ਮਾਨਚੈਸਟਰ,ਜੁਲਾਈ 2020 -( ਗਿਆਨੀ ਅਮਰੀਕ ਸਿੰਘ ਰਾਠੌਰ) ਅਫ਼ਰੀਕੀ ਮੂਲ ਦੇ ਲੋਕਾਂ ਅਤੇ ਘੱਟ ਗਿਣਤੀ ਭਾਈਚਾਰਿਆਂ ਦੇ ਲੋਕਾਂ ਦੇ ਚਿਹਰੇ ਪਹਿਲੀ ਵਾਰ ਬਰਤਾਨੀਆ ਦੇ ਕਰੰਸੀ ਸਿੱਕਿਆਂ 'ਤੇ ਦਿਸ ਸਕਦੇ ਹਨ । ਬਰਤਾਨੀਆ ਦੇ ਖ਼ਜ਼ਾਨਾ ਮੰਤਰੀ ਰਿਸ਼ੀ ਸੁਨਾਕ ਨੇ ਵੀ ਇਸ ਮੁਹਿੰਮ ਦੀ ਤਜਵੀਜ਼ ਬਾਰੇ ਵਿਚਾਰ ਕਰ ਰਹੇ ਹਨ । ਖ਼ਬਰਾਂ ਅਨੁਸਾਰ ਰੋਇਲ ਮਿੰਟ ਬਰਤਾਨੀਆ ਦੇ ਕਰੰਸੀ ਸਿੱਕੇ ਬਣਾਉਣ ਵਾਲੀ ਸੰਸਥਾ ਕੋਲ ਇਹ ਯੋਜਨਾ ਦਰਜ ਹੋ ਚੁੱਕੀ ਹੈ ਅਤੇ ਰਿਸ਼ੀ ਸੁਨਾਕ ਕਥਿਤ ਤੌਰ 'ਤੇ ਇਸ ਦੀ ਹਮਾਇਤ ਕਰਦੇ ਹਨ ।ਖ਼ਜ਼ਾਨਾ ਰਾਜ ਮੰਤਰੀ ਜੌਹਨ ਗਿਲਨ ਨੇ ਕਿਹਾ ਹੈ ਕਿ ਖ਼ਜ਼ਾਨਾ ਮੰਤਰੀ ਰਿਸ਼ੀ ਸੁਨਾਕ ਇਸ ਤੋਂ ਜਾਣੂ ਹਨ । ਅਸੀਂ ਇਸ ਨੂੰ ਲੈ ਕੇ ਹਾਂ ਪੱਖੀ ਹਾਂ, ਸਾਨੂੰ ਰੋਇਲ ਮਿੰਟ ਤੋਂ ਕੁਝ ਠੋਸ ਤਜਵੀਜ਼ ਦੇਖਣ ਦੀ ਲੋੜ ਹੈ, ਜਿਸ ਲਈ ਅਸੀਂ ਉਤਸੁਕ ਹਾਂ । ਇਸ ਤਜਵੀਜ਼ ਲਈ ਵਿਕਟੋਰੀਆ ਕਰਾਸ ਪ੍ਰਾਪਤ ਕਰਨ ਵਾਲੇ ਪਹਿਲੇ ਭਾਰਤੀ ਅਤੇ ਗੋਰਖਾ ਸੈਨਿਕ, ਕਰੀਮੀਅਨ ਯੁੱਧ ਦੀ ਨਰਸ ਮੈਰੀ ਸੀਕੋਲ ਅਤੇ ਦੂਜੇ ਵਿਸ਼ਵ ਯੁੱਧ ਦੀ ਜਾਸੂਸ ਅਤੇ ਜੌਰਜ ਕਰਾਸ ਜਿੱਤਣ ਵਾਲੀਆਂ 4 ਮਹਿਲਾਂ 'ਚੋਂ ਇਕ ਨੂਰ ਇਨਾਇਤ ਖ਼ਾਨ ਦੇ ਨਾਂਅ ਚਰਚਾ 'ਚ ਹਨ । ਹੁਣ ਵੇਖਣਾ ਇਹ ਹੋਵੇਗਾ ਕਿ ਬਰਤਾਨੀਆ ਦੇ ਕਰੰਸੀ ਸਿੱਕਿਆਂ 'ਤੇ ਕਿਸ ਦੀ ਤਸਵੀਰ ਸੁਸ਼ੋਭਿਤ ਹੁੰਦੀ ਹੈ । ਕੰਜ਼ਰਵੇਟਿਵ ਪਾਰਟੀ ਦੀ ਸਾਬਕਾ ਸੰਸਦੀ ਉਮੀਦਵਾਰ ਜ਼ੀਹਰਾ ਜ਼ੈਦੀ ਵਲੋਂ ਇਸ ਮੁਹਿੰਮ ਦੀ ਅਗਵਾਈ ਕੀਤੀ ਜਾ ਰਹੀ ਹੈ ।  

