ਜਗਰਾਓ, 5 ਸਤੰਬਰ -(ਅਮਿਤ ਖੰਨਾ) ਸਵਾਮੀ ਰੂਪ ਚੰਦ ਜੈਨ ਸਕੂਲ ਨੇ ਐਜੂਐਕਸਲੈਸ ਦੁਆਰਾ ਕਰਵਾਏ ਗਏ ਸਕੂਲ ਵਿਸ਼ੇਸ਼ ਐਵਾਰਡ-2021 ਸਮਾਰੋਹ 'ਚ ਭਾਗ ਲਿਆ | ਇਸ ਐਵਾਰਡ ਸਮਾਰੋਹ 'ਚ ਬੀਤੇ ਚੁਣੌਤੀ ਭਰੇ ਸਾਲ ਦੀਆਂ ਮੁਸ਼ਕਿਲਾਂ ਵਿਚ ਵੀ ਸਕੂਲਾਂ ਦੁਆਰਾ ਵਿੱਦਿਆ ਤੇ ਵਿਕਾਸ ਦੀ ਉੱਤਮਤਾ ਦੇ ਮਿਆਰ ਨੂੰ ਬਰਕਰਾਰ ਰੱਖ ਰਹੇ ਸਕੂਲਾਂ ਨੂੰ ਸਾਹਮਣੇ ਲਿਆਉਣਾ ਸੀ ਤੇ ਸਮੇਂ-ਸਮੇਂ 'ਤੇ ਸਕੂਲ ਦੇ ਹਰ ਖੇਤਰ ਵਿਚ ਦਿੱਤੇ ਵਧੀਆ ਪ੍ਰਦਰਸ਼ਨ ਨੂੰ ਦੇਖਿਆ ਗਿਆ ਸਕੂਲ ਦੁਆਰਾ ਐਜੂਐਕਸਲੈਸ ਵਿਚ ਭੇਜੀ ਨਾਮਜ਼ਦਗੀ 'ਤੇ ਉਨ੍ਹਾਂ ਦੁਆਰਾ ਕੀਤਾ ਪ੍ਰੀਖਣ ਅਤੇ ਜਾਂਚ ਉੱਤਮ ਹੋਣ ਕਾਰਨ ਸਕੂਲ ਪਿ੍ੰਸੀਪਲ ਰਾਜਪਾਲ ਕੌਰ ਨੂੰ ਲਾਕਡਾਊਨ ਦੇ ਕਠਿਨ ਸਮੇਂ ਵਿਚ ਵੀ ਚੰਗੀ ਲੀਡਰਸ਼ਿੱਪ ਦਾ ਪ੍ਰਦਰਸ਼ਨ ਕਰਨ ਕਾਰਨ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ | ਪਿ੍ੰਸੀਪਲ ਰਾਜਪਾਲ ਕੌਰ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਇਹ ਸਨਮਾਨ ਸਕੂਲ ਦੇ ਟੀਚਿੰਗ, ਨਾਲ ਟੀਚਿੰਗ ਅਤੇ ਹਰ ਕਰਮਚਾਰੀ ਦੀ ਸਮੂਹਿਕ ਮਿਹਨਤ ਦਾ ਨਤੀਜਾ ਹੈ, ਜਿਨ੍ਹਾਂ ਸਦਕਾ ਲਾਕਡਾਊਨ ਦੀਆਂ ਚੁਣੌਤੀਆਂ ਦੇ ਬਾਵਜੂਦ ਸਕੂਲ ਦਾ ਸੇਵਾਵਾਂ ਨਿਰਵਿਘਨ ਚੱਲਦੀਆਂ ਰਹੀਆਂ |
