ਲੁਧਿਆਣਾ

ਮੋਗਾ(ਉਂਕਾਰ ਦੌਲੇਵਾਲ,ਜੱਜ ਮਸੀਤਾਂ)ਪੂਰੇ ਸੰਸਾਰ ਵਿੱਚ ਕੋਰੋਨਾ ਵਾਇਰਸ ਦੀ ਬਿਮਾਰੀ ਅੱਗ ਵਾਂਗ ਫੈਲ ਰਹੀ ਹੈ।ਕੁੱਝ ਦੇਸ਼ਾਂ ਨੇ ਇਸਨੂੰ ਮਹਾਂਮਾਰੀ ਵੀ ਸਾਬਤ ਕਰ ਦਿੱਤਾ ਹੈ,ਪੂਰੇ ਵਰਲਡ ਵਿੱਚ 13646  ਮੌਤਾਂ ਹੋ ਚੁੱਕੀਆਂ ਹਨ,ਅਤੇ 32000 ਮਰੀਜ਼ ਇਸ ਬਿਮਾਰੀ ਦੇ ਪੋਜ਼ਟਿਵ ਹਨ।ਲੇਕਿਨ ਪੰਜਾਬ ਸਰਕਾਰ ਵਲੋਂ ਚਲਾਈ ਗੲੀ ਮੁਹਿੰਮ ਦੌਰਾਨ ਪੂਰੇ ਪੰਜਾਬ ਨੂੰ ਪਹਿਲਾਂ 31 ਮਾਰਚ ਤੱਕ ਲੋਕਡਾਊਨ ਕਰਨ ਲੲੀ ਕਿਹਾ ਸੀ,ਪਰ ਹੁਣ 15 ਅਪਰੈਲ ਤੱਕ ਲੋਕਡਾਊਨ ਕਰਨ ਲੲੀ ਕਿਹਾ ਗਿਆ ਹੈ।ਸਰਕਾਰ ਦੇ ਨਿਯਮਾਂ ਦੀ ਪਾਲਣਾ ਕਰਵਾਉਂਦੇ ਹੋਏ,ਪਿੰਡ ਦੌਲੇਵਾਲ ਦੇ ਚੌਕੀਂ ਇੰਚਾਰਜ ਪਰਮਦੀਪ ਸਿੰਘ ਅਤੇ ਪੁਲਿਸ ਪਾਰਟੀ ਨੇ ਗੱਡੀ ਉੱਪਰ ਸਪੀਕਰ ਲਗਾ ਕੇ ਐਲਾਨ ਕੀਤਾ ਕੇ ਕੋਈ ਵੀ ਪਿੰਡ ਦੀਆਂ ਸੱਥਾਂ ਜਾ ਮੋੜਾਂ ਤੇ ਇਕੱਠ ਕਰਕੇ ਨਾ ਖੜਾ ਹੋਵੇ ਅਤੇ ਕੋਈ ਵੀ ਘਰੋਂ ਬਾਹਰ ਨਹੀਂ ਨਿਕਲੇਗਾ ਅਤੇ ਜੇਕਰ ਸਾਡੇ ਰੋਕਣ ਤੋਂ ਬਾਅਦ ਵੀ ਕੋਈ ਬਾਹਰ ਨਿਕਲੇਗਾ ਤਾਂ ਪੁਲਿਸ ਉਸ ਤੇ ਦੇਸ਼ ਧਰੋਹੀ ਦਾ ਪਰਚਾ ਦਰਜ ਕਰੇਗੀ ਅਤੇ ਉਹਨਾਂ ਨੇ ਇਹ ਵੀ ਕਿਹਾ ਕਿ ਇਹ ਜੰਗ ਜਿੱਤਣ ਲੲੀ ਸਾਨੂੰ ਸਾਰੇ ਪੰਜਾਬ ਦੀ ਮੱਦਦ ਦੀ ਲੋੜ ਹੈ।ਪੰਜਾਬ ਸਰਕਾਰ ਦੁਆਰਾ ਪੂਰਾ ਸੰਸਾਰ ਲੋਕਡਾਊਨ ਕਰਨ ਨਾਲ ਇਹ ਵੀ ਦਸਿਆ ਗਿਆ ਹੈ,ਕਿ ਜਰੂਰੀ ਸੇਵਾਵਾਂ ਇਸ ਤਰਾਂ ਚਾਲੂ ਰਹਿਣਗੀਆਂ ਕਰਿਆਨੇ ਵਾਲੀਆਂ ਦੁਕਾਨਾਂ ਸਵੇਰੇ 8 ਤੋਂ 9ਵਜੇ ਤੱਕ ਖੁੱਲਣਗੀਆਂ ਦੁੱਧ ਵਾਲੀਆਂ ਡੇਅਰੀਆਂ 5 ਤੋਂ 6 ਵਜੇ ਤੱਕ ਖੁੱਲਣਗੀਆਂ ਅਤੇ ਬਾਕੀ ਸਾਰੀਆਂ ਦੁਕਾਨਾਂ ਬੰਦ ਰਹਿਣਗੀਆਂ।

ਮਹਿਲ ਕਲਾਂ  / ਬਰਨਾਲਾ,ਮਾਰਚ 2020- (ਗੁਰਸੇਵਕ  ਸਿੰਘ  ਸੋਹੀ)-  ਲੋਕਲ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਬਾਬਾ ਸ਼ੇਰ ਸਿੰਘ ਖ਼ਾਲਸਾ ਅਤੇ ਪੰਚ ਗੁਰਪ੍ਰੀਤ ਸਿੰਘ ਚੀਨਾ ਵੱਲੋਂ ਅੱਜ ਕਰੋਨਾ ਵਾਇਰਸ ਦੇ ਮੱਦੇਨਜ਼ਰ ਲਗਾਏ ਕਰਫ਼ਿਊ ਨੂੰ ਦੇਖਦਿਆਂ ਝੁੱਗੀ ਝੌਪੜੀਆਂ ਵਾਲੇ ਲੋੜਵੰਦ ਪਰਿਵਾਰਾਂ ਨੂੰ ਲੰਗਰ ਅਤੇ ਦੁੱਧ ਦੀ ਸੇਵਾ ਕੀਤੀ ਗਈ । ਇਸ ਮੌਕੇ ਬੋਲਦਿਆਂ ਪ੍ਰਧਾਨ ਬਾਬਾ ਸ਼ੇਰ ਸਿੰਘ ਖ਼ਾਲਸਾ ਤੇ ਪੰਚ ਗੁਰਪ੍ਰੀਤ ਚੀਨਾ ਨੇ ਕਿਹਾ ਕਿ ਕਰੋਨਾ ਵਾਇਰਸ ਦੇ ਕਾਰਨ ਪੂਰੇ ਭਾਰਤ ਵਿੱਚ ਲਾਕਡਾਊਨ ਕੀਤਾ  ਤੇ ਪੰਜਾਬ ਅੰਦਰ ਕਰਫੂ ਲਗਾਇਆ ਗਿਆ ਹੈ ।ਜਿਸ ਨੂੰ ਲੈ ਕੇ ਲੋੜਵੰਦ ਗਰੀਬ ਪਰਿਵਾਰ ਇੱਕ ਡੰਗ ਦੀ ਰੋਟੀ ਤੋਂ ਵੀ ਮੁਥਾਜ ਹੋ ਗਏ ਸਨ।  ਇਸ ਲਈ ਕਮੇਟੀ ਨੇ ਇਹ ਉਪਰਾਲਾ ਕੀਤਾ ਹੈ ਕਿ ਕੋਈ ਵੀ ਲੋੜਵੰਦ ਪਰਿਵਾਰ ਭੁੱਖਾ ਨਾ ਸੌਵੇਂ । ਇਸ ਲਈ ਅੱਜ ਅਸੀਂ ਲੰਗਰ ਅਤੇ ਦੁੱਧ ਦੀ ਸੇਵਾ ਕਰ ਰਹੇ ਹਾਂ । ਇਸ ਮੌਕੇ ਪੁਲਿਸ ਕਰਮੀ ਏਐੱਸਆਈ ਸੁਖਵਿੰਦਰ ਸਿੰਘ ਮਹਿਲ ਕਲਾਂ, ਸਰਬਜੀਤ ਕੌਰ, ਸੁਖਦੀਪ ਕੌਰ ,ਕਰਨੈਲ ਸਿੰਘ, ਬਿੱਟੂ ਸਹੋਤਾ,,ਸਾਬਕਾ ਪੰਚ ਕੁਲਦੀਪ ਸਿੰਘ ਮਾਣਕ, ਗੁਰਸੇਵਕ ਸਿੰਘ, ਹਿਤੇਸ ਪੰਡਤ ਨਿਹਾਲੂਵਾਲ ਸਮੇਤ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਤੇ ਸਮਾਜ ਸੇਵੀ ਹਾਜ਼ਰ ਸਨ ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਕੋਰੋਨਾ ਵਾਇਰਸ ਨਾਮ ਦੀ ਬਿਮਾਰੀ ਜੋ ਮਹਾਮਾਰੀ ਦੇ ਰੂਪ ਵਿਚ ਸਮੱੁਚੇ ਵਿਸ਼ਵ ਨੂੰ ਬੜੀ ਤੇਜੀ ਨਾਲ ਆਪਣੀ ਲਪੇਟ ਵਿਚ ਲੈ ਰਹੀ ਹੈ ਉਸ ਤੋ ਖੁਦ ਬਚਣ ਲਈ ਤੇ ਦੂਸਰਿਆ ਨੂੰ ਬਚਾਉਣ ਲਈ ਹਰ ਇਕ ਇਨਸਾਨ ਨੂੰ ਤੱਤਪਰ ਹੋਣ ਦੀ ਬਹੁਤ ਜਰੂਰਤ ਹੈ।