ਲੁਧਿਆਣਾ

ਜਗਰਾਓਂ, 12 ਜੁਲਾਈ (ਅਮਿਤ ਖੰਨਾ, )  ਸਕੂਲ ਦੇ ਸੰਰੱਖਿਅਕ ਸ੍ਰੀ ਬਲਰਾਜ ਕ੍ਰਿਸ਼ਨ ਗੁਪਤਾ ਜੀ ਦੀ ਸੁਪਤਨੀ ਸ਼੍ਰੀ ਮਤੀ ਸਤੀਸ਼ ਗੁਪਤਾ ਜੀ ਦੇ ਜਨਮ ਦਿਨ ਸਮੇਂ ਸਕੂਲ ਵਿਖੇ ਹਵਨ ਅਤੇ ਸਭਿਆਚਾਰਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਸਭ ਤੋਂ ਪਹਿਲਾਂ ਸਕੂਲ ਵਿਖੇ ਹਵਨ ਦਾ ਪ੍ਰੋਗਰਾਮ ਸੰਪੰਨ ਹੋਇਆ ਤੇ ਨਾਲ ਹੀ ਉਸ ਨੇਕ ਰੂਹ ਨੂੰ ਯਾਦ ਕੀਤਾ ਗਿਆ ਜਿਨ•ਾਂ ਦੇ ਨਕਸ਼ੇ ਕਦਮ ਤੇ ਚੱਲ ਕੇ ਸਕੂਲ ਨੇ ਤਰੱਕੀ ਦੇ ਰਾਹ ਤੇ ਆਪਣਾ ਮੁਕਾਮ ਹਾਸਿਲ ਕੀਤਾ। ਹਵਨ ਉਪਰੰਤ ਲੱਡੂਆਂ ਦਾ ਪ੍ਰਸ਼ਾਦ ਵੰਡਿਆ ਗਿਆ।ਇਸ ਤੋਂ ਬਾਦ ਸਭਿਆਚਾਰਕ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਗਈ। ਪ੍ਰੋਗਰਾਮ ਦੀ ਸ਼ੁਰੂਆਤ ਪਰਮਾਤਮਾ ਦੇ ਸਿਮਰਨ ਦੁਆਰਾ ਕੀਤੇ ਗਈ, ਦੀਦੀ ਮਨਪ੍ਰੀਤ ਕੌਰ ਤੇ ਦੀਦੀ ਹਰਵਿੰਦਰ ਕੌਰ ਨੇ ਪ੍ਰਾਰਥਨਾ ਕਰਕੇ ਪ੍ਰਭੂ ਨੂੰ ਯਾਦ ਕੀਤਾ। ਸਭ ਤੋਂ ਪਹਿਲਾਂ ਜਮਾਤ ਚੌਥੀ ਦੀ ਵਿਦਿਆਰਥਣ ਹਰਗੁਨ ਕੌਰ ਨੇ ਸ਼ਬਦ  ਸ਼ਰਨ ਪਰੇ ਕੀ ਰਾਖ ਦਿਆਲਾ  ਗਾ ਕੇ ਸਾਰਾ ਵਾਤਾਵਰਨ ਭਗਤੀ ਭਾਵ ਭਰਪੂਰ ਬਣਾ ਦਿੱਤਾ।ਪੈਟਰਨ ਸ਼੍ਰੀ ਰਵਿੰਦਰ ਸਿੰਘ ਵਰਮਾ ਜੀ ਨੇ ਇਸ ਮੌਕੇ ਤੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਸਾਡੇ ਸਮਾਜ ਵਿੱਚ ਜੋ ਵੀ ਕਮੀਆਂ ਹਨ ਉਨ•ਾਂ ਸਾਰੀਆਂ ਕਮੀਆਂ ਨੂੰ ਦੇਖਦੇ ਹੋਏ, ਉਸਨੂੰ ਦੂਰ ਕਰਨ ਦਾ ਉਦੇਸ਼ ਸਾਡੇ ਸਰਵਹਿਤਕਾਰੀ ਸਕੂਲ ਦੁਆਰਾ ਪੂਰਾ ਕੀਤਾ ਜਾਂਦਾ ਹੈ।ਦੇਸ਼ ਦੀ ਆਨ, ਬਾਨ, ਸ਼ਾਨ ਨੂੰ ਬਰਕਰਾਰ ਰੱਖਦੇ ਹੋਏ ਸਕੂਲ ਦੇ ਦੀਦੀ ਜਤਿੰਦਰ ਕੌਰ ਅਤੇ ਦੀਦੀ ਪਵਿੱਤਰ ਕੌਰ ਨੇ ਗੀਤ ਸਭਨਾਂ ਤੋਂ ਉੱਚੀ ਤੇਰੀ ਸ਼ਾਨ ਵੇ ਤਿਰੰਗਿਆਂ  ਗਾ ਕੇ ਦੇਸ਼ ਪ੍ਰਤੀ ਆਪਣੇ ਜਜ਼ਬੇ ਨੂੰ ਪ੍ਰਗਟਾਇਆਂ।ਦੀਦੀ ਸੁਧਾ ਨੇ ਨਾਰੀ ਦੀ ਸ਼ਕਤੀ ਨੂੰ ਪ੍ਰਦਰਸ਼ਿਤ ਕਰਦੇ ਹੋਏ ਕਵਿਤਾ  ਨਾਰੀ ਤੁਮ•ੇ ਨਿਰਬਲ ਨਹੀਂ, ਸਬਲ ਬਣਨਾ ਹੋਗਾ  ਸੁਣਾ ਕੇ ਔਰਤ ਨੂੰ ਆਪਣੀ ਸ਼ਕਤੀ ਪਹਿਚਾਨਣ ਬਾਰੇ ਜਾਗਰੂਕ ਕੀਤਾ।ਦੀਦੀ ਸੰਦੀਪ ਨੇ ਮਾਂਵਾਂ ਠੰਡੀਆਂ ਛਾਵਾਂ ਗੀਤ ਜੋ ਕਿ ਸ਼੍ਰੀ ਮਤੀ ਸਤੀਸ਼ ਗੁਪਤਾ ਜੀ ਨੂੰ ਸਮਰਪਿਤ ਸੀ, ਗਾਇਆ ਜਿਸਨੂੰ ਸੁਣ ਸਭ ਦੀਆਂ ਅੱਖਾਂ ਨਮ ਹੋ ਗਈਆਂ। ਪ੍ਰਿੰ. ਸ਼੍ਰੀ ਮਤੀ ਨੀਲੂ ਨਰੂਲਾ ਜੀ ਨੇ ਇਸ ਮੌਕੇ ਤੇ ਸਕੂਲ ਰਿਪੋਰਟ ਦੱਸਦਿਆਂ ਕਿਹਾ ਕਿ ਸਾਡੇ ਸਕੂਲ ਵਿਖੇ ਸੰਸਕਾਰਿਤ ਸਿੱਖਿਆ ਦੇਣਾ ਪਹਿਲਾ ਉਦੇਸ਼ ਹੋਣ ਨਾਲ ਹੀ ਬੱਚੇ ਦੀ ਬਹੁ ਪੱਖੀ ਪ੍ਰਤਿਭਾ ਦਾ ਵਿਕਾਸ ਕਰਨਾ, ਆਨਲਾਈਨ ਸਿੱਖਿਆ, ਵਿਭਿੰਨ ਗਤੀਵਿਧੀਆਂ ਜਿਵੇਂ ਟੈਸਟ, ਪੇਪਰ, ਸੰਸਕ੍ਰਿਤਕ ਗਤੀਵਿਧੀਆਂ ਵੀਡੀਉ ਬਣਾ ਕੇ ਬੱਚਿਆਂ ਨਾਲ ਸ਼ੇਅਰ ਕਰਨੀ ਜਿਸ ਨਾਲ ਬੱਚੇ ਦਾ ਨੁਕਸਾਨ ਨਾ ਹੋਵੇ ਤਾਂ ਉਹ ਘਰ ਰਹਿ ਕੇ ਵੀ ਪੜ•ਾਈ ਪ੍ਰਤੀ ਜੁੜਿਆ ਰਹੇ। ਜਮਾਤ 5ਵੀਂ, 8ਵੀਂ ਅਤੇ 10ਵੀਂ ਦੇ ਵਿਦਿਆਰਥੀਆਂ ਨੇ 80% ਤੋਂ ਉੱਪਰ ਅੰਕ ਲੈ ਕੇ ਕੋਰੋਨਾ ਕਾਲ ਵਿੱਚ ਵੀ ਆਪਣਾ ਵਧੀਆ ਪ੍ਰਦਰਸ਼ਨ ਕੀਤਾ। ਇਸ ਦੇ ਨਾਲ ਹੀ ਅਧਿਆਪਕਾਂ ਦੇ ਵੀ ਸ਼ਿਵਰ ਲਗਦੇ ਰਹੇ। ਜਮਾਤ ਦਸਵੀਂ ਦੀ ਵਿਦਿਆਰਥਣ ਜੈਸਮੀਨ ਨੇ ਕੋਰੋਨਾ ਕਾਲ ਵਿੱਚ ਪੜ•ਾਈ ਨੂੰ ਲੈ ਕੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਆਨਲਾਈਨ ਸਟੱਡੀ  ਕੋਰੋਨਾ ਕਾਲ ਦੌਰਾਨ ਇੱਕ ਆਸ਼ਾ ਦੀ ਕਿਰਨ ਬਣ ਕੇ ਉੱਭਰੀ। ਕੋਰੋਨਾ ਕਾਲ ਦੌਰਾਨ ਸਕੂਲ ਨਾ ਖੋਲ ਕੇ ਦੇਸ਼ ਦੇ ਭਵਿੱਖ ਨਾਲ ਕੋਈ ਸਮਝੌਤਾ ਨਹੀਂ ਕੀਤਾ ਜੋ ਕਿ ਇੱਕ ਵਧੀਆ ਕਦਮ ਹੈ। ਘਰ ਰਹਿ ਕੇ ਵੀ ਬੱਚਿਆਂ ਨੂੰ ਆਨਲਾਈਨ ਸਟੱਡੀ  ਅਤੇ ਵੀਡੀਓ ਭੇਜ ਕੇ ਬੱਚਿਆਂ ਨੂੰ ਪੜਾਈ ਨਾਲ ਜੋੜੇ ਰੱਖਣਾ ਵੀ ਇੱਕ ਕਾਬਿਲ - ਏ - ਤਾਰੀਫ਼ ਯੋਜਨਾ ਹੈ।