ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਇਥੋ ਥੋੋੜੀ ਦੁਰ ਪਿੰਡ ਕੋਕਰੀ ਕਲਾਂ ਦੇ ਰਹਿਣ ਵਾਲੇ 70 ਸਾਲ ਕਿਸਾਨ ਨੇ ਪਿਛਲੇ ਲੰਬੇ ਸਮੇ ਤੋ ਚਲੀ ਆ ਰਹੀ ਬਿਮਾਰੀ ਤੋ ਪੇਰਸ਼ਾਨ ਹੋ ਕੇ ਸੋਮਵਾਰ ਦੀ ਸਵੇਰੇ ਖੁਦ ਆਪਣੀ 12 ਬੋਰ ਦੀ ਬੰਦੂਕ ਨਾਲ ਗੋਲੀ ਮਾਰ ਕੇ ਆਤਮ ਹੱਤਿਆ ਕਰ ਲਈ।ਸਿਵਲ ਹਸਪਤਾਲ 'ਚ ਮ੍ਰਿਤਕ ਰਵਿੰਦਰਪਾਲ ਸਿੰਘ ਪੱੁਤਰ ਸੁਰਮੱੁਖ ਸਿੰਘ ਵਾਸੀ ਕੋਕਰੀ ਕਲਾਂ ਦੇ ਭਾਣਜੇ ਸੁਖਮੰਦਰ ਸਿੰਘ ਨੇ ਦਸਿਆ ਕਿ ਉਸ ਦੇ ਮਾਮਾ ਦੇ ਦੋ ਬੇਟੇ ਅਤੇ ਦੋ ਬੇਟੀਆਂ ਹਨ।ਉਹ ਬਿਮਾਰੀ ਕਾਰਨ ਪਿੜਲੇ ਲੰਬੇ ਸਮੇ ਤੋ ਮਾਨਸਿਕ ਤੌਰ ਤੇ ਪੇਰਸ਼ਾਨ ਰਹਿੰਦਾ ਸੀ ਜਿਸ ਕਾਰਨ ਸੋਮਵੲਰ ਦੀ ਸਵੇਰੇ ਘਰ 'ਚ ਹੀ ਆਪਣੀ 12 ਬੋਰ ਦੀ ਬੰਦੂਕ ਨਾਲ ਖੁਦ ਨੂੰ ਗੋਲੀ ਮਾਰ ਕੇ ਆਤਮਹੱਤਿਆ ਕਰ ਲਈ ਥਾਣਾ ਅਜੀਤਵਾਲ 'ਚ ਤਾਇਨਾਤ ਐਸ ਆਈ ਰਾਜ ਧੀਮ ਨੇ ਲਾਸ਼ ਪੋਸਟਰਮਾਰਟਮ ਭੇਜ ਦਿੱਤੀ ਤੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ

ਬੱਧਣੀ ਕਲਾਂ,ਦਸੰਬਰ 2019-(ਗੁਰਸੇਵਕ ਸੋਹੀ)-ਇਲਾਕਾ ਨਿਵਾਸੀਆ ਨੂੰ ਇਹ ਜਾਣ ਕੇ ਬੜੀ ਖੁਸ਼ੀ ਹੋਵੇਗੀ ਕਿ ਪਿੰਡ ਬਿਲਾਸਪੁਰ, ਨਰੈਣਗੜ੍ਹ ਸੋਹੀਆ,ਹਿੰਮਤਪੁਰਾ ਇਹਨਾਂ ਨਗਰਾਂ ਦੇ ਵਿਚਕਾਰ ਪਿੰਡ ਮਾਛੀਕੇ ਜਿਲ੍ਹਾ ਮੋਗਾ ਢਿੱਲੋਂ ਫਿਲਿੰਗ ਸਟੇਸ਼ਨ ਨਿਹਾਲ ਸਿੰਘ ਵਾਲਾ/ਢਿੱਲੋਂ ਸਰਵਿਸ ਸਟੇਸ਼ਨ ਮਾਛੀਕੇ ਪਟਰੋਲ ਪੰਪ ਤੇ ਡੀਜ਼ਲ ਪਟਰੋਲ ਪਵਾਉਣ ਵਾਲੇ ਵਿਆਕਤੀਆਂ ਲਈ ਹਰ ਐਤਵਾਰ ਸਾਮ 5 ਵਜੇ ਇੱਕ ਲੱਕੀ ਡਰਾ ਕੱਢਿਆ ਜਾਵੇਗਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਹਰਬੰਸ ਢਿੱਲੋਂ ਨੇ ਦੱਸਿਆ ਕੇ ਜਿਸ ਵਿਚ ਪਹਿਲਾ ਇਨਾਮ ਡਬਲ ਬੈਡ ਕੰਬਲ,ਦੂਜਾ ਇਨਾਮ ਡਬਲ ਬੈਡ ਸੀਟ ਸੈਟ,ਤੀਜਾ ਇਨਾਮ ਟਿਫਨ ਲੰਚ ਬਾਕਸ ਇਹ ਲੱਕੀ ਡਰਾ ਚਾਰ ਪਹੀਆ ਵਾਹਨ 1000 ਰੁਪਏ ਦਾ ਪਟਰੋਲ ਪਾਉਣ ਵਾਲੇ ਨੂੰ ਇੱਕ ਕੂਪਨ ਦਿੱਤਾ ਜਾਵੇਗਾ ਅਤੇ ਦੋ ਪਹੀਆ ਵਾਹਨ 300 ਦਾ ਪਟਰੋਲ ਪਾਉਣ ਤੇ ਇੱਕ ਕੂਪਨ ਦਿੱਤਾ ਜਾਵੇਗਾ। ਅਤੇ ਡੀਜਲ 2000 ਰੁਪਏ ਖਰੀਦਣ ਵਾਲੇ ਵਿਆਕਤੀ ਨੂੰ ਇੱਕ ਕੂਪਨ ਦਿੱਤਾ ਜਾਵੇਗਾ। ਇਸ ਲੱਕੀ ਡਰਾ ਦੀ ਇਲਾਕੇ ਵਿੱਚ ਖੂਬ ਚਰਚਾ ਹੋ ਰਹੀ ਹੈ।

ਜਗਰਾਉਂ (ਸਤਪਾਲ ਸਿੰਘ ਦਹੇੜਕਾ) ਮੁੱਲਾਪੁਰ ਆੜ੍ਹਤੀਆਂ ਐਸੋਸੀਏਸ਼ਨ ਦੇ ਸਾਬਕਾ ਪ੍ਰਧਾਨ, ਐਲ.ਆਰ.ਡੀ.ਏ.ਵੀ ਕਾਲਜ ਮੈਨਜਿੰਗ ਕਮੇਟੀ ਸਾਬਕਾ ਮੈਂਬਰ,ਆਰ.ਕੇ ਸੀਨੀਅਰ ਸੈਕੰਡਰੀ ਸਕੂਲ ਮੈਨਜਿੰਗ ਕਮੇਟੀ ਦੇ ਸੈਕਟਰੀ ਅਤੇ ਸਾਬਕਾ ਵਾਇਸ ਪ੍ਰਧਾਨ ਰਹੇ ਸ੍ਰੀ ਜੈ ਪ੍ਰਕਾਸ਼ ਝਾਜੀ ਜੀ ਲੱੱਗਭਗ 74 ਸਾਲ ਦੀ ਉਮਰ ਭੋਗ ਕੇ ਇਸ ਸੰਸਾਰ ਵਿੱਚੋਂ 5-12-2019  ਨੂੰ ਰੁੱਖਸਤ ਹੋ ਗਏ। ਉਹ 1972 ਤੋਂ 1977 ਤੱਕ ਨਗਰ ਕੌਸਲ ਜਗਰਾਉਂ ਦੇ ਐਮ.ਸੀ ਵੀ ਰਹੇ।ਉਹਨਾ ਦਾ ਰਾਜਨਿਤਕ ਅਤੇ ਸਮਾਜਿਕ ਜੀਵਨ ਬਹੁਤ ਹੀ ਪ੍ਰਭਾਵ ਸ਼ਾਲੀ ਅਤੇ ਸੂਝਬੂਝ ਵਾਲਾ ਸੀ। ਜਿਕਰਯੋਗ ਹੈ ਕਿ ਉਹਨਾ ਦੀ ਧਰਮਪਤਨੀ ਸ੍ਰੀ ਮਤੀ ਨਿਰਮਲਾ ਝਾਜੀ ਜੀ 2 ਦਿਨ ਪਹਿਲਾ ਆਪਣੀ ਸੁਵਾਸਾ ਰੂਪੀ ਪੁੰੂਜੀ ਨੂੰ ਪੂਰਾ ਕਰਕੇ 3-12-2019 ਨੂੰ 71 ਸਾਲ ਦੀ ਉਮਰ ਭੋਗ ਕੇ ਆਪਣੀ ਸੰਸਾਰਿਕ ਯਾਤਾਰਾ ਪੂਰੀ ਕਰਗਏ ਸਨ।