ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸ਼੍ਰੋਮਣੀ ਅਕਾਲੀ ਦਲ 99ਵੇ ਸਥਾਪਨਾ ਦਿਵਸ ਮੌਕੇ ਤੇ ਹੋਏ ਡੈਲੀਗੇਟ ਇਜਲਾਸ ਵਿੱਚ ਸਰਬਸੰਮਤੀ ਦੇ ਨਾਲ ਸੁਖਬੀਰ ਸਿੰਘ ਬਾਦਲ ਨੂੰ ਮੁੜ ਤੀਸਰੀ ਵਾਰ ਪ੍ਰਧਾਨ ਚੁਣਿਆ ਗਿਆ।ਪ੍ਰਧਾਨ ਬਣਨ ਤੇ ਪਾਰਟੀ ਦੇ ਸੀਨੀਅਰ ਲੀਡਰਸ਼ਿਪ ਵਲੋ ਵਧਾਈਆਂ ਦਿੱਤੀਆਂ ਗਈਆਂ ਹਨ।ਇਸ ਸਮੇ ਸ਼ੋ੍ਰਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਸਰਤਾਜ ਸਿੰਘ ਗਾਲਿਬ ਰਣ ਸਿੰਘ ਨੇ ਸੁਖਬੀਰ ਸਿੰਘ ਬਾਦਲ ਨੂੰ ਤੀਜੀ ਵਾਰ ਪ੍ਰਧਾਨ ਚੁਣੇ ਜਾਣ ਤੇ ਵਧਾਈ ਦਿੱਤੀ ਹੈ।ਗਾਲਿਬ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦਾ ਇਤਿਹਾਸ ਕੁਰਬਾਨੀਆਂ ਭਰਿਆ ਹੈ ਅਤੇ ਪੰਜਾਬ ਦੇ ਹਿੱਤਾਂ ਲਈ ਇਸ ਪਾਰਟੀ ਦੇ ਆਗੂਆਂ ਨੇ ਆਪਣੀਆਂ ਜਾਨਾਂ ਵਾਰ ਦਿੱਤੀਆਂ। ਉਨ੍ਹਾਂ ਕਿਹਾ ਕਿ ਸੁਖਬੀਰ ਸਿੰਘ ਬਾਦਲ ਨਾਲ ਪੰਜਾਬ ਦੀ ਸਮੂਹ ਲੀਡਰਸ਼ਿਪ ਤੇ ਹਰੇਕ ਵਰਕਰ ਚੱਟਾਨ ਵਾਂਗ ਖੜਾ ਹੈ ਅਤੇ ਪਹਿਲਾਂ ਵੀ ਬਾਦਲ ਦੀ ਅਗਵਾਈ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਜਿੱਤਾਂ ਦਰਜ਼ ਕੀਤੀਆਂ ਹਨ।ਸਰਤਾਜ ਗਾਲਿਬ ਨੇ ਕਿਹਾ ਕਿ ਸ਼ੌ੍ਰਮਣੀ ਅਕਾਲੀ ਦਲ ਦੇੇ ਪ੍ਰਧਾਨ ਬਣਨ ਤੇ ਉਤਸ਼ਾਹ ਪੈਦਾ ਹੋਇਆ ਹੈ ਅਤੇ 2022 ਵਿੱਚ ਸ਼੍ਰੌਮਣੀ ਅਕਾਲੀ ਦਲ ਸਰਕਾਰ ਬਣਾਕੇ ਇਤਿਹਾਸ ਸਿਰਜੇਗਾ।

ਲੁਧਿਆਣਾ, ਦਸੰਬਰ 2019- ( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਯੂਨੀਵਰਸਿਟੀ ਆਫ਼ ਕੈਲੇਫੋਰਨੀਆ ਫਰੇਜ਼ਨੋ ਦੇ ਪਰੈਜ਼ੀਡੈਂਟ ਨੇ ਲੁਧਿਆਣਾ ਸਥਿਤ ਕੌੜਾ ਫਾਰਮਜ਼ ਅਯਾਲੀ ਕਲਾਂ ਵਿਖੇ ਉੱਘੇ ਸਫ਼ਲ ਕਿਸਾਨਾਂ ਤੇ ਸਿਰਕੱਢ ਕਾਰੋਬਾਰੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਹੈ ਕਿ ਅਮਰੀਕਾ ਚ ਕੈਲੇਫੋਰਨੀਆ ਸੂਬੇ ਦੀ ਖੇਤੀਬਾੜੀ ਨੂੰ ਨਵੀਂ ਦਿਸ਼ਾ ਦੇਣ ਵਿੱਚ ਪੰਜਾਬੀ ਕਿਸਾਨਾਂ ਦਾ ਵਡਮੁੱਲਾ ਯੋਗਦਾਨ ਹੈ। ਇਨ੍ਹਾਂ ਪੰਜਾਬੀਆਂ ਨੇ ਅਮਰੀਕਨਾਂ ਨੂੰ ਵੀ ਮਿੱਟੀ ਚੋਂ ਸੋਨਾ ਉਗਾਉਣ ਦੀ ਲਿਆਕਤ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਕੈਲੇਫੋਰਨੀਆ ਦੇ ਖੇਤੀ ਮਾਡਲ ਨੂੰ ਪੰਜਾਬ ਚ ਪਸਾਰਨ ਦੀ ਲੋੜ ਹੈ। ਫਰਿਜ਼ਨੋ ਯੂਨੀਵਰਸਿਟੀ ਦੇ ਵਾਈਸ ਚੇਅਰਮੈਨ ਸਾਅਲ ਜਿਮੇਨੇਜ਼ ਸੈਂਡੋਵੇਲ ਨੇ ਕਿਹਾ ਕਿ ਉਹ ਪੰਜਾਬ ਦੀ ਮਿੱਟੀ ਵੇਖਣ ਆਏ ਹਨ ਜਿਸ ਨੇ ਏਨੇ ਸਿਰੜੀ, ਸਿਦਕੀ ਸਮਰੱਥ ਕਿਸਾਨ ਪੈਦਾ ਕਰਕੇ ਅਮਰੀਕਾ ਭੇਜੇ ਹਨ ਜਿੰਨ੍ਹਾਂ ਨੂੰ ਰੋਲ ਮਾਡਲ ਕਿਹਾ ਜਾ ਸਕਦਾ ਹੈ। ਅਮਰੀਕਾ ਤੋਂ ਆਏ ਵਫ਼ਦ ਦਾ ਸਵਾਗਤ ਕਰਦਿਆਂ ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਪੰਜਾਬ ਦੇ ਚੇਅਰਮੈਨ ਤੇ ਪੰਜਾਬ ਖੇਤੀ ਯੂਨੀਵਰਸਿਟੀ ਲੁਧਿਆਣਾ ਵਿੱਚੋਂ ਸੇਵਾ ਮੁਕਤ ਪ੍ਰੋ: ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਹੈ ਕਿ ਲਗਪਗ ਇੱਕ ਸਦੀ ਪਹਿਲਾਂ ਜਦ ਪਰਤਾਪ ਸਿੰਘ ਕੈਰੋਂ, ਕਾਮਰੇਡ ਅੱਛਰ ਸਿੰਘ ਛੀਨਾ ਤੇ ਹੋਰ ਨੌਜਵਾਨ ਜਦ ਬਰਕਲੇ ਯੂਨੀਵਰਸਿਟੀ ਤੋਂ ਪੜ੍ਹ ਕੇ ਪਰਤੇ ਤਾਂ ਉਨ੍ਹਾਂ ਇਹ ਸੁਪਨਾ ਪੰਜਾਬ ਨੂੰ ਦਿੱਤਾ ਕਿ ਅਸੀਂ ਪੰਜਾਬ ਨੂੰ ਕੈਲੇਫੋਰਨੀਆ ਬਣਾ ਦਿਆਂਗੇ। ਪੰਜਾਬੀ ਕਿਸਾਨਾਂ ਦਾ ਇਹ ਸੁਪਨਾ ਤਾਂ ਪੂਰਾ ਨਹੀਂ ਹੋਇਆ ਪਰ ਕੈਲੇਫੋਰਨੀਆ ਜ਼ਰੂਰ ਦੂਸਰਾ ਪੰਜਾਬ ਬਣ ਗਿਆ ਹੈ। ਪੰਜਾਬੀ ਕਿਸਾਨ ਪੁੱਤਰਾਂ ਨੇ ਅਮਰੀਕਾ ਦੇ ਤਕਨੀਕੀ ਗਿਆਨ ਵਿੱਚ ਆਪਣਾ ਖ਼ੂਨ ਪਸੀਨਾ ਪਾ ਕੇ ਸੌਗੀ ਅਖ਼ਰੋਟ ਤੇ ਬਦਾਮਾਂ ਦੇ ਬਾਦਸ਼ਾਹ ਕਹਾਉਣ ਦਾ ਸਨਮਾਨ ਹਾਸਲ ਕੀਤਾ ਹਾ ਉਸ ਦਾ ਦਸਤਾਵੇਜ਼ੀ ਪ੍ਰਮਾਣੀਕਰਨ ਬਹੁਤ ਜ਼ਰੂਰੀ ਹੈ। ਇਸ ਕਾਰਜ ਲਈ ਫਰਿਜਨੋ ਸਟੇਟ ਯੂਨੀਵਰਸਿਟੀ ਨੂੰ ਇਹ ਪ੍ਰਾਜੈਕਟ ਹੱਥ ਵਿੱਚ ਲੈਣਾ ਚਾਹੀਦਾ ਹੈ। ਉਨ੍ਹਾਂ ਯੂਨੀਵਰਸਿਟੀ ਦੇ ਪਰੈਜ਼ੀਡੈਂਟ ਜੋਜ਼ਫ਼ ਆਈ ਕਾਸਟਰੋ ਨੂੰ ਮੁਬਾਰਕ ਦਿੱਤੀ ਜਿੰਨ੍ਹਾਂ ਨੇ ਪੰਜਾਬ ਖੇਤੀ ਯੂਨੀਵਰਸਿਟੀ ਨਾਲ ਦੁਵੱਲੇ ਸਹਿਯੋਗ ਲਈ ਇਕਰਾਰਨਾਮਾ ਕੀਤਾ ਹੈ ਪਰ ਇਸ ਦਾ ਲਾਭ ਤਦ ਹੀ ਹੋਵੇਗਾ ਜੇਕਰ ਕੈਲੇਫੋਰਨੀਆਂ ਦੇ ਅਗਾਂਹਵਧੂ ਪੰਜਾਬੀ ਕਿਸਾਨਾਂ ਦੇ ਮਿਸਾਲੀ ਕਾਰਜਾਂ ਨੂੰ ਪੰਜਾਬ ਚ ਵੱਸਦੇ ਕਿਸਾਨਾਂ ਤੀਕ ਪਹੁੰਚਾਈ ਜਾਵੇ। ਉਨ੍ਹਾਂ ਕਿਹਾ ਕਿ ਸੌਗੀ ਦੇ ਬਾਦਸ਼ਾਹ ਵਜੋਂ ਚਰਨਜੀਤ ਸਿੰਘ ਬਾਠ ਨੇ ਜਿਸ ਢੰਗ ਨਾਲ ਪਿੰਡ ਨੂਰਪੁਰਾ(ਰਾਇਕੋਟ) ਤੋਂ 1959 ਚ ਅਮਰੀਕਾ ਪੁੱਜ ਕੇ ਵਿਕਸਤ ਖੇਤੀ ਨੂੰ ਅਪਣਾਇਆ, ਉਸ ਬਾਰੇ ਕਈ ਕਿਤਾਬਾਂ ਲਿਖੇ ਜਾਣ ਦੀ ਜ਼ਰੂਰਤ ਹੈ। ਯੂਨੀਵਰਸਿਟੀ ਆਫ਼ ਕੈਲੇਫੋਰਨੀਆ ਫਰਿਜ਼ਨੋ ਦੇ ਵਾਈਸ ਚੇਅਰਮੈਨ ਤੇ ਇਸ ਵਫ਼ਦ ਚ ਸ਼ਾਮਿਲ ਆਗੂਆਂ ਗੈਰੀ ਚਾਰਲ, ਰਾਜਾ ਬੋਪਾਰਾਏ ਤੇ ਸ: ਚਰਨਜੀਤ ਸਿੰਘ ਬਾਠ ਨੇ ਕਿਹਾ ਕਿ ਇਸ ਕਾਰਜ ਲਈ ਯੂਨੀਵਰਸਿਟੀ ਜਲਦੀ ਪ੍ਰੋਗਰਾਮ ਉਲੀਕੇਗੀ। ਕੈਲੇਫੋਰਨੀਆ ਦੇ ਚੋਣਵੇਂ ਅਗਾਂਹਵਧੂ ਕਿਸਾਨਾਂ ਦੀ ਮਿਹਨਤ ਮੁਸ਼ੱਕਤ ਅਤੇ ਦੂਰਦ੍ਰਿਸ਼ਟੀ ਭਰਪੂਰ ਵਿਗਿਆਨਕ ਸੋਝੀ ਬਾਰੇ ਲਿਖਣ ਲਈ ਉਨ੍ਹਾਂ ਪ੍ਰੋ: ਗੁਰਭਜਨ ਗਿੱਲ ਨੂੰ ਸਹਿਯੋਗ ਦੇਣ ਲਈ ਅਪੀਲ ਕੀਤੀ। ਫਰਿਜ਼ਨੋ ਦੇ ਅਗਾਂਵਧੂ ਕਿਸਾਨ ਤੇ 1921 ਤੋਂ ਅਮਰੀਕਾ ਵੱਸਦੇ ਪਿੰਡ ਖ਼ਾਨਪੁਰ (ਲੁਧਿਆਣਾ ) ਦੇ ਚਾਹਲ ਪਰਿਵਾਰ ਦੇ ਫ਼ਰਜ਼ੰਦ ਗੈਰੀ ਚਾਹਲ ਨੇ ਕਿਹਾ ਕਿ ਇਸ ਬਾਰੇ ਬਹੁਤ ਪਹਿਲਾਂ ਕੰਮ ਕਰਨ ਦੀ ਜ਼ਰੂਰਤ ਸੀ ਤਾਂ ਜੋ ਇਸ ਦਾ ਨਵੀਂ ਪੀੜ੍ਹੀ ਨੂੰ ਲਾਭ ਪੁੱਜਦਾ, ਪਰ ਅਜੇ ਵੀ ਵਕਤ ਸੰਭਾਲਣ ਦੀ ਲੋੜ ਹੈ। ਜੱਦੀ ਪਿੰਡ ਚੱਠਾ(ਗੁਰਦਾਸਪੁਰ) ਦੇ ਜੰਮਪਲ ਤੇ ਯੂ ਪੀ ਤੋਂ ਅਮਰੀਕਾ ਜਾ ਵੱਸੇ ਉੱਘੇ ਕਿਸਾਨ ਤੇ 350ਤੋਂ ਵੱਧ ਟਰੱਕਾਂ ਦੀ ਕੰਪਨੀ ਦੇ ਮਾਲਕ ਰਾਜਾ ਬੋਪਾਰਾਏ ਨੇ ਕਿਹਾ ਕਿ ਇਹ ਪੰਜਾਬ ਦੀ ਧਰਤੀ ਦਾ ਕਰਜ਼ ਮੋੜਨ ਦਾ ਸਹੀ ਤਰੀਕਾ ਹੈ, ਤਾਂ ਜੋ ਆਤਮ ਵਿਸ਼ਵਾਸ ਗੁਆ ਰਹੀ ਕਿਸਾਨੀ ਤੇ ਸਰਕਾਰੀ ਤੰਤਰ ਨੂੰ ਸੇਧ ਦਿੱਤੀ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਉਹ ਆਪਣੀ ਟਰੱਕਿੰਗ ਕੰਪਨੀ ਦਾ ਬੁਕਿੰਗ ਦਫ਼ਤਰ ਮੋਹਾਲੀ ਚ ਖੋਲ੍ਹ ਕੇ ਲਗਪਗ 150 ਨੌਜਵਾਨ ਲੜਕੇ ਲੜਕੀਆਂ ਨੂੰ ਆਦਰਯੋਗ ਰੁਜ਼ਗਾਰ ਦੇ ਚੁਕੇ ਹਨ। ਚਰਨਜੀਤ ਸਿੰਘ ਬਾਠ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮਾਣ ਹੈ ਕਿ ਪਹਿਲਾਂ ਪੰਜਾਬੀ ਕਿਸਾਨ ਹਨ ਤੇ ਮਗਰੋਂ ਕੁਝ ਹੋਰ। ਮਿਹਨਤ ਤੇ ਪਰਿਵਾਰਕ ਏਕੇ ਕਾਰਨ ਹੀ ਪੂਰਾ ਬਾਠ ਪਰਿਵਾਰ ਅੱਜ ਸੌਗੀ ਉਤਪਾਦਨ ਚ ਸੌਗੀ ਸਰਦਾਰ ਹਨ। ਇਸ ਮੌਕੇ ਉੱਘੇ ਕਾਰੋਬਾਰੀ ਜੈਦੇਵ ਕੌੜਾ(ਬੱਬੀ) ਨੇ ਅਮਰੀਕਾ ਤੋਂ ਆਏ ਵਫ਼ਦ ਦਾ ਧੰਨਵਾਦ ਕੀਤਾ ਜਿੰਨ੍ਹਾਂ ਨੇ ਆਪਣੇ ਮੁੱਲਵਾਨ ਤਜ਼ਰਬੇ ਸਾਡੇ ਨਾਲ ਸਾਂਝੇ ਕੀਤੇ ਹਨ। ਇਸ ਮੌਕੇ ਸ: ਪਿਰਥੀਪਾਲ ਸਿੰਘ ਹੇਅਰ ਤੇ ਸੰਦੀਪ ਸ਼ਰਮਾ (ਦੋਵੇਂ ਪੁਲਿਸ ਕਪਤਾਨ)ਇੰਦਰਜੀਤ ਸਿੰਘ ਸੰਧੂ ਫਰਿਜ਼ਨੋ, ਹਰਿੰਦਰ ਸਿੰਘ ਸੰਧੂ ਸੀਨੀਅਰ ਟਾਉਨ ਪਲੈਨਰ ਸੰਗਰੂਰ, ਰਾਕੇਸ਼ ਧੀਰ ਰਾਏਕੋਟ ਤੇ ਕਈ ਹੋਰ ਸਿਰਕੱਢ ਵਿਅਕਤੀ ਹਾਜ਼ਰ ਸਨ।

