ਲੁਧਿਆਣਾ

ਲੁਧਿਆਣਾ, ਅਕਤੂਬਰ 2019-(ਜਸਮੇਲ ਗਾਲਿਬ )-

ਹਲਕਾ ਦਾਖਾ ਤੋ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਬਹੁਤ ਵੱਡੀ ਲੀਡ ਨਾਲ ਜਿੱਤਣਗੇ।ਇੰਨ੍ਹਾਂ ਸਬਦਾਂ ਦਾ ਪ੍ਰਗਟਾਵਾ ਐਨ.ਆਰ.ਆਈ ਤਰਸੇਮ ਸਿੰਘ ਹਾਂਗਕਾਂਗ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਹੇ।ਉਨ੍ਹਾ ਕਿਹਾ ਕਿ ਸੂਬੇ ਦੇ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਸਿਆਸੀ ਸਲਾਹਕਾਰ ਕੈਪਟਨ ਸੰਦੀਪ ਸੰਧੂ ਚੋਣ ਲੜ ਰਹੇ ਹਨ ਤੇ ਹਲਕੇ ਦਾਖੇ ਦੇ ਲੋਕ ਵੀ ਉਨ੍ਹਾਂ ਨੂੰ ਭਰਵਾਂ ਸਮਰਥਨ ਦੇ ਰਹੇ ਹਨ।ਉਨ੍ਹਾਂ ਕਿਹਾ ਕਿ ਕੈਪਟਨ ਸੰਧੂ ਨੂੰ ਤੁਸੀ ਆਪਣੇ ਢਾਈ ਸਾਲ ਦਿਉ ਤੇ ਫਿਰ ਵੇਖ ਲੈਣਾ ਕਿ ਵਿਕਾਸ ਨੂੰ ਕਹਿੰਦੇ ਤੇ ਕੈਪਟਨ ਸੰਧੂ ਬਿਨ੍ਹਾਂ ਕਿਸੇ ਬਿਆਨਬਾਂਜੀ ਕਰਨ ਦੀ ਬਜਾਏ ਕੰਮ ਕਰਨ ਵਿੱਚ ਵਿਸਵਾਸ਼ ਰੱਖਦੇ ਹਨ ਇਸ ਲਈ 21 ਅਕਤੂਬਰ ਨੂੰ ਚੋਣ ਨਿਸ਼ਾਨ ਹੱਥ ਪੰਜੇ ਤੇ ਮੋਹਰ ਲਗਾ ਕੇ ਕੈਪਟਨ ਸੰਧੂ ਨੂੰ ਜਿਤਾਈਏ।

ਜਗਰਾਉਂ/ਲੁਧਿਆਣਾ, ਅਕਤੂਬਰ 2019-(ਰਾਣਾ ਸੇਖਦੌਲਤ)- 

ਅੱਜ ਕੱਲ ਸਿਆਸੀ ਲੀਡਰ ਗੁਰੁ ਘਰਾ ਨੂੰ ਵੀ ਨਹੀ ਬਖਸ਼ ਰਹੇ ਲੀਡਰਾ ਲਈ ਦੂਰ ਦੀ ਗੱਲ ਹੈ। ਜੋਂ ਸਾਬਕਾ ਰਿਹ ਚੁੱਕੇ ਪ੍ਰਧਾਨ ਉਹ ਵੀ ਬਾਜ਼ ਨਹੀ ਆ ਰਹੇ। ਅਖਬਾਰਾ ਵਿੱਚ ਵੱਖਰੇ-ਵੱਖਰੇ ਬਿਆਨ ਦੇ ਕੇ ਆਪਣੀ ਫੋਕੀ ਟੋਹਰ ਬਣਾਉਣ ਚ ਲੱਗੇ ਹਨ। ਬੀਤੇ ਦਿਨ ਹੋਈ ਨਾਨਕਸਰ ਵਿਖੇ ਬਹੁਤ ਮੰਦਭਾਗੀ ਘਟਨਾ ਜੋਂ ਕੇ ਗੁਰਦੁਆਰਾ ਸਾਹਿਬ ਦੇ ਮੇਨ ਗੇਟ ਦੇ ਨਜ਼ਦੀਕ ਬਾਬਾ ਹਰਬੰਤ ਸਿੰਘ ਜੀ ਮਹੰਤ ਦੇ ਲੰਗਰ ਹਾਲ ਉਪਰ ਬਣੇ ਕਮਰੇ ਵਿਚ ਕੁਲਦੀਪ ਸਿੰਘ ਨਾਮੀ ਵਿਆਕਤੀ ਨੇ ਇਕ ਔਰਤ ਨੂੰ ਕਮਰੇ ਵਿੱਚ ਬੁਲਾ ਕੇ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਲੇਕਿਨ ਇਸ ਵਿੱਚ ਲੀਡਰਾ ਅਤੇ ਪ੍ਰਧਾਨਾ ਵੱਲੋਂ ਕੋਈ ਹੋਰ ਮੁੱਦਿਆ ਨੂੰ ਗਰਮ ਕੀਤਾ ਜਾ ਰਿਹਾ ਹੈ। ਲੇਕਿਨ ਅਸਲ ਗੱਲ ਹੈ ਕਿ ਕੁਲਦੀਪ ਸਿੰਘ ਸਾਡੇ ਕੋਲ ਪਿਛਲੇ 10 ਸਾਲ ਤੋਂ ਸੇਵਾ ਕਰਦਾ ਸੀ। ਇਹ ਚੂਰਨ ਵੇਚਣ ਦਾ ਕੰਮ ਪਿਛਲੇ 2 ਸਾਲ ਤੋਂ ਹੀ ਕਰਨ ਲੱਗਾ ਸੀ। ਪਹਿਲਾ ਇਹ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸੇਵਾ ਕਰਦਾ ਸੀ। ਅਤੇ ਬਾਅਦ ਵਿੱਚ ਲੰਗਰ ਹਾਲ ਵਿੱਚ ਸੇਵਾ ਕਰਦਾ ਸੀ। ਇਸ ਕਰਕੇ ਅਸੀ ਉਸ ਨੂੰ ਕਮਰਾ ਦਿੱਤਾ ਹੋਇਆ ਸੀ। ਕਿਉਂਕਿ ਉਹ ਦੂਰ ਪਿੰਡ ਦਾ ਰਹਿਣ ਵਾਲਾ ਸੀ।ਪਹਿਲਾ ਵੀ ਇਹੋ ਕਹਿੰਦਾ ਸੀ ਕਿ ਇਹ ਕੁੜੀ ਮੇਰੀ ਪਤਨੀ ਹੈ। ਸਾਡੇ ਲੰਗਰ ਵਿੱਚ ਬਹੁਤ ਸਾਰੇ ਸੇਵਾਦਾਰ ਹਨ ਜੋਂ ਲੰਮੇ ਸਮੇਂ ਤੋਂ ਨਾਨਕਸਰ ਵਿੱਚ ਰਹਿ ਰਹੇ ਹਨ। ਪਰ ਇਸ ਤਰ੍ਹਾ ਦੀ ਕਦੇ ਕੋਈ ਘਟਨਾ ਨਹੀ ਵਾਪਰੀ। ਜੇਕਰ ਸੇਵਾਦਾਰ ਨਾਨਕਸਰ ਸੇਵਾ ਕਰਦੇ ਹਨ ਤਾਂ ਉਹਨਾ ਦਾ ਰਹਿਣ ਦਾ ਪ੍ਰਬੰਧ ਵੀ ਨਾਨਕਸਰ ਹੀ ਹੁੰਦਾ ਹੈ।ਇਸ ਲੰਗਰ ਵਿੱਚ ਸੀ.ਸੀ.ਟੀ.ਵੀ ਕੈਮਰੇ ਵੀ ਲਗਾਏ ਹਨ। ਤਾਂ ਜੋਂ ਕੋਈ ਸ਼ਰਾਰਤੀ ਆਨਸਰ ਕੋਈ ਗਲਤ  ਹਰਕਤ ਨਾ ਕਰ ਸਕੇ। ਇੱਥੈ ਸੰਗਤਾ ਦੇ ਰਹਿਣ ਲਈ ਵੀ ਬਹੁਤ ਸਾਰੇ ਕਮਰੇ ਬਣੇ ਹਨ ਜੋਂ ਹਰ ਪੁੰਨਿਆ ਤੇ ਅਸੀ ਫਰੀ ਹੀ ਦਿੰਦੇ ਹਾਂ ਕਿਸੇ ਤੋਂ ਕੋਈ ਪੈਸਾ ਨਹੀ ਲੈਦੇ। ਇਸ ਕਰਕੇ ਸੰਗਤਾ ਨੂੰ ਅਪੀਲ ਹੈ ਕਿ ਕਿਸੇ ਵੀ ਗਲਤ ਬਿਆਨਬਾਜ਼ੀ ਵਿੱਚ ਨਾ ਆਉਣ ਇਹ ਬਾਬਾ ਨੰਦ ਸਿੰਘ ਜੀ ਨਗਰੀ ਹੈ। ਜਿਥੇ ਹਰ ਇਕ ਦੀ ਮਨੋ-ਕਾਮਨਾ ਪੂਰੀ ਹੁੰਦੀ ਹੈ।  
 

