ਲੁਧਿਆਣਾ

ਜਗਰਾਓਂ, ਜੂਨ 2019 ( ਮਨਜਿੰਦਰ ਗਿੱਲ)—ਬੀਤੀ ਦੇਰ ਰਾਤ ਮਾਂ ਨੇ ਅਪਣੇ ਪ੍ਰੇਮੀ ਦੇ ਨਾਲ ਮਿਲ ਕੇ ਅਪਣੇ ਹੀ ਤਿੰਨ ਸਾਲ ਦੇ ਪੁੱਤਰ ਦਾ ਗਲਾ ਦਬਾ ਕੇ ਕਤਲ ਕਰ ਦਿਤਾ। ਥਾਣਾ ਸਿਟੀ ਦੇ ਇੰਚਾਰਜ ਨਿਧਾਨ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਬੱਚੇ ਸੋਨੂੰ ਦੇ ਨਾਨਾ ਰਜਿੰਦਰ ਰਿਸ਼ੀ ਦੇਵ ਨੇ ਪੁਲਿਸ ਨੂੰ ਦਿਤੇ ਬਿਆਨਾਂ ਵਿਚ ਦੋਸ਼ ਲਗਾਇਆ ਕਿ ਉਸਦੀ ਲੜਕੀ ਰਜਨੀ ਦੀ ਸ਼ਾਦੀ ਪੰਜ ਸਾਲ ਪਹਿਲਾਂ ਪ੍ਰਦੀਪ ਕੁਮਾਰ ਨਿਵਾਸੀ ਹਠੂਰ ਨਾਲ ਹੋਈ ਸੀ। ਜਿਸਤੋਂ ੁਨ੍ਹਾਂ ਦੇ ਇਕ ਲੜਕਾ ਪੈਦਾ ਹੋਇਆ। ਇਸ ਦੌਰਾਨ ਦੋਵਾਂ ਵਿਚ ਅਣਬਣ ਰਹਿਣ ਲੱਗੀ ਅਤੇ ਰਜਨੀ ਅਪਣੇ ਪਤੀ ਪ੍ਰਦੀਪ ਨੂੰ ਛੱਡ ਕੇ ਅਪਣੇ ਬੱਚੇ ਸੋਨੂੰ ਨਾਲ ਅਪਣੇ ਪਿਤਾ ਦੇ ਘਰ ਜੀਟੀ ਰੋਡ ਤੇ ਸਥਿਤ ਸੇਮ ਨਾਲੇ ਦੇ ਨਜ਼ਦੀਕ ਝੁੱਗੀਆੰ ਵਿਚ ਰਹਿਣ ਲੱਗ ਗਈ। ਇਥੇ ਹੀ ਉਸਦੇ ਸੰਬਧ ਸੋਨੂੰ ਪੁੱਤਰ ਵਿਨੋਦ ਕੁਮਾਰ ਨਿਵਾਸੀ ਪਿੰਡ ਬੀਹਲਾ ਨਾਲ ਸੰਬਧ ਬਣ ਗਏ ਅਤੇ ਰਜਨੀ ਅਪਣੇ ਬੱਚੇ ਨੂੰ ਛੱਡ ਕੇ ਸੋਨੂੰ ਨਾਲ ਪਿੰਡ ਬੀਹਲਾ ਰਹਿਣ ਲੱਗ ਗਈ। ਹੁਣ ਉਹ ਪੰਜ ਮਹੀਨੇ ਬਾਦ ਮੰਗਲਵਾਰ ਨੂੰ ਇਥੇ ਦੋਵੇਂ ਆਏ ਸਨ। ਰਾਤ ਨੂੰ ਸੋਨੂੰ ਅਪਣੇ ਨਾਨਾ-ਨਾਨੀ ਦੇ ਨਾਲ ਪਿਆ ਸੀ ਅਤੇ ਰਜਨੀ ਅਤੇ ਸੋਨੂੰ ਅਲੱਗ ਝੁੱਗੀ ਵਿਚ ਪਏ ਸਨ। ਰਾਤ ਨੂੰ ਕਰੀਬ 2 ਵਜੇ ਉਨ੍ਹਾਂ ਨੇ ਸੁੱਤੇ ਪਏ ੰਮਾਸੂਮ ਸੋਨੂੰ ਨੂੰ ਚੁੱਕ ਲਿਆ ਅਤੇ ਉਸਦਾ ਗਲਾ ਦਬਾ ਕੇ ਉਸਨੂੰ ਮੰੌਤ ਦੇ ਘਾਟ ਉਤਾਰ ਦਿਤਾ। ਜਦੋਂ ਉਹ ਸੋਨੂੰ ਦੀ ਲਾਸ਼ ਨੂੰ ਝੁੱਗੀ ਦੇ ਨਜ਼ਦੀਕ ਸੁੱਟ ਕੇ ਭੱਜਣ ਲੱਗੇ ਤਾਂ ਰਜਿਡੰਦਰ ਰਿਸ਼ੀ ਦੇਵ ਦੀ ਅੱਖ ਖੁੱਲ ਗਈ ਅਤੇ ਉਸਨੇ ਇਨ੍ਹਾਂ ਨੂੰ ਦੌੜਦੇ ਹੋਏ ਦੇਖ ਲਿਆ। ਇਸ ਸੰਬਧ ਵਿਚ ਸੂਚਨਾ ਪੁਲਿਸ ਨੂੰ ਦਿਤੀ ਗਈ ਤਾਂ ਥਾਣਾ ਸਿਟੀ ਤੋਂ ਇੰਸਪੈਕਟਰ ਨਿਧਾਨ ਸਿੰਘ ਮੌਕੇ ਤੇ ਪਹੁੰਚੇ। ਉਨ੍ਹਾਂ ਬੱਚੇ ਦੀ ਲਾਸ਼ ਨੂੰ ਕਰਬਜੇ ਵਿਚ ਲਿਆ। ਸੋਨੂੰ ਦੇ ਨਾਨਾ ਰਜਿੰਦਰ ਰਿਸ਼ੀ ਦੇਵ ਦੇ ਬਿਆਨਾਂ ਤੇ ਰਜਨੀ ਅਤੇ ਉਸਦੇ ਪ੍ਰੇਮੀ ਸੋਨੂੰ ਦੇ ਖਿਲਾਫ ਥਾਣਾ ਸਿਟੀ ਵਿਚ ਮੁਕਦਮਾ ਦਰਜ ਕਰਕੇ ਦੋਵਾਂ ਨੂੰ ਗਿਰਫਤਾਰ ਕਰ ਲਿਆ ਗਿਆ ਹੈ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ) ਸੀਨੀਅਰ ਕਾਂਗਰਸੀ ਵਰਕਰ ਗੁਰਜੀਵਨ ਸਿੰਘ ਗਾਲਿਬ ਰਣ ਸਿੰਘ ਨੂੰ ਉਸ ਸਮੇ ਸਦਮਾ ਲੱਗਾ ਜਦੋ ਉਨ੍ਹਾਂ ਦੇ ਸਤਿਕਾਰ ਯੋਗ ਦਾਦੀ ਭਗਵਾਨ ਕੌਰ(94) ਸਾਲ ਅਕਾਲ ਚਲਾਣਾ ਕਰ ਗਏ।ਉਨ੍ਹਾਂ ਦੀ ਮ੍ਰਿਤਕ ਦੇਹ ਦਾ ਸੰਸਕਾਰ ਪਿੰਡ ਦੀ ਸ਼ਮਸਾਨ ਘਾਟ ਕੀਤਾ ਗਿਆ।ਜਿਥੇ ਵੱਡੀ ਤਾਦਾਦ ਵਿੱਚ ਪਰਿਵਾਰਕ ਮੈਬਰਾਂ,ਰਿਸ਼ਤੇਦਾਰਾਂ ਤੇ ਇਲਾਕਾ ਨਿਵਾਸੀਆਂ ਨੇ ਸੇਜਿਲ ਅੱਖਾਂ ਨਾਲ ਉਨ੍ਹਾਂ ਨੂੰ ਵਿਦਾਇਗੀ ਦਿੱਤੀ।ਇਸ ਉਨ੍ਹਾਂ ਦੇ ਪੋਤੇ ਗੁਰਜੀਵਨ ਸਿੰਘ ਨੇ ਦੱੁਖੀ ਮਨ ਨਾਲ ਦੱਸਿਆ ਕਿ ਉਨ੍ਹਾਂ ਦੀ ਸਤਿਕਾਰਯੋਗ ਸਵ: ਦਾਦੀ ਭਗਵਾਨ ਕੌਰ ਜੀ ਨਮਿਤ ਅੰਤਿਮ ਅਰਦਾਸ ਤੇ ਭੋਗ 25 ਜੂਨ ਦਿਨ ਮੰਗਲਵਾਰ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਹੋਵੇਗੀ।ਇਸ ਗਿੱਲ ਪਰਿਵਾਰ ਨਾਲ ਹਮਦਰਦੀ ਸਮੇ ਐਮ.ਪੀ.