ਪ੍ਰਵੀਨ ਜੀੇ ਪ੍ਰਚਾਰਕ ਹਨ ਨੇ ਵੀ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਦੱਸਿਆ ਕਿ ਇਹ ਸਿੱਖਿਆ ਹੀ ਹੈ ਜੋ ਸਾਨੂੰ ਹਨੇਰੇ ਵਿੱਚ ਇੱਕ ਆਸ਼ਾ ਦੀ ਕਿਰਨ ਦਿਖਾ ਕੇ ਸਾਡਾ ਮਾਰਗ ਦਰਸ਼ਨ ਕਰਦੀ ਹੈ। ਅਸੀਂ ਮਨੁੱਖ ਹਾਂ ਅਤੇ ਇਹ ਮਨੁੱਖਾ ਜਨਮ ਬਹੁਤ ਹੀ ਦੁਰਲੱਭ ਹੈ। ਦੇਸ਼ ਸਮਾਜ ਪ੍ਰਤੀ ਸਾਡਾ ਕੀ ਕਰਤਵ ਹੈ, ਇਸ ਦੀ ਜਾਣਕਾਰੀ ਸਾਨੂੰ ਸਿੱਖਿਆ ਹੀ ਦਿੰਦੀ ਹੈ।ਨੌਵੀਂ ਜਮਾਤ ਦੀਆਂ ਵਿਦਿਆਰਥਣਾਂ ਨਵਦੀਪ ਕੌਰ ਅਤੇ ਨਵਜੋਤ ਕੌਰ ਨੇ ਪੰਜਾਬੀ ਸੱਭਿਆਚਾਰਕ ਗੀਤ ਦੀ ਤਰਜ਼ ਤੇ ਆਪਣੇ ਨ੍ਰਿਤ ਦਾ ਪ੍ਰਦਰਸ਼ਨ ਕਰਦੇ ਹੋਏ ਸਭ ਦਾ ਮਨ ਮੋਹ ਲਿਆ।ਇਸ ਮੌਕੇ ਤੇ ਸਕੂਲ ਦੇ ਪ੍ਰਧਾਨ ਸ਼੍ਰੀ ਰਜਿੰਦਰ ਸ਼ਰਮਾ ਜੀ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕਰਦੇ ਹੋਏ ਜੀ ਆਇਆ ਨੂੰ ਕਿਹਾ ਤੇ ਨਾਲ ਹੀ ਇਸ ਗੱਲ ਦੀ ਪ੍ਰਸ਼ੰਸਾ ਕੀਤੀ ਕਿ ਕੋਰੋਨਾ ਕਾਲ ਦੇ ਚਲਦਿਆਂ ਵੀ ਆਪਾਂ ਇਸ ਦਿਨ ਸਾਰੇ ਇਕੱਠੇ ਹੋਏ ਹਾਂ ਅਤੇ ਸਾਰੀਆਂ ਗਾਈਡਲਾਈਨ ਦੀ ਪਾਲਣਾ ਕਰਕੇ ਇਸ ਸਮਾਗਮ ਦਾ ਆਯੋਜਨ ਕੀਤਾ ਗਿਆ ਜੋ ਕਿ ਬਹੁਤ ਹੀ ਪ੍ਰਸ਼ੰਸਨੀਯ ਹੈ।ਇਸ ਸ਼ੁੱਭ ਮੌਕੇ ਤੇ ਸਕੂਲ ਦੇ ਪੈਟਰਨ ਸ਼੍ਰੀ ਰਵਿੰਦਰ ਸਿੰਘ ਵਰਮਾ ਜੀ, ਪ੍ਰਧਾਨ ਸ਼੍ਰੀ ਰਜਿੰਦਰ ਸ਼ਰਮਾ ਜੀ, ਪ੍ਰਬੰਧਕ ਸ਼੍ਰੀ ਰਵਿੰਦਰ ਗੁਪਤਾ ਜੀ, ਡਾ. ਬੀ. ਬੀ. ਸਿੰਗਲਾ ਜੀ, ਸ਼੍ਰੀ ਪਵਨ ਗੋਇਲ ਜੀ, ਸ਼੍ਰੀ ਮਤੀ ਚੰਦਰ ਪ੍ਰਭਾ ਜੀ, ਮੈਂਬਰ ਨਵਨੀਤ ਗੁਪਤਾ ਜੀ, ਸ਼੍ਰੀ ਮਤੀ ਸੁਮਨਪ੍ਰੀਤ ਜੀ  ਐਮ ਐਲ ਬੀ ਸਕੂਲ ਦੇ ਪ੍ਰਿੰਸੀਪਲ ਸਕੂਲ ਦੇ ਪ੍ਰਿੰਸੀਪਲ, ਸ਼੍ਰੀ ਮਤੀ ਨੀਲੂ ਨਰੂਲਾ ਜੀ, ਸਮੂਹ ਸਟਾਫ ਅਤੇ ਕਰਮਚਾਰੀ ਸ਼ਾਮਲ ਸਨ। ਇਸ ਦੇ ਨਾਲ ਹੀ ਯੂ ਐਸ ਏ ਤੋਂ ਸ਼੍ਰੀ ਬਲਰਾਜ ਗੁਪਤਾ ਜੀ, ਆਪਣੇ ਪਰਿਵਾਰ ਅਤੇ ਦੋਸਤਾਂ ਸਮੇਤ ਆਨਲਾਈਨ ਮਾਧਿਅਮ ਰਾਹੀਂ ਪੂਰਾ ਸਮਾਂ ਇਸ ਪ੍ਰੋਗਰਾਮ ਨਾਲ ਜੁੜੇ ਰਹੇ।ਵਿਸ਼ੇਸ਼: ਜਮਾਤ 8ਵੀਂ ਅਤੇ 10ਵੀਂ ਵਿੱਚ ਜਿਨ•ਾਂ ਵਿਦਿਆਰਥੀਆਂ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ ਤਾਂ ਉਹਨਾਂ ਨੂੰ ਸਕਾਲਰਸ਼ਿਪ ਦੇ ਕੇ ਸਨਮਾਨਿਤ ਕੀਤਾ ਗਿਆ।

ਜਗਰਾਉਂ,  12 ਜੁਲਾਈ (ਜਸਮੇਲ ਗ਼ਾਲਿਬ ) ਸਿੱਖਿਆ ਵਿਭਾਗ ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅੱਜ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸ਼ੇਰਪੁਰ ਕਲਾਂ ਵੱਲੋਂ ਵੱਖ ਵੱਖ ਪਿੰਡਾਂ ਦੇ ਵਿਦਿਆਰਥੀ ਮਾਪੇ ਅਤੇ ਆਮ ਲੋਕਾਂ ਲਈ  ਪਿੰਡ ਸ਼ੇਰਪੁਰਾ ਕਲਾਂ ਅਤੇ ਸ਼ੇਰਪੁਰਾ ਖੁਰਦ ਦੇ ਗੁਰਦੁਆਰਿਆਂ ਚ ਲਾਇਬਰੇਰੀਆਂ ਦੀਆਂ ਕਿਤਾਬਾਂ ਦਾ ਲੰਗਰ ਲਾਇਆ ਗਿਆ ਇਸ ਉਦਘਾਟਨੀ ਲੰਗਰ ਸਮਾਰੋਹ ਚ ਬੋਲਦਿਆਂ ਪ੍ਰਿੰਸੀਪਲ ਸ੍ਰੀ ਵਿਨੋਦ ਕੁਮਾਰ ਸ਼ਰਮਾ ਨੇ ਕਿਹਾ ਕਿ ਕਿਤਾਬਾਂ ਹੀ ਮਨੁੱਖ ਦੀਆਂ ਅਸਲੀ ਮਿੱਤਰ ਹਨ  ।ਇਸ ਲਈ ਕਿਤਾਬਾਂ ਨੂੰ ਵੱਧ ਤੋਂ ਵੱਧ ਪੜ੍ਹਨਾ ਚਾਹੀਦਾ ਹੈ  । ਇਸ ਸਮੇਂ ਲੈਕਚਰਾਰ ਕਮਲਜੀਤ ਸਿੰਘ ਬਲਦੇਵ ਸਿੰਘ ਕੁਲਵਿੰਦਰ ਕੌਰ ਹਰਕਮਲਜੀਤ ਸਿੰਘ ਹਰਮਿੰਦਰ ਸਿੰਘ ਸੁਖਜੀਤ ਸਿੰਘ ਦਵਿੰਦਰ ਸਿੰਘ  ਮਨਦੀਪ ਸਿੰਘ ਗੁਰਿੰਦਰ ਛਾਬਡ਼ਾ ਵਿਜੇ ਕੁਮਾਰ ਮਹਿਰਮ ਸੀਮਸ ਸ਼ੈਲੀ ਸਰਬਜੀਤ ਕੌਰ ਪਰਮਜੀਤ ਕੌਰ ਕਿਰਨਦੀਪ ਕੌਰ ਰਵਿੰਦਰ ਕੌਰ  ਪਰਮਿੰਦਰ ਕੌਰ ਆਦਿ ਹਾਜ਼ਰ ਸਨ  ।