ਉਹ ਪਿਛਲੇ 2 ਸਾਲਾ ਤੌਂ ਬਿਮਾਰੀ ਤੋਂ ਪੀੜਤ ਤੋਂ ਚੱਲੇ ਆ ਰਹੇ ਸਨ।ਸ੍ਰੀ ਜੈ ਪ੍ਰਕਾਸ਼ ਝਾਂਜੀ ਅਤੇ ਸ਼੍ਰੀ ਮਤੀ ਨਿਰਮਲ ਝਾਜੀ ਜੀ ਹੋਣਾ ਦੇ 3 ਸਪੱੁਤਰ ਸ਼੍ਰੀ ਸਜੀਵ ਝਾਜੀ, ਸ੍ਰੀ ਸੁਧੀਰ ਝਾਜੀ ਅਤੇ ਸੁਮੇਸ਼ ਝਾਜੀ ਹਨ।ਜੋਂ ਕਿ ਉਚ ਸਿੱਖਿਆ ਪ੍ਰਾਪਤ ਕਰਕੇ ਸਰਕਾਰੀ ਅਧਿਆਪਕ ਵੱਜੋਂ ਸੇਵਾ ਨਿਭਾ ਰਹੇ ਹਨ ਅਤੇ ਉਹਨਾ ਦੀਆ ਨੋਹਾ ਵੀ ਅਧਿਆਪਕਾਵਾਂ ਵਜੋਂ ਸੇਵਾ ਨਿਭਾਅ ਰਹੀਆ ਹਨ। ਸ੍ਰੀ ਜੈ ਪ੍ਰਕਾਸ਼ ਝਾਜੀ ਹੁਣਾ ਦੀ ਸਿੱਖਿਆ ਦਾ ਹੀ ਨਤੀਜਾ ਹੈ ਕਿ ਸਾਰਾ ਪਰਿਵਾਰ ਇਕੱਠਾ ਇੱਕ ਛੱਤ ਥੱਲੇ ਪਿਆਰ ਅਤੇ ਥਵਾਕ ਨਾਲ ਰਹਿ ਰਿਹਾ ਹੈ।ਉਹਨਾ ਨਮਿਤ ਅੰਤਿਮ ਅਰਦਾਸ ਅਤੇ ਭੋਗ 17-12-2019 ਨੂੰ ਦੁਪਹਿਰ 1 ਤੋਂ 2 ਵਜੇ ਤੱਕ ਲੰਮੇਆ ਵਾਲਾ ਬਾਗ ਧਰਮਸ਼ਾਲਾ ਨੇੜੈ ਐਲ.ਆਰ.ਡੀ.ਏ.ਵੀ ਕਾਲਜ ਵਿਖੇ ਹੋਵੇਗਾ। ਪਰਿਵਾਰ ਵੱਲੋਂ ਦੋਸਤਾ ਅਤੇ ਰਿਸ਼ਤੇਦਾਰਾ ਨੂੰ ਪਹੁੰਚਣ ਦੀ ਬੇਨਤੀ ਹੈ।  

ਲੁਧਿਆਣਾ, ਦਸੰਬਰ 2019- ( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-

ਪੰਜਾਬੀ ਲੇਖਕ ਤੇ ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਾਬਕਾ ਪ੍ਰਧਾਨ ਪ੍ਰੋ: ਗੁਰਭਜਨ ਸਿੰਘ ਗਿੱਲ ਨੂੰ ਆਵਰ ਸਪੇਸ ਸਿਨੇਮਾ ਵੱਲੋਂ ਅੱਜ ਬਲਰਾਜ ਸਾਹਨੀ ਯਾਦਗਾਰੀ ਸੁਹਿਰਦ ਸਿਨੇਮਾ ਸਨਮਾਨ ਨਾਲ ਇਸ਼ਮੀਤ ਸਿੰਘ ਮਿਊਜ਼ਕ ਇੰਸਟੀਚਿਊਟ ਰਾਜਗੁਰੂ ਲੁਧਿਆਣਾ ਵਿਖੇ ਦੋ ਰੋਜ਼ਾ ਲਘੂ ਫਿਲਮ ਫੈਸਟੀਵਲ ਦੇ ਉਦਘਾਟਨੀ ਸਮਾਰੋਹ ਮੌਕੇ ਸਨਮਾਨਿਤ ਕੀਤਾ ਗਿਆ। ਸਨਮਾਨ ਪ੍ਰਦਾਨ ਕਰਨ ਦੀ ਰਸਮ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਸਾਬਕਾ ਵਾਈਸ ਚਾਂਸਲਰ ਡਾ: ਕ੍ਰਿਪਾਲ ਸਿੰਘ ਔਲਖ,ਗੁਰਪ੍ਰੀਤ ਸਿੰਘ ਤੂਰ ਡੀ ਆਈ ਜੀ,ਆਵਰ ਸਪੇਸ ਸਿਨੇਮਾ ਦੇ ਚੇਅਰਮੈਨ ਪਰਦੀਪ ਸਿੰਘ, ਮਨਮੋਹਨ ਵਿਨਾਇਕ, ਡਾ: ਪਰਮਜੀਤ ਸੋਹਲ,ਡਾ: ਯਾਦਵਿੰਦਰ ਸਿੰਘ , ਸੁਨੀਲ ਕੁਮਾਰ, ਕਰਣ ਕ੍ਰਿਸ਼ਨ ਕਮਲ , ਜਸਬੀਰ ਸਿੰਘ ਸੋਹਲ,ਪੰਮੀ ਹਬੀਬ, ਪ੍ਰੋ: ਰਵਿੰਦਰ ਭੱਠਲ ਪ੍ਰਧਾਨ ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ, ਡਾ: ਨਿਰਮਲ ਜੌੜਾ, ਡਾਇਰੈਕਟਰ ਯੁਵਕ ਭਲਾਈ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ , ਪ੍ਰੋ: ਮਨਜੀਤ ਸਿੰਘ ਛਾਬੜਾ ਨੇ ਅਦਾ ਕੀਤੀ। ਦੋ ਰੋਜ਼ਾ ਫਿਲਮ ਫੈਸਟੀਵਲ ਦਾ ਉਦਘਾਟਨ ਪੰਜਾਬ ਖੇਤੀ ਯੂਨੀਵਰਸਿਟੀ ਲੁਧਿਆਣਾ ਦੇ ਸਾਬਕਾ ਵਾਈਸ ਚਾਂਸਲਰ ਡਾ: ਕ੍ਰਿਪਾਲ ਸਿੰਘ ਔਲਖ ਨੇ ਕਰਦਿਆਂ ਕਿਹਾ ਕਿ ਲਘੂ ਫ਼ਿਲਮਾਂ ਰਾਹੀਂ ਵੱਡੇ ਸੰਦੇਸ਼ ਸੋਸ਼ਲ ਮੀਡੀਆ ਰਾਹੀਂ ਉਨ੍ਹਾਂ ਲੋਕਾਂ ਤੀਕ ਪਹੁੰਚਦੇ ਹਨ, ਜਿੰਨ੍ਹਾਂ ਨੂੰ ਵਪਾਰਕ ਸਿਨੇਮਾ ਨੇ ਹਾਸ਼ੀਏ ਤੇ ਵਾਧੂ ਕਰਕੇ ਸੁੱਟਿਆ ਹੋਇਆ ਹੈ। ਬਲਰਾਜ ਸਾਹਨੀ ਜੀ ਦੀ ਯਾਦ ਵਿੱਚ ਗੁਰਭਜਨ ਗਿੱਲ ਨੂੰ ਸਨਮਾਨਿਤ ਕਰਨ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਬੇਬਾਕ ਬੁਲਾਰੇ, ਬੁਲੰਦ ਸ਼ਾਇਰ ਤੇ ਅਣਥੱਕ ਸਭਿਆਚਾਰਕ ਕਾਮੇ ਵਜੋਂ ਮੈਂ ਉਸ ਨੂੰ ਪਿਛਲੇ ਚਾਲੀ ਸਾਲ ਤੋਂ ਲਗਾਤਾਰ ਵੇਖ ਰਿਹਾਂ ਹਾਂ! ਪੰਜਾਬ ਖੇਤੀ ਯੂਨੀਵਰਸਿਟੀ ਸੇਵਾ ਦੌਰਾਨ ਵੀ ਉਹ ਸੰਚਾਰ ਢਾਂਚੇ ਦੀ ਰੀੜ੍ਹ ਦੀ ਹੱਡੀ ਸੀ। ਉਸ ਕੋਲ ਧਰਤੀ ਦੇ ਲੋਕਾਂ ਨਾਲ ਸਨੇਹ ਦੀ ਸ਼ਕਤੀ ਅਥਾਹ ਹੈ। ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਪ੍ਰੋ: ਰਵਿੰਦਰ ਭੱਠਲ ਨੇ ਵੀ ਲਘੂ ਫਿਲਮ ਫੈਸਟੀਵਲ ਦੇ ਪੰਜਵੇਂ ਸਾਲ ਚ ਪਰਵੇਸ਼ ਕਰਨ ਤੇ ਮੁਬਾਰਕ ਦਿੱਤੀ ਅਤੇ ਗੁਰਭਜਨ ਗਿੱਲ ਨੂੰ ਬਲਰਾਜ ਸਾਹਨੀ ਪੁਰਸਕਾਰ ਦੀ ਵਧਾਈ ਦਿੱਤੀ। ਸਨਮਾਨ ਤੋਂ ਪਹਿਲਾਂ ਪ੍ਰੋ: ਮਨਜੀਤ ਸਿੰਘ ਛਾਬੜਾ ਨੇ ਸਨਮਾਨ ਪੱਤਰ ਪੜ੍ਹਿਆ ਜਿਸ ਚ ਉਨ੍ਹਾਂ ਕਿਹਾ ਕਿ ਪ੍ਰੋ: ਗੁਰਭਜਨ ਸਿੰਘ ਗਿੱਲ ਅਜਿਹੇ ਲੇਖਕ ਹਨ, ਜਿਨ੍ਹਾਂ ਕਵਿਤਾ, ਗਜ਼ਲ ਅਤੇ ਗੀਤਾਂ ਦੀਆਂ ਵੰਨਗੀਆਂ ਨਾਲ ਸਜੀਆਂ 14 ਮੌਲਿਕ ਕਿਤਾਬਾਂ ਸ਼ੀਸ਼ਾ ਝੂਠ ਬੋਲਦਾ ਹੈ, ਹਰ ਧੁਖਦਾ ਪਿੰਡ ਮੇਰਾ ਹੈ, ਬੋਲ ਮਿੱਟੀ ਦਿਆ ਬਾਵਿਆ, ਅਗਨ ਕਥਾ, ਖ਼ੈਰ ਪੰਜਾਂ ਪਾਣੀਆਂ ਦੀ, ਧਰਤੀ ਨਾਦ, ਫੁੱਲਾਂ ਦੀ ਝਾਂਜਰ, ਪਾਰਦਰਸ਼ੀ, ਮੋਰ ਪੰਖ, ਮਨ ਤੰਦੂਰ, ਗੁਲਨਾਰ, ਮਿਰਗਾਵਲੀ, ਰਾਵੀ, ਮਨ ਪਰਦੇਸੀ ਰਾਹੀਂ ਧਰਤੀ ਦਾ ਦੁਖ ਸੁਖ ਸਮਝਿਆ ਤੇ ਸੰਭਾਲਿਆ। ਉਨ੍ਹਾਂ ਦੱਸਿਆ ਕਿ ਪ੍ਰੋ: ਗੁਰਭਜਨ ਸਿੰਘ ਗਿੱਲ, ਪੰਜਾਬੀ ਸਾਹਿਤ ਅਕਾਦਮੀ, ਲੁਧਿਆਣਾ ਦੇ 2010 ਤੋਂ 2014 ਤੀਕ ਚਾਰ ਸਾਲ ਪ੍ਰਧਾਨ ਰਹੇ ਹਨ ਅਤੇ ਪ੍ਰੋ: ਮੋਹਨ ਸਿੰਘ ਮੈਮੋਰੀਅਲ ਫਾਉਂਡੇਸ਼ਨ ਦੇ 1978 ਤੋਂ ਲੈ ਕੇ 2014 ਤੀਕ ਲਗ ਪਗ ਪੈਂਤੀ ਸਾਲ ਪ੍ਰਮੁੱਖ ਅਹੁਦੇਦਾਰ ਰਹੇ ਹਨ। ਇਸ ਵਕਤ ਆਪ ਮਹਾਰਾਜਾ ਦਲੀਪ ਸਿੰਘ ਮੈਮੋਰੀਅਲ ਟਰੱਸਟ, ਬੱਸੀਆਂ ਕੋਠੀ (ਰਾਏਕੋਟ)ਤੇ ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਦੇ ਵੀ ਚੇਅਰਮੈਨ ਵੀ ਹਨ । ਅਮਰੀਕਾ, ਕੈਨੇਡਾ, ਇੰਗਲੈਂਡ, ਜਰਮਨੀ ਤੇ ਪਾਕਿਸਤਾਨ ਵਿੱਚ ਪਿਛਲੇ 15 ਸਾਲ ਵਿੱਚ ਅਨੇਕਾਂ ਅੰਤਰ ਰਾਸ਼ਟਰੀ ਸੈਮੀਨਾਰਾਂ ਤੇ ਕਾਨਫਰੰਸਾਂ ਚ ਹਿੱਸਾ ਲੈ ਚੁਕੇ ਹਨ। ਸੱਰੀ(ਕੈਨੇਡਾ) ਚ ਸਥਾਪਤ ਪੰਜਾਬ ਭਵਨ ਦੀ ਸਥਾਪਨਾ ਕਰਵਾਉਣ ਲਈ ਆਪ ਜੀ ਦਾ ਯੋਗਦਾਨ ਇਤਿਹਾਸਕ ਮੀਲ ਪੱਥਰ ਹੈ। ਆਵਰ ਸਪੇਸ ਸਿਨੇਮਾ ਦੇ ਚੇਅਰਮੈਨ ਪਰਦੀਪ ਸਿੰਘ ਨੇ ਧੰਨਵਾਦ ਦੇ ਸ਼ਬਦ ਕਹੇ। ਦੂਜੇ ਸੈਸ਼ਨ ਵਿੱਚ ਫਿਲਮ ਨਿਰਮਾਤਾ ਹਰਜੀਤ ਸਿੰਘ ਦੂਰਦਰਸ਼ਨ, ਫਿਲਮ ਲੇਖਕ ਬਲਦੇਵ ਗਿੱਲ(ਚੰਨ ਪਰਦੇਸੀ) ਪੰਜਾਬੀ ਕਵੀ ਬੀਬਾ ਬਲਵੰਤ ਵਿਸ਼ਸ਼ ਮਹਿਮਾਨ ਵਜੋਂ ਪੁੱਜੇ। ਇਸ ਮੌਕੇ ਉੱਘੀ ਸਮਾਜ ਸੇਵਿਕਾ ਰਾਧਿਕਾ ਜੈਤਵਾਨੀ, ਉੱਘੇ ਲੇਖਕ ਡਾ: ਗੁਰਇਕਬਾਲ ਸਿੰਘ, ਸਹਿਜਪ੍ਰੀਤ ਸਿੰਘ ਮਾਂਗਟ,ਤ੍ਰੈਲੋਚਨ ਲੋਚੀ, ਮਨਜਿੰਦਰ ਧਨੋਆ, ਹਰਬੰਸ ਸਿੰਘ ਘੇਈ, ਜਸਮੇਰ ਸਿੰਘ ਢੱਟ ਚੇਅਰਮੈਨ ਸਭਿਆਚਾਰਕ ਸੱਥ, ਭਜਨ ਸਿੰਘ ਸਿੱਧੂ ਡੈਂਟਲ ਡਾਕਟਰ ਡਾ: ਜੈ ਦੇਵ ਸਿੰਘ ਢਿੱਲੋਂ ਡਾ: ਮਲਕੀਤ ਸਿੰਘ ਔਲਖ, ਸੰਗੀਤਾ ਭੰਡਾਰੀ, ਜਸਜੀਤ ਸਿੰਘ ਨੱਤ, ਗੁਰਿੰਦਰਜੀਤ ਸਿੰਘ ਨੱਤ, ਡਾ: ਮਾਨ ਸਿੰਘ ਤੂਰ, ਰਾਜਦੀਪ ਤੂਰ , ਹਰਜੀਤ ਸਿੰਘ ਖਾਲਸਾ, ਪ੍ਰਭਜੋਤ ਸਿੰਘ ਸਮੇਤ ਸੈਂਕੜੇ ਸਿਰਕੱਢ ਵਿਅਕਤੀ ਹਾਜ਼ਰ ਸਨ। ਅੱਜ ਕੁੱਲ ਨੌਂ ਲਘੂ ਫਿਲਮਾਂ ਵਿਖਾਈਆਂ ਗਈਆਂ ਜਿੰਨ੍ਹਾਂ ਦਾ ਆਰੰਭ ਇੱਕ ਓਂਕਾਰ ਤੇ ਲੋਰੀ ਨਾਲ ਕੀਤਾ ਗਿਆ।