ਲੁਧਿਆਣਾ

ਵਿਰੋਧੀ ਧਿਰ ਦੇ ਕੌਂਸਲਰਾਂ ਦੇ ਕੰਮਾਂ ਬਾਰੇ  ਈ ਓ ਸਾਹਿਬ ਨੇ ਕਿਹਾ“ਨੋ ਕੁਮੈਂਟਸ”
ਜਗਰਾਂਓ, 8ਫਰਵਰੀ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) :- ਨਗਰ ਕੌਂਸਲ ਜਗਰਾਉਂ ਦੇ ਵਾਰਡ ਨੰ: 4,5,15,17 ‘ਚ ਸਟਰੀਟ ਲਾਈਟਾਂ ਜੋ ਕਿ ਪੂਰੇ ਇੱਕ ਸਾਲ ਤੋਂ ਬੰਦ ਹਨ, ਦਾ ਕੰਮ ਨਾ ਹੋਣ ਤੇ ਕੌਂਸਲਰਾਂ ਵੱਲੋਂ ਰੋਸ ਜਾਹਰ ਕੀਤਾ ਗਿਆ ਹੈ।ਇਸ ਸਬੰਧੀ ਕੌਂਸਲਰ ਸਤੀਸ਼ ਕੁਮਾਰ ਪੱਪੂ, ਕੌਂਸਲਰ ਰਣਜੀਤ ਕੌਰ ਸਿੱਧੂ ਦੇ ਪਤੀ ਨਗਰ ਕੌਂਸਲ ਦੇ ਸਾਬਕਾ ਸੀਨੀਅਰ ਮੀਤ ਪ੍ਰਧਾਨ ਦਵਿੰਦਰਜੀਤ ਸਿੰਘ ਸਿੱਧੂ, ਕੌਂਸਲਰ ਦਰਸ਼ਨਾ ਦੇਵੀ ਦੇ ਲੜਕੇ ਐਡਵੋਕੇਟ ਅੰਕੁਸ਼ ਧੀਰ, ਕੌਂਸਲਰ ਅਮਰਜੀਤ ਮਾਲਵਾ ਨੇ ਦੱਸਿਆ ਕਿ ਰੌਸ਼ਨੀਆਂ ਦੇ ਸ਼ਹਿਰ ਜਗਰਾਉਂ ਦੇ ਸਾਡੇ ਵਾਰਡਾਂ ਵਿੱਚ ਹਨੇਰਾਂ ਛਾਇਆ ਹੋਇਆ ਹੈ।ਸਟਰੀਟ ਲਾਈਟਾਂ ਦੇ ਸਬੰਧ ਵਿੱਚ ਕਈ ਵਾਰ ਨਵੇਂ ਆਏ ਈ.ਓ ਨੂੰ ਵੀ ਮਿਲ ਚੁੱਕੇ ਹਾਂ।ਉਹਨਾਂ ਭਰੋਸਾ ਦਿਵਾਇਆ ਸੀ ਕਿ ਤੁਸੀ ਆਪਣੀਆਂ ਲਿਖਤੀ ਸ਼ਿਕਾਇਤਾਂ ਦਰਜ ਕਰਾਓ ਤੁਹਾਡੀਆਂ ਸ਼ਿਕਾਇਤਾਂ ਦਾ ਹੱਲ ਦੋ ਦਿਨਾਂ ਵਿੱਚ ਕਰ ਦਿੱਤਾ ਜਾਵੇਗਾ। ਕੌਂਸਲਰਾਂ ਨੇ ਦੱਸਿਆ ਕਿ ਲਿਖਤੀ ਸ਼ਿਕਾਇਤ ਨੂੰ 15 ਦਿਨ ਬੀਤ ਜਾਣ ਤੇ ਬਾਵਜੂਦ ਵੀ ਕੋਈ ਹੱਲ ਨਹੀਂ ਹੋਇਆ।ਸਟਰੀਟ ਲਾਈਟਾਂ ਦੇ ਇੰਚਾਰਜ ਕਲਰਕ ਹਰੀਸ਼ ਕੁਮਾਰ ਨੂੰ ਜਦੋਂ ਲਾਈਟਾਂ ਦੀ ਮੁਰੰਮਤ ਬਾਰੇ ਕਹਿੰਦੇ ਹਾਂ ਤਾਂ ਉਹਨਾਂ ਦਾ ਕਹਿਣਾ ਹੈ ਕਿ ਤੁਸੀਂ ਈ.ਓ. ਨੂੰ ਮਿਲੋ।ਇਸ ਸਬੰਧੀ ਈ.ਓ. ਅਸ਼ੋਕ ਕੁਮਾਰ ਨਾਲ ਮੋਬਾਇਲ ਤੇ ਸੰੰਪਰਕ ਕੀਤਾ ਤਾਂ ਉਹਨਾਂ ਕਿਹਾ ਕਿ ਵਿਰੋਧੀ ਧਿਰ ਦੇ ਕੌਂਸਲਰਾਂ ਦੀਆਂ ਲਾਈਟਾਂ ਦੇ ਕੰਮ ਬਾਰੇ “ਨੋ ਕੁਮੈਂਟਸ”।

ਜਗਰਾਓ,ਹਠੂਰ,8,ਫਰਵਰੀ (ਕੌਸ਼ਲ ਮੱਲ੍ਹਾ)-ਸਮੂਹ ਇਲਾਕਾ ਨਿਵਾਸੀਆ,ਸਮੂਹ ਗ੍ਰਾਮ ਪੰਚਾਇਤ ਚਕਰ,ਬਾਬਾ ਹਜਰਤ ਮੁਹੰਮਦ ਦਰਗਾਹ ਯਾਦਗਾਰੀ ਟਰੱਸਟ ਚਕਰ ਵੱਲੋ ਕਲੀਆ ਦੇ ਬਾਦਸਾਹ ਕੁਲਦੀਪ ਮਾਣਕ ਦੀ ਯਾਦ ਨੂੰ ਸਮਰਪਿਤ 21 ਵਾਂ ਸੱਭਿਆਚਾਰਕ ਮੇਲਾ 13 ਫਰਵਰੀ ਦਿਨ ਐਤਵਾਰ ਨੂੰ ਬਾਬਾ ਹਜਰਤ ਮੁਹੰਮਦ ਦੀ ਦਰਗਾਹ ਪਿੰਡ ਚਕਰ ਵਿਖੇ ਕਰਵਾਇਆ ਜਾ ਰਿਹਾ ਹੈ।ਇਸ ਮੇਲੇ ਦਾ ਅੱਜ ਪੋਸਟਰ ਜਾਰੀ ਕਰਦਿਆ ਮੇਲਾ ਕਮੇਟੀ ਦੇ ਪ੍ਰਧਾਨ ਡਾਕਟਰ ਮੱਖਣ ਸਿੰਘ ਨੇ ਦੱਸਿਆ ਕਿ ਅੱਜ ਦੀ ਦੋਗਾਣਾ ਜੋੜੀ ਜਗਮੋਹਣ ਸੰਧੂ-ਮਨੂੰ ਅਰੋੜਾ,ਪੰਡਿਤ ਸੋਮ ਨਾਥ ਰੋਡਿਆ ਵਾਲੇ ਦਾ ਕਵੀਸਰੀ ਜੱਥਾ,ਲੋਕ ਗਾਇਕ ਸੁਖਵਿੰਦਰ ਸੁੱਖੀ,ਬਸੰਤ ਧਾਲੀਵਾਲ-ਪਾਲੀ ਸਿੱਧੂ,ਜਸ਼ਨਦੀਪ ਸਵੀਟੀ,ਦਰਸ਼ਨ ਲੱਖੇ ਵਾਲਾ ਆਦਿ ਕਲਾਕਾਰ ਆਪਣੀ ਕਲਾਂ ਨਾਲ ਦਰਸਕਾ ਦਾ ਮਨੋਰੰਜਨ ਕਰਨਗੇ।ਇਸ ਮੌਕੇ ਉਨ੍ਹਾ ਨਾਲ ਮੀਤ ਪ੍ਰਧਾਨ ਹਰਜਿੰਦਰ ਸਿੰਘ ਚਕਰ,ਧਰਮਿੰਦਰ ਸਿੰਘ ਕਿੰਗਰਾ,ਰਾਜੂ ਕਿੰਗਰਾ, ਅਵਤਾਰ ਸਿੰਘ ਸਿੰਗਾਂ ਵਾਲਾ,ਜਗਤਾਰ ਸਿੰਘ,ਕਿਰਨਦੀਪ ਸਿੰਘ,ਭਾਗ ਸਿੰਘ,ਹਰਪਾਲ ਸਿੰਘ,ਦਲਜੀਤ ਸਿੰਘ,ਤਾਰਾ ਸਿੰਘ,ਹਰਜੀਤ ਸਿੰਘ,ਚਮਕੌਰ ਸਿੰਘ,ਗੁਰਚਰਨ ਸਿੰਘ,ਕੁਲਦੀਪ ਸਿੰਘ,ਗੁਰਮੀਤ ਸਿੰਘ,ਜਰਨੈਲ ਸਿੰਘ,ਜੋਗਿੰਦਰ ਸਿੰਘ ਆਦਿ ਹਾਜਰ ਸਨ।
