ਲੁਧਿਆਣਾ

ਜਗਰਾਉਂ:-  ਜੂਨ 2021,(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) ਮਾਰਕਿਟ ਕਮੇਟੀ ਜਗਰਾਓਂ ਦੇ ਅਧੀਨ ਪੈਂਦੇ ਪਿੰਡਾਂ ਅਤੇ ਸ਼ਹਿਰਾਂ ਦੇ ਵਿਕਾਸ ਕਾਰਜਾਂ ਦੇ ਕੰਮਾਂ ਵਿੱਚ ਮਾਰਕਿਟ ਕਮੇਟੀ ਜਗਰਾਉਂ ਦੇ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ ਵੱਲੋਂ ਹਨੇਰੀ ਲਿਆਂਦੀ ਹੋਈ ਹੈ ਉਨ੍ਹਾਂ ਵੱਲੋਂ ਪੰਜਾਬ ਸਰਕਾਰ ਤੋਂ ਕਰੋੜਾਂ ਰੁਪਏ ਦੀਆਂ ਗ੍ਰਾਂਟਾਂ ਮਨਜ਼ੂਰ ਕਰਵਾ ਲਗਾਤਾਰ ਮਾਰਕੀਟ ਕਮੇਟੀ ਜਗਰਾਉਂ ਦੇ ਅਧੀਨ ਪੈਂਦੇ ਪਿੰਡਾਂ ਅਤੇ ਸ਼ਹਿਰਾਂ ਦੇ ਵਿਕਾਸ ਕਾਰਜਾਂ ਨੂੰ ਪਹਿਲ ਦੇ ਅਧਾਰ ਤੇ ਕਰਵਾਇਆ ਜਾ ਰਿਹਾ ਹੈ ਅੱਜ ਦੀ ਉਹਨਾ ਵੱਲੋਂ ਮੁੱਖ ਮੰਤਰੀ ਪੰਜਾਬ ਦੇ ਸਲਾਹਕਾਰ ਕੈਪਟਨ ਸੰਦੀਪ ਸੰਧੂ ਦੀ ਯੋਗ ਅਗਵਾਈ ਹੇਠ ਮਾਰਕੀਟ ਕਮੇਟੀ ਜਗਰਾਓਂ ਦੇ ਅਧੀਨ ਪੈਂਦੀ ਰੂਮੀ ਸੜਕ ਉਪਰੋ ਲੰਘਦੀ ਸੇਮ ਦੇ ਪੁੱਲ ਦਾ ਕੰਮ ਸ਼ੁਰੂ ਕਰਵਾਇਆ ਗਿਆ ਚੇਅਰਮੈਨ ਗਰੇਵਾਲ ਵੱਲੋਂ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਗਿਆ ਕਿ ਇਸ ਸੇਮ ਪੁੱਲ ਦੀ ਲੰਬਾਈ 27 ਫੁੱਟ ਤੇ ਚੜਾਈ 26 ਫੁੱਟ ਹੈ ਇਸ ਸੇਮ ਪੁੱਲ ਦੀ ਨਵੀਂ ਉਸਾਰੀ ਤੇ ਤਕਰੀਬਨ 54 ਲੱਖ ਰੁਪਏ ਦੀ ਲਾਗਤ ਆਉਣ ਦੀ ਸੰਭਾਵਨਾ ਹੈ ਚੇਅਰਮੈਨ ਗਰੇਵਾਲ ਵੱਲੋਂ ਹੋਰ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਗਿਆ ਕਿ ਮਾਰਕੀਟ ਕਮੇਟੀ ਜਗਰਾਂਓ ਦੇ ਅਧੀਨ ਪੈਂਦੇ ਪਿੰਡ ਢੋਲਨ ਤੋਂ ਛੱਜਾਵਾਲ ਦੇ ਲਿੰਕ ਰੋਡ ਦੀ ਤਕਰੀਬਨ 44 ਲੱਖ ਰੁਪਏ ਦੀ ਲਾਗਤ ਨਾਲ ਪ੍ਰੀਮਿਕਸ ਪਾ ਕੇ ਤਿਆਰ ਹੋ ਚੁੱਕੀ ਸੜਕ ਦਾ ਉਦਘਾਟਨ ਵੀ ਅੱਜ ਕੈਪਟਨ ਸੰਦੀਪ ਸੰਧੂ ਜੀ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤਾ ਹੈ। ਇਸ ਮੌਕੇ ਮੇਜਰ ਸਿੰਘ ਮੁੱਲਾਪੁਰ ,ਜਤਿਨ ਸਿੰਗਲਾ,ਐਸ ਡੀ ਓ ਪਰਮਿੰਦਰ ਸਿੰਘ,ਜੇਈ ਰਵਿੰਦਰ ਸਿੰਘ ਸਰਪੰਚ ਢੋਲਣ, ਕੁਲਦੀਪ ਸਿੰਘ ਸਰਪੰਚ ਰੂੰਮੀ, ਸੁਖਦੇਵ ਸਿੰਘ ਸਾਬਕਾ ਸਰਪੰਚ ਅਖਾੜਾ, ਜਸਬੀਰ ਸਿੰਘ ਢੋਲਣ, ਅੰਮ੍ਰਿਤਪਾਲ ਸਿੰਘ ਨੀਟਾ, ਜਗਸੀਰ ਸਿੰਘ ਢੋਲਣ, ਗੁਰਪ੍ਰੀਤ ਸਿੰਘ ਮਿੰਟੂ ਦੀਪਾ ਪ੍ਰਧਾਨ ਰੂੰਮੀ,ਸੁਖਦੀਪ ਸਿੰਘ ਅਖਾੜਾ ,ਨਰੇਸ਼ ਗੁਜਰ ਇਸ ਤੋਂ ਇਲਾਵਾ ਇਲਾਕੇ ਦੇ ਪੰਚ-ਸਰਪੰਚ ਅਤੇ ਸਮੁੱਚੀ ਲੀਡਰਸ਼ਿਪ ਮੌਜੂਦ ਸਨ।

ਜਗਰਾਓਂ, 14 ਜੁਨ (ਅਮਿਤ ਖੰਨਾ,)  ਜਗਰਾਓਂ ਤੇ ਰਾਏਕੋਟ ਇਲਾਕੇ ਦੀ ਮੰਨੀ ਪ੍ਰਸਿੱਧ ਸੰਸਥਾ ਫੌਰਚਿਊਨ ਆਈਲੈਟਸ ਸਕੂਲ ਐਂਡ  ਇਮੀਗ੍ਰੇਸ਼ਨ  ਸਰਵਿਸਿਜ਼ ਦੇ ਡਾਇਰੈਕਟਰ ਬਲਵੰਤ ਸਿੰਘ ਨੂੰ  ਐਕਸਿਸ ਬੈਂਕ ਰਾਏਕੋਟ ਦੇ ਮਨੇਜਰ  ਰਾਹੁਲ ਮਹਿੰਦਰਾ ਵੱਲੋਂ  ਬੈਸਟ ਫੋਰੈਕਸ ਪਾਰਟਨਰ ਲੁਧਿਆਣਾ ਜ਼ੋਨ ਦਾ ਐਵਾਰਡ ਦਿੱਤਾ ਗਿਆ  ਬਲਵੰਤ ਸਿੰਘ ਜੀ ਨੇ ਦੱਸਿਆ ਕਿ ਅਸੀਂ ਐਕਸਿਸ ਬੈਂਕ ਬੈਂਕ ਦੇ ਨਾਲ ਪਿਛਲੇ 4, 5 ਸਾਲਾਂ ਤੋਂ ਜੁੜੇ ਹਾਂ  ਐਕਸਿਸ ਬੈਂਕ ਆਪਣੇ ਗਾਹਕਾਂ ਨੂੰ ਬਹੁਤ ਹੀ ਵਧੀਆ ਸੇਵਾਵਾਂ ਦੇ ਰਹੇ ਹਨ  ਅਤੇ ਬੈਂਕ ਮੈਨੇਜਰ  ਰਾਹੁਲ ਮਹਿੰਦਰਾ ਜੀ ਨੇ ਵੀ ਕਿਹਾ ਕਿ ਬਲਵੰਤ ਸਿੰਘ ਜੀ ਵੀ ਸਾਡੇ  ਬਹੁਤ ਵਧੀਆ ਬੈਸਟ ਫੋਰੈਕਸ ਪਾਰਟਨਰ  ਹਨ  ਇਥੇ ਐਕਸਿਸ ਬੈਂਕ ਨੇ ਪੂਰੇ ਲੁਧਿਆਣਾ ਜ਼ੋਨ ਦੇ ਵਿੱਚ 2ਐਵਾਰਡ ਦਿੱਤੇ ਹਨ  ਜਿਨ੍ਹਾਂ ਵਿਚੋਂ 1 ਐਵਾਰਡ  ਬਲਵੰਤ ਸਿੰਘ ਜੀ ਨੂੰ ਦਿੱਤਾ ਗਿਆ

ਜਗਰਾਉਂ ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)

                                 ਸੰਯੁਕਤ ਕਿਸਾਨ ਮੋਰਚਾ ਦੇ ਸੱਦੇ ਤੇ ਸਥਾਨਕ ਰੇਲ ਪਾਰਕ ਜਗਰਾਂਓ ਚ ਚੱਲ ਰਹੇ ਕਿਸਾਨ ਮੋਰਚੇ ਚ  ਸ਼ਹੀਦਾਂ ਦੇ ਸਰਤਾਜ ਗੁਰੂ ਸ਼੍ਰੀ ਅਰਜਨ ਦੇਵ ਨੂੰ ਸਿਜਦਾ ਕੀਤਾ। ਇਸ ਸਮੇਂ ਧਰਨਾਕਾਰੀਆਂ ਨੂੰ ਸੰਬੋਧਨ ਕਰਦਿਆ ਪ੍ਰਸਿੱਧ ਵਿਦਵਾਨ ਸੁਰਜੀਤ ਦੌਧਰ ਨੇ ਕਿਹਾ ਕਿ ਗੁਰੂ ਸ਼ਾਹਿਬ ਵਲੋਂ ਮੁਗਲਸ਼ਾਹੀ ਨਾਲ ਟੱਕਰ ਲੈਣ ਅਤੇ ਧਰਮ ਨਾ ਬਦਲਣ ਦੇ ਇਵਜ ਚ  ਤੱਤੀ ਤਵੀ ਤੇ ਬੈਠ ਕੇ ਮਹਾਨ ਸ਼ਹਾਦਤ ਦਾ ਜਾਮ ਪੀਣਾ ਪਿਆ।