ਲੁਧਿਆਣਾ

ਮਿਲਾਨ/ਰੋਮ, 9 ਮਾਰਚ ਇਟਲੀ ਵਿੱਚ ਕਰੋਨਾਵਾਇਰਸ ਕਾਰਨ ਉਦੋਂ ਸਹਿਮ ਦਾ ਮਾਹੌਲ ਬਣ ਗਿਆ ਸੀ, ਜਦੋਂ ਕੈਦੀਆਂ ਨੂੰ ਦੂਜੀਆਂ ਜੇਲ੍ਹਾਂ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਸੀ। ਇਸ ਦੌਰਾਨ ਕੈਦੀਆਂ ਵਿਚਾਲੇ ਹੋਏ ਦੰਗੇ ’ਚ ਛੇ ਕੈਦੀਆਂ ਦੀ ਮੌਤ ਹੋ ਗਈ। ਇਟਲੀ ਦੇ ਜੇਲ੍ਹ ਪ੍ਰਸ਼ਾਸਨ ਦੇ ਮੁਖੀ ਫਰਾਂਸਕੋ ਬੇਸਨਟਿਨੀ ਨੇ ਕਿਹਾ ਕਿ ਮਦੇਨਾ ਦੇ ਉੱਤਰੀ ਸ਼ਹਿਰ ਦੀ ਜੇਲ੍ਹ ਵਿੱਚ ਤਿੰਨ ਬੰਦੀ ਮਾਰੇ ਗਏ ਅਤੇ ਤਿੰਨ ਬੰਦੀ ਉਦੋਂ ਮਾਰੇ ਜਦੋਂ ਉਨ੍ਹਾਂ ਨੂੰ ਦੂਜੀ ਜੇਲ੍ਹ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਸੀ।
ਇਸੇ ਦੌਰਾਨ ਇਟਲੀ ਦੇ ਸ਼ਹਿਰ ਮਿਲਾਨ ਅਤੇ ਵੈਨਿਸ ਵਿੱਚ ਐਤਵਾਰ ਨੂੰ ਕਰੋਨਾਵਾਇਰਸ ਦੀ ਦਹਿਸ਼ਤ ਕਾਰਨ ਲੋਕ ਘਰਾਂ ਵਿੱਚ ਕੈਦ ਹੋਣ ਲਈ ਮਜਬੂਰ ਹੋ ਗਏ ਹਨ। ਉਨ੍ਹਾਂ ਦਾ ਮੁਲਕ ਦੇ ਬਾਕੀਆਂ ਹਿੱਸਿਆਂ ਨਾਲੋਂ ਸੰਪਰਕ ਟੁੱਟ ਗਿਆ ਹੈ। ਸਰਕਾਰ ਨੇ ਕਰੋਨਾਵਾਇਰਸ ਦੇ ਡਰੋਂ ਲੋਕਾਂ ਨੂੰ ਘਰਾਂ ਵਿੱਚ ਹੀ ਬੰਦ ਰਹਿਣ ਲਈ ਆਖ ਦਿੱਤਾ ਹੈ। ਇਹ ਪਾਬੰਦੀ ਉੱਤਰੀ ਇਟਲੀ ਵਿੱਚ ਪੰਦਰਾਂ ਮਿਲੀਅਨ ਲੋਕਾਂ ’ਤੇ ਲਾਗੂ ਹੁੰਦੀ ਹੈ। ਇਸੇ ਦੌਰਾਨ ਕਈ ਲੋਕ ਤਾਂ ਆਪਣਾ ਬੋਰੀਆ-ਬਿਸਤਰਾ ਬੰਨ੍ਹ ਕੇ ਉਡਾਰੀ ਮਾਰ ਗਏ ਹਨ।
