ਲੁਧਿਆਣਾ

ਮੁੱਲਾਂਪੁਰ ਦਾਖਾ 4 ਅਗਸਤ  (ਸਤਵਿੰਦਰ ਸਿੰਘ ਗਿੱਲ) ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਵਲੋ ਪਿੰਡ ਸੋਹੀਆ ਵਿਖੇ ਮਨਦੀਪ ਕੌਰ ਤੇ ਬਲਜੀਤ ਕੌਰ ਦੀ ਪ੍ਰਧਾਨਗੀ ਵਿੱਚ 
ਮੀਟਿੰਗ ਹੋਈ। 
ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਦੇ ਆਗੂ ਪ੍ਰਕਾਸ਼ ਸਿੰਘ ਹਿੱਸੋਵਾਲ ਤੇ ਚਰਨਜੀਤ ਸਿੰਘ ਹਿਮਾਯੂੰਪੁਰਾ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪਿੰਡਾਂ ਅੰਦਰ ਸਿਆਸੀ ਪਾਰਟੀ ਨਾਲ ਸਬੰਧਤ ਕੁਝ ਵਲੰਟੀਅਰਾਂ ਵੱਲੋਂ ਪਿੰਡਾ ਵਿੱਚ ਮਜਦੂਰਾ ਤੇ ਮੇਟਾਂ ਨੂੰ ਅਪਣੇ ਗੈਰ ਕਾਨੂੰਨੀ ਢੰਗ ਨਾਲ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।ਪਿੰਡ ਦੇ ਕੰਮ ਕਰਨ ਮਜਦੂਰਾਂ ਦੇ ਮਸਰੋਲ ਆਉਣ ਤੇ ਵੀ ਕੰਮ ਨਹੀ ਚਲਾਇਆ ਜਾ ਰਿਹਾ। ਮੇਟਾਂ ਨੂੰ ਜਬਰੀ ਹਟਾਉਣ ਲਈ  ਪ੍ਰਸਾਸਨ ਅਧਿਕਾਰੀਆ ਤੇ ਰਾਜਨੀਤਕ ਦਬਾਅ ਪਾਇਆ ਜਾ ਰਿਹਾ ਹੈ।  ਨਾ ਤਾ ਕੋਈ ਪਿਡਾ ਵਿੱਚ ਮੇਟਾਂ ਨੂੰ ਹਟਾਉਣ ਜਾ ਰੱਖਣ ਲਈ  ਆਮ ਇਜਲਾਸ ਕੀਤਾ ਜਾ ਰਿਹਾ ਹੈ ਨਾ ਮਜਦੂਰਾਂ ਦੀ ਸਹਿਮਤੀ ਲਈ  ਜਾ ਰਹੀ ਹੈ ।ਇਹ  ਸਭ ਕੁੱਝ ਰਾਜਨੀਤਕ ਧੱਕਾ ਕੀਤਾ ਜਾ ਰਿਹਾ ਹੈ। ਇਹ ਸਭ ਕੁੱਝ ਮਨਰੇਗਾ ਐਕਟ 2005  ਕਾਨੂੰਨ ਦੀਆਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਰਹੀਆਂ ।
