰ ਆਸਟਰੇਲੀਅਨ ਵਿਕਟਕੀਪਰ ਰੋਡਨੀ ਮਾਰਸ਼ ਦੀ ਮੌਤ ਤੇ ਕੀਤਾ ਸੀ ਅਫ਼ਸੋਸ ਪ੍ਰਗਟ

ਮੈਲਬੌਰਨ , (ਜਨ ਸ਼ਕਤੀ ਨਿਊਜ਼ ਬਿਊਰੋ ) ਸਪਿੰਨ ਗੇਂਦਬਾਜ਼ੀ ਨੂੰ ਨਵੀਂ ਪਰਿਭਾਸ਼ਾ ਦੇਣ ਵਾਲੇ ਆਸਟ੍ਰੇਲੀਆ ਦੇ ਮਹਾਨ ਸਪਿੰਨਰ ਸ਼ੇਨ ਵਾਰਨ ਦਾ ਥਾਈਲੈਂਡ ਵਿਚ ਦਿਲ ਦਾ ਦੌਰਾ ਪੈਣ ਨਾਲ ਦੇਹਾਂਤ ਹੋ ਗਿਆ। ਉਹ 52 ਸਾਲ ਦੇ ਸਨ। ਉਨ੍ਹਾਂ ਦੇ ਮੈਨੇਜਰ ਵੱਲੋਂ ਜਾਰੀ ਬਿਆਨ ਦੇ ਹਵਾਲੇ ਨਾਲ ਮੀਡੀਆ ਰਿਪੋਰਟ ਵਿਚ ਇਹ ਜਾਣਕਾਰੀ ਦਿੱਤੀ ਗਈ। ਫਾਕਸ ਸਪੋਰਟਸ ਡਾਟ ਕਾਮ ਡਾਟ ਏਯੂ ਮੁਤਾਬਕ ਵਾਰਨ ਦੇ ਮੈਨੇਜਰ ਨੇ ਇਕ ਸੰਖੇਪ ਬਿਆਨ ਜਾਰੀ ਕੀਤਾ ਹੈ ਕਿ ਵਾਰਨ ਦਾ ਥਾਈਲੈਂਡ ਵਿਚ ਦੇਹਾਂਤ ਹੋ ਗਿਆ ਤੇ ਇਸ ਦਾ ਕਾਰਨ ਦਿਲ ਦਾ ਦੌਰਾ ਪੈਣਾ ਦੱਸਿਆ ਜਾ ਰਿਹਾ ਹੈ। ਬਿਆਨ ਵਿਚ ਕਿਹਾ ਗਿਆ ਕਿ ਸ਼ੇਨ ਆਪਣੇ ਘਰ ਵਿਚ ਬੇਹੋਸ਼ ਪਾਏ ਗਏ। ਮੈਡੀਕਲ ਸਟਾਫ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਉਨ੍ਹਾਂ ਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਉਨ੍ਹਾਂ ਦੇ ਪਰਿਵਾਰ ਨੇ ਇਸ ਮੌਕੇ 'ਤੇ ਨਿੱਜਤਾ ਬਣਾਈ ਰੱਖਣ ਦੀ ਅਪੀਲ ਕੀਤੀ ਹੈ। ਸਮਾਂ ਆਉਣ 'ਤੇ ਅੱਗੇ ਵੇਰਵਾ ਦਿੱਤਾ ਜਾਵੇਗਾ। ਸ਼ੇਨ ਵਾਰਨ ਨੇ ਜਨਵਰੀ 1992 ਵਿਚ ਆਸਟ੍ਰੇਲੀਆ ਲਈ ਸ਼ੁਰੂਆਤ ਕੀਤੀ ਤੇ ਜਨਵਰੀ 2007 ਵਿਚ ਆਖ਼ਰੀ ਅੰਤਰਰਾਸ਼ਟਰੀ ਮੈਚ ਖੇਡਿਆ। ਉਨ੍ਹਾਂ ਨੇ 145 ਟੈਸਟ ਮੈਚ ਖੇਡੇ ਤੇ 708 ਵਿਕਟਾਂ ਲਈਆਂ। ਉਹ ਸਭ ਤੋਂ ਵੱਧ ਟੈਸਟ ਵਿਕਟਾਂ ਲੈਣ ਵਾਲੇ ਦੂਜੇ ਗੇਂਦਬਾਜ਼ ਹਨ। ਉਨ੍ਹਾਂ ਨੇ 194 ਵਨ ਡੇ ਵਿਚ 293 ਵਿਕਟਾਂ ਵੀ ਲਈਆਂ। ਸ਼ੇਨ ਵਾਰਨ ਆਈਪੀਐੱਲ ਦੇ ਪਹਿਲੇ ਸੈਸ਼ਨ ਵਿਚ 2008 ਵਿਚ ਰਾਜਸਥਾਨ ਰਾਇਲਜ਼ ਦੇ ਕਪਤਾਨ ਸਨ ਤੇ ਉਨ੍ਹਾਂ ਦੀ ਕਪਤਾਨੀ ਵਿਚ ਟੀਮ ਨੇ ਖ਼ਿਤਾਬ ਜਿੱਤਿਆ ਸੀ।

ਮਾਰਸ਼ ਨੂੰ ਦਿੱਤੀ ਸੀ ਸ਼ਰਧਾਂਜਲੀ

ਇੱਤਫਾਕ ਨਾਲ ਸ਼ੇਨ ਵਾਰਨ ਦੇ ਦੇਹਾਂਤ ਤੋਂ ਕੁਝ ਘੰਟੇ ਪਹਿਲਾਂ ਹੀ ਆਸਟ੍ਰੇਲੀਆ ਦੇ ਦਿਗੱਜ ਵਿਕਟਕੀਪਰ ਰਾਡ ਮਾਰਸ਼ ਦਾ ਵੀ ਦੇਹਾਂਤ ਹੋ ਗਿਆ ਸੀ। ਮਾਰਸ਼ ਦੇ ਦੇਹਾਂਤ 'ਤੇ ਵਾਰਨ ਨੇ ਵੀ ਟਵੀਟ ਕਰ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਸੀ। ਤਦ ਕਿਸੇ ਨੂੰ ਵੀ ਨਹੀਂ ਪਤਾ ਸੀ ਕਿ ਇਹ ਵਾਰਨ ਦਾ ਆਖ਼ਰੀ ਟਵੀਟ ਸਾਬਤ ਹੋਵੇਗਾ।

ਕੌਮਾਂਤਰੀ ਵਿਦਿਆਰਥੀਆਂ ਵੱਲੋਂ ਮੌਂਟਰੀਅਲ ਵਿਖੇ ਵਿਸ਼ਾਲ ਮਾਰਚ ਅਤੇ ਰੈਲੀ
 ਯੂਕਰੇਨ ਜੰਗ ਵਿਰੋਧੀ ਮੁਜ਼ਾਹਰੇ ਵਿੱਚ ਸ਼ਾਮਲ ਹੋਏ ਵਿਦਿਆਰਥੀ
-ਹਰਜਿੰਗ ਤੇ ਕੈਨੇਡਾ ਕਾਲਜ ਅਤੇ ਕੰਨਕੋਡੀਆ ਯੂਨੀਵਰਸਿਟੀ ਅੱਗੇ ਕੀਤੀ ਨਾਅਰੇਬਾਜੀ
ਮੌਂਟਰੀਅਲ,(ਜਨ ਸ਼ਕਤੀ ਨਿਊਜ਼ ਬਿਊਰੋ  ) ਮੌਂਟਰੀਅਲ ਦੇ ਤਿੰਨ ਕਾਲਜਾਂ ਦੇ ਬੰਦ ਹੋਣ ਨਾਲ ਭਾਰਤ ਅਤੇ ਕੈਨੇਡਾ ਦੇ ਸੈਂਕੜੇ ਵਿਦਿਆਰਥੀਆਂ ਦਾ ਭਵਿੱਖ, ਪੜ੍ਹਾਈ ਅਤੇ ਪੈਸਾ ਦਾਅ ਉੱਤੇ ਲੱਗਿਆ ਹੋਇਆ ਹੈ। ਕੈਨੇਡਾ ਦੇ ਇਹਨਾਂ ਤਿੰਨ ਕਾਲਜਾਂ ਦੇ ਸੈਂਕੜੇ ਵਿਦਿਆਰਥੀ ਭਾਰਤ ਅਤੇ ਕੈਨੇਡਾ ਵਿੱਚ ਪਿਛਲੇ ਇੱਕ ਮਹੀਨੇ ਤੋਂ ਲਗਾਤਾਰ ਸੰਘਰਸ਼ ਦੇ ਰਾਹ ਪਏ ਹੋਏ ਹਨ। ਅੱਜ ‘ਮੌਂਟਰੀਅਲ ਯੂਥ-ਸਟੂਡੈਂਟ ਆਰਗੇਨਾਈਜੇਸ਼ਨ’ ਵੱਲੋਂ ਮੌਂਟਰੀਅਲ ਸ਼ਹਿਰ ਵਿੱਚ ਵਿਸ਼ਾਲ ਪੈਦਲ ਮਾਰਚ ਅਤੇ ਰੈਲੀ ਕੀਤੀ ਗਈ; ਜਿਸ ਵਿੱਚ ਚਾਰ ਸੌ ਵਿਦਿਆਰਥੀਆਂ ਨੇ ਭਾਗ ਲਿਆ। ਬਰਫੀਲੇ ਤੂਫਾਨ ਦੇ ਬਾਵਜੂਦ ਵਿਦਿਆਰਥੀਆਂ ਨੇ ਰੋਹ ਭਰਪੂਰ ਨਾਅਰੇ ਮਾਰਦੇ ਹੋਏ ਮੌਂਟਰੀਅਲ ਡਾਊਨਟਾਊਨ, ਸੈਂਟ ਕੈਥਰੀਨ, ਪੀਲ ਰਾਨਲਵਿੱਕ ਅਤੇ ਕੌਬਟ ਸਕੂਏਅਰ ਤੱਕ ਲੰਮਾਂ ਪੈਦਲ ਮਾਰਚ ਕੀਤਾ। ਇਸ ਪੈਦਲ ਮਾਰਚ ਦੌਰਾਨ ਵਿਦਿਆਰਥੀਆਂ ਨੇ ਰਾਸਤੇ ਵਿੱਚ ਪੈਂਦੇ ਕੈਨੇਡਾ ਕਾਲਜ, ਹਰਜਿੰਗ ਕਾਲਜ ਅਤੇ ਕੰਨਕੋਡੀਆ ਯੂਨੀਵਰਸਿਟੀ ਅੱਗੇ ਨਾਅਰੇਬਾਜੀ ਕਰਦਿਆਂ ਆਪਣਾ ਰੋਸ ਜਾਹਰ ਕੀਤਾ। ਪੈਦਲ ਮਾਰਚ ਕਰਦਿਆਂ ਵਿਦਿਆਰਥੀਆਂ ਦੇ ਕਾਫਲੇ ਨੇ ਪੀਲ ਸਟ੍ਰੀਟ ਉੱਤੇ ਯੂਕਰੇਨ ’ਤੇ ਸਾਮਰਾਜੀ ਰੂਸ, ਅਮਰੀਕਾ, ਯੂਰੋਪੀਅਨ ਯੂਨੀਅਨ ਦੀ ਦਖਲਅੰਦਾਜੀ ਅਤੇ ਯੂਕਰੇਨ ਜੰਗ ਵਿਰੋਧੀ ਮੁਜਾਹਰੇ ਵਿੱਚ ਸ਼ਾਮਲ ਹੋਕੇ ਉਹਨਾਂ ਨਾਲ ਇਕਜੁੱਟਤਾ ਦਾ ਪ੍ਰਗਟਾਵਾ ਕੀਤਾ। ਇਸ ਸਮੇਂ ਵਿਦਿਆਰਥੀ ਆਗੂਆਂ ਨੇ ਯੂਕਰੇਨ ਦੇ ਲੋਕਾਂ ਉੱਪਰ ਥੋਪੀ ਨਿਹੱਕੀ ਜੰਗ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ ਅਤੇ ਯੂਕਰੇਨ ਵਿੱਚ ਫਸੇ ਭਾਰਤੀ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਭਾਰਤ ਲਿਆਉਣ ਦੀ ਮੰਗ ਕੀਤੀ। ਕੌਮਾਂਤਰੀ ਵਿਦਿਆਰਥੀਆਂ ਦਾ ਵਿਸ਼ਾਲ ਪੈਦਲ ਮਾਰਚ ਕੌਬਟ ਸਕੂਏਅਰ ਗਾਰਡਨ ’ਚ ਰੈਲੀ ਦੇ ਰੂਪ ਵਿੱਚ ਸਮਾਪਤ ਹੋਇਆ। ਇਸ ਸਮੇਂ ਰੈਲੀ ‘ਚ ਸ਼ਾਮਲ ਵਿਦਿਆਰਥੀਆਂ ਨੂੰ ਨੌਜਵਾਨ ਆਗੂ ਵਰੁਣ ਖੰਨਾ, ਪਰਮ ਢਿੱਲੋਂ, ਮਨਜੋਤ ਸਿੰਘ, ਹਰਜਿੰਦਰ ਸਿੰਘ, ਹਰਲੀਨ ਕੌਰ, ਦੀਪਾਕਸ਼ੀ, ਅਮੀਤੋਜ਼ ਸਿੰਘ ਅਤੇ ਗੁਰੂਦੁਆਰਾ ਕਮੇਟੀ ਦੇ ਪ੍ਰਧਾਨ ਹਰਜੀਤ ਸਿੰਘ ਬਾਜਵਾ ਨੇ ਸੰਬੋਧਨ ਕੀਤਾ। ਉਹਨਾਂ ਨੇ ਆਪਣੇ ਸੰਬੋਧਨ ਵਿੱਚ ਮੰਗ ਕੀਤੀ ਕਿ ਕੈਨੇਡਾ ਵਿੱਚ ਇਹਨਾਂ ਕਾਲਜਾਂ ਵਿੱਚ ਪੜ੍ਹਦੇ ਵਿਦਿਆਰਥੀਆਂ ਦੀ ਪੜ੍ਹਾਈ ਪੂਰੀ ਕਰਵਾਈ ਜਾਵੇ,  ਸੀਏਕਿਊ  (Quebec Acceptance Certificate)  ਅਤੇ ਸਟੱਡੀ ਪਰਮਿਟ ਮਨਜ਼ੂਰ ਕਰਦਿਆਂ ਵਿਦਿਆਰਥੀਆਂ ਨੂੰ ਗਰੈਜ਼ੂਏਟ ਕਰਨ, ਕੈਨੇਡਾ ਤੋਂ ਬਾਹਰ ਭਾਰਤ-ਪੰਜਾਬ ਬੈਠੇ ਵਿਦਿਆਰਥੀਆਂ ਦੀ ਲੱਗਭੱਗ 64 ਲੱਖ ਡਾਲਰ ਫੀਸ ਵਾਪਸ ਕੀਤੀ ਜਾਵੇ, ਸਟੱਡੀ ਵੀਜ਼ਾ ਹਾਸਲ ਵਿਦਿਆਰਥੀਆਂ ਨੂੰ ਬਿਨਾਂ ਕਿਸੇ ਪ੍ਰੇਸ਼ਾਨੀ ਦੇ ਟਰੈਵਲ ਕਰਨ ਦਿੱਤਾ ਜਾਵੇ, ਜਿਹਨਾਂ ਵਿਦਿਆਰਥੀਆਂ ਨੇ ਇੱਕ ਸਾਲ ਤੋਂ ਉਪਰ ਸਮੇਂ ਤੋਂ ਫੀਸਾਂ ਭਰੀਆਂ ਹੋਈਆਂ ਹਨ ਪਰ ਨਾ ਤਾਂ ਉਹਨਾਂ ਨੂੰ ਵੀਜ਼ਾ ਮਿਲ ਰਿਹਾ ਹੈ ਅਤੇ ਨਾ ਹੀ ਕਲਾਸਾਂ ਲੱਗ ਰਹੀਆਂ ਹਨ; ਉਹਨਾਂ ਨੂੰ ਵੀਜ਼ਾ ਤੇ ਕਲਾਸਾਂ ਸਬੰਧੀ ਕੋਈ ਸਕਾਰਾਤਮਕ ਫੈਸਲਾਂ ਦਿੱਤਾ ਜਾਵੇ ਅਤੇ ਧੋਖਾਧੜੀ ਕਰਨ ਵਾਲਿਆਂ ਖਿਲਾਫ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। 
ਇਸ ਸਮੇਂ ਹੱਥਾਂ ਵਿੱਚ ਆਪਣੀਆਂ ਮੰਗਾਂ ਦੇ ਸਲੋਗਨ ਫੜਕੇ ਨਾਅਰੇ ਮਾਰਦੇ ਹੋਏ ਵਿਦਿਆਰਥੀਆਂ ਨੇ ਜਿੱਤ ਤੱਕ ਸੰਘਰਸ਼ ਜਾਰੀ ਰੱਖਣ ਦਾ ਐਲਾਨ ਕੀਤਾ। ਆਗੂਆਂ ਨੇ ਦੱਸਿਆ ਕਿ ਰੈਲੀ ਸਮਾਪਤ ਹੋਣ ਤੋਂ ਬਾਅਦ ਉਹਨਾਂ ਦੇ ਵਕੀਲ ਰਾਹੀਂ ਆਰਪੀਆਈ ਗਰੁੱਪ (ਬੰਦ ਹੋਏ ਤਿੰਨ ਕਾਲਜਾਂ ਦਾ ਪ੍ਰਬੰਧਕੀ ਗਰੁੱਪ) ਵੱਲੋਂ ਕੈਨੇਡਾ ’ਚ ਦਾਖਲ ਵਿਦਿਆਰਅਥੀਆਂ ਨੂੰ ਪੜ੍ਹਈ ਪੂਰੀ ਕਰਵਾਉਣ ਅਤੇ ਸੀਏਕਿਊ ਅਪਲਾਈ ਕਰਨ ਦਾ ਸੁਨੇਹਾ ਈਮੇਲ ਰਾਹੀਂ ਪ੍ਰਾਪਤ ਹੋਇਆ। ਜਿਸਤੇ ਆਗੂਆਂ ਦਾ ਕਹਿਣਾ ਸੀ ਕਿ ਵਿਦਿਆਰਥੀਆਂ ਦੇ ਹੱਕ ਵਿੱਚ ਆਇਆ ਇਹ ਸੁਨੇਹਾ ਉਹਨਾਂ ਦੇ ਸੰਘਰਸ਼ ਦੀ ਅੰਸ਼ਿਕ ਜਿੱਤ ਹੈ ਅਤੇ ਉਹ ਭਾਰਤ ਵਿੱਚ ਰਹਿੰਦੇ ਵਿਦਿਆਰਥੀਆਂ ਦੀ ਫੀਸ ਵਾਪਸੀ (64 ਲੱਖ ਕੈਨੇਡੀਅਨ ਡਾਲਰ) ਤੱਕ ਭਾਰਤੀ ਵਿਦਿਆਰਥੀਆਂ ਦੀ ਕਮੇਟੀ ਨਾਲ ਤਾਲਮੇਲ ਰੱਖਦਿਆਂ ਸੰਘਰਸ਼ ਜਾਰੀ ਰੱਖਣਗੇ।
ਜਾਰੀ ਕਰਤਾ: ਵਰੁਣ ਖੰਨਾ - ਹਰਿੰਦਰ ਸਿੰਘ ਕਮੇਟੀ ਮੈਂਬਰ ‘ਮੌਂਟਰੀਅਲ ਨੌਜਵਾਨ-ਵਿਦਿਆਰਥੀ ਸੰਗਠਨ’

