ਲੁਧਿਆਣਾ

ਜਗਰਾਓਂ,ਲੁਧਿਆਣਾ, ਜਨਵਰੀ 2020- (ਰਾਣਾ ਸੇਖਦੌਲਤ)  

ਜਗਰਾਂਉਂ ਦੇ ਸਪਰਿੰਗ ਡਿਊ ਪਬਲਿਕ ਸਕੂਲ ਦਾ ਸਾਲਾਨਾ ਸਮਾਗਮ ਅਤੇ ਸੱਭਿਆਚਾਰਕ ਪੋਗਰਾਮ ਨੂੰ ਸਫਲਤਾ ਪੂਰਵਕ ਨੇਪਰੇ ਹੋਇਆ।ਇਸ ਸਮਾਗਮ ਦੀ ਸ਼ੁਰੂਆਤ ਅਕਾਲ ਪੁਰਖ ਦੇ ਸ਼ੁਕਰਾਨੇ ਵਜੋਂ ਸ਼ਬਦ ਉਚਾਰਨ ਨਾਲ ਕੀਤੀ ਗਈ।ਇਸ ਤੋਂ ਬਾਅਦ ਪ੍ਰਿੰਸੀਪਲ ਨਵਨੀਤ ਚੌਹਾਨ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਅਤੇ ਮਾਤਾ ਪਿਤਾ ਸਾਹਿਬਾਨ ਨੂੰ ਜੀ ਆਇਆਂ ਆਖਿਆ ਅਤੇ ਸਮਾਗਮ ਦੇ ਉਦੇਸ਼ ਬਾਰੇ ਦੱਸਿਆ।ਨਰਸਰੀ, ਐਲ.ਕੇ.ਜੀ ਅਤੇ ਯੂ.ਕੇ.ਜੀ ਦੇ ਵਿਦਿਆਰਥੀਆਂ ਵਲੋਂ ਰੰਗਾਂ-ਰੰਗ ਸੱਭਿਆਚਾਰਕ ਡਾਂਸ ਪੇਸ਼ ਕੀਤਾ ਗਿਆ।ਕਲਾਸ ਪਹਿਲੀ ਅਤੇ ਦੂਸਰੀ ਦੇ ਵਿਦਿਆਰਥੀਆਂ ਨੇ ਆਪਣੀ ਪੇਸ਼ਕਾਰੀ ਨਾਲ ਸਾਰਿਆਂ ਦਾ ਮਨ ਮੋਹ ਲਿਆ।ਤੀਸਰੀ ਅਤੇ ਚੌਥੀ ਕਲਾਸ ਦੇ ਬੱਚਿਆਂ ਵਲੋਂ ਆਪਣੀ ਇਵੈਂਟ ਰਾਹੀ ਸਕੂਲ ਅਤੇ ਸਿੱਖਿਆ ਦੇ ਮਹੱਤਵ ਬਾਰੇ ਦੱਸਿਆ ਗਿਆ।ਇਸ ਤਂੋ ਇਲਾਵਾ ਵਿਦਿਆਰਥੀਆਂ ਰਾਂਹੀ ਸਮਾਜਿਕ ਕੁਰੀਤੀਆਂ ਉਪਰ ਵੀ ਪੇਸ਼ਕਾਰੀ ਕੀਤੀ ਗਈ।ਪਾਣੀ ਬਚਾਉ ਲਈ, ਪੰਜਾਬੀ ਬੋਲੀ ਦਾ ਮਾਣ ਵਧਾਉਣ ਲਈ ਅਤੇ ਦੇਸ਼ਗਤੀ ਦੀਆਂ ਕੋਰੀਓ“ਗ੍ਰਾਫੀਆਂ ਰਾਹੀ ਬੱਚਿਆਂ ਨੇ ਸਮਾਜਿਕ ਸੁਨੇਹੇ ਵੀ ਦਿੱਤੇ।ਇਸ ਦੇ ਨਾਲ ਹੀ ਜਿਹਨਾਂ ਵਿਦਿਆਰਥੀਆਂ ਨੇ 12ਵੀਂ ਅਤੇ 10ਵੀਂ ਦੇ ਬੋਰਡ ਇਮਤਿਹਾਨਾਂ ਵਿੱਚ ਵਧੀਆਂ ਨੰਬਰ ਹਾਸਿਲ ਕੀਤੇ ਸਨ ਉਹਨਾਂ ਨੂੰ ਸਨਮਾਨਿਤ ਕੀਤਾ ਗਿਆ।ਇਹਨਾਂ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦਾ ਸਨਮਾਨ ਮਲਕੀਤ ਸਿੰਘ ਦਾਖਾ ਚੇਅਰਮੈਨ ਜਿਲ੍ਹਾ ਯੋਜਨਾ ਬੋਰਡ, ਕ੍ਰਿਸ਼ਨ ਕੁਮਾਰ ਬਾਵਾ ਚੇਅਰਮੈਨ PSID, ਐਸ.