ਰਵਨੀਤ ਸਿੰਘ ਬਿੱਟੂ,ਸਾਬਾਕਾ ਮੰਤਰੀ ਮਲਕੀਤ ਸਿੰਘ ਦਾਖਾ,ਕਾਂਗਰਸ ਦੇ ਜਿਲ੍ਹਾ ਦਿਹਾਤੀ ਪ੍ਰਧਾਨ ਕਰਨਜੀਤ ਸਿੰਘ ਸੋਨੀ ਗਾਲਿਬ,ਸਰਪੰਚ ਸਿਕੰਦਰ ਸਿੰਘ ਗਾਲਿਬ ਕਲਾਂ,ਹਰਸਿਮਰਨ ਸਿੰਘ ਬਾਲੀ ਸਾਬਾਕਾ ਸਰਪੰਚ,ਹਰਬੰਸ ਸਿੰਘ ਸਾਬਾਕਾ ਸਰਪੰਚ,ਪੰਚ ਸੋਮਨਾਥ,ਕੈਪਟਨ ਜੁਗਰਾਜ ਸਿੰਘ,ਦਵਿੰਦਰ ਸਿੰਘ,ਸੁਖਵਿੰਦਰ ਸਿੰਘ,ਰਾਜਿੰਦਰ ਸਿੰਘ,ਬਿੱਕਰ ਸਿੰਘ(ਸਾਰੇ ਸਾਬਾਕਾ ਪੰਚ)ਤੇਜਿੰਦਰ ਸਿੰਘ ਤੇਜੀ,ਪ੍ਰਤੀਮ ਸਿੰਘ,ਡਾਕਟਰ ਸਤਿਨਾਮ ਸਿੰਘ,ਮਾਸਟਰ ਲਵਪ੍ਰੀਤ ਸਿੰਘ,ਆਦਿ ਹਾਜ਼ਰ ਸਨ।

ਇਸ ਫਿਲਮ ਵਿੱਚ ਅਰਸ਼ ਚਾਵਲਾ ਅਤੇ ਸਮਿਤ ਗੁਲਾਟੀ ਮੁੱਖ ਭੁਮਿਕਾ ’ਚ ਨਜ਼ਰ ਆਉਣਗੇ

ਜਗਰਾਉਂ (ਰਾਣਾ ਸੇਖਦੌਲਤ) ਕਿਸੇ ਵੀ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਪਿੱਛੇ ਉਸ ਦੀ ਕਹਾਣੀ ਆਮ ਫਿਲਮਾ ਨਾਲੋ ਹੱਟ ਕੇ ਹੁੰਦੀ ਹੈ। ਇਸ ਗੱਲ ਤੇ ਵਿਸ਼ਵਾਸ ਕਰਦੇ ਹੋਏ ਫਿਲਮ ਨਿਰਮਾਤਾ ਅਤੇ ਦਰਸ਼ਕਾ ਲਈ ਵੱਖਰੀਆ ਅਤੇ ਅਰਥਾ ਪੁਰਨ ਕਹਾਣੀਆ ਨੂੰ ਪੇਸ਼ ਕਰਨ ਦੀ ਪੂਰੀ ਕੋਸ਼ਿਸ਼ ਕਰਦੇ ਹਨ। ਇਸ ਭਰਪੂਰ ਫਿਲਮਾ ’ਚ ਨਾਮ ਜੁੜਨ ਜਾ ਰਿਹਾ ਹੈ। ਆਉਣ ਵਾਲੀ ਫਿਲਮ ਅੰਗਰੇਜ਼ ਪੱੁੱਤ ਦਾ ਹਾਲ ਹੀ ਵਿੱਚ ਫਿਲਮ ਦੇ ਨਿਰਮਾਤਵਾਂ ਨੇ ਇਕ ਵਿਸ਼ੇਸ਼ ਪ੍ਰੈਸ਼ ਕਾਨਪ੍ਰੈਸ ਚੰਡੀਗੜ੍ਹ ਆਯੋਜਨ ਕੀਤਾ। ਇਸ ਫਿਲਮ ਦੀ ਘੌਸ਼ਣਾ ਦੇ ਨਾਲ ਹੀ ਫਿਲਮ ਦੇ ਬਾਰੇ ਹੋਰ ਵੀ ਜਾਣਕਾਰੀ ਸਾਝੀ ਕੀਤੀ । ਪਾਲੀਵੁੱਡ ਤੋਂ ਅਰਸ਼ ਚਾਵਲਾ ਅਤੇ ਬਾਲੀਵੁੱਡ ਫਿਲਮ ਬਾਗ ਮਿਲਖਾਂ ਬਾਗ ਅਤੇ ਬਾਗੀ ਦੇ ਪ੍ਰਸਿੱਧ ਅਦਾਕਾਰ ਸਮਿਤ ਗੁਲਾਟੀ ਇਸ ਫਿਲਮ ਦੇ ਮੁੱਖ ਅਦਾਕਾਰ ਵਜੋਂ ਮੁੱਖ ਭੁਮਿਕਾ ਨਿਭਾਉਣਗੇ। ਫਿਲਮ ਦਾ ਮਿਊਜ਼ਕ ਅਤੇ ਬੈਕਗਰਾਊਡ ਸਕੋਰ ਪ੍ਰਸਿੱਧ  ਸੰਗੀਤਕਾਰ ਗੁਰਮੀਤ ਸਿੰਘ ਦੁਆਰਾ ਕੀਤਾ ਜਾਵੇਗਾ।ਫਿਲਮ ਦਾ ਡਾਇਰੈਕਟਰ ਸ਼ਿਵਮ ਸ਼ਰਮਾ (ਮੁੰਬਈ) ਦੁਆਰਾ ਕੀਤਾ ਜਾਵੇਗਾ। ਬਾਲੀਵੱੁਡ ਪ੍ਰੋਡਿਊਸਰ ਮੰਯਕ ਸ਼ਰਮਾ ਇਸ ਫਿਲਮ ਨੂੰ ਪ੍ਰੋਡਿਊਸਰ ਕਰਨਗੇ ਅਤੇ ਇਸ ਫਿਲਮ ਦੇ ਲੇਖਕ ਰਿਸ਼ੀ ਮੱਲ੍ਹੀ ਹਨ।ਇਸ ਫਿਲਮ ਨੂੰ ਐਮ.ਐਸ.ਏਸ਼ੀਅਨ ਮੂਵੀ ਸਟੂਡੀਓ ਅਤੇ ਰੰਗਲਾ ਪੰਜਾਬ ਮੋਸ਼ਨ ਪਿਕਚਰਜ਼ ਵੱਲੋਂ ਮੋਗਾ ਫਿਲਮ ਸਟੂਡੀਓ ਅਤੇ ਪੰਜਾਬ ਸਟਾਰ ਲਾਈਵ ਇਵੈਟ ਮੈਨੇਜਮੈਟ ਪ੍ਰਾਈਵੇਟ ਲਿਿਮਟੇਡ ਨਾਲ ਪੇਸ਼ ਕੀਤਾ ਜਾਵੇਗਾ। ਸ਼ਿਵਮ ਸ਼ਰਮਾ ਪਹਿਲਾ ਵੀ ਕਈ ਫਿਲਮਾ ਜਿਵੇਂ ਢੋਲ ਰੱਤ, ਭਰਤ ਸਿੰਘ ਦੀ ਉਡੀਕ, ਸਿੱਖੀ ਵਰਗੀਆ ਫਿਲਮਾ ਕੀਤੀਆਂ। ਇਸ ਫਿਲਮ ਦਾ ਕਨਸੈਪਟ ਬੜਾਂ ਹੀ ਅਲੱਗ ਹੈ। ਅੱਜ ਕੱਲ ਫਿਲਮਾ ਦੀ ਕਹਾਣੀ ਸਿਰਫ ਵਿਆਹਾ ਅਤੇ ਅਰਥ ਹੀਨ ਹਾਸੋਹੀਣ ਤੱਕ ਹੀ ਸੀਮਿਤ ਰਿਹ ਗਈ ਹੈ। ਇਸ ਕਰਕੇ ਇਸ ਫਿਲਮ ਦੇ ਡਾਇਰੈਕਟ ਸ਼ਿਵਮ ਸ਼ਰਮਾ ਅਤੇ ਅਰਸ਼ ਚਾਵਲਾ ਨੇ ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਦੱਸਿਆ ਕਿ ਇਸ ਫਿਲਮ ਦੀ ਕਹਾਣੀ ਸਿਰਫ ਹਲਕੀ ਫੁੱਲਕੀ ਕਮੇਡੀ ਹੀ ਨਹੀ ਬਲ ਕੇ ਇਹ ਫਿਲਮ ਪੰਜਾਬੀ ਸਨੇਮੇ ਵਿੱਚ ਨਿਵੇਕਲਪ ਦੀ ਇਕ ਨਵੀ ਲਹਿਰ ਲੈ ਕੇ ਆਵੇਗੀ। ਇਸ ਫਿਲਮ ਵਿੱਚ ਜਗਰਾਉਂ ਦੇ ਚਿਹਰੇ ਗੁਰਮੀਤ ਦਮਨ (ਸੇਖਦੌਲਤ) ਜੋਂ ਪਹਿਲਾ ਵੀ ਸਾਡੀਆ ਫਿਲਮਾ ਵਿੱਚ ਕੰਮ ਕਰ ਚੁੱਕੇ ਹਨ। ਇਸ ਫਿਲਮ ਵਿੱਚ ਵੀ ਇਕ ਵੱਖਰੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। 
 

ਜ਼ਿਲਾ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਪਲੇਠੀ ਮੀਟਿੰਗ ਵਿੱਚ ਲੋਕਾਂ ਦੀਆਂ ਸ਼ਿਕਾਇਤਾਂ ਨੂੰ ਤਰਜੀਹੀ ਤੌਰ 'ਤੇ ਹੱਲ ਕਰਨ ਲਈ ਹਦਾਇਤਾਂ ਜਾਰੀ

ਲੁਧਿਆਣਾ,ਜੂਨ 2019 ( ਮਨਜਿੰਦਰ ਗਿੱਲ )—ਪੰਜਾਬ ਦੇ ਸਥਾਨਕ ਸਰਕਾਰਾਂ ਬਾਰੇ ਵਿਭਾਗ ਦੇ ਕੈਬਨਿਟ ਮੰਤਰੀ ਬ੍ਰਹਮ ਮਹਿੰਦਰਾ ਨੇ ਜ਼ਿਲਾ ਲੁਧਿਆਣਾ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਦੇਖਣ, ਸਮਝਣ ਅਤੇ ਹੱਲ ਕਰਨ ਦੇ ਨਜ਼ਰੀਏ ਵਿੱਚ ਬਦਲਾਅ ਲਿਆਉਣ ਤਾਂ ਜੋ ਉਹ ਪੰਜਾਬ ਸਰਕਾਰ ਵੱਲੋਂ ਸ਼ੁਰੂ ਕੀਤੀਆਂ ਯੋਜਨਾਵਾਂ ਦਾ ਲਾਭ ਲੈ ਸਕਣ। ਬ੍ਰਹਮ ਮਹਿੰਦਰਾ ਅੱਜ ਸਥਾਨਕ ਬਚਤ ਭਵਨ ਵਿਖੇ ਜ਼ਿਲਾ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਪਲੇਠੀ ਮੀਟਿੰਗ ਦੀ ਪ੍ਰਧਾਨਗੀ ਕਰ ਰਹੇ ਸਨ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਕੈਬਨਿਟ ਮੰਤਰੀ ਭਾਰਤ ਭੂਸ਼ਣ ਆਸ਼ੂ, ਲੋਕ ਸਭਾ ਮੈਂਬਰ ਰਵਨੀਤ ਸਿੰਘ ਬਿੱਟੂ, ਸੁਰਿੰਦਰ ਡਾਵਰ, ਸੰਜੇ ਤਲਵਾੜ (ਦੋਵੇਂ ਵਿਧਾਇਕ), ਮੇਅਰ  ਬਲਕਾਰ ਸਿੰਘ ਸੰਧੂ ਤੋਂ ਇਲਾਵਾ ਕਮੇਟੀ ਦੇ ਮੈਂਬਰ ਅਤੇ ਅਧਿਕਾਰੀ ਹਾਜ਼ਰ ਸਨ। ਭਰਵੀਂ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਮਹਿੰਦਰਾ ਨੇ ਕਿਹਾ ਕਿ ਕੋਈ ਵੀ ਪ੍ਰਸਾਸ਼ਨ ਕਿਸੇ ਸਰਕਾਰ ਦਾ ਮਹੱਤਵਪੂਰਨ ਅੰਗ ਹੁੰਦਾ ਹੈ, ਜਿਸ ਦੇ ਜ਼ਰੀਏ ਸਰਕਾਰ ਨੇ ਲੋਕ ਪੱਖੀ ਨੀਤੀਆਂ ਨੂੰ ਸਫ਼ਲਤਾਪੂਰਵਕ ਲਾਗੂ ਕਰਾਉਣਾ ਹੁੰਦਾ ਹੈ ਪਰ ਦੇਖਣ ਵਿੱਚ ਆਉਂਦਾ ਹੈ ਕਿ ਕਈ ਪ੍ਰਸਾਸ਼ਨਿਕ ਅਧਿਕਾਰੀ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਸਮਝਣ ਅਤੇ ਹੱਲ ਕਰਨ ਦੀ ਬਿਜਾਏ ਉਨਾਂ ਨੂੰ ਠੰਢੇ ਬਸਤੇ ਪਾਈ ਰੱਖਦੇ ਹਨ, ਨਤੀਜਤਨ ਲੋਕਾਂ ਵਿੱਚ ਸਰਕਾਰ ਪ੍ਰਤੀ ਗੁੱਸਾ ਅਤੇ ਅਵਿਸ਼ਵਾਸ਼ ਦੀ ਭਾਵਨਾ ਪੈਦਾ ਹੋ ਜਾਂਦੀ ਹੈ। ਉਨਾਂ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਕਿ ਉਹ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ ਹਾਂ ਪੱਖੀ ਨਜ਼ਰੀਆ ਅਪਨਾਉਣ। ਉਨਾਂ ਕਿਹਾ ਕਿ ਕੋਸ਼ਿਸ਼ ਕੀਤੀ ਜਾਵੇ ਕਿ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਜ਼ਿਲਾ ਪੱਧਰ 'ਤੇ ਹੀ ਹੱਲ ਕੀਤਾ ਜਾਵੇ ਤਾਂ ਜੋ ਲੋਕਾਂ ਨੂੰ ਚੰਡੀਗੜ ਤੱਕ ਨਾ ਪਹੁੰਚ ਕਰਨੀ ਪਵੇ। ਉਨਾਂ ਕਮੇਟੀ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਉਹ ਅਗਲੀ ਮੀਟਿੰਗ ਵਿੱਚ ਲਿਖ਼ਤੀ ਸ਼ਿਕਾਇਤਾਂ ਲੈ ਕੇ ਆਉਣ ਤਾਂ ਜੋ ਉਨਾਂ ਨੂੰ ਅੰਜ਼ਾਮ ਤੱਕ ਪਹੁੰਚਾਉਣ ਵਿੱਚ ਕੋਈ ਦਿੱਕਤ ਪੇਸ਼ ਨਾ ਆਵੇ। ਉਨਾਂ ਡਿਪਟੀ ਕਮਿਸ਼ਨਰ ਨੂੰ ਹਦਾਇਤ ਕੀਤੀ ਕਿ ਅਗਲੀ ਮੀਟਿੰਗ ਵਿੱਚ ਸਾਰੇ ਮੈਂਬਰਾਂ ਨੂੰ ਵੱਖ-ਵੱਖ ਵਿਭਾਗਾਂ ਵੱਲੋਂ ਚਲਾਈਆਂ ਜਾ ਰਹੀਆਂ ਯੋਜਨਾਵਾਂ ਬਾਰੇ ਜਾਗਰੂਕ ਕੀਤਾ ਜਾਵੇ ਅਤੇ ਇਹ ਯਕੀਨੀ ਬਣਾਇਆ ਜਾਵੇ ਕਿ ਮੀਟਿੰਗ ਵਿੱਚ ਹਰੇਕ ਵਿਭਾਗ ਦਾ ਜ਼ਿਲਾ ਮੁੱਖੀ ਅਧਿਕਾਰੀ ਨਿੱਜੀ ਤੌਰ 'ਤੇ ਹਾਜ਼ਰ ਹੋਵੇ। ਉਨਾਂ ਐਲਾਨ ਕੀਤਾ ਕਿ ਜ਼ਿਲਾ ਸ਼ਿਕਾਇਤ ਨਿਵਾਰਨ ਕਮੇਟੀ ਦੀ ਮੀਟਿੰਗ ਹੁਣ ਹਰੇਕ ਮਹੀਨੇ ਹੋਇਆ ਕਰੇਗੀ। ਜਿਸ ਵਿੱਚ ਸ਼ਿਕਾਇਤਾਂ ਦੇ ਨਿਪਟਾਰੇ ਲਈ ਅਧਿਕਾਰੀਆਂ ਦੀ ਜਿੰਮੇਵਾਰੀ ਨਿਯਤ ਕੀਤੀ ਜਾਵੇਗੀ। ਉਨਾਂ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਸਿਰਫ਼ ਸਹੀ ਸ਼ਿਕਾਇਤਾਂ ਹੀ ਕਰਨ। ਝੂਠੀਆਂ ਸ਼ਿਕਾਇਤਾਂ ਕਰਨ ਵਾਲਿਆਂ ਖ਼ਿਲਾਫ਼ ਵੀ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਭਾਰਤ ਭੂਸ਼ਣ ਆਸ਼ੂ, ਰਵਨੀਤ ਸਿੰਘ ਬਿੱਟੂ, ਵਿਧਾਇਕ ਸਾਹਿਬਾਨ ਅਤੇ ਮੈਂਬਰ ਸਾਹਿਬਾਨ ਨੇ ਜ਼ਿਲ•ਾ ਵਾਸੀਆਂ ਨੂੰ ਦਰਪੇਸ਼ ਸਮੱਸਿਆਵਾਂ ਦਾ ਵੇਰਵਾ ਪੇਸ਼ ਕੀਤਾ ਅਤੇ ਇਨਾਂ ਦੇ ਹੱਲ ਲਈ  ਬ੍ਰਹਮ ਮਹਿੰਦਰਾ ਅਤੇ ਪ੍ਰਸਾਸ਼ਨਿਕ ਅਧਿਕਾਰੀਆਂ ਨੂੰ ਅਪੀਲ ਕੀਤੀ। ਉਨਾਂ ਕਿਹਾ ਕਿ ਅਧਿਕਾਰੀਆਂ ਨੂੰ ਲੋਕਾਂ ਦੀਆਂ ਸਮੱਸਿਆਵਾਂ ਬਾਰੇ ਪਤਾ ਲਗਾਉਣ ਲਈ ਖੁਦ ਫੀਲਡ ਵਿੱਚ ਜਾਣਾ ਚਾਹੀਦਾ ਹੈ। ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਗਈ ਕਿ ਉਹ ਲੋਕ ਹਿੱਤ ਯੋਜਨਾਵਾਂ ਨੂੰ ਲੋਕਾਂ ਤੱਕ ਪਹੁੰਚਾਉਣ ਅਤੇ ਉਨਾਂ ਦਾ ਲਾਭ ਯੋਗ ਲਾਭਪਾਤਰੀਆਂ ਨੂੰ ਦੇਣ ਲਈ ਉਪਰਾਲੇ ਕਰਨ ਤਾਂ ਜੋ ਪੰਜਾਬ ਸਰਕਾਰ ਦੀਆਂ ਲੋਕ ਪੱਖੀ ਯੋਜਨਾਵਾਂ ਨਾਲ ਲੋਕਾਂ ਦਾ ਅਤੇ ਸੂਬੇ ਦਾ ਸਰਬਪੱਖੀ ਵਿਕਾਸ ਯਕੀਨੀ ਬਣਾਇਆ ਜਾ ਸਕੇ। ਇਸ ਤੋਂ ਪਹਿਲਾਂ ਡਿਪਟੀ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਚੇਅਰਮੈਨ ਅਤੇ ਹੋਰ ਮੈਂਬਰਾਂ ਨੂੰ ਜੀ ਆਇਆਂ ਨੂੰ ਕਿਹਾ ਅਤੇ ਮੀਟਿੰਗ ਦੀ ਕਾਰਵਾਈ ਚਲਾਈ।