ਸਤਿਕਾਰ ਯੋਗ ਸ਼ਖਸ਼ੀਅਤ ਜਸਵੰਤ ਕੌਰ ਕੰਗ ਇੱਕ ਉਚੀ ਤੇ ਸੁੱਚੀ ਸੋਚ  ਬਹੁ ਪੱਖੀ ਸ਼ਖਸ਼ੀਅਤ ਦੀ ਮਾਲਕ ਹੈ। ਜਿਸ ਵਿੱਚੋ ਪੰਜਾਬ ਦੀ ਮਿੱਟੀ ਦੀ ਖੁਸ਼ਬੋਅ ਝਲਕਾ ਮਾਰ ਰਹੀ ਹੈ। ਪੰਜ਼ਾਬੀ ਮਾਂ ਬੋਲੀ ਨੂੰ ਸਮਰਪਤ ਇਹ ਸ਼ਖਸ਼ੀਅਤ ਆਪਣੇ ਪੰਜਾਬੀ ਅਮੀਰ ਵਿਰਸੇ ਨੂੰ ਨਹੀ ਭੁਲੀ ਸਗੋ ਹੋਰਨਾ ਨੂੰ ਵੀ ਇਸ ਨਾਲ ਜੋੜਕੇ ਰੱਖਿਆ ਹੈ । ਕੁਝ ਦੁਹਾਕੇ ਪਹਿਲਾ Uk ਚ ਜਾ ਵਸੀ ਇਹ ਪੰਜਾਬਣ ਮੁਟਿਆਰ ਇਕ ਕਲਮਕਾਰ ਹੋਣ ਕਰਕੇ ਸਾਹਿਤ ਦੇ ਖੇਤਰ ਅੰਦਰ ਵੀ ਮੱਲਾ ਮਾਰੀਆ ਹਨ। ਜੇ ਕਵਿਤਾ ਵੀ ਦੇਖੀਆ ਜਾਣ ਇਹ ਸਖਸ਼ੀਅਤ ਸੁੱਚੇ ਮੋਤੀਆਂ ਦੀ ਮਾਲਾ ਵਾਂਗ ਸ਼ਬਦਾ ਨੂੰ ਢੁਕਵੇਂ ਥਾਂ ਤੇ ਚੁਣਨ ਤੇ ਚਿਣਨ ਦਾ ਹੁਨਰ ਰੱਖਦੀ ਹੈ। ਕਹਿੰਦੇਂ ਹਨ ਕਿ ਕਲਮ ਦਾ ਫੱਟ ਤਲਵਾਰ ਦੇ ਫੱਟ ਤੋਂ ਡੂੰਘਾਂ ਹੁੰਦਾ ਹੈ ਸ਼ਰਤ ਇੱਕ ਕਿ ਕਲਮ ਵਿਕਾਊ ਨਾ ਹੋਵੇ। ਇਹ ਸਭ ਕੁੱਝ ਜਸਵੰਤ ਕੌਰ ਕੰਗ ਜੀ ਨੇ ਆਪਣੀ ਕਲਮ ਨਾਲ ਸਮੇਂ ਦੀ ਹਿੱਕ ਤੇ ਸਵਾਰ ਹੋਕੇ ਸੱਚ ਲਿਖ ਵਖਾਇਆ ਹੈ ਜੋ ਸੇਧ ਦੇਣ ਦਾ ਕੰਮ ਕੀਤਾ ਹੈ। ਪੰਜਾਬੀ ਮਾਂ ਬੋਲੀ ਲਈ ਤਨਦੇਹੀ ਨਾਲ ਕੰਮ ਕਰ ਰਹੀ ਇਸ ਸ਼ਖਸ਼ੀਅਤ ਨੇ ਆਪਣੇ ਅਮੀਰ ਵਿਰਸੇ ਕਲਚਰ ਨੂੰ ਨਹੀ ਛੱਡਿਆ ਪੰਜਾਬੀ ਖਾਣਾ ਪੀਣਾ ਪਹਿਨਣਾ ਬੋਲਣਾ ਸਭ ਪਿਤਾ ਪੁਰਖੀ ਉਹੀ ਜੀਵਨ ਚ ਵਸਿਆ ਹੈ। ਬੋਲਣਾ ਤੇ ਸਭ ਜਾਣਦੇ ਹਨ ਪਰ ਕਦੋ ਕੀ ਬੋਲਣਾ ਇਹ Uk ਦੀ ਧਰਤੀ ਦੇ ਲੈਸਟਰ ਸ਼ਹਿਰ ਜਾ ਵਸੀ ਜਸਵੰਤ ਕੌਰ ਦੇ ਹਿੱਸੇ ਵੀ ਆਇਆ। ਮਿੱਠੀ ਬੋਲੀ ਤੇ ਮਿਲਾਪੜੇ ਸੁਭਾਅ ਦੀ ਮਾਲਕ ਇਹ ਸਤਿਕਾਰ ਯੋਗ ਸਖਸੀਅਤ ਝੱਟ ਹੀ ਮਿਲਣ ਸਾਰ ਆਪਣੇ ਉਚੇ ਕਿਰਦਾਰ ਵਾਲੇ ਗੁਣ ਵਿਖਾ ਦੇਦੀਂ ਹੈ । ਜੇ ਇਸ ਸਖਸ਼ੀਅਤ ਵਿੱਚ ਸਮਾਜਿਕ ਗੁਣ ਦੇਖੀਏ ਤਾਂ ਸਮਾਜ ਦੀ ਸੇਵਾ ਚ ਵੀ ਭਰਪੂਰ ਹੈ।ਆੳ ਇਸ ਸ਼ਖਸ਼ੀਅਤ ਦੇ ਜਿ਼ੰਦਗੀ ਦੇ ਸ਼ਫਰ ਤੇ ਝਾਤ ਪਾਈਏ।
ਲੇਖਿਕਾ ਜਸਵੰਤ ਕੌਰ ਬੈਂਸ (ਕੰਗ) ਦਾ ਪਿਛੋਕੜ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਬਹੁਤ ਹੀ ਖੂਬਸੂਰਤ ਕਸਬੇ ਕਿਲ੍ਹਾ ਖਮਾਣੋਂ (ਖਮਾਂਣੋਂ ਖੁਰਦ) ਦੇ ਸ਼ਾਹੀ ਠਾਠ-ਬਾਠ ਵਾਲੇ ਸਿੱਖ ਮਿਸਲਾਂ ਵਿੱਚੋਂ ਡੱਲ਼ੇਵਾਲ਼ੀਆ ਮਿਸਲ ਦੇ ਖ਼ਾਨਦਾਨ ਨਾਲ ਹੈ ਅਤੇ ਸਰਦਾਰ ਲਛਮਣ ਸਿੰਘ ਕੰਗ (ਜੋ ਆਪਣੀ ਡਾਕਟਰੀ ਯੋਗਤਾ ਅਤੇ ਰਹਿਮ-ਦਿਲੀ ਲਈ ਜਾਣੇ ਜਾਂਦੇ ਸਨ)ਜੋ ਗਰੀਬਾਂ ਦਾ ਮੁਫ਼ਤ ਵਿੱਚ ਇਲਾਜ ਕਰਦੇ ਸਨ, ਜੀ ਦੀ ਪੋਤਰੀ ਅਤੇ ਸ. ਸਰਦਾਰ ਨਵਨੀਤ ਸਿੰਘ ਕੰਗ  ਸਾਬਕਾ ਸਰਪੰਚ ਖਮਾਣੋਂ ਖ਼ੁਰਦ ਦੀ ਸਪੁੱਤਰੀ ਜਸਵੰਤ ਕੌਰ ਬੈਂਸ ਆਪਣੇ ਦਾਦਾ ਜੀ ਦੇ ਨਕਸ਼ੇ-ਕਦਮਾਂ ਤੇ ਚੱਲ ਕੇ ਅਜੋਕੇ ਯੁੱਗ ਦੀ ਘਾਤਕ ਬੀਮਾਰੀ 'ਮਾਨਸਿਕ-ਤਣਾਅ' ਦੀ ਸ਼ਿਕਾਰ ਮਾਨਵਤਾ ਦੀ ਹਰ ਮਰਜ਼ ਦੀ ਰਮਜ਼ ਪਛਾਣ ਕੇ, ਉਸ ਦਾ ਸਹੀ ਉਪਚਾਰ ਲੱਭ ਕੇ ਆਪਣੀਆਂ ਕਵਿਤਾਵਾਂ ਰਾਹੀਂ ਅਤੇ ਸਾਂਝੇ ਕਾਵਿ ਸੰਗ੍ਰਹਿ  ਅਤੇ ਕਹਾਣੀ ਸੰਗ੍ਰਹਿ ਜਾਣਾ ਏ ਉਸ ਪਾਰ ਅਤੇ ਕਦੋਂ ਮਿਲੇਗੀ ਪਰਵਾਜ਼ ਜੋ ਕੋਵਿਡ-19 ਦੇ ਦਰਦ ਅਤੇ ਮਹਾਂਮਾਰੀ ਨੂੰ ਕਵਿਤਾਵਾਂ, ਕਹਾਣੀਆਂ ਅਤੇ ਲੇਖ ਸੰਗ੍ਰਹਿ ਜ਼ਰੀਏ ਬਿਆਨ ਕਰਦੀਆਂ ਹਨ। ਜਸਵੰਤ ਕੌਰ ਬੈਂਸ ਵੱਲੋਂ ਸੰਪਾਦਤ ਕੀਤਾ ‘ਰੂਹ ਦੀ ਚੀਖ’ ਸਾਂਝਾਂ ਕਹਾਣੀ ਸੰਗ੍ਰਹਿ ਹੈ ਜਿਸ ਵਿੱਚ ਬਹੁਤ ਸਾਰੇ ਨਵੇਂ ਲੇਖਕਾਂ ਨੂੰ ਕਹਾਣੀ ਲਿੱਖਣ ਲਈ ਉਤਸ਼ਾਹਿਤ ਕੀਤਾ ਹੈ। ਜਸਵੰਤ ਕੌਰ ਬੈਂਸ ਨੇ ਇੰਨਾਂ ਤਿੰਨੇ ਸਾਂਝੇ ਕਾਵਿ ਸੰਗ੍ਰਹਿ ਅਤੇ ਕਹਾਣੀ ਸੰਗ੍ਰਹਿ ਸੰਪਾਦਤ ਕਰ ਕੇ ਅਤੇ ਛਪਵਾ ਕੇ ਕਿਸੇ ਵੀ ਲੇਖਕ ਕੋਲ਼ੋਂ ਕੀਮਤ ਨਾ ਵਸੂਲ ਕਰਕੇ ਸੇਵਾ ਕੀਤੀ ਅਤੇ ਬਹੁਤ ਸਾਰੇ ਨਵੇਂ ਲੇਖਿਕਾਂ ਨੂੰ ਅੱਗੇ ਵੱਧਣ ਲਈ ਉਤਸ਼ਾਹਿਤ  ਕਰ ਕੇ ਉਨ੍ਹਾਂ ਦੇ ਦਿਲ ਅਤੇ ਰੂਹ ਤੇ ਹਿੰਮਤ ਅਤੇ ਹੌਸਲਿਆਂ ਦੀ ਮੱਲ੍ਹਮ-ਪੱਟੀ ਕਰਨ ਦੀ ਸੇਵਾ ਨਿਭਾ ਰਹੀ ਹੈ।