ਆਰ.ਕਲੇਰ ਸਾਬਕਾ ਐਮ.ਐਲ.ਏ ਜਗਰਾਂਉ, ਬਲਜਿੰਦਰ ਸਿੰਘ ਐਸ.ਡੀ.ਐਮ ਜਗਰਾਉਂ, ਮਨਮੋਹਨ ਕੁਮਾਰ ਕੌਸ਼ਕ ਤਹਿਸੀਲਦਾਰ ਜਗਰਾਂਉ, ਸਕੂਲ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਮਨਜੋਤ ਕੁਮਾਰ, ਚੇਅਰਮੈਨ ਬਲਦੇਵ ਬਾਵਾ, ਮੈਨੇਜਿੰਗ ਡਾਇਰੈਕਟਰ ਸੁਖਵਿੰਦਰ ਸਿੰਘ ਛਾਬੜਾ, ਵਾਇਸ ਪ੍ਰਿੰਸੀਪਲ ਬੇਅੰਤ ਕੁਮਾਰ ਮੈਨੇਜਰ ਮਨਦੀਪ ਚੌਹਾਨ ਵਲੋਂ ਕੀਤਾ ਗਿਆ।ਜਗਰਾਂਉ ਤਹਿਸੀਲ ਵਿੱਚ ਪਹਿਲੇ ਨੰਬਰ ਤੇ ਆਉਣ ਵਾਲੀ 12ਵੀਂ ਦੀ ਵਿਦਿਆਰਥਣ ਕੋਮਲਪ੍ਰੀਤ ਕੌਰ ਨੂੰ ਖਾਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਸਤਿੰਦਰਪਾਲ ਸਿੰਘ ਗਰੇਵਾਲ, ਡੀ.ਐਸ.ਪੀ ਬੁਲੰਦ ਸਿੰਘ, ਰਾਜਵੀਰ ਸਿੰਘ ਐਸ.ਪੀ.ਡੀ, ਕਿਰਨ ਓਬਰਾਏ, ਗਗਨ ਬਾਵਾ ਆਦਿ ਮਹਿਮਾਨਾਂ ਦਾ ਖਾਸ ਤੌਰ ਤੇ ਸਨਮਾਨ ਕੀਤਾ ਗਿਆ। ਇਸ ਤੋ ਇਲਾਵਾ ਇਲਾਕੇ ਦੀਆਂ ਹੋਰ ਕਈ ਮਾਨਯੋਗ ਸਖਸੀਅਤਾ ਵੀ ਹਾਜਿਂਰ ਸਨ।ਅੰਤ ਵਿੱਚ ਪ੍ਰਬੰਧਕੀ ਕਮੇਟੀ ਅਤੇ ਆਏ ਮਹਿਮਾਨਾ ਵਲੋ ਸਕੂਲ ਦੇ ਸਟਾਫ ਅਤੇ ਅਧਿਆਪਕ ਸਹਿਬਾਨਾ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।ਅੰਤ ਵਿੱਚ ਵਾਇਸ ਪ੍ਰਿੰਸੀਪਲ ਬੇਅੰਤ ਕੁਮਾਰ ਬਾਵਾ ਨੇ ਆਏ ਮਹਿਮਾਨਾ ਅਤੇ ਮਾਤਾ ਪਿਤਾ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਤੇ ਸਕੂਲ ਸਟਾਫ ਵਲੋ ਮੈਡਮ ਬਲਜੀਤ ਕੌਰ, ਅੰਜੂ ਬਾਲਾ, ਲਖਵੀਰ ਸਿੰਘ ਸੰਧੂ, ਲਖਵੀਰ ਸਿੰਘ ਉੱਪਲ, ਜਗਦੀਪ ਸਿੰਘ, ਦੀਪਕ ਚੌਧਰੀ, ਨੀਤੂ, ਸਤਿੰਦਰਪਾਲ ਕੌਰ, ਸ. ਰਵਿੰਦਰ ਸਿੰਘ, ਆਦਿ ਸਮੂਹ ਸਟਾਫ ਹਾਂਿਰ ਸਨ।ਆਏ ਮਹਿਮਾਨਾਂ ਅਤੇ ਮਾਤਾ ਪਿਤਾ ਸਾਹਿਬਾਨਾਂ ਵਲੋ ਸਕੂਲ ਦੇ ਸਾਲਾਨਾ ਸਮਾਗਮ ਲਈ ਪਬੰਧਕੀ ਕਮੇਟੀ ਪ੍ਰਿੰਸੀਪਲ ਅਤੇ ਸਟਾਫ ਨੂੰ ਵਧਾਈ ਦਿੱਤੀ।

