ਲੁਧਿਆਣਾ

ਜਗਰਾਉਂ, ਜਨਵਰੀ 2021(ਮੋਹਿਤ ਗੋਇਲ ਕੁਲਦੀਪ ਸਿੰਘ ਕੋਮਲ)

ਬੱਚਿਆਂ ਦੇ ਸੁਨਹਿਰੇ ਭਵਿੱਖ ਦੀ ਲੋਚਨਾ ਕਰਦੇ ਪੰਜਾਬ ਦੀ ਵੱਡੀ ਗਿਣਤੀ ਮਾਂ-ਬਾਪ ਆਪਣੇ ਦਿਲ ਦੇ ਟੁਕੜਿਆਂ ਨੂੰ ਕਿਸੇ ਨਾ ਕਿਸੇ ਢੰਗ ਨਾਲ ਵਿਦੇਸ਼ਾਂ ’ਚ ਭੇਜਣ ਦੇ ਚਾਹਵਾਨ ਹਨ। ਅਜਿਹਾ ਹੀ ਸੁਨਹਿਰਾ ਸੁਪਨਾ ਦੇਖਣ ਵਾਲਾ ਸੱਤੋਵਾਲ ਪਿੰਡ ਦੇ ਸਤਪਾਲ ਸਿੰਘ ਦਾ ਖੁਸ਼ਹਾਲ ਪਰਿਵਾਰ ਇਕ ਵੱਡੇ ਦੁੁਖਾਂਤ ਦਾ ਸ਼ਿਕਾਰ ਹੋ ਗਿਆ। ਸਤਪਾਲ ਸਿੰਘ ਦੀ ਵੱਡੀ ਲੜਕੀ ਸੁਮਨਦੀਪ ਕੌਰ ਪੜ੍ਹਾਈ ਦੇ ਅਧਾਰ ’ਤੇ ਕੈਨੇਡਾ ਦੇ ਮਾਟਰੀਆਲ ਸੂਬੇ ’ਚ ਪੜ੍ਹਨ ਗਈ, ਜਿੱਥੇ ਉਹ ਮਾਰਚ ਦੇ ਮਹੀਨੇ ਕਿਸੇ ਬਿਮਾਰੀ ਕਾਰਨ ਹਸਪਤਾਲ ਦਾਖ਼ਲ ਹੋ ਗਈ ਅਤੇ 29 ਮਈ 2020 ਨੂੰ ਉਸ ਦੀ ਮੌਤ ਹੋ ਗਈ। ਪਰਿਵਾਰ ’ਤੇ ਵੱਡਾ ਸਦਮਾ ਪਹਾੜ ਆਣ ਟੁਟਿਆ। ਉਸ ਤੋਂ ਅੱਗੇ ਬੱਚੀ ਦੇ ਮਾਂ-ਬਾਪ ਆਪਣੀ ਲਾਡਲੀ ਦਾ ਆਖਰੀ ਸਮੇਂ ਮੂੰਹ ਦੇਖਣ ਨੂੰ ਤਰਲੇ ਕਰਦੇ ਰਹੇ। ਕਰੋਨਾ ਦੇ ਪ੍ਰਭਾਵਾਂ ਕਰਕੇ ਨਾ ਤਾਂ ਮ੍ਰਿਤਕ ਸਰੀਰ ਹਿੰਦੂਸਤਾਨ ਆ ਸਕਿਆ ਤੇ ਨਾ ਹੀ ਮਾਂ-ਬਾਪ ਦਾ ਕੈਨੇਡਾ ਜਾਣ ਦਾ ਰਾਹ ਨਿਕਲ ਸਕਿਆ। ਅਖੀਰ ’ਚ ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਨੇ ਆਪਣੇ ਸੁੱਖ ਧਾਲੀਵਾਲ ਜੋ ਕੈਨੇਡਾ ਅੰਦਰ ਮੌਜੂਦਾ ਮੈਂਬਰ ਪਾਰਲੀਮੈਂਟ ਹਨ, ਇਹ ਦੁਖਦਾਈ ਮਾਮਲਾ ਉਨ੍ਹਾਂ ਦੇ ਧਿਆਨ ’ਚ ਲਿਆਂਦਾ ਤੇ ਮਾਂ-ਬਾਪ ਦਾ ਦਰਦ ਸਮਝਦਿਆ ਸੁੱਖ ਧਾਲੀਵਾਲ ਨੇ ਲੰਬੀ ਜੱਦੋਂ-ਜਹਿਦ ਤੋਂ ਬਾਅਦ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਤੱਕ ਪਹੁੰਚ ਕਰਕੇ ਬੱਚੀ ਦੀਆਂ ਅੰਤਿਮ ਰਸਮਾਂ ’ਚ ਸ਼ਾਮਲ ਹੋਣ ਲਈ ਮਾਂ-ਬਾਪ ਨੂੰ ਕੈਨੇਡਾ ਪਹੁੰਚਾਇਆ। ਦੁੱਖ ਦੇ ਸਮੇਂ ਮਸੀਹਾਂ ਬਣਕੇ ਬੁਹੜੇ ਸੁੱਖ ਧਾਲੀਵਾਲ, ਭਾਈ ਗੁਰਚਰਨ ਸਿੰਘ ਗਰੇਵਾਲ ਤੇ ਰਾਏਕੋਟ ਦੇ ਵਿਧਾਇਕ ਜੱਗਾ ਸਿੰਘ ਦਾ ਪਰਿਵਾਰ ਤੇ ਨਗਰ ਨਿਵਾਸੀਆਂ ਵੱਲੋਂ ਧੰਨਵਾਦ ਕੀਤਾ ਗਿਆ। ਸੁੱਖ ਧਾਲੀਵਾਲ ਵੱਲੋਂ ਕੀਤੇ ਉਪਰਾਲੇ ਦੀ ਇਲਾਕੇ ’ਚ ਵਿਸ਼ੇਸ਼ ਚਰਚਾ ਬਣੀ ਹੋਈ ਹੈ। ਅਖੀਰ ’ਚ ਭਾਈ ਗਰੇਵਾਲ ਨੇ ਸੁਮਨਦੀਪ ਕੌਰ ਦੀਆਂ ਅਸਥੀਆਂ ਮਾਂ-ਬਾਪ ਨੂੰ ਸੌਪੀਆਂ, ਜੋ ਜਲ ਪ੍ਰਵਾਹ ਕਰਨ ਲਈ ਰਵਾਨਾ ਹੋ ਗਏ। ਅੱਜ ਦੀ ਅੰਤਿਮ ਅਰਦਾਸ ਸਮੇਂ ਭਾਈ ਗੁਰਚਰਨ ਸਿੰਘ ਗਰੇਵਾਲ, ਵਿਧਾਇਕ ਜੱਗਾ ਸਿੰਘ, ਜੀਤ ਸਿੰਘ ਚੇਅਰਮੈਨ ਕੁੁਤਬਾ, ਸਰਪੰਚ ਗੁਰਨਾਮ ਸਿੰਘ ਸੱਤੋਵਾਲ, ਗੁਰਮੇਲ ਸਿੰਘ ਆੜ੍ਹਤੀ ਝੋਰੜਾਂ, ਗੁਰਚਰਨ ਸਿੰਘ ਢਿੱਲੋਂ, ਸੁਖਵਿੰਦਰ ਸਿੰਘ ਭਸੀਣ, ਦਵਿੰਦਰ ਸਿੰਘ ਜੱਟਪੁਰਾ, ਬਿੰਦਰ ਸਿੰਘ ਢਿੱਲੋਂ ਤੇ ਭੁਪਿੰਦਰ ਸਿੰਘ ਆਦਿ ਹਾਜ਼ਰ ਸਨ

ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਦਰਦਨਾਕ ਹਾਦਸੇ ਦੌਰਾਨ ਸੁਖਦੇਵ ਸਿੰਘ ਦੀ ਹੋਈ ਸੀ ਮੌਤ

ਲੁਧਿਆਣਾ , ਜਨਵਰੀ 2021-(ਸਤਪਾਲ ਸਿੰਘ ਦੇਹਡ਼ਕਾ/ ਮਨਜਿੰਦਰ ਗਿੱਲ)-  

ਨਗਰ ਨਿਗਮ ਲੁਧਿਆਣਾ ਦੇ ਮੇਅਰ ਬਲਕਾਰ ਸਿੰਘ ਸੰਧੂ ਵੱਲੋਂ ਅੱਜ ਸਵ: ਸੁਖਦੇਵ ਸਿੰਘ ਦੀ ਵਾਰਿਸ ਪਤਨੀ ਨੂੰ ਨਗਰ ਨਿਗਮ ਲੁਧਿਆਣਾ ਵੱਲੋਂ ਪੱਕੀ ਨੌਕਰੀ ਦੇਣ ਦਾ ਨਿਯੁਕਤੀ ਪੱਤਰ ਸੌਪਿਆ ਗਿਆ। ਸੁਖਦੇਵ ਸਿੰਘ, ਜ਼ਿਨ੍ਹਾਂ ਦੀ ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਦਰਦਨਾਕ ਹਾਦਸੇ ਦੌਰਾਨ ਮੌਤ ਹੋ ਗਈ ਸੀ।ਇਸ ਮੌਕੇ ਨਗਰ ਨਿਗਮ ਲੁਧਿਆਣਾ ਦੇ ਕਮਿਸ਼ਨਰ ਪ੍ਰਦੀਪ ਸਭਰਵਾਲ, ਹਰਭਜਨ ਸਿੰਘ ਡੰਗ ਅਤੇ ਹੋਰ ਕੌਸਲਰ ਸਹਿਬਾਨ ਵੀ ਮੌਜੂਦ ਸਨ।ਜ਼ਿਕਰਯੋਗ ਹੈ ਕਿ ਨਵੰਬਰ 2017 ਵਿੱਚ ਸੂਫੀਆਂ ਚੌਕ ਲੁਧਿਆਣਾ ਵਿਖੇ ਹੋਏ ਦਰਦਨਾਕ ਹਾਦਸੇ ਦੌਰਾਨ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਹਾਦਸੇ ਵਾਲੀ ਜਗ੍ਹਾ ਦਾ ਦੌਰਾ ਕੀਤਾ ਗਿਆ ਸੀ। ਇਸ ਦੌਰੇ ਦੌਰਾਨ ਮੁੱਖ ਮੰਤਰੀ ਵੱਲੋਂ ਸਾਰੇ ਸ਼ਹੀਦ ਹੋਏ ਮੁਲਾਜ਼ਮਾਂ, ਭਾਵੇਂ ਕੋਈ ਸਰਕਾਰੀ ਨੌਕਰੀ 'ਤੇ ਸੀ ਜਾਂ ਕੋਈ ਕੱਚੇ ਤੌਰ 'ਤੇ ਕੰਮ ਕਰ ਰਿਹਾ ਸੀ, ਦੇ ਵਾਰਸਾਂ ਨੂੰ ਸਰਕਾਰੀ ਨੌਕਰੀ ਦੇਣ ਦੀ ਹਦਾਇਤ ਕੀਤੀ ਗਈ ਸੀ। ਹੁਣ ਤੱਕ ਜਿੰਨੇ ਵੀ ਨਗਰ ਨਿਗਮ ਲੁਧਿਆਣਾ ਦੇ ਪੱਕੇ ਮੁਲਾਜ਼ਮ ਸਨ, ਉਨ੍ਹਾਂ ਮੁਲਾਜਮਾਂ ਦੇ ਵਾਰਸਾਂ ਨੂੰ ਨਿਯਮਾਂ ਅਨੁਸਾਰ ਸਰਕਾਰੀ ਨੌਕਰੀ ਪਹਿਲਾ ਹੀ ਦਿੱਤੀ ਜਾ ਚੁੱਕੀ ਹੈ।ਇਸ ਤੋਂ ਇਲਾਵਾ ਪੈਸਕੋ ਵਿੱਚ ਕੰਮ ਕਰ ਰਹੇ ਕਰਮਚਾਰੀ ਸਵ: ਸੁਖਦੇਵ ਸਿੰਘ ਦੀ ਪਤਨੀ ਨੂੰ ਇਸ ਸਬੰਧ ਵਿੱਚ ਨੌਕਰੀ ਦੇਣ ਲਈ ਡਾਇਰੈਕਟਰ ਸਥਾਨਕ ਸਰਕਾਰ ਵਿਭਾਗ ਪੰਜਾਬ ਦੇ ਦਫ਼ਤਰ ਵੱਲੋਂ ਕੁਝ ਰਿਪੋਰਟਾਂ ਮੰਗੀਆਂ ਗਈਆਂ ਸਨ, ਜੋ ਕਿ ਨਗਰ ਨਿਗਮ ਦੇ ਰਿਕਾਰਡ ਅਨੁਸਾਰ ਡਾਇਰੈਕਟਰ ਸਥਾਨਕ ਸਰਕਾਰ ਵਿਭਾਗ ਪੰਜਾਬ ਨੂੰ ਭੇਜ ਦਿੱਤੀਆ ਗਈਆਂ ਸਨ। ਇਸ ਸਬੰਧ ਵਿੱਚ ਮਾਣਯੋਗ ਹਾਊਸ ਵੱਲੋਂ ਇਹ ਮਤਾ ਪਾਸ ਕੀਤਾ ਗਿਆ ਕਿ ਜਿੰਨੇ ਵੀ ਪੈਸਕੋ ਮੁਲਾਜਮ ਸਨ, ਉਨ੍ਹਾਂ ਨੂੰ ਵੀ ਸਰਕਾਰੀ ਨੌਕਰੀ ਦਿੱਤੀ ਜਾਵੇਗੀ, ਜਿਸ ਦੇ ਤਹਿਤ ਅੱਜ ਸਵ: ਸੁਖਦੇਵ ਸਿੰਘ ਦੀ ਪਤਨੀ ਨੂੰ ਨਿਯੁਕਤੀ ਪੱਤਰ ਸੌਂਪਿਆ ਗਿਆ।

ਹਠੂਰ,8,ਜਨਵਰੀ 2021 -(ਕੌਸ਼ਲ ਮੱਲ੍ਹਾ)-

ਲੁਧਿਆਣਾ-ਮੋਗਾ ਰੋਡ ਤੇ ਬਣੇ ਟੋਲ ਪਲਾਜਾ ਚੌਂਕੀਮਾਨ ਵਿਖੇ ਨੈਸਨਲ ਅਤੇ ਸਟੇਟ ਐਵਾਰਡ ਪ੍ਰਾਪਤ ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਅਤੇ ਪਰਿਵਾਰਕ ਗੀਤਾ ਦੇ ਬਾਦਸਾਹ ਪ੍ਰਸਿੱਧ ਪµਜਾਬੀ ਲੋਕ ਗਾਇਕ ਪਾਲੀ ਦੇਤਵਾਲੀਆਂ ਵੱਲੋਂ ਗਾਇਕ ਬਲਵੀਰ ਸੇਰਪੁਰੀਏ ਦੇ ਸਿµਗਲ ਟਰੈਕ ‘ਹੱਕਾ ਦੀ ਜµਗ’ ਦਾ ਪੋਸਟਰ ਜਾਰੀ ਕੀਤਾ।ਇਸ ਮੌਕੇ ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਤੇ ਪ੍ਰਸਿੱਧ ਪµਜਾਬੀ ਗਾਇਕ ਪਾਲੀ ਦੇਤਵਾਲੀਆਂ ਨੇ ਕਿਹਾ ਕਿ ਗਾਇਕ ਬਲਵੀਰ ਸੇਰਪੁਰੀਏ ਨੇ ‘ਹੱਕਾ ਦੀ ਜµਗ’ ਨੂੰ ਗਾ ਕੇ ਕਿਸਾਨ ਵੀਰਾਂ ਵੱਲੋਂ ਕੀਤੇ ਜਾ ਰਹੇ ਅµਦੋਲਨ ਦਾ ਸਮਰਥਨ ਕੀਤਾ ਹੈ ਇਹ ਗੀਤ ਕਿਸਾਨੀ ਸੰਘਰਸ ਨੂੰ ਸਮਰਪਿਤ ਹੈ।ਉਨ੍ਹਾ ਕਿਹਾ ਕਿ ਅੱਜ ਕੇਂਦਰ ਸਰਕਾਰ ਖਿਲਾਫ ਅਤੇ ਕਿਸਾਨੀ ਸੰਘਰਸ ਦੇ ਹੱਕਾ ਵਿਚ ਗੀਤ ਗਾਉਣੇ ਅਤੇ ਗੀਤ ਲਿਖਣੇ ਸਮੇਂ ਦੀ ਮੁੱਖ ਲੋੜ ਹਨ।ਇਸ ਮੌਕੇ ਲੋਕ ਗਾਇਕ ਬਲਵੀਰ ਸੇਰਪੁਰੀਏ ਨੇ ਦੱਸਿਆ ਕਿ ਇਸ ਸਿµਗਲ ਟਰੈਕ ਨੂੰ ਰਣਜੀਤ ਗਰੇਵਾਲ ਵੱਲੋਂ ਕਲਮਬµਦ ਕੀਤਾ ਗਿਆ ਹੈ ਤੇ ਮਿਊਜਿਕ ਹਰੀ ਅਮਿਤ ਨੇ ਦਿੱਤਾ ਹੈ।ਇਸ ਮੌਕੇ ਉਨ੍ਹਾ ਨਾਲ ਲੋਕ ਗਾਇਕ ਜਸਪਾਲ ਮਾਨ,ਪ੍ਰਧਾਨ ਸਤਨਾਮ ਸਿµਘ ਮੋਰਕਰੀਮਾਂ,ਸਰਪµਚ ਸਾਧੂ ਸਿµਘ ਦਿਲਸ਼ਾਦ ਸੇਖੂਪੁਰਾ,ਪ੍ਰਧਾਨ ਅਵਤਾਰ ਸਿµਘ ਤਾਰੀ ਰਸੂਲਪੁਰ,ਗੁਰਦੀਪ ਸਿµਘ ਸਿੱਧਵਾਂ,ਜਗਜੀਵਨ ਸਿµਘ ਸਿੱਧਵਾਂ,ਮਾ:ਆਤਮਾ ਸਿµਘ ਆਦਿ ਹਾਜ਼ਰ ਸਨ।

