ਲੁਧਿਆਣਾ

ਜਗਰਾਓਂ 20 ਅਗਸਤ  (ਅਮਿਤ ਖੰਨਾ) ਸਪਰਿੰਗ ਡਿਊ ਪਬਲਿਕ ਸਕੂਲ ਨਾਨਕਸਰ ਵਿਖੇ ਰੱਖੜੀ ਦੇ ਤਿਉਹਾਰ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਰਾਖੀ ਨਾਲ ਸੰਬੰਧਤ ਗਤੀਵਿਧੀਆ ਦਾ ਆਯੋਜਨ ਕੀਤਾ ਗਿਆ.ਪ੍ਰਿੰਸੀਪਲ ਨਵਨੀਤ ਚੌਹਾਨ ਨੇ ਦੱਸਿਆ ਕਿ ਕਲਾਸ ਨਰਸਰੀ ਤੋਂ ਪੰਜਵੀਂ ਤੱਕ ਦੇ ਵਿਦਿਆਰਥੀਆਂ ਨੇ ਇਸ ਵਿੱਚ ਹਿੱਸਾ ਲਿਆ.ਇਸ ਸਾਲ ਇਹ ਗਤੀਵਿਧੀ ਕਰਦੇ ਹੋਏ ਵਿਦਿਆਰਥੀ ਕਾਫੀ ਉਤਸ਼ਾਹਿਤ ਸੀ. ਕਿਉਂਕਿ ਇੱਕ ਲੰਬੇ ਅਰਸੇ ਬਾਅਦ ਸਾਰੇ ਵਿਦਿਆਰਥੀ ਆਪਣੇ ਕਲਾਸ ਦੇ ਸਾਥੀਆ ਨਾਲ ਮਿਲ ਕੇ ਕੋਈ ਗਤੀਵਿਧੀ ਕਰ ਰਹੇ ਸਨ.ਇਹਨਾਂ ਵਿਦਿਆਰਥੀਆਂ ਨੇ ਬਹੁਤ ਹੀ ਖੂਬਸੂਰਤੀ ਨਾਲ ਅਧਿਆਪਕਾਂ ਦੀ ਹਾਜਰੀ ਵਿੱਚ ਰੱਖੜੀਆ ਬਣਾਈਆ.ਇਸ ਤੋਂ ਪਹਿਲਾਂ ਅਧਿਆਪਕਾਂ ਨੇ ਸਾਰੇ ਬੱਚਿਆ ਨੂੰ ਇਹਨਾ ਤਿਉਹਾਰਾਂ ਦਾ ਸੱਭਿਅਕ ਅਤੇ ਇਤਿਹਾਸਕ ਮਹੱਤਵ ਸਮਝਾਇਆ.ਵਿਦਿਆਰਥੀਆਂ ਨੇ ਵੀ ਸਕੂਲ ਵਲੋਂ ਜਾਰੀ ਹਦਾਇਤਾਂ ਦਾ ਧਿਆਨ ਰੱਖਦੇ ਹੋਏ ਅਤੇ ਕੋਵਿਡ ਦੇ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਆਪਣੀ^ਆਪਣੀ ਕਲਾਸ ਵਿੱਚ ਰੱਖੜੀਆ ਬਣਾਈਆ.ਪ੍ਰਿੰਸੀਪਲ ਨਵਨੀਤ ਚੌਹਾਨ ਨੇ ਦੱਸਿਆ ਕਿ ਇਸ ਤਰਾਂ ਦੀਆ ਗਤੀਵਿਧੀਆ ਰਾਂਹੀ ਵਿਦਿਆਰਥੀਆਂ ਦਾ ਮਾਨਸਿਕ ਵਿਕਾਸ ਹੁੰਦਾ ਹੈ.ਜੋ ਕਿ ਆਨ^ਲਾਈਨ ਕਲਾਸ ਵਿੱਚ ਸੰਭਵ ਨਹੀਂ ਹੈ.ਵਿਦਿਆਰਥੀ ਵੀ ਲੰਬੇ ਅਰਸੇ ਤੋਂ ਬਾਅਦ ਕੋਈ ਗਤੀਵਿਧੀ ਕਰਕੇ ਕਾਫੀ ਖੁਸ਼ ਸਨ.ਇਸ ਮੌਕੇ ਵਾਇਸ ਪਿੰ੍ਰਸੀਪਲ ਬੇਅੰਤ ਬਾਵਾ ਅਤੇ ਸਮੂਹ ਸਟਾਫ ਵੀ ਹਾਜਿਰ ਸਨ.ਉਹਨਾਂ ਨੇ ਵਿਦਿਆਰਥੀਆਂ ਦੀ ਹੋਸਲਾਂ ਅਫਜਾਈ ਵੀ ਕੀਤੀ. ਪ੍ਰਬੰਧਕੀ ਕਮੇਟੀ ਵਲੋਂ ਚੇਅਰਮੈਨ ਬਲਦੇਵ ਬਾਵਾ, ਪ੍ਰਧਾਨ ਮਨਜੋਤ ਕੁਮਾਰ, ਮੈਨੇਜਿੰਗ ਡਾਇਰੈੈਕਟਰ ਸੁਖਵਿੰਦਰ ਸਿੰਘ ਛਾਬੜਾ, ਮੈਨੇਜਰ ਮਨਦੀਪ ਚੌਹਾਨ ਨੇ ਸਾਰੇ ਸਟਾਫ ਅਤੇ ਮਾਤਾ ਪਿਤਾ ਸਾਹਿਬਾਨ ਨੂੰ ਇਸ ਤਿਉਹਾਰ ਦੀ ਵਧਾਈ ਦਿੱਤੀ.ਅਤੇ ਸਾਰਿਆਂ ਨੂੰ ਅਪੀਲ ਕੀਤੀ ਕਿ ਸਰਕਾਰ ਵਲੋ ਜਾਰੀ  ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਸਾਰੇ ਮਾਤਾ ਪਿਤਾ ਨੂੰ ਇਸ ਤਿਉਹਾਰ ਨੂੰ ਆਪਣੇ ਪਰਿਵਾਰਾਂ ਵਿੱਚ ਮਨਾਉਣ ਤਾਂ ਜੋ ਸਾਡਾ ਸਮਾਜ ਇੱਕ ਸੁਰੱਖਿਅਤ ਤੇ ਸਿਹਤਮੰਤ ਸਮਾਜ ਰਹੇ.

ਗੁਰੂਸਰ ਸੁਧਾਰ (ਜਗਰੂਪ ਸਿੰਘ ਸ਼ਧਾਰ)

ਅੱਜ ਨਵੀਂ ਆਬਾਦੀ ਅਕਾਲਗੜ੍ਹ ਵਿਖੇ ਕਾਮਿਲ ਬੋਪਾਰਾਏ ਹਲਕਾ ਇੰਚਾਰਜ ਰਾਏਕੋਟ ਵਲੋਂ ਪਿੰਡ ਦੇ ਕਾਂਗਰਸੀ ਅਹੁਦੇਦਾਰਾਂ ਨਾਲ ਆਉਣ ਵਾਲਿਆ ਵਿਧਾਨ ਸਭਾ ਚੋਣਾਂ ਮੁੱਖ ਰੱਖਦੇ ਹੋਏ ਵਿਚਾਰ ਚਰਚਾ ਕੀਤੀ। ਓਹਨਾ ਕਿਹਾ ਕਿ ਆਉਂਦੇ ਕੁਝ ਦਿਨਾਂ ਅੰਦਰ ਪਿੰਡਾਂ ਨੂੰ ਗਰਾਂਟਾ ਦਿੱਤੀਆ ਜਾਣੀਆਂ ਹਨ ਇਸ ਸਬੰਧੀ ਵਿਕਾਸ ਕਾਰਜ ਸੀ ਸਮੀਖਿਆ ਵੀ ਕੀਤੀ ਅਤੇ ਹੋਣ ਵਾਲੇ ਵਿਕਾਸ ਕਾਰਜਾ ਵਾਸਤੇ ਜਾਣਕਾਰੀ ਇਕੱਤਰ ਕੀਤੀ। ਸੁਰਜੀਤ ਸਿੰਘ ਅਕਾਲ ਗਲਾਸ ਹਾਊਸ ਵਾਲਿਆ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਅਧੁਰੇਂ ਪਏ ਵਿਕਾਸ ਕਾਰਜ ਪਹਿਲ ਦੇ ਆਧਾਰ ਤੇ ਕਿਤੇ ਜਾਣ ਤਾਂ ਜੋ ਨਗਰ ਨਿਵਾਸੀਆਂ ਤੋਂ ਵੋਟਾਂ ਮੰਗਿਆ ਜਾ ਸਕਣ। ਬਾਬੂ ਨਾਇਕ ਮੈਂਬਰ ਪੰਚਾਇਤ  ਦੀ ਮੰਗ ਨੂੰ ਸਵੀਕਾਰ ਕਰਦੇ ਹੋਏ ਕਾਮਿਲ ਬੋਪਾਰਾਏ ਨੇ ਕਿਹਾ ਕਿ ਆਉਣ ਵਾਲੀ ਗਰਾਂਟ ਹਰੇਕ ਗਲੀ ਦੇ ਨਾਮ ਪਰ ਆਵੇਗੀ। ਓਹਨਾ ਇਹ ਵੀ ਕਿਹਾ ਆਉਂਦੇ।