ਲੁਧਿਆਣਾ, ਜਨਵਰੀ 2020-( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਪੰਜਾਬ ਸਰਕਾਰ ਦੇ ਸਿਹਤ ਵਿਭਾਗ ਵੱਲੋ ਸੂਬੇ ਦੇ ਦੂਰ ਦਰਾਜ ਖੇਤਰਾਂ ਵਿੱਚ ਵਧੀਆ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਮੋਬਾਇਲ ਮੈਡੀਕਲ ਯੂਨਿਟ ਦਾ ਟੂਰ ਪ੍ਰੋਗਰਾਮ ਜਾਰੀ ਕੀਤਾ ਗਿਆ ਹੈ। ਜਿਸ ਤਹਿਤ ਦਫਤਰ ਸਿਵਲ ਸਰਜਨ ਲੁਧਿਆਣਾ ਵੱਲੋਂ ਮਹੀਨਾ ਜਨਵਰੀ 2020, ਫਰਵਰੀ 2020, ਮਾਰਚ 2020 ਦੌਰਾਨ ਬਲਾਕ ਪੱਖੋਵਾਲ, ਸਿਧਵਾਬੇਟ, ਸਾਹਨੇਵਾਲ ਅਤੇ ਕੂਮਕਲਾ ਅਧੀਨ ਪੈਦੇ ਦੂਰ-ਦੁਰਾਡੇ ਦੇ ਪਿੰਡਾਂ ਵਿੱਚ ਲੋਕਾਂ ਨੂੰ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਇਸ ਸਬੰਧ ਵਿੱਚ ਸਿਵਲ ਸਰਜਨ ਲੁਧਿਆਣਾ ਰਾਜੇਸ਼ ਕੁਮਾਰ ਬੱਗਾ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਮੈਡੀਕਲ ਮੋਬਾਇਲ ਯੂਨਿਟ ਵੱਲੋ ਕਮਿਊਨਟੀ ਹੈਲਥ ਸੈਂਟਰ ਅਨੁਸਾਰ ਪਿੰਡਾਂ ਦਾ ਦੌਰਾ ਕਰਕੇ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ। ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਸਿਵਲ ਸਰਜਨ ਲੁਧਿਆਣਾ ਵੱਲੋ ਦੱਸਿਆ ਗਿਆ ਕਿ ਐਮਐਮਯੂ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 06 ਜਨਵਰੀ ਨੂੰ ਪਮਾਲੀ, 7 ਜਨਵਰੀ ਨੂੰ ਸਹਿਜ਼ਾਦ, 8 ਜਨਵਰੀ ਨੂੰ ਦੂਲੋਂ ਖੁਰਦ, 9 ਜਨਵਰੀ ਨੂੰ ਢੇਅਪੀ, 10 ਜਨਵਰੀ ਨੂੰ ਚਮਿੰਡਾ ਵਿਖੇ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 13 ਜਨਵਰੀ ਨੂੰ ਡਾਬਾ, 14 ਜਨਵਰੀ ਨੂੰ ਢੰਡਾਰੀ, 15 ਜਨਵਰੀ ਨੂੰ ਬੁਲਾਰਾ, 16 ਜਨਵਰੀ ਨੂੰ ਕਾਕੋਵਾਲ, 17 ਜਨਵਰੀ ਨੂੰ ਖਾਸੀ ਕਲਾਂ ਅਤੇ 20 ਜਨਵਰੀ ਨੂੰ ਨੂਰਵਾਲਾ ਵਿਖੇ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 21 ਜਨਵਰੀ ਨੂੰ ਭੱਠਾ ਧੂਹਾ, 22 ਜਨਵਰੀ ਨੂੰ ਬਲੀਪੁਰ ਕਲਾਂ, 23 ਜਨਵਰੀ ਨੂੰ ਆਲੀਵਾਲ, 24 ਜਨਵਰੀ ਨੂੰ ਪੁੜੈਣ, 27 ਜਨਵਰੀ ਨੂੰ ਕੋਟਮਾਨਾਂ, 28 ਜਨਵਰੀ ਨੂੰ ਗੋਰਸੀਆਂ ਮੱਖਣ, 29 ਜਨਵਰੀ ਨੂੰ ਤਲਵਾੜਾ, 30 ਜਨਵਰੀ ਨੂੰ ਭੈਣੀ ਅਰਾਈਆਂ, 31 ਜਨਵਰੀ ਨੂੰ ਖੁਰਸ਼ੈਦਪੁਰਾ ਅਤੇ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 03 ਫਰਵਰੀ ਨੂੰ ਆਸੀ ਕਲਾਂ, 4 ਫਰਵਰੀ ਨੂੰ ਬੀਲਾ, 5 ਫਰਵਰੀ ਨੂੰ ਲੋਹਗੜ੍ਹ, 6 ਫਰਵਰੀ ਨੂੰ ਰੰਗੂਵਾਲ, 7 ਫਰਵਰੀ ਨੂੰ ਧੂਰਕੋਟ, 10 ਫਰਵਰੀ ਨੂੰ ਮਿੰਨੀ ਛਪਾਰ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 11 ਫਰਵਰੀ ਨੂੰ ਢੰਡਾਰੀ, 12 ਫਰਵਰੀ ਨੂੰ ਸ਼ੇਰਪੁਰ, 13 ਫਰਵਰੀ ਨੂੰ ਬੁਲਾਰਾ, 14 ਫਰਵਰੀ ਨੂੰ ਡਾਬਾ, 17 ਫਰਵਰੀ ਨੂੰ ਖਵਾਜਕਾ 18 ਫਰਵਰੀ ਨੂੰ ਕਾਕੋਵਾਲ, 19 ਫਰਵਰੀ ਨੂੰ ਭੱਟੀਆਂ, 20 ਫਰਵਰੀ ਨੂੰ ਨੂਰਵਾਲਾ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 24 ਫਰਵਰੀ ਨੂੰ ਪਰਜੀਆਂ ਬਿਹਾਰੀਪੁਰ, 25 ਫਰਵਰੀ ਨੂੰ ਸ਼ੇਰੇਵਾਲ, 26 ਫਰਵਰੀ ਨੂੰ ਜਨੇਤਪੁਰਾ, 27 ਫਰਵਰੀ ਨੂੰ ਫਤਿਹਗੜ੍ਹ ਸੀਵੀਆਂ, 28 ਫਰਵਰੀ ਨੂੰ ਗਾਲਿਬ ਰਨ ਸਿੰਘ, ਵਿਖੇ ਅਤੇ ਬਲਾਕ ਪੱਖੋਵਾਲ ਦੇ ਪਿੰਡਾਂ ਵਿੱਚ 2 