ਜਗਰਾਉਂ (ਅਮਿਤ ਖੰਨਾ )ਨੌਜ਼ਵਾਨਾ ਸਮੇਤ ਸੁੱਖ ਜਗਰਾਉਂ ਨੇ ਦਿੱਤਾ SDM ਧਾਲੀਵਾਲ ਨੂੰ ਮੰਗ ਪੱਤਰ ।ਅੱਜ ਜਗਰਾਉਂ ਅਤੇ ਆਸ ਪਾਸ ਦੇ ਇਲਾਕੇ ਦੇ ਨੌਜ਼ਵਾਨਾਂ ਵੱਲੋਂ SDM ਨਰਿੰਦਰ ਸਿੰਘ ਧਾਲੀਵਾਲ ਨੂੰ 2 ਮੰਗ ਪੱਤਰ ਸੌਪੇਂ ਗਏ । ਸੁੱਖ ਜਗਰਾਉਂ ਨੇ ਦੱਸਿਆ ਵੀ ਪਹਿਲੇ ਮੰਗ ਪੱਤਰ ਚ ਝਾਂਸੀ ਰਾਣੀ ਚੌਂਕ ਤੋਂ ਲੈ ਕੇ ਗੁਰੂ ਦਾ ਭੱਠਾ ਤੱਕ ਸੜਕ ਨੂੰ ਪਹਿਲ ਦੇ ਅਧਾਰ ਤੇ ਬਣਾਇਆ ਜਾਵੇ । ਜੇ ਇੱਕ ਮਹੀਨੇ ਦੇ ਅੰਦਰ ਇਹ ਸੜਕ ਨਾ ਬਣੀ ਤਾਂ ਵੱਡੇ ਰੂਪ ਚ ਧਰਨਾ ਲਾਇਆ ਜਾਵੇਗਾ , ਜਿਹਦੇ ਚ ਪੂਰੇ ਪੰਜਾਬ  ਦੇ ਨਾਮਵਰ ਚਿਹਰਿਆਂ ਸਮੇਤ ਵੱਡੀ ਗਿਣਤੀ ਚ ਪਿੰਡਾਂ ਦੇ ਲੋਕ ਪਹੁੰਚਣਗੇ । ਦੂਜੇ ਮੰਗ ਪੱਤਰ ਚ ਪੁਰਾਣਾ ਅੱਡਾ ਰਾਏਕੋਟ ਚ ਬਣਿਆ ਬੱਸ ਅੱਡਾ ਨੂੰ ਵਧੀਆ ਤੇ ਨਿਵੇਕਲਾ ਬਣਾਇਆ ਜਾਵੇ । ਬੇਅੰਤ ਗਿੱਲ ਨੇ ਦੱਸਿਆ ਵੀ ਇਹ ਬੱਸ ਅੱਡਾ ਅਗਵਾੜ ਲਧਾਈ ਦੀ ਜਗਾਹ ਚ ਸਥਿਤ ਹੈ ਸੋ ਅਗਵਾੜ ਵਾਸੀਆਂ ਦੀ ਮੰਗ ਹੈ ਵੀ ਇਸ ਬੱਸ ਅੱਡੇ ਨੂੰ ਵਧੀਆ ਤੇ ਨਵੇਕਲੇ ਢੰਗ ਨਾਲ ਬਣਾਇਆ ਜਾਵੇ ।ਸੁੱਖ ਜਗਰਾਉਂ ਨੇ ਕਿਹਾ ਵੀ ਸਾਡੇ ਪੰਜਾਬ ਦੇ ਲੋਕਾਂ ਦੀ ਬਦਕਿਸਮਤੀ ਦੇਖੋ ਵੀ ਸਾਨੂੰ ਅਜੇ ਸੜਕਾਂ ਬਣਾਓਣ ਲਈ ਮੰਗ ਪੱਤਰ ਦੇਣੇ ਪੈ ਰਹੇ ਹਨ ਤੇ ਪੰਜਾਬ ਦੇ ਲੀਡਰ ਗੂੜੀ ਨੀਂਦ ਸੌਂ ਰਹੇ ਹਨ । ਉਹਨਾਂ ਕਿਹਾ ਵੀ ਵਿਕਾਸ ਦੇ ਨਾਮ ਤੇ ਸਾਡੇ ਲੋਕਾਂ ਨਾਲ ਧੋਖਾ ਹੋਇਆ ਹੈ । ਸਮੇਂ ਦੀ ਸਰਕਾਰਾਂ ਆਪਣੇ ਵਾਅਦੇ ਪੂਰੇ ਕਰਨ ਚ ਫੇਲ ਸਾਬਤ ਹੋਈਆਂ ਹਨ । SDM ਨਰਿੰਦਰ ਸਿੰਘ ਧਾਲੀਵਾਲ ਨੇ ਭਰੋਸਾ ਦਵਾਇਆ ਕੀ ਇਹ ਸੜਕ ਪਹਿਲ ਦੇ ਅਧਾਰ ਤੇ ਬਣਾਈ ਜਾਵੇਗੀ ਤੇ ਅੱਡਾ ਰਾਏਕੋਟ ਚ ਬਣਿਆ ਬੱਸ ਅੱਡਾ ਨੂੰ ਵਧੀਆ ਬਣਾਓਣ ਲਈ ਨਗਰ ਕੌਂਸਲ ਨੂੰ ਇਹ ਮੰਗ ਪੱਤਰ ਭੇਜ ਦਿੱਤਾ ਜਾਵੇਗਾ । ਇਸ ਮੌਕੇ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਵੀ ਹਾਜ਼ਰ ਸਨਇਸ ਮੌਕੇ ਬੇਅੰਤ ਗਿੱਲ, ਅਮਰਪ੍ਰੀਤ ਸਿੰਘ ਲਾਡੀ, ਪ੍ਰਿਤਪਾਲ ਸਿੰਘ ਬੌਵੀ, ਨਵਜੋਤ ਮਾਨ,  ਪ੍ਰਭਜੋਤ ਰਾਏ, ਰਮਨ ਸਿੱਧੂ, ਪਰਮਦੀਪ ਸਿੱਧੂ , ਨਵਦੀਪ ਸਿੰਘ ਅਤੇ ਜਗਦੇਵ ਜੋਰਾ ਹਾਜ਼ਿਰ ਸਨ ।

ਜਗਰਾਉਂ (ਅਮਿਤ ਖੰਨਾ/ਸਤਪਾਲ ਸਿੰਘ ਦੇਹਡ਼ਕਾ)  ਸਾਹਿਤ ਸਭਾ ਜਗਰਾਓਂ ( ਰਜਿ. ) ਵੱਲੋਂ ਸਾਲਾਨਾ ਸਮਾਗਮ ਤੇ ਸਨਮਾਨ ਸਮਾਰੋਹ ਪੁਲੀਸ ਪੈਨਸ਼ਨਰਜ਼ ਤੇ ਵੈਲਫੇਅਰ ਭਵਨ  ਜਗਰਾਓਂ ਵਿਖੇ ਕਰਵਾਇਆ ਗਿਆ । ਇਸ ਸਮਾਗਮ ਦੀ ਪ੍ਰਧਾਨਗੀ ਪ੍ਰੋ.ਕਰਮ ਸਿੰਘ ਸੰਧੂ ਜੀ ਨੇ ਕੀਤੀ । ਮੈਨੇਜਰ ਗੁਰਦੀਪ ਸਿੰਘ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਾਮਿਲ ਹੋਏ । ਸਭਾ ਦੇ ਪ੍ਰਧਾਨ ਪ੍ਰਭਜੋਤ ਸੋਹੀ ਵੱਲੋਂ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਿਆ ਗਿਆ । ਉਪਰੰਤ ਇਸ ਸਮਾਗਮ ਵਿੱਚ ਰਾਜਦੀਪ ਸਿੰਘ ਤੂਰ ਦੇ ਗ਼ਜ਼ਲ ਸੰਗ੍ਰਹਿ  “ ਰੂਹ ਵੇਲ਼ਾ ” ਉੱਪਰ ਗੋਸ਼ਟੀ ਕਰਵਾਈ ਗਈ , ਜਿਸ ਵਿੱਚ  ਪ੍ਰਸਿੱਧ ਲੇਖਕ , ਆਲੋਚਕ ਤੇ ਚਿੰਤਕ ਡਾ .  ਅਰਵਿੰਦਰ ਕੌਰ ਕਾਕੜਾ  ਵੱਲੋਂ ਪੇਪਰ ਪੜ੍ਹਿਆ ਗਿਆ । ਜਿਸ ਵਿੱਚ ਉਹਨਾ ਰਾਜਦੀਪ ਤੂਰ ਦੀ ਸ਼ਾਇਰੀ ਬਾਰੇ ਚਰਚਾ ਕੀਤੀ । ਜਿਸ ਵਿੱਚ ਉਹਨਾ ਕਿਹਾ ਕਿ ਰਾਜਦੀਪ ਤੂਰ ਨੇ ਗ਼ਜ਼ਲ ਦੇ ਵਿਧੀ ਵਿਧਾਨ ਦੇ ਪਾਬੰਦ ਰਹਿੰਦੇ ਹੋਏ ਸਮਕਾਲ ਦੀ ਵਾਸਤਵਿਕ ਹਕੀਕਤ ਨੂੰ ਬਿਆਨਿਆ ਹੈ । ਰਾਜਦੀਪ ਦੀ ਗ਼ਜ਼ਲ ਦੀ ਇਹ ਵੀ ਖੂਬੀ ਉਘੜਦੀ ਹੈ ਕਿ ਬੀਤੇ ਦੇ ਨਕਸ਼ਾਂ ਨੂੰ ਵਰਤਮਾਨ ਦੀ ਦਹਿਲੀਜ਼ ‘ਤੇ ਉਤਾਰ ਲੈਂਦਾ ਹੈ , ਅਜਿਹੀ ਦ੍ਰਿਸ਼ਟੀ ਗ਼ਜ਼ਲ ਅੰਦਰ ਸਦੀਵੀ ਰੂਹ ਪਾ ਦਿੰਦੀ ਹੈ ।  