ਲੁਧਿਆਣਾ

ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਜਸਵਿੰਦਰ ਸਿੰਘ ਸਿੱਧੂ ਨੇ ਪਿੰਡਾਂ ਵਿਚ ਕਈ ਕਮੇਟੀਆਂ ਦਾ ਗਠਨ ਕੀਤਾ

ਸਿੱਧਵਾਂ ਬੇਟ (ਜਸਮੇਲ ਗ਼ਾਲਿਬ)

ਈ.ਟੀ.ਟੀ ਅਧਿਆਪਕ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਜਸਵਿੰਦਰ ਸਿੰਘ ਸਿੱਧੂ ਨੌਕਰੀ ਤੋਂ ਅਸਤੀਫ਼ਾ ਦੇ ਕੇ ਆਮ ਆਦਮੀ ਪਾਰਟੀ ਨੂੰ ਜੁਆਇਨ ਕਰਨ ਤੋਂ ਬਾਅਦ ਹਲਕਾ ਧਰਮਕੋਟ ਦੇ ਪਿੰਡਾਂ ਵਿੱਚ ਆਪਣੀਆਂ ਸਰਗਰਮੀਆਂ ਤੇਜ਼ ਕਰ ਦਿੱਤੀਆਂ ਗਈਆਂ ਹਨ। ਅੱਜ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਜਸਵਿੰਦਰ ਸਿੰਘ ਸਿੱਧੂ ਹਲਕਾ ਧਰਮਕੋਟ ਦੇ ਪਿੰਡ ਤਲਵੰਡੀ ਮੱਲੀਆਂ ਦਾਇਆ ਕਲਾਂ ਕਿਸ਼ਨਪੁਰਾ ਖੁਰਦ ਕਿਸ਼ਨਪੁਰਾ ਕਲਾਂ ਪਿੰਡਾਂ ਵਿੱਚ ਤੂਫ਼ਾਨੀ ਦੌਰਾ ਕੀਤਾ ।ਪਿੰਡਾਂ ਵਿੱਚੋਂ ਆਮ ਆਦਮੀ ਪਾਰਟੀ ਦੇ ਪੁਰਾਣੇ ਵਲੰਟੀਅਰਾਂ ਨੂੰ ਮਨਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ। ਇਸ ਸਮੇਂ ਜਸਵਿੰਦਰ ਸਿੰਘ ਸਿੱਧੂ ਨੇ ਪਿੰਡਾਂ ਵਿਚ ਕਮੇਟੀਆਂ ਗਠਿਤ ਕੀਤੀਆਂ ਗਈਆਂ ।ਕਿਸ਼ਨਪੁਰਾ ਕਲਾਂ ਵਿੱਚ ਰਾਜਾ ਨਵਦੇਵ ਸਿੰਘ ਮਾਨ ਦੇ ਘਰ ਮੀਟਿੰਗ ਹੋਈ ਜਿਸ ਵਿਚ 11 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ। ਇਸ ਕਮੇਟੀ ਵਿਚ ਮਨਜਿੰਦਰ ਸਿੰਘ ਔਲਖ ਨੂੰ ਸੈਕਟਰੀ ਲਾਇਆ ਗਿਆ।ਇਸ ਸਮੇਂ ਜਸਵਿੰਦਰ ਸਿੰਘ ਸਿੱਧੂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਹੈ ਕਿ ਹਾਈ ਕਮਾਂਡ ਹਲਕਾ ਧਰਮਕੋਟ ਤੋਂ ਪਾਰਟੀ ਜਿਸ ਵੀ ਵਿਅਕਤੀ ਨੂੰ ਟਿਕਟ ਦਿੰਦੀ ਹੈ ਅਸੀਂ ਉਸ ਦਾ ਖੁੱਲ੍ਹ ਕੇ ਮਦਦ ਕਰਾਂਗੇ ਅਤੇ ਉਸ ਨੂੰ ਵੱਡੀ ਲੀਡ ਨਾਲ ਹਲਕਾ ਧਰਮਕੋਟ ਤੋਂ ਜਿਤਾ ਕੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਾਵਾਂਗੇ ।ਉਨ੍ਹਾਂ ਕਿਹਾ ਹੈ ਕਿ ਅਕਾਲੀ ਕਾਂਗਰਸ ਦੋਵੇਂ ਭ੍ਰਿਸ਼ਟਾਚਾਰ ਦੇ ਥੰਮ੍ਹ ਇਨ੍ਹਾਂ ਲੋਟੂ ਧਿਰਾਂ ਤੇ ਨੱਥ ਪਾਉਣ ਲਈ 2022 ਵਿੱਚ ਲੋਕਾਂ ਨੂੰ ਆਮ ਆਦਮੀ ਪਾਰਟੀ ਦੇ ਹੱਕ ਵਿਚ ਝੰਡਾ ਬੁਲੰਦ ਕਰਨਾ ਪਵੇਗਾ

ਸਿੱਖੀ ਦਾ ਪ੍ਰਚਾਰ ਅਤੇ ਵਿਦਿਅਕ ਕੇਂਦਰ ਸਮੇ ਦੀ ਮੁੱਖ ਲੋੜ:ਧਾਰਮਿਕ ਜੱਥੇਬੰਦੀਆ

ਸਿੱਧਵਾਂ ਬੇਟ (ਜਸਮੇਲ ਗ਼ਾਲਿਬ)

ਸਹੀਦ ਬਾਬਾ ਜੀਵਨ ਸਿੰਘ ਵਿਦਿਅਕ ਅਤੇ ਭਲਾਈ ਟਰਸਟ ਅਤੇ ਗੁਰਮਤਿ,ਗ੍ਰੰਥੀ,ਰਾਗੀ,ਢਾਡੀ,ਪ੍ਰਚਾਰਕ ਸਭਾ।ਸ਼ਹੀਦ ਬਾਬਾ ਜੀਵਨ ਸਿੰਘ ਵੈਲਫੇਅਰ ਸੁਸਾਇਟੀ ਦੀ ਸਾਝੀ ਮੀਟੰਗ ਮੁੱਲਾਪੁਰ ਦਾਖਾ ਵਿਖੇ ਕੌਮੀ ਪ੍ਰਧਾਨ ਇਨਸ਼ਪੈਕਟਰ ਸ ਪ੍ਰੇਮ ਸਿੰਘ ਭੰਗੂ ਅਤੇ ਚੇਅਰਮੈਨ ਸ ਜਸਵੰਤ ਸਿਘ ਚੰਡੀਗੜ ਦੀ ਅਗਵਾਈ ਵਿੱਚ ਹੋਈ।ਜਿਸ ਵਿੱਚ ਕੌਮੀ ਮੁੱਦਿਆਂ ਤੇ ਵੀਚਾਰ ਕੀਤੀ ਗਈ।ਵੱਖ ਵੱਖ ਬੁਲਾਰਿਆਂ ਨੇ ਸਿੱਖ ਪੰਥ ਵਿਚ ਪਏ ਵਖਰੇਵਿਆਂ ਤੇ ਚਿੰਤਾ ਪਰਗਟ ਕੀਤੀ ਉਹਨਾ ਕਿਹਾ ਕਿ ਕੌਮ ਦੇ ਮਸਲੇ ਜਨਤਕ ਕਰਨ ਤੋ ਪਹਿਲਾ ਬਹਿ ਕੇ ਵੀਚਾਰ ਲੈਣੇ ਚਾਹੀਦੇ ਹਨ।ਤਾ ਕਿ ਭਰਮ ਭੁਲੇਖੇ ਦੂਰ ਹੋ ਸਕਣ।
ਅਤੇ ਰਲ ਮਿਲ ਕੇ ਸਿੱਖੀ ਦਾ ਪ੍ਰਚਾਰ ਅਤੇ ਸੇਵਾਵਾਂ ਨਿਰੰਤਰ ਜਾਰੀ ਰਹਿਣ ਜੱਥੇਬੰਦੀਆ ਦੀਆ ਚੱਲ ਰਹੀਆ ਸੇਵਾਮਾਂ ਦੀ ਸਲਾਗਾਂ ਕੀਤੀ । ਆਉਣ ਵਾਲੇ ਸਮੇ ਵਿੱਚ ਚੱਲ ਰਹੀਆ ਗਤੀ ਵਿਧੀਆਂ ਨੂੰ ਹੋਰ ਤੇਜ ਕਰਨ ਦੀ ਵੀਚਾਰ ਕੀਤੀ ਗਈ।ਇਸ ਮੋਕੇ ਚੇਅਰਮੈਨ ਸ ਜਸਵੰਤ ਸਿੰਘ ਚੰਡੀਗੜ ਸ ਪ੍ਰੇਮ ਸਿੰਘ ਭੰਗੂ ਪ੍ਰਧਾਨ ਭਾਈ ਪ੍ਰਿਤਪਾਲ ਸਿੰਘ ਪਾਰਸ ਪ੍ਰਧਾਨ, ਜੱਥੇਦਾਰ ਜਗਰੂਪ ਸਿੰਘ ਗੁੱਜਰਵਾਲ ਗੁਰਚਰਨ ਸਿੰਘ ਦਲੇਰ ਕੈਪਟਨ ਸਵਰਨ ਸਿੰਘ ਰਘਵੀਰ ਸਿੰਘ ਕੇਪਟਨ ਸਤਪਾਲ ਸਿੰਘ ਗਿਆਨੀ ਕਰਨੈਲ ਸਿੰਘ ਗੰਭੀਰ ਮੋਹਨ ਸਿੰਘ ਰਪਿੰਦਰ ਸਿੰਘ ਗੁਰਮੀਤ ਸਿੰਘ ਰੰਘਰੇਟਾ ਮੋਹਨ ਸਿੰਘ ਜੋਰਾ ਸਿੰਘ ਜਸਵੀਰ ਸਿੰਘ ਬਲਕਾਰ ਸਿੰਘ ਆਦਿ ਬਹੁਤ ਸਾਰੇ ਸਿੰਘ ਹਾਜਰ ਸਨ।

ਕਿਸਾਨ ਸੰਘਰਸ਼ ਮੋਰਚੇ ਨੇ ਕਿਰਤ ਕਨੂੰਨ ਲਾਗੂ ਕਰਨ ਖਿਲਾਫ ਕੀਤੀ ਆਵਾਜ ਬੁਲੰਦ /ਮੋਰਚੇ ਨੇ ਪੂਰੇ ਕੀਤੇ ਢਾਈ ਸੋ ਦਿਨ

