ਲੁਧਿਆਣਾ

ਹਠੂਰ,ਦਸੰਬਰ 2020-(ਕੌਸ਼ਲ ਮੱਲ੍ਹਾ)-ਪਹਿਲੀ ਪਾਤਸਾਹੀ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਰਬਾਬੀ ਭਾਈ ਮਰਦਾਨਾ ਜੀ ਦੀ ਸਲਾਨਾ ਬਰਸੀ ਸਮੂਹ ਗ੍ਰਾਮ ਪੰਚਾਇਤ ਮੱਲ੍ਹਾ ਅਤੇ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਪਿੰਡ ਮੱਲ੍ਹਾ ਵਿਖੇ ਮਨਾਈ ਗਈ।ਇਸ ਮੌਕੇ ਪਿਛਲੇ ਤਿੰਨ ਦਿਨਾ ਤੋ ਪ੍ਰਕਾਸ ਸ੍ਰੀ ਆਖੰਡ ਪਾਠਾ ਦੇ ਭੋਗ ਪਾਏ ਗਏ ਅਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ।ਇਸ ਮੌਕੇ ਭਾਈ ਪਿੰਦਰਪਾਲ ਸਿੰਘ ਦੇਹੜਕਿਆ ਵਾਲੇ ਦੇ ਇੰਟਰਨੈਸਨਲ ਕੀਰਤਨੀ ਜੱਥੇੇ ਅਤੇ ਉਜਾਗਰ ਸਿੰਘ ਲੋਪੋ ਵਾਲਿਆ ਦੇ ਕਵੀਸਰੀ ਜੱਥੇ ਨੇ ਰਬਾਬੀ ਭਾਈ ਮਰਦਾਨਾ ਜੀ ਦਾ ਇਤਿਹਾਸ ਸੁਣ ਕੇ ਸੰਗਤਾ ਨੂੰ ਨਿਹਾਲ ਕੀਤਾ।ਇਸ ਮੌਕੇ ਬਾਬਾ ਭੋਲੇ ਸਾਹ ਨੇ ਕਿਹਾ ਕਿ ਅਜਿਹੇ ਧਾਰਮਿਕ ਸਮਾਗਮ ਸਾਨੂੰ ਪਾਰਟੀਬਾਜੀ ਤੋ ਉੱਪਰ ਉਠ ਕੇ ਮਨਾਉਣੇ ਚਾਹੀਦੇ ਹਨ ਅਤੇ ਹਰ ਧਰਮ ਦਾ ਸਾਨੂੰ ਮਾਣ-ਸਨਮਾਨ ਕਰਨਾ ਚਾਹੀਦਾ ਹੈ।ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਸਾਬਕਾ ਸਰਪੰਚ ਗੁਰਮੇਲ ਸਿੰਘ ਨੇ ਨਿਭਾਈ।ਅੰਤ ਵਿਚ ਮੁੱਖ ਪ੍ਰਬੰਧਕ ਸ਼ਾਈ ਬਾਬਾ ਭੋਲੇ ਸ਼ਾਹ ਸੂਫੀ ਫਕੀਰ ਮੱਲ੍ਹਾ ਵਾਲਿਆ ਨੇ ਭਾਈ ਪਿੰਦਰਪਾਲ ਸਿੰਘ ਦੇਹੜਕੇ ਵਾਲੇ ਦੇ ਕੀਰਤਨੀ ਜੱਥੇ,ਉਜਾਗਰ ਸਿੰਘ ਲੋਪੋ ਵਾਲਿਆ ਦੇ ਕਵੀਸਰੀ ਜੱਥੇ ਅਤੇ ਸਮੂਹ ਸੇਵਾਦਾਰਾ ਨੂੰ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਅਤੇ ਸਮੂਹ ਸੰਗਤ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਗੁਰੂ ਕਾ ਲੰਗਰ ਅਟੁੱਤ ਵਰਤਾਇਆ ਗਿਆ।ਇਸ ਮੌਕੇ ਉਨ੍ਹਾ ਨਾਲ ਹੌਲਦਾਰ ਸ਼ਮਸੇਰ ਸਿੰਘ,ਗੁਲਾਮ ਸਾਹ,ਸੂਫੀ ਰਾਜੂ ਮੱਲ੍ਹਾ,ਹਰਮਨਬਿੰਦਰ ਸਿੰਘ, ਸਤਨਾਮ ਸਿੰਘ, ਰਾਮ ਸਿੰਘ ਸਰਾਂ,ਹਰਮੇਲ ਸਿੰਘ ਢਿੱਲੋ,ਕੈਰੋ ਸਿੰਘ,ਅਵਤਾਰ ਸਿੰਘ,ਬਲਵੀਰ ਸਿੰਘ,ਦਵਿੰਦਰਪਾਲ ਸ਼ਰਮਾਂ ਆਦਿ ਤੋ ਇਲਾਵਾ ਵੱਡੀ ਗਿਣਤੀ ਵਿਚ ਸੰਗਤਾ ਹਾਜ਼ਰ ਸਨ।

ਹਠੂਰ,ਦਸੰਬਰ 2020-(ਕੌਸ਼ਲ ਮੱਲ੍ਹਾ)- ਇਤਿਹਾਸਕ ਗੁਰਦੁਆਰਾ ਸ੍ਰੀ ਮੈਹਦੇਆਣਾ ਸਾਹਿਬ ਅਤੇ ਪਿੰਡ ਮੱਲ੍ਹਾ ਦੇ ਵਿਚਕਾਰ ਹੈਡ ਪੰਪ ਲਗਾਇਆ ਗਿਆ। ਇਸ ਹੈਡ ਪੰਪ ਦਾ ਉਦਘਾਟਨ ਵਿਧਾਨ ਸਭਾ ਹਲਕਾ ਜਗਰਾਓ ਦੇ ਸਾਬਕਾ ਵਿਧਾਇਕ ਭਾਗ ਸਿੰਘ ਮੱਲ੍ਹਾ ਨੇ ਕੀਤਾ।ਇਸ ਮੌਕੇ ਮਾਰਕੀਟ ਕਮੇਟੀ ਜਗਰਾਓ ਦੇ ਸਾਬਕਾ ਚੇਅਰਮੈਨ ਕਮਲਜੀਤ ਸਿੰਘ ਮੱਲ੍ਹਾ ਨੇ ਦੱਸਿਆ ਕਿ ਪਿਛਲੇ ਲੰਮੇ ਸਮੇਂ ਤੋ ਇਲਾਕਾ ਨਿਵਾਸੀਆ ਦੀ ਮੰਗ ਸੀ ਕਿ ਇਸ ਰਸਤੇ ਤੇ ਹੈਡ ਪੰਪ ਲਾਇਆ ਜਾਵੇ।ਉਨ੍ਹਾ ਦੱਸਿਆ ਕਿ ਸਾਬਕਾ ਵਿਧਾਇਕ ਭਾਗ ਸਿੰਘ ਮੱਲ੍ਹਾ,ਅਵਤਾਰ ਸਿੰਘ ਸਿੱਧੂ,ਜਸਪਾਲ ਸਿੰਘ ਸਿੱਧੂ ਦੇ ਸਹਿਯੋਗ ਨਾਲ ਇਹ ਹੈਡ ਪੰਪ 300 ਫੁੱਟ ਡੂੰਘਾ ਬੋਰ ਕਰਕੇ ਲਾਇਆ ਗਿਆ ਹੈ।