ਲੁਧਿਆਣਾ, ਅਕਤੂਬਰ 2019- ( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-
ਪੰਜਾਬ ਸਰਕਾਰ ਦੇ ਸਮਾਜਿਕ ਸੁਰੱਖਿਆ ਅਤੇ ਇਸਤਰੀ ਤੇ ਬਾਲ ਵਿਕਾਸ ਵਿਭਾਗ ਵੱਲੋਂ ਅੰਤਰਰਾਸ਼ਟਰੀ ਸੀਨੀਅਰ ਸਿਟੀਜਨ ਦਿਵਸ ਦੇ ਸਬੰਧ ਵਿੱਚ ਜ਼ਿਲ੍ਹਾ ਲੁਧਿਆਣਾ ਵਿੱਚ ਮਾਨਯੋਗ ਡਿਪਟੀ ਕਮਿਸ਼ਨਰ ਦੇ ਹੁਕਮਾਂ ਅਨੁਸਾਰ ਜ਼ਿਲ੍ਹਾਂ ਪੱਧਰੀ ਸੀਨੀਅਰ ਸਿਟੀਜਨ ਦਿਵਸ ਇਸ਼ਮੀਤ ਅਕੈਡਮੀ, ਰਾਜਗੁਰੂ ਨਗਰ, ਲੁਧਿਆਣਾ ਵਿਖੇ ਮਨਾਇਆ ਗਿਆ। ਜਿਸ ਵਿੱਚ ਮੁੱਖ ਮਹਿਮਾਨ ਦੇ ਤੌਰ 'ਤੇ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀਮਤੀ ਅੰਮ੍ਰਿਤ ਸਿੰਘ ਵੱਲੋਂ ਸ਼ਿਰਕਤ ਕੀਤੀ ਗਈ। ਇਸ ਪ੍ਰੋਗਰਾਮ ਵਿੱਚ ਵੱਖ-ਵੱਖ ਐਨ.ਜੀ.ਓ. ਤੋਂ ਇਲਾਵਾ ਸੀਨੀਅਰ ਸਿਟੀਜ਼ਨ ਐਸੋਸ਼ੀਏਸ਼ਨ ਦੇ ਪ੍ਰਧਾਨ ਸ੍ਰੀ ਐਸ.ਪੀ. ਕਰਕਰਾ ਅਤੇ ਮੈਬਰ ਵੀ ਸ਼ਾਮਲ ਹੋਏ। ਇਸ ਪ੍ਰੋਗਰਾਮ ਵਿੱਚ ਆਏ ਹੋਏ ਸੀਨੀਅਰ ਸਿਟੀਜ਼ਨਾਂ ਨੂੰ ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ ਸ੍ਰੀਮਤੀ ਇੰਦਰਪ੍ਰੀਤ ਕੌਰ ਵੱਲੋਂ ਉਨ੍ਹਾਂ ਦੇ ਹੱਕਾਂ ਪ੍ਰਤੀ ਅਤੇ ਨੈਸ਼ਨਲ ਟਰੱਸਟ ਐਕਟ ਦੇ ਰੂਲਾਂ ਸਬੰਧੀ ਜਾਣੂ ਕਰਵਾਇਆ ਗਿਆ। ਇਸ ਮੌਕੇੇਂ ਬਜੁਰਗਾਂ ਦੇ ਮਨੋਰੰਜਨ ਲਈ ਸਭਿਆਚਾਰਕ ਪ੍ਰੋਗਰਾਮ ਵੀ ਕਰਵਾਇਆ ਗਿਆ ਅਤੇ ਸਿਵਲ ਸਰਜਨ ਦਫ਼ਤਰ ਵੱਲੋਂ ਬਜੁਰਗਾਂ ਦਾ ਫਰੀ ਮੈਡੀਕਲ ਚੈੱਕਅਪ ਵੀ ਕੀਤਾ ਗਿਆ। ਇਸ ਤੋਂ ਇਲਾਵਾ ਬਜ਼ੁਰਗਾਂ ਦੀਆਂ ਗੇਮਾਂ ਵੀ ਕਰਵਾਈਆਂ ਗਈਆਂ। ਇਸ ਸਮਾਗਮ ਵਿੱਚ ਬਜ਼ੁਰਗਾਂ ਦੀਆਂ ਸਹੂਲਤਾਂ ਅਤੇ ਖਾਣ-ਪੀਣ ਦਾ ਵਿਸ਼ੇਸ਼ ਧਿਆਨ ਰੱਖਿਆ ਗਿਆ। ਵਧੀਆ ਕੰਮ ਕਰ ਰਹੀਆਂ ਐਨ.ਜੀ.ਓ., ਪ੍ਰੋਗਰਾਮ ਵਿੱਚ ਭਾਗ ਲੈਣ ਵਾਲੇ ਬੱਚਿਆਂ ਅਤੇ ਸੀਨੀਅਰ ਸਿਟੀਜਨਾਂ ਨੂੰ ਇਨਾਮਾਂ ਵਜੋਂ ਟਰਾਫੀਆਂ, ਸ਼ਾਲਾਂ ਅਤੇ ਲੋਈਆਂ ਨਾਲ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ੍ਰੀਮਤੀ ਅੰਮ੍ਰਿਤ ਸਿੰਘ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫਸਰ ਸ੍ਰੀਮਤੀ ਇੰਦਰਪ੍ਰੀਤ ਕੌਰ ਨੇ ਸੀਨੀਅਰ ਸੀਟੀਜਨ ਹੋਮ ਦੇ ਇੰਚਾਰਜ ਵੱਲੋਂ ਬਜੁ਼ਰਗਾਂ ਦੀ ਸਾਂਭ-ਸੰਭਾਲ ਲਈ ਕੰਮ ਕਰਨ ਲਈ ਸ਼ਲਾਘਾ ਕੀਤੀ ਗਈ ਅਤੇ ਅੱਗੇ ਤੋਂ ਹੋਰ ਵੀ ਵਧੀਆ ਕਰਨ ਲਈ ਪ੍ਰੇਰਿਆ ਗਿਆ।

