ਲੁਧਿਆਣਾ

ਜਗਰਾਉਂ(ਰਾਣਾ ਸ਼ੇਖਦੌਲਤ) ਕਰਫਿਊ ਦੌਰਾਨ ਵਾਰ ਵਾਰ ਚੇਤਾਵਨੀ ਦੇਣ ਦੇ ਬਾਅਦ ਅੱਜ ਐਸ. ਐਚ. ਓ ਸਿਟੀ ਜਗਜੀਤ ਸਿੰਘ ਨੇ ਸਖਤ ਕਦਮ ਉਠਾਏ ਉਨ੍ਹਾਂ ਨੇ ਜਗਰਾਉਂ ਸਬਜ਼ੀ ਮੰਡੀ ਦੇ 5 ਆੜ੍ਹਤੀਆਂ ਖਿਲਾਫ ਮੁਕੱਦਮਾ ਦਰਜ ਕਰ ਦਿੱਤਾ ਪ੍ਰਾਪਤ ਜਾਣਕਾਰੀ ਅਨੁਸਾਰ ਆੜਤੀਆਂ ਪਰਮਜੀਤ ਸਿੰਘ ਪੁੱਤਰ ਸੁੰਦਰ ਸਿੰਘ ਮਨਪ੍ਰੀਤ ਸਿੰਘ ਪੁੱਤਰ ਪਰਮਜੀਤ ਸਿੰਘ ਵਾਸੀ ਅਗਵਾੜ ਲਧਾਈ,ਨਰਿੰਦਰਪਾਲ ਸਿੰਘ ਪੁੱਤਰ ਜਵਾਲਾ ਸਿੰਘ ਗੁਰੂ ਤੇਗ ਬਹਾਦਰ ਨਗਰ,ਅਮਨਦੀਪ ਸਿੰਘ ਪੁੱਤਰ ਗੁਰਵਿੰਦਰ ਸਿੰਘ ਵਾਸੀ ਢਿੱਲੋਂ ਕਾਲੋਨੀ,ਮਨਪ੍ਰੀਤ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਜਗਰਾਉਂ ਇਨ੍ਹਾਂ ਸਾਰਿਆਂ ਦੇ ਖਿਲਾਫ਼ ਕਰਫਿਊ ਦੀ ਉਲੰਘਣਾ ਕਰਨਾ ਅਤੇ ਉੱਚੀ ਉੱਚੀ ਆਵਾਜ਼ਾਂ ਲਗਾਉਣ ਕਰਕੇ ਧਾਰਾ 188,270 ਦਾ ਪਰਚਾ ਦਰਜ਼ ਕਰ ਦਿੱਤਾ ਐਸ. ਐਚ.ਓ ਜਗਜੀਤ ਸਿੰਘ ਨੇ ਦੱਸਿਆ ਕਿ ਕਰੋਨਾ ਵਾਇਰਸ ਕਰਕੇ ਪੰਜਾਬ ਵਿੱਚ ਕਰਫਿਊ ਲੱਗਾ ਹੋਇਆ ਹੈ ਪਰ ਦੁਕਾਨਦਾਰਾਂ ਨੇ ਕਾਲਾਂ ਬਜ਼ਾਰੀ ਦਾ ਧੰਦਾ ਕਰਕੇ ਬਿਨ੍ਹਾਂ ਆਗਿਆ ਤੋਂ ਦੁਕਾਨਾਂ ਖੋਲ ਕੇ ਦਿੱਤੇ ਹੋਏ ਟਾਈਮ ਤੋਂ ਬਾਅਦ ਚੀਜ਼ਾਂ ਨੂੰ ਮਹਿੰਗੇ ਰੇਟਾਂ ਤੇ ਵੇਚਦੇ ਹਨ ਇਨ੍ਹਾਂ ਦੇ ਨੱਥ ਪਾਉਣੀ ਜਾਰੂਰੀ ਹੋ ਗਈ ਸੀ ਇਹ ਆਵਾਜਾਂ ਮਾਰ ਮਾਰ ਕੇ ਆਪਣੀਆਂ ਦੁਕਾਨਾਂ ਤੇ ਲੋਕਾਂ ਨੂੰ ਇੱਕਠੇ ਕਰਦੇ ਹਨ ਜਦੋਂ ਕਿ ਪੰਜਾਬ ਲੌਕਡਾਉਨ ਹੋਣ ਦੇ ਬਾਵਜੂਦ144 ਲੱਗੀ ਹੋਈ ਹੈ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਗਾਲਿਬ ਕਲਾਂ ਵਿਖੇ ਕੋਰੋਨਾ ਵਾਇਰਸ ਕਾਰਨ ਘਰਾਂ ਵਿੱਚ ਰਹਿ ਰਹੇ ਲੋੜਵੰਦ ਪਰਿਵਾਰਾਂ ਨੂੰ ਮੈਡਮ ਛਿੰਦਰਪਾਲ ਕੌਰ ਗਾਲਿਬ ਕਲਾਂ ਵਲੋ ਕਈ ਪਰਿਵਾਰਾਂ ਨੂੰ ਰਾਸ਼ਨ ਦਿੱਤਾ ਗਿਆ।