ਬਰਮਿੰਘਮ,   ਸਤੰਬਰ  2020-(ਗਿਆਨੀ ਰਵਿਦਾਰਪਾਲ ਸਿੰਘ  ) ਕੋਰੋਨਾ ਮਹਾਂਮਾਰੀ ਦਾ ਕਹਿਰ ਅਜੇ ਵੀ ਘੱਟ ਨਹੀਂ ਹੋ ਰਿਹਾ । ਬਰਮਿੰਘਮ ਦੇ ਇਕ ਹੋਸਟਲ ਵਿਚ 56 ਠਹਿਰਨ ਵਾਲੇ ਵਿਅਕਤੀ ਇਸ ਵਾਇਰਸ ਦੇ ਸ਼ਿਕਾਰ ਹੋਏ ਦੱਸੇ ਜਾ ਰਹੇ ਹਨ । ਪਤਾ ਲੱਗਦੇ ਸਾਰ ਇਨ੍ਹਾਂ ਸਾਰਿਆਂ ਨੂੰ ਹੋਸਟਲ ਤੋਂ ਬਾਹਰ ਕਿਸੇ ਹੋਰ ਜਗਾ ਭੇਜ ਦਿੱਤਾ ਗਿਆ ਹੈ । ਉਕਤ ਪਤਾ ਲੱਗਣ 'ਤੇ ਇਹ ਹੋਸਟਲ ਬੰਦ ਕਰ ਦਿੱਤਾ ਗਿਆ ਹੈ ਅਤੇ ਪੀੜਤਾਂ ਨੂੰ ਬਦਲਵੀਂ ਰਿਹਾਇਸ਼ 'ਚ ਭੇਜਿਆ ਗਿਆ ਹੈ ਜਿੱਥੇ ਉਹ ਇਕਾਂਤਵਾਸ 'ਚ ਹਨ ਅਤੇ ਉਨ੍ਹਾਂ ਨੂੰ ਬਿਹਤਰ ਸਹਾਇਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ । ਵੈਸਟ ਮਿਡਲੈਂਡਜ਼ ਕੰਬਾਈਡ ਅਥਾਰਟੀ ਦੇ ਨੇਤਾ ਇਯਾਨ ਵਾਰਡ ਨੇ ਸੰਬੋਧਨ ਕਰਦਿਆਂ ਪੁਸ਼ਟੀ ਕੀਤੀ ਕਿ ਐਜਬੈਸਟਨ ਸਟੋਨ ਰੋਡ ਦੇ ਹੋਸਟਲ ਵਿਚ ਕਈ ਵਸਨੀਕਾਂ ਨੂੰ ਕੋਰੋਨਾ ਪ੍ਰਭਾਵਿਤ ਪਾਇਆ ਗਿਆ ਸੀ । ਕੌਸਲ ਹੁਣ ਹੋਰ ਵਸਨੀਕਾਂ ਅਤੇ ਸਟਾਫ਼ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਗ੍ਰਹਿ ਦਫਤਰ ਅਤੇ ਪਬਲਿਕ ਹੈਲਥ ਇੰਗਲੈਂਡ ਨਾਲ ਕੰਮ ਕਰ ਰਹੀ ਹੈ । 

ਲੰਡਨ, ਅਗਸਤ 2020 -( ਅਮਨਜੀਤ ਸਿੰਘ ਖਹਿਰਾ)- ਈਲਿੰਗ ਕੌਸਲ 'ਚ ਡਿਉਟੀ ਕਰਨ ਵਾਲੀ 25 ਸਾਲਾ ਜੈਸਿਕਾ ਕੰਗ 'ਮਿਸ ਲੰਡਨ 2020' ਚੁਣੀ ਗਈ ਹੈ । ਲੰਡਨ ਦੇ ਤਾਜ 51 ਬਕਿੰਘਮ ਗੇਟ ਹੋਟਲ 'ਚ ਜੈਸਿਕਾ ਦੀ 'ਮਿਸ ਲੰਡਨ 2020' ਵਜੋਂ ਤਾਜਪੋਸ਼ੀ ਕੀਤੀ ਗਈ । ਜਦ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਇਸ ਮੁਕਾਬਲੇ ਦੇ ਪਹਿਲੇ ਪੜਾਵਾਂ ਦੇ ਮੁਕਾਬਲੇ ਲਈ ਹਿੱਸਾ ਲੈ ਰਹੀਆਂ ਪ੍ਰਤੀਯੋਗੀਆਂ ਵਲੋਂ ਆਪਣੇ ਹੁਨਰਾਂ ਦਾ ਪ੍ਰਦਰਸ਼ਨ ਆਨਲਾਈਨ ਵੀਡੀਓ ਰਾਹੀਂ ਕੀਤਾ ਗਿਆ । ਇਸ ਮੁਕਾਬਲੇ ਦਾ ਨਤੀਜਾ ਭਾਵੇਂ ਪਹਿਲਾਂ ਆ ਚੁੱਕਾ ਸੀ ਪਰ ਇਸ ਦੀ ਤਾਜਪੋਸ਼ੀ ਹੁਣ ਕੀਤੀ ਗਈ ਹੈ । ਮਿਸ ਲੰਡਨ ਬਣਨ ਤੋਂ ਬਾਦ ਜੈਸਿਕਾ ਹੁਣ ਮਿਸ ਇੰਗਲੈਂਡ ਮੁਕਾਬਲੇ 'ਚ ਹਿੱਸਾ ਲਵੇਗੀ ।

ਬਰਮਿੰਘਮ,ਅਗਸਤ 2020 -(ਗਿਆਨੀ ਰਵਿਦਰਪਾਲ ਸਿੰਘ )- ਸਿੱਖ ਕੌਸਲ ਯੂ.ਕੇ. ਬੀਤੇ ਕੁਝ ਮਹੀਨਿਆਂ ਤੋਂ ਦੋਫਾੜ ਹੈ ਅਤੇ ਆਪੋ ਆਪਣਾ ਦਾਅਵਾ ਜਿਤਾ ਰਹੇ ਸਿੱਖ ਆਗੂਆਂ ਵਲੋਂ ਨਵੀਆਂ ਕਮੇਟੀਆਂ ਦੀ ਸਥਾਪਨਾ ਲਈ ਦੌੜ ਲੱਗੀ ਹੋਈ ਹੈ ।ਮੌਜੂਦਾ ਐਗਜ਼ੈਕਟਿਵ ਕਮੇਟੀ ਦੇ ਮੈਂਬਰਾਂ ਦੇ ਸੱਦੇ 'ਤੇ ਸਿੱਖ ਕੌਸਲ ਯੂ. ਕੇ. ਦੀ ਜਨਰਲ ਅਸੈਂਬਲੀ ਦੀ ਮੀਟਿੰਗ ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਵਿਖੇ ਕੀਤੀ ਗਈ, ਜਿਸ ਵਿਚ 140 ਮੈਂਬਰਾਂ ਨੇ ਹਿੱਸਾ ਲਿਆ । ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਤੋਂ ਬਾਅਦ ਗੁਰੂ ਘਰ ਦੇ ਪ੍ਰਧਾਨ ਭਾਈ ਜਸਵਿੰਦਰ ਸਿੰਘ ਬਾਂਕਾ ਅਤੇ ਜਨਰਲ ਸਕੱਤਰ ਜਤਿੰਦਰ ਸਿੰਘ ਬਾਸੀ ਨੇ ਸੰਗਤਾਂ ਦਾ ਸਵਾਗਤ ਕੀਤਾ । ਉਪਰੰਤ ਆਨਲਾਈਨ ਹੋਈ ਮੀਟਿੰਗ 'ਚ ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ ਫ਼ਾਰ ਸਿੱਖ ਦੀ ਚੇਅਰ ਅਤੇ ਸ਼ੈੱਡੋ ਮੰਤਰੀ ਐਮ. ਪੀ. ਪ੍ਰੀਤ ਕੌਰ ਗਿੱਲ ਨੇ ਵੀ ਇਸ ਮੌਕੇ ਸੰਬੋਧਨ ਕਰਦਿਆਂ ਸਿੱਖ ਕੌਸਲ ਯੂ. ਕੇ. ਨਾਲ ਮਿਲ ਕੇ ਕੰਮ ਕਰਨ ਦਾ ਵਾਅਦਾ ਕੀਤਾ । ਮੀਟਿੰਗ ਦੌਰਾਨ ਸੁਖਵਿੰਦਰ ਸਿੰਘ ਅਤੇ ਸੁਖਜੀਵਨ ਸਿੰਘ ਨੇ ਵੀ ਆਪਣੇ ਵਿਚਾਰ ਰੱਖੇ ।ਇਸ ਮੌਕੇ ਕੋਵਿਡ-19 ਕਾਰਨ ਮੈਂਬਰਸ਼ਿਪ ਫ਼ੀਸ ਆਰਜ਼ੀ ਤੌਰ 'ਤੇ ਖ਼ਤਮ ਕਰਨ ਦੀ ਸਹਿਮਤੀ ਦਿੱਤੀ । 12 ਸਤੰਬਰ ਨੂੰ ਨਵੀਂ ਕਮੇਟੀ ਦੀ ਚੋਣ ਲਈ 5 ਸਿੱਖਾਂ ਪਰਵਿੰਦਰ ਕੌਰ (ਬ੍ਰਮਿੰਘਮ), ਮਨਕਮਲ ਸਿੰਘ (ਲੰਡਨ), ਹਰਨੇਕ ਸਿੰਘ (ਬਰੈਡਫੋਰਡ), ਮਨਦੀਪ ਸਿੰਘ (ਵਿਲਨਹਾਲ) ਅਤੇ ਹਰਜੀਤ ਸਿੰਘ (ਸੰਦਰਲੈਂਡ) ਦਾ ਪੈਨਲ ਬਣਾਇਆ ਗਿਆ । ਪੈਨਲ ਵਲੋਂ 30 ਮੈਂਬਰੀ ਐਗਜ਼ੈਕਟਿਵ ਕਮੇਟੀ ਅਤੇ 5 ਦਫ਼ਤਰੀ ਅਧਿਕਾਰੀਆਂ ਦਾ ਐਲਾਨ ਕੀਤਾ ਜਾਵੇਗਾ । ਸਿੱਖ ਕੌਸਲ ਯੂ.ਕੇ. ਦੇ ਲੋਗੋ ਅਤੇ ਨਾਂਅ ਨੂੰ ਲੈ ਕੇ ਵੀ ਕਾਨੂੰਨੀ ਮਾਹਿਰਾਂ ਦੀ ਸਲਾਹ ਲਈ ਜਾ ਰਹੀ ਹੈ ।  

ਮਾਨਚੈਸਟਰ, ਅਗਸਤ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ)-  ਦੂਜੇ ਵਿਸ਼ਵ ਯੁੱਧ ਵਿਚ ਬਰਤਾਨੀਆ ਲਈ ਜਾਸੂਸੀ ਕਰਨ ਵਾਲੀ ਭਾਰਤੀ ਮੂਲ ਦੀ ਪਹਿਲੀ ਔਰਤ ਜਾਸੂਸ ਨੂਰ ਇਨਾਇਤ ਖ਼ਾਨ ਨੂੰ 'ਬਲੂ ਪਲਾਕ' ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਤਹਿਤ ਉਨ੍ਹਾਂ ਦੇ ਸੈਂਟਰਲ ਲੰਡਨ ਸਥਿਤ ਪੁਰਾਣੇ ਘਰ ਦੇ ਬਾਹਰ ਉਨ੍ਹਾਂ ਦੇ ਕੰਮਾਂ ਦੇ ਬਾਰੇ ਵਿਚ ਦੱਸਦੀ ਇਕ ਪਲੇਟ ਲਗਾਈ ਜਾਵੇਗੀ। ਦੱਸਣਯੋਗ ਹੈ ਕਿ ਬਲੂ ਪਲਾਕ ਯੋਜਨਾ ਬਿ੍ਟਿਸ਼ ਹੈਰੀਟੇਜ ਚੈਰਿਟੀ ਵੱਲੋਂ ਚਲਾਈ ਜਾਂਦੀ ਹੈ। ਇਸ ਤਹਿਤ ਉਨ੍ਹਾਂ ਉੱਘੇ ਲੋਕਾਂ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ ਜੋ ਲੰਡਨ ਵਿਚ ਜਾਂ ਤਾਂ ਕਿਸੇ ਖ਼ਾਸ ਇਮਾਰਤ ਵਿਚ ਰਹੇ ਹੋਣ ਜਾਂ ਉਸ ਵਿਚ ਕੰਮ ਕੀਤਾ ਹੋਵੇ।

ਨੂਰ ਇਨਾਇਤ ਖ਼ਾਨ ਦੇ ਬਲੂਮਸਬਰੀ ਸਥਿਤ ਉਨ੍ਹਾਂ ਦੇ ਫੋਰ ਟੇਵਿਟਨ ਸਟ੍ਰੀਟ ਸਥਿਤ ਪੁਰਾਣੇ ਘਰ ਨੂੰ ਬਲੂ ਪਲਾਕ ਦਿੱਤਾ ਜਾਵੇਗਾ ਜਿੱਥੇ ਉਹ ਦੂਜੇ ਵਿਸ਼ਵ ਯੁੱਧ ਦੌਰਾਨ ਜਾਸੂਸ ਦੇ ਤੌਰ 'ਤੇ ਰਹੀ। ਮੈਸੂਰ ਦੇ ਸ਼ਾਸਕ ਟੀਪੂ ਸੁਲਤਾਨ ਦੀ ਵੰਸ਼ਜ਼ ਅਤੇ ਭਾਰਤੀ ਸੂਫੀ ਸੰਤ ਹਜ਼ਰਤ ਇਨਾਇਤ ਖ਼ਾਨ ਦੀ ਧੀ ਨੂਰ ਦੂਜੇ ਵਿਸ਼ਵ ਯੁੱਧ ਵਿਚ ਬਿ੍ਟੇਨ ਦੀ ਸਪੈਸ਼ਲ ਆਪਰੇਸ਼ਨ ਐਗਜ਼ੈਕਟਿਵ (ਐੱਸਓਈ) ਦੀ ਏਜੰਟ ਸੀ। 1944 ਵਿਚ 30 ਸਾਲਾਂ ਦੀ ਉਮਰ ਵਿਚ ਨਾਜ਼ੀਆਂ ਨੇ ਉਸ ਨੂੰ ਬੰਦੀ ਬਣਾ ਲਿਆ ਸੀ ਅਤੇ ਬਾਅਦ ਵਿਚ ਉਸ ਦੀ ਹੱਤਿਆ ਕਰ ਦਿੱਤੀ ਸੀ। ਇਹ ਉਹੀ ਘਰ ਹੈ ਜਿਸ ਨੂੰ ਨੂਰ ਨੇ ਆਪਣੇ ਆਖਰੀ ਮਿਸ਼ਨ 'ਤੇ ਜਾਣ ਤੋਂ ਪਹਿਲੇ ਛੱਡਿਆ ਸੀ। ਇਤਿਹਾਸਕਾਰ ਅਤੇ 'ਸਪਾਈ ਪਿ੍ਰੰਸਿਜ਼ : ਦਾ ਲਾਈਫ਼ ਆਫ ਨੂਰ ਇਨਾਇਤ ਖ਼ਾਨ' ਪੁਸਤਕ ਦੀ ਲੇਖਿਕਾ ਸ਼ਰਬਨੀ ਬਾਸੂ ਨੇ ਕਿਹਾ ਕਿ ਆਪਣੇ ਆਖਰੀ ਮਿਸ਼ਨ 'ਤੇ ਜਾਣ ਤੋਂ ਪਹਿਲੇ ਨੂਰ ਇਨਾਇਤ ਖ਼ਾਨ ਇਸੇ ਘਰ ਵਿਚ ਰਹਿੰਦੀ ਸੀ।