ਮਾਰਚ ਨੂੰ ਮਹੇਰਨਾ ਕਲਾਂ, 3 ਮਾਰਚ ਨੂੰ ਬ੍ਰਹਮਪੁਰ, 4 ਮਾਰਚ ਨੂੰ ਜੰਡ, 5 ਮਾਰਚ ਨੂੰ ਨੰਗਲ ਖੁਰਦ, 6 ਮਾਰਚ ਨੂੰ ਨੰਗਲ ਕਲਾਂ, 9 ਮਾਰਚ ਨੂੰ ਡਾਂਗੋਂ ਵਿਖੇ ਅਤੇ ਅਰਬਨ ਏਰੀਆ ਬਲਾਕ ਸਾਹਨੇਵਾਲ ਅਤੇ ਕੂਮਕਲਾ ਦੇ ਪਿੰਡਾਂ ਵਿੱਚ 11 ਮਾਰਚ ਨੂੰ ਡਾਬਾ, 12 ਮਾਰਚ ਨੂੰ ਬੁਲਾਰਾ, 13 ਮਾਰਚ ਨੂੰ ਲੁਹਾਰਾ, 16 ਮਾਰਚ ਨੂੰ ਕਾਕੋਵਾਲ, 17 ਮਾਰਚ ਨੂੰ ਖਵਾਜਕੇ, 18 ਮਾਰਚ ਨੂੰ ਖਾਸੀ ਕਲਾਂ, 19 ਮਾਰਚ ਨੂੰ ਜੱਸੀਆਂ, 20 ਮਾਰਚ ਨੂੰ ਨੂਰਵਾਲਾ ਵਿਖੇ ਅਤੇ ਬਲਾਕ ਸਿਧਵਾਂ ਬੇਟ ਦੇ ਪਿੰਡਾਂ ਵਿੱਚ 23 ਮਾਰਚ ਨੂੰ ਜੰਡੀ, 24 ਮਾਰਚ ਨੂੰ ਸੰਗਤਪੁਰਾ, 25 ਮਾਰਚ ਨੂੰ ਬਰਸਾਲ, 26 ਮਾਰਚ ਨੂੰ ਢੱਟ, 27 ਮਾਰਚ ਨੂੰ ਮੰਡਿਆਣੀ, 30 ਮਾਰਚ ਨੂੰ ਤਲਵੰਡੀ ਖੁਰਦ ਅਤੇ 31 ਮਾਰਚ ਨੂੰ ਧੋਥੜ ਦੇ ਦੇ ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕਰਕੇ ਪਿੰਡ ਵਾਸੀਆ ਨੂੰ ਮੁਢਲੀਆਂ ਸਿਹਤ ਸਹੂਲਤਾਂ ਪ੍ਰਦਾਨ ਕਰੇਗੀ। ਉਨ੍ਹਾਂ ਦੱਸਿਆ ਕਿ ਕਿਸੇ ਵੀ ਬੀਮਾਰੀ ਤੋ ਪੀੜਤ ਵਿਅਕਤੀ ਜਿੰਨਾ ਦਾ ਇਲਾਜ ਐਮਐਮਯੂ ਵਿੱਚ ਉਪਲੱਬਧ ਨਹੀ ਹੋਵੇਗਾ ਉਹਨਾ ਨੂੰ ਨੇੜਲੀਆਂ ਸਿਹਤ ਸੰਸਥਾਵਾ ਵਿੱਚ ਇਲਾਜ ਲਈ ਰੈਫਰ ਕੀਤਾ ਜਾਵੇਗਾ। ਐਮਐਮਯੂ ਦੇ ਸਬੰਧ ਵਿੱਚ ਸਬੰਧਤ ਇਲਾਕਿਆ ਦੀਆਂ ਏਐਨਐਮ ਅਤੇ ਆਸ਼ਾ ਵਰਕਰਾਂ ਦੁਆਰਾ ਦੋ ਦਿਨ ਪਹਿਲਾਂ ਅਗੇਤਾ ਪ੍ਰਚਾਰ ਕੀਤਾ ਜਾਵੇਗਾ ਤਾਂ ਜੋ ਵੱਧ ਤੋ ਵੱਧ ਲੋਕ ਇਹਨਾਂ ਸੇਵਾਵਾਂ ਦਾ ਲਾਭ ਲੈ ਸਕਣ। ਉਨ੍ਹਾਂ ਵੱਲੋ ਇਹ ਵੀ ਦੱਸਿਆ ਗਿਆ ਕਿ ਮੋਬਾਇਲ ਮੈਡੀਕਲ ਯੂਨਿਟ ਹਰ ਸ਼ਨੀਵਾਰ ਨੂੰ ਕੇਂਦਰੀ ਸੁਧਾਰ ਘਰ ਵਿੱਚ ਆਪਣੀਆਂ ਸੇਵਾਵਾਂ ਦੇਵੇਗੀ।

ਕਾਉਂਕੇ ਕਲਾਂ, 3 ਜਨਵਰੀ ( ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਪੰਚਾਇਤੀ ਜਮੀਨਾ ਦੀ ਵਿਕਰੀ ਸਬੰਧੀ ਸੂਬੇ ਦੀ ਕਾਗਰਸ ਸਰਕਾਰ ਵੱਲੋ ਲਏ ਫੈਸਲੇ ਦਾ ਸਰਕਾਰ ਦੇ ਆਪਣੇ ਹੀ ਸੀਨੀਅਰ ਆਗੂਆਂ ਵੱਲੋ ਵਿਰੋਧ ਕਰਨਾ ਸਾਬਿਤ ਕਰਦਾ ਹੈ ਕਿ ਸਰਕਾਰ ਆਪਣੀ ਲੋਕਾ ਵਿੱਚੋ ਭਰੋਸੇਯੋਗਤਾਂ ਗੁਆ ਚੱੁਕੀ ਹੈ ਤੇ ਪਾਰਟੀ ਦੇ ਆਪਣੇ ਵਰਕਰ ਹੀ ਸਰਕਾਰੀ ਨੀਤੀਆਂ ਤੋ ਦੁੱਖੀ ਹਨ।ਇਹ ਟਿੱਪਣੀ ਅੱਜ ਜਗਰਾਓ ਹਲਕੇ ਦੇ ਪਿੰਡ ਕਾਉਂਕੇ ਕਲਾਂ ਦੇ ਯੂਥ ਅਕਾਲੀ ਦਲ ਦੇ ਸੀਨੀਅਰ ਵਰਕਰ ਗੁਰਪ੍ਰੀਤ ਸਿੰਘ ਗੋਪੀ ਕਾਉਂਕੇ ਨੇ ਕਰਦਿਆ ਕਿਹਾ ਕਿ ਪਹਿਲੇ ਦਿਨ ਹੀ ਸਰਕਾਰ ਦੇ ਪੰਚਾਇਤੀ ਜਮੀਨ ਦੀ ਵਿਕਰੀ ਦੇ ਫੈਸਲੇ ਦਾ ਵਿਰੋਧ ਹੋਣਾ ਸੁਰੂ ਹੋ ਗਿਆ ਸੀ ਤੇ ਵਿਰੋਧੀ ਪਾਰਟੀਆਂ ਤੋ ਇਲਾਵਾ ਸਰਕਾਰ ਦੇ ਆਪਣੇ ਹੀ ਵਿਧਾਇਕ ਪ੍ਰਗਟ ਸਿੰਘ ਤੋ ਬਾਅਦ ਰਾਜ ਸਭਾ ਮੈਂਬਰ ਸਮਸੇਰ ਸਿੰਘ ਦੂਲੋ ਵੱਲੋ ਵੀ ਸਰਕਾਰ ਦੇ ਇਸ ਫੈਸਲੇ ਖਿਲਾਫ ਆਪਣੀ ਭੜਾਸ ਕੱਢਦਿਆਂ ਇਸ ਫੈਸਲੇ ਨੂੰ ਲੋਕ ਮਾਰੂ ਦੱਸਿਆਂ।ਆਗੂ ਨੇ ਕਿਹਾ ਕਿ ਮਹਿੰਗੀਆ ਪੰਚਾਇਤੀ ਜਮੀਨਾਂ ਸਸਤੇ ਮੱੁਲ ਤੇ ਉਦਯੋਗਾਂ ਨੂੰ ਬੇਚਣਾ ਕਿਸੇ ਵੀ ਤਰਾਂ ਵਾਜਿਬ ਨਹੀ ਹੈ ਤੇ ਇਸ ਸਬੰਧੀ ਅਕਾਲੀ ਦਲ ਪਹਿਲਾ ਹੀ ਇਸ ਫੈਸਲੇ ਦਾ ਵਿਰੋਧ ਕਰ ਚੱੁਕਾ ਹੈ।ਇਸ ਸਮੇ ਉਨਾ ਸਰਕਾਰ ਵੱਲੋ ਬਿਜਲੀ ਰੇਟਾ ਵਿੱਚ ਕੀਤੇ ਅਥਾਹ ਵਾਧੇ ਤੋ ਬਾਅਦ ਬੱਸ ਕਿਰਾਏ ਵਿੱਚ ਕੀਤੇ ਵਾਧੇ ਦੀ ਵੀ ਨਿਖੇਧੀ ਕਰਦਿਆ ਕਿਹਾ ਕਿ ਸਰਕਾਰ ਦੇ ਇੰਨਾਂ ਲੋਕ ਮਾਰੂ ਕਦਮਾਂ ਨੇ ਸੂਬੇ ਦੀ ਜਨਤਾ ਦਾ ਆਰਥਿਕ ਬਜਟ ਹਿਲਾ ਕੇ ਰੱਖ ਦਿੱਤਾ ਹੈ।