ਉਹਨਾਂ ਨੇ ਦੱਸਿਆ ਕਿ ਜੇਕਰ ਪੰਜਾਬ ਅੰਦਰ ਮੇਟਾਂ ਨੂੰ ਜਬਰੀ ਹਟਾਉਣਾ ਬੰਦ ਨਾ ਕੀਤਾ ਤੇ ਮਨਰੇਗਾ ਦੇ ਕੰਮਾ ਵਿਚ ਸਿਆਸੀ ਦਖਲਅੰਦਾਜ਼ੀ  ਬੰਦ ਨਾ ਕੀਤੀ ਗਈ। ਮਨਰੇਗਾ ਮਜਦੂਰਾਂ ਨੂੰ ਕੰਮ ਨਾ ਦਿੱਤਾ ਗਿਆ,  ਕੀਤੇ ਕੰਮ ਦੀ ਪਮਾਇਸ ਬੰਦ ਨਾ ਕੀਤੀ ਗਈ, ਸੜਕਾਂ ਦੀਆ ਬਰਮਾਂ ਦਾ ਕੰਮ ਜਲਦੀ ਚਾਲੂ ਨਾ ਕੀਤਾ ਤੇ ਕੰਮ ਕਰਦੇ ਮਜਦੂਰਾਂ ਦੀ ਹਾਜਰੀ ਪਹਿਲਾਂ ਦੀ ਤਰਾਂ ਕੰਮ ਕਰਨ ਵਾਲੀ ਥਾਂ 'ਤੇ ਹੀ ਹਾਜ਼ਰੀ ਲਵਾਈ ਜਾਵੇ। ਲੋਕੇਸਂਨ ਮੁਤਾਬਿਕ ਹਾਜ਼ਰੀ ਲਗਾਉਣੀ ਬੰਦ ਕੀਤੀ ਜਾਵੇ । ਜੇਕਰ ਇਹਨਾਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਵਲੋਂ ਪੰਜਾਬ ਸਰਕਾਰ ਤੇ ਪ੍ਰਸ਼ਾਸਨ ਖਿਲਾਫ ਸੰਘਰਸ਼ ਤੇਜ਼ ਕੀਤਾ ਜਾਵੇਗਾ ਜਿਸ ਦੀ ਜਿੰਮੇਵਾਰੀ ਪ੍ਰਸ਼ਾਸਨ ਤੇ ਪੰਜਾਬ ਸਰਕਾਰ ਦੀ ਹੋਵੇਗੀ। 
ਇਸ ਮੋਕੇ ਪ੍ਰਮਿੰਦਰ ਕੁਮਾਰ, ਬਲਵੀਰ ਸਿੰਘ ਹੇਰਾਂ, ਬੰਤ ਸਿੰਘ ਐਤੀਆਣਾ, ਗੁਰਪ੍ਰੀਤ ਸਿੰਘ ਮੇਟ ਕੁਲਦੀਪ ਕੌਰ, ਪਰਮਜੀਤ ਕੌਰ ਸਾਰੇ ਸੂਹੀਆ ਹਾਜਰ ਸਨ।

ਜਗਰਾਉ/ ਸਿੱਧਵਾਂ ਬੇਟ ( ਡਾ.ਮਨਜੀਤ ਸਿੰਘ ਲੀਲਾਂ )ਪ੍ਰੈੱਸ ਨੂੰ ਬਿਆਨ ਜਾਰੀ ਕਰਦਿਆ ਪ੍ਰਦੂਸ਼ਿਤ (ਕੈਂਸਰ)ਗੈਸ ਫੈਕਟਰੀ  ਵਿਰੋਧੀ ਸ਼ੰਘਰਸ਼ ਕਮੇਟੀ ਭੂੰੰਦੜੀ ਦੇ ਬੁਲਾਰਿਆ ਸੁਰਜੀਤ ਸਿੰਘ ਸਾ.ਚੈਅਰਮੈਨ, ਦਲਜੀਤ ਸਿੰਘ ਤੂਰ,ਸੂਬੇਦਾਰ ਕਾਲਾ ਸਿੰਘ,ਜਗਰਾਜ ਸਿੰਘ ਦਿਉਲ,ਕੋਮਲਜੀਤ ਸਿੰਘ,ਮਨਜਿੰਦਰ ਸਿੰਘ ਖੇੜੀ,ਜਸਵਿੰਦਰ ਸਿੰਘ ਲਤਾਲਾ,ਮਲਕੀਤ ਸਿੰਘ ਚੀਮਨਾ,ਗੁਰਮੇਲ ਸਿੰਘ ਸਨੇਤ,ਹਰਪ੍ਰੀਤ ਸਿੰਘ ਹੈਪੀ,ਜਸਵੀਰ ਸਿੰਘ ਸੀਰਾ,ਛਿੰਦਰਪਾਲ ਸਿੰਘ,ਬਗਾ ਸਿੰਘ ਰਾਣਕੇ,ਕਸਮੀਰ ਸਿੰਘ ਰਾਮਪੁਰਾ,ਜੇਠਾ ਸਿੰਘ ਤਲਵੰਡੀ ਨੌਆਬਾਦ,ਮਹਿੰਦਰ ਸਿੰਘ ਖੁਦਾਈ ਚੱਕ,ਕਰਨੈਲ ਸਿੰਘ ਰਾਮਪੁਰ,ਨੇ ਕਿਹਾ ਕਿ ਅਜ ਪਕਾ ਧਰਨਾ 4ਮਹੀਨੇ 7ਦਿਨ ਚ ਸ਼ਾਮਲ ਹੋ ਗਿਆ  ਹੈ। ਪਿਛਲੇ ਦਿਨੀ ਪੰਜਾਬ ਸਰਕਾਰ ਦੇ ਪਿੰਰਸੀਪਲ ਸੈਕਟਰੀ ਵੀ.ਕੇ.ਸਿੰਘ ਨੇ ਸਾਰੀ ਵਿਚਾਰ ਚਰਚਾ ਤੋ ਬਾਅਦ ਭਰੋਸਾ ਦਿਵਾਇਆ ਸੀ ਲੋਕਾ ਦੀ ਸੇਹਤ ਖਰਾਬ ਕਰਨ ਵਾਲੀ ਫੈਕਟਰੀ ਨਹੀ ਲਾਈ ਜਾਵੇਗੀ। ਇਸ ਤੋ ਬਾਅਦ ਉਘੇ ਵਿਗਿਆਨੀ ਡਾ.ਬਲਵਿੰਦਰ ਸਿੰਘ ਔਲਖ ਨੇ ਕਿਹਾ ਕਿ ਜੋ ਇਹ ਬਾਇਉ ਗੈਸ ਫੈਕਟਰੀ ਲਗ ਰਹੀ ਹੈ  ਇਸ ਚੋ ਨਿਕਲਣ ਵਾਲੀਆ ਜਹਿਰੀਲੀਆ ਗੈਸਾ ਤੇ ਜਹਿਰੀਲੇ ਤਤ ਪਾਣੀ ਨੂੰ ਦੂਸ਼ਿਤ ਕਰਕੇ ਜਹਿਰੀਲਾ ਕਰਨਗੇ।  ਉਹਨਾ ਕੇਦਰ ਸਰਕਾਰ ਤੇ ਪੰਜਾਬ ਸਰਕਾਰ ਨੂੰ ਵਿਗਿਆਨਕ ਆਧਾਰ ਤੇ ਚੈਲਿੰਜ ਕੀਤਾ ਕਿ ਆਪਣੇ ਇਕਸਪਰਟ ਮੇਰੀ ਧਾਰਨਾ ਨੂੰ  ਰਦ ਕਰਕੇ ਦਿਖਾਉਣ।  ਉਹਨਾ ਵਿਸਥਾਰਪੂਰਵਕ ਦੱਸਿਆ ਕਿ ਕਿਵੇ ਫੈਕਟਰੀ ਚ ਪੈਣ ਵਾਲੇ  ਵੈਸਟਜ, ਮੀਥੇਨ,ਮੋਨੋਆਕਸਾਈਡ ,ਅਮੋਨੀਆ ਵਰਗੀਆਂ ਜਹਿਰੀਲੀਆ ਗੈਸਾ ਪੈਦਾ ਕਰਨਗੇ। ਸੁਖਦੇਵ ਸਿੰਘ ਭੂੰਦੜੀ ਨੇ ਡਾ.ਔਲਖ ਦਾ ਉਹਨਾ ਵਲੋ ਪੇਸ਼ ਕੀਤਾ  ਵਿਗਿਆਨਕ ਆਧਾਰ ਤੇ ਦਾਅਵੇ ਵਾਰੇ ਧੰਨਵਾਦ ਕੀਤਾ।ਜਿਸ ਨਾਲ ਲੋਕਾ ਅੰਦਰ ਗਿਆਨ ਦੀ ਜੋਤ ਜਗੀ ਹੈ।ਉਹਨਾ ਨੇ ਫੈਕਟਰੀਆ ਦੇ ਮਾਲਕਾ ਦੀ ਇਸ ਗਲੋ ਨਿਖੇਧੀ ਕੀਤੀ ਕੀਤੀ ਕਿ ਉਹ ਲੋਕ ਰਾਏ ਦੀ ਪ੍ਰਵਾਹ ਨਾ ਕਰਦੇ ਹੋਏ ਕਾਨੂੰਨਾ ਰਾਹੀ ਝੂਠੇ ਦਾਅਵੇ ਪੇਸ਼ ਕਰਕੇ ਖਜਲ.