ਯੁ.ਕੇ.

ਲਿਵਰਪੂਲ,  ਦਸੰਬਰ 2020 -(ਜਨ ਸ਼ਕਤੀ ਨਿਊਜ਼  )

ਗੁਰੂਆਂ ਦੇ ਦਿੱਤੇ ਹੋਏ ਸਵਾਸਾਂ ਦੀ ਪੂੰਜੀ ਨੂੰ ਭੋਗਦੇ ਹੋਏ ਪੰਥ ਦੀ ਮਹਾਨ ਸ਼ਖ਼ਸੀਅਤ,  ਇੰਟਰਨੈਸ਼ਨਲ ਗੋਲਡ ਮੈਡਲਿਸਟ ਢਾਡੀ, ਪੈਂਤੀ ਸਾਲ ਦੁਨੀਆਂ ਦੇ ਬਹੁਤ ਸਾਰੇ ਮੁਲਕਾਂ ਵਿਚ ਸਿੱਖ ਧਰਮ ਦੇ ਪ੍ਰਚਾਰਕ ਖੇਤਰ ਵਿਚ ਆਪਣੀਆਂ ਸੇਵਾਵਾਂ ਨਿਭਾਉਣ ਵਾਲੇ, ਗਿਆਨੀ ਵਰਿਆਮ ਸਿੰਘ ਨਿਹੰਗ ਸਿੰਘ ਪਿੰਡ ਭਾਗ ਸਿੰਘ ਪੁਰਾ  ਤਹਿਸੀਲ ਫਿਲੌਰ ਦੇ ਸਪੁੱਤਰ    ਬਹੁਤ ਹੀ ਸਤਿਕਾਰਯੋਗ ਸ਼ਖਸੀਅਤ  ਭਾਈ ਹਰਬੰਸ ਸਿੰਘ ਜੋਸ਼ ਮੰਗਲਵਾਰ ਸ਼ਾਮ ਅੱਠ ਵੱਜ ਕੇ ਪਨਤਾਲੀ ਮਿੰਟ ਤੇ  ਆਪਣਾ ਪੰਜ ਭੂਤਕ ਸਰੀਰ ਤਿਆਗ ਕੇ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਹਨ। ਅਸੀਂ ਤੁਹਾਨੂੰ ਦੱਸਣਾ ਚਾਹੁੰਦੇ ਹਾਂ  ਇਸ ਵਕਤ ਭਾਈ ਹਰਬੰਸ ਸਿੰਘ ਜੋਸ਼ ਇੰਗਲੈਂਡ ਦੀ ਧਰਤੀ ਲਿਵਰਪੂਲ ਸ਼ਹਿਰ ਵਿੱਚ ਆਪਣੇ ਪਰਿਵਾਰ ਸਮੇਤ ਨਿਵਾਸ ਕਰ ਰਹੇ ਸਨ । ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਵਾਲੇ ਸਾਰੇ ਨੋਟ ਕਰਨ ਕਿ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਫੋਨ ਉਪਰ ਗੱਲ ਕਰ ਲਈ ਜਾਵੇ  ਗਿਆਨੀ ਭਾਈ ਹਰਜੀਤ ਸਿੰਘ (07459282294 - 00447424827705)  ਗੋਲਡ ਮੈਡਲ ਗੋਲਡ ਮੈਡਲਿਸਟ ਢਾਡੀ ਹਰਬੰਸ ਸਿੰਘ ਦਿਲਬਰ (07886763406)   ਗੋਲਡ ਮੈਡਲਿਸਟ ਢਾਡੀ ਗੁਰਬਚਨ ਸਿੰਘ ਅਣਖੀ (07931113789) ।ਜਨਸ਼ਕਤੀ ਨਿੳੂਜ਼ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਦਾ ਹੋਇਆ ਇਸ ਦੁੱਖ ਦੀ ਘੜੀ ਵਿੱਚ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੱਗੇ ਅਰਦਾਸ ਬੇਨਤੀ ਕਰਦਾ ਹੈ। ਗੁਰੂ ਸਾਹਿਬ ਸਾਥੋਂ ਇਸ ਵਿਛੜੀ ਰੂਹ ਨੂੰ ਆਤਮਿਕ ਸ਼ਾਂਤੀ ਬਖਸ਼ਣ  ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖਸ਼ਣ ।   

ਸਲੇਮਪੁਰੀ ਦੀ ਚੂੰਢੀ -

*ਪੰਜਾਬ ਜਿਉਂਦਾ!*

ਦਿੱਲੀਏ! 

ਪੰਜਾਬ ਜਿਉੰਦਾ, 

ਮੋਇਆ ਨਹੀਂ। 

ਇਹ ਕਦੀ ਕਿਸੇ ਅੱਗੇ 

ਰੋਇਆ ਨਹੀਂ! 

ਤੂੰ ਇਕੱਲੀ ਨਹੀਂ, 

 ਪਹਿਲਾਂ ਵੀ 

ਇਸ ਨੂੰ ਮਿਟਾਉਣ ਲਈ 

ਧਾੜਵੀਆਂ ਨੇ 

ਭਾਰੀ ਹਮਲੇ ਕੀਤੇ। 

ਭਰ ਭਰ ਖੂਨ  

ਪਿਆਲੇ ਪੀਤੇ! 

ਨਾ ਡੋਲਿਆ ਨਾ ਰੋਇਆ! 

ਸਗੋਂ ਦੂਣ ਸਵਾਇਆ 

ਹੋਇਆ! 

ਦਿੱਲੀਏ! 

ਤੂੰ ਪੰਜਾਬ ਨੂੰ 

ਰੋਕਣ ਲਈ 

ਭਾਵੇਂ ਕੰਡਿਆਲੀਆਂ ਤਾਰਾਂ ਵਿਛਾ। 

ਰਾਹਾਂ ਵਿਚ ਟੋਏ ਪੁਟਾ! 

ਪਾਣੀ ਦੀਆਂ ਬੁਛਾੜਾਂ ਵਰਾਅ! 

ਪਰ ਇਹ-

ਕਾਰਗਿਲ ਨੂੰ ਫਤਿਹ ਕਰਨਾ ਜਾਣਦੈ! 

 ਲੰਡਨ 'ਚ ਜਾ ਕੇ 

ਭਾਜੀਆਂ ਮੋੜਨਾ ਜਾਣਦੈ! 

ਦਿੱਲੀਏ! 

 2020 ਜੂਨ ਦੀ

ਗੱਲ ਸੁਣਾਵਾਂ! 

ਕੰਨ ਖੋਲ੍ਹ ਲੈ 

ਸੱਚ ਮੈਂ ਪਾਵਾਂ! 

ਇਸ ਦੇ 'ਕੱਲੇ ਪੁੱਤ ਗੁਰਤੇਜ  ਨੇ! 

ਬਿਜਲੀ ਵਾਂਗੂੰ ਵੱਧ ਤੇਜ ਨੇ! 

ਵਿਚ ਗੁਲਵਾਨ ਦੇ 

12 ਚੀਨੀਆਂ ਨੂੰ 

  ਝਟਕਾ

 ਦਿੱਤਾ ਸੀ ! 

ਚੀਨ ਨੂੰ ਕਾਂਬਾ 

ਲਾ ਦਿੱਤਾ ਸੀ! 

ਦਿੱਲੀਏ! 