ਉਨ੍ਹਾ ਦੱਸਿਆ ਕਿ ਹੁਣ ਗੁਰਦੁਆਰਾ ਸ੍ਰੀ ਮੈਹਦੇਆਣਾ ਸਾਹਿਬ ਦੇ ਦਰਸਨਾ ਨੂੰ ਜਾਣ ਵਾਲੀਆ ਸੰਗਤਾ ਅਤੇ ਆਮ ਯਾਤਰੀ ਸਾਫ ਅਤੇ ਸੁੱਧ ਪਾਣੀ ਪੀ ਸਕਦੇ ਹਨ।ਇਸ ਮੌਕੇ ਨੰਬੜਦਾਰ ਜਸਪਾਲ ਸਿੰਘ ਅਤੇ ਕੁਲਜੀਤ ਸਿੰਘ ਸਿੱਧੂ ਨੇ ਸਾਬਕਾ ਵਿਧਾਇਕ ਭਾਗ ਸਿੰਘ ਮੱਲ੍ਹਾ ਅਤੇ ਕਮਲਜੀਤ ਸਿੰਘ ਮੱਲ੍ਹਾ ਨੂੰ ਸਨਮਾਨਿਤ ਕੀਤਾ ਅਤੇ ਉਨ੍ਹਾ ਨਾਲ ਆਏ ਆਗੂਆ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਯੂਥ ਆਗੂ ਰਾਮ ਸਿੰਘ ਸਰਾਂ, ਯੂਥ ਆਗੂ ਪਾਲਾ ਸਿੰਘ, ਯੂਥ ਆਗੂ ਜਸਪਾਲ ਸਿੰਘ, ਜੋਤੀ ਸਿੰਘ ਧਾਲੀਵਾਲ,ਸੰਦੀਪ ਸਿੰਘ ਧਾਲੀਵਾਲ, ਜਗਸੀਰ ਸਿੰਘ,ਬਲਵੀਰ ਸਿੰਘ,ਪਿੰਦਰ ਸਿੰਘ,ਸੁਖਦੇਵ ਸਿੰਘ,ਭੋਲਾ ਸਿੰਘ,ਕੁਲਵਿੰਦਰ ਸਿੰਘ,ਗੇਜਾ ਸਿੰਘ,ਅਵਤਾਰ ਸਿੰਘ,ਪਰਮਜੀਤ ਸਿੰਘ,ਜਗਦੀਪ ਸਿੰਘ,ਮਨਮੋਹਨ ਸਿੰਘ,ਚਰਨਾ ਸਿੰਘ,ਕੁਲਵੰਤ ਸਿੰਘ,ਸੇਵਕ ਸਿੰਘ,ਪਰਮਜੀਤ ਸਿੰਘ, ਗੁਰਮੀਤ ਸਿੰਘ ਲੱਖਾ,ਭੋਲੂ ਸਿੰਘ ਆਦਿ ਹਾਜ਼ਰ ਸਨ।

ਹਠੂਰ,2,ਦਸੰਬਰ-(ਕੌਸ਼ਲ ਮੱਲ੍ਹਾ)-

ਪੰਜਾਬੀ ਸੱਭਿਆਚਾਰ ਦੇ ਬਾਬਾ ਬੋਹੜ ਪ੍ਰਸਿੱਧ ਗੀਤਕਾਰ ਦੇਵ ਥਰੀਕਿਆਂ ਵਾਲੇ, ਬੀਬੀ ਸਰਬਜੀਤ ਮਾਣਕ ਅਤੇ ਗਾਇਕ ਯੁੱਧਵੀਰ ਮਾਣਕ ਦੀ ਅਗਵਾਈ ਹੇਠ ਕਲੀਆਂ ਦੇ ਬਾਦਸਾਹ ਕੁਲਦੀਪ ਮਾਣਕ ਦੀ ਸਲਾਨਾ ਬਰਸੀ ਸਾਦੇ ਢੰਗ ਨਾਲ ਪਿੰਡ ਜਲਾਲਦੀਵਾਲ ਵਿਖੇ ਮਨਾਈ ਗਈ।ਇਸ ਮੌਕੇ ‘ਟਿੱਲਾ ਮਾਣਕ ਦਾ’ਵਿਖੇ ਸਮੂਹ ਮਾਣਕ ਪਰਿਵਾਰ ਅਤੇ ਕੁਲਦੀਪ ਮਾਣਕ ਦੇ ਸਗਿਰਦਾ ਵੱਲੋ ਚਾਦਰ ਚੜਾਉਣ ਦੀ ਰਸਮ ਅਦਾ ਕੀਤੀ ਗਈ।