ਜਗਰਾਉਂ ਜੂਨ 2021 (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) ਪਿਛਲੇ ਢਾਈ ਸੌ ਦਿਨ ਤੋਂ ਸਥਾਨਕ ਰੇਲ ਪਾਰਕ ਚ ਚੱਲ ਰਹੇ ਕਿਸਾਨ ਸੰਘਰਸ਼ ਮੋਰਚੇ ਚ ਮੋਦੀ ਹਕੂਮਤ ਵਲੋਂ ਲਾਗੂ ਕੀਤੇ ਜਾ ਰਹੇ ਕਿਰਤ ਕੋਡ ਦਾ ਤਿੱਖਾ ਵਿਰੋਧ ਕਰਦਿਆਂ ਇਨਾਂ ਨੂੰ ਤੁਰਤ ਰੱਦ ਕਰਨ ਦੀ ਮੰਗ ਕੀਤੀ। ਇਸ ਸਮੇਂ ਬੋਲਦਿਆਂ ਲੋਕ ਆਗੂ ਕੰਵਲਜੀਤ ਖੰਨਾ ਨੇ ਕਿਹਾ ਕਿ ਸੰਸਾਰ ਭਰ ਚ ਗਰੀਬੀ ਦੇ ਮਾਮਲੇ ਚ ਬੰਗਲਾਦੇਸ਼ ਤੇ ਨੇਪਾਲ ਤੋਂ ਵੀ ਹੇਠਾਂ ਚਲੇ ਗਏ ਇਸ ਮੁਲਕ ਚ ਮਜਦੂਰਾਂ ਦੇ ਹਲਕ ਚੋਂ ਜਾਂਦੀ ਆਖਰੀ ਬੁਰਕੀ ਖੋਹਣ ਦਾ ਵੀ ਇੰਤਜਾਮ ਕਰ ਲਿਆ ਗਿਆ ਹੈ। ਕਾਰਪੋਰੇਟ ਜਗਤ ਦੀ ਅੰਨੀ ਲੁੱਟ ਚ ਬੇਅਥਾਹ ਵਾਧਾ ਕਰਨ ਲਈ ਕਿਸਾਨਾਂ ਤੋਂ ਬਾਅਦ ਹੁਣ ਮਜਦੂਰਾਂ ਦੀ ਸੰਘੀ ਨੂੰ ਹੱਥ ਪਾਇਆ ਗਿਆ ਹੈ। ਉਨਾਂ ਦੇਸ਼ ਭਰ ਦੀ ਮਜਦੂਰ ਜਮਾਤ ਵਲੋਂ ਹਜਾਰਾਂ ਕੁਰਬਾਨੀਆਂ ਦੇ ਕੇ ਹਾਸਲ ਕੀਤੇ ਹੱਕਾਂ ਦੀ ਰਾਖੀ ਲਈ ਮਜਦੂਰ ਜਮਾਤ ਨੂੰ ਸੰਘਰਸ਼ ਦੇ ਪਿੜ ਮਘਾਉਣ ਦਾ ਸੱਦਾ ਦਿੱਤਾ।ਇਕ ਮਤੇ ਰਾਹੀਂ ਹਰਿਆਣਾ ਦੇ ਟੋਹਾਣਾ ਕਸਬੇ ਚ ਗ੍ਰਿਫਤਾਰ ਕੀਤੇ ਕਿਸਾਨ ਆਗੂਆਂ ਨੂੰ ਰਿਹਾ ਕਰਵਾਉਣ ਅਤੇ ਦਰਜ ਝੂਠੇ ਕੇਸ ਵਾਪਸ ਲੈਣ ਦੀ ਵੀ ਜੋਰਦਾਰ ਮੰਗ ਕਰਦਿਆਂ ਹਰਿਆਣਾ ਦੇ ਕਿਸਾਨਾਂ ਦੇ ਜਬਰਦਸਤ ਸੰਘਰਸ਼ ਦੀ ਜੋਰਦਾਰ ਹਿਮਾਇਤ ਕੀਤੀ ਗਈ। ਇਸ ਸਮੇਂ ਲੰਮੀ ਬੀਮਾਰੀ ਉਪਰੰਤ ਮੁੜ ਸਿਹਤਯਾਬ ਹੋਏ ਜਿਲਾ ਪ੍ਰਧਾਨ ਹਰਦੀਪ ਸਿੰਘ ਗਾਲਬ ਦੀ ਪ੍ਰਧਾਨਗੀ ਹੇਠ ਦਿੱਤੇ ਗਏ ਇਸ ਧਰਨੇ ਚ ਸਮੂਹ ਇਲਾਕਾ ਵਾਸੀ ਕਿਸਾਨਾਂ, ਮਜਦੂਰਾਂ, ਮਾਵਾਂ ਭੈਣਾਂ ਨੂੰ 9 ਜੂਨ ਨੂੰ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਸ਼ਹੀਦੀ ਦਿਨ ਤੇ ਉਨਾਂ ਨੂੰ ਸਿਜਦਾ ਕਰਨ ਲਈ ਰੇਲ ਪਾਰਕ ਜਗਰਾਂਓ ਚ ਰਖੇ ਸ਼ਰਧਾਂਜਲੀ ਸਮਾਗਮ ਚ ਪੰਹੁਚਣ ਦਾ ਸੱਦਾ ਦਿੱਤਾ। ਕਿਸਾਨ ਆਗੂ ਦਰਸ਼ਨ ਸਿੰਘ ਗਾਲਬ ਨੇ ਦੱਸਿਆ ਕਿ ਇਸ ਦਿਨ ਪ੍ਰਸਿੱਧ ਨਾਟਕਕਾਰ ਪ੍ਰੋ ਸੋਮਪਾਲ ਹੀਰਾ ਨਾਟਕ 'ਅੰਦੋਲਨਜੀਵੀ' ਪੇਸ਼ ਕਰੇਗਾ।ਇਸ ਸਮੇਂ ਲਖਵੀਰ ਸਿੱਧੂ, ਰਾਮ ਸਿੰਘ ਹਠੂਰ ਨੇ ਗੀਤ ਪੇਸ਼ ਕੀਤੇ।