ਜ਼ਿਕਰਯੋਗ ਹੈ ਕਿ ਚੀਨ ਤੋਂ ਬਾਅਦ ਕਰੋਨਾਵਾਇਰਸ ਦੀ ਸਭ ਤੋਂ ਵੱਧ ਮਾਰ ਇਟਲੀ ਝੱਲ ਰਿਹਾ ਹੈ। ਇੱਥੇ ਲਾਗ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 133 ਤੋਂ 366 ਅੱਪੜ ਗਈ ਹੈ। ਇਟਲੀ ਗ੍ਰਹਿ ਮੰਤਰਾਲੇ ਨੇ ਕਿਹਾ ਕਿ ਜਿਹੜਾ ਵਿਅਕਤੀ ਸਰਕਾਰੀ ਨੇਮਾਂ ਦੀ ਉਲੰਘਣਾ ਕਰੇਗਾ, ਉਸ ਨੂੰ ਤਿੰਨ ਮਹੀਨੇ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਜਾਵੇਗੀ ਅਤੇ 206 ਯੂਰੋ ਜੁਰਮਾਨਾ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਵਿਅਕਤੀ ਨੂੰ ਕੋਈ ਬੇਹੱਦ ਜ਼ਰੂਰੀ ਕੰਮ ਹੋਇਆ ਜਿਹੜਾ ਟਾਲਿਆ ਨਾ ਜਾ ਸਕਦਾ ਹੋਵੇ, ਉਸ ਨੂੰ ਐਲਾਨੀਆਂ ਜ਼ੋਨਾਂ ਵਿੱਚੋਂ ਬਾਹਰ ਜਾਣ ਦੀ ਪ੍ਰਵਾਨਗੀ ਦਿੱਤੀ ਜਾਵੇਗੀ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਇਥੋ ਥੋੜੀ ਦੂਰ ਪਿੰਡ ਗਾਲਿਬ ਕਲਾਂ ਵਿਖੇ ਰੰਗਲਾ ਪੰਜਾਬ ਸੱਭਿਆਚਾਰਕ ਵੈਲਫੇਅਰ ਮੰਚ ਵੱਲੋ 19ਵਾਂ ਫਰੀ ਮੈਡੀਕਲ ਚੈਕਅੱਪ ਕੈਪ ਲਗਾਇਆ ਗਿਆ।ਇਸ ਸਮੇ ਡਾਕਟਰ ਦੀ ਟੀਮ ਨੇ ਵੱਡੀ ਗਿਣਤੀ ਵਿਚ ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ।ਇਸ ਸਮੇ ਸੀਨੀਅਰ ਪੱਤਰਕਾਰ ਅਤੇ ਸਾਬਕਾ ਪੰਚ ਹਰਿੰਦਰ ਸਿੰਘ ਚਾਹਲ ਤੇ ਸਮਾਜ ਸੇਵੀ ਨੇ ਕੈਪ ਦਾ ਉਦਘਾਟਨ ਕੀਤਾ।ਇਸ ਸਮੇ ਚਾਹਲ ਨੇ ਕਿਹਾ ਕਿ ਅੱਜ ਦੇ ਮਹਿੰਗਾਈ ਯੁਗ ਵਿੱਚ ਇਲਾਜ ਕਰਵਾਉਣਾ ਹਰ ਇਕ ਦੇ ਵੱਸ ਦੀ ਗੱਲ ਨਹੀ ਰਹੀ।ਅੱਜ ਕੱੱੱਲ ਤਾਂ ਟੈਸਟ ਬਹੁਤ ਮਹਿੰਗੇ ਹਨ ਗਰੀਬ ਬੰਦਾ ਤਾਂ ਉਹ ਵੀ ਨਹੀ ਕਰਵਾ ਸਕਦਾ।