ਮਾਨਚੈਸਟਰ, ਅਗਸਤ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ)- ਕੈਮਬਿ੍ਜ ਯੂਨੀਵਰਸਿਟੀ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਜਾਨਵਰਾਂ ਤੋਂ ਇਲਾਵਾ ਮਨੁੱਖਾਂ 'ਚ ਕੋਵਿਡ-19 ਦੇ ਫੈਲਣ ਵਾਲੇ ਕੋਰੋਨਾ ਲਾਗ ਲਈ ਇਕ ਵੈਕਸੀਨ ਦਾ ਪ੍ਰਯੋਗ ਸ਼ੁਰੂ ਕਰਨ ਜਾ ਰਹੀ ਹੈ। ਇਹ ਵੈਕਸੀਨ ਡੀ.ਆਈ.ਓ. ਐੱਸ-ਕੋਵੈਕਸ 2 ਹਰ ਤਰ੍ਹਾਂ ਦੇ ਕੋਰੋਨਾ ਵਾਇਰਸਾਂ ਦੀਆਂ ਪ੍ਰਜਾਤੀਆਂ 'ਤੇ ਕੰਮ ਕਰੇਗਾ। ਯੂ. ਕੇ. ਸਰਕਾਰ ਵਲੋਂ ਕੈਮਬਿ੍ਜ ਯੂਨੀਵਰਸਿਟੀ ਨੂੰ ਕੋਰੋਨਾ ਵੈਕਸੀਨ ਦੀ ਖੋਜ ਲਈ 19 ਲੱਖ ਪੌਾਡ ਦੀ ਮਦਦ ਦਿੱਤੀ ਗਈ ਹੈ।ਸਾਰੇ ਪ੍ਰਯੋਗਾਂ ਤੋਂ ਬਾਅਦ, ਜਦੋਂ ਇਹ ਤਿਆਰ ਹੋਵੇਗਾ ਤਾਂ ਇਹ ਜੈੱਟ ਇੰਜੈਕਟਰ ਦੀ ਮਦਦ ਨਾਲ ਹਵਾ ਦੇ ਦਬਾਅ ਦੀ ਵਰਤੋਂ ਕਰਦੇ ਹੋਏ ਮਰੀਜ਼ ਨੂੰ ਦਿੱਤਾ ਜਾ ਸਕਦਾ ਹੈ ਅਤੇ ਇਹ ਚੁੱਭਦਾ ਨਹੀਂ ਹੈ। ਟੀਕੇ ਲਈ ਸੂਈ ਦੀ ਵਰਤੋਂ ਨਹੀਂ ਕੀਤੀ ਜਾਵੇਗੀ। ਕੈਮਬਿ੍ਜ ਯੂਨੀਵਰਸਿਟੀ 'ਚ ਵਾਇਰਲ ਜਨੋਟਿਕਸ ਦੀ ਪ੍ਰਯੋਗਸ਼ਾਲਾ ਦੇ ਮੁਖੀ ਅਤੇ ਡੀ.ਆਈ.ਓ. ਐੱਸ-ਕੋਵੈਕਸ ਕੰਪਨੀ ਦੇ ਸੰਸਥਾਪਕ ਜੋਨਾਥਨ ਹੀਨ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਅਸੀਂ ਕੋਵਿਡ-19 ਵਿਸ਼ਾਣੂ ਦੇ ਰੂਪ ਦਾ 3ਡੀ ਕੰਪਿਊਟਰ ਮਾਡਲਿੰਗ ਸ਼ਾਮਿਲ ਕੀਤਾ ਹੈ।
ਇਸ ਵਿਚ ਵਾਇਰਸ ਦੇ ਨਾਲ-ਨਾਲ ਸਾਰਸ, ਐਮ.ਈ.ਆਰ.ਐਸ. ਅਤੇ ਜਾਨਵਰਾਂ ਦੇ ਪਰਿਵਾਰ ਦੇ ਹੋਰ ਕੋਰੋਨਾ ਵਾਇਰਸ ਬਾਰੇ ਜਾਣਕਾਰੀ ਸ਼ਾਮਿਲ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇਕ ਅਜਿਹਾ ਟੀਕਾ ਬਣਾਉਣਾ ਚਾਹੁੰਦੇ ਹਾਂ, ਜੋ ਨਾ ਸਿਰਫ਼ ਸਾਰਸ-ਕੋ-2 ਤੋਂ ਬਚਾਉਂਦਾ ਹੈ, ਸਗੋਂ ਇਸ ਨਾਲ ਸਬੰਧਿਤ ਕੋਰੋਨਾ ਵਾਇਰਸਾਂ ਤੋਂ ਵੀ ਬਚਾਉਂਦਾ ਹੈ ਜੋ ਜਾਨਵਰਾਂ ਤੋਂ ਮਨੁੱਖਾਂ 'ਚ ਫੈਲਦੇ ਹਨ।
ਕੈਂਬਰਿਜ ਯੂਨੀਵਰਸਿਟੀ ਦੇ ਖੋਜਕਰਤਾ ਡਾ. ਰੇਬੇਕਾ ਕਿਨਸਲੇ ਨੇ ਵੀ ਇਸ ਪ੍ਰੀਖਣ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਸਮੇਂ ਦੀ ਲੋੜ ਨੂੰ ਵੇਖਦਿਆਂ ਬਹੁਤੇ ਖੋਜਕਰਤਾਵਾਂ ਨੇ ਟੀਕਿਆਂ ਦੇ ਵਿਕਾਸ 'ਚ ਹੁਣ ਤੱਕ ਸਥਾਪਿਤ ਢੰਗ ਦੀ ਵਰਤੋਂ ਕੀਤੀ ਹੈ। ਅਸੀਂ ਉਮੀਦ ਕਰਦੇ ਹਾਂ ਕਿ ਮੌਜੂਦਾ ਟੈਸਟ ਦੇ ਸ਼ਾਨਦਾਰ ਨਤੀਜੇ ਸਾਹਮਣੇ ਆਉਣਗੇ। ਹਾਲਾਂਕਿ ਟੀਕਿਆਂ ਦੀਆਂ ਆਪਣੀਆਂ ਸੀਮਾਵਾਂ ਵੀ ਹੋਣਗੀਆਂ ਅਤੇ ਇਹ ਸੰਵੇਦਨਸ਼ੀਲ ਸਮੂਹਾਂ 'ਤੇ ਨਹੀਂ ਵਰਤੇ ਜਾ ਸਕਣਗੇ। ਯੂ. ਕੇ. ਸਰਕਾਰ ਨੇ ਉਕਤ ਵੈਕਸੀਨ ਦੀ ਖੋਜ ਲਈ 19 ਲੱਖ ਪੌਡ ਯੂਨੀਵਰਸਿਟੀ ਨੂੰ ਦਿੱਤੇ ਹਨ। ਆਸ ਹੈ ਕਿ ਉਕਤ ਵੈਕਸੀਨ ਦਾ ਮਨੁੱਖੀ ਪ੍ਰਯੋਗ ਇਸ ਸਾਲ ਦੇ ਅਖੀਰ ਜਾਂ ਅਗਲੇ ਸਾਲ ਦੇ ਆਰੰਭ 'ਚ ਸ਼ੁਰੂ ਹੋ ਜਾਵੇਗਾ। 

ਲੰਡਨ, ਅਗਸਤ 2020 -(ਗਿਆਨੀ ਰਵਿਦਰਪਾਲ ਸਿੰਘ)- ਐਕਸਫੋਰਡ ਯੂਨੀਵਰਸਿਟੀ ਵੱਲੋਂ ਬਣਾਈ ਜਾ ਰਹੀ ਵੈਕਸੀਨ ਨੂੰ ਸਪੋਰਟ ਕਰਨ ਲਈ ਕੁਲਵੰਤ ਸਿੰਘ ਧਾਲੀਵਾਲ ਜੀ ਨੇ 1100  ਮੀਲ ਪੈਦਲ ਚਲਣ ਦਾ ਪ੍ਰਣ ਕੀਤਾ ਸੀ ਜਿਸ ਨੂੰ ਅੱਜ ਪੂਰੇ 50 ਦਿਨਾਂ ਬਾਅਦ ਪੂਰਾ ਕਰ ਲਿਆ ਗਿਆ ਹੈ।  ਕੁਲਵੰਤ ਸਿੰਘ ਧਾਲੀਵਾਲ ਜੀ ਦੇ ਨਾਲ ਇਸ ਮਾਰਚ ਦੌਰਾਨ ਦੁਨੀਆਂ ਭਰ ਵਿੱਚ ਵਸਦੇ ਸਮੂਹ ਪੰਜਾਬੀ ਭਾਈਚਾਰੇ ਵੱਲੋਂ ਵਡਮੁੱਲਾ ਯੋਗਦਾਨ ਪਾਇਆ ਗਿਆ, ਲੋਕਾਂ ਨੇ ਆਪੋ ਆਪਣੀ ਜਗ੍ਹਾ ਤੇ ਰਹਿ ਕੇ ਪੈਦਲ ਮਾਰਚ ਕੀਤਾ।  ਕੁਲਵੰਤ ਸਿੰਘ ਧਾਲੀਵਾਲ ਜੀ ਨੇ ਦੱਸਿਆ ਕਿ ਬਹੁਤ ਜਲਦੀ ਐਕਸਫੋਰਡ ਯੂਨੀਵਰਸਿਟੀ ਵੱਲੋਂ ਬਣਾਈ ਵੈਕਸੀਨ ਆਮ ਲੋਕਾਂ ਤੱਕ ਪਹੁੰਚ ਜਾਵੇਗੀ।  ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਕੁਲਵੰਤ ਸਿੰਘ ਧਾਲੀਵਾਲ ਅਤੇ ਸਮੂਹ ਇੰਗਲੈਂਡ ਦੀ ਟੀਮ ਵੱਲੋਂ 51 ਹਜ਼ਾਰ ਪੌਂਡ ਜਾਨੀ ਕੀ ਲਗਭਗ 50 ਲੱਖ ਦਾ ਯੋਗਦਾਨ ਇੰਗਲੈਂਡ ਦੀ ਹੈਲਥ ਸਰਵਸਿਸ ਨੂੰ ਦਿੱਤਾ ਗਿਆ ਸੀ।

ਤੁਸੀਂ ਵੀ ਆਪਣਾ ਯੋਗਦਾਨ ਪਾਓ ਜਿਸ ਨਾਲ ਆਪਾ ਦੁਨੀਆਂ ਵਿਚ ਫੈਲੀ ਕੋਰੋਨਾ ਮਹਾਮਾਰੀ ਦੀ ਰੋਕਥਾਮ ਲਈ ਵੈਕਸੀਨ ਪੈਦਾ ਕਰ ਸਕੀਏ।

