ਲੁਧਿਆਣਾ

ਐਸ ਡੀ ਐਮ ਜਗਰਾਓਂ ਵਿਰੁੱਧ ਕਾਰਵਾਈ ਲਈ ਸਪੀਕਰ ਤੇ ਗਵਰਨਰ ਨੂੰ ਲਿਖਿਆ ਖ਼ਤ

ਜਗਰਾਓਂ  2 ਜੁਲਾਈ  ( ਅਮਿਤ ਖੰਨਾ ) ਸਫ਼ਾਈ ਕਰਮਚਾਰੀਆਂ, ਮੁਲਾਜ਼ਮਾਂ, ਅਤੇ ਕਿਸਾਨਾਂ ਵੱਲੋ ਆਪਣੀਆਂ ਮੰਗਾਂ ਦੇ ਸੰਬੰਧ ਵਿੱਚ ਲੱਗ ਰਹੇ ਧਰਨਿਆਂ ਤੇ ਲੋਕਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ ਉਪ ਨੇਤਾ ਵਿਰੋਧੀ ਧਿਰ ਨੇ ਐਸ ਡੀ ਐਮ ਜਗਰਾਉ ਨਰਿੰਦਰਪਾਲ ਸਿੰਘ ਧਾਲੀਵਾਲ  ਆਪਣੇ ਕੰਪਲੈਕਸ ਵਿੱਚ ਹਲਕੇ ਦੇ ਸਾਰੇ ਪ੍ਰਸ਼ਾਸ਼ਨਿਕ ਅਧਿਕਾਰੀਆਂ ਦੀ ਮੀਟਿੰਗ ਕਰਨ ਲਈ ਕਿਹਾ ਗਿਆ ਸੀ, ਪਰੰਤੂ ਅੱਜ ਜਦੋ ਵਿਧਾਇਕਾ ਮਾਣੂੰਕੇ ਅਧਿਕਾਰੀਆਂ ਨਾਲ ਮੀਟਿੰਗ ਕਰਨ ਲਈ ਪਹੁੰਚੇ ਤਾਂ ਐਸ ਡੀ ਐਮ ਤੇ ਤਹਿਸੀਲਦਾਰਾਂ ਤੋ ਬਿਨਾਂ ਹੋਰ ਕੋਈ ਵੀ ਅਧਿਕਾਰੀ ਹਾਜ਼ਰ ਨਹੀ ਸੀ। ਜਿਸ ਤੇ ਤਲਖੀ ਲੈਜ਼ਦੇ ਹੋਏ ਵਿਧਾਇਕਾ ਸਰਵਜੀਤ ਕੌਰ ਮਾਣੂੰਕੇ ਨੇ ਆਖਿਆ ਕਿ ਐਸ ਡੀ ਐਮ ਦਫਤਰ ਵੱਲੋ ਅਧਿਕਾਰੀਆਂ ਦਾ ਇਹ ਕਹਿਕੇ ਰੋਕਿਆ ਗਿਆ ਕਿ ਮੀਟਿੰਗ ਤਾਂ ਰੱਦ ਹੋ ਗਈ ਹੈ, ਜਦੋ ਕਿ ਐਸ ਡੀ ਐਮ ਖੁਦ ਨਹੀਜ਼ ਸੀ ਚਾਹੁੰਦਾ ਕਿ ਹਲਕਾ ਵਿਧਾਇਕ ਦੀ ਅਗਵਾਈ ਵਿੱਚ ਇਹ ਮੀਟਿੰਗ ਹੋਵੇ। ਕਿਊਂਕਿ ਇਸ ਮੀਟਿੰਗ ਵਿੱਚ ਬੀਬੀ ਮਾਣੂੰਕੇ ਵੱਲੋ ਵਿਰੋਧੀ ਧਿਰ ਦੇ ਉਪ ਨੇਤਾ ਹੋਣ ਦੀ ਹੈਸੀਅਤ ਵਿੱਚ ਆਪਣਾ ਫ਼ਰਜ਼ ਸਮਝਦੇ ਹੋਏ ਸਫ਼ਾਈ ਕਰਮਚਾਰੀਆਂ, ਮੁਲਾਜ਼ਮਾਂ, ਅਤੇ ਕਿਸਾਨਾਂ ਦੀਆਂ ਮੰਗਾਂ ਦਾ ਹੱਲ ਕਰਵਾਉਣ ਲਈ ਨੁਕਤੇ ਇਕੱਠੇ ਕਰਨੇ ਸਨ ਅਤੇ ਸ਼ਹਿਰ ਤੇ ਪਿੰਡਾਂ ਦੀਆਂ ਹੋਰ ਸਮੱਸਿਆਵਾਂ ਜਿਵੇ ਸ਼ਹਿਰ ਦੇ ਕਮਲ ਚੌਕ ਵਿੱਚੋ ਪਾਣੀ ਦੀ ਨਿਕਾਸੀ, ਪੀਣ ਵਾਲੇ ਗੰਦੇ ਪਾਣੀ ਦੀ ਸਮੱਸਿਆ, ਪਾਣੀ ਦੀ ਲੀਕੇਜ, ਪਾਣੀ ਵਾਲੀਆਂ ਟੈਕੀਆਂ ਦੀ ਸਫਾਈ, ਆਵਾਜਾਈ ਦੀ ਸਮੱਸਿਆ, ਬਿਜਲੀ ਦੀਆਂ ਸ਼ਿਕਾਇਤਾਂ ਤੇ ਬਿਜਲੀ ਸਮੱਸਿਆ, ਨੈਸ਼ਨਲ ਚਾਈਲਡ ਲੇਬਰ ਪ੍ਰੋਜੈਕਟ ਸਕੀਮਾਂ, ਸੈਲਫ਼ ਡਿਫੈਸ ਟ੍ਰੇਨਿੰਗ ਗਰਾਂਟ ਸਕੀਮਾਂ, ਬਾਲ ਪ੍ਰਤਿਭਾ ਮੇੇਲੇ, ਬੁਢਾਪਾ ਪੈਨਸ਼ਨਾਂ, ਬੱਚਿਆਂ ਲਈ ਆਰਥਿਕ ਸਹਾਇਤਾ ਸਕੀਮਾਂ, ਕੀੜੇਮਾਰ ਦਵਾਈਆਂ, ਖਾਦਾਂ ਤੇ ਬੀਜ਼ਾਂ, ਪਿੰਡਾਂ ਦੇ ਖੇਡ ਪਾਰਕਾਂ ਤੇ ਗਰਾਉਡਾਂ, ਪ੍ਰਧਾਨ ਮੰਤਰੀ ਅਵਾਸ ਯੋਜਨਾਂ, ਵੋਕੇਸ਼ਨਲ ਲੈਬਾਂ, ਸ਼ਹਿਰ ਵਿੱਚ ਡਾ. ਭੀਮ ਰਾਓ ਅੰਬੇਡਕਰ ਦਾ ਚੌਕ ਤੇ ਬੁੱਤ ਸਥਾਪਿਤ ਕਰਨਾ, ਪਹਿਲੀ ਮਹਿਲਾ ਅਧਿਆਪਕਾ ਸਵਿੱਤਰੀ ਬਾਈ ਫੂਲੇ ਯਾਦਕਾਰੀ ਲਾਇਬ੍ਰੇਰੀ ਬਨਾਉਣਾ, ਸੜਕਾਂ ਤੇ ਟੈਡਰਾਂ ਵਿੱਚ ਹੋਏ ਘਪਲੇ ਆਦਿ ਹੋਰ ਕਈ ਪ੍ਰਕਾਰ ਦੇ 53 ਮਸਲੇ ਵਿਚਾਰਨੇ ਸਨ। ਇਸ ਮੀਟਿੰਗ ਵਿੱਚ ਘਪਲਿਆਂ ਦਾ ਮੁੱਦਾ ਵੀ ਉਠਣਾ ਸੀ ਤੇ ਜਿਸ ਸਮੇ ਘਪਲੇ ਹੋਏ ਉਸ ਸਮੇ ਨਗਰ ਕੌਂਸਿਲ ਦਾ ਇੰਚਾਰਜ ਐਸ ਡੀ ਐਮ ਕੋਲ ਸੀ। ਇਸ ਲਈ ਐਸ ਡੀ ਐਮ ਨਰਿੰਦਰਪਾਲ ਸਿੰਘ ਨੇ ਕਾਂਗਰਸ ਸਰਕਾਰ ਦਾ ਹੱਥ ਠੋਕਾ ਬਣਕੇ ਸਥਾਨਿਕ ਐਮ ਐਲ ਏ ਵਿਰੋਧੀ ਧਿਰ ਦਾ ਹੋਣ ਕਰਕੇ ਇਹ ਮੀਟਿੰਗ ਨਹੀ ਹੋਣ ਦਿੱਤੀ, ਜਦੋ ਕਿ ਇਸ ਮੀਟਿੰਗ ਲੋਕਾਂ ਦੀਆਂ ਹੋਰ ਬਹੁਤ ਸਾਰੀਆਂ ਮੁੱਖ ਮੰਗਾਂ ਦਾ ਹੱਲ ਵੀ ਕੀਤਾ ਜਾਣਾ ਸੀ। ਬੀਬੀ ਮਾਣੂੰਕੇ ਨੇ ਆਖਿਆ ਕਿ ਐਸ ਡੀ ਐਮ ਜਗਰਾਉ ਨਰਿੰਦਰਪਾਲ ਸਿੰਘ ਧਾਲੀਵਾਲ ਵਿਰੁੱਧ ਸਪੀਕਰ ਪੰਜਾਬ ਵਿਧਾਨ ਸਭਾ ਅਤੇ ਮਾਨਯੋਗ ਗਵਰਨਰ ਪੰਜਾਬ ਨੇ ਕਾਰਵਾਈ ਕਰਨ ਲਈ ਲਿਖ ਦਿੱਤਾ ਗਿਆ ਹੈ ਅਤੇ ਕਾਂਗਰਸੀਆਂ ਦੇ ਹੱਥਾਂ ਦੀ ਕੱਠਪੁਤਲੀ ਬਣਕੇ ਕੰਮ ਕਰਨ ਵਾਲੇ ਇਸ ਹੰਕਾਰੀ ਐਸ ਡੀ ਐਮ  ਦੀ ਕਾਰਗੁਜ਼ਾਰੀ ਦਾ ਮੁੱਦਾ ਵਿਧਾਨ ਸਭਾ ਵਿੱਚ ਵੀ ਚੁੱਕਿਆ ਜਾਵੇਗਾ। ਬੀਬੀ ਮਾਣੂੰਕੇ ਨੇ ਅਧਿਕਾਰੀਆਂ ੱ ਤਾੜਨਾਂ ਕਰਦਿਆਂ ਆਖਿਆ ਕਿ ਉਹ ਲੋਕਾਂ ਦੇ ਚੁਣੇ ਹੋਏ ਨੁਮਾਇੰਦੇ ਹਨ ਅਤੇ ਲੋਕਾਂ ਦੇ ਹੱਕਾਂ ਲਈ ਲੜਨਾਂ ਉਹਨਾਂ ਦੀ ਜ਼ਿੰਮੇਵਾਰੀ ਹੈ, ਜਿਹੜਾ ਵੀ ਅਧਿਕਾਰੀ ਆਮ ਲੋਕਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਵਿੱਚ ਜਾਣਬੁੱਝ ਕੇ ਅੜਿੱਕੇ ਢਾਵੇਗਾ, ਉਸ ੱ ਬਖਸ਼ਿਆ ਨਹੀ ਜਾਵੇਗਾ। ਇਸ ਮੌਕੇ ਉਹਨਾਂ ਨਾਲ ਪੋ੍ਰਫੈਸਰ ਸੁਖਵਿੰਦਰ ਸਿੰਘ ਸੁੱਖੀ, ਛਿੰਦਰਪਾਲ ਸਿੰਘ ਮੀਨੀਆਂ, ਰਘਵੀਰ ਸਿੰਘ ਲੰਮੇ, ਪੱਪੂ ਭੰਡਾਰੀ, ਸੁਰਜੀਤ ਸਿੰਘ ਸਿੱਧਵਾਂ, ਜਗਦੇਵ ਸਿੰਘ ਗਿੱਦੜਪਿੰਡੀ, ਰਾਜਵੰਤ ਸਿੰਘ ਕੰਨੀਆਂ, ਸਰੋਜ ਰਾਣੀ ਮਧੇਪੁਰ, ਗੁਰਵਿੰਦਰ ਸਿੰਘ ਸੋਢੀਵਾਲ, ਦਵਿੰਦਰ ਸਿੰਘ ਜਨੇਤਪੁਰਾ, ਗੁਰਚਰਨ ਸਿੰਘ, ਸੁਰਿੰਦਰ ਸਿੰਘ ਸੱਗੂ ਭੰਮੀਪੁਰਾ, ਬਲਵੀਰ ਸਿੰਘ ਲੱਖਾ, ਤਰਸੇਮ ਸਿੰਘ ਹਠੂਰ, ਗੁਰਦੇਵ ਸਿੰਘ ਚਕਰ, ਸੁਰਿੰਦਰ ਸਿੰਗਲਾ, ਤੇਜਾ ਸਿੰਘ ਦੇਹੜਕਾ, ਗੁਰਪ੍ਰੀਤ ਸਿੰਘ ਗੋਪੀ ਆਦਿ ਵੀ ਹਾਜ਼ਰ ਸਨ।

ਡਿਸਟਿਕ ਗਵਰਨਰ ਨਾਕੇਸ਼ ਗਰਗ ਨੇ ਬੂਟੇ ਲਗਾਕੇ ਆਪਣੀ ਟਰਮ ਦੀ ਕੀਤੀ ਸ਼ੁਰੂਆਤ
ਜਗਰਾਉਂ, 2 ਜੁਲਾਈ ( ਅਮਿਤ ਖੰਨਾ )-ਸਮਾਜ ਸੇਵਾ ਨੂੰ ਸਮਰਪਿਤ ਸੰਸਥਾ ਲਾਇਨਜ਼ ਕਲੱਬ (ਮਿੱਡ) ਟਾਊਨ ਵੱਲੋਂ ਵਾਤਾਵਰਣ ਨੂੰ ਬਚਾਉਣ ਲਈ ਗਰੀਨ ਪੰਜਾਬ ਮਿਸ਼ਨ ਟੀਮ ਨਾਲ ਮਿਲਕੇ ਸ਼ਹਿਰ ਅੰਦਰ ਬੂਟੇ ਲਗਾਉਣ ਦਾ ਪ੍ਰੋਗਰਾਮ ਉਲੀਕਿਆ ਗਿਆ, ਜਿਸ ਦੀ ਸ਼ੁਰੂਆਤ ਡਿਸਟਿਕ ਗਵਰਨਰ ਨਾਕੇਸ਼ ਗਰਗ ਨੇ ਕੀਤੀ। ਇਸ ਮੌਕੇ ਉਨ੍ਹਾਂ ਨੇ ਨਵੀਂ ਟੀਮ ਪ੍ਰਧਾਨ ਲਾਲ ਚੰਦ ਮੰਗਲਾ, ਸੈਕਟਰੀ ਰਾਕੇਸ਼ ਜੈਨ ਤੇ ਕੈਸ਼ੀਅਰ ਅੰਮ੍ਰਿਤ ਗੋਇਲ ਨੂੰ ਵਧਾਈ ਦਿੱਤੀ ਅਤੇ ਸਮਾਜ ਸੇਵਾ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਡਿਸਟਿਕ ਗਵਰਨਰ ਨਾਕੇਸ਼ ਗਰਗ, ਆਰ. ਸੀ. ਲਾਇਨ ਪ੍ਰਦੀਪ ਗਰਗ ਤੇ ਜ਼ੋਨ ਚੇਅਰਮੈਨ ਚਰਨਜੀਤ ਸਿੰਘ ਭੰਡਾਰੀ ਨੇ ਕਿਹਾ ਕਿ ਅੱਜ ਜਿਸ ਤਰ੍ਹਾਂ ਰੁੱਖਾਂ ਦੀ ਕਟਾਈ ਹੋ ਰਹੀ ਹੈ, ਉਸ ਕਾਰਨ ਮਨੁੱਖੀ ਜ਼ਿੰਦਗੀ ਨੂੰ ਸਾਹ ਲੈਣਾ ਔਖਾ ਹੋ ਰਿਹਾ ਹੈ, ਸਾਨੂੰ ਜੇਕਰ ਆਪਣੇ ਆਪ ਨੂੰ ਬਚਾਉਣਾ ਹੈ ਤਾਂ ਵੱਧ ਤੋਂ ਵੱਧ ਰੁੱਖ ਜ਼ਰੂਰ ਲਗਾਓ। ਉਨ੍ਹਾਂ ਕਿਹਾ ਕਿ ਕੁਦਰਤੀ ਵਸੀਲੇ ਖ਼ਤਮ ਹੁੰਦੇ ਜਾ ਰਹੇ ਹਨ, ਹਰ ਵਰ੍ਹੇ ਵਧਦੀ ਗਰਮੀ, ਸੋਕਾ, ਸੁਨਾਮੀ ਵਰਗੇ ਚੱਕਰਵਾਤ ਤੇ ਹੜ੍ਹਾਂ ਆਦਿ ਨਾਲ ਧਰਤੀ ਇਕ ਅਸੁਰੱਖਿਅਤ ਗ੍ਰਹਿ ਬਣ ਗਈ ਹੈ, ਹੁਣ ਜ਼ਰੂਰਤ ਹੈ ਕਿ ਸਾਡਾ ਹਰ ਦਿਨ ਵਾਤਾਵਰਣ ਦਿਵਸ ਹੋਵੇ ਤੇ ਧਰਤੀ ਦਾ ਹਰ ਪ੍ਰਾਣੀ ਧਰਤੀ ਨੂੰ ਬਚਾਉਣ ਲਈ ਕੁਝ ਨਾ ਕੁਝ ਕਰਦਾ ਰਹੇ, ਨਹੀਂ ਤਾਂ ਜਿਵੇਂ ਧਰਤੀ ਤੋਂ ਹੋਰ ਪ੍ਰਾਣੀਆਂ ਦਾ ਖਾਤਮਾ ਹੋ ਰਿਹਾ ਹੈ, ਉਸੇ ਤਰ੍ਹਾਂ ਮਨੁੱਖ ਵੀ ਨਹੀਂ ਬਚ ਸਕਦਾ। ਇਸ ਮੌਕੇ ਗਰੀਨ ਪੰਜਾਬ ਮਿਸ਼ਨ ਟੀਮ ਵੱਲੋਂ ਵਾਤਾਵਰਣ ਨਾਲ ਸਬੰਧਤ 500 ਕਾਪੀ ਕਾਪੀਆਂ ਵੰਡੀਆਂ ਗਈਆਂ। ਕਲੱਬ ਵੱਲੋਂ 5100 ਰੁਪਏ ਚੈੱਕ ਲਾਇਨ ਮੁਕੇਸ਼ ਮਦਾਨ ਐਲਸੀਆਈਐਫ ਕੋਆਰਡੀਨੇਟਰ ਨੂੰ ਸੌਪਿਆ। ਇਸ ਮੌਕੇ ਲਾਇਨ ਪਵਨ ਗੋਇਲ, ਲਾਇਨ ਮੁਕੇਸ਼ ਮਦਾਨ, ਲਾਇਨ ਰਾਕੇਸ਼ ਜਜੈਨ, ਲਾਇਨ ਗਗਨਦੀਪ ਸਿੰਘ ਸਰਨਾ, ਸਤਪਾਲ ਸਿੰਘ ਦੇਹੜਕਾ, ਮਾ: ਹਰਨਰਾਇਣ ਸਿੰਘ, ਕੈਪਟਨ ਨਰੈਸ਼ ਵਰਮਾ, ਲਾਇਨ ਮਨੋਹਰ ਸਿੰਘ ਟੱਕਰ, ਲਾਇਨ ਅਜੇ ਬਾਂਸਲ, ਲਾਇਨ ਮੁਨੀਸ਼ ਚੁੱਘ, ਲਾਇਨ ਵਿਨੋਦ ਬਾਂਸਲ, ਲਾਇਨ ਅੰਮ੍ਰਿਤ ਗੋਇਲ, ਲਾਇਨ ਲਾਲ ਚੰਦ ਮੰਗਲਾ, ਲਾਇਨ ਲਾਕੇਸ਼ ਟੰਡਨ, ਲਾਇਨ ਡਾ: ਰਾਕੇਸ਼, ਲਾਇਨ ਮੁਨੀਸ਼ ਬਾਂਸਲ, ਲਾਇਨ ਭਾਰਤ ਭੂਸ਼ਣ, ਲਾਇਨ ਡਾ: ਗੁਰਦਸ਼ਰਨ ਮਿੱਤਲ ਤੇ ਲਾਇਨ ਸੁਨੀਲ ਆਦਿ ਹਾਜ਼ਰ ਸਨ।

 ਜਗਰਾਉਂ, 2 ਜੁਲਾਈ ( ਅਮਿਤ ਖੰਨਾ )-ਜਗਰਾਓਂ ਦੇ ਨੌਜਵਾਨਾਂ ਦੀ ਸਮਾਜ ਸੇਵੀ ਸੰਸਥਾ ਕਰ ਭਲਾ ਹੋ ਭਲਾ ਵੱਲੋਂ ਅੱਜ ਜਗਰਾਓਂ ਦੇ ਚਾਰ ਡਾਕਟਰਾਂ ਦਾ ਸਨਮਾਨ ਕੀਤਾ ਗਿਆ। ਸੰਸਥਾ ਦੇ ਸੰਸਥਾ ਦੇ ਚੇਅਰਮੈਨ ਅਮਿਤ ਅਰੋੜਾ ਅਤੇ ਪ੍ਰਧਾਨ ਰਾਜਨ ਖੁਰਾਣਾ ਦੀ ਅਗਵਾਈ ਹੇਠ ਜਗਰਾਓਂ ਦੇ ਡਾ: ਰਾਣਾ ਕੱਕੜ, ਡਾ: ਅਮਿਤ ਚੱਕਰਵਰਤੀ, ਡਾ: ਤਰੁਣਪ੍ਰੀਤ ਸਿੰਘ ਤਨੇਜਾ ਅਤੇ ਡਾ: ਸੁਰਿੰਦਰ ਗੁਪਤਾ ਦਾ ਸਨਮਾਨ ਕਰਦਿਆਂ ਸੰਸਥਾ ਦੇ ਮੈਂਬਰ ਕਪਿਲ ਨਰੂਲਾ, ਨਾਨੇਸ਼ ਗਾਂਧੀ, ਵਿਸ਼ਾਲ ਸ਼ਰਮਾ ਅਤੇ ਮਹੇਸ਼ ਟੰਡਨ ਨੇ ਕਿਹਾ ਕਿ ਕੋਰੋਨਾ ਮਹਾਂਮਾਰੀ ਦੀ ਕਰੋਪੀ ਸਮੇਂ ਜਿਸ ਦਿ੍ਰੜ੍ਹਤਾ ਨਾਲ ਡਾਕਟਰਾਂ ਨੇ ਮਰੀਜ਼ਾਂ ਦੀ ਦੇਖਭਾਲ ਕਰਦਿਆਂ ਉਨ੍ਹਾਂ ਦਾ ਇਲਾਜ ਕੀਤਾ ਉਸ ਦੇ ਲਈ ਸਾਡੀ ਸੰਸਥਾ ਡਾਕਟਰਾਂ ਨੰੂ ਸਲੂਟ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਅਸੁਰੱਖਿਅਤ ਮਾਹੌਲ ਤੇ ਅਣਸੁਖਾਵੇਂ ਸਮੇਂ ’ਚ ਜ਼ਿੰਦਗੀ ਤੇ ਮੌਤ ਨਾਲ ਜੂਝ ਰਹੇ ਸ਼ਹਿਰ ਦੇ ਬਾਸ਼ਿੰਦਿਆਂ ਦੀ ਜਾਨ ਬਚਾਉਣ ਅਤੇ ਕੋਵਿਡ-19 ਦੇ ਮਾਰੂ ਹਮਲੇ ਤੋਂ ਨਿਜਾਤ ਦਿਵਾਉਣ ਲਈ ਡਾਕਟਰਾਂ ਨੇ ਜਿਸ ਤਨ, ਮਨ ਤੇ ਆਤਮਾ ਨਾਲ ਜੋ ਸੇਵਾ ਨਿਭਾਈ ਹੈ ਉਸ ਦਾ ਸਤਿਕਾਰ ਕਰਦੇ ਹੋਏ ਸੰਸਥਾ ਵੱਲੋਂ ਡਾਕਟਰਾਂ ਦਾ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਕੋਰੋਨਾ ਦੇ ਬਿਪਤਾ ਭਰੇ ਸਮੇਂ ਵਿਚ ਡਾਕਟਰਾਂ ਦੇ ਨਿਭਾਏ ਅਹਿਮ ਰੋਲ ਦੀ ਜਿੰਨੀ ਵੀ ਸ਼ਲਾਘਾ ਕੀਤੀ ਜਾਵੇ ਘੱਟ ਹੈ।

ਸੰਗਦਿਲਪ੍ਰੀਤ ਸਿੰਘ
ਪਿਤਾ ਨਾਮ:ਰਛਪਾਲ ਸਿੰਘ ਸ਼ੇਰਪੁਰੀ
ਪਿੰਡ ਸ਼ੇਰਪੁਰ ਕਲਾਂ
ਤਹਿਸੀਲ ਜਗਰਾਉਂ
ਜ਼ਿਲ੍ਹਾ ਲੁਧਿਆਣਾ