ਇਸ ਮੌਕੇ ਕਿਸਾਨਾ ਦੇ ਸੰਘਰਸ ਨੂੰ ਮੱਦੇਨਜਰ ਰੱਖਦਿਆ ਬਿਨਾ ਸਾਉਡ ਅਤੇ ਬਿਨਾ ਸਾਜਾ ਤੋ ਪ੍ਰੋਗਰਾਮ ਦੀ ਸੁਰੂਆਤ ਲੋਕ ਗਾਇਕ ਯੁੱਧਵੀਰ ਮਾਣਕ ਨੇ ਵਾਰ ਬਾਬਾ ਬੰਦਾ ਸਿੰਘ ਬਹਾਦਰ ਨਾਲ ਕੀਤੀ।ਇਸ ਮੌਕੇ ਲੋਕ ਗਾਇਕ ਸੁਖਵਿੰਦਰ ਪੰਛੀ,ਲੋਕ ਗਾਇਕ ਦਲਵਿੰਦਰ ਦਿਆਲਪੁਰੀ, ਲੋਕ ਗਾਇਕ ਗੁਰਮੀਤ ਮੀਤ, ਲੋਕ ਗਾਇਕ ਦਲੇਰ ਪੰਜਾਬੀ,ਗਾਇਕ ਕੇਵਲ ਜਲਾਲ,ਗਾਇਕਾ ਪ੍ਰੀਤ ਤਿਵਾੜੀ,ਗਾਇਕ ਤਨਵੀਰ ਗੋਗੀ,ਗਾਇਕ ਨਜੀਰ ਮੁਹੰਮਦ,ਗਾਇਕ ਮਿੰਟੂ ਧਾਲੀਵਾਲ,ਗਾਇਕ ਗੁਰਦਾਸ ਕੈੜਾ,ਗਾਇਕ ਮਾਣਕ ਸੁਰਜੀਤ, ਗਾਇਕ ਗੀਤਾ ਦਿਆਲਪੁਰਾ,ਗਾਇਕ ਹੈਰੀ ਮਾਣਕ,ਗਾਇਕ ਦੀਪਾ ਮਾਣਕ,ਗਾਇਕ ਮਨੋਹਰ ਧਾਰੀਵਾਲ,ਸੁਖਦੇਵ ਬਠਿੰਡਾ,ਮੇਸੀ ਮਾਣਕ,ਜੋਬਨ ਮਾਣਕ,ਨਵੀ ਰੰਧਾਵਾ,ਕਰਮਦੀਪ ਕੌਰ,ਜੇ ਐਸ ਮਾਗਟ,ਸੰਮਾ ਜਗਰਾਓ ਆਦਿ ਨੇ ਇੱਕ-ਇੱਕ ਗੀਤ ਪੇਸ ਕਰਕੇ ਕਲੀਆਂ ਦੇ ਬਾਦਸਾਹ ਕੁਲਦੀਪ ਮਾਣਕ ਦੀ ਯਾਦ ਨੂੰ ਤਾਜਾ ਕੀਤਾ।ਇਸ ਮੌਕੇ ਗਾਇਕ ਯੁੱਧਵੀਰ ਮਾਣਕ ਨੇ ਦੱਸਿਆ ਕਿ ਇਸ ਸਥਾਨ ਤੇ ਹਰ ਸਾਲ ਮੇਰੇ ਪਿਤਾ ਜੀ ਦੀ ਯਾਦ ਵਿਚ ਅੰਤਰਰਾਸਟਰੀ ਮੇਲਾ ਕਰਵਾਇਆ ਜਾਦਾ ਹੈ ਪਰ ਇਸ ਸਾਲ ਕਾਲੇ ਕਾਨੂੰਨਾ ਨੂੰ ਰੱਦ ਕਰਵਾਉਣ ਲਈ ਚੱਲ ਰਹੇ ਕਿਸਾਨਾ ਦੇ ਸੰਘਰਸ ਦਾ ਸਾਥ ਦਿੰਦਿਆ ਅਸੀ ਮੇਲਾ ਨਹੀ ਕਰਵਾਇਆ।ਉਨ੍ਹਾ ਕਿਹਾ ਕਿ ਸਮੂਹ ਮਾਣਕ ਪਰਿਵਾਰ ਸੰਘਰਸ ਕਰ ਰਹੀਆਂ ਕਿਸਾਨ ਜੱਥੇਬੰਦੀਆਂ ਨੂੰ ਹਰ ਸਮੇਂ ਸਾਥ ਦੇਣ ਲਈ ਤਿਆਰ ਹੈ।