ਲੁਧਿਆਣਾ

ਹਠੂਰ,20,ਫਰਵਰੀ-(ਕੌਸਲ ਮੱਲ੍ਹਾ)-ਅੱਜ ਵਿਧਾਨ ਸਭਾ ਦੀਆਂ ਹੋਈਆਂ ਵੋਟਾਂ ਲਈ ਇਲਾਕੇ ਦੇ ਲੋਕਾਂ ‘ਚ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਸੀ ਅੱਜ ਸਵੇਰੇ ਅੱਠ ਵਜੇ ਹੀ ਵੋਟਰ ਆਪੋ ਆਪਣੇ ਬੂਥਾਂ ਤੇ ਲਾਇਨਾਂ ਲਾ ਕੇ ਖੜੇ੍ਹ ਹੋ ਗਏ ਸਵੇਰੇ ਅੱਠ ਵਜੇ ਤੋਂ ਲੈ ਕੇ ਦੁਪਹਿਰ ਇੱਕ ਵਜੇ ਤੱਕ ਲੋਕਾਂ ਨੇ ਵੱਡੀ ਗਿਣਤੀ ਵਿਚ ਵੋਟਾਂ ਪਾਈਆਂ ਅੱਜ ਦਾ ਮੌਸਮ ਸਾਫ ਹੋਣ ਕਰਕੇ ਇੱਕ ਵਜੇ ਤੋ ਲੈ ਕੇ ਸ਼ਾਮ ਤਿੰਨ ਵਜੇ ਤੱਕ ਵੋਟਾਂ ਪਾਉਣ ਦਾ ਕੰਮ ਮੱਠਾ ਪੈ ਗਿਆ ਅਤੇ ਫਿਰ ਤਿੰਨ ਵਜੇ ਤੋ ਲੈ ਕੇ ਸਾਮ ਛੇ ਵਜੇ ਤੱਕ ਵੋਟਾ ਪਾਉਣ ਵਿਚ ਤੇਜੀ ਆ ਗਈ ਅਤੇ ਹਰ ਵੋਟਰ ਨੇ ਆਪੋ ਆਪਣੇ ਮਨ ਪਸੰਦ ਉਮੀਦਵਾਰ ਨੂੰ ਵੋਟਾਂ ਪਾਈਆਂ ਤੇ ਇਲਾਕੇ ਵਿਚ ਵੋਟਾਂ ਦਾ ਕੰਮ ਅਮਨ-ਅਮਾਨ ਨਾਲ ਖਤਮ ਹੋਇਆ।ਹੁਣ ਇਨ੍ਹਾ ਵੋਟਾਂ ਦੀ ਗਿਣਤੀ 10 ਮਾਰਚ ਨੂੰ ਹੋਣੀ ਹੈ।
ਫੋਟੋ ਕੈਪਸ਼ਨ:-ਪਿੰਡ ਮੱਲ੍ਹਾ ਵਿਖੇ ਵੋਟਰ ਵੋਟ ਪਾਉਣ ਸਮੇਂ ਆਪਣੀ ਵਾਰੀ ਦੀ ਉਡੀਕ ਕਰਦੇ ਹੋਏ

ਜਗਰਾਉਂ 18 ਫਰਵਰੀ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)ਸ੍ਰੀ ਪਾਟਿਲ ਕੇਤਨ ਬਾਲੀਰਾਮ ਆਈ ਪੀ ਐੱਸ,ਐਸ ਐਸ ਪੀ ਲੁਧਿਆਣਾ ਦਿਹਾਤੀ ਵਲੋਂ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਵਿਧਾਨ ਸਭਾ ਚੋਣਾਂ 2022 ਨੂੰ ਸੁਚੱਜੇ ਢੰਗ ਅਤੇ ਸ਼ਾਂਤੀ ਪੂਰਵਕ ਨੇਪਰੇ ਚਾੜ੍ਹਨ ਲਈ ਮਾਨਯੋਗ ਚੋਣ ਕਮਿਸ਼ਨ ਵੱਲੋਂ ਜਾਰੀ ਹਦਾਇਤਾਂ ਦੀ ਪਾਲਣਾ ਵਿਚ ਜ਼ਿਲ੍ਹਾ ਲੁਧਿਆਣਾ ਦਿਹਾਤੀ ਨੂੰ ਸੈਂਟਰਲ ਆਰਮਡ ਪੁਲਿਸ ਫੋਰਸ ਦੀਆਂ 20 ਕੰਪਨੀਆਂ ਅਲਾਟ ਹੋਈਆਂ ਹਨ। ਜ਼ਿਲਾ ਲੁਧਿਆਣਾ ਦਿਹਾਤੀ ਵਿਚ ਹਲਕਾ ਦਾਖਾ -68, ਰਾਏਕੋਟ-69, ਜਗਰਾਉਂ-70, ਦੀਆਂ 355 ਪੋਲਿੰਗ  ਲੋਕੇਸ਼ਨਾ ਅਤੇ ਹਲਕਾ ਗਿੱਲ-66, ਦੀਆਂ 06, ਪੋਲਿੰਗ ਲੋਕੇਸ਼ਨਾ ਕੁੱਲ 361 ਲੋਕੇਸ਼ਨਾ ਹਨ। ਜਿਸਦੇ ਵਿਚ 286 ਆਰਡਨਰੀ ਅਤੇ 75 ਕਰਿਟੀਕਲ ਲੋਕੇਸ਼ਨਾ ਹਨ। ਇਨ੍ਹਾਂ  ਲੋਕੇਸ਼ਨਾ ਤੇ ਪੋਲਿੰਗ ਡਿਊਟੀ ਲਈ ਕੁੱਲ 1727 ਪੁਲਿਸ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਸਮੁੱਚੇ ਏਰੀਏ ਨੂੰ ਗਸਤਾਂ ਨਾਲ ਕਵਰ ਕਰਨ ਲਈ 53 ਪੈਟਰੋਲਿੰਗ ਪਾਰਟੀਆਂ ਪਰ 153 ਪੁਲਿਸ ਕਰਮਚਾਰੀ ਤਾਇਨਾਤ ਕੀਤੇ ਹਨ। ਜ਼ਿਲਾ ਲੁਧਿਆਣਾ ਦਿਹਾਤੀ ਦੇ ਨਾਲ ਲਗਦੇ ਜ਼ਿਲਿਆਂ ਦੀਆਂ ਹੱਦਾਂ ਬਾਹਰੋਂ ਆਉਣ ਵਾਲੇ ਸ਼ੱਕੀ/ ਮਾੜੇ ਅਨਸਰਾਂ ਨੂੰ ਕਾਬੂ ਕਰਨ ਲਈ ਕੁੱਲ 17 ਨਾਕਾਬੰਦੀਆ ਕੀਤੀਆਂ ਗਈਆਂ ਹਨ, ਜਿਨਾ ਪਰ 204 ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਇਸੇ ਤਰ੍ਹਾਂ ਜ਼ਿਲੇ ਅੰਦਰ ਉਮੀਦਵਾਰਾਂ ਵਲੋਂ ਵੋਟਰਾਂ ਨੂੰ ਭਰਮਾਉਣ ਵਾਸਤੇ ਨਕਦੀ ਨਸ਼ਾ ਅਤੇ ਸ਼ਰਾਬ ਆਦਿ ਨੂੰ ਰੋਕਣ ਲਈ ਐਫ ਐਸ ਟੀ,ਐਸ ਐਸ ਟੀ, ਅਤੇ ਵੀ ਐਸ ਟੀ, ਦੀਆਂ 44 ਪਾਰਟੀਆਂ ਵਿੱਚ 152 ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਜਿਲੇ ਅੰਦਰ ਜੇਕਰ ਕੋਈ ਲਾਅ ਐਂਡ ਆਰਡਰ ਡਿਊਟੀ ਸੰਬੰਧੀ ਕੋਈ ਸਮਸਿਆ ਪੈਦਾ ਹੁੰਦੀ ਹੈ ਤਾਂ ਸਥਿਤੀ ਨੂੰ ਤੁਰੰਤ  ਕਾਬੂ ਕਰਨ ਲਈ19 ਕਿਯੁ ਆਰ ਟੀ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਰਿਜ਼ਰਵ ਡਿਊਟੀ ਅਤੇ ਹੋਰ ਵਾਧੂ ਡਿਉਟੀਆਂ ਪਰ ਵੀ ਕਰਮਚਾਰੀ ਤਾਇਨਾਤ ਕੀਤੇ ਹਨ।

ਵੋਟ ਪਾਉਣ ਸਮੇਂ ਹਲਕੇ ਦੇ ਲੋਕ ਆਪਣੇ ਤੇ ਬੇਗਾਨੇ ਦਾ ਜ਼ਰੂਰ ਖਿਆਲ ਰੱਖਣ-ਇਆਲੀ 
 ਭੂੰਦੜੀ, 17 ਫਰਵਰੀ (ਸਤਵਿੰਦਰ ਸਿੰਘ ਗਿੱਲ )— ਵਿਧਾਨ ਸਭਾ ਹਲਕਾ ਦਾਖਾ ਤੋਂ ਅਕਾਲੀ ਬਸਪਾ ਉਮੀਦਵਾਰ ਅਤੇ ਐੱਮ.ਐੱਲ.ਏ. ਮਨਪ੍ਰੀਤ ਸਿੰਘ ਇਆਲੀ ਦੀ ਚੋਣ ਮੁਹਿੰਮ ਦਿਨੋਂ ਦਿਨ ਬੁਲੰਦੀਆਂ ਛੂੰਹਦੀ ਜਾ ਰਹੀ ਹੈ, ਬਲਕਿ ਉਨ੍ਹਾਂ ਦੇ ਹੱਕ ਵਿੱਚ ਹੋਏ ਚੋਣ ਜਲਸਿਆਂ ਦੌਰਾਨ ਲੋਕਾਂ ਦਾ ਉਮੜ ਰਿਹਾ ਭਾਰੀ ਇਕੱਠ ਇਆਲੀ ਪ੍ਰਤੀ ਲੋਕਾਂ ਦੇ ਸਮਰਥਨ ਦਾ ਪ੍ਰਗਟਾਵਾ ਕਰ ਰਿਹਾ ਹੈ। ਇਸੇ ਲੜੀ ਤਹਿਤ ਅਕਾਲੀ ਭਾਜਪਾ ਉਮੀਦਵਾਰ ਮਨਪ੍ਰੀਤ ਸਿੰਘ ਇਆਲੀ ਵੱਲੋਂ ਪਿੰਡ ਚੱਕ ਕਲਾਂ ਵਿਖੇ ਕੀਤੇ ਚੋਣ ਜਲਸੇ ਨੂੰ ਪਿੰਡ ਦੇ ਹਰ ਵਰਗ ਵੱਲੋਂ ਕੀਤੀ ਸ਼ਮੂਲੀਅਤ ਨੇ ਉਨ੍ਹਾਂ ਦੀ ਜਿੱਤ ਉਪਰ ਮੋਹਰ ਲਗਾਈ। ਇਸ ਮੌਕੇ ਉਨ੍ਹਾਂ ਸੰਬੋਧਨ ਕਰਦਿਆਂ ਆਖਿਆ ਕਿ ਵੋਟਾਂ ਵਿਚ ਕੁਝ ਦਿਨਾਂ ਦਾ ਹੀ ਸਮਾਂ ਰਹਿ ਗਿਆ ਹੈ। ਇਸ ਲਈ ਆਪਣੇ ਅਤੇ ਹਲਕੇ ਦੀ ਬਿਹਤਰੀ ਉਮੀਦਵਾਰਾਂ ਦਾ ਸਰਦਾਰ ਦੇਖ ਕੇ ਵੋਟ ਪਾਇਓ ਕਿਉਂਕਿ ਚੋਣਾਂ ਦੇ ਇਸ ਮੌਸਮ ਵਿੱਚ ਕਈ ਪਰਵਾਸੀ ਪੰਛੀ ਪਿਛਲੀਆਂ ਚੋਣਾਂ ਵਾਂਗ ਆਪਣਾ ਦਾਅ ਲਗਾਉਣ ਦੀ ਤਾਕ ਵਿਚ ਫਿਰ ਰਹੇ ਹਨ, ਸਗੋਂ ਤਰਨਤਾਰਨ, ਫ਼ਰੀਦਕੋਟ, ਮਖੂ ਆਦਿ ਤੋਂ ਆਏ ਇਨ੍ਹਾਂ ਉਮੀਦਵਾਰਾਂ ਨੇ 20 ਫਰਵਰੀ ਤੋਂ ਬਾਅਦ ਹਲਕੇ ਵਿਚ ਨਜ਼ਰ ਨਹੀਂ ਆਉਣਾ, ਜਦ ਕਿ ਉਹ ਦੋ ਦਹਾਕਿਆਂ ਤੋਂ ਹਲਕੇ ਨੂੰ ਆਪਣਾ ਘਰ ਪਰਿਵਾਰ ਸਮਝਦੇ ਹੋਏ ਵਿਚਰ ਰਹੇ ਹਨ। ਉਨ੍ਹਾਂ ਪਿੰਡ ਵਾਸੀਆਂ ਨੂੰ ਅਪੀਲ ਕੀਤੀ ਕਿ 20 ਫਰਵਰੀ ਨੂੰ ਚੋਣ ਨਿਸ਼ਾਨ ਤੱਕੜੀ ਦਾ ਬਟਨ ਦਬਾ ਕੇ ਉਨ੍ਹਾਂ ਨੂੰ ਜਿੱਤਾਉਣ  ਅਤੇ ਅਕਾਲੀ-ਬਸਪਾ ਗੱਠਜੋੜ ਦੀ ਸਰਕਾਰ ਦਾ ਮੁੱਢ ਬੰਨ੍ਹਣ। ਇਸ ਮੌਕੇ ਪਿੰਡ ਵਾਸੀਆਂ ਨੇ ਉਨ੍ਹਾਂ ਨੂੰ ਭਾਰੀ ਬਹੁਮਤ ਨਾਲ ਜਿਤਾਉਣ ਦਾ ਭਰੋਸਾ  ਦਿੱਤਾ। ਇਸ ਮੌਕੇ ਪ੍ਰਧਾਨ ਰਾਮ ਆਸਰਾ ਸਿੰਘ, ਸੁਖਦੇਵ ਸਿੰਘ ਬਾਸੂ, ਜਗਮੋਹਨ ਸਿੰਘ, ਦਵਿੰਦਰ ਸਿੰਘ ਗਰਚਾ, ਜਗਰੂਪ ਸਿੰਘ, ਸਾਬਕਾ ਸਰਪੰਚ ਸੁਖਵੰਤ ਸਿੰਘ ਚੈੱਕ, ਬਾਬਾ ਰਣਜੀਤ ਸਿੰਘ, ਦਲਜੀਤ ਸਿੰਘ  ਰਾਜਰਜਿੰਦਰ ਸਿੰਘ, ਜਗਪਾਲ ਸਿੰਘ, ਨੰਬਰਦਾਰ ਅਵਤਾਰ ਸਿੰਘ, ਗੁਰਨਾਮ ਸਿੰਘ, ਹੈਪੀ ਧਾਲੀਵਾਲ, ਸੈਕਟਰੀ ਪਵਿੱਤਰ ਸਿੰਘ, ਨਾਇਬ ਸਿੰਘ, ਗੁਰਸ਼ਰਨ ਸਿੰਘ ਬੋਪਰਾਏ, ਮੈਨੇਜਰ ਅੰਮ੍ਰਿਤਪਾਲ ਸਿੰਘ ਤੂਰ, ਰਾਣਾ ਤੂਰ, ਗੁਰਮੇਲ ਸਿੰਘ ਦਿਓਲ, ਜਸਬੀਰ ਸਿੰਘ ਬੇਪਰਵਾਹ, ਸਾਬਕਾ ਸਰਪੰਚ ਮਨਜੀਤ ਸਿੰਘ ਆਦਿ ਹਾਜ਼ਰ ਸਨ।

ਨੌਜਵਾਨਾਂ ਵਾਸਤੇ ਮੇਰੇ ਦਰਵਾਜੇ ਹਮੇਸ਼ਾਂ ਖੁੱਲ੍ਹੇ—ਸੰਧੂ