ਸ਼ਾਇਰਾ ਨੂੰ ਆਪਣੇ ਤਾਇਆ ਜੀ ਸ. ਹਰਮੀਤ ਸਿੰਘ ਕੰਗ (Renowned Industrial of 70s and 80s) ਅਤੇ ਪਿਤਾ ਸ. ਨਵਨੀਤ ਸਿੰਘ ਕੰਗ (Urdu Writer) ਕੋਲੋਂ ਸ਼ਾਇਰਾਨਾ ਅੰਦਾਜ਼ ਵਿਰਾਸਤ ਵਿੱਚ ਮਿਲਿਆ। ਜਸਵੰਤ ਦੇ ਤਾਇਆ ਜੀ ਜੋ ਬਹੁਤ ਵੱਡੀ ਮਿੱਲ ਮੰਡੀ ਗੋਬਿੰਦਗੜ੍ਹ ਵਿੱਚ “ਅੱਪ ਲਿੱਫਟ ਇੰਜਨੀਅਰਿੰਗ ਕੰਪਨੀ “ ਦੇ ਮਾਲਕ ਸਨ। ਜਿੱਥੇ ਕਣਕ ਕੁਤਰਨ ਵਾਲੇ ਥਰੈਸ਼ਰ, ਮੱਕੀ ਕੱਢਣ ਵਾਲੀਆਂ ਮਸ਼ੀਨਾਂ, ਸੀਡ ਡਰਿੱਲ, ਹੱਲ , ਤਵੀਆਂ ਵਾਹੀ ਦੇ ਸਾਰੇ ਸੰਦ ਬਣਦੇ ਸਨ। ਉਨ੍ਹਾਂ ਦੀ ਆਪਣੀ ਪ੍ਰਿੰਟਿੰਗ ਪ੍ਰੈੱਸ ਸੀ ਜਿੱਥੇ ਉੱਨਾਂ ਨੇ ਆਪਣੀ “ ਵਾਹੀਕਾਰ ਯੁੱਗ” ਮੈਗਜ਼ੀਨ ਸ਼ੁਰੂ ਕੀਤੀ । ਜੋ ਕਿਸਾਨਾਂ ਅਤੇ ਉਸ ਸਮੇਂ ਦੇ ਲੇਖਕਾਂ ਲਈ ਲਾਹੇਵੰਦ ਸੀ। ਜਸਵੰਤ ਦੇ ਦਾਦਾ ਜੀ ਸਰਦਾਰ ਲਛਮਣ ਸਿੰਘ ਕੰਗ ਜੋ ਮੋਰਿੰਡੇ ਸ਼ਹਿਰ ਵਿੱਚ ਆਪਣੇ ਸਮੇਂ ਵਿੱਚ Screw Mill ਦੇ ਮਸ਼ਹੂਰ ਬਿਜਨਿਸ ਮੈਨ ਸਨ। ਉਨਾਂ ਨੇ ਆਪਣੇ ਸਮੇਂ ਵਿੱਚ “ਸੱਚਾ ਭਾਈਚਾਰਾ” ਮੈਗਜ਼ੀਨ ਚਲਾਈ ਸੀ। ਜਸਵੰਤ ਕੌਰ ਦੇ ਪਿਤਾ ਜੋ ਉਰਦੂ ਦੇ ਲੇਖਕ ਸਨ। ਜਿਨਾਂ ਦੀ ਮਿਲ  ਅਤੇ ਰਿਹਾਇਸ਼ ਖਮਾਣੋਂ ਮੰਡੀ ਵਿੱਚ ਸੀ ਜੋ ‘ ਅੱਪ ਲਿਫ਼ਟ ਫਲੋਰ ਮਿਲ’ ਦੇ ਮਾਲਕ ਸਨ। ਜੋ ਉਰਦੂ ਦੇ ਬਹੁਤ ਵਧੀਆ ਲੇਖਕ ਸਨ। ਜਿਨਾਂ ਦਾ ਲਿਖਿਆ ਸਫ਼ਰਨਾਮਾ ਉਰਦੂ ਦੇ ਅਖਬਾਰ ਹਿੰਦ ਸਮਾਚਾਰ ਵਿੱਚ ਲਗਾਤਾਰ ਕਈ ਮਹੀਨੇ ਛੱਪਿਆ। ਜਸਵੰਤ ਦੇ ਪਿਤਾ ਜੀ ਨੇ ਆਪਣੇ ਜੱਦੀ ਪਿੰਡ ਵਿੱਚ ਆਪਣੇ ਸਰਪੰਚ ਹੋਣ ਦੇ ਸਮੇਂ ਬਹੁਤ ਸਾਰੇ ਕਾਰਜ ਕਰਕੇ ਸਮਾਜਿਕ ਸੇਵਾ ਕੀਤੀ। ਉਨਾਂ ਨੇ ਆਪਣੀ ਸਰਪੰਚੀ ਸਮੇਂ ਪੱਕੀ ਸੜਕ ਬਣਵਾਈ ਜੋ ਰੇਤ ਦੇ ਟਿੱਬਿਆਂ ਵਿੱਚ ਆਉਣ ਜਾਣ ਦੇ ਲਈ ਵਧੀਆ ਸਾਧਨ ਬਣਿਆ। ਪਿੰਡ ਵਿੱਚ ਬਿਜਲੀ ਵੀ ਉੱਨਾਂ ਦੀ ਸਰਪੰਚੀ ਵੇਲੇ ਆਈ। ਪਿੰਡ ਦੀਆਂ ਗਲੀਆਂ ਪੱਕੀਆਂ ਕਰਵਾਈਆਂ। ਉਨ੍ਹਾਂ ਨੇ ਪਿੰਡ ਦੀ ਪਾਣੀ ਦੀ ਟੈਂਕੀ ਲਈ ਤਿੰਨ ਵਿੱਘੇ ਜ਼ਮੀਨ ਛੱਡ ਦਿੱਤੀ ਸੀ ।ਜੋ ਅੱਜ ਵੀ ਪਿੰਡ ਵਿੱਚ ਮੌਜੂਦ ਹੈ। ਉਹ ਹਮੇਸ਼ਾ ਦੂਜੇ ਦੀ ਸੇਵਾ ਕਰਨ ਵਿੱਚ ਤੱਤਪਰ ਰਹਿੰਦੇ ਸੀ।  ਜਦੋਂ ਗੋਬਰ ਗੈਸ ਪਲਾਂਟ ਸਕੀਮ ਪੰਜਾਬ ਵਿੱਚ ਆਈ ਸਭ ਤੋਂ ਪਹਿਲਾਂ ਉਨਾਂ ਨੇ ਆਪ ਆਪਣੇ ਘਰ ਵਿੱਚ ਗੋਬਰ ਗੈਸ ਪਲਾਂਟ ਲਵਾ ਕੇ ਆਲੇ ਦੁਆਲੇ ਦੇ ਪਿੰਡਾਂ ਨੂੰ ਦਿਖਾਇਆ ਅਤੇ ਉਤਸ਼ਾਹਿਤ ਕੀਤਾ।  ਜਿਸ ਨੂੰ ਫਿੱਟ ਕਰਨ ਵਾਸਤੇ ਬਹੁਤ ਖੁੱਲ੍ਹੀ ਡੁੱਲੀ ਜਗਾ ਚਾਹੀਦੀ ਸੀ। ਉਹ ਉੱਚੇ ਵਿਚਾਰਾਂ ਦੇ ਮਾਲਿਕ ਅਤੇ ਬਹੁਤ ਵਧੀਆ ਪਾਰਖੂ  ਅਤੇ ਅਗਾਂਹਵਧੂ ਸੋਚ ਦੇ ਮਾਲਿਕ ਸਨ। ਬਹੁਤ ਵਧੀਆ ਸਲਾਹਕਾਰ ਸਨ। ਆਲੇ ਦੁਆਲੇ ਦੇ ਪਿੰਡਾਂ ਦੇ ਲੋਕ ਆਮ ਉਨ੍ਹਾਂ ਕੋਲ ਸਲਾਹ ਮਸ਼ਵਰੇ ਲਈ ਆਉਂਦੇ ਸਨ। ਕਿਉਕਿ ਉਹ ਹਰ ਨਵੀਂ ਚੀਜ਼ ਨੂੰ ਬੜੇ ਚਾਉ ਨਾਲ ਆਪ ਦੇਖ ਕੇ ਪਰਖ ਕੇ ਵਰਤੋਂ ਵਿੱਚ ਲਿਆਉਂਦੇ। ਇਸ ਲਈ ਜਸਵੰਤ ਵਿੱਚ ਆਪਣੇ ਪਿਤਾ ਜੀ ਦੇ ਸਾਹਿਤਕ ਗੁਣ, ਅਤੇ ਸਮਾਜ ਸੇਵਾ ਦੇ ਗੁਣ ਆਪਣੇ ਵਿਰਸੇ ਵਿੱਚੋਂ ਹੀ ਬਜ਼ੁਰਗਾਂ ਤੋਂ ਮਿਲੇ ਹਨ।

ਪ੍ਰਮਾਤਮਾ ਦੀ ਇਬਾਦਤ ਅਤੇ ਗੁਰਬਾਣੀ ਪੜ੍ਹਨਾ ਆਪਣੇ ਬੀਜੀ ਰਵਿੰਦਰ ਕੌਰ ਕੰਗ ਦੀ ਛਤਰ ਛਾਇਆ ਵਿੱਚ ਸਿਖਿਆ। ਆਪਣੇ ਘਰ ਵਿੱਚ ਹੀ ਪਿਤਾ ਜੀ ਦੀ (ਜੋ ਕਿ ਕਿਲ੍ਹਾ ਖਮਾਣੋਂ ਦੇ ਸਰਪੰਚ ਸਨ) ਪੰਚਾਇਤ ਦੀ ਲਾਇਬ੍ਰੇਰੀ ਹੋਣ ਕਾਰਨ ਪੰਜਾਬੀ ਦੇ ਉੱਘੇ ਲੇਖਕ ਨਾਨਕ ਸਿੰਘ, ਗੁਰਬਖਸ਼ ਸਿੰਘ ਪ੍ਰੀਤਲੜੀ, ਜਸਵੰਤ ਸਿੰਘ ਕੰਵਲ , ਪ੍ਰੋਫੈਸਰ ਮੋਹਣ ਸਿੰਘ ਅਤੇ ਭਾਈ ਵੀਰ ਸਿੰਘ ਵਰਗੀਆਂ ਸਖਸ਼ੀਅਤਾਂ ਦੀਆਂ ਲਿਖਤਾਂ  ਪੜ੍ਹ ਕੇ ਸ਼ਾਇਰਾ ਜਸਵੰਤ ਨੇ ਆਪਣੇ ਕਿਤਾਬੀ ਗਿਆਨ ਵਿੱਚ ਮੁਹਾਰਤ ਪਾਈ। ਫਿਰ ਮਹਾਨ ਕਵੀ ਕੁਲਵੰਤ ਜਗਰਾਓਂ ਜੀ (ਜੋ ਕਿ ਖਮਾਣੋਂ ਸਕੂਲ ਵਿੱਚ ਜਸਵੰਤ ਜੀ ਦੇ ਅਧਿਆਪਕ ਰਹਿ ਚੁੱਕੇ ਸਨ) ਦੀਆਂ ਕਵਿਤਾਵਾਂ ਨੇ ਵੀ ਇਨ੍ਹਾਂ ਦੀ ਲਿਖਣ ਦੀ ਕਲਾ ਵਿੱਚ ਸੋਨੇ ਤੇ ਸੁਹਾਗੇ ਦਾ ਕੰਮ ਕੀਤਾ।

ਜਸਵੰਤ ਕੌਰ ਬੈਂਸ ਨੇ ਆਪਣੀ ਮੁੱਢਲੀ ਵਿੱਦਿਆ ਪ੍ਰਾਇਮਰੀ ਸਕੂਲ ਖਮਾਣੋਂ ਖ਼ੁਰਦ ਤੋਂ ਹਾਸਲ ਕੀਤੀ।
ਫੇਰ ਗੌਰਮਿੰਟ ਹਾਈ ਸਕੂਲ ਖਮਾਣੋਂ ਮੰਡੀ ਤੋਂ ਦਸਵੀ ਪਾਸ ਕੀਤੀ। ਆਪਣੀ ਉਚੇਰੀ ਵਿਦਿਆ Guru Gobind Singh Khalsa College Jhar Sahib  ਪੰਜਾਬ ਯੂਨੀਵਰਸਟੀ ਤੋਂ ਹਾਸਲ ਕੀਤੀ। ਯੂ ਕੇ ਆ ਕੇ ਵੀ ਜਸਵੰਤ ਕੌਰ ਨੇ ਆਪਣੀ ਪੜਾਈ ਜਾਰੀ ਰੱਖੀ।  ਚਾਈਲਡ ਕੇਅਰ  (Childcare) ਅਤੇ ਹੈਲਥ ਐਂਡ ਸੋਸ਼ਲ ਕੇਅਰ ( Health and Social Care )ਵਿੱਚ ਆਪਣੀ ਕੁਆਲੀਫਿਕੇਸ਼ਨ ਸੰਪੂਰਨ ਕਰਕੇ ਇੰਨਾਂ ਦੋਹੇ ਖੇਤਰਾਂ ਵਿੱਚ ਲੰਬੀ ਸਰਵਿਸ ਕਰ ਰਹੇ ਹਨ।ਪੰਜਾਬ ਦੀ ਸਿਰਮੌਰ ਸੰਸਥਾ ਸਿਰਜਣਧਾਰਾ ਵਲੋਂ ਆਪਣੇ ਪਲੇਠੇ ਕਾਵਿ- ਸੰਗ੍ਰਹਿ 'ਕਾਲੀ ਲੋਈ' ਲਈ 'ਪੰਜਾਬ ਦੀ ਖੁਸ਼ਬੂ' ਪੁਰਸਕਾਰ ਨਾਲ ਸਨਮਾਨਿਤ ਕਵਿਤਰੀ ਜਸਵੰਤ ਕੌਰ ਬੈਂਸ ਨੇ ਪੰਜਾਬੀ ਵਿਰਸਾ ਤੇ ਸਭਿਆਚਾਰ ਦੀ ਪ੍ਰਫੁੱਲਤਾ ਲਈ ਆਪਣਾ ਯੋਗਦਾਨ ਪਾ ਕੇ ਸੰਨ -2004 ਵਿੱਚ ਸਾਹਿਤ ਦੀ ਦੁਨੀਆਂ ਵਿੱਚ ਆਪਣਾ ਪਹਿਲਾ ਕਦਮ ਰੱਖਿਆ। ਸੰਨ-2008 ਵਿੱਚ ਆਪਣੇ ਵਤਨ ਦੀ ਮਿੱਟੀ ਅਤੇ ਮਾਂ-ਬੋਲੀ ਨੂੰ ਸਮਰਪਿਤ ਆਪ ਜੀ ਦੇ ਦੂਜੇ ਕਾਵਿ- ਸੰਗ੍ਰਹਿ ' ਸੰਧੂਰੀ ਮਿੱਟੀ ਦੀ ਖੁਸ਼ਬੂ' ਲਈ ਆਪ ਨੂੰ 'ਪੰਜਾਬੀ ਸੱਭਿਆਚਾਰ ਦੀ ਆਰਤੀ' ਪੁਰਸਕਾਰ ਨਾਲ ਨਿਵਾਜਿਆ ਗਿਆ। 2009 ਵਿੱਚ ਆਪ ਜੀ ਦਾ ਤੀਜਾ ਕਾਵਿ - ਸੰਗ੍ਰਹਿ 'ਕਿਸ ਰਿਸ਼ਤੇ ਤੇ ਮਾਣ ਕਰਾਂ? ‘ਸ਼ਾਇਦ ਮਾਂ ਅਤੇ ਮਾਂ-ਬੋਲੀ ਤੋਂ ਹਟ ਕੇ ਬਾਕੀ ਦੇ ਖੋਖਲੇ ਹੋ ਰਹੇ ਸੰਸਾਰਿਕ ਰਿਸ਼ਤਿਆਂ ਵਿੱਚ ਸੁਆਰਥ ਦੀ ਬੂ ਆਉਣ ਦੀ ਉਪਜ ਸੀ। ਜਿਸ ਵਿੱਚ ਸ਼ਾਇਰਾ ਜਸਵੰਤ ਜੀ ਨੇ ਇਨ੍ਹਾਂ ਰਿਸ਼ਤਿਆਂ ਦੇ ਖੋਖਲੇਪਣ ਨੂੰ ਇੰਨੇ ਦਰਦਮਈ ਢੰਗ ਨਾਲ ਬਿਆਨ ਕੀਤਾ ਹੈ ਕਿ ਇੱਕ ਵਾਰ ਫਿਰ ਸਿਰਜਣਧਾਰਾ ਵਲੋਂ 'ਨੂਰ-ਏ-ਪੰਜਾਬ' ਪੁਰਸਕਾਰ ਆਪ ਦੀ ਝੋਲੀ ਵਿੱਚ ਆਇਆ। ਆਪਣੇ ਚੌਥੇ ਕਾਵਿ - ਸੰਗ੍ਰਹਿ 'ਮੈ ਵੱਸਦੀ ਹਾਂ ਤੇਰੇ ਸਾਹਾਂ ਵਿੱਚ'  ਇਸ ਕਾਵਿ ਸੰਗ੍ਰਿਹ ਵਿੱਚ ਮੈਡਮ ਬੈਂਸ ਜੀ ਨੇ ਹਰ ਸ਼ਖਸ ਨੂੰ ਭਾਵੇਂ ਉਹ ਕਿਸੇ ਵੀ ਮੁਲਕ ਵਿੱਚ ਵੱਸਦਾ ਹੋਵੇ, ਇਹ ਅਹਿਸਾਸ ਦਿਲਵਾ ਦਿੱਤਾ ਹੈ ਕਿ ਮਾਂ ਅਤੇ ਮਾਂ-ਬੋਲੀ ਤੋਂ ਉੱਤਮ ਦੁਨੀਆਂ ਦਾ ਕੋਈ ਰਿਸ਼ਤਾ ਨਹੀਂ ਹੋ ਸਕਦਾ ਜਾਂ ਇੰਝ ਕਹਿ ਲਵੋ ਕਿ ਸਾਡੇ ਸਵਾਸਾਂ ਦੀ ਡੋਰ ਦਾ ਪਹਿਲਾ ਮਣਕਾ ਸਾਡੀ ਮਾਂ-ਬੋਲੀ ਅਤੇ ਆਖਰੀ ਉਹ ਪਿਤਾ ਪ੍ਰਮੇਸ਼ਵਰ ਹੈ। ਇਸੇ ਕਰਕੇ ਤਾਂ ਇਹ ਸਾਡੇ ਸਵਾਸ-ਸਵਾਸ ਵਿੱਚ ਵੱਸ ਕੇ ਪਰਮਾਤਮਾ ਦਾ ਨਾਮ ਜਪਾਉੰਦੀ ਹੋਈ ਸਾਨੂੰ ਆਖਰੀ ਮਣਕੇ ਭਾਵ ਸਾਡੇ ਨਿੱਜ ਘਰ ਲੈ ਜਾਂਦੀ ਹੈ। ਇਨ੍ਹਾਂ ਦਾ ਪੰਜਵਾਂ ਕਾਵਿ ਸੰਗ੍ਰਹਿ “ ਹਨੇਰੇ ਪੰਧਾਂ ਦੀ ਲੋਅ” ਜੋ ਪਾਠਕਾਂ ਦੇ ਜ਼ਿੰਦਗੀ ਦੇ ਰਾਹਾਂ ਨੂੰ ਚਾਨਣ ਵਿਖੇਰਦਾ ਹੋਇਆ ਹਨੇਰਿਆਂ ਪੰਧਾਂ ਚੋਂ ਨਿਕਲਣ ਦੀ ਪ੍ਰੇਰਨਾ ਦਿੰਦਾ ਹੈ।

“ਰੂਹ ਦੀ ਚੀਖ “ ਸਾਂਝਾਂ ਕਹਾਣੀ ਸੰਗ੍ਰਹਿ ਜੋ ਜਸਵੰਤ ਕੌਰ ਬੈਂਸ ਵੱਲੋ ਕੀਤਾ ਗਿਆ ਬਹੁਤ ਵੱਡਾ ਉਪਰਾਲਾ ਹੈ। ਜੋ ਸਾਹਿਤਕ ਖੇਤਰ ਦੀ ਸੇਵਾ ਵਿੱਚ ਇਨ੍ਹਾਂ ਵੱਲੋਂ ਪੁੱਟਿਆ ਗਿਆ ਸ਼ਲਾਘਾਯੋਗ ਕਦਮ ਹੈ। ਜੋ ਆਪ ਖ਼ੁਦ ਵੀ ਬਹੁਤ ਅੱਛੇ ਲੇਖਿਕਾ ਹਨ। ਹੁਣ ਤੀਕ ਆਪਣੇ ਲਿਖੇ ਪੰਜ ਕਾਵਿ ਸੰਗ੍ਰਹਿ ਮਾਂ ਬੋਲੀ ਅਤੇ ਪੰਜਾਬੀ ਸਾਹਿਤ ਦੀ ਝੋਲੀ ਵਿੱਚ ਪਾ ਚੁੱਕੇ ਹਨ।

ਫਿਰ 30 ਸਾਲ ਬਾਅਦ ਆਪਣੇ ਉਸਤਾਦ  ਮਹਾਨ ਕਵੀ ਕੁਲਵੰਤ ਜਗਰਾਓਂ ਜੀ ਦੀ ਤਲਾਸ਼, ਸਿਰਜਣਧਾਰਾ ਦੇ ਮੀਤ ਪ੍ਰਧਾਨ ਵਜੋਂ ਉਨ੍ਹਾਂ ਦਾ ਮਿਲਣਾ ਅਤੇ ਆਪਣੇ ਪਹਿਲੇ ਕਾਵਿ - ਸੰਗ੍ਰਹਿ 'ਕਾਲੀ ਲੋਈ' ਦਾ ਮੁੱਖ ਬੰਦ ਉਨ੍ਹਾਂ ਕੋਲੋਂ ਲਿਖਵਾਉਣਾ ਸਿਰਫ਼ ਔਰ ਸਿਰਫ਼ ਜਸਵੰਤ ਦਾ ਹੀ ਸੁਭਾਗ ਹੋ ਸਕਦਾ ਸੀ । 

ਸੰਨ 2004 ਵਿੱਚ ਲੁਧਿਆਣਾ ਦੀ ਸਿਰਮੌਰ ਸੰਸਥਾ ਸਿਰਜਣਧਾਰਾ ਵਿੱਖੇ ਉੱਘੇ ਲੇਖਕ ਕੁਲਵੰਤ ਜਗਰਾਂਉਂ ਜੀ, ਉੱਘੇ ਲੇਖਕ ਰਵਿੰਦਰ ਭੱਠਲ ਜੀ, ਮਹਾਨ ਲੇਖਕ ਗੁਰਭਜਨ ਗਿੱਲ ਜੀ, ਪੰਜਾਬ ਦੇ ਸਾਬਕਾ ਡੀਨ ਡਾ: ਅੰਮ੍ਰਿਤਪਾਲ ਸਿੰਘ ਮਾਨ, ਗਜ਼ਲਾਂ ਦੇ ਮਾਹਿਰ ਗੁਰਚਰਨ ਕੋਚਰ ਜੀ ਅਤੇ ਅੰਤਰਰਾਸ਼ਟਰੀ ਪ੍ਰਸਿੱਧੀ ਦੇ ਮਾਲਕ ਡਾ: ਸੁਰਜੀਤ ਪਾਤਰ ਜੀ ਦੀ ਪ੍ਰਧਾਨਗੀ ਹੇਠ ਜਸਵੰਤ ਕੌਰ ਬੈਂਸ ਦਾ ਕਾਵਿ ਸੰਗ੍ਰਹਿ ਕਾਲੀ ਲੋਈ ਲੋਕ ਅਰਪਣ ਕੀਤਾ ਗਿਆ ।

ਭਾਗ 3
 ਪੰਜਾਬ ਲੁਧਿਆਣਾ ਦੇ ਨਾਮਵਰ ਗਜ਼ਲਗੋ ਮਹਾਨ ਹਸਤੀ ਮੈਡਮ ਗੁਰਚਰਨ ਕੌਰ ਕੋਚਰ ਜੀ ਕੋਲੋਂ ਲਿੱਖਤਾਂ ਵਿੱਚ ਹੋਰ ਪ੍ਰੇਰਨਾਂ ਅਤੇ ਭੈਣਾਂ ਵਰਗਾ ਪਿਆਰ ਵੀ ਜਸਵੰਤ ਨੂੰ ਮਿਲਿਆ। ਜਸਵੰਤ ਦੇ 3 ਕਾਵਿ ਸੰਗ੍ਰਹਿ ਜਿਨ੍ਹਾਂ ਦੇ ਖ਼ੂਬਸੂਰਤ ਮੁੱਖਬੰਦ ਮੈਡਮ ਗੁਰਚਰਨ ਕੌਰ ਕੋਚਰ ਨੇ ਆਪਣੇ ਕੀਮਤੀ ਸਮੇਂ ਵਿੱਚੋਂ ਸਮਾਂ ਕੱਢ ਕੇ ਆਪਣੇ ਸੁੰਦਰ ਲਫਜ਼ਾਂ ਵਿੱਚ ਲਿੱਖ ਕੇ ਜਸਵੰਤ ਕੌਰ ਬੈਂਸ ਨੂੰ ਮਾਣ ਦਿੱਤਾ। ਲੁਧਿਆਣਾ ਤੋਂ ਪੰਜਾਬ ਦੀਆਂ ਸ਼ੂਗਰ ਮਿੱਲਾਂ ਦੇ ਸਾਬਕਾ ਡੀਨ ਡਾ: ਅੰਮ੍ਰਿਤਪਾਲ ਸਿੰਘ ਮਾਨ ਪਿੰਡ ਖੰਟ ਮਾਨਪੁਰ ਦੇ ਵਸਨੀਕ ਹਨ ਨੇ ਕੋਚਰ ਮੈਡਮ ਨਾਲ ਜਸਵੰਤ ਦੇ ਦੂਸਰੇ ਕਾਵਿ ਸੰਗ੍ਰਹਿ ਸੰਧੂਰੀ ਮਿੱਟੀ ਦੀ ਖੁਸ਼ਬੋ ਨੂੰ ਪ੍ਰਸਿੱਧ ਲੇਖਕਾਂ ਦੀ ਪ੍ਰਧਾਨਗੀ ਮੰਡਲ ਹੇਠ 2008 ਵਿੱਚ ਲੋਕ ਅਰਪਣ ਕੀਤਾ। ਜੱਸੀ ਮਾਨ ਟੋਰਾਂਟੋਂ, ਕੈਨੇਡਾ ਤੋਂ  ਪਿੰਡ ਖੰਟ ਮਾਨਪੁਰ ਪੰਜਾਬ ਦੇ ਵਸਨੀਕ ਨੇ ਸਾਹਿਤਕ ਖੇਤਰ ਵਿੱਚ ਜਸਵੰਤ ਕੌਰ ਬੈਂਸ ਦੇ ਸੰਪਾਦਕ ਕੀਤੀਆਂ ਦੋ ਕਿਤਾਬਾਂ ਨੂੰ ਸਪੌਂਸਰ ਕਰਕੇ ਕੇ ਜੋ 
ਸਾਂਝੀਆਂ ਕਾਵਿ ਸੰਗ੍ਰਹਿ ਅਤੇ ਲੇਖ ਸੰਗ੍ਰਹਿ ਸਨ ਜਸਵੰਤ ਕੌਰ ਬੈਂਸ ਨੂੰ ਹੌਸਲਾ ਅਤੇ ਮਾਣ ਬਖ਼ਸ਼ਿਆ। ਪੰਜਾਬ ਐਗਰੀਕਲਚਰ ਯੂਨੀਵਰਸਟੀ ਦੇ ਵਾਈਸ ਚਾਂਸਲਰ ਡਾ: ਮਨਜੀਤ ਸਿੰਘ ਕੰਗ ਜਿਨਾਂ ਦੇ ਸ਼ੁਭ ਹੱਥਾਂ ਨਾਲ ਜਸਵੰਤ ਦੇ ਤੀਸਰੇ ਕਾਵਿ ਸੰਗ੍ਰਹਿ ਦੀ ਗੁਰਚਰਨ ਕੌਰ ਕੋਚਰ ਮੈਡਮ ਅਤੇ ਬਹੁਤ ਸਾਰੇ ਹੋਰ ਉੱਘੇ ਲੇਖਕਾਂ ਸਾਹਿਤ ਘੁੰਡ ਚੁਕਾਈ ਦੀ ਰਸਮ ਕੀਤੀ ਗਈ। ਜਸਵੰਤ ਨੂੰ ਪ੍ਰਮਾਤਮਾ ਦੀ ਮਿਹਰ ਅਤੇ ਮਹਾਨ ਸਾਹਿਤਕਾਰਾਂ ਦਾ ਪਿਆਰ, ਅਸ਼ੀਰਵਾਦ ਸਾਹਿਤਕ ਖੇਤਰ ਵਿੱਚ ਮਿਲਦਾ ਰਿਹਾ। ਜਿਸਦੀ ਬਦੌਲਤ ਉਸਦੀ ਹਿੰਮਤ ਅਤੇ ਹੌਸਲਾ ਵੱਧਦਾ ਗਿਆ।ਸਾਹਿਤਕ ਸੇਵਾਵਾਂ ਲਈ ਜਸਵੰਤ ਕੌਰ ਬੈਂਸ ‘ਸੁਨਹਿਰੇ ਲਫ਼ਜ਼ ਅੰਤਰਰਾਸ਼ਟਰੀ’ ਗਰੁੱਪ 1, ਗਰੁੱਪ 2, ਗਰੁੱਪ 3 ਅਤੇ ‘ਸ਼ਾਇਰੀ ਦੇ ਅੰਗ-ਸੰਗ’ ਗਰੁੱਪ ਦੇ ਸੰਸਥਾਪਕ ਅਤੇ ਆਪਣੀ ਟੀਮ ਨਾਲ ਮਿਲ ਕੇ ਮੈਨੇਜਿੰਗ ਕਰ ਰਹੇ ਹਨ। ਜਿਸ ਵਿੱਚ ਔਨ ਲਾਈਨ ਕਵੀ ਦਰਬਾਰ ਕਰਾਏ ਜਾਂਦੇ ਹਨ। ਨਾਲ ਨਾਲ ਆਪਣੀ ਸੁਨਹਿਰੇ ਲਫ਼ਜ਼ ਅੰਤਰਰਾਸ਼ਟਰੀ ਟੀਮ ਨਾਲ ਮਿਲ ਕੇ ਸਾਂਝੇ ਕਾਵਿ ਸੰਗ੍ਰਹਿ ਸੰਪਾਦਤ ਕਰ ਰਹੇ ਹਨ। ਪਿਛਲੇ ਸਾਲ ਜਸਵੰਤ ਕੌਰ ਬੈਂਸ ਨੇ ਵਾਤਾਵਰਣ ਦੀ ਸ਼ੁੱਧਤਾ ਵਿੱਚ ਵਾਧਾ ਕਰਨ ਲਈ ਪੰਜਾਬ ਦੇ ਕਈ ਪਿੰਡਾਂ ਵਿੱਚ ਆਪਣੀ ਸਾਹਿਤਕ ਟੀਮ ਨਾਲ ਮਿਲ ਕੇ ਰੁੱਖ ਵੀ ਲਗਵਾਏ।

ਜਸਵੰਤ ਕੌਰ ਬੈਂਸ ਲੈਸਟਰ ਸ਼ਹਿਰ ਯੂ ਕੇ ਵਿੱਚ ਸਾਂਝਾਂ ਗਰੁੱਪ, ਮਿਲਾਪ ਗਰੁੱਪ, ਵਿਹੜੇ ਦੀਆਂ ਰੌਣਕਾਂ , ਸੁਨਹਿਰੇ ਲਫ਼ਜ਼ ਮਾਂ ਬੋਲੀ ਗਰੁੱਪ ਵਿੱਚ ਆਪਣਾ ਰੋਲ ਆਪਣੀ ਪੂਰੀ ਟੀਮ ਨਾਲ ਨਿਭਾ ਰਹੇ ਹਨ। ਜਿਨਾਂ ਵਿੱਚ ਧਾਰਮਿਕ, ਸਾਹਿਤਕ, ਸੱਭਿਆਚਾਰਿਕ , ਮਾਂ ਬੋਲੀ ਦੇ, ਦਿਨਾਂ ਤਿਉਹਾਰਾਂ ਤੇ ਰਲ ਮਿਲ ਕੇ ਸਾਂਝੇ ਪ੍ਰੋਗਰਾਮ ਕੀਤੇ ਜਾਂਦੇ ਹਨ। ਜਸਵੰਤ ਕੌਰ ਬੈਂਸ ਇੱਕ ਬਹੁਪੱਖੀ ਸਖਸ਼ੀਅਤ ਦੀ ਮਾਲਕ ਹੈ। ਜਿਸ ਵਿੱਚ ਬਹੁਤ ਸਾਰੇ ਵੱਖੋ ਵੱਖਰੇ ਗੁਣ ਹਨ। ਜਿਨਾਂ ਨੂੰ ਉਹ ਹਮੇਸ਼ਾਂ ਆਪਣੀਆਂ ਸੇਵਾਵਾਂ ਦੇ ਜ਼ਰੀਏ ਵੰਡਦੀ ਰਹਿੰਦੀ ਹੈ। ਜਸਵੰਤ ਵਿੱਚ ਆਰਟ ਐਂਡ ਕਰਾਫਟ ਵਰਕ ਦੀਆਂ ਦਿਲਚਸਪ ਐਕਟੇਵਿਟੀਆਂ ਕਰਨ ਦੀ ਭਰਭੂਰ ਯੋਗਤਾ ਹੈ। ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਦਿਲਚਸਪ ਆਰਟ ਕਲਾ ਦਾ ਕੰਮ ਸਭ ਨਾਲ ਮਿਲ ਕੇ ਕਰ ਲੈੰਦੇ ਹਨ। ਜਿਸ ਵਿੱਚ ਕਲਰਿੰਗ, ਪੇਂਟਿੰਗ , ਕਾਰਡ ਮੇਕਿੰਗ, ਫਲਾਵਰ ਅਰੇਂਜਿੰਗ, ਡੈਕੋਰੇਟਿੰਗ , ਸਿੰਗ ਕਰਨਾ, ਐਕਟ ਕਰਨਾ, ਡਾਂਸ ਕਰਨਾ ਵਗੈਰਾ।