ਇਸ ਮੌਕੇ ਉਨ੍ਹਾ ਨੇੜਲੇ ਟੋਲ ਪਲਾਜਾ ਪਿੰਡ ਗੰਗੋਹਰਾ ਵਿਖੇ ਰੋਸ ਧਰਨੇ ਤੇ ਬੈਠੇ ਕਿਸਾਨਾ ਲਈ ਗੁਰੂ ਕਾ ਲੰਗਰ ਭੇਜਿਆ ਗਿਆ।ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਉੱਘੇ ਮੰਚ ਸੰਚਾਲਿਕ ਦਲੇਰ ਪੰਜਾਬੀ ਨੇ ਵਾਖੂਬੀ ਨਿਭਾਈ।ਅੰਤ ਵਿਚ ਬੀਬੀ ਸਰਬਜੀਤ ਮਾਣਕ ਨੇ ਬਾਹਰੋ ਆਏ ਕਲਾਕਾਰ,ਗੀਤਕਾਰਾ ਅਤੇ ਸਮੂਹ ਦਰਸਕਾ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਗੀਤਕਾਰ ਅਮਰੀਕ ਸਿੰਘ ਤਲਵੰਡੀ,ਗੀਤਕਾਰ ਸੇਵਾ ਸਿੰਘ ਨੌਰਥ, ਗੀਤਕਾਰ ਅਲਬੇਲ ਬਰਾੜ ਦਿਉਣ ਵਾਲਾ, ਗੀਤਕਾਰ ਗੋਗੀ ਮਾਨਾ ਵਾਲਾ, ਗੀਤਕਾਰ ਕਰਨੈਲ ਸਿਵੀਆ,ਚੇਅਰਮੈਨ ਰਾਜਾ ਸੰਗਤ ਮੰਡੀ, ਗੁਰਮੇਲ ਸਿੰਘ ਪ੍ਰਦੇਸੀ,ਗੀਤਕਾਰ ਭੁਪਿੰਦਰ ਸਿੰਘ ਸੇਖੋਂ ਬਾਰਨਹਾੜਾ,ਗੀਤਕਾਰ ਸੋਹਣ ਮਾਣੂੰਕੇ,ਗਾਇਕ ਜੱਸੀ ਯੂ ਕੇ,ਗਾਇਕ ਮਲਕੀਤ ਮਾਣਕ,ਲੇਖਕ ਗਮਦੂਰ ਰੰਗੀਲਾ,ਰਾਜਵਿੰਦਰ ਰਾਏਖਾਨਾ,ਸਰੂਪ ਸਿੰਘ ਚੌਧਰੀ ਮਾਜਰਾ,ਗੁਰਮਹਿਕਪ੍ਰੀਤ ਸਿੰਘ ਚੌਧਰੀ ਮਾਜਰਾ, ਹਰਦੀਪ ਕੌਸ਼ਲ ਮੱਲ੍ਹਾ,ਹਰਜੀਤ ਦੀਪ, ਗੀਤਕਾਰ ਮੀਤ ਸਕਰੌਦੀਵਾਲਾ,ਅਮਨ ਫੁੱਲਾਵਾਲ,ਜੁਗਨੂੰ ਜਲੰਧਰ,ਸੁਰਿੰਦਰ ਰਕਬਾ,ਨੇਵੀ ਰਕਬਾ,ਮੋਨੂੰ ਲੁਧਿਆਣਾ,ਜਰਨੈਲ ਸਿੰਘ,ਨਿਰਮਲ ਸਿੰਘ,ਜੱਗੀ ਸਿੰਘ ਆਦਿ ਹਾਜ਼ਰ ਸਨ।

(ਫੋਟੋ ਕੈਪਸਨ:-ਲੋਕ ਗਾਇਕ ਯੁੱਧਵੀਰ ਮਾਣਕ ਅਤੇ ਕਲਾਕਾਰ ਕੁਲਦੀਪ ਮਾਣਕ ਦੀ ਬਰਸੀ ਮਨਾਉਦੇ ਹੋਏ)

