ਲੁਧਿਆਣਾ

ਹਠੂਰ,11,ਅਗਸਤ-(ਕੌਸ਼ਲ ਮੱਲ੍ਹਾ)-ਇਲਾਕੇ ਦੇ ਪਿੰਡ ਨਵਾਂ ਡੱਲਾ ਵਿਖੇ ਇੱਕ ਬਜੁਰਗ ਡਾਕਟਰ ਨੂੰ ਲੁੱਟਣ ਅਤੇ ਕੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੀੜ੍ਹਤ ਡਾਕਟਰ ਅਸੋਕ ਜੈਨ (69) ਨੇ ਦੱਸਿਆ ਕਿ ਮੈ ਪਿਛਲੇ 30 ਸਾਲਾ ਤੋ ਪਿੰਡ ਡੱਲਾ ਵਿਖੇ ਡਾਕਟਰੀ ਦੀ ਦੁਕਾਨ ਕਰਦਾ ਹਾਂ ਅਤੇ ਰੋਜਾਨਾ ਜਗਰਾਓ ਤੋ ਪਿੰਡ ਡੱਲਾ ਵਿਖੇ ਦੁਕਾਨ ਤੇ ਆਉਦਾ ਹਾਂ।ਉਨ੍ਹਾ ਦੱਸਿਆ ਕਿ ਅੱਜ ਜਦੋ ਮੈ ਪਿੰਡ ਨਵਾਂ ਡੱਲਾ ਦੇ ਨਜਦੀਕ ਪੁੱਜਾ ਤਾਂ ਪਿਛੇ ਤੋ ਆ ਰਹੇ ਇੱਕ ਮੋਟਰਸਾਇਕਲ ਤੇ ਸਵਾਰ ਤਿੰਨ ਲੁਟੇਰਿਆ ਨੇ ਮੈਨੂੰ ਘੇਰ ਲਿਆ ਅਤੇ ਮੇਰੀ ਕੁੱਟ-ਮਾਰ ਕਰਨੀ ਸੁਰੂ ਕਰ ਦਿੱਤੀ ਜਿਸ ਦਾ ਜਦੋ ਮੈ ਵਿਰੋਧ ਕੀਤਾ ਤਾਂ ਉਨ੍ਹਾ ਤੇਜ ਹਥਿਆਰਾ ਨਾਲ ਹਮਲਾ ਕਰ ਦਿੱਤਾ ਅਤੇ ਮੇਰੇ ਕੱਪੜੇ ਪਾੜ ਦਿੱਤੇ।ਉਨ੍ਹਾ ਦੱਸਿਆ ਕਿ ਲੁਟੇਰੇ ਮੇਰੇ ਕੋਲੋ ਪੰਜ ਸੌ ਰੁਪਏ ਨਗਦ,ਇੱਕ ਮੋਬਾਇਲ,ਡਾਕਰਟੀ ਦਾ ਲਾਇਸੰਸ ਅਤੇ ਸਕੂਟਰੀ ਦੀ ਆਰ ਸੀ ਵੀ ਖੋਹ ਕੇ ਜਗਰਾਓ ਵਾਲੀ ਸਾਈਡ ਨੂੰ ਭੱਜ ਗਏ।ਇਸ ਘਟਨਾ ਸਬੰਧੀ ਜਾਣਕਾਰੀ ਮੈ ਪਿੰਡ ਡੱਲਾ ਦੇ ਪ੍ਰਧਾਨ ਨਿਰਮਲ ਸਿੰਘ ਨੂੰ ਦਿੱਤੀ,ਜਿਨ੍ਹਾ ਨੇ ਮੇਰੇ ਨਾਲ ਜਾ ਕੇ ਪੁਲਿਸ ਚੌਕੀ ਕਾਉਕੇ ਕਲਾਂ ਨੂੰ ਲਿਖਤੀ ਦਰਖਾਸਤ ਦਿਤੀ।ਇਸ ਮੌਕੇ ਗੱਲਬਾਤ ਕਰਦਿਆ ਪ੍ਰਧਾਨ ਨਿਰਮਲ ਸਿੰਘ ਡੱਲਾ ਨੇ ਕਿਹਾ ਕਿ ਇਲਾਕੇ ਵਿਚ ਰੋਜਾਨਾ ਲੁੱਟਾ-ਖੋਹਾ ਦੀਆ ਵਾਰਦਾਤਾ ਹੋ ਰਹੀਆ ਹਨ ਪਰ ਪੁਲਿਸ ਵੱਲੋ ਲੁਟੇਰਿਆ ਖਿਲਾਫ ਕੋਈ ਠੋਸ ਕਦਮ ਨਹੀ ਚੁੱਕਿਆ ਜਾ ਰਿਹਾ ਜਿਸ ਕਰਕੇ ਇਲਾਕੇ ਦੇ ਲੋਕਾ ਵਿਚ ਭਾਰੀ ਦਹਿਸਤ ਦਾ ਮਹੌਲ ਹੈ ਅਤੇ ਲੁਟੇਰਿਆ ਦੇ ਹੌਸਲੇ ਬੁਲੰਦ ਹਨ।ਇਸ ਸਬੰਧੀ ਜਦੋ ਪੰਜਾਬ ਪੁਲਿਸ ਚੌਕੀ ਕਾਉਕੇ ਕਲਾਂ ਦੇ ਇੰਚਾਰਜ ਹਰਪ੍ਰੀਤ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਤਫਤੀਸ ਕੀਤੀ ਜਾ ਰਹੀ ਹੈ।

Facebook Link ; https://fb.watch/7jBH-9-oDg/

  ਜਗਰਾਉਂ (ਅਮਿਤ ਖੰਨਾ  )ਜਗਰਾਉਂ ਦੇ ਬਾਈਪਾਸ ਤੇ ਸ਼ਹਿਰ ਨੂੰ ਜੋੜਦੀ ਮੁੱਖ ਸੜਕ ਲੰਡੇ ਫਾਟਕ-ਡਿਸਪੋਜਲ ਰੋਡ ਦੀ ਖਸਤਾ ਹਾਲਤ ਤੋਂ ਆਖਿਰਕਾਰ ਨਿਜਾਤ ਮਿਲਣ ਦਾ ਸਮਾਂ ਆ ਗਿਆ। ਜਗਰਾਓਂ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ ਦੇ ਯਤਨਾਂ ਸਦਕਾ ਦਹਾਕੇ ਬਾਅਦ ਇਸ ਬੇਹਦ ਮੰਦੜੀ ਹਾਲਤ ਸੜਕ ਦੇ ਨਿਰਮਾਣ ਲਈ ਪੰਜਾਬ ਮੰਡੀ ਬੋਰਡ ਵੱਲੋਂ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਮੰਗਲਵਾਰ ਨੂੰ ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਮਲਕੀਤ ਸਿੰਘ ਦਾਖਾ, ਜ਼ਿਲ੍ਹਾ ਪ੍ਰਧਾਨ ਕਰਨਜੀਤ ਸੋਨੀ ਗਾਲਿਬ ਤੇ ਮਾਰਕੀਟ ਕਮੇਟੀ ਜਗਰਾਓਂ ਦੇ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ ਨੇ ਇਸ ਸੜਕ ਦਾ ਨਿਰਮਾਣ ਕਾਰਜ ਸ਼ੁਰੂ ਕਰਵਾਇਆ। ਇਸ ਮੌਕੇ ਚੇਅਰਮੈਨ ਦਾਖਾ ਨੇ ਕਿਹਾ ਕਿ ਚੇਅਰਮੈਨ ਗਰੇਵਾਲ ਦੀ ਅਗਵਾਈ ਵਿਚ ਮਾਰਕੀਟ ਕਮੇਟੀ ਜਗਰਾਓਂ ਵੱਲੋਂ ਇਲਾਕੇ ਦੀਆਂ ਪ੍ਰਮੁੱਖ ਿਲੰਕ ਸੜਕਾਂ, ਪੁਲ਼ਾਂ ਦਾ ਕਰੋੜਾਂ ਰੁਪਏ ਖਰਚ ਕਰ ਕੇ ਨਿਰਮਾਣ ਕਰਵਾਇਆ ਜਾ ਰਿਹਾ ਹੈ। ਉਨਾਂ੍ਹ ਚੇਅਰਮੈਨ ਦੇ ਕਾਰਜਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸੇ ਤਰਾਂ੍ਹ ਜਗਰਾਓਂ ਇਲਾਕੇ ਵਿਚ ਵੱਡੇ ਪੱਧਰ 'ਤੇ ਵਿਕਾਸ ਕਾਰਜ ਜ਼ੋਰਾਂ ਤੇ ਚੱਲ ਰਹੇ ਹਨ। ਹਰ ਪਿੰਡ ਵਿਚ ਵਾਅਦੇ ਅਨੁਸਾਰ ਮੁਕੰਮਲ ਵਿਕਾਸ ਦੇ ਨਾਲ-ਨਾਲ ਸ਼ਹਿਰ ਦੇ ਵਿਕਾਸ ਤੇ ਕਰੋੜਾਂ ਰੁਪਏ ਖਰਚ ਕੀਤੇ ਜਾ ਚੁੱਕੇ ਹਨ। ਜ਼ਿਲ੍ਹਾ ਪ੍ਰਧਾਨ ਸੋਨੀ ਗਾਲਿਬ ਨੇ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿਚ ਹਰ ਇਕ ਵਿਧਾਨ ਸਭਾ ਹਲਕੇ ਦੀ ਨੁਹਾਰ ਬਦਲਣ ਲਈ ਅਰਬਾਂ ਰੁਪਏ ਦੀ ਗ੍ਾਂਟ ਜਾਰੀ ਕੀਤੀ ਗਈ ਹੈ। ਚੇਅਰਮੈਨ ਸਤਿੰਦਰਪਾਲ ਗਰੇਵਾਲ ਨੇ ਦੱਸਿਆ ਕਿ ਇਸ ਪੌਣੇ ਦੋ ਕਿਲੋਮੀਟਰ ਮਹੱਤਵਪੂਰਨ ਸੜਕ ਜਿਸ 'ਤੇ ਡੂੰਘੇ ਟੋਏ ਪੈਣ ਕਾਰਨ ਇੱਕ ਤਰਾਂ੍ਹ ਦੀ ਆਵਾਜਾਈ ਠੱਪ ਹੋ ਚੁੱਕੀ ਸੀ, ਦੇ ਨਿਰਮਾਣ 'ਤੇ ਤਕਰੀਬਨ 17:50 ਲੱਖ ਰੁੁਪਏ ਖਰਚ ਕੀਤੇ ਜਾਣਗੇ। ਇਸ ਮੋਕੇ ਬਲਾਕ ਪ੍ਰਧਾਨ ਸਰਪੰਚ ਜਗਜੀਤ ਸਿੰਘ ਕਾੳਂੁਕੇ, ਮਨੀ ਗਰਗ, ਮਾਰਕੀਟ ਕਮੇਟੀ ਸੈਕਟਰੀ ਕੰਵਲਪਰੀਤ ਸਿੰਘ ਕਲਸੀ, ਸਰਪੰਚ ਨਵਦੀਪ ਸਿੰਘ ਕੋਠੇ ਬੱਗੂ, ਸਰਪੰਚ ਭੂਸ਼ਣ ਸਿੰਘ ਕੋਠੇ ਅੱਠਚੱਕ, ਸਰਪੰਚ ਭੈਣੀ ਖੁੁਆਜਾਬਾਜੂ, ਕੌਂਸਲਰ ਰਾਜੂ ਕਾਮਰੇਡ, ਕੌਂਸਲਰ ਬੋਬੀ ਕਪੂਰ, ਪਰਮਿੰਦਰ ਸਿੰਘ ਜੇਈ , ਗੁੁਰਮੇਲ ਸਿੰਘ ਕੇਲੈ, ਸਾਜਨ ਮਲਹੋਤਰਾ, ਕੌਂਸਲਰ ਰਾਜ ਭਾਰਦਵਾਜ, ਹਰਪਾਲ ਸਿੰਘ ਹਾਂਸ, ਅਵਤਾਰ ਸਿੰਘ, ਰਾਮ ਕੁੁਮਾਰ ਗੂਜਰ, ਜਸਵੀਰ ਸਿੰਘ ਬਾਰਦੇਕੇ, ਸੰਮੀ ਐਡਵੋਕੇਟ, ਮਨੀ ਜੌਹਲ, ਨਰੇਸ਼ ਏਪੀ, ਗੋਪਾਲ ਸ਼ਰਮਾ ਤੇ ਭਜਨ ਸਵੱਦੀ ਹਾਜ਼ਰ ਸਨ।

ਜਗਰਾਉਂ  10 ਅਗਸਤ  (ਅਮਿਤ ਖੰਨਾ) ਲਾਇਨ ਕਲੱਬ ਮਿਡ ਟਾਊਨ ਜਗਰਾਉਂ ਵੱਲੋਂ ਸੀਨੀਅਰ ਸਿਟੀਜ਼ਨ ਡੇਅ ਤੇ ਕੁਸ਼ਟ ਆਸ਼ਰਮ ਵਿਖੇ ਰਾਸ਼ਨ ਦਿੱਤਾ  ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਲਾਲ ਚੰਦ ਮੰਗਲਾ ਨੇ ਕਿਹਾ ਕਿ  ਸੀਨੀਅਰ ਸਿਟੀਜ਼ਨ ਦੇ ਅਸੀਂ ਲਾਇਨ ਕਲੱਬ ਦੇ ਮੈਂਬਰਾਂ ਵੱਲੋਂ  ਕੁਸ਼ਟ ਆਸ਼ਰਮ ਵਿਖੇ ਰਾਸ਼ਨ ਦੇ ਕੇ  ਮਨ ਨੂੰ  ਬੜੀ ਸੰਤੁਸ਼ਟੀ  ਤੇ ਖੁਸ਼ੀ ਹੋਈ ਹੈ  ਕਿਉਂਕਿ ਕਿਸੇ ਵੀ ਤੀਰਥ ਸਥਾਨ ਜਾਨ ਤੋਂ ਵੱਧ ਹੈ  ਇਸ ਮੌਕੇ ਲਾਇਨ ਮੈਂਬਰ ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ,  ਪ੍ਰਧਾਨ ਲਾਲ ਚੰਦ ਮੰਗਲਾ , ਸੈਕਟਰੀ ਰਾਕੇਸ਼ ਜੈਨ , ਖਜ਼ਾਨਚੀ  ਅੰਮ੍ਰਿਤ ਲਾਲ ਗੋਇਲ , ਪ੍ਰਾਜੈਕਟ ਚੇਅਰਮੈਨ ਗੁਰਦਰਸ਼ਨ ਮਿੱਤਲ  ਆਦਿ ਸਮੂਹ ਲਾਇਨ ਮੈਂਬਰ ਹਾਜ਼ਰ ਸਨ

ਜਗਰਾਓਂ 9 ਅਗਸਤ ( ਅਮਿਤ ਖੰਨਾ  ) ਡੀ.ਏ.ਵੀ .ਸੀ ਪਬਲਿਕ ਸਕੂਲ, ਜਗਰਾਉਂ  ਵਿਖੇ ਅੱਜ ਵਾਤਾਵਰਨ ਨੂੰ ਬਚਾਉਣ ਅਤੇ ਸੰਭਾਲਣ ਲਈ ਮਿੱਥੇ ਟੀਚੇ ਦਾ ਸਹਾਈ ਬਨਣ ਦਾ ਉਪਰਾਲਾ ਕੀਤਾ ਗਿਆ। ਇਸ ਮੌਕੇ ਸ੍ਰੀ ਸਤਪਾਲ ਦੇਹੜਕਾ, ਸ੍ਰੀਮਤੀ ਕੰਚਨ ਗੁਪਤਾ, ਸ੍ਰੀ ਕੇਵਲ ਮਲਹੋਤਰਾ ਹੋਰਾਂ ਦੀ ਮੌਜੂਦਗੀ ਵਿੱਚ ਪ੍ਰਿੰਸੀਪਲ ਸਾਹਿਬ ਸ੍ਰੀ ਬ੍ਰਿਜਮੋਹਨ ਬੱਬਰ ਜੀ ਦੀ ਅਗਵਾਈ ਹੇਠ ਹਾਜ਼ਰ ਅਧਿਆਪਕ ਸ੍ਰੀਮਤੀ ਸੀਮਾ ਬੱਸੀ, ਸ੍ਰੀ ਦਿਨੇਸ਼ ਕੁਮਾਰ ,ਸ. ਹਰਦੀਪ ਸਿੰਘ ਅਤੇ ਮਾਲੀ ਮਯੰਕ ਲਾਲ ਨਾਲ ਵਿਦਿਆਰਥੀਆਂ ਨੇ ਬੂਟੇ ਲਗਾਏ। 'ਦਾ ਗਰੀਨ ਪੰਜਾਬ ਮਿਸ਼ਨ 'ਟੀਮ ਦੇ ਉਪਰਾਲਿਆਂ ਦਾ ਸ੍ਰੀ ਬ੍ਰਿਜ ਮੋਹਨ ਬੱਬਰ ਜੀ ਨੇ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕੀਤਾ ਅਤੇ ਕਿਹਾ ਕਿ ਜੇ ਜ਼ਿੰਦਗੀ ਨੂੰ ਬਰਕਰਾਰ ਅਤੇ ਸੁਰੱਖਿਅਤ ਰੱਖਣਾ ਹੈ ਤਾਂ ਸਾਨੂੰ ਵਾਤਾਵਰਨ ਦੀ ਸੰਭਾਲ ਲਈ ਪੇੜ ਪੌਦਿਆਂ ਲਈ ਸੰਵੇਦਨਸ਼ੀਲ ਹੋਣਾ ਪਵੇਗਾ। ਪੌਦਿਆਂ ਨੂੰ ਲਗਾਕੇ ਜਲਵਾਯੂ ਨੂੰ ਸੁਧ ਕਰਨ ਦਾ ਕਦਮ ਉਠਾਉਣਾ ਚਾਹੀਦਾ ਹੈ ਉਨ੍ਹਾਂ ਸਾਰੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਬੂਟੇ ਲਗਾਉਣ ਲਈ ਪ੍ਰੇਰਿਤ ਕੀਤਾ।