ਕਿਰਨਦੀਪ ਕੌਰ ਨੂੰ ਮਿਲੀ ਤਰੱਕੀ ਸਿਪਾਹੀ ਤੋਂ ਬਣੀ ਹੋਲਦਾਰ

ਜਗਰਾਉਂ, ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਪੁਲਿਸ ਜ਼ਿਲ੍ਹਾ ਲੁਧਿਆਣਾ ਦਿਹਾਤੀ ਦੇ ਐੱਸਐੱਸਪੀ ਚਰਨਜੀਤ ਸਿੰਘ ਸੋਹਲ ਵੱਲੋ ਕਿਰਨਦੀਪ ਕੌਰ ਨੂੰ ਫੀਤੀਆਂ ਲਗਾ ਕੇ ਹੋਲਦਾਰ ਬਣਾਇਆ ਗਿਆ। ਇਸ ਮੌਕੇ ਐੱਸ. ਆਈ. ਮੇਜਰ ਸਿੰਘ ਵੀ ਮੌਜੂਦ ਸਨ। ਕਿਰਨਦੀਪ ਕੌਰ ਪਹਿਲਾਂ ਥਾਣਾ ਸਦਰ ਜਗਰਾਉਂ ਵਿਖੇ ਆਪਣੀ ਸੇਵਾ ਨਿਭਾਅ ਰਹੇ ਸਨ ਅਤੇ ਉਸ ਤੋਂ ਬਾਅਦ ਕਿਰਨਦੀਪ ਕੌਰ ਨੇ ਥਾਣਾ ਸਦਰ ਜਗਰਾਉਂ ਵਿਖੇ ਹੀ ਸੇਵਾ ਕੇਂਦਰ ਵਿਖੇ ਆਪਣੀ ਸੇਵਾ ਨੂੰ ਨਿਭਾਇਆ। ਉਸ ਤੋਂ ਬਾਅਦ ਕੰਟਰੋਲ ਰੂਮ ਜਗਰਾਉਂ ਵਿਖੇ ਆਪਣੀ ਸੇਵਾਂ ਨੂੰ ਨਿਭਾਇਆ। ਹੁਣ ਉਹ ਬਤੌਰ ਕੰਪਿਊਟਰ ਅਪ੍ਰੇਟਰ ਲਿਟੀਸ਼ਨ ਵਿੱਚ ਅਪਣੀ ਸੇਵਾ ਨਿਭਾ ਰਹੇ ਹਨ। ਇਸ ਮੋਕੇ ਐੱਸ. ਆਈ. ਮੇਜਰ ਸਿੰਘ ਨੇ ਕਿਹਾ ਕਿ ਕਿਰਨਦੀਪ ਕੌਰ ਦੀਆਂ ਵਧੀਆ ਸੇਵਾਵਾਂ ਬਦਲੇ ਅੱਜ ਫੀਤੀਆਂ ਲਗਾਈਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਕਿਰਨਦੀਪ ਕੌਰ ਨੇ ਹਮੇਸ਼ਾਂ ਇਮਾਨਦਾਰੀ ਤੇ ਤਨਦੇਹੀਂ ਨਾਲ ਡਿਊਟੀ ਨਿਭਾਈ ਹੈ ਅਤੇ ਅੱਜ ਸਰਕਾਰ ਵੱਲੋਂ ਉਸ ਦਾ ਬਣਦਾ ਮਾਣ ਸਨਮਾਨ ਕੀਤਾ ਗਿਆ ਹੈ।

ਟੋਲ ਪਲਾਜ਼ਾ ਧਰਨਾ ਕਿਸਾਨ ਆਦੋਂਲਨ ਦੀ ਅਹਿਮ ਕੜੀ

ਜਗਰਾਉਂ ਜੂਨ 2021(ਜਗਰੂਪ ਸਿੰਘ ਸੁਧਾਰ/ਕੁਲਦੀਪ ਸਿੰਘ ਕੋਮਲ /ਮੋਹਿਤ ਗੋਇਲ)
