ਲੁਧਿਆਣਾ

ਮਿਸ਼ਨ ਤੰਦਰੁਸਤ ਤਹਿਤ ਚੱਲ ਰਹੀਆਂ ਗਤੀਵਿਧੀਆਂ ਰੂਟੀਨ ਦੀਆਂ ਗਤੀਵਿਧੀਆਂ ਤੋਂ ਹੋਣੀਆਂ ਚਾਹੀਦੀਆਂ ਅਲੱਗ - ਅਮ੍ਰਿਤ ਸਿੰਘ ਏ.ਡੀ.ਸੀ.(ਡੀ)

ਲੁਧਿਆਣਾ,ਮਾਰਚ 2020-( ਇਕਬਾਲ ਸਿੰਘ ਰਸੂਲਪੁਰ/ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਪੰਜਾਬ ਸਰਕਾਰ ਵੱਲੋਂ ਸੂਬੇ ਦੇ ਲੋਕਾਂ ਨੂੰ ਸਾਫ ਹਵਾ, ਪਾਣੀ, ਆਲਾ-ਦੁਆਲਾ ਅਤੇ ਚੰਗਾ ਤੰਦਰੁਸਤ ਮਹੌਲ ਮੁਹੱਈਆ ਕਰਵਾਉਣ ਲਈ ਸ਼ੁਰੂ ਕੀਤੇ ਗਏ 'ਮਿਸ਼ਨ ਤੰਦਰੁਸਤ ਪੰਜਾਬ' ਅਧੀਨ ਜ਼ਿਲ੍ਹਾ ਲੁਧਿਆਣਾ ਵਿੱਚ ਗਤੀਵਿਧੀਆਂ ਜਾਰੀ ਹਨ। ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀਮਤੀ ਅਮ੍ਰਿਤ ਸਿੰਘ ਵਲੋਂ 'ਮਿਸ਼ਨ ਤੰਦਰੁਸਤ ਪੰਜਾਬ' ਤਹਿਤ ਵੱਖ ਵੱਖ ਵਿਭਾਗਾਂ ਨੂੰ ਕੀਤੀਆਂ ਜਾ ਰਹੀਆਂ ਗਤੀਵਿਧੀਆਂ ਨੂੰ ਤੇਜ਼ ਕਰਨ ਦੀ ਹਦਾਇਤ ਕੀਤੀ ਗਈ। 'ਮਿਸ਼ਨ ਤੰਦਰੁਸਤ ਪੰਜਾਬ' ਤਹਿਤ ਕੀਤੀਆਂ ਜਾ ਰਹੀਆਂ ਗਤੀਵਿਧੀਆਂ ਦਾ ਜਾਇਜ਼ਾ ਲੈਣ ਲਈ ਦਫ਼ਤਰ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਵਿਖੇ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਸ੍ਰੀਮਤੀ ਅਮ੍ਰਿਤ ਸਿੰਘ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੇ ਇਸ ਵਿਸ਼ੇਸ਼ ਪ੍ਰੋਗਰਾਮ ਦਾ ਮੁੱਖ ਮੰਤਵ ਸੂਬੇ ਦੇ ਲੋਕਾਂ ਦੀ ਭਲਾਈ ਹੈ। ਇਸ ਲਈ ਇਹ ਸਮੇਂ ਦੀ ਲੋੜ ਹੈ ਕਿ 'ਮਿਸ਼ਨ ਤੰਦਰੁਸਤ ਪੰਜਾਬ' ਤਹਿਤ ਗਤੀਵਿਧੀਆਂ ਨੂੰ ਹੋਰ ਤੇਜ਼ ਕੀਤਾ ਜਾਵੇ। ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਨੇ ਕਿਹਾ ਕਿ 'ਮਿਸ਼ਨ ਤੰਦਰੁਸਤ ਪੰਜਾਬ' ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਦੁਆਰਾ ਸੂਬੇ ਦੇ ਲੋਕਾਂ ਦੇ ਸਰਵਪੱਖੀ ਵਿਕਾਸ ਦੇ ਨਾਲ-ਨਾਲ ਪ੍ਰਦੂਸ਼ਣ ਰਹਿਤ ਹਵਾ, ਵਧੀਆ ਪਾਣੀ, ਅਤੇ ਪੋਸ਼ਟਿਕ ਭੋਜਨ ਨੂੰ ਯਕੀਨੀ ਬਣਾਉਣ ਦੇ ਮੰਤਵ ਨਾਲ ਸ਼ੁਰੂ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ 'ਮਿਸ਼ਨ ਤੰਦਰੁਸਤ ਪੰਜਾਬ' ਦਾ ਮੁੱਖ ਉਦੇਸ਼ ਸੂਬੇ ਨੂੰ ਦੇਸ਼ ਦਾ ਸਭ ਤੋਂ ਸਿਹਤਮੰਦ ਸੂਬਾ ਬਣਾਉਣਾ ਹੈ। ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਨੇ ਅੱਗੇ ਕਿਹਾ ਕਿ ਸਾਰੇ ਵਿਭਾਗਾਂ ਨੂੰ ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਪੂਰੇ ਉਤਸ਼ਾਹ ਤੇ ਲਗਨ ਨਾਲ ਕੰਮ ਕਰਦੇ ਹੋਏ ਸਮਾਂਬੱਧ ਅਤੇ ਵਿਸਥਾਰਿਤ ਰਣਨੀਤੀ ਤਿਆਰ ਕਰਨੀ ਚਾਹੀਦੀ ਹੈ ਤਾਂ ਜੋ ਜ਼ਿਲ੍ਹਾ ਲੁਧਿਆਣਾ ਸਾਫ਼-ਸੁਥਰਾ, ਹਰਿਆ ਭਰਿਆ ਅਤੇ ਪ੍ਰਦੂਸ਼ਣ ਮੁਕਤ ਤੇ ਤੰਦਰੁਸਤ ਜ਼ਿਲ੍ਹੇ ਵਜੋਂ ਉਭਰ ਕੇ ਸਾਹਮਣੇ ਆ ਸਕੇ। ਸ੍ਰੀਮਤੀ ਅਮ੍ਰਿਤ ਸਿੰਘ ਨੇ ਸਬੰਧਤ ਵਿਭਾਗਾਂ ਨੂੰ ਹਦਾਇਤ ਕੀਤੀ ਕਿ ਲੋਕਾਂ ਨਾਲ ਜੁੜੇ ਇਸ ਮਿਸ਼ਨ ਤਹਿਤ ਰੋਜ਼ਾਨਾ ਗਤੀਵਿਧੀਆਂ ਕੀਤੀਆਂ ਜਾਣੀਆਂ ਯਕੀਨੀ ਬਣਾਈਆਂ ਜਾਣ। ਉਨ੍ਹਾਂ ਕਿਹਾ ਕਿ ਇਹ ਗਤੀਵਿਧੀਆਂ ਰੂਟੀਨ ਦੀਆਂ ਗਤੀਵਿਧੀਆਂ ਤੋਂ ਅਲੱਗ ਹੋਣੀਆਂ ਚਾਹੀਦੀਆਂ ਹਨ।

ਜਗਰਾਓਂ/ਲੁਧਿਆਣਾ, ਮਾਰਚ 2020- (ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)-

ਹਲਕਾ ਵਿਧਾਇਕ ਸਰਬਜੀਤ ਕੌਰ ਮਾਣੰੂਕੇ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਜਗਰਾਉ ਦੇ ਸੰਾਇਸ ਤੇ ਖੋਜ ਕਾਲਜ ਦੇ ਸੁਧਾਰ ਲਈ 30 ਲੱਖ ਰੁਪਏ ਗ੍ਰਾਂਟ ਜਲਦ ਮਿਲੇਗੀ।ਵਿਧਾਇਕ ਮਾਣੰੁਕੇ ਨੇ ਕਿਹਾ ਕਿ ਜਗਰਾਉ ਦਾ ਸਾਇੰਸ ਤੇ ਖੋਜ ਕਾਲਜ ਪੰਜਾਬ 'ਚ ਇਕ ਅਤੇ ਭਾਰਤ ਵਿਚ ਸਿਰਪ ਤਿੰਨ ਕਾਲਜ ਹਨ।ਉਨ੍ਹਾਂ ਕਿਹਾ ਕਿ ਮੇਰੇ ਵੱਲੋ ਕਾਲਜ ਦੇ ਸੁਧਾਰ ਲਈ ਸਿੱਖਿਆ ਮੰਤਰੀ ਨੂੰ ਚਿੱਠੀ ਲਿਖੀ ਜਿਸ ਤੇ ਮੰਤਰੀ ਵੱਲੋ ਕਾਲਜ ਨੂੰ 30 ਲੱਖ ਦੀ ਗ੍ਰਾਂਟ ਜਲਦ ਦੇਣ ਦਾ ਭੋਰਸਾ ਦਿੱਤਾ।ਅੱਗੇ ਦੱਸਿਆ ਕਿ ਇਸ ਤੋ ਇਲਾਵਾ ਬਾਕੀ ਜੋ ਵੀ ਕੰਮ ਹੋਣ ਵਾਲੇ ਹਨ ਇਕ ਮਹੀਨੇ ਦੇ ਅੰਦਰ-ਅੰਦਰ ਹੋਣਗੇ ਅਤੇ ਖਾਲੀ ਅਸਾਮੀਆਂ ਵੀ ਜਲਦ ਭਰੀਆਂ ਜਾਣਗੀਆਂ ਮੈਡਮ ਮਾਣੰੂਕੇ ਨੇ ਕਿਹਾ ਕੇ ਜਗਰਾਉ ਸ਼ਹਿਰ ਮੇਰਾ ਆਪਣਾ ਸ਼ਹਿਰ ਹੈ ਇਸ ਦੀਆਂ ਸੱਮਸਿਆਵਾਂ ਦਾ ਹੱਲ ਪਹਿਲ ਦੇ ਅਧਾਰ ਤੇ ਕਰਵਾਉਣਾ ਮੇਰਾ ਮੁੱਢਲਾ ਫਰਜ਼ ਹੈ।ਉਨ੍ਹਾਂ ਦੱਸਿਆ ਕਿ ਇਸ ਤੋ ਇਲਾਵਾ ਜਗਰਾਉ ਲਈ 6 ਕਰੋੜ ਦੀ ਲਾਗਤ ਨਾਲ ਬਣਨ ਵਾਲਾ ਜੱਚਾ-ਬੱਚਾ ਯੂਨਿਟ ਲਿਆਂਦਾ ਜਾ ਚੱੁਕਾ ਹੈ ਜੋ ਸਾਡੇ ਲਈ ਵੱਡੀ ਪ੍ਰਾਪਤੀ ਹੈ।

ਕਾਉਕੇ ਕਲਾਂ, 3 ਮਾਰਚ (ਜਸਵੰਤ ਸਿੰਘ ਸਹੋਤਾ)- ਮੌਜੂਦਾ ਕੈਪਟਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵੱਲੋ ਪੇਸ ਕੀਤੇ ਬਜਟ ਵਿੱਚ 12ਵੀਂ ਕਲਾਸ ਤੱਕ ਮੁਫਤ ਪੜਾਈ ਤੇ ਕੀਤੇ ਐਲਾਨ ਨਾਲ ਸਾਬਿਤ ਹੋ ਗਿਆ ਹੈ ਕਿ ਕਾਗਰਸ ਪਾਰਟੀ ਹੀ ਸੂਬੇ ਦੇ ਹਿੱਤਾ ਲਈ ਗੰਭੀਰ ਤੇ ਯਤਨਸੀਲ ਹੈ ਤੇ ਇਸ ਐਲਾਨ ਨੇ ਹਰ ਵਰਗ ਨੂੰ ਬਣਦਾ ਮਾਣ ਸਤਿਕਾਰ ਵੀ ਦਿੱਤਾ ਹੈ।