ਲੁਧਿਆਣਾ

ਬਰਨਾਲਾ, ਦਸੰਬਰ 2019-(ਗੁਰਸੇਵਕ ਸਿੰਘ ਸੋਹੀ)-

ਅੱਜ ਤੀਸਰੇ ਦਿਨ ਵੀ ਸਬ ਡਵੀਜਨ ਮਹਿਲਕ ਲਾਂ ਦੀਆ ਸਮੁੱਚੀਆਂ ਜਥੇਬੰਦੀਆਂ ਵੱਲੋ ਪਾਵਰਕਾਮ ਦੇ ਮੁਲਾਜਮਾਂ ਦੀ ਨਵੰਬਰ ਮਹੀਨੇ ਦੀ ਨਵੰਬਰ ਮਹੀਨੇ ਦੀ ਤਨਖਾਹ ਜਾਰੀ ਨਾ ਕਰਨ ਦੇ ਰੋਸ ਵਜੋਂ ਤੀਜੇ ਦਿਨ ਬਿਜਲੀ ਮੁਲਾਜ਼ਮਾਂ ਨੇ ਗੇਟ ਰੈਲੀ ਕੀਤੀ ਤਨਖਾਹ ਜਾਰੀ ਨਾ ਕਰਨ ਦੇ ਰੋਸ ਵਜੋ ਪੰਜਾਬ ਸਰਕਾਰ ਅਤੇ ਪਾਵਰਕਾਮ ਦੀ ਮਨੈਜਮੈਟ ਖਿਲਾਫ ਗੇਟ ਰੈਲੀ ਕੀਤੀ ਗਈ । ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਟੀ ਐਸ ਯੂ ਸਰਕਲ ਬਰਨਾਲਾ ਦੇ ਸਹਾਇਕ ਸਕੱਤਰ ਕੁਲਵੀਰ ਸਿੰਘ ਔਲਖ ਨੇ ਕਿਹਾ ਕਿ ਪਾਵਰਕਾਮ ਦੀ ਮੈਨਜਮੈਟ ਵੱਲੋ ਸਮੁੱਚੇ ਮੁਲਾਜਮਾਂ ਦੀਆਂ  ਤਨਖਾਹਾਂ ਜਾਰੀ ਨਾ ਕਰਨ ਖਿਲਾਫ ਬਿਜਲੀ ਮੁਲਾਜਮਾਂ ਵਿੱਚ ਬਹੁਤ ਗੁੱਸਾ ਪਾਇਆ ਜਾ ਰਿਹਾ ।ਅੱਜ ਵੀ ਸਮੁੱਚੇ ਪੰਜਾਬ ਅੰਦਰ ਸਾਰੀਆ ਜਥੇਬੰਦੀਆ ਵੱਲੋ ਸਾਝੇ ਤੌਰ ਤੇ ਗੇਟ ਰੈਲੀਆ ਕੀਤੀਆ ਜਾ ਰਹੀ ਨੇ । ਜੇਕਰ ਪਾਵਰਕਾਮ ਮੈਨਜਮੈਟ ਵੱਲੋ ਤੁਰੰਤ ਤਨਖਾਹ ਜਾਰੀ ਨਾ ਕੀਤੀ ਗਈ ਤਾ ਮੁਲਾਜਮਾਂ ਵੱਲੋ ਤਿੱਖਾ ਸਘੰਰਸ ਨੂੰ ਹੋਰ ਕੀਤਾ ਜਾਵੇਗਾ । ਮੁਲਾਜਮ ਤਨਖਾਹ ਨਹੀ , ਕੰਮ ਨਹੀ ਦੀ ਨੀਤੀ ਅਪਨਾਉਣ ਲਈ ਮਜਬੂਰ ਹੋਣਗੇ। ਜਿਸ ਦੀ ਸਾਰੀ ਜੁੰਮੇਵਾਰੀ ਮਨੈਜਮੈਟ ਦੀ ਹੋਵੇਗੀ । ਪੰਜਾਬ ਸਰਕਾਰ ਨੂੰ ਮੁਲਾਜਮਾਂ ਦੀਆ ਤਨਖਾਹਾਂ ਤੇ ਪੈਨਸਨਰਾਂ ਦੀ ਪੈਨਸਨ ਬੰਦ ਕਰਨ ਦੀ ਬਜਾਏ ਸਭ ਤੋ ਪਹਿਲਾਂ ਆਪਣੇ ਮੰਤਰੀਆ ਤੇ ਐਮ ਐਲ ਏ ਦੇ ਤਨਖਾਹਾਂ ਤੇ ਭੱਤੇ ਬੰਦ ਕਰਨੇ ਚਾਹੀਦੇ ਨੇ ਅਤੇ ਅਤੇ ਐਮ ਐਲ ਏ ਦੀਆ ਸੱਤ ਸੱਤ ਪੈਨਸਰਾਂ ਦੇਣ ਤੇ ਦੁਬਾਰਾ ਗੌਰ ਕਰਨਾ ਚਾਹੀਦਾ । ਆਈ  ਟੀ ਆਈ ਸਬ ਡਵੀਜਨ ਮਹਿਲਕਲਾ ਦੇ ਸਕੱਤਰ ਗੁਰਮੇਲ ਸਿੰਘ ਚੰਨਣਵਾਲ ਨੇ ਕਿਹਾ ਕਿ ਅੱਜ ਬਿਜਲੀ ਮੁਲਾਜਮਾਂ ਦੀ ਗਿਣਤੀ ਬਹੁਤ ਜਿਆਦਾ ਘੱਟ ਹੋਣ ਦੇ ਕਾਰਨ ਮੁਲਾਜਮਾਂ ਤੇ ਕੰਮ ਦਾ ਲੋਡ ਬਹੁਤ ਜਿਆਦਾ ਹੈ ।