ਤੂੰ ਪੰਜਾਬ ਨੂੰ 

ਕਦੀ ਅੱਤਵਾਦੀ ਦੱਸਦੀ ਏਂ! 

ਕਦੀ ਵੱਖਵਾਦੀ ਦੱਸਦੀ ਏਂ! 

ਤੂੰ ਕਦੀ ਦਾੜ੍ਹੀ ਤੋਂ ਹੱਸਦੀ ਏਂ। 

ਕਦੀ ਪੱਗ 'ਤੇ ਵਿਅੰਗ ਕੱਸਦੀ ਏਂ! 

ਦਿੱਲੀਏ! 

ਐਵੇਂ ਤੈਨੂੰ ਭਰਮ ਜਿਹਾ। 

ਪੰਜਾਬ ਨੂੰ ਸਮਝੇੰ ਨਰਮ ਜਿਹਾ! 

 ਪੰਜਾਬ ਨੂੰ ਤੂੰ ਦਬਾ ਲਵੇੰਗੀ? 

ਇਸ ਨੂੰ ਨੁੱਕਰੇ 

ਲਾ ਦੇਵੇੰਗੀ? 

ਪੰਜਾਬ ਤਾਂ ਗੁਰੂਆਂ ਦੇ ਨਾਂ 'ਤੇ ਜਿਉੰਦਾ! 

'ਸੱਭ ਦਾ ਭਲਾ' ਸਦਾ 

ਧਿਆਉੰਦਾ! 

ਨਾ ਹੱਕ ਛੱਡਦਾ! 

ਨਾ ਹੱਕ ਮਾਰਦਾ! 

 ਦੂਜਿਆਂ ਲਈ 

ਜਾਨਾਂ ਵਾਰਦਾ ! 

ਇਹ ਪੰਜਾਬ-

ਭਾਰਤ ਲਈ ਜਿਉੰਦਾ! 

ਬਸ! ਭਾਰਤ ਲਈ ਮਰਦਾ! 

ਖੇਤਾਂ ਵਿਚ ਜਾ ਕੰਮ ਹੈ ਕਰਦਾ! 

ਜਾ ਸਰਹੱਦਾਂ ਉੱਤੇ  ਲੜਦਾ! 

ਇਹ ਨਾ ਕਿਸੇ ਨੂੰ ਡਰਾਉੰਦਾ! 

ਨਾ ਕਿਸੇ ਤੋਂ ਇਹੇ ਡਰਦਾ! 

ਦਿੱਲੀਏ! 

ਐਵੇਂ ਭੁਲੇਖਾ  ਖਾ ਬੈਠੀੰ ਨਾ! 

ਪੁੱਠਾ ਚੱਕਰ  ਪਾ ਬੈਠੀੰ ਨਾ! 

ਪੰਜਾਬ ਹੱਕ ਮੰਗਦਾ ਨਹੀਂ, 

ਖੋਹਣੇ ਜਾਣਦੈ! 

 ਤੱਤੀਆਂ ਤਵੀਆਂ 'ਤੇ ਬੈਠ ਕੇ 

ਵੀ ਜਿੰਦਗੀਆਂ ਮਾਣਦੈ! 

-ਸੁਖਦੇਵ ਸਲੇਮਪੁਰੀ 

09780620233 

27 ਨਵੰਬਰ, 2020

ਲੰਡਨ ,ਨਵੰਬਰ 2020 -( ਗਿਆਨੀ ਅਮਰੀਕ ਸਿੰਘ ਰਾਠੌਰ  )-

 ਵਿਦੇਸ਼ਾਂ ਤੋਂ ਇੰਗਲੈਂਡ ਆਉਣ ਵਾਲੇ ਲੋਕਾਂ ਨੂੰ ਰਾਹਤ ਦਿੱਤੀ ਗਈ ਹੈ। ਬਿ੍ਟੇਨ ਦੀ ਕੋਰੋਨਾ ਵਾਇਰਸ ਸੇਫ ਸੂਚੀ ਵਿਚ ਨਾ ਆਉਣ ਵਾਲੇ ਦੇਸ਼ਾਂ ਤੋਂ ਜੇਕਰ ਕੋਈ ਆਉਂਦਾ ਹੈ ਅਤੇ ਉਸ ਦੀ ਕੋਰੋਨਾ ਰਿਪੋਰਟ ਨੈਗੇਟਿਵ ਆਉਂਦੀ ਹੈ ਤਾਂ ਉਸ ਨੂੰ ਸਿਰਫ਼ ਪੰਜ ਦਿਨ ਹੀ ਕੁਆਰੰਟਾਈਨ ਰਹਿਣਾ ਹੋਵੇਗਾ। ਫ਼ੈਸਲੇ ਦਾ ਐਲਾਨ ਮੰਗਲਵਾਰ ਨੂੰ ਕੀਤਾ ਗਿਆ। ਨਵਾਂ ਨਿਯਮ 15 ਦਸੰਬਰ ਤੋਂ ਲਾਗੂ ਹੋਵੇਗਾ।

ਪਹਿਲੇ ਬਾਹਰ ਤੋਂ ਆਉਣ ਵਾਲੇ ਲੋਕਾਂ ਨੂੰ ਦੋ ਹਫ਼ਤੇ ਤਕ ਕੁਆਰੰਟਾਈਨ ਵਿਚ ਰਹਿਣਾ ਹੁੰਦਾ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਸਰਕਾਰ ਦੇ ਇਸ ਕਦਮ ਤੋਂ ਸੈਰਸਪਾਟਾ ਖੇਤਰ ਦੇ ਹਾਲਾਤ ਸੁਧਰਨਗੇ। ਖ਼ਾਸ ਗੱਲ ਇਹ ਹੈ ਕਿ ਉੱਤਰੀ ਆਇਰਲੈਂਡ, ਵੇਲਜ਼ ਅਤੇ ਸਕਾਟਲੈਂਡ ਤੋਂ ਆਉਣ ਵਾਲੇ ਲੋਕਾਂ ਨੂੰ ਕੋਈ ਰਾਹਤ ਨਹੀਂ ਮਿਲੀ ਹੈ। ਉਧਰ, ਦੁਨੀਆ ਭਰ ਵਿਚ ਕੋਰੋਨਾ ਪ੍ਰਭਾਵਿਤ ਮਰੀਜ਼ਾਂ ਦੀ ਗਿਣਤੀ ਪੰਜ ਕਰੋੜ 90 ਲੱਖ ਤੋਂ ਜ਼ਿਆਦਾ ਹੋ ਗਈ ਹੈ।

ਸਿਰਫ਼ ਦੋ ਦਿਨਾਂ ਅੰਦਰ 10 ਲੱਖ ਤੋਂ ਜ਼ਿਆਦਾ ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਮਹਾਮਾਰੀ ਤੋਂ ਸਭ ਤੋਂ ਜ਼ਿਆਦਾ ਅਮਰੀਕਾ ਪ੍ਰਭਾਵਿਤ ਹੈ। ਉੱਥੇ ਇਕ ਕਰੋੜ 20 ਲੱਖ ਤੋਂ ਜ਼ਿਆਦਾ ਲੋਕ ਕੋਰੋੋਨਾ ਪ੍ਰਭਾਵਿਤ ਹਨ ਅਤੇ ਹੁਣ ਤਕ 2 ਲੱਖ 57 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਮਿ੍ਤਕਾਂ ਦੀ ਗਿਣਤੀ ਦੇ ਮਾਮਲੇ ਵਿਚ ਦੂਜੇ ਨੰਬਰ 'ਤੇ ਬ੍ਰਾਜ਼ੀਲ ਹੈ। ਇੱਥੇ ਮਿ੍ਤਕਾਂ ਦੀ ਗਿਣਤੀ ਇਕ ਲੱਖ 70 ਹਜ਼ਾਰ ਤੋਂ ਜ਼ਿਆਦਾ ਹੋ ਗਈ ਹੈ।

ਮਲੇਸ਼ੀਆ ਦੀ ਸਰਕਾਰ ਨੇ ਰਬੜ ਦੇ ਦਸਤਾਨੇ ਬਣਾਉਣ ਵਾਲੀਆਂ ਫੈਕਟਰੀ 'ਟਾਪ ਗਲੱਵ ਕਾਰਪ' ਦੀਆਂ ਕੁਝ ਫੈਕਟਰੀਆਂ ਨੂੰ ਕੁਝ ਸਮੇਂ ਲਈ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਦੋ ਹਜ਼ਾਰ ਤੋਂ ਜ਼ਿਆਦਾ ਕਰਮਚਾਰੀਆਂ ਦੇ ਪਾਜ਼ੇਟਿਵ ਆਉਣ ਪਿੱਛੋਂ ਇਹ ਕਦਮ ਚੁੱਕਿਆ ਗਿਆ ਹੈ। ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਉਹ 'ਟਾਪ ਗਲੱਵ ਕਾਰਪ' ਦੀਆਂ ਦੇਸ਼ ਵਿਚ ਸਥਿਤ 28 ਫੈਕਟਰੀਆਂ ਨੂੰ ਪੜਾਅਵਾਰ ਤਰੀਕੇ ਨਾਲ ਬੰਦ ਕਰੇਗੀ। ਇਸ ਐਲਾਨ ਪਿੱਛੋਂ ਟਾਪ ਗਲੱਵ ਦੇ ਸ਼ੇਅਰ ਕਾਫ਼ੀ ਡਿੱਗ ਗਏ ਹਨ। ਮਹਾਮਾਰੀ ਵਿਚ ਵੱਡੀ ਡਿਮਾਂਡ ਕਾਰਨ ਇਸ ਸਾਲ ਕੰਪਨੀ ਨੂੰ ਰਿਕਾਰਡ ਮੁਨਾਫ਼ਾ ਹੋਇਆ ਹੈ।  

 

