ਜਗਰਾਉਂ ,ਦਸੰਬਰ 2020(ਮੋਹਿਤ ਗੋਇਲ/ ਕੁਲਦੀਪ ਸਿੰਘ ਕੋਮਲ)
ਅੱਜ ਇੱਥੇ ਆਮ ਆਦਮੀ ਪਾਰਟੀ ਦੀ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਕਿਹਾ ਕਿ ਆਤੰਕਵਾਦ ਦੇ ਦੋਰ ਵਿੱਚ ਸ਼ਹੀਦੀਆਂ ਦੇਣ ਤੋਂ ਬਾਅਦ ਵੀ ਚੋਪੜਾ ਪਰਿਵਾਰ ਨੇ ਸਚਾਈ ਦਾ ਦਾਮਨ ਨਹੀਂ ਛੱਡਿਆ ਤੇ ਆਪਣੀ ਕਲਮ ਸਦਾ ਹੀ ਸਚਾਈ ਦੇ ਰਾਹ ਤੇ ਚਲਾਈ ਜਿਸ ਕਾਰਨ ਹੀ ਪੰਜਾਬ ਅੰਦਰ ਸ਼ਾਂਤੀ ਸਥਾਪਤ ਹੋ ਸਕੀ।
ਉਨ੍ਹਾਂ ਕਿਹਾ ਕਿ 1984 ਦੇ ਕਾਲੇ ਦੌਰ ਅੰਦਰ ਪੰਜਾਬ ਕੇਸਰੀ ਗਰੁੱਪ ਵਲੋਂ ਮਾਨਵਤਾ ਦੀ ਸੇਵਾ ਕਰਨ ਦਾ ਜੋ ਬੀੜਾ ਚੁੱਕਿਆ ਉਹ ਅੱਜ ਵੀ ਜਾਰੀ ਹੈ। ਦੇਸ਼ ਦੇ ਕਿਸੇ ਵੀ ਹਿੱਸੇ ਵਿੱਚ ਜਦੋਂ ਕੋਈ ਸ਼ਹਾਦਤ ਹੁੰਦੀ ਹੈ ਤਾਂ ਇਹ ਪਰਿਵਾਰ ਵੱਲੋਂ ਸ਼ਹੀਦਾਂ ਦੀ ਮੱਦਦ ਕੀਤੀ ਜਾਂਦੀ ਹੈ।
ਸਰਬਜੀਤ ਕੌਰ ਮਾਣੂੰਕੇ ਨੇ ਕਿਹਾ ਕਿ ਸਚਾਈ ਦੇ ਰਾਹ ਤੇ ਚੱਲਣ ਸਮੇਂ ਬਹੁਤ ਔਕੜਾਂ ਆਉਂਦੀਆਂ ਹਨ ਪਰ ਇਹ ਪਰਿਵਾਰ ਲਾਲਾ ਜੀ ਦੇ ਸਮੇਂ ਤੋਂ ਹੀ ਸੱਚ ਦੇ ਰਾਹ ਤੇ ਤੁਰਿਆ ਹੋਇਆ ਹੈ। ਇਨ੍ਹਾਂ ਨੇ ਆਤੰਕਵਾਦ ਦੇ ਖ਼ਿਲਾਫ਼ ਇੱਕ ਲੰਮੀ ਲੜਾਈ ਲੜੀ ਤੇ ਬਹੁਤ ਨੁਕਸਾਨ ਤੋਂ ਬਾਅਦ ਜਿਤ ਵੀ ਹਾਸਲ ਕੀਤੀ, ਉਸ ਵੇਲੇ ਆਪਣੇ ਕੲੀ ਹਾਕਰ, ਪਤਰਕਾਰ ਤੇ ਪਰਿਵਾਰਕ ਜੀਅ ਨੂੰ ਗਵਾ ਲਿਆ ਪਰ ਸੱਚ ਦਾ ਪੱਲਾ ਨਹੀਂ ਛੱਡਿਆ। ਇਨ੍ਹਾਂ ਵਲੋਂ ਚਲਾਏ ਸ਼ਹੀਦ ਪਰਿਵਾਰ ਫੰਡ ਨਾਲ ਦੇਸ਼ ਦੇ ਕਿਸੇ ਵੀ ਹਿੱਸੇ ਵਿੱਚ ਸ਼ਹੀਦ ਪਰਿਵਾਰਾਂ ਨੂੰ ਮੱਦਦ ਮਿਲਦੀ ਹੈ।
ਉਨ੍ਹਾਂ ਅਖੀਰ ਵਿੱਚ ਕਿਹਾ ਕਿ ਉਹ ਵਿਜੇ ਚੋਪੜਾ ਜੀ ਦੀ ਅਛੀ ਸੇਹਤ ਲੰਮੀ ਉਮਰ ਦੀ ਕਾਮਨਾ ਕਰਦੇ ਹਨ।