ਮੁਲਾਜਮ ਔਖੇ ਹੋ ਕੇ ਬਹੁਤ ਮੁਸਕਲ ਨਾਲ ਕੰਮ ਚਲਾ ਰਹੇ ਨੇ ,ਮਨੈਜਮੈਟ ਉਹਨਾਂ ਮੁਲਾਜਮਾਂ ਨੂੰ ਵੀ ਤਨਖਾਹ ਟਾਈਮ ਸਿਰ ਜਾਰੀ ਨਹੀ ਕਰ ਰਹੀ ਜਿਸ ਕਾਰਨ ਮੁਲਾਜਮਾਂ ਨੂੰ ਸਘੰਰਸ ਕਰਨਾ ਪੈ ਰਿਹਾ ਏ। ਵੱਧ ਕੰਮ ਦੇ ਲੋਡ ਅਨੁਸਾਰ ਪੱਕੀ ਭਰਤੀ ਕੀਤੀ ਜਾਵੇ। ਟੀ ਐਸ ਯੂ ਸਬ ਡਵੀਜਨ ਮਹਿਲਕਲਾਂ ਦੇ ਸਕੱਤਰ ਬਲਵੀਰ ਸਿੰਘ ਮਹਿਲ ਖਰਦ ਨੇ ਕਿਹਾ ਕਿ ਪੰਜਾਬ ਸਰਕਾਰ ਆਪਣੇ ਐਲ ਐਲ ਏ ਦੀਆਂ ਤਨਖਾਹਾ ਵਿੱਚ ਦੁੱਗਣਾ ਤਿਗੁਣਾ ਵਾਧਾ ਵਾਰ ਵਾਰ ਕਰ ਰਹੀ ਏ ।ਪਰ ਆਪਣੇ ਮੁਲਾਜਮਾਂ ਦਾ ਕਈ ਸਾਲਾਂ ਦਾ ਡੀ ਏ , ਡੀ ਏ ਦਾ ਏਰੀਆ ,ਪੇ ਬੈਡ , ਦੱਬੀ ਬੈਠੀ ਹੈ ।ਇਸ ਤੋ ਇਲਾਵਾ ਨਵਾ ਪੇ ਸਕੇਲ ਲਾਗੂ ਨਹੀ ਕਰੀ ਰਹੀ । ਜਿਸ ਕਾਰਨ ਪੰਜਾਬ ਦੇ ਸਮੁੱਚੇ ਮੁਲਾਜਮਾਂ ਵਿੱਚ ਪੰਜਾਬ ਸਰਕਾਰ ਖਿਲਾਫ ਬਹੁਤ ਗੁੱਸਾ ਪਾਇਆ ਜਾ ਰਿਹਾ । ਆਪਣੀਆ ਮੰਗਾ ਨੂੰ ਲਾਗੂ ਕਰਵਾਉਣ ਲਈ ਆਉਣ ਵਾਲੇ ਸਮੇ ਵਿੱਚ ਤਿੱਖਾ ਸਘੰਰਸ ਸੁਰੂ ਕੀਤਾ ਜਾਵੇਗਾ । ਰੈਲੀ ਨੂੰ ਬਲਰਾਜ  ਸਿੰਘ ਮਹਿਲ ਖੁਰਦ , ਰਾਜਪਤੀ ਬਰਨਾਲਾ, ਕੁਲਦੀਪ ਕੁਮਾਰ ਸਹਿਜੜਾ, ਗੁਰਪ੍ਰੀਤ ਸਿੰਘ ਛੀਨੀਵਾਲ , ਦਰਸਨ ਸਿੰਘ ਆਰ ਏ , ਦਵਿੰਦਰ ਸਿੰਘ, ਗੁਰਮੇਲ ਸਿੰਘ ਖਿਆਲੀ ਨੇ ਵੀ ਸੰਬੋਧਨ ਕੀਤਾ । ਜੇਕਰ ਅਜ ਸਾਮ ਤੱਕ ਤਨਖਾਹ ਤੇ ਪੈਨਸਨ ਜਾਰੀ ਨਾ ਕੀਤੀ ਗਈ ਤਾ ਸਘੰਰਸ ਨੂੰ ਹੋਰ ਤੇਜ vਕੀਤਾ ਜਾਵੇਗਾ ।ਸਮੁੱਚੇ ਮੁਲਾਜਮਾਂ ਵੱਲੋ ਪਾਵਰਕਾਮ ਮਨੈਜਮੈਟ ਤੇ ਪੰਜਾਬ ਸਰਕਾਰ ਦਾ ਪਿੱਟ ਸਿਆਪਾ ਕਰਦੇ ਹੋਏ ਜੰਮਕੇ ਨਾਅਰੇਬਾਜੀ ਕੀਤੀ ਗਈ।