ਤੂਰ ਦੀ ਸ਼ਾਇਰੀ ਲੋਕ ਸ਼ਕਤੀ ਦੀ ਵਿਸ਼ਾਲਤਾ ਨੂੰ ਸਮਝਦੀ ਹੋਈ ਸਮਾਜਕ ਪ੍ਰਬੰਧ ਦੇ ਬਦਲ ਲਈ ਹੋਕਾ ਦਿੰਦੀ ਜ਼ਿੰਦਗੀ ਲਈ ਲੜਨ ਵਾਲੇ ਲੋਕਾਂ ਦੀ ਹਮਾਇਤ ਕਰਦੀ ਹੈ । ਪੇਪਰ ‘ਤੇ ਬਹਿਸ ਦੌਰਾਨ ਅਵਤਾਰ ਜਗਰਾਓਂ , ਹਰਬੰਸ ਅਖਾੜਾ ਤੇ ਜੋਗਿੰਦਰ ਆਜ਼ਾਦ ਹੋਰਾਂ ਨੇ ਰਾਜਦੀਪ ਤੂਰ ਦੇ ਜੀਵਨ ਤੇ ਸ਼ਾਇਰੀ ਦੇ ਇੱਕ ਮਿੱਕ ਹੋਣ ਬਾਰੇ ਵੀ ਕਿਹਾ । ਸਭਾ ਦੇ ਪ੍ਰਧਾਨ ਪ੍ਰਭਜੋਤ ਸੋਹੀ ਨੇ ਕਿਹਾ ਕਿ ਤੂਰ ਲਈ ਸ਼ਾਇਰੀ ਜ਼ਹਿਨੀ ਅਯਾਸ਼ੀ ਨਾ ਹੋ ਕੇ ਸਮਾਜਿਕ ਜ਼ੁੰਮੇਵਾਰੀ ਹੈ ।
ਸਨਮਾਨ ਸਮਾਰੋਹ ਵਿੱਚ ਮਾਤਾ ਹਰਬੰਸ ਕੌਰ ਧਾਲੀਵਾਲ ( ਚੌਕੀਮਾਨ ) ਯਾਦਗਾਰੀ ਜਸਵੰਤ ਕੰਵਲ ਗ਼ਲਪ ਪੁਰਸਕਾਰ ਵਿਲੱਖਣ ਕਹਾਣੀਕਾਰ ਬਲਵਿੰਦਰ ਸਿੰਘ ਗਰੇਵਾਲ ਨੂੰ ਦਿੱਤਾ ਗਿਆ । ਜਿੰਨ੍ਹਾਂ ਦਾ ਸਨਮਾਨ ਪੱਤਰ ਐਚ.ਐਸ.ਡਿੰਪਲ ਵੱਲੋਂ ਪੜ੍ਹਿਆ ਗਿਆ ਤੇ ਉਹਨਾ ਬਾਰੇ ਦੋ ਸ਼ਬਦ ਸਾਂਝੇ ਕੀਤੇ ਗਏ ।  ਪ੍ਰਿੰਸੀਪਲ ਤਖ਼ਤ ਸਿੰਘ ਗ਼ਜ਼ਲ ਪੁਰਸਕਾਰ ਸੁਪ੍ਰਸਿੱਧ ਗ਼ਜ਼ਲਗੋ ਗੁਰਤੇਜ ਕੋਹਾਰਵਾਲਾ ਨੂੰ ਦਿੱਤਾ ਗਿਆ । ਜਿੰਨਾ ਬਾਰੇ ਦੋ ਸ਼ਬਦ ਪ੍ਰੋ. ਕਰਮ ਸਿੰਘ ਸੰਧੂ ਹੋਰਾਂ ਨੇ ਕਹੇ ਤੇ ਉਹਨਾ ਦਾ ਸਨਮਾਨ ਪੱਤਰ ਪੜ੍ਹਿਆ । ਸਭਾ ਵੱਲੋਂ ਇਸ ਵਾਰ ਤੋਂ ਸ਼ੁਰੂ ਕੀਤਾ ਰਾਜਿੰਦਰ ਰਾਜ਼ ਸਵੱਦੀ ਕਾਵਿ ਪੁਰਸਕਾਰ ਕਵੀ ਗੁਰਪ੍ਰੀਤ ਮਾਨਸਾ ਨੂੰ ਪ੍ਰਦਾਨ ਕੀਤਾ ਗਿਆ । ਇਹਨਾ ਦਾ ਸਨਮਾਨ ਪੱਤਰ ਹਰਪ੍ਰੀਤ ਅਖਾੜਾ ਵੱਲੋਂ ਪੜ੍ਹਿਆ ਗਿਆ । ਇਹਨਾ ਦਿੱਤੇ ਗਏ ਸਨਮਾਨਾਂ ਵਿੱਚ 5100 -  ਰੁਪਏ, ਇੱਕ ਲੋਈ ਤੇ ਮੋਮੈਂਟੋ ਭੇਟ ਕੀਤਾ ਗਿਆ । ਸਭਾ ਵੱਲੋਂ ਦਿੱਤੀ ਜਾਂਦੀ ਯਾਦ ਨਿਸ਼ਾਨੀ ਇਸ ਵਾਰ ਸਭਾ ਦੇ ਹੋਣਹਾਰ ਮਿੰਨੀ ਕਹਾਣੀਕਾਰ ਦਵਿੰਦਰਜੀਤ ਬੁਜ਼ੁਰਗ ਨੂੰ ਦਿੱਤੀ ਗਈ ।