ਉਨਾ ਕਿਹਾ ਕਿ ਕਿਸਾਨ ਖੁਦਕਸੀਆ ਕਰ ਰਹੇ ਹਨ,ਨੌਜਵਾਨ ਬੇਰੁਜਗਾਰੀ ਦਾ ਸੰਤਾਪ ਭੋਗ ਰਹੇ ਹਨ,ਗਰੀਬ ਵਰਗ ਨੂੰ ਬਣਦਾ ਲਾਭ ਤੇ ਇਨਸਾਫ ਨਹੀ ਮਿਲ ਰਿਹਾ,ਜਾਰੀ ਸੂਹਲਤਾਂ ਤੇ ਰੋਕ ਲਾਈ ਜਾ ਰਹੀ ਹੈ,ਸਰਕਾਰੀ ਕਰਮਚਾਰੀਆਂ ਨੂੰ ਤਨਖਾਹ ਨਹੀ ਮਿਲ ਰਹੀ ਸਮੇਤ ਹੋਰਨਾ ਘਟੀਆਂ ਪੱਧਰ ਦੀਆ ਨੀਤੀਆਂ ਕਾਰਨ ਪੰਜਾਬ ਵਿੱਚ ਕਿਸੇ ਵੀ ਲਾਭਕਾਰੀ ਨਿਵੇਸ ਦੀ ਕੋਈ ਉਮੀਦ ਨਹੀ ਹੈ।

ਕਾਉਕੇ ਕਲਾਂ, 3 ਜਨਵਰੀ (ਜਸਵੰਤ ਸਿੰਘ ਸਹੋਤਾ/ਮਨਜਿੰਦਰ ਗਿੱਲ)-ਦੇਸ ਭਰ ਵਿੱਚ ਪੈ ਰਹੀ ਭਿਆਨਕ ਸੀਤ ਲਹਿਰ ਕਾਰਨ ਠੰਡ ਨੇ ਪੂਰੀ ਤਰਾਂ ਮਨੱੁਖੀ ਜੀਵਨ ਪ੍ਰਭਾਵਿਤ ਕਰ ਕੇ ਰੱਖ ਦਿੱਤਾ ਹੈ।ਅੱਜ ਪਿੰਡ ਕਾਉਂਕੇ ਕਲ਼ਾਂ ਵਿੱਚ ਠੰਡ ਕਾਰਨ ਪਾਰਾ 4 ਡਿਗਰੀ ਤੱਕ ਪਹੁੰਚ ਚੱੁਕਾ ਹੈ ਜਦਕਿ ਭਵਿੱਖਬਾਣੀ ਅਨੁਸਾਰ ਪੈ ਰਹੀ ਠੰਡ ਵਿੱਚ ਅਜੇ ਕੋਈ ਗਿਰਾਵਟ ਆਉਣ ਦੀ ਕੋਈ ਉਮੀਦ ਨਹੀ ਹੈ।ਪੇਡੂ ਖੇਤਰਾਂ ਵਿੱਚ ਸੀਤ ਲਹਿਰ ਦਾ ਭਾਰੀ ਅਸਰ ਵੇਖਣ ਨੂੰ ਮਿਲ ਰਿਹਾ ਹੈ।ਲੋਕ ਘਰਾਂ ਵਿੱਚ ਹੀ ਰਹਿਣ ਨੂੰ ਮਜਬੂਰ ਹਨ ਜਦਕਿ ਦੁਕਾਨਦਾਰਾਂ ਦਾ ਕੰਮ ਪੂਰੀ ਮੰਦੀ ਨਾਲ ਚੱਲ ਰਿਹਾ ਹੈ।ਬਹੁਤੇ ਦੁਕਾਨਦਾਰ ਤੇ ਪੇਂਡੂ ਵਸਨੀਕ ਦੁਕਾਨਾਂ ਜਾਂ ਘਰਾਂ ਨੇੜੇ ਅੱਗ ਛੇਕਣ ਲਈ ਮਜਬੂਰ ਹਨ।ਡਾਕਟਰਾਂ ਦੀਆਂ ਦੁਕਾਨਾਂ ਤੇ ਮਰੀਜਾਂ ਦੀ ਗਿਣਤੀ ਵਿੱਚ ਚੋਖਾ ਵਾਧਾ ਦਿਸ ਰਿਹਾ ਹੈ ਜਿਸ ਦਾ ਕਾਰਨ ਵਧੇਰੇ ਠੰਡ ਕਾਰਨ ਜੁਕਾਮ,ਖੰਗ,ਤੇ ਬੁਖਾਰ ਆਦਿ ਦੀਆਂ ਬਿਮਾਰੀਆਂ ਦਾ ਲੋਕ ਸਿਕਾਰ ਹੋ ਰਹੇ ਹਨ।ਸਰਦੀਆਂ ਦੀਆਂ ਮਿਲੀਆਂ ਛੱੁਟੀਆਂ ਹੋਣ ਦੇ ਬਾਵਜੂਦ ਵੀ ਬੱਚੇ ਆਪਣੇ ਕਿਸੇ ਰਿਸਤੇਦਾਰੀ ਵਿੱਚ ਜਾਣ ਦੀ ਥਾਂ ਆਪਣੇ ਘਰਾਂ ਵਿੱਚ ਹੀ ਰਹਿਣ ਨੂੰ ਮਜਬੂਰ ਹਨ ਜਿਸ ਕਾਰਨ ਉਹਨਾ ਦੀਆਂ ਸਰਦੀਆਂ ਦੀਆਂ ਛੱੁਟੀਆਂ ਦਾ ਸਵਾਦ ਫਿੱਕਾ ਪੈ ਰਿਹਾ ਹੈ।