ਇਸ ਸਮੇ ਉਨ੍ਹਾਂ ਕਿਹਾ ਕਿ ਸਾਨੂੰ ਹਮੇਸ਼ਾਂ ਹੀ ਸਮਾਜ ਭਾਲਈ ਦੇ ਕੰਮਾਂ ਵਿਚ ਵਧ-ਚੜ ਕੇ ਯੋਗਦਾਨ ਪਾਉਣ ਚਾਹੀਦਾ ਹੈ ਤੇ ਅੱਜ ਮੁਸ਼ਕਿਲ ਦੀ ਘੜੀ ਵਿਚ ਲੋਵਵੰਦ ਪਰਿਵਾਰਾਂ ਦੀ ਮਦਦ ਲਈ ਅੱਗੇ ਆਏ।ਇਸ ਸਮੇ ਮੈਡਮ ਨੇ ਕਿਹਾ ਕਿ ਸਾਰਿਆਂ ਨੂੰ ਆਪਣੇ ਆਪਣੇ ਘਰਾਂ 'ਚ ਬਣੇ ਰਹਿਣ ਲਈ ਪੇ੍ਰਰਿਤ ਕੀਤਾ ਅਤੇ ਉਨ੍ਹਾਂ ਦੇ ਤੰਦਰੁਸਤ ਰਹਿਣ ਦੀ ਪੀ ਕਾਮਨਾ ਕੀਤੀ

ਹਸਪਤਾਲ ‘ਚ ਦਾਖਲ ਜਖਮੀ ਪਸੂਆਂ ਲਈ ਤੂੜੀ ਚਾਰੇ ਦਵਾਈਆਂ ਤੇ ਹਸਪਤਾਲ ਦੇ ਸੇਵਾਦਾਰਾ ਨੂੰ ਤਨਖਾਹ ਦੇਣ ਦੇ ਵੀ ਪਈ ਭਾਰੀ ਕਿੱਲਤ।

ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਸੰਗਤਾ ਤੋ ਸਹਿਯੋਗ ਦੀ ਕੀਤੀ ਅਪੀਲ

ਕੈਪਸਨ- ਜਾਣਕਾਰੀ ਦਿੰਦੇ ਬਾਬਾ ਹੀਰਾ ਹਸਪਤਾਲ ਦੇ ਸੇਵਾਦਾਰ ਕੁਲਵਿੰਦਰ ਸਿੰਘ।

ਕਾਉਂਕੇ ਕਲਾਂ,  ਅਪ੍ਰੈਲ 2020 ( ਜਸਵੰਤ ਸਿੰਘ ਸਹੋਤਾ)-ਵਿਸਵ ਭਰ ਵਿੱਚ ਫੈਲੀ ਮਹਾਮਾਰੀ ਕੋਰੋਨਾ ਵਾਇਰਸ ਨੇ ਪੂਰੀ ਦੁਨੀਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ ਜਿਸ ਦਾ ਅਸਰ ਸਮੁੱਚੇ ਦੇਸਾਂ ਵਿੱਚ ਵੇਖਣ ਨੂੰ ਮਿਲ ਰਿਹਾ ਹੈ।ਇਸ ਮਹਾਮਾਰੀ ਕੋਰੋਨਾ ਵਾਇਰਸ ਦੀ ਰੋਕਥਾਮ ਵਜੋ ਦੇਸ ਭਰ ਵਿੱਚ ਲੱਗੇ ਲਾਕਡਾਊਨ ਦਾ ਪਰਛਾਵਾਂ ਹੁਣ ਵਿਸਵ ਪ੍ਰਸਿੱਧ ਗੁਰਦੁਆਰਾ ਨਾਨਕਸਰ ਦੇ ਨਜਦੀਕੀ ਸਥਾਪਤ ਬਾਬਾ ਹੀਰਾਂ ਹਸਤਪਤਾਲ ਤੇ ਵੀ ਪਿਆਂ ਹੈ ਜਿਸ ਵਿੱਚ ਇਲਾਜ ਲਈ ਦਾਖਲ 140 ਦੇ ਕਰੀਬ ਜਖਮੀ ਬੇਸਹਾਰਾਂ ਗਊਆਂ ਤੇ ਹੋਰ ਜਾਨਵਰਾਂ ਲਈ ਹਰੇ ਚਾਰੇ,ਤੂੜੀ,ਦਵਾਈਆਂ ਤੇ ਹੋਰ ਲੋੜੀਂਦੇ ਸਮਾਨ ਸਮੇਤ ਹਸਪਤਾਲ ਦੇ ਸੇਵਾਦਾਰਾਂ ਨੂੰ ਉਨਾ ਦੀ ਤਨਖਾਹ ਦੇਣ ਦੀ ਵੀ ਭਾਰੀ ਕਿੱਲਤ ਸਾਹਮਣੇ ਆਈ ਹੈ।ਲਾਕਡਾਊਨ ਕਾਰਨ ਲੋਕ ਜਿਆਦਾ ਸਮਾਂ ਆਪਣੇ ਘਰਾਂ ਵਿੱਚ ਹੀ ਬਤੀਤ ਕਰ ਰਹੇ ਹਨ ਜਿਸ ਨਾਲ ਮਾੜੀ- ਮੋਟੀ ਹਸਪਤਾਲ ਵਿੱਚ ਜਖਮੀ ਬੇਸਹਾਰਾ ਗਊਆਂ ਦੀ ਸੇਵਾ ਲਈ ਆਉਣ ਵਾਲੀ ਮੱਦਦ ਵੀ ਬੰਦ ਹੋ ਗਈ ਹੈ।ਬਾਬਾ ਹੀਰਾ ਹਸਪਤਾਲ ਵਿੱਚ ਪੰਜਾਬ ਭਰ ਵਿੱਚੋ ਮਿਲਣ ਵਾਲੇ ਜਖਮੀ ਬੇਸਹਾਰਾਂ ਗਊਆਂ ਤੇ ਹੋਰਨਾਂ ਜਖਮੀ ਜੀਵਾਂ ਦਾ ਵੱਖ ਵੱਖ ਦਾਨੀ ਵੀਰਾਂ ਤੇ ਸੰਗਤਾਂ ਦੇ ਸਹਿਯੋਗ ਨਾਲ ਇਲਾਜ ਕੀਤਾ ਜਾਂਦਾ ਹੈ ਜਿਸ ਵਿੱਚ 34 ਤੋ ਵੱਧ ਸੇਵਾਦਾਰ ਤੇ ਮੁਲਾਜਮ ਆਪਣੀ ਆਪਣੀ ਬਣਦੀ ਡਿਉਟੀ ਨਿਭਾ ਰਹੇ ਹਨ ਤੇ ਹਸਪਤਾਲ ਵਿੱਚ ਜਖਮੀ ਬੇਸਹਾਰਾਂ ਗਊਆਂ ਨੂੰ ਲਿਆਉਣ ਲਈ ਐਂਬੂਲੈਂਸ ਦਾ ਪ੍ਰਬੰਧ ਕੀਤਾ ਗਿਆਂ ਹੈ।ਹਸਪਤਾਲ ਦੇ ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਹਸਪਤਾਲ ਦੀਆਂ ਮੁਢਲੀਆਂ ਜਰੂਰਤਾਂ ਲਾਕਡਾਉਨ ਕਾਰਨ ਬੁਰੀ ਤਰਾਂ ਪ੍ਰਭਾਵਿਤ ਹੋ ਗਈਆਂ ਹਨ ਤੇ ਅੱਜ ਦਾ ਆਲਮ ਇਹ ਹੈ ਕਿ ਆਰਥਿਕ ਸਹਾਇਤਾ ਨਾ ਮਿਲਣ ਕਾਰਨ ਹਸਪਤਾਲ ਦੇ 34 ਸੇਵਾਦਾਰਾਂ ਤੇ ਮੁਲਾਜਮਾ ਨੂੰ ਤਨਖਾਹ ਦੇਣ ਦੀ ਵੀ ਭਾਰੀ ਕਿੱਲਤ ਆ ਰਹੀ ਹੈ।ਉਨਾ ਕਿਹਾ ਕਿ ਪਹਿਲਾ ਦਾਨੀ ਵੀਰ ਹਸਪਤਾਲ ਵਿੱਚ ਤੂੜੀ ਹਰਾ ਚਾਰਾ ਤੇ ਹੋਰ ਆਪਣੀ ਸਰਧਾ ਮੁਤਾਬਿਕ ਸੇਵਾ ਇੰਨਾ ਬੇਸਹਾਰਾ ਜੀਵਾਂ ਲਈ ਦਾਨ ਵਜੋ ਦੇ ਜਾਂਦੇ ਸਨ ਪਰ ਹੁਣ ਤਾਂ ਹਸਪਤਾਲ ਦਾ ਬੀਜਿਆਂ ਹਰਾ ਚਾਰਾ ਤੇ ਤੂੜੀ ਵੀ ਖਤਮ ਹੋ ਗਈ ਹੈ ਜਿਸ ਕਾਰਨ ਇੰਨਾ ਬੇਸਹਾਰਾਂ ਜੀਵਾਂ ਲਈ ਰਾਹਤ ਦੇ ਸਾਰੇ ਵਸੀਲੇ ਬੰਦ ਹੋ ਗਏ ਹਨ ਤੇ ਭੁੱਖ ਪਿਆਸ ਨਾਲ ਇੰਨਾ ਜੀਵਾਂ ਦਾ ਮੰਦਾ ਹਾਲ ਹੈ।