ਖੇਤੀ ਕਾਨੂੰਨਾਂ ਵਿਰੁੱਧ ਸੰਘਰਸ਼ ਦੀ ਅਹਿਮ ਕੜੀ, ਟੋਲ ਪਲਾਜ਼ਾ ਚੌਂਕੀਮਾਨ ਵਿਖੇ ਧਰਨਾ ਲਗਾਤਾਰ ਜਾਰੀ ਹੈ, ਇਹ ਕਿਸਾਨ ਅੰਦੋਲਨ ਦਾ ਹੀ, ਸੰਯੋਗ ਹੈ ਕਿ ,ਜਿਸ ਟੋਲ ਪਲਾਜੇ ਉੱਪਰ ਹਰ ਰੋਜ਼ ,ਹਰ ਵਾਹਨ ਤੇ ਟੋਲ ਟੈਕਸ ਦੇ ਪੈਸੇ ਲਗਦੇ ਸਨ,ਅੱਜ ਉਹ ਜਿਥੇ ਟੋਲ ਮੁਕਤ ਹੋ ਕੇ ਜਾ ਰਹੇ ਹਨ ਉਥੇ ਇਸ ਪਲਾਜੇ ਉੱਪਰ ਸਭ ਲਈ ਲੰਗਰ ਦੀ ਸੇਵਾ ਵੀ ਚਾਲੂ ਹੈ। ਟੋਲ ਪਲਾਜੇ ਉੱਪਰ ਹੁੰਦੀਆਂ ਕਾਨਫਰੰਸਾਂ ਨੇ ਇਲਾਕੇ ਦੇ ਲੋਕਾਂ ਨੂੰ ਜਾਗ੍ਰਿਤ ਕੀਤਾ ਹੈ ਇਸ ਪ੍ਰਭਾਵ ਤਹਿਤ ਇਥੇ ਆਮ ਲੋਕਾਂ ਸ਼ਮੂਲੀਅਤ ਵੱਧ ਰਹੀ ਹੈ।
ਅੱਜ ਦੀ ਇਕੱਤਰਤਾ ਨੂੰ ਸੰਬੋਧਨ ਕਰਦਿਆਂ ਸਤਨਾਮ ਸਿੰਘ ਮੋਰਕ੍ਰੀਮਾਂ ਦਸ਼ਮੇਸ ਕਿਸਾਨ ਮਜ਼ਦੂਰ ਯੂਨੀਅਨ, ਜਸਦੇਵ ਸਿੰਘ ਲੱਲਤੋਂ ਕਾਮਾਗਾਟਾਮਾਰੂ ਯਾਦਗਾਰੀ ਕਮੇਟੀ, ਅਧਿਆਪਕ ਆਗੂ ਸੁਖਮਿੰਦਰ ਸਿੰਘ ਸੇਖੋਂ,ਮਾ ਆਤਮਾ ਸਿੰਘ ਬੋਪਾਰਾਏ, ਅਜਮੇਰ ਸਿੰਘ ਧਨੋਆ, ਜੱਥੇਦਾਰ ਰਣਜੀਤ ਸਿੰਘ ਗੁੜੇ, ਜਸਵੀਰ ਸਿੰਘ ਬੱਦੋਵਾਲ,ਮਾ ਰਣਜੀਤ ਸਿੰਘ ਸਿੱਧਵਾਂ,ਚਰਨ ਸਿੰਘ ਸਰਾਭਾ,ਖੇਤ ਮਜ਼ਦੂਰ ਯੂਨੀਅਨ ਦੇ ਆਗੂ ਗੁਲਜ਼ਾਰ ਸਿੰਘ ਗੌਰੀਆਂ, ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਅਵਤਾਰ ਸਿੰਘ ਰਸੂਲਪੁਰ ਆਦਿ ਨੇ ਕਿਹਾ ਕਿ ਮੌਜੂਦਾ ਸਮੇਂ ਅੰਦਰ ਫਾਸ਼ੀਵਾਦੀ ਮੋਦੀ ਹਕੂਮਤ ਦੇ ਮਨੁੱਖਤਾ ਵਿਰੋਧੀ ਤੇ ਕਾਰਪੋਰੇਟ ਘਰਾਣਿਆਂ ਪੱਖੀ ਮੁੱਖ ਅਜੰਡੇ, ਖੇਤੀ ਸੁਧਾਰ ਕਾਨੂੰਨਾਂ ਵਿਰੁੱਧ ਜੱਦੋ-ਜਹਿਦ ਤੇਜ਼ ਕਰਕੇ ਭਾਰਤ ਦੇ ਸਮੂਹ ਲੋਕਾਂ ਨੂੰ ਅੰਦੋਲਨ ਦੇ ਨਾਲ ਜੋੜਨ ਦੀ ਪ੍ਰਮੁੱਖ ਲੋੜ ਹੈ ਤਾਂ ਕਿ ਫਿਰਕੂ ਤਾਕਤਾਂ ਨੂੰ ਲੋਕਾਂ 'ਚੋਂ ਨਿਖੇੜ ਕੇ ਜਿੱਤ ਪ੍ਰਾਪਤ ਕੀਤੀ ਜਾ ਸਕੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਬਲਵਿੰਦਰ ਸਿੰਘ ਕੋਠੇ ਹਾਂਸ, ਨਿਰਮਲ ਸਿੰਘ ਹਾਂਸ ਰਣਜੋਧ ਸਿੰਘ ਜੱਗਾ, ਪੱਪੂ ਮਾਨ, ਸੁਖਜੀਵਨ ਸਿੰਘ ਆਦਿ ਹਾਜ਼ਰ ਸਨ।