ਇਸ ਸਮੇਂ ਬੋਲਦਿਆਂ ਉਨਾਂ ਕਿਹਾ ਕਿ ਗੁਰੂ ਅਰਜਨ ਦੇਵ ਦੀ ਸ਼ਹਾਦਤ ਤੋਂ ਬਾਅਦ ਛੇਵੇਂ ਗੁਰੂ ਨੇ  ਮੀਰੀ ਪੀਰੀ ਦੇ ਸਿਧਾਂਤ ਮੁਤਾਬਕ ਅਤੇ ਨੋਵੇਂ ਗੁਰੂ ਦੀ ਸ਼ਹਾਦਤ ਤੋਂ ਬਾਅਦ ਦਸਵੇਂ ਗੁਰੂ ਨੇ ਹਥਿਆਰ ਚੁੱਕੇ। ਇਸ ਦਾ ਅਰਥ ਹੈ ਕਿ ਜੁਲਮ ਦੀ ਇੰਤਹਾ ਤੋਂ ਬਾਦ ਹਥਿਆਰ ਚੁੱਕਣਾ ਲਾਜਮੀ ਹੈ।ਜਦੋਂ ਧਿਰ ਉਪਾਵਾਂ ਦੀ ਹਾਰਦੀ ਤਾਂ ਜਾਇਜ ਵਰਤੋਂ ਤਲਵਾਰ ਦੀ। ਉਨਾਂ ਕਿਹਾ ਕਿ ਗੁਰੂ ਗ੍ਰੰਥ ਸਾਹਿਬ ਦੀ ਰਚਨਾ ਚ ਪੰਜਵੇ ਗੁਰੂ ਸਾਹਿਬ ਦਾ ਵੱਡਾ ਯੋਗਦਾਨ ਹੈ ।ਗੁਰੂ ਸਾਹਿਬ ਨੇ ਗੁਰਬਾਣੀ ਚ ਜੋ ਸ਼ਲੋਕ ਦਰਜ ਕੀਤੇ ਹਨ ਉਹ ਅੱਜ ਵੀ ਸਾਰਥਕ ਹਨ ,।ਗੁਰੂ ਅਰਜਨ ਦੇਵ ਜੀ ਨੇ ਕਿਸੇ
ਪਰਲੋਕ ਚ ਨਰਕ ਸੁਰਗ ਦੇ ਸਿਧਾਂਤ ਨੂੰ ਰੱਦ ਕੀਤਾ। ਇਸ ਸਮੇਂ ਅਪਣੇ ਸੰਬੋਧਨ ਚ  ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੇ ਆਗੂਆਂ ਗੁਰਮੇਲ ਸਿੰਘ ਭਰੋਵਾਲ ਅਤੇ ਗੁਰਪ੍ਰੀਤ ਸਿੰਘ  ਸਿਧਵਾਂ ਨੇ ਕਿਹਾ ਕਿ ਸ਼ਾਂਤੀ ਦੇ ਪੁੰਜ ਗੁਰੂ ਅਰਜਨ ਦੇਵ ਦੀ ਸ਼ਹਾਦਤ ਨੇ ਝੂਠ ਤੇ ਪਾਖੰਡ ਨੂੰ ਸੰਸਾਰ ਭਰ ਚ ਬੇਪਰਦ ਕੀਤਾ, ਤਾਰ ਤਾਰ ਕੀਤਾ। ਗੁਰੂ ਸਾਹਿਬ ਦੀ ਸੱਚੀ ਸੁੱਚੀ ਸ਼ਹਾਦਤ ਤੋਂ ਪ੍ਰੇਰਨਾ ਲੈਂਦੇ ਹੋਏ ਅਜ ਹਜਾਰਾਂ ਕਿਸਾਨ ਦਿਲੀ ਚ ਹਨੇਰੀ ਝੱਖੜ ਤੇ ਮੂਸਲਾਧਾਰ ਬਾਰਿਸ਼ ਚ  ਉਸੇ ਸਿਦਕ ਤੇ ਸਬਰ ਨਾਲ ਬੈਠੇ ਹਨ ।  