ਸਲੇਮਪੁਰੀ ਦੀ ਚੂੰਢੀ -

ਆਉ ਸਨਮਾਨਿਤ ਕਰੀਏ!
-ਹਰ ਰੋਜ ਵੱਖ ਵੱਖ ਸਮਾਜ ਸੇਵੀ ਸੰਸਥਾਵਾਂ ਦੇ ਆਗੂ ਸਮਾਜ ਵਿਚ ਚੰਗੇ ਕੰਮ ਕਰਨ ਵਾਲਿਆਂ ਦਾ ਹੌਸਲਾ ਵਧਾਉਣ ਲਈ ਸਨਮਾਨ ਕਰਦੇ ਰਹਿੰਦੇ ਹਨ।ਸਮਾਜ ਵਿਚ ਕੁਝ ਅਜਿਹੀਆਂ ਸਮਾਜ ਸੇਵੀ ਸੰਸਥਾਵਾਂ ਵੀ ਹਨ, ਜਿਹੜੀਆਂ ਬਹੁਤ ਭਲਾਈ ਦੇ ਕੰਮਾਂ ਵਿਚ ਜੁਟੀਆਂ ਹੋਈਆਂ ਹਨ, ਉਨ੍ਹਾਂ ਦੇ ਪ੍ਰਬੰਧਕਾਂ ਦਾ ਸਨਮਾਨ ਕਰਨਾ ਵੀ ਸਾਡਾ ਫਰਜ ਬਣਦਾ ਹੈ, ਤਾਂ ਜੋ ਉਨ੍ਹਾਂ ਦੇ ਹੌਸਲੇ ਹੋਰ ਬੁਲੰਦ ਕੀਤੇ ਜਾ ਸਕਣ। ਪਿਛਲੇ ਦਿਨੀਂ  ਸੁਭਾਵਿਕੇ ਹੀ ਇਕ ਸਮਾਜ ਸੇਵੀ ਸੰਸਥਾ ਵਲੋਂ ਇੱਕ ਲੜਕੀ ਨੂੰ ਜਾਰੀ ਕੀਤਾ ਗਿਆ 'ਤਜਰਬਾ ਸਰਟੀਫਿਕੇਟ' ਵੇਖਕੇ ਜਦੋਂ ਮੈਂ ਉਸ ਲੜਕੀ ਨੂੰ ਪੁੱਛਿਆ ਕਿ, ਤੂੰ ਉਥੇ ਕੰਮ ਕੀਤਾ ਹੈ ਤਾਂ ਉਸ ਨੇ ਦੱਸਿਆ ਕਿ ਨਹੀਂ, ਮੈਂ ਉਥੇ ਕੰਮ ਨਹੀਂ ਕੀਤਾ, ਕੰਮ ਤਾਂ ਮੈਂ ਕਿਤੇ ਹੋਰ ਕਰਦੀ ਸੀ, ਪਰ ਮੈਂ 12000 ਰੁਪਏ ਦੇ ਕੇ 'ਤਜਰਬਾ ਸਰਟੀਫਿਕੇਟ'    ਲਿਆ  ਹੈ। ਲੜਕੀ ਦੀ ਗੱਲ ਸੁਣ ਕੇ ਮੇਰੇ ਦਿਮਾਗ ਵਿਚ ਆਇਆ ਕਿ 'ਅਜਿਹੀਆਂ ਸਮਾਜ ਸੇਵੀ ਸੰਸਥਾਵਾਂ ਦੇ ਪ੍ਰਬੰਧਕਾਂ' ਦਾ ਸਨਮਾਨ ਕਰਨਾ ਵੀ ਬਣਦਾ, ਜਿਹੜੀਆਂ ਕਿਸੇ ਨਾ ਕਿਸੇ ਰੂਪ ਵਿਚ ਸਮਾਜ ਸੇਵਾ ਦੇ ਕੰਮਾਂ ਵਿਚ ਜੁਟੀਆਂ ਹੋਈਆਂ ਹਨ। ਦੂਸਰਾ ਮੇਰੇ ਦਿਮਾਗ ਵਿਚ ਉਨ੍ਹਾਂ ਮਹਾਨ ਸਖਸ਼ੀਅਤਾਂ ਨੂੰ ਸਨਮਾਨਿਤ ਕਰਨ ਬਾਰੇ ਵਿਚਾਰ ਆਇਆ, ਜਿਹੜੀਆਂ ਕੋਈ ਨਾ ਕੋਈ 'ਉਪਾਅ' ਦੱਸਕੇ ਲੋਕਾਂ ਦੇ ਕੰਮ ਸੁਆਰਨ ਵਿਚ ਲੱਗੀਆਂ ਹੋਈਆਂ ਹਨ। ਆਮ ਤੌਰ 'ਤੇ ਕਈ ਵਾਰ ਕਈ ਸਰਕਾਰੀ ਕੰਮ ਬਹੁਤ ਪੇਚੀਦਾ ਹੁੰਦੇ ਹਨ, ਅਜਿਹੇ ਕੰਮ ਕਰਵਾਉਣ ਲਈ ਕਈ ਕਈ ਦਿਨ ਨਹੀਂ ਕਈ ਕਈ ਮਹੀਨੇ ਲੱਗ ਜਾਂਦੇ ਹਨ, ਜਿਸ ਨਾਲ ਬਹੁਤ ਸਮਾਂ ਵਿਅਰਥ ਚਲਿਆ ਜਾਂਦਾ ਹੈ, ਮਾਨਸਿਕ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਅਤੇ ਅਜਿਹੇ ਕੰਮ ਜਲਦੀ ਕਰਵਾਉਣ ਲਈ ਕੋਈ 'ਉਪਾਅ ' ਕਰ ਲੈਣਾ ਹੀ ਬਿਹਤਰ ਹੁੰਦਾ ਹੈ। ਕੋਈ 'ਉਪਾਅ' ਪੁੱਛਣ ਲਈ ਕਿਸੇ 'ਪੰਡਿਤ' ਕੋਲ ਨਹੀਂ ਦਫਤਰ ਵਿਚ ਬੈਠੀ ਕਿਸੇ ਸਖਸ਼ੀਅਤ ਨੂੰ ਪੁੱਛ ਲੈਣਾ ਚਾਹੀਦਾ ਹੈ। ਕਈ ਅਜਿਹੇ ਕੰਮ ਹੁੰਦੇ ਹਨ, ਜਿਨ੍ਹਾਂ ਦੀ ਜਲਦੀ ਲੋੜ ਹੁੰਦੀ ਹੈ । ਕਈ ਵਾਰ ਦੇਰੀ ਨਾਲ ਹੋਇਆ ਕੰਮ ਬਹੁਤ ਨੁਕਸਾਨਦਾਇਕ ਹੋ ਨਿਬੜਦਾ ਹੈ। ਵੇਖਿਆ ਗਿਆ ਹੈ ਕਿ ਦਫਤਰਾਂ ਵਿਚ ਬੈਠੀਆਂ ਸਾਰੀਆਂ ਨਹੀਂ, ਕੁਝ ਕੁ ਅਜਿਹੀਆਂ ਸਖਸ਼ੀਅਤਾਂ ਹੁੰਦੀਆਂ ਹਨ, ਜਿਹੜੀਆਂ ਕੰਮ ਦਾ ਭਾਰ ਵੇਖਕੇ 'ਉਪਾਅ'   ਦੱਸਕੇ ਉਸ ਦਾ ਭਲਾ ਕਰ ਦਿੰਦੀਆਂ ਹਨ। ਇਸ ਤਰ੍ਹਾਂ ਦਫਤਰਾਂ ਵਿਚ ਬੈਠੀਆਂ ਮਹਾਨ ਸਖਸ਼ੀਅਤਾਂ ਸਮਾਜ ਦਾ ਭਲਾ ਕਰਨ ਵਿਚ ਲੱਗੀਆਂ ਰਹਿੰਦੀਆਂ ਹਨ। ਕਈ ਦਫਤਰਾਂ ਵਿਚ ਕੁਝ ਅਜਿਹੀਆਂ 'ਰੱਬ' ਰੂਪੀ ਸ਼ਖਸੀਅਤਾਂ ਬੈਠੀਆਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਹਰੇਕ ਮਹੀਨੇ 'ਮੱਥਾ' ਟੇਕਣ ਵਿਚ ਹੀ ਲੋਕਾਂ ਦਾ ਭਲਾ ਹੁੰਦਾ ਰਹਿੰਦਾ ਹੈ। ਇਸ ਲਈ "ਤਜਰਬਾ ਸਰਟੀਫਿਕੇਟ" ਦੇਣ ਵਾਲੀਆਂ ਸਮਾਜ ਸੇਵੀ ਸੰਸਥਾਵਾਂ ਅਤੇ ਦਫਤਰਾਂ ਵਿਚ ਬੈਠੀਆਂ 'ਰੱਬ' ਰੂਪੀ ਸਖਸ਼ੀਅਤਾਂ ਜੋ ਕੰਮ ਕਰਵਾਉਣ ਦੇ "ਉਪਾਅ" ਦੱਸਕੇ ਸਮਾਜ ਭਲਾਈ ਦੇ ਕੰਮਾਂ ਵਿਚ ਦਿਨ-ਰਾਤ ਮਿਹਨਤ ਕਰ ਰਹੀਆਂ ਹਨ, ਨੂੰ ਸਮੇਂ ਸਮੇਂ 'ਤੇ ਸਨਮਾਨਿਤ ਕਰਨ ਲਈ ਸਮਾਜ ਸੇਵੀ ਸੰਸਥਾਵਾਂ ਦੇ ਨਾਲ ਮਿਲ ਕੇ ਆਮ ਲੋਕਾਂ ਨੂੰ ਵੀ ਅੱਗੇ ਆਉਣਾ ਚਾਹੀਦਾ ਹੈ ਤਾਂ ਜੋ ' ਰੱਬ ' ਰੂਪੀ ਸਖਸ਼ੀਅਤਾਂ ਦੇ ਹੌਸਲੇ ਹੋਰ ਬੁਲੰਦ ਹੋ ਸਕਣ!
-ਸੁਖਦੇਵ ਸਲੇਮਪੁਰੀ
09780620233