ਫੋਟੋ ਕੈਪਸ਼ਨ:-ਗੀਤਕਾਰ ਅਮਰੀਕ ਸਿµਘ ਤਲਵµਡੀ ਅਤੇ ਲੋਕ ਗਾਇਕ ਪਾਲੀ ਦੇਤਵਾਲੀਆਂ, ਗਾਇਕ ਬਲਵੀਰ ਸੇਰਪੁਰੀਏ ਦੇ ਨਵੇ ਗੀਤ ਦਾ ਪੋਸਟਰ ਜਾਰੀ ਕਰਦੇ ਹੋਏ।

ਕੋਠੇ ਸ਼ੇਰਜੰਗ ਦੇ ਲੋਕਾਂ ਨੇ ਅੱਜ ਕੀਤਾ ਭਾਰੀ ਇਕੱਠ ਅਤੇ     ਲਿਆ ਭੁੱਖ ਹੜਤਾਲ ਵਿਚ ਹਿੱਸਾ    

ਜਗਰਾਉਂ ,ਜਨਵਰੀ 2021 -( ਸਤਪਾਲ ਸਿੰਘ ਦੇਹਡ਼ਕਾ/ ਮਨਜਿੰਦਰ ਗਿੱਲ )- 

ਅੱਜ ਜਗਰਾਂਓ ਰੇਲ ਪਾਰਕ ਚ 101ਵੇਂ ਦਿਨ ਚ ਦਾਖਲ ਹੋਏ ਸਘੰਰਸ਼ ਮੋਰਚੇ ਚ ਪਿੰਡ ਕੋਠੇ ਸ਼ੇਰਜੰਗ ਦੇ  19 ਕਿਸਾਨ ਬਜੁਰਗਾਂ,ਨੋਜਵਾਨਾਂ, ਬੱਚਿਆਂ ਨੇ ਭਾਗ ਲਿਆ।  ਕੁਲਦੀਪ ਸਿੰਘ ਤੂਰ ਸਰਪੰਚ ਦੀ ਅਗਵਾਈ ਚ ਕਰਮ ਸਿੰਘ ਤੂਰ, ਬਚਿੱਤਰ ਸਿੰਘ ਬੂਟਰ, ਅਜਾਇਬ ਸਿੰਘ, ਗੁਰਦੀਪ ਸਿੰਘ ਬੁੱਟਰ ,ਬਲਜਿੰਦਰ ਸਿੰਘ ਗਰੇਵਾਲ, ਭਰਪੂਰ ਸਿੰਘ ਤੂਰ,ਸ਼ਪਿੰਦਰ ਸਿੰਘ ਗਰਚਾ,ਅਜੀਤ ਸਿੰਘ, ਦਮਨਪ੍ਰੀਤ ਸਿੰਘ ਗਰੇਵਾਲ, ਗੁਰਸ਼ਰਨ ਸਿੰਘ ਬੁੱਟਰ, ਗਿਆਨੀ ਗੁਰਮੇਲ ਸਿੰਘ, ਜਸਮੇਲ ਸਿੰਘ ਤੂਰ, ਬਲਵੀਰ ਸਿੰਘ ਮੈਂਬਰ,ਗੁਰਪ੍ਰੀਤ ਸਿੰਘ ਬੁੱਟਰ, ਰਾਹੁਲ ਕੁਮਾਰ, ਜਗਵੀਰ ਸਿੰਘ ,ਚਿਰਾਗ ਸਿੰਘ, ਜਸਵੰਤ ਸਿੰਘ ਸ਼ਾਮਲ ਸਨ।ਇਸ ਸਮੇਂ ਬੋਲਦਿਆਂ ਕਿਸਾਨ ਆਗੂ ਹਰਚੰਦ ਸਿੰਘ ਢੋਲਣ, ਜਗਦੀਪ ਸਿੰਘ ਮਲਕ ,ਮਜਦੂਰ ਆਗੂ ਕੰਵਲਜੀਤ ਖੰਨਾ,ਹਰਬੰਸ ਸਿੰਘ ਅਖਾੜਾ, ਧਰਮ ਸਿੰਘ ਸੂਜਾਪੁਰ, ਹਰਭਜਨ ਸਿੰਘ ਦੌਧਰ, ਮੱਘਰ ਸਿੰਘ ਢੋਲਣ, ਰਮਿੰਦਰ ਜੀਤ ਸਿੰਘ ਸਾਬਕਾ ਇੰਸਪੈਕਟਰ ਪੁਲਸ, ਸਾਬਕਾ ਸਰਪੰਚ ਬਲੋਰ ਸਿੰਘ ਭੰਮੀਪੁਰਾ ਨੇ ਸੰਬੋਧਨ ਕਰਦਿਆ ਕਿਹਾ ਕਿ ਬੀਤੇ ਦਿਨੀਂ ਦਿੱਲੀ ਦੀਆਂ ਸੜਕਾਂ ਤੇ ਅੱਠ ਹਜਾਰ ਟਰੈਕਟਰਾਂ ਦੀ ਪਰੇਡ ਨੇ ਭਾਜਪਾ ਸਰਕਾਰ ਧੁਰ ਅੰਦਰ ਤੱਕ ਹਿਲਾ ਦਿੱਤਾ ਹੈ।ਇਸੇ ਕਾਰਨ ਹੁਣ ਸਰਕਾਰ ਦੇ ਫੀਲੇ ਅਵਾ ਤਵਾ ਬੋਲ ਰਹੇ ਹਨ। ਉਨਾਂ ਕਿਹਾ ਕਿ ਮੰਗਾਂ ਨਾ ਮੰਨਣ ਦੀ ਸੂਰਤ ਚ 26 ਜਨਵਰੀ ਨੂੰ ਦਿੱਲੀ ਲੱਖਾਂ ਟਰੈਕਟਰ ਪਰੇਡ ਕਰਕੇ ਹਕੂਮਤ ਨੂੰ ਇਕ ਵੇਰ ਫੇਰ ਹਿਲਾਉਣਗੇ।ਇਸ ਸਮੇਂ ਮਲਕੀਤ ਸਿੰਘ ਚੈਅਰਮੈਨ ਰੂਮੀ,ਸਮਸ਼ੇਰ ਸਿੰਘ ਮਲਕ, ਮਦਨ ਸਿੰਘ ਆਦਿ ਹਾਜ਼ਰ ਸਨ।