ਲੰਮੇ ਸਮੇ ਚੱਲ ਰਹੀ ਸਹੀਦੀ ਬੁੰਗੇ ਦੀ ਮੰਗ ਕੀਤੀ ਜਾਵੇ ਪੂਰੀ:ਧਾਰਮਿਕ ਜੰਥੇਬੱਦੀਆਂ

ਸਿੱਧਵਾਂ ਬੇਟ (ਜਸਮੇਲ ਗ਼ਾਲਿਬ)

ਬਾਬਾ ਜੀਵਨ ਸਿੰਘ ਵਿਦਿਅਕ ਅਤੇ ਭਲਾਈ ਟਰੱਸਟ ਅਤੇ ਗੁਰਮਤਿ ਗ੍ਰੰਥੀ ਰਾਗੀ ਢਾਡੀ ਇੰਟਰਨੈਸਨਲ ਪ੍ਰਚਾਰਕ ਸਭਾ ਅਤੇ ਨਿਹੰਗ ਸਿੰਘ ਜੱਥੇਬੰਦੀਆਂ ਨੇ ਸਿੰਘ ਸਾਹਿਬਾਨ ਜਥੇਦਾਰ ਅਕਾਲ ਤਖਤ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜੀ ਨੂੰ ਇੱਕ ਮੰਗ ਪੱਤਰ ਰਾਹੀ ਬੇਨਤੀ ਕੀਤੀ । ਕਿ ਚਿਰਾ ਤੋ ਚੱਲ ਰਹੀ ਬੁੰਗਾ ਰੰਘਰੇਟਿਆਂ ਦਾ ਬਣਾ ਦਿੱਤਾ ਜਾਵੇ ।
ਇਸ ਮੋਕੇ ਚੇਅਰਮੈਨ ਸ ਜਸਵੰਤ ਸਿੰਘ ਜੀ ਚੰਡੀਗੜ ਵਾਲੇ ਅਤੇ ਭਾਈ ਪ੍ਰਿਤਪਾਲ ਸਿੰਘ ਪਾਰਸ ਪ੍ਰਧਾਨ ਇੰਟਰਨੈਸਨਲ ਪ੍ਰਚਾਰਕ ਸਭਾ ਭਾਈ ਗੁਰਚਰਨ ਸਿਘ ਦਲੇਰ ਪ੍ਰਧਾਨ ਬਾਬਾ ਜੀਵਨ ਸਿੰਘ ਵਿਦਿਅਕ ਭਲਾਈ ਟਰਸਟ ਅਤੇ ਹੋਰ ਧਾਰਮਿਕ ਜੱਥੇਬੰਦੀਆ ਦੇ ਆਗੂ ਅਤੇ ਅਹੁਦੇਦਾਰਾ ਵੱਲੋ ਆਖਿਆ ਕੇ ਇਹ ਬੁੰਗਾ ਦਮੇਸਮ ਪਿਤਾ ਜੀ ਹੁਕਮਾ ਅਨਸਾਰ ਬਣਿਆ ਸੀ।ਇਸ ਗੱਲ ਦੀ ਇਤਹਾਸ ਗਵਾਹੀ ਭਰਦਾ ਹੈ ਅਤੇ ਇਹ ਕੇਸ ਟਰੱਸਟ ਕਨੂੰਨੀ ਤੋਰ ਤੇ ਜਿੱਤ ਚੁੱਕਾ ਹੈ ਜੋ ਮਾੜੀ ਰਾਜਨੀਤੀ ਮਾੜੀ ਸੋਚ ਕਾਰਣ ਢਾਹ ਦਿੱਤਾ ਗਿਆ ਸੀ। ਅਤੇ ਆਗੂ ਸਹਿਬਾਨਾ ਨੇ ਦੱਸਿਆ ਕੇ ਗੁਰੂ ਗੋਬਿੰਦ ਸਿੰਘ ਵਲੋ ਚਮਕੋਰ ਦੀ ਗੜੀ ਵਿੱਚ ਕਲਗੀ ਤੋੜਾ ਅਤੇ ਪੁਸਾਕਾ ਬਾਬਾ ਜੀਵਨ ਸਿੰਘ ਨੂੰ ਦਿੱਤਾ ਗਿਆ ਹੈ।ਇਤਹਾਸਕ ਹਵਾਲਿਆ ਅਨੁਸਾਰ ਇਹ ਕੇਸ ਵੀ ਕਨੂੰਨੀ ਤੋਰ ਟਰੱਸਟ ਦੇ ਹੱਕ ਵਿੱਚ ਕੀਤਾ ਗਿਆ। ਅਤੇ ਆਗੂ ਸਹਿਬਾਨਾ ਨੇ ਸਿੰਘ ਸਹਿਬਾਨ ਨੂੰ ਬੇਨਤੀ ਕੀਤੀ ਕਿ ਇਹਨਾ ਮੁੱਦਿਆ ਤੇ ਜਲਦ ਵੀਚਾਰ ਕੀਤੀ ਜਾਵੇ ਅਤੇ ਪ੍ਰਵਾਨਗੀ ਦਿੱਤੀ ਜਾਵੇ ਅਤੇ ਸਰਾਰਤੀ ਅਨੁਸਰਾ ਨੂੰ ਚਿਤਾਵਨੀ ਦਿੰਦੇ ਹੋਏ ਬੁਲਾਰਿਆ ਨੇ ਆਖਿਆ ਕੇ ਡੀ ਡੀ ਪੀ ਓ ਸਹਿਬ ਚੇਅਰਮੈਨ ਜਸਵੰਤ ਸਿੰਘ ਜੀ ਦੀ੍ਰ ਕਲਮ ਤੇ ਉੱਗਲ ਚੁੱਕਣ ਵਾਲੇ ਆਪਣੀਆ ਕੋਝੀਆਂ ਚਾਲਾ ਤੋ ਬਾਜ ਆਉਣ ਅਤੇ ਜੇਕਰ ਇਤਹਾਸ ਦੀ ਵੀਚਾਰ ਕਰਨੀ ਹੋਵੇ ਤੇ ਇੱਕ ਥਾ ਦੀ ਮੀਟੰਗ ਵੀਚਾਰ ਕਰ ਲੈਣ।ਗੁੰਮਰਾਹ ਪ੍ਰਚਾਰ ਕਰਨ ਵਾਲਿਆ ਤੇ ਸਖਤ ਕਾਰਵਾਈ ਕੀਤੀ ਜਾਵੇ। ਇਸ ਮੋਕੇ
ਚੈਅਰਮੈਨ ਸ ਜਸਵੰਤ ਸਿੰਘ ਚੰਡੀਗੜ ਮੋਕੇ ਭਾਈ ਪ੍ਰਿਤਪਾਲ ਸਿੰਘ ਪਾਰਸ ਭਾਈ ਗੁਰਚਰਨ ਸਿੰਘ ਦਲੇਰ ਭਾਈ ਬਲਜਿੰਦਰ ਸਿੰਘ ਦੀਵਾਨਾ ਜਥੇਦਾਰ ਪਾਲ ਸਿੰਘ ਸ ਜਗਰੂਪ ਸਿੰਘ ਸਤਨਾਮ ਸਿੰਘ ਸਤਪਾਲ ਸਿੰਘ ਪਰਗਟ ਸਿੰਘ ਮੋਹਨ ਸਿੰਘ ਸਤੋਖ ਸਿੰਘ ਅਜੀਤ ਸਿੰਘ ਸੂਬੇਦਾਰ ਮੇਜਰ ਸਿੰਘ ਕਸਮੀਰ ਸਿੰਘ ਕੈਪਟਨ ਜਸਪਾਲ ਸਿੰਘ ਬਲਵਿੰਦਰ ਸਿੰਘ ਆਦਿ ਬਹੁਤ ਸਾਰੀਆ ਧਾਮਿਕ ਜੱਥੇਬੰਦੀਆ ਆਗੂ ਮੈਬਰ ਸਹਿਬਾਨ ਹਾਜਰ ਸਨ।

ਗੁਰਦੁਆਰਾ ਮੋਰੀ ਗੇਟ ਸਮੇਤ ਹੋਰ ਵੀ ਕਈ ਧਾਰਮਿਕ ਅਸਥਾਨਾਂ ਨੂੰ ਕੁਰਸੀਆਂ ਅਤੇ ਸੀਮਿੰਟ ਦੇ ਬੈਂਚ ਦਿੱਤੇ