ਖਰਾਬ ਕਰ ਰਹੇ ਹਨ। ਇਸ ਤੋ ਬਾਅਦ ਛੋਟੀ ਬੇਟੀ ਮੰਨਤ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ। ਜਗਤਾਰ ਸਿੰਘ ਮਾੜਾ ਨੇ ਵੀ ਕਿਹਾ ਕਿ ਸਰਕਾਰ ਜਲਦੀ ਤੋ ਜਲਦੀ ਇਹ ਮਸਲਾ ਹਲ ਕਰੇ। ਬੀ.ਕੇ.ਯੂ. ਉਗਰਾਹਾ ਦੇ ਜਸਵੰਤ ਸਿੰਘ ਭਟੀਆ ਨੇ ਮੋਰਚੇ ਨੂੰ ਪੂਰਨ ਹਮਾਇਤ ਦਾ ਭਰੋਸਾ ਦਿਤਾ। ਬੀਬੀ ਸੁਰਿੰਦਰ ਕੌਰ ਨੇ ਕਿਹਾ ਸਾਨੂੰ.ਹੌਸਲਾ ਬੁਲੰਦ ਰਖਣਾ ਚਾਹੀਦਾ ਹੈ ਤੇ ਬੀਬੀਆ ਨੂੰ ਵਡੀ ਗਿਣਤੀ ਚ ਆੳਣਾ ਚਾਹੀਦਾ ਹੈ। ਮੇਵਾ ਸਿੰਘ ਅਨਜਾਣ ਤੇ ਰਾਮ ਸਿੰਘ ਹਠੂਰ ਨੇ ਆਪਣੇ ਲੋਕ ਪੱਖੀ ਗੀਤ ਗਾਏ। ਚਾਹ ਪਾਣੀ ਦੇ  ਲੰਗਰ ਦੀ ਸੇਵਾ ਜਗਮੋਹਨ ਸਿੰਘ ਗਿਲ,ਮਨਮੋਹਨ ਸਿੰਘ ਗਿਲ,ਰਛਪਾਲ ਸਿੰਘ ਤੂਰ,ਬਲਦੇਵ ਸਿੰਘ ਲਤਾਲਾ  ਤੇ ਸਨਦੀਪ ਸਿੰਘ ਭੰਗੂ ਨੇ ਵਧੀਆ ਨਿਭਾਈ । ਸਟੇਜ ਸਕੱਤਰ ਦੀ ਡਿਊਟੀ ਭਿੰਦਰ ਸਿੰਘ ਭਿੰਦੀ ਨੇ ਖੂਬ ਨਿਭਾਈ।

ਗੁਰਦੁਆਰਾ ਜੋਤੀ ਸਰੂਪ ਸਾਹਿਬ (ਸ਼੍ਰੀ ਫਤਿਹਗੜ੍ਹ ਸਾਹਿਬ ਵਿਖੇ) ਭਾਈ ਜਸਪ੍ਰੀਤ ਸਿੰਘ ਜੀ ਜਮਾਲਪੁਰ, ਲੁਧਿਆਣਾ ਵਾਲੇ ਗੁਰਬਾਣੀ ਦੇ ਰਸ-ਭਿੰਨੇ ਕੀਰਤਨ ਦੁਆਰਾ ਸੰਗਤਾਂ ਨੂੰ ਨਿਹਾਲ ਕਰਦੇ ਹੋਏ ।

    ( ਫੋਟੋ ਤੇ ਵੇਰਵਾ : ਕਰਨੈਲ ਸਿੰਘ ਐੱਮ.ਏ. ਲੁਧਿਆਣਾ)

ਲੁਧਿਆਣਾ 30 ਜੂਨ (ਕਰਨੈਲ ਸਿੰਘ ਐੱਮ.ਏ.)  ਸਥਾਨਕ ਅਗਰ ਨਗਰ ਮੰਡਲ ਦੇ ਬਿਜਲੀ ਘਰ ਵਿੱਚ ਬਤੌਰ ਜੇ.