ਇਹ ਜਾਣਕਾਰੀ ਗੁਰਮਤਿ ਗ੍ਰੰਥੀ ਰਾਗੀ ਢਾਡੀ ਇੰਟਰਨੈਸ਼ਨਲ ਪ੍ਰਚਾਰਕ ਸਭਾ ਦੇ ਪ੍ਰਧਾਨ ਭਾਈ ਪਿਰਤਪਾਲ ਸਿੰਘ ਪਾਰਸ ਨੇ ਗੱਲਬਾਤ ਦੁਰਾਨ ਸਾਂਝੀ ਕੀਤੀ।ਪਾਰਸ ਨੇ ਕਿਹਾ ਕਿ ਬੇਸ਼ੱਕ ਇਹ ਬੀਮਾਰੀ ਭਿਆਨਕ ਨਹੀ ਹੈ ਪਰ ਦੁਖਦਾਇਕ ਜਰੂਰ ਹੈ।ਭਾਈ ਪਰਸ ਨੇ ਕਿਹਾ ਕਿ ਜਿੱਥੇ ਸਰਕਾਰਾਂ ਸਾਡੇ ਅਤੇ ਸਾਡੇ ਪਰਿਵਾਰ ਨੂੰ ਇਸ ਭਿਆਨਕ ਬਿਮਾਰੀ ਤੋ ਬਚਾਉਣ ਲਈ ਵੱਡੇ ਪੱਧਰ ਤੇ ਅੱਡੀ ਚੋਟੀ ਦਾ ਜੋਰ ਲਗਾ ਰਹੀਆਂ ਹਨ ਉਥੇ ਪੁਲਿਸ ਪ੍ਰਸ਼ਾਸਨ ਅਤੇ ਡਾਕਟਰੀ ਟੀਮਾਂ ਵੀ ਸਾਡੇ ਵਾਸਤੇ ਦਿਨ ਰਾਤ ਤੱਤਪਰ ਹਨ ਉਥੇ ਸਾਡਾ ਵੀ ਫਰਜ ਬਣਦਾ ਹੈ ਕਿ ਅਸੀ ਵੀ ਆਪਣੇ ਅਤੇ ਆਪਣੇ ਪਰਿਵਾਰ ਦੀ ਸਿਹਤ ਭਲਾਈ ਲਈ ਪਰਿਵਾਰ ਅਤੇ ਸਾਡੀ ਜਾਨ ਤੋ ਵੀ ਪਿਆਰੇ ਅਨਮੋਲ ਬੱਚਿਆਂ ਲਈ ਫਿਕਰਮੰਦ ਹੰੁਦੇ ਹੋਏ ਸਰਕਾਰ ਦੇ ਆਦੇਸ਼ਾਂ ਦਾ ਸਮਰੱਥਨ ਕਰੀਏ।ਉਨ੍ਹਾਂ ਕਿਹਾ ਕਿ ਆਪਣੇ ਘਰਾਂ 'ਚ ਬੈਠ ਕੇ ਵੱਧ ਤੋ ਵੱਧ ਸ੍ਰੀ ਜਪੁਜੀ ਸਾਹਿਬ,ਚੌਪਈ ਸਾਹਿਬ,ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਚਰਨਾਂ 'ਚ ਸਰਬੱਤ ਦੇ ਭਲੇ ਦੀ ਅਰਦਾਸ ਕਰੀਏ ਤਾਂ ਜੋ ਇਸ ਕੋਰੋਨਾ ਦੀ ਇਸ ਭਿਆਨਕ ਬਿਮਾਰੀ ਤੋ ਬਚਾਉਣ 'ਚ ਸਹਾਈ ਹੋ ਸਕਾਂਗੇ।

ਮੱੁਖ ਮੰਤਰੀ ਵੱਲੋ ਕਰਫਿਊ ਲਾਏ ਜਾਣ ਦੇ ਬਾਵਜੂਦ ਵੀ ਲੋਕ ਸੜਕਾ ਤੇ ।

ਕਾਉਕੇ ਕਲਾਂ/ਜਗਰਾਓਂ,ਮਾਰਚ 2020-(ਜਸਵੰਤ ਸਿੰਘ ਸਹੋਤਾ)-

ਵਿਸਵ ਭਰ ਵਿੱਚ ਫੈਲੀ ਮਹਾਮਾਰੀ ਕੋਰੋਨਾ ਵਾਇਰਸ ਨੇ ਪੂਰੀ ਦੁਨੀਆਂ ਨੂੰ ਝੰਜੋੜ ਕੇ ਰੱਖ ਦਿਤਾ ਹੈ ਜਿਸ ਦਾ ਅਸਰ ਸਮੁੱਚੇ ਦੇਸਾਂ ਵਿੱਚ ਵੇਖਣ ਨੂੰ ਮਿਲ ਰਿਹਾ ਹੈ।ਭਾਰਤ ਸਰਕਾਰ ਤੇ ਰਾਜ ਸਰਕਾਰ ਵੱਲੋ ਵੀ ਸਾਂਝੇ ਤੌਰ ਤੇ ਇਸ ਵਾਇਰਸ ਤੋ ਬਚਣ ਲਈ ਅਭਿਆਨ ਚਲਾਏ ਗਏ ਹਨ ਜਿਸ ਤਾਹਿਤ ਸਿਨੇਮਾ ਹਾਲ,ਮਾਲ,ਜਿੰਮ,ਸਾਪਿੰਗ ਹਾਲ,ਬੱਸਾਂ ਰੇਲ ਗੱਡੀਆਂ,ਹਵਾਈ ਉਡਾਨਾ,ਬੈਂਕਟ ਹਾਲ ਬੰਦ ਕਰਨ ਸਮੇਤ ਮਿੱਥੀ ਹੱਦ ਤੋ ਜਿਆਦਾ ਵਿਅਕਤੀਆ ਦੇ ਇਕੱਠ ਤੇ ਰੋਕ ਲਾਈ ਗਈ ਹੈ।ਦੇਸ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਿਰਦੇਸਾ ਤੇ ਸਵੇਰੇ 7 ਵਜੇ ਤੋ ਲੈ ਕੇ ਰਾਤ 9 ਵਜੇ ਤੱਕ ਜਨਤਾ ਕਰਫਿਊ ਲਾਏ ਜਾਣ ਤੋ ਬਾਅਦ ਪੰਜਾਬ ਸਰਕਾਰ ਵੱਲੋ ਦੂਜੇ ਦਿਨ ਦਿਨ ਦੇ ਲਾਕਡਾਉਨ ਦਾ ਕਾਉਂਕੇ ਕਲਾਂ,ਡੱਲਾ,ਮੱਲਾ,ਭੰਮੀਪੁਰਾ ਕਲਾਂ,ਕਾਉਂਕੇ ਖੋਸਾ,ਡਾਗੀਆਂ ਆਦਿ ਪਿੰਡਾਂ ਦੇ ਲੋਕਾਂ ਵੱਲੋ ਭਰਵਾਂ ਸਹਿਯੋਗ ਦਿੱਤਾ ਤੇ ਆਪਣੇ ਨਿੱਜੀ ਅਦਾਰੇ ਦੁਕਾਨਾ ਆਦਿ ਬੰਦ ਰੱਖੀਆਂ। ਸਵੇਰ ਵੱਲੇ ਕਰਿਆਨਾ,ਮੈਡੀਕਲ ਸਟੋਰ ਆਦਿ ਦੀਆਂ ਦੁਕਾਨਾ ਖੁਲਣ ਕਾਰਨ ਆਮ ਦੁਕਾਨਦਾਰਾਂ ਨੇ ਵੀ ਆਪਣੀਆਂ ਦੁਕਾਨਾ ਖੋਲਣੀਆਂ ਸੁਰੂ ਕਰ ਦਿੱਤੀਆਂ ਜਿਸ ਨੂੰ ਪੁਲਿਸ ਚੌਕੀ ਕਾਉਂਕੇ ਕਲਾਂ ਦੇ ਮੁਲਾਜਮਾ ਵੱਲੋ ਬੰਦ ਕਰਵਾ ਦਿੱਤਾ। ਕਾਉਂਕੇ ਕਲਾਂ ਵਿਖੇ ਕਿਸੇ ਵਿਅਕਤੀ ਦੀ ਮੌਤ ਤੇ ਅੰਤਿਮ ਸੰਸਕਾਰ ਸਮੇ ਲੋਕ ਇਸ ਮਹਾਮਾਰੀ ਕਾਰਨ ਇੱਕ ਦੂਜੇ ਤੋ ਦੂਰੀ ਬਣਾ ਕੇ ਚੱਲ ਰਹੇ ਸਨ।