ਇਹ ਟਿੱਪਣੀ ਅੱਜ ਉਘੇ ਸਮਾਜ ਸੇਵੀ ਤੇ ਸੀਨੀਅਰ ਕਾਗਰਸੀ ਆਗੂ ਗੁਰਮੇਲ ਸਿੰਘ ਦੋਹਾ ਕਤਰ ਵਾਲਿਆ ਨੇ ਕਰਦਿਆ ਕਿਹਾ ਕਿ ਅਯੋਕੇ ਸਮੇ ਵਿੱਚ ਮਹਿੰਗੀ ਪੜਾਈ ਕਾਰਨ ਗਰੀਬ ਤਬਕਾ ਸਿੱਖਿਆ ਤੋ ਬਾਂਝਾ ਰਹਿ ਰਿਹਾ ਹੈ ਜਾਂ ਫਿਰ ਪੜਾਈ ਅੱਧ ਵਿਚਕਾਰ ਛੱਡ ਰਹੇ ਹਨ ਪਰ ਸਰਕਾਰ ਦੇ ਇਸ ਐਲਾਨ ਨਾਲ ਸੂਬੇ ਦਾ ਹਰ ਵਰਗ ਦਾ ਬੱਚਾ ਬਰਾਬਰੀ ਦੀ 12ਵੀਂ ਤੱਕ ਦੀ ਪੜਾਈ ਮੁਫਤ ਵਿਚ ਹਾਸਿਲ ਕਰੇਗਾ।ਉਨਾ ਕਿਹਾ ਕਿ ਪ੍ਰਾਈਵੇਟ ਸਕੂਲ਼ਾਂ ਵਿੱਚ ਮਹਿੰਗੀ ਸਿੱਖਿਆਂ ਮਿਲ ਰਹੀ ਹੈ ਤੇ ਇਸ ਫੈਸਲੇ ਨਾਲ ਮੱਧਵਰਗੀ ਵਰਗ ਨੂੰ ਰਾਹਤ ਮਿਲੇਗੀ ਤੇ ਸਰਕਾਰ ਦਾ ਇਹ ਫੈਸਲਾ ਤਿਿਤਹਾਸਿਕ ਹੈ ਜਿਸ ਦਾ ਭਰਵਾਂ ਸਵਾਗਤ ਕੀਤਾ ਜਾਂਦਾ ਹੈ।ਪੇਸ ਕੀਤੇ ਬਜਟ ਸਬੰਧੀ ਉਨਾ ਕਿਹਾ ਕਿ ਬਜਟ ਲੋਕ ਪੱਖੀ ਤੇ ਸੂਬੇ ਦੇ ਵਿਕਾਸ ਲਈ ਮੀਲ ਪੱਥਰ ਸਾਬਿਤ ਹੋਵੇਗਾ।ਇਸ ਸਮੇ ਉਨਾ ਦਿੱਲੀ ਹਿੰਸਕ ਵਾਰਦਾਤਾਂ ਤੇ ਘਟਨਾਵਾਂ ਸਬੰਧੀ ਵੀ ਕਿਹਾ ਕਿ ਨਾਗਰਿਕਤਾ ਸੋਧ ਕਨੂੰਨ ਨੂੰ ਲੈ ਕੇ ਦਿੱਲੀ ਦੇ ਹਾਲਤ ਬੇਕਾਬੂ ਹੁੰਦੇ ਗਏ ਤੇ ਸਰਕਾਰ ਨੂੰ ਇੰਨਾਂ ਘਟਨਾਵਾਂ ਦੇ ਮੱਦੇ ਨਜਰ ਪਹਿਲਾ ਹੀ ਕੰਟਰੋਲ ਕਰਨਾ ਚਾਹੀਦਾ ਸੀ। ਉਨਾ ਇਹ ਵੀ ਕਿਹਾ ਕਿ ਇੰਨਾ ਹਿੰਸਕ ਘਟਨਾਵਾਂ ਲਈ ਸਿੱਧੇ ਤੌਰ ਤੇ ਮੋਦੀ ਸਰਕਾਰ ਜੁੰਮੇਵਾਰ ਹੈ।

ਕਾਉਂਕੇ ਕਲਾਂ 3 ਮਾਰਚ ( ਜਸਵੰਤ ਸਿੰਘ ਸਹੋਤਾ) ਅੱਜ ਦੇ ਸਮੇਂ ਭੋਲੇ ਭਾਲੇ ਲੋਕਾ ਨੂੰ ਠੱਗਣ ਲਈ ਨੌਸਰਵਾਜਾ ਵੱਲੋ ਰੋਜਾਨਾ ਨਵੇਂ-ਨਵੇਂ ਤਰੀਕੇ ਅਪਣਾਏ ਜਾਦੇ ਹਨ ਅਤੇ ਧਰਮ ਤੇ ਦਾਨ ਦੇ ਨਾਮ ਤੇ ਠੱਗਿਆ ਜਾਦਾ ਹੈ ਅਜਿਹੀ ਹੀ ਮਿਸਾਲ ਅੱਜ ਪਿੰਡ ਮੱਲ੍ਹਾ ਵਿਖੇ ਉਸ ਸਮੇਂ ਮਿਲੀ ਜਦੋ ਚਾਰ ਨੌਜਵਾਨ ਸਿੱਖੀ ਸਰੂਪ ਬਾਣੇ ਵਿਚ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਚੱਲ ਰਹੀ ਕਾਰਸੇਵਾ ਦੇ ਨਾਮ ਤੇ ਪਿੰਡ ਮੱਲ੍ਹਾ ਵਿਚੋ ਕਣਕ ਇਕੱਠੀ ਕਰਨ ਲੱਗੇ।