ਜਗਰਾਓਂ,ਲੁਧਿਆਣਾ, ਦਸੰਬਰ 2019- (ਮਨਜਿੰਦਰ ਗਿੱਲ )- ਡਾ: ਬਲਜਿੰਦਰ ਸਿੰਘ ਢਿੱਲੋਂ ਉਪ ਮੰਡਲ ਮੈਜਿਸਟਰੇਟ, ਜਗਰਾਉਂ ਦੀ ਪ੍ਰਧਾਨਗੀ ਹੇਠ ਸਬ ਡਵੀਜਨ ਜਗਰਾਉਂ ਦੇ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਦੀ ਮੀਟਿੰਗ ਮਾਨਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵੱਲੋਂ ਦਿੱਤੇ ਗਏ ਦਿਸਾ ਨਿਰਦੇਸਾਂ ਨੂੰ ਸਬ ਡਵੀਜਨ ਜਗਰਾਉਂ ਵਿੱਚ ਇੰਨ ਬਿੰਨ ਲਾਗੂ ਕਰਨ ਲਈ ਸਬੰਧਤ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ । ਡਾ: ਢਿੱਲੋਂ ਨੇ ਦੱਸਿਆ ਕਿ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ, ਚੰਡੀਗੜ੍ਹ ਜੀ ਦੀਆਂ ਹਦਾਇਤਾਂ ਅਨੁਸਾਰ ਕੋਈ ਵੀ ਵਿਅਕਤੀ, ਮੰਦਿਰਾਂ, ਮਸਜਿਦਾਂ ਅਤੇ ਗੁਰਦਵਾਰਿਆਂ ਦੀਆਂ ਸੰਸਥਾਵਾਂ ਸਮੇਤ ਲਾਊਂਡ ਸਪੀਕਰ ਜਾਂ ਜਨਤਾ ਨੂੰ ਸੰਬੋਧਨ ਕਰਨ ਦੇ ਸਿਸਟਮ ਦੀ ਵਰਤੋਂ ਮਨਜੂਰੀ ਤੋਂ ਬਿਨ੍ਹਾਂ ਨਹੀਂ ਕਰਨਗੇ ਅਤੇ ਦਿਨ ਵੇਲੇ ਆਵਾਜ ਦਾ ਪੱਧਰ ਜਿਆਦਾ ਨਹੀਂ ਹੋਵੇਗਾ । ਇਸ ਤੋਂ ਇਲਾਵਾ ਲਾਊਂਡ ਸਪੀਕਰ ਤੇ ਪਬਲਿਕ ਐਡਰੈਸ ਸਿਸਟਮ ਦੀ ਵਰਤੋ ਰਾਤ 10 ਵਜੇ ਤੋਂ ਸਵੇਰੇ 6 ਵਜੇ ਤੱਕ ਨਹੀਂ ਹੋਵੇਗੀ ਅਤੇ ਸੱਭਿਆਚਾਰਕ ਤੇ ਧਾਰਮਿਕ ਮੌਕਿਆਂ 'ਤੇ ਰਾਤ 10 ਵਜੇ ਤੱਕ ਛੋਟ ਦਿੱਤੀ ਜਾ ਸਕਦੀ ਹੈ ਜਿਹੜੀ ਕਿ ਪੂਰੇ ਸਾਲ 'ਚ 15 ਦਿਨਾਂ ਤੋਂ ਜਿਆਦਾ ਨਹੀਂ ਹੋਵੇਗੀ । ਨਿੱਜੀ ਮਲਕੀਅਤ ਵਾਲੇ ਸਾਊਂਡ ਸਿਸਟਮ ਜਾਂ ਅਵਾਜ ਪੈਦਾ ਕਰਨ ਵਾਲੇ ਯੰਤਰ ਦਾ ਨਿੱਜੀ ਜਮ੍ਹਾ ਵਿਚ ਸ਼ੋਰ ਜਿਆਦਾ ਨਹੀਂ ਹੋਵੇਗਾ । ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਕੋਈ ਵੀ ਵਿਅਕਤੀ ਮੇਲੇ, ਧਾਰਮਿਕ ਜਲੂਸ,ਬਰਾਤ ਤੇ ਹੋਰ ਜਨਤਕ ਇਕੱਠਾ ਅਤੇ ਵਿੱਦਿਅਕ ਅਦਾਰਿਆਂ ਦੇ ਅੰਦਰ ਜਾਂ ਨੇੜੇ-ਤੇੜੇ ਹਥਿਆਰ ਲੈ ਕੇ ਨਹੀਂ ਜਾਣਗੇ ਅਤੇ ਸਰਾਬ, ਨਸੇ, ਹਿੰਸਾ ਆਦਿ ਨੂੰ ਉਭਰਨ ਵਾਲੇ ਗੀਤ ਨਾ ਚੱਲਣ ਤੇ ਨਾ ਹੀ ਲਾਈਵ ਪ੍ਰੋਗਰਾਮਾਂ ਵਿੱਚ ਗਾਏ ਜਾਣ, 12 ਸਾਲ ਤੋਂ ਘੱਟ ਉਮਰ ਦਾ ਬੱਚਾ ਅਜਿਹੇ ਸਿਨੇਮਾ ਹਾਲ 'ਚ ਦਾਖਲ ਨਹੀਂ ਹੋਣਾ ਚਾਹੀਦਾ ਜਿੱਥੇ ਏ ਸਰਟੀਫਿਕੇਟ ਵਾਲੀ ਫਿਲਮ ਦਿਖਾਈ ਜਾਂਦੀ ਹੈ, ਨੰਗੇਜ ਵਾਲੇ ਪੋਸਟਰ, ਅੱਧ ਨੰਗੇਜ ਵਾਲੇ ਪੋਸਟਰ ਤੇ ਅਸਲੀਲ ਪੋਸਟਰ ਵਿੱਦਿਅਕ ਅਦਾਰਿਆਂ ਦੇ ਨੇੜੇ ਨਾ ਲਗਾਏ ਜਾਣ, ਸਲਾਨਾ ਇਮਤਿਹਾਨਾਂ ਤੋਂ 15 ਦਿਨ ਪਹਿਲਾਂ ਤੋਂ ਇਮਤਿਹਾਨਾ ਦੌਰਾਨ ਕਿਸੇ ਵੀ ਲਾਊਡ ਸਪੀਕਰ ਨੂੰ ਵਜਾਉਣ ਦੀ ਆਗਿਆ ਨਹੀਂ ਦਿੱਤੀ ਜਾਵੇਗੀ । ਮੀਟਿੰਗ ਸਬੰਧਤ ਅਧਿਕਾਰੀ ਨੂੰ ਹਦਾਇਤ ਕੀਤੀ ਕਿ ਨਿਯਮਾਂ ਦੀ ਪਾਲਣਾ ਯਕੀਨੀ ਬਣਾਉਣ ਲਈ ਜਨਤਕ ਥਾਵਾਂ, ਨਿੱਜੀ ਥਾਵਾਂ, ਕਾਨਫਰੰਸ ਰੂਮ, ਕਮਿਉਨਿਟੀ ਹਾਲ, ਬੈਕੁਅਟ ਹਾਲ, ਮੰਦਰ ਤੇ ਗੁਰਦਵਾਰਿਆਂ ਦੇ ਦੌਰੇ 'ਤੇ ਚੈਕਿੰਗ ਕਰਦੇ ਰਹਿਣ । ਉਨ੍ਹਾਂ ਪੁਲਿਸ ਵਿਭਾਗ ਅਤੇ ਪ੍ਰਦੂਸਣ ਕੰਟਰੋਲਰਡ ਦੇ ਅਧਿਕਾਰੀਆਂ ਨੂੰ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਜਾਂ ਸੰਸਥਾ ਮਾਨਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੀਆਂ ਹਦਾਇਤਾਂ ਦੀ ਪਾਲਣਾ ਨਹੀਂ ਕਰਦੀ ਤਾਂ ਉਸ ਖਿਲਾਫ ਕਾਨੂੰਨ ਅਨੁਸਾਰ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇ । ਉਨ੍ਹਾਂ ਸਮੂਹ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਿਕ ਆਗੂਆਂ ਤੇ ਸੰਸਥਾਵਾਂ ਨੂੰ ਅਪੀਲ ਕੀਤੀ ਕਿ ਮਾਨਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੀਆਂ ਹਦਾਇਤਾਂ ਦੀ ਇਨ-ਬਿਨ ਪਾਲਣਾ ਯਕੀਨੀ ਬਣਾਉਣ ਲਈ ਯੋਗ ਉਪਰਾਲੇ ਕੀਤੇ ਜਾਣ ।

ਅੱਗੇ ਵਧਣ ਲਈ ਸਰੀਰਕ ਸੰਪੂਰਨਤਾ ਨਾਲੋਂ ਇੱਛਾ ਸ਼ਕਤੀ ਦਾ ਹੋਣਾ ਜ਼ਿਆਦਾ ਜ਼ਰੂਰੀ- ਡਿਪਟੀ ਕਮਿਸ਼ਨਰ