ਫੋਟੋ ਕੈਪਸਨ:-ਮੇਲੇ ਦਾ ਪੋਸਟਰ ਜਾਰੀ ਕਰਦੇ ਹੋਏ ਪ੍ਰਧਾਨ ਡਾਕਟਰ ਮੱਖਣ ਸਿੰਘ ਅਤੇ ਪ੍ਰਬੰਧਕੀ ਕਮੇਟੀ

 ਜਗਰਾਓਂ 7 ਫ਼ਰਵਰੀ (ਅਮਿਤ ਖੰਨਾ)-ਵਿਧਾਨ ਸਭਾ ਹਲਕਾ ਜਗਰਾਉਂ ਤੋਂ ਲੋਕ ਇਨਸਾਫ ਪਾਰਟੀ ਦੇ ਉਮੀਦਵਾਰ ਤਜਿੰਦਰ ਕੌਰ ਤੇਜੀ ਸੰਧੂ  ਵੱਲੋਂ ਵੱਲੋਂ ਕਈ ਪਿੰਡਾਂ ਦਾ ਤੂਫਾਨੀ ਦੌਰਾ ਕੀਤਾ ਗਿਆ ਪਿੰਡ ਗ਼ਾਲਿਬ ਚਕਰ  ਸਿੱਖ ਦੌਲਤ  ਮਾਣੂੰਕੇ   ਨੇ ਕਾਰਵਾਈ ਤੇਜੀ ਸੰਧੂ ਉਮੀਦਵਾਰ ਲੋਕ ਇਨਸਾਫ਼ ਪਾਰਟੀ ਦੀ ਪਿੰਡ ਵਾਸੀਆਂ ਦੀ ਮਿੱਟਿੰਗ ਨੇ ਦੱਸਿਆ ਕਿ ਇਸ ਵਾਰ ਅਸੀਂ ਲੋਕ ਇਨਸਾਫ ਪਾਰਟੀ ਦੀ ਸਰਕਾਰ ਬਣਾਵਾਂਗੇ  ਅਤੇ ਤੇਜੀ ਸੰਧੂ ਨੂੰ ਵੱਡੀ ਲੀਡ ਨਾਲ ਜਿਤਾਵਾਂਗੇ ਪਿੰਡਾਂ ਤੇਜੀ ਸੰਧੂ ਨੇ ਦੱਸਿਆ ਕਿ ਸਭ ਬੜੇ ਪਿਆਰ ਨਾਲ ਉਨ੍ਹਾਂ ਨੂੰ ਮਿਲੇ ਅਤੇ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ । ਉਨ੍ਹਾਂ ਕਿਹਾ ਕਿ ਪਿੰਡਾਂ ਵਿੱਚ ਮਿਲੇ ਲੋਕਾਂ ਦੇ ਭਰਪੂਰ ਹੁੰਗਾਰੇ ਨੇ ਦੱਸ ਦਿੱਤਾ ਕਿ ਪਿੰਡਾਂ ਦੇ ਲੋਕ ਵੀ ਬਦਲਾਅ ਲਈ ਤਿਆਰ ਹਨ । ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਚੋਂ  ਜਿੱਤ ਪ੍ਰਾਪਤ ਕਰਨ ਵਾਲੀ ਆਮ ਆਦਮੀ ਪਾਰਟੀ ਦੀ ਵਿਧਾਇਕਾ ਸਰਬਜੀਤ ਕੌਰ ਮਾਣੂੰਕੇ ਦੇ ਪਿੰਡ ਵਾਸੀਆਂ ਨੇ ਕਿਹਾ ਕਿ  ਉਨ੍ਹਾਂ ਨੇ ਆਪਣੇ ਪਿੰਡ ਦਾ ਹੀ ਹਾਲ ਨਹੀਂ ਪੁੱਛਿਆ  ਤੂੰ ਵੀ ਉਨ੍ਹਾਂ ਦੇ ਪਿੰਡ ਵਿਚ ਕੋਈ ਵਿਕਾਸ ਨਹੀਂ ਹੋਇਆ  ਉਨ੍ਹਾਂ ਦੇ ਪਿੰਡ ਇੱਕ ਛੱਪੜ ਵੀ ਬਣਿਆ ਹੈ  ਜਿਸ ਦਾ ਉਨ੍ਹਾਂ ਨੂੰ ਕਈ ਵਾਰ ਕਿਹਾ ਗਿਆ ਪਰ ਉਨ੍ਹਾਂ ਨੇ  ਇਹ ਜਵਾਬ ਦਿੱਤਾ ਕਿ ਸਾਡੀ ਸਰਕਾਰ ਨਹੀਂ ਹੈ  ਇਸ ਕਰਕੇ  ਲੋਕ ਇਨਸਾਫ਼ ਪਾਰਟੀ ਦੇ ਉਮੀਦਵਾਰ ਤਜਿੰਦਰ ਕੌਰ ਤੇਜੀ ਸੰਧੂ  ਨੇ ਕਿਹਾ ਕਿ  ਪਿੰਡਾਂ ਦੇ ਬੁੱਕਾ ਤੁਹਾਡੇ ਪੈਂਡਿੰਗ ਕੰਮ ਪਹਿਲ ਦੇ ਅਧਾਰ ਤੇ ਹੋਣਗੇ ਇਸ ਮੌਕ ਸੁਖਦੇਵ ਸਿੰਘ ਡੱਲਾ ਜਗਰੂਪ ਸਿੰਘ ਸੂਹੀ ਕਮਲ ਅਖਾੜਾ  ਰਾਜਵਿੰਦਰ ਸਿੰਘ ਜੱਸੋਵਾਲ ਸਰਬਜੀਤ ਸਿੰਘ ਸਿੱਧੂ ਨਿਰਮਲ ਸਿੰਘ ਸੰਘੇੜਾ ਜਗਰਾਜ ਸਿੰਘ ਲਾਡੀ ਸੁਰਜੀਤ ਸਿੰਘ ਜਨੇਤਪੁਰਾ  ਗੁਰਸੇਵਕ ਸਿੰਘ ਸ਼ੇਰਪੁਰ ਵਿਕਾਸ ਮਠਾੜੂ ਕੁਲਵਿੰਦਰ ਕੌਰ ਬਜ਼ੁਰਗ ਪਰਮਜੀਤ ਕੌਰ ਕੱਕੜ ਤਿਹਾੜਾ ਰਾਜਿੰਦਰ ਸਿੰਘ ਜਗਰਾਓਂ ਆਦਿ ਹਾਜ਼ਰ ਸਨ

ਐਂਤਕੀ ਚਰਨਜੀਤ ਸਿੰਘ ਚੰਨੀ ਤੇ ਕੈਪਟਨ ਸੰਧੂ ਨੂੰ ਜਿਤਾ ਕੇ ਦਮ ਲੈਣਗੇ -  ਗੁੜੇ ਵਾਸੀ
ਮੁੱਲਾਂਪੁਰ ਦਾਖਾ / ਚੌਕੀਮਾਨ, 7 ਫਰਵਰੀ  (  ਸਤਵਿੰਦਰ ਸਿੰਘ ਗਿੱਲ)  - ਇੱਕ ਆਮ ਘਰ ਤੋਂ ਉੱਠ ਕੇ ਸਿਆਸਤ ਵਿੱਚ ਕਾਮਯਾਬੀ ਹਾਸਲ ਕਰਨੀ ਅਤੇ ਥੋੜ੍ਹੇ ਸਮੇਂ ਵਿੱਚ ਪੰਜਾਬ ਦੇ ਲੋਕਾਂ ਲਈ ਲਏ ਇਤਿਾਹਾਸਕ ਫੈਸਲੇ ਕੈਪਟਨ ਸੰਧੂ ਦੀ ਜਿੱਤ ਦੇ ਜਾਮਨ ਬਣਨਗੇ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਪਿੰਡ ਗੁੜੇ ਵਿਖੇ ਵੱਡੀ ਇਕੱਤਰਤਾ ਵਿੱਚ ਜੁੜੇ ਬੈਠੇ ਕਾਂਗਰਸੀਆਂ ਵਰਕਰਾਂ ਨੂੰ ਸੰਬੋਧਨ ਕਰਦਿਆ ਕਹੇ। ਕੈਪਟਨ ਸੰਧੂ ਨੇ ਕਿਹਾ ਕਿ ਸ੍ਰ ਚੰਨੀ ਇੱਕ ਗੈਰ ਸਿਆਸੀ ਪਰਿਵਾਰ ਵਿੱਚੋਂ ਉੱਠੇ ਹਨ ਉਸਨੂੰ ਘੇਰਨ ਲਈ ਚਾਰੋਂ ਤਰਫ ਘੇਰਾਬੰਦੀ ਕੀਤੀ ਜਾ ਰਹੀ ਹੈ, ਪਰ ਸਦਕੇ ਜਾਈਏ ਪੰਜਾਬ ਵਾਸੀਆਂ ਨੇ ਜਿਨ੍ਹਾਂ ਨੇ ਸ੍ਰ ਚੰਨੀ ਦਾ ਸਾਥ ਦੇਣ ਦਾ ਵਾਅਦਾ ਕੀਤਾ ਹੈ, ਕੈਪਟਨ ਸੰਧੂ ਨੇ ਕਿਹਾ ਕਿ ਸੂਬੇ ਅੰਦਰ ਕਾਂਗਰਸ ਦੀ ਅਗਲੀ ਸਰਕਾਰ ਬਣਨ ਜਾ ਰਹੀ ਹੈ ਤੇ ਸ੍ਰ ਚਰਨਜੀਤ ਸਿੰਘ ਚੰਨੀ ਮੁੱਖ ਮੰਤਰੀ ਬਣਨ ਜਾ ਰਹੇ। ਜਿਸਦੀ ਪੂਰੇ ਸੂਬੇ ਅੰਦਰ ਖੁਸ਼ੀ ਦੀ ਲਹਿਰ ਦੌੜੀ ਹੋਈ ਹੈ ਤੇ ਲੋਕ ਬੇਸਬਰੀ ਨਾਲ 20 ਫਰਵਰੀ ਦੀ ਉਡੀਕ ਕਰ ਰਹੇ ਹਨ ਕਿ ਕਦੋਂ ਕਾਂਗਰਸ ਦੇ ਹੱਕ ਵਿੱਚ ਵੋਟ ਪਾਈਏ। ਇਸ ਮੌਕੇ ਸਰਪੰਚ ਮਲਵਿੰਦਰ ਸਿੰਘ ਸਮੇਤ ਹੋਰ ਪਿੰਡ ਵਾਸੀਆਂ ਨੇ ਕੈਪਟਨ ਸੰਦੀਪ ਸਿੰਘ ਸੰਧੂ ਨੂੰ ਵਿਸਵਾਸ ਦੁਆਉਦਿਆਂ ਕਿਹਾ ਕਿ ਐਂਤਕੀ ਪਿੰਡ ਵਾਸੀਆਂ ਨੇ ਤਹੱਈਆਂ ਕਰ ਲਿਆ ਹੈ ਕਿ ਹਲਕਾ ਦਾਖਾ ਤੋਂ ਕੈਪਟਨ ਸੰਦੀਪ ਸਿੰਘ ਸੰਧੂ ਵਿਧਾਇਕ ਚੁਣਨ ਗਏ ਤੇ ਸੂਬੇ ਅੰਦਰ ਸ੍ਰ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਬਣਾਉਣਗੇ। ਇਸ ਮੌਕੇ ਪੰਚ ਹਰਭਜਨ ਸਿੰਘ, ਸਤਿਨਾਮ ਸਿੰਘ, ਨਵਜੋਤ ਸਿੰਘ, ਪ੍ਰਦੀਪ ਕੁਮਾਰ, ਅਧਿਆਪਕ ਗੁਰਪ੍ਰੀਤ ਸਿੰਘ, ਸਾਬਕਾ ਸਰਪੰਚ ਸੋਹਣ ਸਿੰਘ, ਸਰਬਜੀਤ ਸਿੰਘ ਪ੍ਰਧਾਨ ਕੋ.ਸੁਸਾਇਟੀ ਪ੍ਰਧਾਨ, ਜਸਮੇਲ ਸਿੰਘ ਜੱਸਾ, ਬਿੰਦਰ ਸਿੰਘ, ਸੋਨੂੰ, ਡਾ. ਸਤਵਿੰਦਰ ਸਿੰਘ, ਸਰਬਾ ਅਤੇ ਪਿਸ਼ੌਰਾ ਸਿੰਘ ਆਦਿ ਹਾਜਰ ਸਨ।