ਉਨਾ ਵੱਖ ਵੱਖ ਸਮਾਜ ਸੇਵੀ ਸੰਸਥਾਵਾਂ ਤੇ ਦਾਨੀ ਵੀਰਾਂ ਤੋ ਮੰਗ ਕੀਤੀ ਕਿ ਉਹ ਜਖਮੀ ਬੇਸਹਾਰਾਂ ਜੀਵਾਂ ਦੇ ਦਰਦ ਨੂੰ ਸਮਝਦਿਆਂ ਵੱਧ ਵੱਧ ਤੋ ਹਸਪਤਾਲ ਲਈ ਤੂੜੀ ,ਹਰਾ ਚਾਰਾ,ਲੋੜੀਦੀਆਂ ਦਵਾਈਆਂ ਤੇ ਆਰਥਿਕ ਸਹਾਇਤਾ ਦੀ ਮੱਦਦ ਕਰਨ ਨੂੰ ਤਰਜੀਹ ਦੇਣ।

ਲੋਕ ਸਭਾ ਮੈਂਬਰ, ਵਿਧਾਇਕ, ਡਿਪਟੀ ਕਮਿਸ਼ਨਰ ਅਤੇ ਹੋਰਾਂ ਦੀ ਹਾਜ਼ਰੀ ਵਿੱਚ ਮ੍ਰਿਤਕ ਦੇਹ ਦਾ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਸਸਕਾਰ

ਲੁਧਿਆਣਾ,ਅਪ੍ਰੈਲ 2020 (ਇਕਬਾਲ ਸਿੰਘ ਰਸੂਲਪੁਰ/ਸੱਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ)

ਨੋਵੇਲ ਕੋਰੋਨਾ ਵਾਇਰਸ (ਕੋਵਿਡ 19) ਕਾਰਨ ਸਦੀਵੀ ਵਿਛੋੜਾ ਦੇ ਗਏ ਪੁਲਿਸ ਅਧਿਕਾਰੀ ਸ੍ਰੀ ਅਨਿਲ ਕੋਹਲੀ ਦੀ ਆਤਮਿਕ ਸ਼ਾਂਤੀ ਦੀ ਕਾਮਨਾ ਕਰਦਿਆਂ ਲੁਧਿਆਣਾ ਪੁਲਿਸ ਦੇ ਕਮਿਸ਼ਨਰ ਰਾਕੇਸ਼ ਕੁਮਾਰ ਅਗਰਵਾਲ ਨੇ ਇਸ ਘਾਟੇ ਨੂੰ ਪੰਜਾਬ ਪੁਲਿਸ ਲਈ ਨਾ ਪੂਰਾ ਹੋਣ ਵਾਲਾ ਘਾਟਾ ਕਰਾਰ ਦਿੱਤਾ ਹੈ। ਇਸ ਦੌਰਾਨ ਸਵਰਗੀ ਅਨਿਲ ਕੋਹਲੀ ਦੀ ਮ੍ਰਿਤਕ ਦੇਹ ਦਾ ਪੂਰੇ ਸਰਕਾਰੀ ਸਨਮਾਨ ਨਾਲ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ। ਅੰਤਿਮ ਸਸਕਾਰ ਮੌਕੇ ਲੋਕ ਸਭਾ ਮੈਂਬਰ ਸ੍ਰ. ਰਵਨੀਤ ਸਿੰਘ ਬਿੱਟੂ, ਲੁਧਿਆਣਾ (ਪੂਰਬੀ) ਦੇ ਵਿਧਾਇਕ ਸੰਜੇ ਤਲਵਾੜ, ਡਿਪਟੀ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਗਰਵਾਲ ਅਤੇ ਹੋਰ ਕਈ ਅਧਿਕਾਰੀ ਅਤੇ ਮੁਲਾਜ਼ਮ ਹਾਜ਼ਰ ਸਨ। ਰਵਨੀਤ ਸਿੰਘ ਬਿੱਟੂ, ਤਲਵਾੜ ਅਤੇ ਹੋਰਾਂ ਨੇ ਕੋਹਲੀ ਦੇ ਦੇਹਾਂਤ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਕਰਾਰ ਦਿੱਤਾ। ਕੋਹਲੀ ਦੇ ਅਕਾਲ ਚਲਾਣੇ ਦੀ ਖ਼ਬਰ ਮੀਡੀਆ ਨਾਲ ਸਾਂਝੀ ਕਰਦਿਆਂ ਅਗਰਵਾਲ ਨੇ ਕਿਹਾ ਕਿ ਕੋਹਲੀ ਇੱਕ ਇਮਾਨਦਾਰ ਅਤੇ ਦ੍ਰਿੜਤਾ ਨਾਲ ਆਪਣੀ ਡਿਊਟੀ ਨਿਭਾਉਣ ਵਾਲੇ ਅਧਿਕਾਰੀ ਵਜੋਂ ਜਾਣੇ ਜਾਂਦੇ ਸਨ। ਇਸ ਬਿਮਾਰੀ ਦੇ ਚੱਲਦਿਆਂ ਉਨਾਂ ਨੂੰ ਜੋ ਵੀ ਡਿਊਟੀ ਸੌਂਪੀ ਗਈ, ਉਹ ਉਨਾਂ ਪੂਰੀ ਸ਼ਿੱਦਤ ਨਾਲ ਪੂਰੀ ਕੀਤੀ। ਉਨਾਂ ਲੁਧਿਆਣਾ ਪੁਲਿਸ ਦੇ ਸਮੂਹ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਨੂੰ ਅਪੀਲ ਕੀਤੀ ਕਿ ਉਹ ਸ੍ਰੀ ਕੋਹਲੀ ਦੀ ਇਸ ਸ਼ਹੀਦੀ ਨੂੰ ਆਪਣੇ ਜ਼ਿਹਨ ਵਿੱਚ ਰੱਖਣ ਅਤੇ ਇਸ ਲੜਾਈ ਨੂੰ ਜਿੱਤਣ ਲਈ ਹੋਰ ਤਕੜੇ ਹੋ ਕੇ ਕੰਮ ਕਰਨ। ਉਨਾਂ ਕਿਹਾ ਪੰਜਾਬ ਪੁਲਿਸ ਆਪਣੀ ਬਹਾਦਰੀ ਲਈ ਜਾਣੀ ਜਾਂਦੀ ਹੈ। ਉਨਂ ਕਿਹਾ ਕਿ ਉਨਾਂ ਨੂੰ ਲੁਧਿਆਣਾ ਪੁਲਿਸ 'ਤੇ ਪੂਰਾ ਮਾਣ ਹੈ। ਉਨਾਂ ਇਹ ਵੀ ਅਪੀਲ ਕੀਤੀ ਕਿ ਇਸ ਸਥਿਤੀ ਵਿੱਚ ਡਿਊਟੀ ਕਰਦਿਆਂ ਅਧਿਕਾਰੀ ਅਤੇ ਮੁਲਾਜ਼ਮ ਨਿੱਜੀ ਸਿਹਤ ਸੰਭਾਲ ਲਈ ਸਿਹਤ ਵਿਭਾਗ ਵੱਲੋਂ ਜਾਰੀ ਹਦਾਇਤਾਂ ਦੀ ਇੰਨ-ਬਿੰਨ ਪਾਲਣਾ ਕਰਨੀ ਯਕੀਨੀ ਬਣਾਉਣ। ਡਿਊਟੀ ਦੌਰਾਨ ਸਮਾਜਿਕ ਦੂਰੀ, ਹੱਥਾਂ ਨੂੰ ਵਾਰ-ਵਾਰ ਧੋਣਾ, ਸੈਨੀਟਾਈਜ਼ਰ ਅਤੇ ਮਾਸਕ ਦੀ ਵਰਤੋਂ ਆਦਿ ਯਕੀਨੀ ਤੌਰ 'ਤੇ ਕੀਤੀ ਜਾਵੇ।