 ਮਦਦ ਕਰਨ ਲਈ ਹੋਰ ਵਧੇਰੇ ਜਾਣਕਾਰੀ ਇਹਨਾਂ ਨੰਬਰ ਤੋਂ ਲਵੋ;- Ind. 9888711774-99

UK 00 44 7947 315461

Canada +16043455632

ਤੁਸੀਂ ਵੈੱਬਸਾਈਟ ਰਹੀ ਵਇ ਜਾਣਕਾਰੀ ਹਾਸਲ ਕਰ ਸਕਦੇ ਹੋ

India 

www.worldcancercare.co.in

For NRIs

 www.worldcancercare.org

ਲੰਡਨ (ਰਾਜਵੀਰ ਸਮਰਾ)-ਯੂ.ਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਸੋਮਵਾਰ ਨੂੰ ਸਿੱਧੇ ਤੌਰ 'ਤੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਕੋਵਿਡ-19 ਕਾਰਨ ਲੰਬੇ ਲਾਕਡਾਊਨ ਤੋਂ ਬਾਅਦ ਬੱਚਿਆਂ ਨੂੰ ਸਕੂਲ ਵਾਪਸ ਭੇਜਣਾ ਮਹੱਤਵਪੂਰਨ ਸੀ। ਉਨ੍ਹਾਂ ਕਿਹਾ ਕਿ ਬੱਚਿਆਂ ਨੂੰ ਸਕੂਲ ਨਾ ਭੇਜਣਾ ਖ਼ਤਰਨਾਕ ਵਾਇਰਸਾਂ ਨਾਲੋਂ ਵਧੇਰੇ ਨੁਕਸਾਨਦੇਹ ਹੋਵੇਗਾ | ਉਨ੍ਹਾਂ ਇਹ ਅਪੀਲ ਅਜਿਹੇ ਸਮੇਂ ਕੀਤੀ, ਜਦੋਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਗਰਮੀਆਂ ਦੀਆਂ ਛੁੱਟੀਆਂ ਤੋਂ ਬਾਅਦ ਇੱਕ ਨਵਾਂ ਸਕੂਲ ਸੈਸ਼ਨ ਸ਼ੁਰੂ ਕਰਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਸਕਾਟਲੈਂਡ ਅਤੇ ਉੱਤਰੀ ਆਇਰਲੈਂਡ ਇਸ ਦਿਸ਼ਾ ਵਿਚ ਅੱਗੇ ਚੱਲ ਰਹੇ ਹਨ ਅਤੇ ਅਗਲੇ ਹਫਤੇ ਇੰਗਲੈਂਡ ਅਤੇ ਵੇਲਜ਼ ਵਿਚ ਸਕੂਲ ਵੀ ਖੁੱਲ੍ਹ ਰਹੇ ਹਨ।
ਜੌਹਨਸਨ ਨੇ ਇੰਗਲੈਂਡ ਦੇ ਚੀਫ ਮੈਡੀਕਲ ਅਫਸਰ ਅਤੇ ਯੂਕੇ ਦੇ ਹੋਰ ਹਿੱਸਿਆਂ ਵਿੱਚ ਉਸਦੇ ਹਮਾਇਤੀਆਂ ਦੁਆਰਾ ਜਾਰੀ ਇੱਕ ਸਾਂਝੇ ਬਿਆਨ ਨੂੰ ਜ਼ੋਰ ਦੇ ਕੇ ਕਿਹਾ ਕਿ ਬੱਚਿਆਂ ਨੂੰ ਡਰਾਉਣੇ ਵਾਇਰਸ ਦਾ ਬਹੁਤ ਘੱਟ ਜੋਖਮ ਹੁੰਦਾ ਹੈ।

ਸਕੂਲ ਵਿਚ ਕੋਰੋਨਾ ਵਾਇਰਸ ਦੀ ਲਾਗ ਦਾ ਘੱਟ ਖਤਰਾ
ਡਾਉਨਿੰਗ ਸਟ੍ਰੀਟ ਤੋਂ ਜਾਰੀ ਇੱਕ ਬਿਆਨ ਵਿੱਚ, ਜਾਨਸਨ ਨੇ ਕਿਹਾ, “ਜਿਵੇਂ ਕਿ ਮੁੱਖ ਮੈਡੀਕਲ ਅਫਸਰ ਨੇ ਕਿਹਾ ਹੈ ਕਿ ਸਕੂਲ ਵਿੱਚ ਕੋਵਿਡ -19 ਦਾ ਜੋਖਮ ਬਹੁਤ ਘੱਟ ਹੈ ਅਤੇ ਬੱਚਿਆਂ ਨੂੰ ਉਨ੍ਹਾਂ ਦੇ ਵਿਕਾਸ, ਹੁਨਰ ਅਤੇ ਲੰਮੇ ਸਮੇਂ ਲਈ ਸਕੂਲ ਤੋਂ ਦੂਰ ਰੱਖਣਾ ਹੈ। ਸਿਹਤ ਲਈ ਕਿਤੇ ਜ਼ਿਆਦਾ ਨੁਕਸਾਨਦੇਹ ਹੈ।”
ਦੱਸਣਯੋਗ ਹੈ ਕਿ ਦੇਸ਼ ਵਿਚ ਲਾਗ ਦੇ ਫੈਲਣ ਤੋਂ ਬਾਅਦ ਤੋਂ ਸਕੂਲ ਪੰਜ ਮਹੀਨਿਆਂ ਤੋਂ ਬੰਦ ਪਏ ਹਨ ਅਤੇ ਅਗਲੇ ਮਹੀਨੇ ਤੋਂ ਸਾਰੇ ਸਕੂਲ ਖੋਲ੍ਹਣ ਦੀ ਯੋਜਨਾ ਹੈ।

ਬੈਡਫੋਰਡ,ਅਗਸਤ 2020 -(ਅਮਨਜੀਤ ਸਿੰਘ ਖਹਿਰਾ)- ਬ੍ਰਿਟੇਨ ਦੇ ਸ਼ਹਿਰ ਬੈਡਫੋਰਡ ਵਿਖੇ ਭਾਰਤੀ ਮੂਲ ਦੀਆਂ ਇਸਤਰੀਆਂ ਦੀ ਸੰਸਥਾ ਬੰਦਨ ਗਰੁੱਪ ਨੇ ਸੇਵਾ ਟਰੱਸਟ ਯੂ.ਕੇ. ਅਤੇ ਬੈਡਫੋਰਡ ਦੀਆਂ ਸਮਾਜਿਕ ਅਤੇ ਹੋਰ ਸੰਸਥਾਵਾਂ ਦੇ ਸਾਂਝੇ ਸਹਿਯੋਗ ਨਾਲ ਆਜ਼ਾਦੀ ਦਿਹਾੜਾ ਮਨਾਇਆ ਗਿਆ | ਇਸ ਮੌਕੇ ਸ਼ਹਿਰ ਦੇ ਟਾਊਨ ਹਾਲ 'ਤੇ ਤਿਰੰਗਾ ਲਹਿਰਾਇਆ ਗਿਆ | ਸਮਾਗਮ ਵਿਚ ਬੈਡਫੋਰਡ ਦੇ ਮੇਅਰ ਡੇਵ ਹੌਜ਼ਸਨ, ਹਾਈਸ਼ੈਰਫ ਸੁਜ਼ਨ ਲੌਸਾਡਾ, ਬੰਦਨ ਬੈਡਫੋਰਡ ਦੀ ਚੇਅਰਪਰਸਨ ਡਾ: ਵਨੀਤਾ ਮਨਜੂਰੇ, ਸੇਵਾ ਸਟਰੱਸਟ ਯੂ.ਕੇ. ਦੇ ਚੇਅਰਮੈਨ ਕੌਾਸਲਰ ਚਰਨਕੰਵਲ ਸਿੰਘ ਸੇਖੋਂ ਸਮੇਤ ਬੰਦਨ ਗਰੁੱਪ ਮੈਂਬਰ ਹਾਜ਼ਰ ਹੋਏ ਅਤੇ ਆਨ ਲਾਈਨ ਜ਼ੂਮ ਰਾਹੀਂ ਵੱਡੀ ਗਿਣਤੀ ਵਿਚ ਲੋਕ ਹੋਏ ਸ਼ਹਿਰ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਸ਼ਾਮਲ ਹੋਈਆਂ | 

ਕੋਵਿਡ-19 ਦੇ ਚੱਲਦਿਆਂ ਇਸ ਸਮਾਗਮ ਨੂੰ ਆਨਲਾਈਨ ਭਾਰਤੀ ਹਾਈਕਮਿਸ਼ਨ ਨਾਲ ਜੋੜਿਆ ਗਿਆ ਅਤੇ ਹਾਈਕਮਿਸ਼ਨਰ ਗਾਇਤਰੀ ਈਸ਼ਰ ਕੁਮਾਰ ਨੇ ਸੰਬੋਧਨ ਕਰਦਿਆਂ ਭਾਰਤ ਵਾਸੀਆਂ ਨੂੰ 74ਵੇਂ ਆਜ਼ਾਦੀ ਦਿਵਸ ਦੀ ਵਧਾਈ ਦਿੱਤੀ ਅਤੇ ਯੂ.ਕੇ. ਵਿਚ ਵੱਸਦੇ ਭਾਰਤੀਆਂ ਵਲੋਂ ਦੇਸ਼ ਅਤੇ ਵਿਦੇਸ਼ ਵਿਚ ਪਾਏ ਯੋਗਦਾਨ ਦੀ ਸ਼ਲਾਘਾ ਕੀਤੀ| ਹਾਈਕਮੀਸ਼ਨ ਦੇ ਰਾਜਨੀਤਕ ਅਤੇ ਪਰਵਾਸ ਮਾਮਲੇ ਦੇ ਸਕੱਤਰ ਸ੍ਰੀ ਰੋਹਨ ਸਮੰਤ ਨੇ ਬੰਧਨ ਟੀਮ ਅਤੇ ਸੇਵਾ ਟਰੱਸਟ ਯੂਕੇ ਨੂੰ ਕੋਰੋਨਾਲਾਕਡਾਉਨ ਦੌਰਾਨ ਵੱਡੀ ਗਿਣਤੀ ਵਿੱਚ ਭਾਰਤੀ ਵਿਦਿਆਰਥੀਆਂ ਦੀ ਸਹਾਇਤਾ ਕਰਨ ਲਈ ਵਿਸ਼ੇਸ਼ ਵਧਾਈ ਦਿੱਤੀ ਅਤੇ ਧੰਨਵਾਦ ਕੀਤਾ | ਉਨ੍ਹਾਂ ਕਿਹਾ ਕਿ ਬੈਡਫੋਰਡ ਦੇ ਸਾਰੇ ਭਾਰਤੀ ਸੰਗਠਨਾਂ ਜਿਨ੍ਹਾਂ ਨੇ ਸਮਾਜਿਕ ਸਹਾਇਤਾ ਕੀਤੀ ਹੈ, ਨੇ ਚੰਗੀ ਮਿਸਾਲ ਕਾਇਮ ਕੀਤੀ ਹੈ ਅਤੇ ਉਹ ਬੈਡਫੋਰਡ ਇੰਡੀਅਨ ਡਾਇਸਪੋਰਾ ਨਾਲ ਇਸ ਸਮਾਗਮ ਨੂੰ ਮਨਾਉਣ ‘ਤੇ ਮਾਣ ਮਹਿਸੂਸ ਕਰਦੇ ਹਨ।

ਲੰਡਨ (ਰਾਜਵੀਰ ਸਮਰਾ) ਜਿਥੇ ਪੰਜਾਬੀਆਂ ਨੇ ਆਪਣੀ ਬੁਲੰਦ ਆਵਾਜ਼ ਦੇ ਸਿਰ ਤੇ ਵਿਦੇਸ਼ਾਂ ਚ' ਆਪਣੇ ਪੰਜਾਬੀ ਵਿਰਸੇ ਦਾ ਨਾਮ ਰੁਸ਼ਨਾਇਆ ਹੋਇਆ ਹੈ ਉਥੇ ਹੀ ਆਪਣੀ ਗਾਇਕੀ ਦੇ ਦਮ ਤੇ ਦੋਆਬੇ ਦੇ ਪ੍ਰਸਿੱਧ ਕਸਬਾ ਜੰਡਿਆਲਾ ਮੰਜਕੀ ਵਿੱਚ ਰਿਹਾਇਸ਼ ਰੱਖਦਾ ਪੰਜਾਬੀ ਗਾਇਕ ਪਰਮਿੰਦਰ ਮਣਕੀ ਮਿਸਾਲ ਕਾਇਮ ਕਰ ਰਿਹਾ ਹੈ, ਡਾਕਟਰ ਜਸਵਿੰਦਰ ਜੌਹਲ ਦੇ ਅਸ਼ੀਰਵਾਦ ਅਤੇ ਪ੍ਰਮੋਟਰ ਜਸਕਰਨ ਜੌਹਲ ਤੇ ਹੈਰੀ ਯੂਕੇ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਯੂ.ਕੇ ਦੀ ਪ੍ਰਸਿੱਧ ਕੰਪਨੀ "ਪਾਪਾ ਜੌਏ" ਵੱਲੋਂ ਮਨਕੀ ਦੇ ਰਿਲੀਜ਼ ਗੀਤ "ਬੰਦੂਕਾਂ ਅਤੇ ਮਸ਼ੂਕਾਂ"ਨੇ ਦੁਨੀਆਂ ਭਰ ਵਿੱਚ ਬੈਠੇ ਪੰਜਾਬੀਆਂ ਵਿੱਚ ਉਸ ਦੀ ਦਮਦਾਰ ਆਵਾਜ਼ ਦੀ ਚਰਚਾ ਛੇੜ ਦਿੱਤੀ ਹੈ,ਲੇਖਕ ਸੂਰਜ ਹੁਸੈਨਪੁਰੀ ਵੱਲੋਂ ਲਿਖੇ ਇਸ ਸਿੰਗਲ ਟਰੈਕ ਦੀ ਵੀਡੀਓ ਵਿੱਚ ਕੀਤੀ ਗਈ ਦਮਦਾਰ ਅਦਾਕਾਰੀ ਨੇ ਵੀ ਨੌਜਵਾਨ ਤਬਕੇ ਨੂੰ ਇਸ ਗੀਤ ਦੀ ਸਲਾਹੁਤਾ ਕਰਨ ਲਈ ਮਜਬੂਰ ਕੀਤਾ ਹੈ,ਗੌਰਤਲਬ ਹੈ ਕਿ ਪਰਮਿੰਦਰ ਮਣਕੀ ਵੱਲੋਂ ਦੇਸ਼ ਭਗਤੀ ਦੀ ਭਾਵਨਾ ਨੂੰ ਸਮਰਪਿਤ ਇਹਨੀ ਦਿਨੀ ਰਿਲੀਜ਼ ਹੋਏ ਸਿੰਗਲ ਟ੍ਰੈਕ "ਦੇਸ਼ ਦੇ ਫੋਜੀ" ਨੂੰ ਵੀ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ,ਤਾਰੂ ਉੱਪਲਾਂ ਵਾਲੇ ਵੱਲੋਂ ਲਿਖੇ ਇਸ ਗੀਤ ਨੂੰ ਐੱਮ ਜੇ ਪੀ ਕੰਪਨੀ ਨੇ ਰਿਲੀਜ਼ ਕੀਤਾ ਹੈ ਅਤੇ ਇਸ ਗੀਤ ਦੀ ਵੀਡੀਓ ਗ੍ਰਾਫੀ ਰਵੀ ਅਟਵਾਲ ਵੱਲੋਂ ਤਿਆਰ ਕੀਤੀ ਗਈ ਹੈ,ਪੰਜਾਬੀ ਜਗਤ ਦੀ ਝੋਲੀ ਵਿੱਚ ਹੋਰ ਵੀ ਬਹੁਤ ਸਾਰੇ ਗੀਤ ਪਾ ਚੁੱਕੇ ਆਰਥਿਕ ਤੰਗੀਆਂ ਤੁਰਸ਼ੀਆਂ ਕਾਰਨ ਪੱਛੜੇ ਰਹੇ ਇਸ ਗਾਇਕ ਦੀ ਬਾਂਹ ਹੁਣ ਯੂ ਕੇ ਨਿਵਾਸੀ ਡਾਕਟਰ ਜਸਵਿੰਦਰ ਜੌਹਲ ਨੇ ਫੜ ਲਈ ਹੈ,ਸਰੋਤਿਆਂ ਨੂੰ ਭਵਿੱਖ ਚ' ਹੋਰ ਵੀ ਸੋਹਣੇ ਸੋਹਣੇ ਗੀਤ ਗਾਇਕ ਮਣਕੀ ਦੀ ਆਵਾਜ਼ ਚ' ਸੁਣਨ ਨੂੰ ਮਿਲਦੇ ਰਹਿਣਗੇ