ਲੁਧਿਆਣਾ, ਦਸੰਬਰ 2019- ( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਡਿਪਟੀ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਦਿਵਿਆਂਗ (ਅਪਾਹਜ) ਵਿਅਕਤੀਆਂ ਨੂੰ ਸਮਾਜ ਦਾ ਅਹਿਮ ਹਿੱਸਾ ਕਰਾਰ ਦਿੰਦਿਆਂ ਕਿਹਾ ਹੈ ਕਿ ਜੀਵਨ ਵਿੱਚ ਅੱਗੇ ਵਧਣ ਲਈ ਸਰੀਰਕ ਤੌਰ 'ਤੇ ਸੰਪੂਰਨ ਹੋਣ ਦੀ ਬਜਾਏ ਇੱਛਾ ਸ਼ਕਤੀ ਦਾ ਪ੍ਰਬਲ ਹੋਣਾ ਜ਼ਿਆਦਾ ਜ਼ਰੂਰੀ ਹੁੰਦਾ ਹੈ। ਉਹ ਅੱਜ ਸਥਾਨਕ ਜ਼ਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ ਦਫਤਰ ਵਿਖੇ ਵਿਸ਼ਵ ਅੰਗਹੀਣ ਦਿਵਸ ਮੌਕੇ ਵੱਡੀ ਗਿਣਤੀ ਵਿੱਚ ਇਕੱਤਰ ਨੌਜਵਾਨਾਂ ਨੂੰ ਸੰਬੋਧਨ ਕਰ ਰਹੇ ਸਨ। ਅਗਰਵਾਲ ਨੇ ਕਿਹਾ ਕਿ ਇਸ ਜੀਵਨ ਵਿੱਚ ਆਇਆ ਕੋਈ ਵੀ ਵਿਅਕਤੀ ਹਰ ਪੱਖੋਂ ਸੰਪੂਰਨ ਨਹੀਂ ਹੁੰਦਾ ਹਰੇਕ ਵਿਅਕਤੀ ਵਿੱਚ ਕਿਸੇ ਨਾ ਕਿਸੇ ਤਰ੍ਹਾਂ ਦੀ ਕੋਈ ਘਾਟ ਜ਼ਰੂਰ ਹੁੰਦੀ ਹੈ, ਅਜਿਹੀਆਂ ਘਾਟਾਂ ਵਿਅਕਤੀ ਨੂੰ ਅੱਗੇ ਵਧਣ ਤੋਂ ਰੋਕਣ ਦੇ ਸਮਰੱਥ ਨਹੀਂ ਹੁੰਦੀਆਂ ਸਗੋਂ ਅੱਗੇ ਵਧਣ ਲਈ ਮਹਿਜ਼ ਪ੍ਰਬਲ ਇੱਛਾ ਸ਼ਕਤੀ ਹੋਣੀ ਜ਼ਰੂਰੀ ਹੁੰਦੀ ਹੈ। ਉਨ੍ਹਾਂ ਉਦਾਹਰਣਾਂ ਦੇ ਕੇ ਸਮਝਾਇਆ ਕਿ ਕਿਸੇ ਵੀ ਦੇਸ਼ ਜਾਂ ਸਮਾਜ ਨੂੰ ਅੱਗੇ ਲਿਜਾਣ ਵਿੱਚ ਸਰੀਰਕ ਤੌਰ 'ਤੇ ਅਪੰਗ ਵਿਅਕਤੀਆਂ ਦਾ ਬਹੁਤ ਵੱਡਾ ਯੋਗਦਾਨ ਹੈ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂਂ ਅਜਿਹੇ ਵਿਅਕਤੀਆਂ ਦੀ ਭਲਾਈ ਅਤੇ ਉਨ੍ਹਾਂ ਨੂੰ ਪੈਰ੍ਹਾਂ ਸਿਰ ਖੜ੍ਹੇ ਕਰਨ ਲਈ ਵਿਸ਼ੇਸ਼ ਯਤਨ ਕੀਤੇ ਜਾ ਰਹੇ ਹਨ। ਇਨ੍ਹਾਂ ਯਤਨਾਂ ਤਹਿਤ ਹੀ ਅੱਜ ਪਲੇਸਮੈਂਟ ਅਤੇ ਜਾਗਰੂਕਤਾ ਕੈਂਪ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ਕੈਂਪ ਵਿੱਚ 60 ਤੋਂ ਵਧੇਰੇ ਲੋੜਵੰਦ ਵਿਅਕਤੀਆਂ ਨੇ ਹਿੱਸਾ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਨੌਜਵਾਨ ਆਪਣੇ ਪੈਰ੍ਹਾਂ 'ਤੇ ਖੜ੍ਹਾ ਹੋਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਵੱਲੋਂ ਬਿਊਰੋ ਦਫਤਰਾਂ ਰਾਹੀਂ ਸਿਖਲਾਈ, ਨੌਕਰੀ, ਕਰਜ਼ਾ ਅਤੇ ਹੋਰ ਸਹੂਲਤਾਂ ਮੁਹੱਈਆ ਕਰਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਜਿਸ ਦਾ ਨੌਜਵਾਨ ਲਾਭ ਲੈ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਸਰੀਰਕ ਤੌਰ 'ਤੇ ਅਪੰਗ ਵਿਅਕਤੀਆਂ ਦੇ ਯੂਡੀਆਈਡੀ ਕਾਰਡ ਬਣਾਏ ਜਾ ਰਹੇ ਹਨ ਤਾਂ ਜੋ ਉਨ੍ਹਾਂ ਨੂੰ ਸਰਕਾਰੀ ਸਹੂਲਤਾਂ ਮੁਹੱਈਆ ਕਰਾਉਣ ਵਿੱਚ ਕੋਈ ਪ੍ਰੇਸ਼ਾਨੀ ਪੇਸ਼ ਨਾ ਆਵੇ। ਉਨ੍ਹਾਂ ਕਿਹਾ ਕਿ ਇਸ ਬਿਊਰੋ ਦਫਤਰ ਵਿਖੇ ਹਰੇਕ ਸ਼ੁੱਕਰਵਾਰ ਨੌਕਰੀ ਮੇਲਾ-ਕਮ-ਜਾਗਰੂਕਤਾ ਸਮਾਗਮ ਕਰਵਾਇਆ ਜਾਂਦਾ ਹੈ ਜਿਸ ਵਿੱਚ ਨੌਜਵਾਨਾਂ ਨੂੰ ਸਿਖਲਾਈ, ਨੌਕਰੀ, ਕਰਜ਼ਾ ਅਤੇ ਹੋਰ ਸਹੂਲਤਾਂ ਬਾਰੇ ਦੱਸਿਆ ਜਾਂਦਾ ਹੈ। ਉਨ੍ਹਾਂ ਨੌਜਵਾਨਾਂ ਨੂੰ ਬਿਊਰੋ ਦਫਤਰ ਦਾ ਵੱਧ ਤੋਂ ਵੱਧ ਲਾਭ ਲੈਣ ਦਾ ਸੱਦਾ ਦਿੱਤਾ। ਇਸ ਮੌਕੇ ਸ਼੍ਰ਼ੀ ਅਗਰਵਾਲ ਨੇ ਅਪਾਹਜ ਵਿਅਕਤੀਆਂ ਦੀਆਂ ਮੁਸ਼ਕਲਾਂ ਵੀ ਸੁਣੀਆਂ ਅਤੇ ਉਨ੍ਹਾਂ ਨੂੰ ਹੱਲ ਕਰਨ ਦਾ ਭਰੋਸਾ ਵੀ ਦਿੱਤਾ। ਇਸ ਮੌਕੇ ਵੱਖ-ਵੱਖ ਕੰਪਨੀਆਂ ਵੱਲੋਂ ਯੋਗ ਵਿਅਕਤੀਆਂ ਦੀ ਨੌਕਰੀ ਲਈ ਚੋਣ ਕੀਤੀ ਗਈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਵਧੀਕ ਡਿਪਟੀ ਕਮਿਸ਼ਨਰ ਜਗਰਾਓ ਸ਼੍ਰੀਮਤੀ ਨੀਰੂ ਕਤਿਆਲ ਗੁਪਤਾ, ਜ਼ਿਲ੍ਹਾ ਸਮਾਜਿਕ ਅਤੇ ਸੁਰੱਖਿਆ ਅਫਸਰ ਸ਼੍ਰੀਮਤੀ ਇੰਦਰਪ੍ਰੀਤ ਕੌਰ, ਡਿਪਟੀ ਡਾਇਰੈਕਟਰ ਸ਼੍ਰੀਮਤੀ ਮੀਨਾਕਸ਼ੀ ਸ਼ਰਮਾ, ਡਿਪਟੀ ਸੀ.ਈ.ਓ. ਨਵਦੀਪ ਸਿੰਘ ਅਤੇ ਵੱਡੀ ਗਿਣਤੀ ਵਿੱਚ ਪ੍ਰਤੀਭਾਗੀ ਹਾਜ਼ਰ ਸਨ।