ਇਸ ਸਮਾਗਮ ਵਿੱਚ ਸਾਹਿਤ ਸਭਾ ਦੇ ਸਤਿਕਾਰਤ ਸਾਹਿਤਕਾਰ ਹਰਕੋਮਲ ਬਰਿਆਰ ਦਾ ਗ਼ਜ਼ਲ ਸੰਗ੍ਰਿਹ “ ਸ਼ਬਦਾਂ ਦੀ ਲੋਅ” , ਹਰਬੰਸ ਅਖਾੜਾ ਦਾ ਕਹਾਣੀ ਸੰਗ੍ਰਹਿ, “ ਆਂਦਰਾਂ ਦਾ ਸੇਕ “ ਤੇ ਬਲਵੰਤ ਸਿੰਘ ਮੁਸਾਫਿਰ ਦਾ ਨਾਵਲ, ” ਸੁਜੀਤ ਕੁਝ ਬੋਲ “ ਲੋਕ ਅਰਪਣ ਕੀਤਾ ਗਏ ।
ਉਪਰੰਤ ਹੋਏ ਕਵੀ ਦਰਬਾਰ ਵਿੱਚ , ਮਨੀ ਹਠੂਰ, ਮਨੋਜ ਫਗਵਾੜਵੀ, ਮਨਦੀਪ ਲੁਧਿਆਣਾ, ਗੀਤ ਗੁਰਜੀਤ, ਗੁਰਪ੍ਰੀਤ ਧਰਮਕੋਟ, ਨਕਾਸ਼ ਚਿੱਤੇਵਾਣੀ, ਕੁਲਦੀਪ ਚਿਰਾਗ, ਅਮਰਿੰਦਰ, ਸੋਹਲ, ਪਰਮਿੰਦਰ ਅਲਬੇਲਾ, ਹਰਬੰਸ ਅਖਾੜਾ, ਸੁਖਜੀਵਨ ਰਾਮਪੁਰੀ,  ਲੇਖਕ, ਫਿਲਮ ਸਟਾਰ ਤੇ ਡਾਇਰੈਕਟਰ  ਮੈਡਮ ਰਮਨ ਸੰਧੂ, ਵੀਰਪਾਲ ਕੌਰ ਭੱਠਲ, ਜੋਗਿੰਦਰ ਆਜ਼ਾਦ, ਅਰਵਿੰਦਰ ਕੌਰ ਕਾਕੜਾ,  ਐਚ ਐਸ ਡਿੰਪਲ, ਮੇਜਰ ਸਿੰਘ ਛੀਨਾ, ਪ੍ਰਿੰਸੀਪਲ ਮੈਡਮ ਦਲਜੀਤ ਕੌਰ ਹਠੂਰ, ਹਰਪ੍ਰੀਤ ਅਖਾੜਾ, ਕਰਮਜੀਤ ਗਰੇਵਾਲ, ਤੇ ਸੁਖਦੇਵ ਹਠੂਰ ਹੋਰਾਂ ਨੇ ਹਿੱਸਾ ਲਿਆ । 
ਪ੍ਰਧਾਨਗੀ ਭਾਸ਼ਨ ਵਿੱਚ ਕਰਮ ਸਿੰਘ ਸੰਧੂ ਹੋਰਾਂ ਨੇ ਸਫਲ ਸਮਾਗਮ ਲਈ ਸਾਹਿਤ ਸਭਾ ਜਗਰਾਓਂ ਨੂੰ ਮੁਬਾਰਕਬਾਦ ਦਿੱਤੀ । ਅਖੀਰ ਵਿੱਚ ਹਰਬੰਸ ਸਿੰਘ ਅਖਾੜਾ ਵੱਲੋਂ ਆਏ ਹੋਏ ਮਹਿਮਾਨਾਂ ਦਾ ਸਾਹਿਤਕਾਰਾਂ ਦਾ ਧੰਨਵਾਦ ਕੀਤਾ ਗਿਆ । ਉਪਰੰਤ ਆਏ ਹੋਏ ਮਹਿਮਾਨਾਂ ਨੂ ਖਾਣਾ  ਛਕਾਇਆ ਗਿਆ ।
ਇਸ ਸਾਰੇ ਸਮਾਗਮ ਨੂੰ ਜਨ ਸ਼ਕਤੀ ਨਿਊਜ਼ ਚੈਨਲ ਤੇ ਅਨੰਤ ਕ੍ਰਰੀਏਸ਼ਨ  ਵੱਲੋਂ ਲਾਈਵ ਵਿਖਾਇਆ ਗਿਆ  ।
ਇਸ ਸਮਾਗਮ ਵਿੱਚ  ਮਹਿੰਦਰ ਸਿੰਘ ਰੂਮੀ, ਡਾਕਟਰ ਦਿਲਬਾਗ ਸਿੰਘ, ਡਾਕਟਰ ਸਾਧੂ ਸਿੰਘ,ਲਾਲੀ ਕਰਤਾਰਪੁਰ, ਅਜੀਤ ਪਿਆਸਾ,ਅਰਸ਼ਦੀਪ ਪਾਲ ਸਿੰਘ, ਰਣਜੀਤ ਹਠੂਰ, ਮਹਿੰਦਰ ਸਿੰਘ ਤਤਲਾ, ਬਲਵੰਤ ਸਿੰਘ ਮੁਸਾਫਿਰ, ਕਮਲਜੀਤ ਕੰਵਰ, ਸ਼ੁਭਮ  ਚਾਵਲਾ, ਅੰਮ੍ਰਿਤਵੀਰ , ਜਗਦੀਸ਼ ਸਿੰਘ, ਦਰਸ਼ਨ ਸਿੰਘ ਸਿੱਧੂ ਤੇ ਪਰਮਜੀਤ ਸਿੰਘ ਹੋਰਾਂ ਨੇ ਸ਼ਿਰਕਤ ਕੀਤੀ ।