ਸਭ ਤੋ ਪਹਿਲਾ ਇਹ ਬਾਬੇ ਅਮਰੀਕ ਸਿੰਘ ਦੇ ਘਰ ਵਿਚ ਗਏ ਜਿਥੇ ਇਨ੍ਹਾ ਨੇ ਹੋਲੇ ਮਹੱਲੇ ਵਾਲੇ ਦਿਨ ਸੰਗਤਾ ਲਈ ਲੰਗਰ ਲਾਉਣ ਦੇ ਨਾਮ ਤੇ ਕਣਕ ਲੈ ਲਈ,ਫਿਰ ਮਨਜੀਤ ਸਿੰਘ ਦੇ ਘਰ ਵਿਚ ਦਾਖਲ ਹੋਏ ਘਰ ਵਿਚ ਇੱਕ ਬਜੁਰਗ ਔਰਤ ਅਤੇ ਇੱਕ ਲੜਕੀ ਸੀ।ਇਸ ਘਰ ਵਿਚੋ ਬਾਬਿਆ ਨੇ ਪੀਣ ਲਈ ਪਾਣੀ ਅਤੇ ਸੇਵਾ ਲਈ ਕਣਕ ਮੰਗੀ ਪਰ ਮਨਜੀਤ ਸਿੰਘ ਦੇ ਘਰ ਵਿਚ ਸੀਸੀਟੀਵੀ ਕੈਮਰੇ ਲੱਗੇ ਹੋਣ ਕਰਕੇ ਇਹ ਬਾਬੇ ਕੈਮਰਿਆ ਨੂੰ ਦੇਖ ਕੇ ਬਿਨਾਂ ਕੁਝ ਲਏ ਹੀ ਵਾਪਸ ਆਪਣੀ ਗੱਡੀ ਵਿਚ ਆ ਗਏ।ਇਸ ਘਰ ਦੀ ਵੀ ਡੀ ਓ ਵੀ ਸੋਸਲ ਮੀਡੀਆ ਤੇ ਵੀ ਬੜੀ ਤੇਜੀ ਨਾਲ ਵਾਇਰਲ ਹੋ ਰਹੀ ਹੈ।ਇਸ ਤੋ ਬਾਅਦ ਇਹ ਬਾਬੇ ਬਿੰਦਰ ਸਿੰਘ ਦੇ ਘਰ ਗਏ ਅਤੇ ਕਣਕ ਦੀ ਮੰਗ ਕਰਨ ਲੱਗੇ ਘਰ ਦੀਆ ਅੋਰਤਾਂ ਨੂੰ ਜਦੋ ਕੁਝ ਸੱਕ ਹੋਇਆ ਤਾਂ ਉਨਾ ਆਪਣੇ ਘਰ ਦੇ ਮੁੱਖੀ ਨੂੰ ਘਰ ਬੁਲਾ ਲਿਆਂ ।ਘਰ ਦਾ ਮੁਖੀ ਤੇ ਜਦੋ ਹੋਰ ਨੌਜਵਾਨ ਜਦੋ ਘਰ ਪੁੱਜਣੇ ਸੁਰੂ ਹੋਏ ਤਾਂ ਚਾਰੋ ਬਾਬੇ ਪਿੰਡ ਮਾਣੂੰਕੇ ਵਾਲੀ ਸਾਈਡ ਆਪਣੀ ਬਲੈਰੋ ਗੱਡੀ ਲੈ ਕੇ ਰਫੂਚਕਰ ਹੋ ਗਏ ਜਿੰਨਾਂ ਵਿਚੋ ਇਕ ਬਾਬੇ ਦਾ ਬਾਣਾ ਵੀ ਘਰ ਦੇ ਘੇਟ ਵਿਚ ਹੀ ਰਹਿ ਗਿਆਂ।ਨੌਜਵਾਨਾ ਨੇ ਮੋਟਰਸਾਇਕਲਾ ਤੇ ਬਾਬਿਆ ਦਾ ਕਾਫੀ ਪਿੱਛਾ ਕੀਤਾ ਪਰ ਗੱਡੀ ਤੇਜ ਹੋਣ ਕਰਕੇ ਕਾਬੂ ਨਹੀ ਆਏ।ਉਨਾ ਪ੍ਰਸਾਸਨ ਤੋ ਮੰਗ ਕੀਤੀ ਕਿ ਉਹ ਇਮਨਾਂ ਅੋਤੀ ਬਾਬਿਆਂ ਤੇ ਨਕੇਸ ਕਸਣ ਤੇ ਲੋਕਾ ਨੂੰ ਕਿਹਾ ਕਿ ਉਹ ਇੰਨਾਂ ਅਖੌਤੀ ਬਾਬਿਆ ਤੋ ਸੁਚੇਤ ਹੋ ਕੇ ਰਹਿਣ।