ਕੁਝ ਦਿਨਾਂ ਅੰਦਰ ਪਾਣੀ ਵਾਲੀ ਟੈਂਕੀ ਦਾ ਕੰਮ ਵੀ ਸ਼ੁਰੂ ਕਰਵਾ ਦਿੱਤਾ ਜਾਵੇਗਾ। ਇਸ ਮੌਕੇ ਜਸਵਿੰਦਰ ਸਿੰਘ ਜੋਨੀ, ਹਰਨੇਕ ਸਿੰਘ ਚੇਅਰਮੈਨ,ਪਰਮਿੰਦਰ ਲਾਲ ਪੰਮੀ, ਪੰਚ ਬਾਬੂ ਨਾਇਕ, ਦਰਸ਼ਨ ਸਿੰਘ ਸਾਬਕਾ ਪੰਚ, ਹਰਮਿੰਦਰ ਸਿੰਘ ਮਾਹੀ,ਕਮਿਕਰ ਸਿੰਘ, ਬਲਜੀਤ ਸਿੰਘ ਹਲਵਾਰਾ ਸਮੇਤ ਦਿਨੇਸ਼ ਕੁਮਾਰ ਡੀਪੂ ਹੋਲਡਰ ਵੀ ਹਾਜ਼ਿਰ ਸਨ।

 ਜਗਰਾਓ (ਅਮਿਤ ਖੰਨਾ )ਜਗਰਾਓਂ ਦੀ ਲੋਕ ਸੇਵਾ ਸੁਸਾਇਟੀ ਦੀਆਂ ਮਹਿਲਾਵਾਂ ਨੇ ਪੰਜਾਬੀ ਸਭਿਆਚਾਰ ਨੰੂ ਜਿੰਦਾ ਰੱਖਣ ਲਈ ਤੀਆਂ ਦਾ ਤਿਉਹਾਰ ਤੀਜ ਸਥਾਨਕ ਹੋਟਲ ਸਨੇਹ ਮੋਹਨ ਵਿਖੇ ਵਿਖੇ ਮਨਾਇਆ। ਸੁਸਾਇਟੀ ਦੀਆਂ ਮਹਿਲਾਵਾਂ ਦਾ ਇਹ ਸਮਾਗਮ ਨੀਨਾ ਮਿੱਤਲ, ਰੋਜ਼ੀ ਗੋਇਲ ਤੇ ਅੰਜੂ ਗੋਇਲ ਦੀ ਅਗਵਾਈ ਹੇਠ ਹੋਏ ਸਮਾਗਮ ਦੇ ਸਾਰੇ ਪ੍ਰਬੰਧਾਂ ਦਾ ਆਪਣੇ ਪੱਧਰ ਇੰਤਜ਼ਾਮ ਕਰ ਕੇ ਸਮਾਗਮ ਨੰੂ ਯਾਦਗਾਰੀ ਬਣਾਇਆ। ਮਹਿਲਾਵਾਂ ਵੱਲੋਂ ਮਨਾਈਆਂ ਤੀਆਂ ਮੌਕੇ ਜਿੱਥੇ ਵੱਖ ਵੱਖ ਮੁਕਾਬਲੇ ਕਰਵਾਏ ਉੱਥੇ ਮਹਿਲਾਵਾਂ ਦੇ ਮਨੋਰੰਜਨ ਲਈ ਮਧੂ ਬਾਲਾ ਗਰਗ ਵੱਲੋਂ ਗੇਮਜ਼, ਸਰਪ੍ਰਾਈਜ਼ ਗਿਫ਼ਟ, ਤੀਜ ਤੰਬੋਲਾ ਆਦਿ ਖੇਡਾਂ ਬੜੇ ਹੀ ਰੋਚਕ ਢੰਗ ਨਾਲ ਕਰਵਾਈਆਂ। ਇਨ੍ਹਾਂ ਗੇਮਜ਼ਾਂ ਵਿਚ ਹਰੇਕ ਉਮਰ ਦੀਆਂ ਮਹਿਲਾਵਾਂ ਨੇ ਬੜੇ ਜੋਸ਼ ਤੇ ਉਤਸ਼ਾਹ ਨਾਲ ਹਿੱਸਾ ਲੈਂਦਿਆਂ ਆਪਣੇ ਹੁਨਰ ਦਾ ਸ਼ਾਨਦਾਰ ਵਿਖਾਵਾ ਕੀਤਾ। ਸਮਾਗਮ ਵਿਚ ਕਰਵਾਏ ਗਿੱਧਾ ਕੁਵੀਨ ਦਾ ਖ਼ਿਤਾਬ ਮਧੂ ਬਾਲਾ, ਬੈੱਸਟ ਮਹਿੰਦੀ ਦਾ ਖ਼ਿਤਾਬ ਗੀਤਾ ਰਾਣੀ ਅਤੇ ਬੈੱਸਟ ਫੁਲਕਾਰੀ ਦਾ ਖ਼ਿਤਾਬ ਪ੍ਰਵੀਨ ਗਰਗ ਨੂੰ ਮਿਲਿਆ। ਸਮਾਗਮ ਵਿਚ ਏਕਤਾ ਅਰੋੜਾ, ਬਿੰਦੀਆਂ ਕਪੂਰ ਤੇ ਸ਼ਿਫਾਲੀ ਗੋਇਲ ਨੇ ਗੇਮਾਂ ਕਰਵਾਈਆਂ ਜਦਕਿ ਮੁਕਾਬਲਿਆਂ ਵਿਚ ਜੱਜਮੈਂਟ ਦੀ ਅਹਿਮ ਡਿਊਟੀ ਅੰਜੂ ਗੋਇਲ, ਰੋਜ਼ੀ ਗੋਇਲ ਤੇ ਇੰਦਰਪ੍ਰੀਤ ਕੌਰ ਭੰਡਾਰੀ ਵੱਲੋਂ ਬਖ਼ੂਬੀ ਨਿਭਾਈ ਗਈ। ਮੁਕਾਬਲਿਆਂ ਵਿਚ ਭਾਗ ਲੈਣ ਵਾਲੀਆਂ ਮਹਿਲਾਵਾਂ ਦੀ ਹੌਸਲਾ ਅਫਜ਼ਾਈ ਲਈ ਉਨ੍ਹਾਂ ਨੰੂ ਇਨਾਮ ਵੀ ਦਿੱਤੇ ਗਏ। ਸਮਾਗਮ ਵਿਚ ਊਸ਼ਾ ਗੁਪਤਾ, ਸ਼ਸ਼ੀ ਬਾਲਾ ਤੇ ਰੀਤੂ ਗੋਇਲ ਨੇ ਜੇਤੂ ਮਹਿਲਾਵਾਂ ਨੂੰ ਇਨਾਮ ਵੰਡੇ ਜਦਕਿ ਈਵੈਂਟ ਮੈਨੇਜਰ ਪ੍ਰਵੀਨ ਗਰਗ, ਸ਼ਮਿੰਦਰ ਕੌਰ ਢਿੱਲੋਂ ਅਤੇ ਪੂਨਮ ਬਾਂਸਲ ਸਨ। ਇਸ ਮੌਕੇ ਏਕਤਾ ਅਰੋੜਾ, ਰੀਆ ਕਟਾਰੀਆ, ਪੂਜਾ ਜੈਨ, ਰੇਨੂੰ ਅਰੋੜਾ, ਵਰਸ਼ਾ ਗੋਇਲ, ਨਿਸ਼ਾ ਸਿੰਗਲਾ ਸਮੇਤ ਸਮੂਹ ਸੁਸਾਇਟੀ ਮਹਿਲਾਵਾਂ ਹਾਜ਼ਰ ਸਨ।

ਜਗਰਾਓਂ 18 ਅਗਸਤ (ਅਮਿਤ ਖੰਨਾ) ਜਗਰਾਉਂ ਵੱਲੋਂ ਏ ਐਸ ਆਈ ਬਲਵਿੰਦਰ ਸਿੰਘ ਨੂੰ ਸ੍ਰੀ ਵਿਕਾਸ ਹੀਰਾ ਐੱਸ.ਡੀ.ਐੱਮ ਜਗਰਾਉਂ ਵਲੋਂ ਪੁਲਿਸ ਮਹਿਕਮੇ ਵਿੱਚ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਡਿਊਟੀ ਨਿਭਾਉਣ ਬਦਲੇ ਸਨਮਾਨਿਤ ਕੀਤਾ ਗਿਆ ਹੈ ਇਸ ਮੌਕੇ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਤੇ ਨਾਇਬ ਤਹਿਸੀਲਦਾਰ ਸਤਿਗੁਰ ਸਿੰਘ ਕੈਪਟਨ ਨਰੇਸ਼ ਵਰਮਾ ਵੀ ਹਾਜ਼ਰ ਸਨ