ਮੀਟਿੰਗ ਦੀ ਵਿਲੱਖਣਤਾ ਇਹ ਦੇਖੀ ਗਈ ਕਿ ਮੀਟਿੰਗ ਦੌਰਾਨ ਸੱਤਾਧਾਰੀ ਦਾ ਪੱਖ ਵਿਰੋਧੀ ਧਿਰ ਪੂਰ ਰਹੀ ਸੀ

ਸਾਡੇ ਕੌਸਲਰਾਂ ਵਿਚ ਕੁਝ ਅਜਿਹੇ ਕੌਸਲਰ ਵੀ ਹਨ ਜੋ ਠੇਕੇਦਾਰੀ ਕਰਨ ਦੇ ਨਾਲ ਨਾਲ ਕਮਿਸ਼ਨ ਵੀ ਖਾਂਦੇ ਹਨ -ਕੌਸਲਰ ਸਿੱਧੂ 
ਜਗਰਾਉਂ/ਲੁਧਿਆਣਾ, ਨਵੰਬਰ 2019- ( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਨਗਰ ਕੌਸਲ ਦੀ ਕਰੀਬ ਤਿੰਨ ਮਹੀਨੇ ਬਾਅਦ ਹਾਊਸ ਦੀ ਹੋਈ ਮੀਟਿੰਗ ਕਮੇਟੀ ਹਾਲ ਦੇ ਅੰਦਰ ਅਤੇ ਬਾਹਰ ਹੰਗਾਮਾ ਭਰਪੂਰ ਰਹੀ | ਹਾਊਸ ਦੀ ਮੀਟਿੰਗ ਖ਼ਤਮ ਹੋਣ ਤੋਂ ਬਾਅਦ ਇਕ ਠੇਕੇਦਾਰ ਨੇ ਇਕ ਕੌਸਲਰ ਨੂੰ ਸਮਾਂ ਬੰਨਣ ਤੱਕ ਦੀ ਧਮਕੀ ਦੇ ਦਿੱਤੀ | ਕਈ ਮਾਮਲਿਆਂ ਨੂੰ ਲੈ ਕੇ ਭਾਵੇਂ ਕੌਸਲਰ ਆਪਸ ਵਿਚ ਖਹਿੰਦੇ ਰਹੇ, ਪਰ ਵਿਕਾਸ ਕਾਰਜ ਸ਼ੁਰੂ ਕਰਵਾਉਣ ਨੂੰ ਲੈ ਕੇ ਸਾਰੇ ਕੌਸਲਰ ਇਕ ਮੱਤ ਦੇਖੇ ਗਏ | ਇਸ ਮੌਕੇ ਉਨ੍ਹਾਂ ਕਾਰਜਸਾਧਕ ਅਧਿਕਾਰੀ ਰੰਧਾਵਾ 'ਤੇ ਕੀਤੇ ਕੰਮਾਂ ਦੀ ਅਦਾਇਗੀ ਕਰਨ ਲਈ ਵੀ ਦਬਾਅ ਪਾਇਆ | ਇਸ ਮੀਟਿੰਗ ਦੀ ਵਿਲੱਖਣਤਾ ਇਹ ਦੇਖੀ ਗਈ ਕਿ ਮੀਟਿੰਗ ਦੌਰਾਨ ਸੱਤਾਧਾਰੀ ਦਾ ਪੱਖ ਵਿਰੋਧੀ ਧਿਰ ਪੂਰ ਰਹੀ ਸੀ | ਸਟਰੀਟ ਵੈਂਡਿੰਗ ਲਈ ਰੇਲਵੇ ਪੁਲ ਦੇ ਦੋਨੇਂ ਪਾਸੇ ਰੱਖੀ ਥਾਂ ਨੂੰ ਬਦਲ ਕੇ ਮਿਊਸਪਲ ਪਾਰਕ ਅੱਡਾ ਰਾਏਕੋਟ ਰੋਡ ਵਿਖੇ ਤਬਦੀਲ ਕਰਨ ਦੇ ਮਤੇ ਨੂੰ ਸਰਬਸੰਮਤੀ ਨਾਲ ਪਾਸ ਕਰ ਦਿੱਤਾ | ਇਸ ਮੀਟਿੰਗ ਵਿਚ 23 ਵਾਰਡਾਂ ਦੇ ਕਰੀਬ ਅੱਠ ਕਰੋੜ ਦੇ ਵਿਕਾਸ ਕਾਰਜਾਂ ਦੇ ਕੰਮ ਪਾਏ ਗਏ ਹਨ | ਨਗਰ ਕੌਸਲ ਦੇ ਪ੍ਰਧਾਨ ਚਰਨਜੀਤ ਕੌਰ ਕਲਿਆਣ ਦੀ ਪ੍ਰਧਾਨਗੀ ਹੇਠ ਰੱਖੀ ਇਸ ਮੀਟਿੰਗ ਵਿਚ ਦਵਿੰਦਰ ਸਿੰਘ ਵਲੋਂ ਪੜ੍ਹੇ ਗਏ ਨੌ ਮਤਿਆਂ ਵਿਚੋਂ ਮਤਾ ਨੰਬਰ ਪੰਜ ਜੋ ਛੇ ਸਫ਼ਾਈ ਸੇਵਕ ਪੱਕਾ ਕਰਨ ਦਾ ਸੀ ਕਾਰਜਸਾਧਕ ਅਧਿਕਾਰੀ ਸੁਖਦੇਵ ਸਿੰਘ ਰੰਧਾਵਾ ਨੇ ਤਕਨੀਕੀ ਖ਼ਾਮੀਆਂ ਹੋਣ ਕਾਰਨ ਅੱਗੇ ਪਾ ਦਿੱਤਾ ਜਦਕਿ ਬਾਕੀ ਮਤੇ ਸਰਬਸੰਮਤੀ ਨਾਲ ਪਾਸ ਕਰ ਦਿੱਤੇ |ਕੌਸਲ ਅਨਮੋਲ ਗੁਪਤਾ ਨੇ ਅਣ-ਅਧਿਕਾਰਿਤ ਕਾਲੋਨੀਆਂ ਵਿਚ ਬਣੀਆਂ ਪਾਰਕ ਅੰਦਰ ਬਿਜਲੀ ਦੇ ਮੀਟਰ ਨਾ ਲਗਾਉਣ ਦੀ ਜਦ ਮੰਗ ਕੀਤੀ ਤਾਂ ਕੌਸਲਰ ਦਵਿੰਦਰਜੀਤ ਸਿੰਘ ਸਿੱਧੂ ਨੇ ਹਾਊਸ ਵਿਚ ਚੈਲੰਜ ਕਰ ਦਿੱਤਾ ਕਿ ਜੇਕਰ ਇਹ ਅਣਅਧਿਕਾਰਤ ਕਾਲੋਨੀਆਂ ਹੋਣ ਤਾਂ ਉਹ ਮੈਂਬਰੀ ਤੋਂ ਅਸਤੀਫ਼ਾ ਦੇ ਦੇਣਗੇ ਪਰ ਜੇ ਸਹੀ ਪਾਈਆਂ ਗਈਆਂ ਤਾਂ ਕੌਸਲਰ ਅਨਮੋਲ ਗੁਪਤਾ ਨੂੰ ਆਪਣੀ ਮੈਂਬਰੀ ਤੋਂ ਅਸਤੀਫ਼ਾ ਦੇਣਾ ਪਵੇਗਾ | ਕੌਸਲਰ ਸਿੱਧੂ ਨੇ ਕਿਹਾ ਕਿ ਸਾਡੇ ਕੌਸਲਰਾਂ ਵਿਚ ਕੁਝ ਅਜਿਹੇ ਕੌਸਲਰ ਵੀ ਹਨ ਜੋ ਠੇਕੇਦਾਰੀ ਕਰਨ ਦੇ ਨਾਲ ਨਾਲ ਕਮਿਸ਼ਨ ਵੀ ਖਾਂਦੇ ਹਨ | ਉਨ੍ਹਾਂ ਅਜਿਹੇ ਕੌਸਲਰਾਂ ਨੂੰ ਕਾਲੀਆਂ ਭੇਡਾਂ ਤੱਕ ਆਖ ਦਿੱਤਾ | ਉਨ੍ਹਾਂ ਕਿਹਾ ਕਿ ਜਗਰਾਉਂ ਸ਼ਹਿਰ ਅੰਦਰ ਕੁਝ ਅਜਿਹੇ ਧੜੱਲੇਦਾਰ ਠੇਕੇਦਾਰ ਵੀ ਹਨ ਜੋ ਸਾਰੇ ਕੰਮ ਲੈ ਕੇ ਅਗੇ ਦੂਸਰੇ ਡੱਮੀ ਠੇਕੇਦਾਰਾਂ ਨੂੰ ਕੁਝ ਹਿੱਸਾ ਰੱਖ ਕੇ ਅੱਗੇ ਦੇ ਦਿੰਦੇ ਹਨ | ਅਜਿਹੇ ਅਨਸਰਾਂ ਦੇ ਵੀ ਚਿਹਰੇ ਨਿਕਾਬ ਹੋਣੇ ਚਾਹੀਦੇ ਹਨ | ਇਸ ਮੌਕੇ ਕਰਮਜੀਤ ਸਿੰਘ ਕੈਂਥ, ਅਜੀਤ ਸਿੰਘ ਠੁਕਰਾਲ, ਅਪਾਰ ਸਿੰਘ, ਵਰਿੰਦਰਪਾਲ ਸਿੰਘ ਪਾਲੀ, ਜਿੰਦਰ ਸਿੰਘ, ਡਾ: ਇਕਬਾਲ ਸਿੰਘ, ਸੁਧਾ ਰਾਣੀ ਸੁਖਦੇਵ ਸਿੰਘ ਸੇਬੀ ਅਕੁੰਸ਼ ਧੀਰ, ਗੁਰਪ੍ਰੀਤ ਕੌਰ, ਬਲਜਿੰਦਰ ਕੌਰ, ਸੁਨੈਨਾ ਮਲੋਹਤਰਾ (ਸਾਰੇ ਕੌਸਲਰ), ਸੁਪਰਡੈਂਟ ਮਨੋਹਰ ਸਿੰਘ, ਅਨਿਲ ਕੁਮਾਰ, ਚਰਨਜੀਤ ਸਿੰਘ, ਸੁਕੇਸ਼ ਬਗੀਈ, ਹਰਦੀਪ ਸਿੰਘ ਢੋਲਣ, ਦਵਿੰਦਰ ਸਿੰਘ ਗਰਚਾ, ਸਤਨਾਮ ਸਿੰਘ ਵਿੱਕੀ, ਬੇਅੰਤ ਸਿੰਘ ਆਦਿ ਹਾਜ਼ਰ ਸਨ |

ਵੀਡੀਓ ਤੇ ਕਲਿੱਕ ਕਰੋ ਅਤੇ ਦੇਖੋ ਅਤੇ ਸੁਣੋ