ਅਜ ਸਮੁੱਚੀ ਕਿਸਾਨ ਮਜਦੂਰ ਲਹਿਰ ਅਪਣੇ ਗੁਰੂਆਂ ਦੇ ਮਹਾਨ ਇਤਿਹਾਸ ਤੋਂ ਪ੍ਰੇਰਨਾ ਲੈ ਕੇ ਲੰਮੇ ਇਤਿਹਾਸਕ ਸੰਘਰਸ਼ ਦੇ ਮੈਦਾਨ ਚ ਡਟੇ ਹੋਏ ਹਨ। ਇਸ ਸਮੇਂ ਲਖਵੀਰ ਸਿੰਘ ਸਿੱਧੂ ਅਤੇ ਬਾਲ ਕਲਾਕਾਰ ਹਮਮਰਮਨ ਦੀਪ ਬਾਰਦੇਕੇ ਨੇ ਗੁਰੂ ਸਾਹਿਬ ਦੀ ਯਾਦ ਰੁਸ਼ਨਾਊਂਦੇ ਗੀਤ ਪੇਸ਼ ਕੀਤੇ ।ਇਸ ਸਮੇਂ ਇੰਦਰਜੀਤ ਸਿੰਘ ਧਾਲੀਵਾਲ ਕਨੇਡੀਅਨ  ਜਿਲਾ ਸਕੱਤਰ,ਜਗਦੀਸ਼ ਸਿੰਘ, ਮਦਨ ਸਿੰਘ ਗੁਰਮੁੱਖਸਿੰਘ ਬਾਰਦੇਕੇ ,ਬਲਬੀਰ ਸਿੰਘ ਅਗਵਾੜ ਲੋਪੋ ,ਇਕਬਾਲ ਸਿੰਘ ਬੁੱਟਰ ਆਦਿ ਹਾਜ਼ਰ ਸਨ।

ਜਗਰਾਉਂ ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਸਥਾਨਕ ਰੇਲ ਪਾਰਕ ਜਗਰਾਂਓ ਵਿਖੇ 256 ਦਿਨ ਚ ਦਾਖਲ ਹੋਏ ਕਿਸਾਨ ਸੰਘਰਸ਼ ਮੋਰਚੇ ਚ ਅੱਜ ਦੇਸ਼ ਭਰ ਦੀਆਂ ਜੇਲਾਂ ਚ ਬੰਦ ਲੋਕ ਪੱਖੀ ਬੁੱਧੀਜੀਵੀਆਂ ਦੀ ਬਿਨਾਂ ਸ਼ਰਤ ਰਿਹਾਈ ਦੀ ਮੰਗ ਨੂੰ ਸਮਰਪਿਤ ਕੀਤਾ ਗਿਆ। ਇਸ ਸਮੇਂ ਉਘੇ ਰੰਗਕਰਮੀ,ਫਿਲਮੀ ਅਭਿਨੇਤਾ,ਨਾਟਕਕਾਰ ਸੁਰਿੰਦਰ ਸ਼ਰਮਾ ਨੇ ਬੋਲਦਿਆਂ ਕਿਹਾ ਕਿ ਭਾਜਪਾ ਦੇ ਇਸ ਫਾਸ਼ੀ ਰਾਜ ਚ ਹਰ ਵਿਰੋਧੀ ਆਵਾਜ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾ ਰਿਹਾ । ਉਨਾਂ ਕਿਹਾ ਕਿ ਅੱਜ 22 ਦੇ ਕਰੀਬ ਬੁੱਧੀਜੀਵੀ ਦੇਸ਼ ਧ੍ਰੋਹ ਦੇ ਦੋਸ਼ਾਂ ਚ ਤਿੰਨ ਤਿੰਨ ਸਾਲਾਂ ਤੋਂ ਜੇਲ ਚ ਬੰਦ ਹਨ । ਞਿਦਞਾਨ ਆਨੰਦ ਤੇਲ ਤੁੰਬੜੇ , ਪ੍ਰਸਿੱਧ ਵਕੀਲ ਸੁਧਾ ਭਾਰਦਵਾਜ,ਜਾਣੇ ਪਛਾਣੇ ਚਿੰਤਕ ਗੋਤਮ ਨੌਲੱਖਾ , ਜਮਹੂਰੀ ਘੁਲਾਟੀਏ ਨਤਾਸ਼ਾ ਨਰਵਾਲ, ਉਮਰ ਖਾਲਿਦ ਆਦਿ ਜਿਹੀਆਂ ਸਖਸ਼ੀਅਤਾਂ ਨੂੰ ਜੇਲ ਚ ਬੰਦ ਕਰਕੇ ਅਸਿੱਧੀ ਐਮਰਜੈਂਸੀ ਲਾ ਰੱਖੀ ਹੈ । ਉਨਾਂ ਕਿਹਾ ਕਿ ਜਮਹੂਰੀ ਅਧਿਕਾਰ ਸਭਾ ਦੇ ਸੱਦੇ ਤੇ ਸੂਬੇ ਭਰ ਚ ਕੇੰਦਰਸਾਸ਼ਤ ਪ੍ਰਦੇਸ਼ ਲਕਸ਼ਦਵੀਪ ਚ  ਲੋਕਵਿਰੋਧੀ ਗਵਰਨਰ ਪਟੇਲ ਦੇ ਆਪਹੁਦਰੀਆਂ ਖਿਲਾਫ ਟਵੀਟ ਕਰਨ ਤੇ ਦੇਸ਼ਧਰੋਹ ਦਾ ਪਰਚਾ ਦਰਜ ਕਰਨ ਦੀ ਜੋਰਦਾਰ ਨਿੰਦਾ ਕਰਦਿਆਂ ਇਹ ਫਰਮਾਨ ਰੱਦ ਕਰਨ ਦੀ ਮੰਗ ਕੀਤੀ। ਇਸ ਸਮੇਂ ਇਕ ਮਤੇ ਰਾਹੀਂ ਜੇਲਾਂ ਚ  ਬੰਦ ਬੁੱਧੀਜੀਵੀ ਰਿਹਾ ਕਰਨ ਦੀ ਮੰਗ ਕੀਤੀ।ਇਸ ਸਮੇਂ ਬੋਲਦਿਆਂ ਕਿਸਾਨ ਆਗੂ ਇੰਦਰਜੀਤ ਸਿੰਘ ਧਾਲੀਵਾਲ ਜਿ ਆ ਸਕਤਰ ਅਤੇ ਗੁਰਪ੍ਰੀਤ ਸਿੰਘ ਸਿਧਵਾਂ ਜਿਲਾ ਪ੍ਰੈੱਸ ਸਕੱਤਰ ਨੇ ਬੀਤੇ ਦਿਨੀ  ਗੜੇਮਾਰੀ ਨਾਲ ਇਲਾਕੇ ਭਰ ਚ ਅਤੇ ਪੰਜਾਬ  ਦੀਆਂ ਵਖ  ਵਖ ਥਾਵਾਂ ਤੇ ਮੱਕੀ, ਮੂੰਗੀ,ਪੁਦੀਨੇ ਦੀ  ਫਸਲ ਦੇ ਹੋਏ ਭਾਰੀ ਨੁਕਸਾਨ ਦਾ ਸਰਕਾਰ ਵਲੋਂ ਯੋਗ ਮੁਆਵਜਾ ਦੇਣ ਦੀ ਜੋਰਦਾਰ ਮੰਗ ਕੀਤੀ ਗਈ।  ਉਨਾਂ ਬਿਨਾਂ ਦੇਰੀ ਨੁਕਸਾਨੀ ਫਸਲ ਦੀ ਗਿਰਦਾਵਰੀ ਕਰਵਾ ਕੇ ਪਹਿਲ ਦੇ ਆਧਾਰ ਤੇ ਮੁਆਵਜਾ ਜਾਰੀ ਕਰਨ ਦੀ ਮੰਗ ਕੀਤੀ। ਇਸ ਸਮੇਂ ਕੁਲਦੀਪ ਸਿੰਘ ਗੁਰੂਸਰ,ਮਦਨ ਸਿੰਘ, ਜਗਜੀਤ ਸਿੰਘ ਮਲਕ ਆਦਿ ਆਗੂ ਹਾਜ਼ਰ ਸਨ।