ਉਨਾਂ ਕਿਹਾ ਕਿ ਇਹੋ ਜਿਹੇ ਕੈਪਾਂ ਦਾ ਫਾਇਦਾ ਲੈਣਾ ਚਾਹੀਦਾ ਹੈ ਅਖੀਰ ਵਿੱਚ ਉਨ੍ਹਾਂ ਕਿਹਾ ਕਿ ਮੈ ਕੈਪ ਦੀ ਸੁੱਮਚੀ ਕੈਪ ਦੀ ਟੀਮ ਨੂੰ ਵਧਾਈ ਦਿੰਦਾ ਹਾਂ।ਇਸ ਸਮੇ ਗੁਰਬਚਨ ਸਿੰਘ ਕਲੇਰਾਂ ਨੇ ਆਏ ਹੋਏ ਅਤੇ ਜਿੰਨ੍ਹਾਂ ਨੇ ਕੈਪ ਵਿੱਚ ਸਹਿਯੋਗ ਦਿੱਤਾ ਉਨ੍ਹਾਂ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਰੰਗਲਾ ਪੰਜਾਬ ਮੰਚ ਵਲੋ ਡਾਂ.ਸਹਿਬਾਨ ਨੂੰ ਯਾਦਗਰੀ ਚਿੰਨ੍ਹਾਂ ਨਾਲ ਸਨਮਾਨਿਤ ਕੀਤਾ ਗਿਆ ਤੇ ਮਰੀਜ਼ਾ ਨੂੰ ਦਵਾਈਆਂ ਮੁਫਤ ਦਿੱਤੀਆਂ ਗਈਆਂ।ਇਸ ਸਮੇ ਰੰਗਲਾ ਪੰਜਾਬ ਮੰਚ ਦੇ ਪ੍ਰਧਾਨ ਬੂਟਾ ਸਿੰਘ ਗਾਲਿਬ,ਅਵਤਾਰ ਸਿੰਘ ਬੱਸੀਆਂ,ਦਰਸ਼ਨ ਸਿੰਘ,ਗਗਨੀ,ਹੀਰੋ ਪੱਤਰਕਾਰ,ਲਛਮਣ ਸਿੰਘ ਆਦਿ ਨੇ ਕੈਪ ਵਿਚ ਸੇਵਾਵਾਂ ਨਿਭਾਈਆਂ ਗਈਆਂ।

ਕਾਉਂਕੇ ਕਲਾਂ, 9 ਮਾਰਚ ( ਜਸਵੰਤ ਸਿੰਘ ਸਹੋਤਾ)-ਪਿੰਡ ਕਾਉਂਕੇ ਕਲ਼ਾਂ ਦੀਆਂ ਸੜਕਾਂ ਤੇ ਗਲੀਆਂ ਮੁਹੱਲਿਆਂ ਵਿੱਚ ਫਿਰ ਰਹੇ ਅਵਾਰਾ ਕੁੱਤਿਆਂ ਕਾਰਨ ਨਗਰ ਨਿਵਾਸੀ ਡਾਢੇ ਪ੍ਰੇਸਾਨ ਹਨ ਕਿਉਕਿ ਗਲੀਆਂ ਵਿੱਚ ਫਿਰ ਰਹੇ ਅਵਾਰਾ ਕੱਤਿਆਂ ਦੀ ਭਰਮਾਰ ਕਾਰਨ ਕਿਸੇ ਵੇਲੇ ਵੀ ਅਣਸੁਖਾਵੀ ਘਟਨਾ ਹੋਣ ਦਾ ਡਰ ਬਣਿਆ ਰਹਿੰਦਾ ਹੈ। ਕੱੁਤਿਆ ਦੇ ਵੱਡਣ ਦੀਆਂ ਘਟਨਾਵਾਂ ਅਨੇਕਾ ਵਾਰ ਘਟ ਚੱੁਕੀਆਂ ਹਨ ਪਰ ਅਜੇ ਤੱਕ ਕੱੁਤਿਆਂ ਨੂੰੰ ਕਾਬੂ ਕਰਨ ਦਾ ਉਪਰਾਲਾ ਨਹੀ ਕੀਤਾ ਗਿਆ।