ਮੁੱਲਾਂਪੁਰ ਦਾਖਾ/ਸਵੱਦੀ ਕਲਾਂ,17 ਫਰਬਰੀ(ਸਤਵਿੰਦਰ ਸਿੰਘ ਗਿੱਲ )—ਜਿਥੇ ਮੌਸਮ ਵਿੱਚ ਗਰਮੀ ਸ਼ੁਰੂ ਹੋ ਗਈ ਹੈ ਉਥੇ ਹਲਕੇ ਦਾਖੇ ਵਿੱਚ ਵੋਟਾਂ ਨੂੰ ਲੈਕੇ ਸਿਆਸਤ ਵੀ ਕਾਫੀ ਗਰਮਾ ਗਈ ਹੈ। ਇਸ ਤਰਾਂ ਅੱਜ ਹਲਕੇ ਦਾਖੇ ਦੇ ਨਾਮਵਰ ਨਗਰ ਸਵੱਦੀ ਕਲਾਂ ਵਿੱਚ ਬਲਾਕ ਪ੍ਰਧਾਨ ਵਰਿੰਦਰ ਸਿੰਘ ਢਿੱਲੋਂ ਦੀ ਅਗਵਾਈ ਵਿੱਚ ਵੱਡੀ ਗਿਣਤੀ ਨੌਜਵਾਨਾ ਨੇ ਕੈਪਟਨ ਸੰਧੂ ਦੇ ਹੱਕ ਵਿੱਚ ਵੋਟ ਪਾਉਣ ਦਾ ਵਾਅਦਾ ਕੀਤਾ।ਸਵੱਦੀ ਕਲਾਂ ਪੁੱਜ ਕੇ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ  ਗੁਰਪ੍ਰੀਤ ਸਿੰਘ ਪੰਮਾ ਚੌਂਕੀਮਾਨ,ਕੇਸਰ ਸਿੰਘ ਚੋਂਕਿਮਾਂਨ,ਭੋਲਾ ਸਿੰਘ ਚੌਂਕੀਮਾਨ,ਸੋਹਣ ਸਿੰਘ ਚੌਂਕੀਮਾਨ,ਗੁਰਮੀਤ ਸਿੰਘ ਚੌਂਕੀਮਾਨ,ਕਰਮਜੀਤ ਸਿੰਘ ਚੌਂਕੀਮਾਨ,ਸੋਨੀ ਪੱਬੀਆਂ,ਬਲਦੇਵ ਸਿੰਘ ਗੋਰਸੀਆਂ ਮੱਖਣ,ਜਗਰੂਪ ਸਿੰਘ ਚੌਂਕੀਮਾਨ,ਬਲਵਿੰਦਰ ਸਿੰਘ ਗੋਰਾਹੁਰ,ਹਰਬੰਸ ਸਿੰਘ ,ਦਲਜੀਤ ਸਿੰਘ ਮਾਜਰੀ,ਹਰਜਿੰਦਰ ਸਿੰਘ ਸਵੱਦੀ ਕਲਾਂ ਅਤੇ ਬਲਵਿੰਦਰ ਸਿੰਘ ਸਵੱਦੀ ਕਲਾਂ ਆਦਿ ਨੌਜਵਾਨਾ ਨੂੰ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਸਨਮਾਨ ਕੀਤਾ ਤੇ ਇਹਨਾ ਨੂੰ ਭਰੋਸਾ ਦਿੱਤਾ ਕਿ ਤੁਸੀ 20 ਫਰਬਰੀ ਨੂੰ ਮੇਰੇ ਹੱਕ ਵਿੱਚ ਵੋਟ ਪਾਓ ਤਾਂ ਭਵਿੱਖ ਵਿਚ ਕਦੇ ਵੀ ਜਰੂਰਤ ਹੋਵੇ ਤਾਂ ਮੇਰੇ ਦਰਵਾਜੇ ਹਮੇਸ਼ਾਂ ਤੁਹਾਡੇ ਵਾਸਤੇ ਖੁੱਲ੍ਹੇ ਹਨ। ਇਸ ਮੌਕੇ ਬਲਾਕ ਪ੍ਰਧਾਨ ਵਰਿੰਦਰ ਸਿੰਘ ਢਿੱਲੋਂ ਮਦਾਰਪੂਰਾ ਨੇ ਕੈਪਟਨ ਸੰਦੀਪ ਸਿੰਘ ਸੰਧੂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਵੱਡੀ ਗਿਣਤੀ ਸਵੱਦੀ ਕਲਾਂ ਦੇ ਮੋਹਤਵਾਰ ਆਗੂ ਹਾਜਰ ਸਨ।