ਹਠੂਰ , ਦਸੰਬਰ 2019-(ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ)-

ਮੀਰੀ ਪੀਰੀ ਦੇ ਮਾਲਕ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਦੀ ਚਰਨ ਛੋਹ ਪ੍ਰਾਪਤ ਕਸਬਾ ਹਠੂਰ ਦੀ ਭਾਗਾਂ ਭਰੀ ਧਰਤੀ ਤੇ ਸ਼ਸੋਭਿਤ ਇਤਿਹਾਸਕ ਗੁਰਦੁਆਰਾ ਪਾਤਸ਼ਾਹੀ ਛੇਵੀਂ ਵਿਖੇ, ਨਗਰ ਦੇ ਸਮਾਜ ਸੇਵੀ ਕੰਮਾਂ ਵਿੱਚ ਮੋਹਰੀ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਵੱਲੋਂ ਸਮੁੱਚੀ ਮਾਨਵਤਾ ਦੇ ਰਹਿਬਰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ, ਨਗਰ ਨਿਵਾਸੀ ਗ੍ਰਾਮ ਪੰਚਾਇਤ ਅਤੇ ਐੱਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ ਦੋ ਰੋਜਾ ਵਾਤਾਵਰਣ ਸੰਭਾਲ, ਸਾਹਿਤਕ ਸਮਾਗਮ, ਅਤੇ ਪੁਸਤਕ ਮੇਲਾ ਕਰਵਾਇਆ ਗਿਆ, ਜਿਸ ਵਿੱਚ ਵੱਖ ਵੱਖ ਸਤਿਕਾਰਯੋਗ ਸ਼ਖਸੀਅਤਾਂ ਜਿੰਨਾਂ ਵਿੱਚ ਕਹਾਣੀਕਾਰ ਜਤਿੰਦਰ ਹਾਂਸ, ਬਲਵਿੰਦਰ ਸਿੰਘ ਲੱਖੇਵਾਲੀ ਵਾਤਾਵਰਣ ਪ੍ਰੇਮੀ, ਖੁਸ਼ਵੰਤ ਸਿੰਘ ਬਰਗਾੜੀ, ਨਾਵਲਕਾਰ ਯਾਦਵਿੰਦਰ ਸਿੰਘ ਸੰਧੂ, ਕਵੀ ਪਰਮ ਨਿਮਾਣਾ ਫਿਲਮ ਡਾਇਰੈਕਟਰ ਜਸਵਿੰਦਰ ਸਿੰਘ ਛਿੰਦਾ, ਸਮੇਤ ਹੋਰ ਸ਼ਖਸੀਅਤਾਂ ਨੇ ਆਪਣੀ ਹਾਜਰੀ ਭਰੀ, ਜਿੱਥੇ ਲਗਾਤਾਰ ਦੋ ਦਿਨਾਂ ਤੋਂ ਨੌਜਵਾਨਾਂ ਅਤੇ ਬੱਚਿਆਂ ਨੂੰ ਪੁਸਤਕਾਂ ਨਾਲ ਜੋੜਨ ਲਈ ਪਹੁੰਚੇ ਹੋਏ ਸਾਹਿਤਕਾਰਾਂ ਨੇ ਆਪਣਾ ਅਹਿਮ ਰੋਲ ਅਦਾ ਕੀਤਾ ਉੱਥੇ ਵਾਤਾਵਰਣ ਪ੍ਰੇਮੀਆਂ ਅਤੇ ਮਾਹਿਰਾਂ ਨੇ ਵਾਤਾਵਰਣ ਦੀ ਸਹੀ ਸੇਵਾ ਸੰਭਾਲ ਵਾਰੇ ਇਕੱਤਰ ਲੋਕਾਂ ਨੂੰ ਚਾਨਣਾ ਪਾਇਆ, ਇਸ ਮੌਕੇ ਕਹਾਣੀਕਾਰ ਜਤਿੰਦਰ ਹਾਂਸ ਅਤੇ ਫਿਲਮ ਡਾਇਰੈਕਟਰ ਜਸਵਿੰਦਰ ਸਿੰਘ ਛਿੰਦਾ ਨੇ ਕਿਹਾ ਕਿ ਨੌਜਵਾਨਾਂ ਅਤੇ ਬੱਚਿਆਂ ਨੂੰ ਜੋ ਕਿਤਾਬਾਂ ਤੋਂ ਦੂਰ ਹਨ। ਉਹਨਾਂ ਨੂੰ ਮੋਬਾਈਲ ਫੋਨਾਂ ਵੱਲੋਂ ਮੋੜ ਕੇ ਪੁਸਤਕਾਂ ਨਾਲ ਜੋੜਨਾ ਸਮੇਂ ਦੀ ਮੁੱਖ ਲੋੜ ਹੈ। ਜਿੱਥੇ ਨੌਜਵਾਨ ਅਤੇ ਬੱਚੇ ਪੁਸਤਕਾਂ ਨਾਲ ਜੁੜ ਕੇ ਆਪਣੇ ਗਿਆਨ ਵਿੱਚ ਵਾਧਾ ਕਰਨਗੇ ਇਸ ਤੋਂ ਇਲਾਵਾ ਹੋਰ ਬੁਲਾਰਿਆਂ ਨੇ ਵੀ ਸੰਬੋਧਨ ਕੀਤਾ, ਅੰਤ ਵਿੱਚ ਉਹਨਾਂ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਹਠੂਰ ਨੂੰ ਸਮਾਗਮ ਦੇ ਕੀਤੇ ਵਿਸ਼ੇਸ਼ ਉਪਰਾਲੇ ਦੀਆਂ ਮੁਬਾਰਕਾਂ ਦਿੱਤੀਆਂ ਤੇ ਨੌਜਵਾਨਾਂ ਨੂੰ ਕਿਤਾਬਾਂ ਨਾਲ ਜੁੜਨ ਦੀ ਅਪੀਲ ਕੀਤੀ, ਕਹਾਣੀਕਾਰ ਜਤਿੰਦਰ ਹਾਂਸ ਵੱਲੋਂ ਮਿੰਨੀ ਲਾਇਬ੍ਰੇਰੀਆਂ ਦਾ ਰੀਬਨ ਕੱਟਕੇ ਉਦਘਾਟਨ ਵੀ ਕੀਤਾ, ਜਿੱਥੇ ਲੋਕ ਚੇਤਨਾ ਮੰਚ ਬਰਨਾਲਾ ਦੀ ਸਮੁੱਚੀ ਟੀਮ ਨੇ ਵਰਿੰਦਰ ਦੀਵਾਨਾ ਦੀ ਅਗਵਾਈ ਹੇਠ "ਪੰਜਾਬ ਸਿਉਂ ਅਵਾਜਾਂ ਮਾਰਦਾ,ਅਵੇਸਲੇ ਯੁੱਧਾਂ ਦੀ ਨਾਇਕਾ, ਸਮੇਤ ਹੋਰ ਨਾਟਕ ਅਤੇ ਕੋਰਿਉਗ੍ਰਾਫੀਆਂ ਦੀ ਸ਼ਾਨਦਾਰ ਪੇਸ਼ਕਾਰੀ ਕੀਤੀ ਉੱਥੇ ਸੱਤਿਆ ਭਾਰਤੀ ਐਲੀਮੈਂਟਰੀ ਸਕੂਲ ਦੇ ਬੱਚਿਆਂ ਨੇ ਮੁੱਖ ਅਧਿਆਪਕਾ ਮੈਡਮ ਰਮਨਦੀਪ ਕੌਰ ਸੰਧੂ ਦੀ ਨਿਗਰਾਨੀ ਹੇਠ" ਕੋਰਿਉਗ੍ਰਾਫੀ "ਫਾਂਸੀ" ਬਹੁਤ ਹੀ ਸ਼ਾਨਦਾਰ ਢੰਗ ਨਾਲ ਪੇਸ਼ ਕੀਤਾ, ਮੈਪਲ ਇੰਟਰਨੈਸ਼ਨਲ ਪਬਲਿਕ ਸਕੂਲ ਦੇ ਬੱਚਿਆਂ ਵੱਲੋਂ ਧਾਰਮਿਕ ਕਵਿਤਾ ਪੇਸ਼ਕਸ਼ ਕੀਤੀ, ਨੌਜਵਾਨ ਗਾਇਕ ਗਗਨ ਹਠੂਰ ਨੇ ਵਾਰੋ ਵਾਰੀ ਧਾਰਮਿਕ ਅਤੇ ਸਮਾਜਿਕ ਗੀਤਾਂ ਨਾਲ ਲੋਕਾਂ ਦਾ ਮਨੋਰੰਜਨ ਕੀਤਾ, ਲੋਕਾਂ ਵੱਲੋਂ ਮੀੰਹ ਅਤੇ ਠੰਡ ਦੀ ਪ੍ਰਵਾਹ ਨਾ ਕਰਦੇ ਹੋਏ ਸਮਾਗਮ ਵਿੱਚ ਹਾਜਰੀਆਂ ਭਰੀਆਂ, ਪੁਸਤਕ ਮੇਲੇ ਵਿੱਚ ਕਿਤਾਬਾਂ ਦੀਆਂ ਵੱਡੀਆਂ ਸਟਾਲਾਂ ਵੀ ਲਗਾਈਆਂ ਗਈਆਂ,   ਪਿੰਡ ਦੌਧਰ ਦੀ ਉੱਘੀ ਸਮਾਜ ਸੇਵੀ ਸੰਸਥਾ ਗੁਰੂ ਨਾਨਕ ਸੇਵਾ ਮਿਸ਼ਨ ਦੌਧਰ ਵੱਲੋਂ ਭਾਈ ਕੁਲਦੀਪ ਸਿੰਘ ਖਾਲਸਾ ਦੌਧਰ ਦੀ ਦੇਖ ਰੇਖ ਹੇਠ ਲੋਕਾਂ ਨੂੰ ਬਿਮਾਰੀਆਂ ਤੋਂ ਦੂਰ ਕਰਨ ਲਈ ਅਤੇ  ਸਿਹਤਮੰਦ ਕਰਨ ਲਈ ਵੀਟ ਗ੍ਰਾਸ ਦਾ ਲੰਗਰ ਵੀ ਲਗਾਇਆ ਗਿਆ, ਅੰਤ ਵਿੱਚ ਵਾਤਾਵਰਣ ਸੰਭਾਲ ਅਤੇ ਸਾਹਿਤਕ ਸਮਾਗਮ ਮਿੱਠੀਆਂ ਯਾਦਾਂ ਛੱਡਦਾ ਸਮਾਪਤ ਹੋਇਆ, ਤੇ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਹਠੂਰ ਵੱਲੋਂ ਪਹੁੰਚੀਆਂ ਸ਼ਖਸੀਅਤਾਂ ਦਾ ਯਾਦਗਾਰੀ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ , ਇਸ ਮੌਕੇ ਸਰਪੰਚ ਮਲਕੀਤ ਸਿੰਘ ਧਾਲੀਵਾਲ, ਸਵਰਨ ਸਿੰਘ, ਪੰਚ ਗੁਰਵਿੰਦਰ ਸਿੰਘ ਛਿੰਦਾ, ਪੰਚ ਅਮਨਪ੍ਰੀਤ ਸਿੰਘ, ਨਾਟਕਕਾਰ ਹਰਵਿੰਦਰ ਦੀਵਾਨਾ, ਮੁੱਖ ਅਧਿਆਪਕਾ ਮੈਡਮ ਰਮਨਦੀਪ ਕੌਰ ਸੰਧੂ, ਮੈਡਮ ਰਾਜਵੰਤ ਕੌਰ, ਮਾਸਟਰ ਸਤਨਾਮ ਸਿੰਘ, ਰਾਮ ਸਿੰਘ ਹਠੂਰ, ਕਲੱਬ ਪ੍ਰਧਾਨ ਅਵਤਾਰ ਸਿੰਘ, ਸੁਰਜੀਤ ਸਿੰਘ ਹਰਮਨ, ਗੁਰਚਰਨ ਸਿੰਘ ਰਾਮਗੜ੍ਹੀਆ, ਪੱਪਾ ਧਾਲੀਵਾਲ, ਹਰਪ੍ਰੀਤ ਕਲੇਰ, ਸਮਿੰਦਰਪ੍ਰੀਤ ਸਿੰਘ ਗਰਚਾ, ਬਲਕਰਨ ਸਿੰਘ, ਰੋਹਿਤ ਕੁਮਾਰ, ਭਰਭੂਰ ਸਿੰਘ ਖਹਿਰਾ, ਅਜੇ ਜੋਸ਼ੀ, ਰਾਮ ਸਿੰਘ, ਕੁਲਦੀਪ ਸਿੰਘ ਕਾਕੂ (ਅਕਾਸ਼ ਸਟੂਡੀਓ) ਸਮੇਤ ਵੱਡੀ ਗਿਣਤੀ ਵਿੱਚ ਦਰਸ਼ਕ ਹਾਜਰ ਸਨ।                     

ਪਹਿਲਾ ਹੀ ਵੱਡੇ ਸ਼ਹਿਰਾ ਵਿਚ ਚਲਦੀ ਹੈ ਗ਼ਮਲਿਆ ਸਮੇਤ ਬੂਟੇ ਦੇਣ ਦੀ ਸਕੀਮ 