ਜਗਰਾਉਂ (ਅਮਿਤ ਖੰਨਾ ) ਜਗਰਾਉਂ ਦੀ ਲੋਕ ਸੇਵਾ ਸੁਸਾਇਟੀ ਵੱਲੋਂ ਚੇਅਰਮੈਨ ਗੁਲਸ਼ਨ ਅਰੋੜਾ, ਪ੍ਰਧਾਨ ਨੀਰਜ ਮਿੱਤਲ, ਸੈਕਟਰੀ ਕੁਲਭੂਸ਼ਨ ਗੁਪਤਾ ਅਤੇ ਕੈਸ਼ੀਅਰ ਕੰਵਲ ਕੱਕੜ ਦੀ ਅਗਵਾਈ ਹੇਠ ਗੁਰਦੁਆਰਾ ਗੁਰੂ ਨਾਨਕ ਪੁਰਾ ਮੋਰੀ ਗੇਟ ਜਗਰਾਉਂ ਨੂੰ ਦੋ ਸੋਫ਼ਾ ਸੈਂਟੀ ਅਤੇ ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਜੀ ਬਾਗ਼ ਖੇਤਾਂ ਰਾਮ ਜਗਰਾਉਂ ਨੂੰ ਛੇ ਕੁਰਸੀਆਂ ਦਿੱਤੀਆਂ ਗਈਆਂ। ਇਸ ਮੌਕੇ ਚੇਅਰਮੈਨ ਗੁਲਸ਼ਨ ਅਰੋੜਾ ਤੇ ਪ੍ਰਧਾਨ ਨੀਰਜ ਮਿੱਤਲ ਨੇ ਕਿਹਾ ਕਿ ਸੁਸਾਇਟੀ ਵੱਲੋਂ ਜਿੱਥੇ ਧਾਰਮਿਕ ਅਸਥਾਨਾਂ ਲਈ ਲੋੜੀਂਦਾ ਸਾਮਾਨ ਭੇਂਟ ਜਾਂਦਾ ਹੈ ਉੱਥੇ ਲੋੜਵੰਦਾਂ ਦੀ ਮਦਦ ਲਈ ਵੀ ਸਮੇਂ ਸਮੇਂ ਤੇ ਸਮਾਜ ਸੇਵਾ ਦੇ ਪ੍ਰੋਜੈਕਟ ਲਗਾਏ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਸੁਸਾਇਟੀ ਵੱਲੋਂ ਗੁਰਦੁਆਰਾ ਮੋਰੀ ਗੇਟ ਸਮੇਤ ਹੋਰ ਵੀ ਕਈ ਧਾਰਮਿਕ ਅਸਥਾਨਾਂ ਨੂੰ ਕੁਰਸੀਆਂ ਅਤੇ ਸੀਮਿੰਟ ਦੇ ਬੈਂਚ ਦਿੱਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਹੋਰ ਵੀ ਧਾਰਮਿਕ ਸਥਾਨਾਂ ਨੂੰ ਉਨ੍ਹਾਂ ਦੀ ਜ਼ਰੂਰਤ ਮੁਤਾਬਕ ਸਮਾਨ ਦਿੱਤਾ ਜਾਵੇਗਾ। ਇਸ ਮੌਕੇ ਸੁਸਾਇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਪਿ੍ਰੰਸੀਪਲ ਚਰਨਜੀਤ ਸਿੰਘ ਭੰਡਾਰੀ, ਪੋ੍ਰਜੈਕਟ ਕੈਸ਼ੀਅਰ ਰਾਜੀਵ ਗੁਪਤਾ, ਸੰਜੀਵ ਚੋਪੜਾ, ਪ੍ਰਵੀਨ ਮਿੱਤਲ, ਮੁਕੇਸ਼ ਗੁਪਤਾ, ਇਕਬਾਲ ਸਿੰਘ ਕਟਾਰੀਆ, ਰਾਜਿੰਦਰ ਜੈਨ, ਪੀ ਆਰ ਓ ਮਨੋਜ ਗਰਗ, ਕੈਪਟਨ ਨਰੇਸ਼ ਵਰਮਾ, ਮਨੋਹਰ ਸਿੰਘ ਟੱਕਰ, ਜਸਵੰਤ ਸਿੰਘ, ਕੁਲਬੀਰ ਸਿੰਘ ਸਰਨਾ, ਉੱਜਵਲ ਸਿੰਘ, ਇੰਦਰਪਾਲ ਸਿੰਘ, ਤਰਲੋਕ ਸਿੰਘ ਸਿਡਾਨਾ ਆਦਿ ਹਾਜ਼ਰ ਸਨ।

ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਜਸਵਿੰਦਰ ਸਿੰਘ ਸਿੱਧੂ ਨਾਲ ਵਿਸ਼ੇਸ਼ ਗੱਲਬਾਤ

2022 ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣੇਗੀ ਅਤੇ ਪਿੰਡਾਂ ਵਿੱਚ ਹੁਣ ਗਿਆਰਾਂ ਮੈਂਬਰੀ ਕਮੇਟੀਆਂ ਬਣਾਈਆਂ ਜਾ ਰਹੀਆਂ ਹਨ :ਆਮ ਆਦਮੀ ਪਾਰਟੀ ਆਗੂ ਜਸਵਿੰਦਰ ਸਿੰਘ ਸਿੱਧੂ

ਪੱਤਰਕਾਰ ਜਸਮੇਲ ਗ਼ਾਲਿਬ ਦੀ ਵਿਸ਼ੇਸ਼ ਰਿਪੋਰਟ

Facebook Link ; https://fb.watch/5YC_vQk-df/

ਪਿੰਡ ਡੱਲਾ ਵਿਖੇ ਬਾਬਾ ਦਸੋਂਦਾ ਸਿੰਘ ਜੀ ਵਰਿਆਂ ਵਾਲੇਆਂ ਦੀ 67ਵੀਂ ਅਤੇ ਬਾਬਾ ਭਾਨ ਸਿੰਘ ਜੀ ਭਦੋੜ ਵਾਲੇਆਂ ਦੀ 47ਵੀਂ ਬਰਸੀ ਜੰਡ ਸਾਹਿਬ ਵਿਖੇ ਮਨਾਈ ਗਈ