ਪੈਟਰੋਲ ਪੰਪ,ਸਰਾਬ ਦਾ ਠੇਕਾ,ਆਟਾ ਚੱਕੀਆਂ,ਫਲਾਂ ਸਬਜੀਆਂ,ਮੈਡੀਕਲ ਸਟੋਰ ਤੇ ਡਾਕਟਰਾਂ ਦੀਆਂ ਦੁਕਾਨਾ ਪੂਰਾਂ ਦਿਨ ਖੁੱਲੀਆਂ ਰਹੀਆਂ ਜਦਕਿ ਕਰਿਆਨਾ ਸਟੋਰ ਦੀਆਂ ਦੁਕਾਨਾ ਕੁਝ ਸਮੇ ਲਈ ਹੀ ਖੱੁਲੀਆਂ ਰਹੀਆਂ ਜਿਸ ਕਾਰਨ ਲੋਕਾਂ ਨੂੰ ਆਪਣੀ ਲੋੜੀਦੀਆਂ ਵਸਤੂੀਆਂ ਲ਼ੈਣ ਲਈ ਭਾਰੀ ਮੁਸਕਿਲਾ ਦਾ ਸਾਹਮਣਾ ਕਰਨਾ ਪਿਆਂ।ਸੜਕਾ ਤੇ ਗਲੀਆਂ ਮੁਹੱਲਿਆਂ ਵਿੱਚ ਪੂਰੀ ਤਰਾਂ ਛੰਨਾਟਾ ਛਾਇਆਂ ਰਿਹਾ ਤੇ ਗਿਣਤੀ ਦੇ ਵਾਹਨ ਹੀ ਆਉਂਦੇ ਜਾਂਦੇ ਦਿਸੇ।ਸੂਬੇ ਦੇ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋ ਦੁਪਹਿਰ ਸਮੇ ਪੰਜਾਬ ਭਰ ਵਿੱਚ ਲਾਏ ਕਰਫਿਊ ਤੋ ਵੀ ਲੋਕ ਅਨਜਾਣ ਰਹੇ ਤੇ ਸੜਕਾ ਗਲੀਆਂ ਮੁਹੱਲਿਆਂ ਵਿੱਚ ਤੁਰਦੇ ਫਿਰਦੇ ਦਿਸੇ।ਕੰਮਕਾਜੀ ਲੋਕਾਂ ਨੂੰ ਪੂਰਾ ਦਿਨ ਘਰ ਵਿੱਚ ਬੈਠ ਕੇ ਬਿਤਾਉਣਾ ਔਖਾ ਹੋ ਗਿਆਂ ਜਿਸ ਕਾਰਨ ਉਹ ਇੱਕ ਤੋ ਦੂਜੇ ਘਰ ਆਉਂਦੇ ਜਾਂਦੇ ਦਿਸੇ।ਅੱਜ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋ ਲਾਏ ਗਏ ਕਰਫਿਊ ਕਾਰਨ ਦਿਹਾੜੀਦਾਰ ਕਾਮੇ ਤੇ ਮਜਦੂਰ ਨਿਰਾਸ ਦਿਸੇ ਜਿੰਨਾਂ ਨੂੰ ਆਪਣੀ ਰੋਟੀ ਕਮਾ ਕੇ ਖਾਣੀ ਨਸੀਬ ਨਹੀ ਸੀ ਹੋ ਰਹੀ।ਬੇਸੱਕ ਮੱੁਖ ਮੰਤਰੀ ਕੈਪਟਨ ਵੱਲੋ ਦਿਹਾੜੀਦਾਰ ਕਾਮਿਆਂ ਤੇ ਰੋਜਮਰਾਂ ਮਜਦੂਰਾਂ ਦੀ ਭਲਾਈ ਲਈ ਉਨਾ ਲਈ ਰਾਸਨ,ਦਵਾਈਆਂ ਆਦਿ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ ਪਰ ਪੇਂਡੂ ਦਿਹਾੜੀਦਾਰ ਕਾਮੇ ਇੱਕ ਦੂਜੇ ਤੋ ਪੱੁਛ ਰਹੇ ਸਨ ਕਿ ਉਨਾ ਨੂੰ ਇਹ ਰਾਹਤ ਸਮੱਗਰੀ ਕੌਣ ਕਦੋ ਤੇ ਕਿੱਥੇ ਦਵੇਗਾ।