ਲੁਧਿਆਣਾ, ਅਕਤੂਬਰ 2019-(ਜਸਮੇਲ ਗਾਲਿਬ )-

ਹਲਕਾ ਦਾਖਾ ਜ਼ਿਮਨੀ ਚੋਣ ਲਈ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਨੇ ਆਪਣੀ ਚੋਣ ਮੁਹਿੰਮ ਦੌਰਾਨ ਸੰਸਾਰ ਪ੍ਰਸਿੱਧ ਗੁਰਦੁਆਰਾ ਨਾਨਕਸਰ ਕਲੇਰਾਂ(ਜਗਰਾਉਂ) ਵਿਖੇ ਸੀਨੀਅਰ ਆਗੂ ਸਮੇਤ ਮੱਥਾ ਟੇਕਿਆ।ਗੁਰਦਾਆਰਾ ਨਾਨਕਸਰ ਵਿਖੇ ਸੰਤ ਬਾਬਾ ਗੁਰਚਰਨ ਸਿੰਘ ਨਾਨਕਸਰ,ਬਾਬਾ ਸੇਵਾ ਸਿੰਘ ਨਨਕਸਰ ,ਬਾਬਾ ਸਰਦਾਰਾ ਸਿੰਘ ਨਾਨਕਸਰ ,ਬਾਬਾ ਸਤਨਾਮ ਸਿੰਘ ਸੀਸ ਮਹਿਲ ਤੇ ਹੋਰ ਮਹਾਂਪੁਰਖਾਂ ਨੇ ਕੈਪਟਨ ਸੰਦੀਪ ਸੰਧੂ ਨੂੰ ਸਿਰੋਪਾੳ ਭੇਟ ਕਰਕੇ ਸਨਮਾਨਿਤ ਕੀਤਾ।ਇਸ ਮੌਕੇ ਮੈਂਬਰ ਪਾਰਲੀਮੈਂਟ ਰਵਨੀਤ ਸਿੰਘ ਬਿੱਟੂ,ਕੈਬਨਿਟ ਮੰਤਰੀ ਭਾਰਤ ਭਾਸ਼ਣ ਆਸ਼ੂ,ਸਾਬਕਾ ਐੱਮ.ਪੀ ਅਮਰੀਕ ਸਿੰਘ ਆਲੀਵਾਲ ,ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ,ਚੇਅਰਮੈਨ ਕ੍ਰਿਸ਼ਨ ਕੁਮਾਰ ਬਾਵਾ,ਗੁਰਦੇਵ ਸਿੰਘ ਲਾਪਰਾਂ ,ਚੇਅਰਮੈਂਨ ਕਰਨ ਵੜਿੰਗ ,ਰਵਿੰਦਰ ਕੁਮਾਰ ਸਭਰਵਾਲ ,ਅਜ਼ਮੇਰ ਸਿੰਘ ਢੋਲਣ,ਕਮਲਜੀਤ ਸਿੰਘ ਬਰਾੜ ਸਾਜਨ ਮਲਹੋਤਰਾ,ਪ੍ਰਸ਼ਤੋਮ ਲਾਲ ਖਲੀਫਾ ਤੇ ਹੋਰ ਮੌਜੂਦਾ ਸਨ।