ਈ. ਸੇਵਾ ਨਿਭਾਹ ਰਹੇ ਰਾਜਿੰਦਰ ਸਿੰਘ ਨੂੰ ਉਹਨਾਂ ਦੀਆਂ ਧਾਰਮਿਕ ਅਤੇ ਸਮਾਜਿਕ ਸੇਵਾਵਾਂ ਬਦਲੇ ਅੱਜ ਪੀਪਲਜ਼ ਵੈਲਫ਼ੇਅਰ ਕੌਂਸਿਲ ਵੱਲੋਂ ਉਹਨਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਬੋਲਦਿਆਂ ਪ੍ਰਧਾਨ ਗੁਰਦੀਪ ਸਿੰਘ ਰੰਧਾਵਾ ਨੇ ਕਿਹਾ ਕਿ ਰਾਜਿੰਦਰ ਸਿੰਘ ਵਰਗੇ ਇਨਸਾਨ ਬਹੁਤ ਘੱਟ ਦੇਖਣ ਨੂੰ ਮਿਲਦੇ ਹਨ ਜੋ ਆਪਣੀ ਡਿਊਟੀ ਦੇ ਨਾਲ-ਨਾਲ ਧਾਰਮਿਕ ਅਤੇ ਸਮਾਜਿਕ ਕਾਰਜਾਂ ਪ੍ਰਤੀ ਪੂਰੀ ਤਰਾਂ ਸਮਰਪਿਤ ਰਹਿੰਦੇ ਹਨ, ਰੰਧਾਵਾ ਨੇ ਕਿਹਾ ਕਿ ਕੌਂਸਿਲ ਅਜਿਹੇ ਇਨਸਾਨ ਨੂੰ ਸਨਮਾਨਿਤ ਕਰ ਕੇ ਮਾਣ ਮਹਿਸੂਸ ਕਰਦੀ ਹੈ । ਇਸ ਮੌਕੇ ਜੇ.ਈ. ਰਾਜਿੰਦਰ ਸਿੰਘ ਨੇ ਕਿਹਾ ਕਿ ਉਹਨਾਂ ਦਾ ਧਾਰਮਿਕ ਅਤੇ ਸਮਾਜਿਕ ਕਾਰਜ ਕਰਨੇ ਇੱਕ ਫਰਜ਼ ਹੈ ਜਿਸ ਨੂੰ ਉਹ ਨਿਭਾਹ ਰਹੇ ਹਨ , ਉਹਨਾਂ ਨੇ ਪੀਪਲਜ਼ ਵੈਲਫ਼ੇਅਰ ਕੌਂਸਿਲ ਦਾ ਉਹਨਾਂ ਨੂੰ ਸਨਮਾਨਿਤ ਕਰਨ ਤੇ ਧੰਨਵਾਦ ਕੀਤਾ ਅਤੇ ਆਪਣਾ ਸੰਕਲਪ ਦੁਹਰਾਇਆ ਕਿ ਉਹ ਹਮੇਸ਼ਾਂ ਲੋਕ ਭਲਾਈ ਅਤੇ ਧਾਰਮਿਕ ਕਾਰਜਾਂ ਨੂੰ ਕਰਦੇ ਰਹਿਣਗੇ । ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮਨਜੀਤ ਸਿੰਘ ਸਿਆਲਕੋਟੀ, ਜਥੇਦਾਰ ਜਸਬੀਰ ਸਿੰਘ ਡੋਗਰਾ, ਹਰਜੀਤ ਸਿੰਘ ਮਰਵਾਹਾ,  ਜਥੇਦਾਰ ਦਵਿੰਦਰ ਸਿੰਘ ਟਾਂਕ, ਮਿਲਖਾ ਸਿੰਘ ਡੋਗਰਾ, ਮਨਪ੍ਰੀਤ ਸਿੰਘ ਫਰਵਾਲ਼ੀ  ,  ਪਰਮਿੰਦਰ ਸਿੰਘ ਨਾਰੰਗ, ਡਾ: ਰਾਮ ਸਲੇਮਟਾਬਰੀ, ਕੁੰਵਰ ਪ੍ਰਤਾਪ ਸਿੰਘ ਰੰਧਾਵਾ ਆਦਿ ਹਾਜ਼ਰ ਸਨ    |  
ਫੋਟੋ ਕੈਪਸ਼ਨ   :   ਪੀਪਲਜ਼ ਵੈਲਫ਼ੇਅਰ ਕੌਂਸਿਲ ਵਲੋਂ ਜੇ ਈ ਰਾਜਿੰਦਰ ਸਿੰਘ ਨੂੰ ਸਨਮਾਨਿਤ ਕਰਦੇ ਪ੍ਰਧਾਨ ਗੁਰਦੀਪ ਸਿੰਘ ਰੰਧਾਵਾ ਅਤੇ ਹੋਰ ਅਹੁਦੇਦਾਰ  |