ਗਰੀਨ ਪੰਜਾਬ ਮਿਸ਼ਨ ਟੀਮ ਵਲੋਂ ਇਕ ਮੰਗ ਪੱਤਰ ਵਣ ਰੇਂਜ ਅਫਸਰ ਜਗਰਾਓਂ ਸ੍ਰ ਮੋਹਣ ਸਿੰਘ ਨੂੰ ਸੋਂਪਦਿਆ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕੇ ਸਹਿਰੀ ਇਲਾਕਿਆ ਵਿਚ  ਜਮੀਨ ਦੀ ਘਾਟ ਨੂੰ ਮੁਖ ਰੱਖਦੇ ਹੋਏ ਸਹਿਰੀ ਵਸਨੀਂਕਾ ਨੂੰ ਗ਼ਮਲਿਆ ਸਮੇਤ ਬੂਟੇ ਮੁਫ਼ਤ ਦਿਤੇ ਜਾਣ ਜਿਵੇੰ ਕੇ ਪੰਜਾਬ ਦੇ ਵੱਡੇ ਸ਼ਹਿਰਾ ਵਿਚ ਪਹਿਲਾ ਹੀ ਗ਼ਮਲਿਆ ਸਮੇਤ ਮੁਫ਼ਤ ਬੂਟੇ ਦਿਤੇ ਜਾ ਰਹੇ ਹਨ ਏਸੇ ਤਰਜ ਤੇ ਜਗਰਾਓਂ ਦੇ ਵਸਨੀਕਾ ਨੂੰ ਵੀ ਗ਼ਮਲੇ ਤੇ ਬੂਟੇ ਮੁਫ਼ਤ ਦਿਤੇ ਜਾਣ. ਪ੍ਰੈਸ ਨੂੰ ਜਾਰੀ ਬਿਆਨ ਵਿਚ ਟੀਮ ਮੈਂਬਰ ਸਤਪਾਲ ਸਿੰਘ ਦੇਹੜਕਾ ਤੇ ਜਸਵੰਤ ਸਿੰਘ ਜੱਸਲ ਨੇ ਕਿਹਾ ਕੇ ਸਹਿਰੀ ਇਲਾਕਿਆ ਵਿਚ ਜਗਾਹ ਦੀ ਘਾਟ ਕਾਰਣ ਵਣ ਵਿਭਾਗ ਵਲੋਂ ਵੰਡੇ ਜਾਂਦੇ ਮੁਫ਼ਤ ਬੂਟੇ ਨਹੀਂ ਲਗਾਏ ਜਾਂਦੇ, ਓਥੇ ਜਗਾਹ ਮੁਤਾਬਿਕ ਯੋਗ ਗ਼ਮਲਿਆ ਵਾਲੇ ਬੂਟੇ ਪ੍ਰਾਈਵੇਟ ਤੋਰ ਤੇ ਮਹਿੰਗੇ ਹੋਣ ਕਰਕੇ ਸਹਿਰੀ ਲੋਕ ਬੂਟੇ ਲਗੋਣ ਤੋਂ ਕੰਨੀ ਕਤਰਾ ਜਾਂਦੇ ਹਨ, ਓਹਨਾ ਕਿਹਾ ਕੇ ਸਹਿਰੀ ਲੋਕਾਂ ਨੂੰ ਉਤਸ਼ਾਹਿਤ ਕਰਨ ਲਈ ਗ਼ਮਲਿਆ ਵਾਲੇ ਬੂਟੇ ਸਮੇਤ ਗ਼ਮਲੇ ਮੁਫ਼ਤ ਦਿਤੇ ਜਾਣੇ ਚਾਹੀਦੇ ਹਨ ਤਾਂ ਕੇ ਸਹਿਰੀ ਲੋਕ ਵੀ ਵਾਤਾਵਰਨ ਨੂੰ ਸਾਫ ਸੁਥਰਾ ਰੱਖਣ ਵਿਚ ਆਪਣਾਂ ਬਣਦਾ ਯੋਗਦਾਨ ਪਾ ਸਕਣ, ਟੀਮ ਮੈਂਬਰਾ ਨੇ ਇਹ ਵੀ ਕਿਹਾ ਕੇ ਆਉਣ ਵਾਲੇ ਦਿਨਾਂ ਵਿਚ ਪੰਜਾਬ ਸਰਕਾਰ ਦੇ ਜੰਗਲਾਤ ਮੰਤਰੀ ਸ੍ਰ ਸਾਧੂ ਸਿੰਘ ਧਰਮਸੋਤ ਨੂੰ ਵੀ ਮਿਲਿਆ ਜਾਵੇਗਾ.  ਗਰੀਨ ਪੰਜਾਬ ਮਿਸ਼ਨ ਟੀਮ ਦੇ ਇਸ ਮੰਗ ਪੱਤਰ ਨੂੰ ਵਣ ਰੇਜ ਅਫਸਰ ਸ੍ਰ ਮੋਹਣ ਸਿੰਘ ਵਲੋਂ ਯੋਗ ਹੁਕਮਾਂ ਲਈ ਉੱਚ ਅਧਿਕਾਰੀਆ ਨੂੰ ਭੇਜ ਦਿਤਾ ਹੈ ਇਸ ਸਮੇ ਸਵਰਨ ਸਿੰਘ,  ਜਸਵੀਰ ਸਿੰਘ,ਰਵਿੰਦਰਜੀਤ ਸਿੰਘ,  ਨੀਰਜ ਕੁਮਾਰ , ਹਰਦਿਆਲ ਸਿੰਘ, ਹਰਜੀਤ ਸਿੰਘ ਤੇ ਕੁਲਵੰਤ ਸਿੰਘ ਆਦਿ ਹਾਜਰ ਸਨ