ਇੰਨਾ ਅਵਾਰਾ ਕੁੱਤਿਆ ਕਾਰਨ ਸੜਕਾਂ ਤੇ ਕਈ ਵਾਰ ਵਾਹਨ ਚਾਲਕ ਟਕਰਾ ਕੇ ਹਾਦਸੇ ਦਾ ਸਿਕਾਰ ਵੀ ਹੋ ਚੱੁਕੇ ਤੇ ਆਪਣਾ ਭਾਰੀ ਆਰਥਿਕ ਨੁਕਸਾਨ ਵੀ ਕਰਵਾ ਬੈਠੇ ਹਨ।ਸਾਬਕਾ ਸਰਪੰਚ ਮਨਜਿੰਦਰ ਸਿੰਘ ਮਨੀ,ਗੁਰਪ੍ਰੀਤ ਸਿੰਘ ਗੋਪੀ,ਜੱਗਾ ਸਿੰਘ ਸੇਖੋ,ਕੁਲਦੀਪ ਸਿੰਘ ਕੀਪਾ ਦਾ ਕਹਿਣਾ ਹੈ ਕਿ ਅਵਾਰਾ ਕੱੁਤਿਆਂ ਕਾਰਨ ਨਗਰ ਨਿਵਾਸੀ ਬੱਚਿਆਂ ਨੂੰ ਬਾਹਰ ਖੇਡਣ ਜਾਣ ਦੇਣ ਤੋ ਵੀ ਕੰਨੀ ਕਤਰਾਉਣ ਲੱਗੇ ਹਨ।ਇਸ ਸਮੇ ਅਵਾਰਾ ਕੱੁਤਿਆ ਦੀ ਗਿਣਤੀ ਘਟਣ ਦੀ ਥਾਂ ਦਿਨੋ ਦਿਨ ਵਧ ਰਹੀ ਹੈ ਤੇ ਉਨਾ ਮੰਗ ਕੀਤੀ ਕਿ ਇੰਨਾ ਅਵਾਰਾ ਕੁੱਤਿਆਂ ਨੂੰ ਜਲਦੀ ਕਾਬੂ ਕੀਤਾ ਜਾਵੇ।

ਸ੍ਰੀ ਮਾਨ ਇਹ ਖਬਰ ਰਾਣਾ ਕਲੱਬ ਦੌਧਰ ਵਾਲਿਆ ਦੀ ਹੈ ਜੀ

ਕਾਉਕੇ ਕਲਾਂ, 8 ਮਾਰਚ (ਜਸਵੰਤ ਸਿੰਘ ਸਹੋਤਾ)-ਇਥੋ ਨਜਦੀਕੀ ਪੈਂਦੇ ਪਿੰਡ ਦੌਧਰ ਦੀ ਯੂਥ ਵੈਲਫੇਅਰ ਕਲੱਬ ਦੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਸਿੱਧੂ ਯੂ.ਐਸ.ਏ, ਰਾਣਾ ਵੈਲਫੇਅਰ ਐਂਡ ਸਪੋਰਟਸ ਕਲੱਬ ਦੌਧਰ ਦੇ ਸਰਪ੍ਰਸਤ ਗੁਰਪ੍ਰੀਤ ਸਿੰਘ ਸਿੱਧੂ ਰਾਣਾ, ਪ੍ਰਧਾਨ ਚਮਕੌਰ ਸਿੰਘ ਮਨੀਲਾ ਤੇ ਵਿੱਤ ਸਕੱਤਰ ਜੋਰਾ ਸਿੰਘ ਸਿੱਧੂ ਨੇ ਆਮ ਜਨਤਾਂ ਨੂੰ ਕੋਰੋਨਾ ਵਾਰਿਸ ਦੇ ਮੱਦੇਨਜਰ ਆਉਣ ਵਾਲੇ ਤਿਉਹਾਰ ਹੋਲੀ ਨੂੰ ਚਾਈਨਜ ਪ੍ਰੋਡਕਟ ਤੋ ਮੁਕਤ ਤੇ ਪ੍ਰਦੂਸਣ ਰਾਹਿਤ ਮਨਾਉਣ ਦਾ ਸੱਦਾ ਦਿੰਦਿਆ ਕਿਹਾ ਕਿ ਹੋਲੀ ਦੇ ਤਿਉਹਾਰ ਮੌਕੇ ਕੈਮੀਕਲ ਭਰਪੂਰ ਰੰਗ ਮਨੱੁਖੀ ਜਨਜੀਵਨ ਲਈ ਖਤਰਾਂ ਸਬਿਤ ਹੋ ਰਹੇ ਹਨ ਜਿਸ ਸਬੰਧੀ ਜਨਤਾਂ ਨੂੰ ਆਗਾਮੀ ਸੁਚੇਤ ਹੋਣ ਦੀ ਲੋੜ ਹੈ। ਉਨਾ ਕਿਹਾ ਕਿ ਬੇੱਸਕ ਹੋਲੀ ਦਾ ਤਿਉਹਾਰ ਆਪਸੀ ਭਾਈਚਾਰਿਕ ਸਾਂਝ ਤੇ ਰੰਗਾਂ ਦੇ ਤਿਉਹਾਰ ਵਜੋ ਸਮੱੁਚੇ ਭਾਰਤ ਵਿੱਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ ਪਰ ਕਈ ਥਾਂਵੀ ਹੁਲੜਬਾਜੀ ਤੇ ਚਿੱਕੜ ਚਿਕਾੜ ,ਛੇੜਖਾਨੀ ਦੀਆਂ ਵੱਧ ਰਹੀਆਂ ਵਾਰਦਾਤਾਂ ਕਾਰਨ ਹੋਲੀ ਦੇ ਤਿਉਹਾਰ ਦੀ ਅਜੋਕੀ ਸਥਿੱੱਤੀ ਨੂੰ ਆਉਣ ਵਾਲੇ ਸਮੇ ਲਈ ਅੱਖਾਂ ਤੇ ਚਮੜੀ ਦੇ ਰੋਗਾ ਲਈ ਸੱਦਾ ਬਣਾ ਦਿੱਤਾ ਹੈ।ਉਨਾ ਚਾਈਨਜ ਪ੍ਰੋਡਕਟ ਦਾ ਹਵਾਲਾ ਦਿੰਦਿਆ ਕਿਹਾ ਕਿ ਵਿਦੇਸੀ ਆਈਟਮਾਂ ਦੀ ਚਮਕ ਦਮਕ ਨੇ ਲੋਕਾਂ ਦੇ ਪਿਆਰ ਤੇ ਭਾਈਚਾਰਕ ਸਾਂਝ ਵਿੱਚ ਕੁੜੱਤਣ ਲਿਆਂ ਦਿੱਤੀ ਹੈ ਤੇ ਸਾਡੀ ਆਪਸੀ ਭਾਈਚਾਰਕ ਸਾਂਝ ਟੱੁਟ ਰਹੀ ਹੈ।ਉਨਾ ਕਿਹਾ ਕਿ ਲੋਕ ਚਾਈਨੀਜ ਉਤਪਾਦ ਦਾ ਬਾਈਕਾਟ ਕਰਕੇ ਭਾਰਤੀ ਸੱਭਿਅਤਾ ਤੇ ਪੁਰਾਤਨ ਢੰਗ ਨਾਲ ਹੋਲੀ ਦਾ ਤਿਉਹਾਰ ਮਨਾਉਣ ਤੇ ਈਕੋਫਰੈਂਡਲੀ ਤੇ ਹਰਬਲ ਰੰਗਾਂ ਨੂੰ ਹੀ ਮਹੱਤਵ ਦੇਣ।ਉਨਾ ਸਮੂਹ ਹੋਰਨਾ ਜੱਥੇਬੰਦੀਆਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਜਨਤਾਂ ਨੂੰ ਹੋਲੀ ਦੇ ਤਿਉਹਾਰ ਨੂੰ ਪ੍ਰਦੂਸਣ ਰਾਹਿਤ ਮਨਾਉਣ ਲਈ ਜਾਗੁਰਿਕ ਕਰਨ ਤੇ ਪ੍ਰਸਾਸਨ ਵੀ ਵਿਕਣ ਵਾਲੇ ਰੰਗਾਂ ਦੀ ਚੈਕਿੰਗ ਕਰਨ ਤੇ ਕੈਮੀਕਲ ਰੰਗਾਂ ਦੀ ਸੇਲ ਕਰਨ ਵਾਲੇ ਦੁਕਾਨਦਾਰਾਂ ਖਿਲਾਫ ਨਿਰਪੱਖ ਕਾਰਵਾਈ ਨੂੰ ਅੰਜਾਮ ਦੇਣ।