 *ਆਹ! ਪ੍ਰਮਾਣੂ - ਹਥਿਆਰ*

-ਆਮ ਤੌਰ 'ਤੇ  ਮਨੁੱਖ ਆਪਣੀ ਜਾਂ ਆਪਣੀ ਚਲ-ਅਚੱਲ ਜਾਇਦਾਦ ਦੀ ਰੱਖਿਆ ਲਈ ਹਥਿਆਰਾਂ ਦੀ ਵਰਤੋਂ ਕਰਦਾ ਹੈ। ਹਥਿਆਰਾਂ ਵਿਚ ਡੰਡੇ, ਚਾਕੂ ਤੋਂ ਲੈ ਕੇ ਤੋਪਾਂ, ਰਾਕਟ-ਲਾਂਚਰ ਸ਼ਾਮਲ ਹੋ ਸਕਦੇ ਹਨ, ਜਦਕਿ ਇੱਕ ਦੇਸ਼ ਦੂਜੇ ਦੇਸ਼ ਤੋਂ ਆਪਣੀ ਰੱਖਿਆ ਲਈ ਤੋਪਾਂ, ਰਾਕਟ, ਮਿਜਾਈਲਾਂ ਅਤੇ ਜਹਾਜ਼ਾਂ ਦੀ ਵਰਤੋਂ ਕਰਦਾ ਹੈ, ਪਰ ਸਿਆਸੀ ਖਿੱਤੇ ਵਿੱਚ ਆਪਣੀ ਸਿਆਸੀ ਮਜਬੂਤੀ  ਅਤੇ ਸੁਰੱਖਿਆ ਲਈ ਸਿਆਸੀ ਆਗੂ ਉਪਰਲੇ ਹਥਿਆਰਾਂ ਦੀ ਵਰਤੋਂ ਨਹੀਂ ਕਰਦੇ, ਸਗੋਂ ਆਪਣੇ ਵਿਰੋਧੀ /ਦੁਸ਼ਮਣ ਨੂੰ ਆਪਣੀ ਸਿਆਸਤ ਨਾਲ ਖਤਮ ਕਰਨ ਲਈ ਸਿਆਸਤ ਦੀ ਵਰਤੋਂ ਕਰਦੇ ਹਨ। ਸੰਸਾਰ ਦੇ ਜਿੰਨੇ ਵੀ ਦੇਸ਼ ਹਨ, ਉਨ੍ਹਾਂ ਵਿਚੋਂ ਭਾਰਤ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਦੇ ਸਿਆਸਤਦਾਨ ਆਪਣੀ ਕੁਰਸੀ ਦੀ ਸੁਰੱਖਿਅਤਾ ਲਈ ਅਤੇ ਆਪਣੇ ਵਿਰੋਧੀਆਂ ਨੂੰ ਖਤਮ ਕਰਨ ਜਿਸ ਸਿਆਸਤ ਰੂਪੀ ਮਾਰੂ ਹਥਿਆਰ ਦੀ ਵਰਤੋਂ ਕਰਦੇ ਹਨ, ਪੂਰੀ ਤਰ੍ਹਾਂ ਫਿਲਟਰ ਕੀਤੀ ਹੁੰਦੀ ਹੈ। ਭਾਰਤ ਵਿਚ ਜਿਸ ਸਿਆਸੀ ਪਾਰਟੀ ਦਾ ਕੇਂਦਰ ਉਪਰ ਕਬਜ਼ਾ ਹੁੰਦਾ ਹੈ, ਉਹ ਆਪਣੇ ਵਿਰੋਧੀਆਂ ਨੂੰ ਸਬਕ ਸਿਖਾਉਣ ਲਈ ਆਮ ਤੌਰ 'ਤੇ ਸੀ. ਬੀ. ਆਈ. ਅਤੇ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੀ ਹਥਿਆਰ ਵਜੋਂ ਵਰਤੋਂ ਕਰਦੀ ਹੈ, ਹਾਲਾਂਕਿ ਇਨ੍ਹਾਂ ਦੋਵੇਂ ਸੰਸਥਾਵਾਂ ਦੀ ਸਥਾਪਨਾ ਦੇਸ਼ ਦੀ ਬਿਹਤਰੀ ਲਈ ਕੀਤੀ ਗਈ ਸੀ। ਕੇਂਦਰ ਉਪਰ ਕਾਬਜ ਸਿਆਸੀ ਪਾਰਟੀ ਦੇ ਆਗੂ ਆਪਣੇ ਵਿਰੋਧੀਆਂ ਨੂੰ ਦਬਾਉਣ ਲਈ ਕਈ ਵਾਰ ਉਨ੍ਹਾਂ ਉਪਰ ਦੇਸ਼ ਧ੍ਰੋਹ ਅਤੇ ਅੱਤਵਾਦ ਨਾਲ ਸਬੰਧਿਤ ਕਾਨੂੰਨਾਂ ਨੂੰ ਹਥਿਆਰ ਦੇ ਤੌਰ 'ਤੇ ਵਰਤ ਕੇ  ਜੇਲਾਂ ਵਿਚ ਧੱਕਣ ਤੋਂ ਵੀ ਗੁਰੇਜ ਨਹੀਂ ਕਰਦੇ ।  ਇਸੇ ਤਰਜ 'ਤੇ ਦੇਸ਼ ਦੀਆਂ ਰਾਜ ਸਰਕਾਰਾਂ ਆਪਣੀ ਸਿਆਸਤ ਚਲਾਉੰਦੀਆਂ ਹਨ। ਜਿਸ ਰਾਜ ਵਿਚ ਜਿਸ ਸਿਆਸੀ ਪਾਰਟੀ ਦੀ ਸਰਕਾਰ ਹੁੰਦੀ ਹੈ, ਉਸ ਨਾਲ ਸਬੰਧਿਤ ਸਿਆਸਤਦਾਨ ਆਪਣੀ ਕੁਰਸੀ ਨੂੰ ਸੁਰੱਖਿਅਤ ਰੱਖਣ ਲਈ ਵਿਰੋਧੀਆਂ /ਦੁਸ਼ਮਣਾਂ ਨੂੰ ਸਬਕ ਸਿਖਾਉਣ ਲਈ ਵਿਜੀਲੈਂਸ ਬਿਊਰੋ ਨੂੰ ਇੱਕ ਹਥਿਆਰ ਦੇ ਤੌਰ 'ਤੇ ਵਰਤੋਂ ਵਿਚ ਲਿਆਂਉਂਦੇ ਹਨ। ਰਾਜ ਸਰਕਾਰਾਂ 'ਤੇ ਕਾਬਜ ਸਿਆਸੀ ਪਾਰਟੀਆਂ ਦੇ ਸਿਆਸਤਦਾਨ ਤਾਂ ਕਈ ਵਾਰ ਇਥੋਂ ਤਕ ਸਿਆਸੀ ਤੀਰ ਮਾਰ ਜਾਂਦੇ ਹਨ, ਕਿ ਉਹ ਕਿਸੇ ਚੰਗੇ ਭਲੇ  ਸਿਆਸਤਦਾਨ ਨੂੰ ਕਿਸੇ ਔਰਤ ਨਾਲ ਜਬਰ-ਜਨਾਹ ਕਰਨ ਦੇ ਦੋਸ਼ ਵਿਚ ਫਸਾ ਕੇ ਕੇਵਲ ਬਦਨਾਮ ਹੀ ਨਹੀਂ ਕਰਦੇ ਸਗੋਂ ਜੇਲ੍ਹ ਵਿੱਚ ਬੰਦ ਕਰਕੇ ਸਦਾ ਸਦਾ ਲਈ ਦਿਮਾਗੀ ਅਤੇ ਸਿਆਸੀ ਤੌਰ 'ਤੇ ਕੰਡਮ ਕਰਨ ਲਈ ਵੀ ਕੋਈ ਕਸਰ ਨਹੀਂ ਛੱਡਦੇ । ਕੇਂਦਰ ਅਤੇ ਰਾਜਾਂ ਉਪਰ ਕਾਬਜ ਸਰਕਾਰਾਂ ਨਾਲ ਸਬੰਧਿਤ ਸਿਆਸਤਦਾਨ ਆਪਣੇ ਵਿਰੋਧੀਆਂ ਨੂੰ ਰਿਸ਼ਵਤਖੋਰੀ, ਜਮੀਨਾਂ ਉਪਰ ਕਬਜੇ ਕਰਨ, ਨਜਾਇਜ ਹਥਿਆਰ ਰੱਖਣ ਅਤੇ ਨਸ਼ਿਆਂ ਦੀ ਖਰੀਦੋ-ਫਰੋਖਤ ਕਰਨ ਦੇ ਮਾਮਲਿਆਂ ਨਾਲ ਨਜਿੱਠਣ ਲਈ ਬਣੇ ਕਾਨੂੰਨਾਂ  ਨੂੰ ਹਥਿਆਰ ਦੀ ਤਰ੍ਹਾਂ ਵਰਤ ਕੇ ਇਸ ਤਰ੍ਹਾਂ ਟੰਗ ਕੇ  ਰੱਖ ਦਿੰਦੇ ਹਨ, ਕਿ ਬੰਦਾ ਜਿੰਦਗੀ ਭਰ ਉੱਠ ਨਹੀਂ ਸਕਦਾ । ਸਾਡੇ ਸਿਆਸਤਦਾਨ ਦੇਸ਼ ਅਤੇ ਦੇਸ਼ ਦੇ ਲੋਕਾਂ ਦੀ ਬਿਹਤਰੀ ਲਈ ਘੱਟ ਸਗੋਂ ਇਕ ਦੂਜੇ ਨੂੰ ਨੀਵਾਂ ਦਿਖਾਉਣ ਅਤੇ ਸਿਆਸੀ ਕਿੜਾਂ ਕੱਢਣ ਲਈ ਸਿਆਸਤ ਨੂੰ ਪ੍ਰਮਾਣੂ ਹਥਿਆਰ ਦੇ ਰੂਪ ਵਿਚ  ਵਰਤਕੇ ਆਪਣੀ ਕੁਰਸੀ  ਨੂੰ ਸੁਰੱਖਿਅਤ ਰੱਖਣ ਲਈ ਸਿਆਸਤ ਕਰਦੇ ਹਨ।ਕੁਰਸੀ ਦੀ ਮਜਬੂਤੀ ਲਈ, ਕੁਰਸੀ ਸੁਰੱਖਿਆ ਲਈ , ਸਿਆਸੀ ਵਿਰੋਧੀਆਂ ਦਾ ਮੂੰਹ ਬੰਦ ਕਰਵਾਉਣ ਅਤੇ ਦਬਾਕੇ ਰੱਖਣ ਲਈ ਦੇਸ਼ ਦੇ ਸਿਆਸਤਦਾਨਾਂ ਕੋਲ 'ਸਿਆਸੀ ਚਲਾਕੀਆਂ' ਹੀ "ਪ੍ਰਮਾਣੂ ਹਥਿਆਰ"ਹਨ। ਸਿਆਸੀ ਪਾਰਟੀਆਂ ਵਿਚ ਇਕ ਦੂਜੇ ਨੂੰ ਦਬਾਕੇ ਰੱਖਣ ਲਈ "ਸਿਆਸੀ ਚਲਾਕੀਆਂ" ਦਾ ਪ੍ਰਵਾਹ ਅਕਸਰ ਚੱਲਦਾ ਰਹਿੰਦਾ ਹੈ ਅਤੇ ਦੇਸ਼ ਵਿਚ ਇਸ ਨੂੰ ਹੀ "ਸਿਆਸਤ" ਦਾ ਨਾਂਅ ਦਿੱਤਾ ਗਿਆ ਹੈ , ਜਿਸ ਨੂੰ ਸਮਝਣਾ ਆਮ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਦਾ ਕੰਮ ਹੁੰਦਾ ਹੈ। ਵਿਚਾਰੇ ਆਮ ਲੋਕ ਤਾਂ ਸਿਆਸੀ ਮੀਟਿੰਗਾਂ ਅਤੇ ਰੈਲੀਆਂ ਤੋਂ ਪਹਿਲਾਂ ਦਰੀਆਂ ਵਿਛਾਉਣ ਅਤੇ ਬਾਅਦ ਵਿਚ ਦਰੀਆਂ ਇਕੱਠੀਆਂ ਕਰਨ ਤੱਕ ਹੀ ਸੀਮਿਤ ਹੋ ਕੇ ਰਹਿ ਜਾਂਦੇ ਹਨ। 

-ਸੁਖਦੇਵ ਸਲੇਮਪੁਰੀ

09780620233

20 ਨਵੰਬਰ, 2020.

News By;Amanjit Singh Khaira(Jan Shakti News Punjab)

A cross party group of MPs and Lords met this week to press for the long awaited construction of the Western Rail Link to Heathrow. Led by Tan Dhesi MP (Slough) and Laura Farris MP (Newbury) the group highlighted the economic and environmental benefits of the project and called for the Government to work with Heathrow Airport and Network Rail to ensure the project is delivered by the end of the decade.

The WRLtH is a four mile stretch of rail track linking Slough and Heathrow, which is not only the number one infrastructure priority in the Thames Valley region, but would ensure that 20% of the UK population - from Wales, the West and the South - would be within one interchange of Britain’s main airport.

Passengers would see journey times between Slough and Heathrow reduce to 6 minutes and those travelling from Reading could be into the airport in just 26 minutes. It would give the economy a projected £800 million boost, while removing the need for passengers travelling from the West to go first into London Paddington, making it a practical alternative to road travel; thereby easing congestion and reducing emissions.

If built, this rail link would deliver huge environmental, economic and practical benefits to local constituents and the wider country.

Tan Dhesi MP said:

“I’m delighted the Western Rail Link to Heathrow APPG met and pleased to see such excellent cross party support for this transformative project. Improving connectivity for my Slough constituents has been a priority of mine and I hope to see much more progress over the coming months to ensure the economic and environmental benefits of this scheme are realised.”

 

Attendees

Tan Dhesi MP (Co-Chair)

Laura Farris MP (Co-Chair)

Christina Rees MP (Secretary)

Seema Malhotra MP (Treasurer)

Sir Peter Bottomley MP (Vice Chair)

Lord Andrew Adonis (Vice Chair)

Lord William Bradshaw

Lord Dennis Tunnicliffe

Wera Hobhouse MP

Kerry McCarthy MP

Chris Evans MP

Ben Bradshaw MP

Ruth Cadbury MP

James Sunderland MP

Office of David Johnston MP

Anna Holbrook

(ਫੋਟੋ ਗੁਰਮੀਤ ਕੌਰ ਸਹੋਤਾ)  

ਸਮੈਦਿਕ /ਬਰਮਿੰਘਮ ,ਨਵੰਬਰ 2020 -( ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿੰਦਰਪਾਲ ਸਿੰਘ  )-

 ਇੰਗਲੈਂਡ ਤੋਂ ਡਿਪੋਰਟ ਕੀਤੀ ਜਾ ਰਹੀ ਇਕ ਬਿਰਧ ਸਿੱਖ ਔਰਤ ਦੇ ਹੱਕ ਵਿਚ ਹਜ਼ਾਰਾਂ ਲੋਕ ਨਿੱਤਰੇ ਹਨ। ਕਰੀਬ 62 ਹਜ਼ਾਰ ਲੋਕਾਂ ਨੇ ਗੁਰਮੀਤ ਕੌਰ ਸਹੋਤਾ (75) ਦੇ ਹੱਕ ਵਿਚ ਆਨਲਾਈਨ ਪਟੀਸ਼ਨ ਉਤੇ ਦਸਤਖ਼ਤ ਕੀਤੇ ਹਨ। ਗੁਰਮੀਤ ਕੌਰ ਵਿਧਵਾ ਹੈ ਤੇ ਇੰਗਲੈਂਡ ਵਿਚ ਦਸ ਸਾਲ ਤੋਂ ਰਹਿ ਰਹੀ ਹੈ। ਉਸ ਨੇ ਉੱਥੇ ਘਰ ਵੀ ਉਸਾਰ ਲਿਆ ਹੈ। ਲੋਕ ਉਸ ਨੂੰ ਭਾਰਤ ਵਾਪਸ ਨਾ ਭੇਜਣ ਦੀ ਮੰਗ ਕਰ ਰਹੇ ਹਨ। ਉਹ 2009 ਵਿਚ ਇੰਗਲੈਂਡ ਆਈ ਸੀ ਤੇ ਵੈਸਟ ਮਿਡਲੈਂਡਜ਼ ਦੇ ਸਮੈਥਵਿਕ ਵਿਚ ਰਹਿ ਰਹੀ ਹੈ। ਪਰਵਾਸੀ ਵਜੋਂ ਉਸ ਕੋਲ ਕੋਈ ਕਾਨੂੰਨੀ ਦਸਤਾਵੇਜ਼ ਨਹੀਂ ਹੈ। ਯੂਕੇ ਵੀਜ਼ਾ ਤੇ ਆਵਾਸ ਨੇਮਾਂ ਮੁਤਾਬਕ ਸਹੋਤਾ ਨੂੰ ਵਾਪਸ ਭੇਜੇ ਜਾਣ ਦੀ ਕਾਫ਼ੀ ਸੰਭਾਵਨਾ ਹੈ। ਹਾਲਾਂਕਿ ਭਾਰਤ ਵਿਚ ਉਸ ਦਾ ਕੋਈ ਪਰਿਵਾਰ ਨਹੀਂ ਹੈ। ਇਸ ਲਈ ਸਥਾਨਕ ਲੋਕ ਉਸ ਨੂੰ ਇੰਗਲੈਂਡ ਵਿਚ ਹੀ ਰਹਿਣ ਦੇਣ ਦੀ ਮੰਗ ਕਰ ਰਹੇ ਹਨ। ਉਸ ਦੇ ਹੱਕ ਵਿਚ ‘ਚੇਂਜ.ਔਰਗ’ ਉਤੇ ਪਟੀਸ਼ਨ ਪਾਈ ਗਈ ਹੈ।  