ਪੂਰੇ ਦਿਨ ਭਰ ਸੂਰਜ ਦੇ ਦਰਸਨ ਨਾ ਹੋਣ ਕਾਰਨ ਵਿਜੀਬਿਲਟੀ ਕਾਫੀ ਘੱਟ ਗਈ ਹੈ ਤੇ ਸਵੇਰੇ ਸਾਮ ਸੀਤ ਲਹਿਰ ਦੇ ਨਾਲ ਨਾਲ ਧੁੰਦ ਦਾ ਕਹਿਰ ਵੀ ਵਧ ਰਿਹਾ ਹੈ।ਧੁੰਦ ਤੇ ਸੀਤ ਲਹਿਰ ਦੇ ਕਾਰਨ ਅਨੇਕਾ ਹਾਦਸੇ ਵੀ ਹੋ ਰਹੇ ਹਨ ਜਿਸ ਨੂੰ ਮੱੁਖ ਰੱਖਦਿਆਂ ਮਾਹਿਰਾਂ ਵੱਲੋ ਜਿਆਦਾਤਾਰ ਲੋਕਾ ਨੂੰ ਦਿਨ ਵੇਲੇ ਹੀ ਸਫਰ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਜਾਂ ਫਿਰ ਪੂਰੀ ਸਾਵਧਾਨੀ ਜਾਂ ਪੂਰੀ ਲੋੜ ਸਮੇ ਜਾ ਜਿਆਦਾ ਸਮਾਂ ਘਰਾਂ ਵਿੱਚ ਹੀ ਰਹਿਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।ਪੂਰਾਂ ਦਿਨ ਪੇਂਡੂ ਖੇਤਰਾਂ ਵਿੱਚ ਛੰਨਾਟਾ ਛਾਇਆ ਰਹਿੰਦਾ ਹੈ।ਠੰਡ ਕਾਰਨ ਰੋਜਮਰਾ ਜਿੰਦਗੀ ਨੂੰ ਬਰੇਕ ਲੱਗ ਗਈ ਹੈ ਜਿਸ ਕਾਰਨ ਬਹੁਤੇ ਪੇਂਡੂ ਮਜਦੂਰ ਕਾਮੇ ਨਿੱਤ ਦਿਨ ਕੰਮ ਧੰਦਾ ਕਰਕੇ ਦੋ ਡੰਗ ਦੀ ਰੋਟੀ ਦਾ ਵਸੀਲਾ ਬਨਾਉਣ ਤੋ ਵੀ ਮੁਥਾਜ ਹੋ ਕੇ ਰਹਿ ਗਏ ਹਨ।ਪੈ ਰਹੀ ਠੰਡ ਕਾਰਨ ਕੰਮਕਾਜ ਠੱਪ ਹੋ ਗਏ ਹਨ ਜਿਸ ਕਾਰਨ ਦਿਹਾੜੀਦਾਰ ਕਾਮੇ ਘਰਾਂ ਵਿੱਚ ਰਹਿਣ ਲਈ ਹੀ ਮਜਬੂਰ ਹਨ।ਪੈ ਰਹੀ ਠੰਡ ਕਿਸਾਨਾ ਦੀਆ ਫਸਲਾ ਲਈ ਲਾਹੇਵੰਦ ਵੀ ਸਾਬਿਤ ਹੋ ਰਹੀ ਤੇ ਇਸ ਵਾਰ ਬੀਜੀ ਕਣਕ ਦੀ ਫਸਲ ਲਈ ਠੰਡ ਲਾਹੇਵੰਦ ਹੁੰਦੀ ਹੈ ਜਿਸ ਕਾਰਨ ਕਣਕ ਦੀ ਫਸਲ ਦਾ ਝਾੜ ਵੱਧ ਨਿਕਲਦਾ ਹੈ।ਹੋਰਨਾਂ ਫਸਲਾ ਬਰਸੀਮ ,ਸਰੋਂ ਲਈ ਵੀ ਠੰਡ ਲਾਭਦਾਇਕ ਹੈ ਜਦਕਿ ਆਲੂ ਤੇ ਸਬਜੀਆਂ ਦੀ ਫਸਲ ਨੂੰ ਵੱਧ ਠੰਢ ਨੁਕਸਾਨ ਪਹੁੰਚਾ ਸਕਦੀ ਹੈ।ਬੇੱਸਕ ਦੁਪਹਿਰ ਵੇਲੇ ਕੁਝ ਸਮੇ ਲਈ ਸੂਰਜ ਦੇ ਨਿਕਲਣ ਨਾਲ ਲੋਕਾ ਦੇ ਚੇਹਰੇ ਤੇ ਰੌਣਕ ਵੇਖਣ ਨੂੰ ਮਿਲੀ ।