ਜਗਰਾਉਂ ,5 ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਜਗਰਾਉਂ ਨੇੜੇ ਪਿੰਡ ਡੱਲਾ ਵਿਖੇ ਬਾਬਾ ਦਸੋਂਦਾ ਸਿੰਘ ਜੀ ਵਰਿਆਂ ਵਾਲੇਆਂ ਦੀ ਯਾਦ ਵਿੱਚ ਉਨ੍ਹਾਂ ਦੀ 67 ਵੀ ਬਰਸੀ ਅਤੇ ਬਾਬਾ ਭਾਨ ਸਿੰਘ ਜੀ ਭਦੋੜ ਵਾਲੇਆਂ ਦੀ 47 ਵੀ ਬਰਸੀ ਜੰਡ ਸਾਹਿਬ ਵਿਖੇ ਮਨਾਈ ਗਈ ਇਸ ਮੌਕੇ ਤੇ ਮੁੱਖ ਸੇਵਾਦਾਰ ਬਾਬਾ ਮੋਹਨ ਸਿੰਘ ਜੀ ਨੇ ਬਾਬਾ ਜੀ ਦੀ ਯਾਦ ਮਨਾਉਣ ਦਿਆਂ ਪਿੰਡ ਵਾਸੀਆਂ ਅਤੇ ਸੰਗਤਾਂ ਦਾ ਧੰਨਵਾਦ ਕੀਤਾ ਇਸ ਮੌਕੇ ਤੇ ਪਹੁੰਚ ਕੇ ਸ੍ਰਿਰੋਮਨੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸ੍ਰੀ ਐੱਸ ਆਰ ਕਲੇਰ, ਤੇ ਸ ਚੰਦ ਸਿੰਘ ਡੱਲਾ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ। ਇਸੇ ਮੌਕੇ ਤੇ ਬਾਬਾ ਗੁਰਮੀਤ ਸਿੰਘ ਅਤੇ ਬਾਬਾ ਜਲੋਰ ਸਿੰਘ ਜੀ ਨੇ ਵੀ ਇਨ੍ਹਾਂ ਲੀਡਰ ਸਹਿਬਾਨ ਨੂੰ ਸਨਮਾਨਿਤ ਕੀਤਾ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਪਿੰਡ ਡੱਲਾ ਦੀ ਸਾਧ ਸੰਗਤ ਅਤੇ ਭਜਨ ਸਿੰਘ, ਹਾਕਮ ਸਿੰਘ,ਕੇਵਲ ਸਿੰਘ, ਜਗਜੀਤ ਸਿੰਘ, ਅਰਸ਼ ਦੀਪ ਸਿੰਘ, ਜਸਵੀਰ ਸਿੰਘ ਦੇਹੜਕਾ ਨੇ ਵੀ ਆਪਣੀ ਹਾਜ਼ਰੀ ਲਗਵਾਈ।

ਬੁਟੇ ਲਗਾ ਕੇ ਵਾਤਾਵਰਨ ਦਿਵਸ ਮਨਾਇਆ

ਜਗਰਾਉਂ ,5ਜੂਨ 2021(ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਅੱਜ ਇਥੇ ਨਗਰ ਕੌਂਸਲ ਜਗਰਾਉਂ ਦੇ ਪ੍ਰਧਾਨ ਜਤਿੰਦਰ ਪਾਲ ਰਾਣਾ ਜੀ,ਕਾਰਜ ਸਾਧਕ ਅਫ਼ਸਰ ਅਮਨਿੰਦਰ ਸਿੰਘ ਜੀ ਅਤੇ ਰਾਜਪਾਲ ਸਿੰਘ ਜੀ,ਐਸ ਡੀ ਓ ਪੰਜਾਬ ਪ੍ਰਦੂਸਣ ਕੰਟਰੋਲ ਬੋਰਡ ਦੇ ਆਦੇਸ਼ ਅਨੁਸਾਰ ਵਾਤਾਵਰਨ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਤੇ ਨੇੜੇ ਭਦਰਕਾਲੀ ਮਦਿੰਰ ਸਾਫ ਕੀਤੀ ਡੰਪ ਵਾਲੀ ਜਗ੍ਹਾ ਤੇ ਛਾਂ ਦਾਰ ਪੋਦੇ ਲਗਾਏ ਗਏ। ਲੋਕਾਂ ਨੂੰ ਪਲਾਸਟਿਕ ਦੀ ਵਰਤੋਂ ਨਾਂ ਕਰਨ, ਆਪਣੇ ਆਲੇ ਦੁਆਲੇ ਨੂੰ ਸਾਫ ਸੁਥਰਾ ਰੱਖਣ, ਅਤੇ ਕਰੋਨਾ ਮਹਾਂਮਾਰੀ ਤੋਂ ਬਚਾਓ ਲਈ ਮਾਸਕ ਪਾਉਣ ਵਾਰ ਵਾਰ ਹੱਥ ਧੋਣ ਲਈ ਤੇ ਦੋ ਗਜ ਦੀ ਦੂਰੀ ਬਣਾ ਕੇ ਰੱਖਣ ਲਈ ਜਾਗਰੂਕ ਕੀਤਾ ਗਿਆ। ਇਸ ਮੌਕੇ ਤੇ ਜਗਜੀਤ ਸਿੰਘ ਕੋਸਲਰ, ਜਰਨੈਲ ਸਿੰਘ ਲੋਹਟ ਕੋਸਲਰ, ਅਨਿਲ ਕੁਮਾਰ ਸੈਨਟਰੀ ਇੰਸਪੈਕਟਰ, ਸਤਿਆਜੀਤ, ਹਰੀਸ਼ ਕੁਮਾਰ ਕਲਰਕ,ਹੀਰਾ ਸਿੰਘ ਮੈਡਮ ਸੀਮਾ(ਸੀ ਐਂਫ) ਰਮਨਦੀਪ ਕੌਰ ਮੋਟੀ ਵੇਟਰ,ਰਵਿ ਕੁਮਾਰ,ਸਕੂਨ ਸਰਮਾ, ਅਨੀਸ ਤਨੇਜਾ, ਲਖਵੀਰ ਸਿੰਘ, ਪਰਮਿੰਦਰ ਸਿੰਘ, ਰੂਪ ਚੰਦ,ਹਾਕਮ, ਮਨੋਜ਼ ਕੁਮਾਰ,ਮਦਨ ਲਾਲ ਆਦਿ ਹਾਜ਼ਰ ਸਨ।