ਲੰਡਨ,ਨਵੰਬਰ ਗਿਆਨੀ  ਰਵਿੰਦਰਪਾਲ ਸਿੰਘ  

ਯੂਕੇ ਕੋਵਿਡ-19 ਕਰੋਨਾ ਵਾਇਰਸ  ਨਾਲ ਕੁੱਲ ਮੌਤਾਂ ਦੀ ਗਿਣਤੀ 50 ਹਜ਼ਾਰ ਪਾਰ ਕਰਨ ਵਾਲਾ ਪਹਿਲਾ ਯੂਰਪੀ ਅਤੇ  ਦੁਨੀਆਂ ਦਾ ਪੰਜਵਾਂ ਮੁਲਕ ਬਣ ਗਿਆ ਹੈ। ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਕਿਹਾ ਹੈ, ‘‘ਸਾਨੂੰ ਹਰੇਕ ਮੌਤ ਦਾ ਗ਼ਮ ਹੈ।’’

ਸਰਕਾਰ ਵਲੋਂ ਜਾਰੀ ਸਰਕਾਰੀ ਅੰਕੜਿਆਂ ਅਨੁਸਾਰ ਹੁਣ ਤੱਕ ਕੁੱਲ 12,56,725 ਲੋਕ ਕਰੋਨਾਵਾਇਰਸ ਪਾਜ਼ੇਟਿਵ ਪਾਏ ਗਏ ਹਨ। ਇਸ ਹਫ਼ਤੇ ਵਿੱਚ ਹੀ 22,950 ਨਵੇਂ ਕੇਸ ਆਏ ਹਨ। ਕਰੋਨਾਵਾਇਰਸ ਨਾਲ ਬੁੱਧਵਾਰ ਨੂੰ ਇਸ ਹਫ਼ਤੇ ਦੀਆਂ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਮੌਤਾਂ 595 ਨਵੀਆਂ ਮੌਤਾਂ ਨਾਲ ਦੇਸ਼ ਵਿੱਚ ਕੁੱਲ ਮੌਤਾਂ ਦੀ ਗਿਣਤੀ 50,365 ਹੋ ਗਈ ਹੈ। ਅਮਰੀਕਾ, ਬ੍ਰਾਜ਼ੀਲ, ਭਾਰਤ ਅਤੇ ਮੈਕਸਿਕੋ ਤੋਂ ਬਾਅਦ ਯੂਕੇ 50 ਹਜ਼ਾਰ ਮੌਤਾਂ ਦਾ ਅੰਕੜਾ ਪਾਰ ਕਰਨ ਵਾਲਾ ਪੰਜਵਾਂ ਮੁਲਕ ਬਣ ਗਿਆ ਹੈ। ਜੌਹਨਸਨ ਨੇ ਕਿਹਾ, ‘‘ਸਾਨੂੰ ਹਰੇਕ ਮੌਤ ਦਾ ਗ਼ਮ ਹੈ ਅਤੇ ਪੀੜਤ ਪਰਿਵਾਰਾਂ ਅਤੇ ਸਨੇਹੀਆਂ ਨਾਲ ਅਸੀਂ ਹਮਦਰਦੀ ਪ੍ਰਗਟਾਉਂਦੇ ਹਾਂ।’’

 

ਇਹ ਚੰਗਾ ਹੋਇਆ ਕਿ ਰਾਸ਼ਟਰਪਤੀ ਚੁਣੇ ਜਾਣ ਤੋਂ ਬਾਅਦ ਜੋਅ ਬਾਇਡਨ ਨੇ ਖ਼ਾਸ ਤੌਰ 'ਤੇ ਇਹ ਕਿਹਾ ਕਿ ਉਹ ਅਮਰੀਕਾ ਨੂੰ ਇਕਜੁੱਟ ਕਰਨਗੇ।

ਉਨ੍ਹਾਂ ਵੱਲੋਂ ਅਜਿਹਾ ਕੋਈ ਸੰਦੇਸ਼ ਦਿੱਤਾ ਜਾਣਾ ਇਸ ਲਈ ਜ਼ਰੂਰੀ ਸੀ ਕਿਉਂਕਿ ਅਮਰੀਕਾ ਇਸ ਤੋਂ ਪਹਿਲਾਂ ਵਿਚਾਰਕ ਰੂਪ 'ਚ ਏਨਾ ਜ਼ਿਆਦਾ ਵੰਡਿਆ ਹੋਇਆ ਕਦੇ ਨਹੀਂ ਦਿਸਿਆ। ਬਾਇਡਨ ਦੀ ਜਿੱਤ ਇਹ ਦੱਸ ਰਹੀ ਹੈ ਕਿ ਅਮਰੀਕੀ ਜਨਤਾ ਨੇ ਟਰੰਪ ਦੇ ਮੁਕਾਬਲੇ ਉਨ੍ਹਾਂ ਤੋਂ ਜ਼ਿਆਦਾ ਉਮੀਦਾਂ ਲਾ ਰੱਖੀਆਂ ਹਨ ਪਰ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਦਾ ਰਾਸ਼ਟਰਪਤੀ ਹੋਣ ਦੇ ਨਾਤੇ ਬਾਕੀ ਦੁਨੀਆ ਨੂੰ ਵੀ ਉਨ੍ਹਾਂ ਤੋਂ ਬਹੁਤ ਆਸਾਂ ਹਨ।

ਅਸਲ 'ਚ ਉਨ੍ਹਾਂ ਦੇ ਸਾਹਮਣੇ ਜਿੰਨੀ ਵੱਡੀ ਚੁਣੌਤੀ ਘਰੇਲੂ ਸਮੱਸਿਆਵਾਂ ਨਾਲ ਨਜਿੱਠਣ ਦੀ ਹੈ, ਓਨੀ ਹੀ ਆਲਮੀ ਸਮੱਸਿਆਵਾਂ ਨਾਲ ਵੀ। ਆਲਮੀ ਪੱਧਰ 'ਤੇ ਸਭ ਤੋਂ ਵੱਡੀ ਚੁਣੌਤੀ ਅੜੀਅਲ ਅਤੇ ਹੰਕਾਰੀ ਚੀਨ ਨੂੰ ਨੱਥ ਪਾਉਣ ਦੀ ਹੈ।