ਜਗਰਾਉਂ/ਲੁਧਿਆਣਾ(ਰਾਣਾ ਸ਼ੇਖਦੌਲਤ)ਦੇਸ਼ ਦੀ ਰਾਜਧਾਨੀ ਦਿੱਲੀ ਦੀ ਹਿੱਕ ਤੇ ਖੇਤੀ ਕਾਨੂੰਨ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਮੋਰਚੇ ਲਗਾਏ ਹੋਏ ਨੇ ਅਤੇ ਇਸ ਸੰਘਰਸ਼ ਨੂੰ ਦਿਨੋਂ ਦਿਨ ਤੇਜ਼ ਅਤੇ ਤਿੱਖਾ ਕੀਤਾ ਜਾ ਰਿਹਾ ਹੈ ਨਾਲ ਹੀ ਕਿਸਾਨਾਂ ਦਾ ਜੋਸ਼ ਮੋਦੀ ਸਰਕਾਰ ਦੇ ਕਾਲੇ ਕਾਨੂੰਨ ਖਿਲਾਫ ਉਬਾਲੇ ਖਾ ਰਿਹਾ ਹੈ।ਪਹਿਲਾਂ ਵੀ ਦਿੱਲੀ ਵਿਚ ਬੈਠੇ ਹੋਏ ਕਿਸਾਨ ਜੱਥੇਬੰਦੀਆਂ ਨੇ ਕਿਹਾ ਕਿ ਜਿਨ੍ਹਾਂ ਚਿਰ  ਮੋਦੀ ਸਰਕਾਰ ਜ਼ਾਰੀ ਕੀਤੇ ਹੋਏ ਬਿੱਲ ਵਾਪਿਸ ਨਹੀਂ ਲਵੇਗੀ ਉਨ੍ਹਾਂ ਚਿਰ ਅਸੀਂ ਆਪਣੇ ਘਰ ਨਹੀਂ ਆਵਾਂਗੇ ਇਸੇ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਨ ਲਈ ਅੱਜ ਪਿੰਡ ਬਾੜੇਵਾਲ ਲੁਧਿਆਣਾ ਦੀਆਂ ਸੰਗਤਾਂ ਨੇ ਦਿੱਲੀ ਵਿੱਚ ਬੈਠੇ ਕਿਸਾਨਾਂ ਉਨ੍ਹਾਂ ਦੀ ਸਿਹਤ ਵਾਸਤੇ ਕਲਦੀਪ ਸਿੰਘ ਗਰੇਵਾਲ ਨੇ 2100ਰੁਪੈ ਦਵਾਈਆਂ ਵਾਸਤੇ ਭੇਜੇ ਇਸ ਮੌਕੇ ਜਰਨਲ ਸੈਕਟਰੀ ਕੈਪਟਨ ਕੁਲਵੰਤ ਸਿੰਘ ਬਾੜੇਵਾਲ ਨੇ ਸਖਤ ਸਬਦਾਂ ਵਿੱਚ ਮੋਦੀ ਸਰਕਾਰ ਦੀ ਨਿੰਦਾ ਕੀਤੀ ਅਤੇ ਇਸ ਮੌਕੇ ਤ੍ਰਲੋਚਨ ਸਿੰਘ ਸਫਰੀ ਗੁਰਦੁਆਰਾ ਪ੍ਰਧਾਨ,ਗੁਰਦੇਵ ਸਿੰਘ ਗਿੱਲ,ਹਰਦੀਪ ਸਿੰਘ ਗਰੇਵਾਲ,ਗੁਰਸ਼ਰਨ ਸਿੰਘ ਗਰੇਵਾਲ, ਗੁਰਪ੍ਰੀਤ ਸਿੰਘ ਸਿੱਧੂ, ਗ੍ਰੰਥੀ ਜਤਿੰਦਰ ਸਿੰਘ, ਦਰਸ਼ਨ ਸਿੰਘ ਸੇਵਾਦਾਰ, ਅਤੇ ਪੂਰੇ ਨਗਰ ਨੇ ਕੰਬਲ  ਅਤੇ ਰਜਾਈਆਂ ਦੀ ਸੇਵਾ ਕੀਤੀ ਅਤੇ ਕਿਹਾ ਮੋਦੀ ਸਰਕਾਰ ਦੀ ਹਿੱਕ ਤੇ ਜਿੱਤ ਦਾ ਬਿਘਲ ਵਜ੍ਹਾ ਕੇ ਆਵਾਂਗੇ