ਜਸਵੰਤ ਨੂੰ ਉੱਨਾਂ ਦੀਆਂ ਕੀਤੀਆਂ ਸੇਵਾਵਾਂ ਲਈ ਵੱਖ ਵੱਖ ਸੰਸਥਾਵਾਂ ਵੱਲੋਂ ਪੁਰਸਕਾਰ, ਮਾਨ ਸਨਮਾਨ, ਸਨਮਾਨ ਪੱਤਰ, ਸਰਟੀਫਿਕੇਟ, ਮੈਡਲ  ਅਤੇ ਪਾਠਕਾਂ ਅਤੇ ਸਰੋਤਿਆਂ ਵੱਲੋ ਬੇਹੱਦ ਮੋਹ ਮਿਲਿਆ ਹੈ। ਲੁਧਿਆਣਾ ਸਾਹਿਤਕ ਅਕੈਡਮੀ ਸਿਰਜਣਧਾਰਾ ਵੱਲੋਂ ਜਸਵੰਤ ਨੂੰ 2004 ਵਿੱਚ ‘ਪੰਜਾਬ ਦੀ ਖੁਸ਼ਬੋ’ ,ਪੁਰਸਕਾਰ ਅਤੇ 2008 ਵਿੱਚ ‘ਪੰਜਾਬੀ ਸੱਭਿਆਚਾਰ ਦੀ ਆਰਤੀ ‘ਪੁਰਸਕਾਰ ਅਤੇ 2009 ਵਿੱਚ ਨੂਰ-ਏ- ਪੰਜਾਬ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਪੰਜਾਬੀ ਅਕੈਡਮੀ ਵੱਲੋਂ ਹਰ ਸਾਲ ਸਨਮਾਨ ਪੱਤਰ, ਮੈਡਲ ਅਤੇ ਸਰਟੀਫਿਕੇਟ ਦਿੱਤੇ ਗਏ। 2009 ਵਿੱਚ ਪੰਜਾਬੀ ਅਕੈਡਮੀ ਵੱਲੋਂ ਅਕੈਡਮੀ ਵਿੱਚ ਕੀਤੀ ਮਿਹਨਤ ਅਤੇ ਪਾਏ ਯੋਗਦਾਨ ਲਈ ਫੈਲੋਸ਼ਿੱਪ ਨਾਲ ਸਨਮਾਨਿਤ ਕੀਤਾ ਗਿਆ। 2013 ਵਿੱਚ ਲੰਡਨ ਵਿੱਚ ਪੰਜਾਬੀ ਸੈਂਟਰ ,ਦੇਸੀ ਰੇਡੀਓ ਅਤੇ ਲੇਖਿਕਾ ਕੁਲਵੰਤ ਢਿੱਲੋਂ ਜੀ ਜੋ ਪੰਜਾਬੀ ਸਾਹਿਤ ਕਲਾ ਕੇਂਦਰ ਦੇ ਪ੍ਰਧਾਨ ਹਨ ,ਨੇ ਜਸਵੰਤ ਕੌਰ ਬੈਂਸ ਨੂੰ ਪੰਜਾਬੀ ਸਾਹਿਤ , ਪੰਜਾਬੀ ਮਾਂ ਬੋਲੀ ਅਤੇ ਵਿਰਸੇ ਅਤੇ ਸੱਭਿਆਚਾਰ ਦੀ ਪ੍ਰਫੁਲਤਾ ਲਈ ਯੂ ਕੇ ਵਿੱਚ ਪਾਏ ਯੋਗਦਾਨ ਵਿੱਚ ਨੈਸ਼ਨਲ ਅਵਾਰਡ ਨਾਲ ਸਨਮਾਨਿਤ ਕੀਤਾ। ਇਸ ਤੋਂ ਇਲਾਵਾ ਸਮੇਂ ਸਮੇਂ ਤੇ ਗੁਰੂ ਤੇਗ ਬਹਾਦਰ  ਗੁਰਦਵਾਰਾ ਸਾਹਿਬ ਦੀਆਂ ਕਮੇਟੀਆਂ ਵੱਲੋਂ ਖਾਲਸਾ ਐਜੂਕੇਸ਼ਨ ਸੈਂਟਰ ਵਿੱਚ ਬੱਚਿਆਂ ਨੂੰ ਮਾਂ ਬੋਲੀ ਪੰਜਾਬੀ ਪੜਾਉਣ ਲਈ ਪਾਏ ਯੋਗਦਾਨ ਲਈ ਹਾਰ ਸਾਲ ਸਿਰਪਾਉ ,ਮਾਨ - ਸਨਮਾਨ, ਸਰਟੀਫਿਕੇਟ ,ਮੈਡਲ ਅਤੇ ਸਨਮਾਨ ਪੱਤਰ ਨਾਲ ਸਨਮਾਨਿਤ ਕੀਤਾ ਗਿਆ।
ਇਸ ਤੋਂ ਇਲਾਵਾ ਸਾਹਿਤਕ ਖੇਤਰ ਵਿੱਚ ਪਾਏ ਯੋਗਦਾਨ ਲਈ ਹੋਰ ਬਹੁਤ ਸੰਸਥਾਵਾਂ ਵੱਲੋਂ ਮਾਨ ਸਨਮਾਨ ਅਤੇ ਸਨਮਾਨ ਪੱਤਰ ਦਿੱਤੇ ਗਏ। 

ਜਸਵੰਤ ਦੇ ਆਉਣ ਵਾਲੇ ਕਾਵਿ ਸੰਗ੍ਰਹਿ ਅਤੇ ਸ਼ਾਇਰੀ ਸੰਗ੍ਰਹਿ ਹਨ ‘ ਓੜ ਲਈ ਫੁਲਕਾਰੀ ਮੈਂ ‘ ਅਤੇ ‘ ਮਨਮੋਤੀ’ 2022-23 ਵਿੱਚ ਲੋਕ ਅਰਪਣ ਕੀਤੇ ਜਾਣਗੇ। ਇੱਕ ਆਧੁਨਿਕ ਲੋਕ ਬੋਲੀਆਂ ਦਾ ਸਾਂਝੀ ਕਿਤਾਬ ਜਿਸ ਨੂੰ ਜਸਵੰਤ ਕੌਰ ਬੈਂਸ ਅਤੇ ਮਾਸਟਰ ਲਖਵਿੰਦਰ ਸਿੰਘ ਸੰਪਾਦਤ ਕਰ ਰਹੇ ਹਨ, 2022-23 ਵਿੱਚ ਲੋਕ ਅਰਪਣ ਹੋਵੇਗੀ ਅਤੇ ਸਕੂਲਾਂ ਕਾਲਜਾਂ, ਵਿਆਹ ਸ਼ਾਦੀਆਂ ,ਤੀਆਂ ਤ੍ਰਿੰਝਣਾ ਅਤੇ ਗਿੱਧਿਆਂ ਦਾ ਸ਼ਿੰਗਾਰ ਬਣੇਗੀ। ਜਿਸ ਵਿੱਚ ਪ੍ਰੀਵਾਰਿਕ ਲੋਕ ਬੋਲੀਆਂ ਪਾਠਕਾਂ ਦੇ ਰੂ-ਬ-ਰੂ ਹੋਣਗੀਆਂ।

ਜਸਵੰਤ ਕੌਰ ਬੈਂਸ( ਕੰਗ)
ਲੈਸਟਰ ਯੂ ਕੇ
ਲੇਖਿਕਾ, ਰੇਡੀਓ ਪਰਜ਼ੈਂਟਰ, ਗਰੁੱਪ ਕੋਰਡੀਨੇਟਰ
ਵੱਲੋ ਧੰਨਵਾਦ ਸਾਹਿਤ
ਗੁਰਚਰਨ ਸਿੰਘ ਧੰਜ਼ੂ ਪਟਿਆਲਾ

ਸ਼੍ਰੀਮਤੀ ਚੰਦੀ  ਨੇ ਆਪਣੇ ਬਲਾਗ 'ਤੇ ਘੋਸ਼ਣਾ ਕੀਤੀ, "ਮੈਂ ਦੱਖਣੀ ਧਰੁਵ ਤੱਕ ਪਹੁੰਚ ਗਈ ਜਿੱਥੇ ਬਰਫ ਪੈ ਰਹੀ ਹੈ।"

40 ਦਿਨਾਂ ਵਿੱਚ 700 ਮੀਲ (1126 ਕਿਲੋਮੀਟਰ) ਦਾ ਸਫ਼ਰ ਪੂਰਾ ਕੀਤਾ ਜੋ ਕਿ ਇਕ ਔਰਤ ਦੁਆਰਾ ਨਵਾਂ ਰਿਕਾਰਡ ਹੈ  

ਲੰਡਨ,4 ਜਨਵਰੀ (ਅਮਨਜੀਤ ਸਿੰਘ ਖਹਿਰਾ  ) ਬ੍ਰਿਟਿਸ਼ ਮੂਲ ਦੇ ਸਿੱਖ ਫੌਜੀ ਅਫਸਰ ਪ੍ਰੀਤ ਚੰਦੀ ਨੇ ਦੱਖਣੀ ਧਰੁਵ ਦੀ ਇਕੱਲੀ ਮੁਹਿੰਮ ਨੂੰ ਪੂਰਾ ਕਰਨ ਵਾਲੀ ਪਹਿਲੀ "ਰੰਗ ਦੀ ਔਰਤ" ਬਣ ਕੇ ਇਤਿਹਾਸ ਰਚਿਆ ਹੈ। ਸ਼੍ਰੀਮਤੀ ਚੰਦੀ ਦਾ ਸਾਹਸ ਪਿਛਲੇ ਸਾਲ ਨਵੰਬਰ ਵਿੱਚ ਸ਼ੁਰੂ ਹੋਇਆ ਸੀ, ਜਦੋਂ ਉਸਨੇ ਅੰਟਾਰਕਟਿਕਾ ਦੇ ਹਰਕੂਲਸ ਇਨਲੇਟ ਤੋਂ ਅਸਮਰਥਿਤ ਆਪਣੀ ਯਾਤਰਾ ਸ਼ੁਰੂ ਕੀਤੀ ਸੀ, CNN ਦੀ ਰਿਪੋਰਟ ਮੁਤਾਬਕ ਉਸਨੇ ਅਗਲੇ ਕੁਝ ਹਫ਼ਤੇ ਅੰਟਾਰਕਟਿਕਾ ਵਿੱਚ ਇਕੱਲੇ ਸਕੀਇੰਗ ਵਿੱਚ ਬਿਤਾਏ ਅਤੇ 3 ਜਨਵਰੀ ਨੂੰ ਘੋਸ਼ਣਾ ਕੀਤੀ ਕਿ ਉਸਨੇ 40 ਦਿਨਾਂ ਵਿੱਚ 700 ਮੀਲ (1126 ਕਿਲੋਮੀਟਰ) ਦਾ ਸਫ਼ਰ ਪੂਰਾ ਕਰ ਲਿਆ ਹੈ।
ਸ਼੍ਰੀਮਤੀ ਚੰਦੀ  ਨੇ ਆਪਣੇ ਬਲਾਗ 'ਤੇ ਘੋਸ਼ਣਾ ਕੀਤੀ,  "ਮੈਂ ਦੱਖਣੀ ਧਰੁਵ ਤੱਕ ਪਹੁੰਚ ਗਈ ਜਿੱਥੇ ਬਰਫ ਪੈ ਰਹੀ ਹੈ।" "ਇਸ ਸਮੇਂ ਬਹੁਤ ਸਾਰੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰ ਰਿਹਾ ਹਾਂ... ਆਖਰਕਾਰ ਇੱਥੇ ਆਉਣਾ ਬਹੁਤ ਅਸਲ ਮਹਿਸੂਸ ਹੁੰਦਾ ਹੈ," 32 ਸਾਲਾ, ਜਿਸਨੇ "ਪੋਲਰ ਪ੍ਰੀਤ" ਨੂੰ ਗੋਦ ਲਿਆ ਹੈ, ਨੇ ਅੱਗੇ ਕਿਹਾ। ਸ਼੍ਰੀਮਤੀ ਚੰਦੀ ਨੇ ਕਿਹਾ  ਕੇ, "ਅੰਟਾਰਕਟਿਕਾ ਧਰਤੀ 'ਤੇ ਸਭ ਤੋਂ ਠੰਡਾ, ਸਭ ਤੋਂ ਉੱਚਾ, ਸਭ ਤੋਂ ਸੁੱਕਾ ਅਤੇ ਹਵਾ ਵਾਲਾ ਮਹਾਂਦੀਪ ਹੈ। ਇੱਥੇ ਕੋਈ ਵੀ ਸਥਾਈ ਤੌਰ 'ਤੇ ਨਹੀਂ ਰਹਿੰਦਾ। ਜਦੋਂ ਮੈਂ ਪਹਿਲੀ ਵਾਰ ਯੋਜਨਾ ਬਣਾਉਣੀ ਸ਼ੁਰੂ ਕੀਤੀ ਸੀ ਤਾਂ ਮੈਨੂੰ ਮਹਾਂਦੀਪ ਬਾਰੇ ਬਹੁਤਾ ਪਤਾ ਨਹੀਂ ਸੀ ਅਤੇ ਇਸੇ ਗੱਲ ਨੇ ਮੈਨੂੰ ਉੱਥੇ ਜਾਣ ਲਈ ਪ੍ਰੇਰਿਤ ਕੀਤਾ," ਸ਼੍ਰੀਮਤੀ ਚੰਦੀ  ਨੇ  ਕਿਹਾ ਉਸਨੇ ਆਪਣੇ ਦੱਖਣੀ ਧਰੁਵ ਦੇ ਸਾਹਸ ਦੀ ਤਿਆਰੀ ਵਿੱਚ ਢਾਈ ਸਾਲ ਬਿਤਾਏ, ਜਿਸ ਵਿੱਚ ਫ੍ਰੈਂਚ ਐਲਪਸ ਵਿੱਚ ਕ੍ਰੇਵੇਸ ਸਿਖਲਾਈ ਅਤੇ ਆਈਸਲੈਂਡ ਵਿੱਚ ਟ੍ਰੈਕਿੰਗ ਸ਼ਾਮਲ ਹੈ।
ਆਪਣੀ ਅੰਟਾਰਕਟਿਕਾ ਮੁਹਿੰਮ ਦੇ ਦੌਰਾਨ, ਭਾਰਤੀ ਮੂਲ ਦੀ ਬ੍ਰਿਟਿਸ਼ ਫੌਜੀ ਅਧਿਕਾਰੀ ਨੇ ਇੱਕ ਪੁਲ ਜਾਂ ਸਲੇਜ ਚੁੱਕਿਆ ਜਿਸਦਾ ਵਜ਼ਨ ਲਗਭਗ 90 ਕਿਲੋ ਸੀ ਅਤੇ ਉਸਦੀ ਕਿੱਟ, ਬਾਲਣ ਅਤੇ ਭੋਜਨ ਸੀ।

 ਪ੍ਰੋਃ ਜਗਮੋਹਨ ਸਿੰਘ,ਗੁਰਭਜਨ ਸਿੰਘ ਗਿੱਲ, ਤੇ ਸੁੱਖੀ ਬਾਠ ਵਿਸ਼ੇਸ਼ ਤੌਰ ਤੇ ਹੋਏ ਸ਼ਾਮਿਲ ਹੋਣ 

ਇਟਲੀ - 22 ਨਵੰਬਰ  ਸਾਹਿਤ ਸੁਰ ਸੰਗਮ ਸਭਾ (ਇਟਲੀ), ਗੁਜਰਾਂਵਾਲਾ ਖਾਲਸਾ ਕਾਲਜ ਲੁਧਿਆਣਾ ਅਤੇ ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਲੁਧਿਆਣਾ ਵਲੋਂ ਸਾਂਝੇ ਤੌਰ ਤੇ ਕਰਤਾਰ ਸਿੰਘ ਸਰਾਭਾ ਅਤੇ ਉਸਦੇ ਛੇ ਸ਼ਹੀਦ ਸਾਥੀਆਂ ਵਿਸ਼ਨੂੰ ਗਣੇਸ਼ ਪਿੰਗਲੇ, ਜਗਤ ਸਿੰਘ ਸੁਰ ਸਿੰਘ, ਸ਼ਹੀਦ ਹਰਨਾਮ ਸਿੰਘ ਸਿਆਲਕੋਟੀ, ਸ਼ਹੀਦ ਬਖਸ਼ੀਸ਼ ਸਿੰਘ ਗਿੱਲਵਾਲੀ, ਸ਼ਹੀਦ ਸਿਰੈਣ ਸਿੰਘ ਵੱਡਾ ਤੇ ਸ਼ਹੀਦ ਸਿਰੈਣ ਸਿੰਘ ਛੋਟਾ ਦੀ ਸ਼ਹਾਦਤਨੂੰ ਸਮਰਪਿਤ ਸ਼ਰਧਾਂਜਲੀ ਸਮਾਗਮ  ਕਰਵਾਇਆ ਗਿਆ। ਜ਼ੂਮ ਦੇ ਮਾਧਿਅਮ ਰਾਹੀਂ ਹੋਏ ਇਸ ਅੰਤਰ-ਰਾਸ਼ਟਰੀ ਵੈਬੀਨਾਰ ਵਿੱਚ ਆਰੰਭਿਕ  ਬੋਲਾਂ ਨਾਲ ਸਾਹਿਤ ਸੁਰ ਸੰਗਮ ਸਭਾ ਇਟਲੀ  ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਚਾਹਲ ਨੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਅਤੇ ਉਨ੍ਹਾਂ ਦੇ ਛੇ ਸਾਥੀਆਂ ਦੀ ਦੇਸ਼ ਕੌਮ ਲਈ ਦਿੱਤੀ ਸ਼ਹਾਦਤ ਨੂੰ  ਯਾਦ ਕਰਕੇ  ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਸਮਾਗਮ ਦੀ ਪ੍ਰਧਾਨਗੀ ਪ੍ਰੋਫੈਸਰ ਗੁਰਭਜਨ ਸਿੰਘ ਗਿੱਲ ਹੁਰਾਂ ਨੇ ਕੀਤੀ  ਅਤੇ ਸ਼ਹੀਦ ਕਰਤਾਰ ਸਿੰਘ ਸਰਾਭੇ ਅਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਯਾਦ ਕਰਦਿਆਂ ਕਿਹਾ ਕਿ ਅੱਜ ਲੋੜ ਹੈ ਉਨ੍ਹਾਂ ਯੋਧਿਆਂ ਦੀ ਕੁਰਬਾਨੀ ਤੋਂ ਸਿੱਖਿਆ ਲੈਣ ਦੀ ਜਿੰਨ੍ਹਾਂ ਨੇ  ਅਜ਼ਾਦੀ ਸੰਗਰਾਮ ਵਿੱਚ ਯੋਗਦਾਨ ਪਾਇਆ ਇਸ ਲਈ ਵੰਨ ਸੁਵੰਨਤਾ ਵਿੱਚ ਹੀ ਸਾਡੀ ਖੂਬਸੂਰਤੀ ਤੇ ਅਨੇਕਤਾ ਵਿੱਚ ਹੀ ਏਕਤਾ ਹੈ। ਇਸ ਦੇ ਨਾਲ ਹੀ ਉਨਾ ਖੇਤੀ ਵਿਰੁੱਧ ਬਣਾਏ ਕਾਲੇ ਕਨੂੰਨਾਂ ਨੂੰ ਰੱਦ ਲਈ ਭਾਰਤ ਸਰਕਾਰ ਦੇ  ਲਏ ਫੈਸਲੇ ਦਾ ਸਵਾਗਤ ਕਰਦਿਆਂ ਸਭ  ਨੂੰ ਵਧਾਈ ਦਿੱਤੀ। 

ਪ੍ਰੋਫੈਸਰ ਜਗਮੋਹਨ ਸਿੰਘ ਜੀ ਜੋ ਕਿ ਸ਼ਹੀਦ ਭਗਤ ਸਿੰਘ ਜੀ  ਦੇ ਭਾਣਜੇ ਹਨ ਉਨ੍ਹਾਂ ਵੀ ਸ਼ਹੀਦ ਭਗਤ ਸਿੰਘ, ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਅਤੇ ਸਾਥੀਆਂ ਬਾਰੇ    ਆਪਣੇ ਕੀਮਤੀ ਵਿਚਾਰ ਸਾਂਝੇ ਕਰਦਿਆਂ ਇਤਿਹਾਸ ਦੇ ਬਹੁਤ ਸਾਰੇ ਲੁਕਵੇਂ ਪੱਖਾਂ ਨੂੰ ਉਜਾਗਰ ਕੀਤਾ ਤੇ ਕਰਤਾਰ ਸਿੰਘ ਸਰਾਭਾ ਨੂੰ ਛੋਟੀ ਉਮਰ ਦਾ ਵੱਡੀਆਂ ਪ੍ਰਾਪਤੀਆਂ ਵਾਲਾ ਚੇਤੰਨ ਸੂਰਮਾ ਆਖਿਆ। 

ਕੈਨੇਡਾ ਤੋਂ ਇਸ ਵੈਬੀਨਾਰ ਵਿੱਚ ਸ਼ਾਮਿਲ ਹੋਏ ਅਮਰੀਕ ਪਲਾਹੀ ਜੀ  ਨੇ ਕਰਤਾਰ ਸਿੰਘ ਸਰਾਭਾ ਵਾਰੇ ਵਿਚਾਰ ਚਰਚਾ ਕਰਦਿਆਂ ਉਨਾ ਦੇ ਅਮਰੀਕਾ ਵਿੱਚ ਦਾਖਲੇ ਸਮੇਂ ਇਮੀਗ੍ਰੇਸ਼ਨ ਨਾਲ ਹੋਏ ਲਿਖਤੀ ਸੰਵਾਦ ਨੂੰ ਸਰੋਤਿਆਂ ਨਾਲ ਸਾਂਝਾ ਕੀਤਾ ।

ਹਰਦੀਪ ਸਿੰਘ ਸਰਾਭਾ ਅਤੇ ਸੁਖਵਿੰਦਰ ਖੰਡੂਰ ਉਸਦੇ ਸਾਥੀਆਂ ਨੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਸਰਾਭਾ ਸਥਿਤ ਘਰੋਂ ਲਾਈਵ ਹੋ ਕੇ ਕਰਤਾਰ ਸਿੰਘ ਸਰਾਭੇ ਦੇ ਜੱਦੀ ਘਰ ਦੇ ਦਰਸ਼ਨ ਕਰਵਾਏ ਅਤੇ ਸਰਾਭੇ ਵਾਰੇ ਗਾਇਆ ਅਪਣਾ ਗੀਤ ਵੀ ਸਾਂਝਾ ਕੀਤਾ। 

ਭਾਰਤ ਵਿੱਚ ਆਏ ਪੰਜਾਬ ਭਵਨ ਸਰੀ ਕਨੇਡਾ ਦੇ ਸੰਸਥਾਪਕ ਸੁੱਖੀ ਬਾਠ ਹੁਰਾਂ ਨੇ ਇਸ ਸਮਾਗਮ ਵਿੱਚ ਵਿਸ਼ੇਸ਼ ਤੌਰ ਤੇ ਆਪਣੀ ਹਾਜਰੀ ਲਗਵਾਉਂਦਿਆਂ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਦੀ ਸਾਰੀ ਟੀਮ ਨੂੰ ਅਜਿਹੇ ਸਾਂਝੇ ਉਪਰਾਲਿਆਂ ਲਈ ਹੱਲਾਸ਼ੇਰੀ ਦਿੰਦਿਆਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਵੀ ਇਹੋ ਜਿਹੇ ਸਮਾਗਮ ਜਰੂਰ ਕਰਵਾਏ ਜਾਣੇ ਚਾਹੀਦੇ ਹਨ। 

ਸਭਾ ਦੇ ਮੰਚ ਵਲੋ ਪੰਜਾਬੀ ਸਾਹਿਤਕ ਤੇ ਸੱਭਿਆਚਾਰ ਖੇਤਰ ਵਿਚੋਂ ਪਿਛਲੇ ਸਮੇਂ ਵਿਛੜੀਆਂ ਰੂਹਾਂ, ਸੁਖਮਿੰਦਰ ਰਾਮਪੁਰੀ, ਗੁਰਮੀਤ ਬਾਵਾ, ਕੁਲਵੰਤ ਸਿੰਘ ਸੂਰੀ, ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਪ੍ਰਧਾਨ ਦਰਸ਼ਨ ਬੁੱਟਰ ਜੀ ਜੀਵਨ ਸਾਥਣ ਹਰਮਿੰਦਰ ਕੌਰ ਬੁੱਟਰ ਤੇ ਮਾਤਾ ਮਹਿੰਦਰ ਕੌਰ ਘੁੰਮਣ ਨੂੰ ਵੀ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਗਏ। 

ਇਸ ਸਮਾਗਮ ਵਿੱਚ ਵਿਚਾਰ ਚਰਚਾ ਦੇ ਨਾਲ ਕਵੀ ਦਰਬਾਰ ਵੀ ਕਰਵਾਇਆ ਗਿਆ। ।ਵਿਸ਼ਵ ਭਰ ਵਿੱਚ ਨਾਮਣਾ ਖੱਟਣ ਵਾਲੀਆਂ ਕਲਮਾਂ ਨੇ ਇਸ ਕਵੀ ਦਰਬਾਰ ਵਿੱਚ ਹਿੱਸਾ ਲਿਆ ਅਤੇ ਸ਼ਹੀਦਾਂ ਨੂੰ ਸਮਰਪਿਤ ਰਚਨਾਵਾਂ ਸਾਝੀਆਂ ਕੀਤੀਆਂ । 

ਕਵੀ ਦਰਬਾਰ ਵਿੱਚ ਸ਼ਾਮਿਲ ਹੋਏ ਕਵੀਆਂ ਵਿੱਚ ਕਵਿੰਦਰ ਚਾਂਦ ਕੈਨੇਡਾ , ਅਮਰੀਕ ਪਲਾਹੀ ਕਨੇਡਾ , ਗੁਰਭਜਨ ਗਿੱਲ, ਨੀਲੂ ਜਰਮਨੀ, ਗੁਰਪ੍ਰੀਤ ਕੌਰ ਗਾਇਦੂ ਗ੍ਰੀਸ , ਜੀਤ ਸੁਰਜੀਤ ਬੈਲਜੀਅਮ ਤੋਂ ਇਲਾਵਾ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਦੇ ਮੀਤ ਪ੍ਰਧਾਨ ਰਾਣਾ ਅਠੌਲਾ, ਸਿੱਕੀ ਝੱਜੀ ਪਿੰਡ ਵਾਲਾ, ਦਲਜਿੰਦਰ ਰਹਿਲ ਤੇ ਬਲਵਿੰਦਰ ਸਿੰਘ ਚਾਹਲ ਨੇ ਵੀ ਆਪੋ ਆਪਣੀਆਂ ਰਚਨਾਵਾਂ ਦੀ ਸਾਂਝ ਪਾਈ। ਸਭਾ ਦੇ ਪ੍ਰਧਾਨ ਬਲਵਿੰਦਰ ਚਾਹਲ ਨੇ ਆਪਣੀ ਰਚਨਾ ਸੁਣਾਉਣ ਦੇ ਨਾਲ ਹੋਠੀ ਬੱਲਾਂ ਵਾਲੇ ਦੀ ਸ਼ਹੀਦਾਂ ਨੂੰ ਸਮਰਪਿਤ ਰਚਨਾ ਵੀ ਸਾਂਝੀ ਕੀਤੀ। ਸਮਾਗਮ ਦੇ ਅਖੀਰ ਵਿੱਚ ਪ੍ਰੋਫੈਸਰ ਜਸਪਾਲ ਸਿੰਘ ਇਟਲੀ ਨੇ ਧੰਨਵਾਦੀ ਭਾਸ਼ਨ ਦੇ ਨਾਲ ਯੋਧਿਆਂ ਦੀ ਕੁਰਬਾਨੀ ਨੂੰ ਵੀ ਯਾਦ ਕੀਤਾ।ਮੰਚ ਸੰਚਾਲਕ ਦੀ ਭੂਮਿਕਾ ਦਲਜਿੰਦਰ ਰਹਿਲ ਨੇ ਨਿਭਾਈ ।