ਈਰਾਨ, ਤੁਰਕੀ ਅਤੇ ਉੱਤਰੀ ਕੋਰੀਆ ਪ੍ਰਤੀ ਤਾਂ ਉਨ੍ਹਾਂ ਦੀ ਸੰਭਾਵਿਤ ਨੀਤੀ ਦਾ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿਉਂਕਿ ਉਹ ਚੋਣ ਪ੍ਰਚਾਰ ਦੌਰਾਨ ਇਨ੍ਹਾਂ ਦੇਸ਼ਾਂ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਰਹੇ ਹਨ ਪਰ ਇਹ ਕਹਿਣਾ ਮੁਸ਼ਕਲ ਹੈ ਕਿ ਉਹ ਚੀਨ ਦੇ ਮਾਮਲੇ 'ਚ ਕਿਸ ਨੀਤੀ 'ਤੇ ਚੱਲਣਗੇ?

 

ਨਜ਼ਰ ਸਿਰਫ਼ ਇਸ 'ਤੇ ਹੀ ਨਹੀਂ ਹੋਵੇਗੀ ਕਿ ਉਹ ਚੀਨ ਨਾਲ ਅਮਰੀਕਾ ਦੇ ਵਪਾਰਕ ਵਿਵਾਦ ਨੂੰ ਕਿਵੇਂ ਸੁਲਝਾਉਂਦੇ ਹਨ ਸਗੋਂ ਇਸ 'ਤੇ ਵੀ ਹੋਵੇਗੀ ਕਿ ਉਹ ਬੀਜਿੰਗ ਦੀ ਵਿਸਤਾਰਵਾਦੀ ਨੀਤੀ ਨੂੰ ਨੱਥ ਪਾਉਣ ਲਈ ਕੀ ਕਾਰਗਰ ਕਦਮ ਚੁੱਕਦੇ ਹਨ?

ਬਾਇਡਨ ਦੀ ਚੀਨ ਨੀਤੀ 'ਤੇ ਭਾਰਤ ਦੀ ਜ਼ਿਆਦਾ ਦਿਲਚਸਪੀ ਹੋਣਾ ਸੁਭਾਵਿਕ ਹੈ ਕਿਉਂਕਿ ਚੀਨੀ ਫ਼ੌਜ ਆਪਣੇ ਹਮਲਾਵਰ ਰਵੱਈਏ ਤੋਂ ਬਾਜ਼ ਨਹੀਂ ਆ ਰਹੀ। ਬਾਇਡਨ ਵੱਲੋਂ ਅਫ਼ਗਾਨਿਸਤਾਨ ਅਤੇ ਪਾਕਿਸਤਾਨ ਨੂੰ ਲੈ ਕੇ ਅਪਣਾਏ ਜਾਣ ਵਾਲੇ ਰਵੱਈਏ 'ਚ ਵੀ ਭਾਰਤ ਦੀ ਦਿਲਚਸਪੀ ਹੋਵੇਗੀ। ਇਸ 'ਚ ਕੋਈ ਦੋ ਰਾਇ ਨਹੀਂ ਕਿ ਟਰੰਪ ਨੇ ਅਫ਼ਗਾਨਿਸਤਾਨ ਨੂੰ ਤਬਾਹ ਕਰਨ ਵਾਲੇ ਤਾਲਿਬਾਨ ਨਾਲ ਸਮਝੌਤਾ ਕਰ ਕੇ ਅੱਤਵਾਦ ਦੀ ਅਣਦੇਖੀ ਹੀ ਕੀਤੀ।

 

ਉਨ੍ਹਾਂ ਨੇ ਤਾਲਿਬਾਨ ਨਾਲ ਸਮਝੌਤਾ ਕਰ ਕੇ ਜਿੱਥੇ ਪਾਕਿਸਤਾਨ ਦੇ ਮਨ ਦੀ ਮੁਰਾਦ ਪੂਰੀ ਕੀਤੀ, ਉੱਥੇ ਹੀ ਭਾਰਤੀ ਹਿੱਤਾਂ ਨੂੰ ਅਣਗੌਲਿਆ ਕੀਤਾ। ਉਮੀਦ ਹੈ ਕਿ ਬਾਇਡਨ ਪ੍ਰਸ਼ਾਸਨ ਇਹ ਸਮਝਣ 'ਚ ਦੇਰ ਨਹੀਂ ਕਰੇਗਾ ਕਿ ਤਾਲਿਬਾਨ ਨੂੰ ਪਾਲਣ ਵਾਲਾ ਪਾਕਿਸਤਾਨ ਪਹਿਲਾਂ ਦੀ ਤਰ੍ਹਾਂ ਹੀ ਅੱਤਵਾਦ ਨੂੰ ਸਮਰਥਨ ਦੇਣ 'ਚ ਲੱਗਿਆ ਹੋਇਆ ਹੈ।

ਜਿੱਥੋਂ ਤਕ ਅਮਰੀਕਾ ਅਤੇ ਭਾਰਤ ਦੇ ਆਪਸੀ ਸਬੰਧਾਂ ਦੀ ਗੱਲ ਹੈ, ਇਸ 'ਤੇ ਤਕਰੀਬਨ ਸਾਰੇ ਇਕਮਤ ਹਨ ਕਿ ਦੋਵੇਂ ਦੇਸ਼ਾਂ ਦੇ ਰਿਸ਼ਤੇ ਹੋਰ ਮਜ਼ਬੂਤ ਹੋਣਗੇ। ਇਸ ਦਾ ਇਕ ਕਾਰਨ ਤਾਂ ਇਹ ਹੈ ਕਿ ਬਰਾਕ ਓਬਾਮਾ ਦੇ ਦੌਰ 'ਚ ਉਪ ਰਾਸ਼ਟਰਪਤੀ ਵਜੋਂ ਉਨ੍ਹਾਂ ਨੇ ਭਾਰਤ ਨਾਲ ਸਬੰਧ ਸੁਧਾਰਨ ਦੀ ਪਹਿਲ ਕੀਤੀ ਸੀ ਅਤੇ ਦੂਜਾ ਇਹ ਹੈ ਕਿ ਅੱਜ ਭਾਰਤ ਨੂੰ ਅਮਰੀਕਾ ਦੀ ਜਿੰਨੀ ਜ਼ਰੂਰਤ ਹੈ, ਓਨੀ ਹੀ ਉਸ ਨੂੰ ਵੀ ਭਾਰਤ ਦੀ ਹੈ। ਵੱਡੀ ਗੱਲ ਇਹ ਵੀ ਹੈ ਕਿ ਹੁਣ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਚੁਣੀ ਗਈ ਹੈ, ਜੋ ਭਾਰਤੀ-ਅਫ਼ਰੀਕੀ ਮੂਲ ਦੀ ਹੈ। ਇਹ ਅਮਰੀਕਾ ਦੇ ਨਾਲ-ਨਾਲ ਉੱਥੇ ਰਹਿ ਰਹੇ ਭਾਰਤੀ ਮੂਲ ਦੇ ਲੋਕਾਂ ਲਈ ਵੀ ਵੱਡੀ ਪ੍ਰਾਪਤੀ ਹੈ।