ਈ.3 ਯੂ.ਕੇ. ਲਾਈਵ ਸਮਾਰੋਹ ਵਿੱਚ ਇੱਕ ਸਫਲ ਅਤੇ ਸ਼ਾਨਦਾਰ ਸਿਤਾਰਿਆਂ ਨਾਲ ਭਰੀ ਲੜੀ ਦੇ ਨਾਲ, ਈ.3 ਯੂ.ਕੇ. ਰਿਕਾਰਡਸ ਹੁਣ ਈ.3 ਏ.ਈ. ਲਾਈਵ ਪੇਸ਼ ਕਰ ਰਿਹਾ ਹੈ ਵਿਚ ਦੁਬਈ, ਸੰਯੁਕਤ ਅਰਬ ਅਮੀਰਾਤ ਦੇ ਕੋਕਾ-ਕੋਲਾ ਅਰੇਨਾ ਵਿੱਚ 12 ਨਵੰਬਰ 2021 ਦੀ ਸ਼ੁੱਕਰਵਾਰ ਨੂੰ ਸਾਲ ਦਾ ਸਭ ਤੋਂ ਵੱਡਾ ਦੇਸੀ ਪਰਿਵਾਰਕ ਸਮਾਰੋਹ।ਅਵਾਰਡ ਜੇਤੂ ਗਾਇਕੀ ਸੰਵੇਦਨਾਵਾਂ ਦੇ ਨਾਲ ਦੱਖਣੀ ਏਸ਼ੀਆਈ ਉਦਯੋਗ ਦੇ ਸਭ ਤੋਂ ਵੱਡੇ ਨਾਮ, ਐਮੀ ਵਿਰਕ, ਗੈਰੀ ਸੰਧੂ ਅਤੇ ਪ੍ਰਸਿੱਧ ਅਭਿਨੇਤਰੀ ਸੋਨਮ ਬਾਜਵਾ ਇੱਕ ਸ਼ਾਨਦਾਰ ਸਮਾਰੋਹ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨਗੇ ਅਤੇ ਈ.3 ਏ.ਈ. ਲਾਈਵ ਸ਼ੋਅ ਵਿੱਚ ਦੱਖਣੀ ਏਸ਼ੀਆਈ ਸੰਗੀਤ ਅਤੇ ਸਭਿਆਚਾਰ ਦੀ ਨੁਮਾਇੰਦਗੀ ਕਰਨਗੇ। ਹੋਰ ਕਾਰਜਾਂ ਦਾ ਅਜੇ ਐਲਾਨ ਹੋਣਾ ਬਾਕੀ ਹੈ!ਦੁਬਈ ਵਿੱਚ ਆਪਣੇ ਪਹਿਲੇ ਪ੍ਰਦਰਸ਼ਨ ਲਈ, ਐਮੀ ਵਿਰਕ- ਕਿਸਮਤ, ਜ਼ਿੰਦਾਬਾਦ ਯਾਰੀਆਂ, ਵੰਗ ਦੇ ਨਾਪ ਵਰਗੀਆਂ ਅਤੇ ਗੈਰੀ ਸੰਧੂ ਇੱਲੀਗਲ ਵੈਪਨ, ਯੇਹ ਬੇਬੀ ਅਤੇ ਬੰਦਾ ਬਣਜਾ ਵਰਗੀਆਂ ਹਿੱਟ ਐਲਬਮਾਂ ਦੇ ਗਾਣਿਆਂ ਨੂੰ ਪ੍ਰਦਰਸ਼ਿਤ ਕਰਨਗੇ। ਬ੍ਰਿਟੇਨ ਵਿੱਚ ਮੋਹਰੀ ਦੱਖਣੀ ਏਸ਼ੀਆਈ ਲਾਈਵ ਸੰਗੀਤ ਅਤੇ ਮਨੋਰੰਜਨ ਏਜੰਸੀ ਦੇ ਰੂਪ ਵਿੱਚ, ਸ਼ੋਅ ਦੀ ਮੇਜ਼ਬਾਨੀ ਈ.3 ਯੂ.ਕੇ ਰਿਕਾਰਡ ਲੇਬਲ ਅਤੇ ਪ੍ਰਬੰਧਨ ਦੁਆਰਾ ਕੀਤੀ ਜਾ ਰਹੀ ਹੈ ਅਤੇ ਇਸਨੇ ਅੰਤਰਰਾਸ਼ਟਰੀ ਦੱਖਣੀ ਏਸ਼ੀਆਈ ਉਦਯੋਗ ਦੇ ਸੱਚਮੁੱਚ ਵਿਸ਼ਵ ਪੱਧਰੀ ਕਲਾਕਾਰਾਂ ਨੂੰ ਸੱਦਾ ਦਿੱਤਾ ਹੈ। ਪਹਿਲਾਂ 2017 ਅਤੇ 2019 ਵਿੱਚ ਈ.3 ਯੂ.ਕੇ ਲਾਈਵ ਸ਼ੋਅ ਵਿੱਚ ਉਤਪਾਦਨ ਅਤੇ ਮਨੋਰੰਜਨ ਦਾ ਇੱਕ ਅਵਿਸ਼ਵਾਸ਼ਯੋਗ ਉੱਚ ਪੱਧਰ ਸਥਾਪਤ ਕਰਨ ਤੋਂ ਬਾਅਦ, ਉੱਚ ਪ੍ਰੋਫਾਈਲ ਸੰਗੀਤ ਸਮਾਰੋਹ ਹੁਣ ਦੁਬਈ, ਯੂਏਈ ਵਿੱਚ ਵਿਿਭੰਨ ਦਰਸ਼ਕਾਂ ਲਈ ਲਿਆਂਦਾ ਜਾ ਰਿਹਾ ਹੈ।ਈ.3 ਯੂ.ਕੇ ਦੇ ਡਾਇਰੈਕਟਰ ਨੇ ਦੱਸਿਆ ਕਿ “ਤੁਹਾਡੇ ਸਾਰੇ ਮਨਪਸੰਦ ਗੀਤਾਂ ਦੇ ਨਾਲ ਨਾਲ, ਹਰ ਇੱਕ ਪ੍ਰਦਰਸ਼ਨ ਰੋਸ਼ਨੀ, ਡਾਂਸ ਅਤੇ ਆਤਿਸ਼ਬਾਜੀ ਪ੍ਰਦਰਸ਼ਨਾਂ ਦਾ ਸ਼ਾਨਦਾਰ ਵਿਜ਼ੂਅਲ ਡਿਸਪਲੇ ਹੋਣ ਦਾ ਵਾਅਦਾ ਵੀ ਕਰਦਾ ਹੈ। ਕੋਵਿਡ 19 ਮਹਾਂਮਾਰੀ ਦੇ ਕਾਰਨ, ਲਾਈਵ ਮਨੋਰੰਜਨ ਅਤੇ ਇਵੈਂਟਸ ਉਦਯੋਗ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋਇਆ ਪਰ ਜਿਵੇਂ ਕਿ ਵਿਸ਼ਵ ਹੌਲੀ ਹੌਲੀ ਠੀਕ ਹੋ ਰਿਹਾ ਹੈ, ਅਸੀਂ ਉਨ੍ਹਾਂ ਸਾਰਿਆਂ ਨੂੰ ਇੱਕ ਸੁਰੱਖਿਅਤ ਪਰ ਅਨੰਦਮਈ ਤਜਰਬਾ ਪ੍ਰਦਾਨ ਕਰਨ ਲਈ ਵਚਨਬੱਧ ਹਾਂ ਜੋ ਮਨੋਰੰਜਨ ਉਦਯੋਗ ਨੂੰ ਮੁੜ ਸੁਰਜੀਤ ਕਰਨ ਦੀ ਕੋਸ਼ਿਸ਼ ਵਿੱਚ ਸ਼ਾਮਲ ਹੋਏ ਅਤੇ 'ਚਾਨਣ ਦਾ ਚਾਨਣ' ਜੋ ਹੋਰ ਪ੍ਰਮੋਟਰਾਂ ਨੂੰ ਸ਼ੋਅ ਕਰਨ ਲਈ ਉਤਸ਼ਾਹਿਤ ਕਰਦਾ ਹੈ। ਅਸੀਂ ਇੱਕ ਹੋਰ ਇਤਿਹਾਸਕ ਮੀਲ ਪੱਥਰ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ ਜਦੋਂ ਅਸੀਂ ਤੁਹਾਡੇ ਲਈ ਈ.3 ਏ.ਈ. ਲਾਈਵ 2021 ਲਿਆਉਂਦੇ ਹਾਂ।ਇਹ ਇਸ ਤੋਂ ਵਧੀਆ ਨਹੀਂ ਹੋ ਸਕਦਾ! ਦੁਬਈ, ਤਾਰੀਖ ਨੂੰ ਨਿਸ਼ਾਨਬੱਧ ਕਰੋ ਅਤੇ ਆਪਣੇ ਕਾਰਜਕ੍ਰਮ ਨੂੰ ਸਪਸ਼ਟ ਰੱਖੋ ਕਿਉਂਕਿ ਐਮੀ ਵਿਰਕ, ਗੈਰੀ ਸੰਧੂ ਅਤੇ ਸੋਨਮ ਬਾਜਵਾ ਕੋਕਾ-ਕੋਲਾ ਅਖਾੜੇ ਵਿੱਚ ਤੁਹਾਡਾ ਮਨੋਰੰਜਨ ਕਰਨ ਲਈ ਆ ਰਹੇ ਹਨ।

ਹਰਜਿੰਦਰ ਸਿੰਘ 9463828000 

ਲਿਓਨ ਮੈਸੀ ਸਭ ਤੋਂ ਵਧ ਗੋਲਾਂ ਦੇ ਮਾਮਲੇ 'ਚ ਦੱਖਣੀ ਅਮਰੀਕਾ ਦੇ ਬਣੇ ਕਿੰਗ

ਲੰਡਨ , 10 ਸਤੰਬਰ  (ਜਨ ਸ਼ਕਤੀ ਨਿਊਜ਼ ਬਿਊਰੋ ) ਅਰਜਨਟੀਨਾ ਦੇ ਸਟਾਰ ਫੁੱਟਬਾਲਰ ਲਿਓਨ ਮੈਸੀ ਆਪਣੇ ਜ਼ਮਾਨੇ ਦੇ ਦਿੱਗਜ ਪੇਲੇ ਦਾ 50 ਸਾਲਾ ਪੁਰਾਣਾ ਰਿਕਾਰਡ ਤੋੜ ਕੇ ਅੰਤਰਰਾਸ਼ਟਰੀ ਫੁੱਟਬਾਲ ਵਿਚ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਦੱਖਣੀ ਅਮਰੀਕੀ ਖਿਡਾਰੀ ਬਣ ਗਏ ਹਨ। 34 ਸਾਲਾ ਮੈਸੀ ਨੇ ਅਰਜਨਟੀਨਾ ਵੱਲੋਂ ਦੱਖਣੀ ਅਮਰੀਕੀ ਵਿਸ਼ਵ ਕੱਪ ਕੁਆਲੀਫਾਇਰ ਮੈਚ ਵਿਚ ਸ਼ਾਨਦਾਰ ਹੈਟਿ੍ਕ ਬਣਾਈ ਜਿਸ ਕਾਰਨ ਉਨ੍ਹਾਂ ਦੀ ਟੀਮ ਨੇ ਬੋਲੀਵੀਆ 'ਤੇ 3-0 ਨਾਲ ਜਿੱਤ ਦਰਜ ਕੀਤੀ। ਇਸ ਹੈਟਿ੍ਕ ਦੇ ਨਾਲ ਹੁਣ ਉਨ੍ਹਾਂ ਦੇ ਅੰਤਰਰਾਸ਼ਟਰੀ ਗੋਲਾਂ ਦੀ ਗਿਣਤੀ 79 'ਤੇ ਪੁੱਜ ਗਈ ਹੈ ਜੋ ਪੇਲੇ (77) ਤੋਂ ਦੋ ਵੱਧ ਹਨ। ਇਸ ਸੂਚੀ ਵਿਚ ਮੈਸੀ ਹੁਣ ਪੰਜਵੇਂ ਸਥਾਨ 'ਤੇ ਆ ਗਏ ਹਨ ਜਦਕਿ 111 ਅੰਤਰਰਾਸ਼ਟਰੀ ਗੋਲਾਂ ਦੇ ਨਾਲ ਚੋਟੀ 'ਤੇ ਕ੍ਰਿਸਟੀਆਨੋ ਰੋਨਾਲਡੋ ਕਾਇਮ ਹਨ। ਮੈਸੀ ਨੇ ਅਰਜਨਟੀਨਾ ਵੱਲੋਂ 153 ਮੈਚ ਖੇਡੇ ਹਨ ਜਦਕਿ ਪੇਲੇ ਨੇ ਬ੍ਰਾਜ਼ੀਲ ਲਈ 92 ਮੈਚਾਂ ਵਿਚ 77 ਗੋਲ ਕੀਤੇ ਸਨ। ਪੇਲੇ ਨੇ ਆਪਣਾ ਆਖ਼ਰੀ ਮੈਚ ਜੁਲਾਈ 1971 ਵਿਚ ਖੇਡਿਆ ਸੀ। ਇਸ ਤੋਂ ਇਲਾਵਾ ਇਕ ਹੋਰ ਮੈਚ ਵਿਚ ਬ੍ਰਾਜ਼ੀਲ ਨੇ ਨੇਮਾਰ ਦੀ ਸ਼ਾਨਦਾਰ ਖੇਡ ਨਾਲ ਪੇਰੂ ਨੂੰ 2-0 ਨਾਲ ਹਰਾਇਆ। ਜੋ ਉਸ ਦੀ ਅੱਠ ਮੈਚਾਂ ਵਿਚ ਅੱਠਵੀਂ ਜਿੱਤ ਹੈ। ਬ੍ਰਾਜ਼ੀਲ ਦੇ 24 ਅੰਕ ਹਨ ਤੇ ਅਰਜਨਟੀਨਾ 18 ਅੰਕ ਲੈ ਕੇ ਦੂਜੇ ਸਥਾਨ 'ਤੇ ਹੈ। ਇਨ੍ਹਾਂ ਦੋਵਾਂ ਟੀਮਾਂ ਨੇ ਅੱਠ-ਅਠ ਮੈਚ ਖੇਡ ਲਏ ਹਨ। ਉਰੂਗੁਏ ਤੀਜੇ ਸਥਾਨ 'ਤੇ ਹੈ। ਉਸ ਨੇ ਇਕ ਹੋਰ ਮੈਚ ਵਿਚ ਇਕਵਾਡੋਰ ਨੂੰ 1-0 ਨਾਲ ਹਰਾਇਆ। ਦੱਖਣੀ ਅਮਰੀਕੀ ਕੁਆਲੀਫਾਇਰਜ਼ ਵਿਚ ਸਿਖ਼ਰ 'ਤੇ ਰਹਿਣ ਵਾਲੀਆਂ ਚਾਰ ਟੀਮਾਂ ਕਤਰ ਵਿਚ ਹੋਣ ਵਾਲੇ ਵਿਸ਼ਵ ਕੱਪ ਵਿਚ ਸਿੱਧਾ ਪ੍ਰਵੇਸ਼ ਕਰਨਗੀਆਂ।