ਲੰਡਨ, ਜੁਲਾਈ 2020 -(ਏਜੰਸੀ)-   ਵਿਗਿਆਨਕਾਂ ਨੇ ਇਨਸਾਨਾਂ 'ਚ ਇਕ ਅਜਿਹੇ ਜੀਨ ਟੀਐੱਲਆਰ7 ਦੀ ਖੋਜ ਕਰ ਲਈ ਹੈ ਜੋ ਨੋਵਲ ਕੋਰੋਨਾ ਵਾਇਰਸ ਦੇ ਇਨਫੈਕਸ਼ਨ 'ਚ ਇਮਿਊਨ ਸਿਸਟਮ 'ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ। ਇਨਫੈਕਸ਼ਨ ਦੌਰਾਨ ਇਹ ਜੀਨ ਆਪਣਾ ਇਹ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ। ਇਸ ਨਵੀਂ ਖੋਜ ਨਾਲ ਵਿਸ਼ਵ ਮਹਾਮਾਰੀ ਕੋਵਿਡ-19 ਨੂੰ ਬਿਹਤਰ ਤਰੀਕੇ ਨਾਲ ਸਮਝਣ ਅਤੇ ਇਸ ਦਾ ਇਲਾਜ ਕਰਨ ਵਿਚ ਮਦਦ ਮਿਲੇਗੀ। ਅਮਰੀਕਨ ਮੈਡੀਕਲ ਐਸੋਸੀਏਸ਼ਨ ਜਰਨਲ ਵਿਚ ਪ੍ਰਕਾਸ਼ਿਤ ਖੋਜ ਵਿਚ ਦੱਸਿਆ ਗਿਆ ਹੈ ਕਿ ਕੋਵਿਡ-19 ਨਾਲ ਗੰਭੀਰ ਰੂਪ ਤੋਂ ਪੀੜਤ ਦੋ ਪਰਿਵਾਰਾਂ ਦੇ ਚਾਰ ਨੌਜਵਾਨ ਮਰਦਾਂ ਦੇ ਅਨੁਵੰਸ਼ਿਕ ਕ੍ਰਮਾਂ ਦਾ ਡੂੰਘਾ ਅਧਿਐਨ ਅਤੇ ਵਿਸ਼ਲੇਸ਼ਣ ਕੀਤਾ ਗਿਆ ਹੈ। ਕੋਵਿਡ-19 ਦੇ ਇਨ੍ਹਾਂ ਗੰਭੀਰ ਮਰੀਜ਼ਾਂ ਨੂੰ ਪਹਿਲੇ ਤੋਂ ਕੋਈ ਬਿਮਾਰੀ ਨਹੀਂ ਸੀ। ਨੀਦਰਲੈਂਡ ਰੈੱਡਬਡ ਯੂਨੀਵਰਸਿਟੀ ਮੈਡੀਕਲ ਸੈਂਟਰ ਦੇ ਵਿਗਿਆਨਕਾਂ ਅਨੁਸਾਰ ਇਨ੍ਹਾਂ ਮਰੀਜ਼ਾਂ 'ਚ ਜੀਨ ਟੀਐੱਲਆਰ7 ਦੀ ਇਕ ਕਿਸਮ ਪਾਈ ਗਈ। ਇਸ ਦੇ ਇਲਾਵਾ, ਇਮਿਊਨ ਸਮਰੱਥਾ ਦੇ ਅਣੂ ਟਾਈਪ-1 ਅਤੇ 2 ਇੰਟਰਫੇਰੋਨਸ ਦੇ ਨਿਰਮਾਣ 'ਚ ਕਮੀ ਪਾਈ ਗਈ। ਕੋਵਿਡ-19 ਨਾਲ ਗੰਭੀਰ ਰੂਪ ਤੋਂ ਪੀੜਤ ਇਨ੍ਹਾਂ ਮਰੀਜ਼ਾਂ ਨੂੰ ਬਿਮਾਰੀ ਤੋਂ ਪਹਿਲੇ ਕਦੇ ਵੀ ਸਾਹ ਲੈਣ 'ਚ ਦਿੱਕਤ ਨਹੀਂ ਆਈ ਸੀ ਅਤੇ ਹੁਣ ਉਨ੍ਹਾਂ ਨੂੰ ਇਸ ਤਕਲੀਫ਼ ਕਾਰਨ ਆਈਸੀਯੂ 'ਚ ਵੈਂਟੀਲੇਟਰ 'ਤੇ ਰੱਖਿਆ ਗਿਆ। ਇਸ ਖੋਜ 'ਚ ਇਸ ਤਰ੍ਹਾਂ ਦੇ ਜੀਨ ਦੇ ਕ੍ਰਮ ਅੰਕਾਂ ਨੂੰ ਬਦਲ ਕੇ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨਾਲ ਬਦਲ ਕੇ ਪਾਇਆ ਗਿਆ ਕਿ ਇਨ੍ਹਾਂ ਚਾਰਾਂ ਮਰੀਜ਼ਾਂ ਦੇ ਜੀਨ ਟੀਐੱਲਆਰ7 ਨੇ ਇਕ ਜ਼ਰੂਰੀ ਕੰਮ ਕਰਨਾ ਬੰਦ ਕਰ ਦਿੱਤਾ ਸੀ। ਇਨ੍ਹਾਂ ਚਾਰਾਂ ਮਰੀਜ਼ਾਂ 'ਚ ਐਕਸ ਕ੍ਰੋਮੋਜੋਮ ਦੇ ਟੀਐੱਲਆਰ7 'ਚ ਟਾਈਪ-1 ਅਤੇ 2 ਆਈਐੱਫਐੱਨ ਦੀ ਕਮੀ ਪਾਈ ਗਈ। ਇਸ ਦਾ ਮਤਲਬ ਹੈ ਕਿ ਟੀਐੱਲਆਰ7 ਜੀਨ ਨਾਲ ਪ੍ਰੋਟੀਨ ਨੂੰ ਪ੍ਰਰਾਪਤ ਕੀਤਾ ਜਾ ਸਕਦਾ ਹੈ। ਇਹ ਮਨੁੱਖੀ ਸੈੱਲਾਂ ਦੀ ਸਤਹਿ 'ਤੇ ਹੁੰਦੇ ਹਨ। ਇਨ੍ਹ ਦੀ ਰੋਗਾਣੂਆਂ ਦੀ ਪਛਾਣ ਕਰਨ 'ਚ ਅਹਿਮ ਭੂਮਿਕਾ ਹੁੰਦੀ ਹੈ। ਇਹ ਸਰੀਰ ਵਿਚ ਸਰਗਰਮ ਬੈਕਟੀਰੀਆ ਅਤੇ ਵਾਇਰਸ ਦੀ ਪਛਾਣ ਕਰ ਲੈਂਦੇ ਹਨ ਅਤੇ ਇਮਿਊਨ ਸਮਰੱਥਾ ਨੂੰ ਸਰਗਰਮ ਰੱਖਦੇ ਹਨ। ਟੀਐੱਲਆਰ7 ਤਾਂ ਇੰਟਰਫੇਰੋਨਸ ਨੂੰ ਸਰਗਰਮ ਕਰਦੇ ਹਨ ਜਿਨ੍ਹਾਂ ਨਾਲ ਵਾਇਰਸ ਇਨਫੈਕਸ਼ਨ ਨੂੰ ਪਛਾਣਨ ਲਈ ਪ੍ਰੋਟੀਨ ਨੂੰ ਸਰਗਰਮ ਕੀਤਾ ਜਾਂਦਾ ਹੈ। ਸਹਿ ਖੋਜੀ ਅਲੈਗਜ਼ੈਂਡਰ ਹਿਊਸ਼ੇਨ ਨੇ ਦੱਸਿਆ ਕਿ ਇਸ ਤੋਂ ਪਹਿਲੇ ਕਦੇ ਵੀ ਟੀਐੱਲਆਰ7 ਨੂੰ ਜਨਮ ਪਿੱਛੋਂ ਇਮਿਊਨ ਸਮਰੱਥਾ 'ਚ ਹੋਈ ਗੜਬੜੀ ਨਾਲ ਲੜਨ ਲਈ ਇਸ ਦੀ ਭੂਮਿਕਾ ਬੇਹੱਦ ਅਹਿਮ ਹੈ ਕਿਉਂਕਿ ਟੀਐੱਲਆਰ7 ਦਾ ਕੰਮ ਸਰੀਰ 'ਚ ਕਿਸੇ ਘੁਸਪੈਠੀਏ ਦੀ ਪਛਾਣ ਕਰ ਕੇ ਉਸ ਤੋਂ ਬਚਾਅ ਕਰਨਾ ਹੈ ਜੋਕਿ ਇਨਫੈਕਸ਼ਨ ਪਿੱਛੋਂ ਨਹੀਂ ਹੋ ਸਕਦਾ ਹੈ। ਇਸੇ ਕਾਰਨ ਇਨ੍ਹਾਂ ਭਰਾਵਾਂ 'ਚ ਪਹਿਲੇ ਤੋਂ ਕੋਈ ਬਿਮਾਰੀ ਨਾ ਹੋਣ ਦੇ ਬਾਵਜੂਦ ਇਨ੍ਹਾਂ ਨੂੰ ਕੋਰੋਨਾ ਦਾ ਭਿਆਨਕ ਇਨਫੈਕਸ਼ਨ ਹੋਇਆ।

ਅੰਕੜਾ 12 ਲੱਖ ਤੋਂ ਪਾਰ

ਨਵੀਂ ਦਿੱਲੀ,ਜੁਲਾਈ 2020 -(ਏਜੰਸੀ)- ਕੋਰੋਨਾ ਨਾਲ ਇਨਫੈਕਸ਼ਨ ਦੇ 45,270 ਨਵੇਂ ਕੇਸਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇਸ ਬਿਮਾਰੀ ਦੀ ਚਪੇਟ 'ਚ ਆਉਣ ਵਾਲਿਆਂ ਦਾ ਅੰਕੜਾ ਵੀਰਵਾਰ ਨੂੰ 12 ਲੱਖ ਤੋਂ ਪਾਰ ਹੋ ਗਿਆ। ਦੇਸ਼ 'ਚ ਹੁਣ ਤਕ 12,38,635 ਲੋਕ ਇਸ ਬਿਮਾਰੀ ਤੋਂ ਪੀੜਤ ਹੋ ਚੁੱਕੇ ਹਨ। ਇਸੇ ਤਰ੍ਹਾਂ 1,129 ਹੋਰ ਲੋਕਾਂ ਦੀ ਮੌਤ ਨਾਲ ਇਸ ਬਿਮਾਰੀ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 29,681 ਹੋ ਗਈ ਹੈ। ਇਨਫੈਕਟਿਡ ਦੀ ਗਿਣਤੀ 11 ਤੋਂ 12 ਲੱਖ ਹੋਣ 'ਚ ਸਿਰਫ਼ ਤਿੰਨ ਲੱਗੇ। ਇਸੇ ਦੌਰਾਨ ਚੰਗੀ ਖ਼ਬਰ ਇਹ ਹੈ ਕਿ ਠੀਕ ਹੋਣ ਵਾਲਿਆਂ ਦੀ ਦਰ 63.18 ਫ਼ੀਸਦੀ ਹੋ ਗਈ ਹੈ। 24 ਘੰਟਿਆਂ 'ਚ 29,557 ਮਰੀਜ਼ ਠੀਕ ਵੀ ਹੋਏ ਹਨ। ਇਸੇ ਤਰ੍ਹਾਂ ਹੁਣ ਤਕ 7,82,606 ਮਰੀਜ਼ ਠੀਕ ਹੋ ਚੁੱਕੇ ਹਨ। ਮੌਜੂਦਾ ਸਮੇਂ 'ਚ 3,56,439 ਲੋਕ ਇਨਫੈਕਟਿਡ ਹਨ  ਕੋਰੋਨਾ ਦੀ ਜਾਂਚ ਦੀ ਗਿਣਤੀ ਵੀ ਡੇਢ ਕਰੋੜ ਤੋਂ ਵੱਧ ਹੋ ਚੁੱਕੀ ਹੈ। ਆਈਸੀਐੱਮਆਰ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਬੁੱਧਵਾਰ ਨੂੰ 3,50,823 ਨਮੂਨਿਆਂ ਦੀ ਜਾਂਚ ਹੋਣ ਦੇ ਨਾਲ ਹੀ 22 ਜੁਲਾਈ ਤਕ ਕੁਲ 1,50,75,369 ਨਮੂਨਿਆਂ ਦੀ ਜਾਂਚ ਹੋ ਚੁੱਕੀ ਹੈ। ਆਈਸੀਐੱਮਆਰ 'ਚ ਵਿਗਿਆਨੀਆਂ ਤੇ ਮੀਡੀਆ ਕਨਵੀਨਰ ਲੋਕੇਸ਼ ਸ਼ਰਮਾ ਨੇ ਦੱਸਿਆ ਕਿ ਬੁੱਧਵਾਰ ਤਕ ਤਿੰਨ ਦਿਨਾਂ 'ਚ 10 ਲੱਖ ਨਮੂਨਿਆਂ ਦੀ ਜਾਂਚ ਕੀਤੀ ਗਈ। ਜਾਂਚ ਦੀ ਸਮਰੱਥਾ ਵਧ ਕੇ ਰੋਜ਼ਾਨਾ ਚਾਰ ਲੱਖ ਨਮੂਨਿਆਂ ਦੀ ਹੋ ਗਈ ਹੈ। ਸਿਹਤ ਮੰਤਰਾਲੇ ਵੱਲੋਂ ਸਵੇਰੇ ਅੱਠ ਵਜੇ ਅਪਡੇਟ ਕੀਤੇ ਗਏ ਅੰਕੜਿਆਂ ਮੁਤਾਬਕ ਹੁਣ ਤਕ 7,82,606 ਲੋਕ ਠੀਕ ਹੋ ਚੁੱਕੇ ਹਨ। ਠੀਕ ਹੋਣ ਦੀ ਦਰ 'ਚ ਸ਼ਲਾਘਾਯੋਗ ਤਰੱਕੀ ਹੋਈ ਹੈ ਤੇ ਇਹ 63.18 ਫ਼ੀਸਦੀ ਹੈ। ਮੰਤਰਾਲੇ ਨੇ ਕਿਹਾ ਕਿ ਕੋਰੋਨਾ ਨਾਲ ਨਜਿੱਠਣ ਲਈ ਕੇਂਦਰ ਸਰਕਾਰ ਦੀ ਰਣਨੀਤੀ ਨਾਲ ਇਹ ਪ੍ਰਰਾਪਤੀ ਹਾਸਲ ਹੋਈ ਹੈ। ਕੇਂਦਰ, ਸੂਬਿਆਂ ਤੇ ਕੇਂਦਰ ਸ਼ਾਸਿਤ ਰਾਜਾਂ ਦੇ ਲਗਾਤਾਰ ਯਤਨਾਂ ਕਾਰਨ ਜ਼ੋਰ-ਸ਼ੋਰ ਨਾਲ ਜਾਂਚ ਤੇ ਇਲਾਜ ਦੀ ਵਿਵਸਥਾ ਕੀਤੀ ਜਾ ਰਹੀ ਹੈ। ਸਾਂਝੇ ਨਿਗਰਾਨੀ ਸਮੂਹ (ਜੇਐੱਮਜੀ) ਵਰਗੇ ਮਾਹਰਾਂ ਦੀ ਟੀਮ ਨੇ ਇਸ ਲਈ ਮਾਰਗਦਰਸ਼ਨ ਕੀਤਾ ਹੈ ਤੇ ਏਮਜ਼ ਦਿੱਲੀ ਦੇ ਤਕਨੀਕੀ ਮਾਹਰਾਂ, ਵੱਖ-ਵੱਖ ਸੂਬਿਆਂ ਤੇ ਕੇਂਦਰ ਸ਼ਾਸਿਤ ਸੂਬਿਆਂ 'ਚ ਸਿਹਤ ਕੇਂਦਰਾ, ਆਈਸੀਐੱਮਆਰ ਤੇ ਰਾਸ਼ਟਰੀ ਬਿਮਾਰੀ ਕੰਟਰੋਲ ਕੇਂਦਰ (ਐੱਨਸੀਡੀਸੀ) ਨੇ ਇਸ 'ਚ ਮਦਦ ਕੀਤੀ ਹੈ। ਮੰਤਰਾਲੇ ਨੇ ਕਿਹਾ ਕਿ ਤਾਲਮੇਲ ਦੇ ਯਤਨਾਂ ਦੀ ਬਦੌਲਤ ਮੌਤ ਦੀ ਦਰ ਹੇਠਲੇ ਪੱਧਰ 'ਤੇ ਬਣਾਈ ਰੱਖਣ 'ਚ ਮਦਦ ਮਿਲੀ ਹੈ। ਇਹ ਅਜੇ 2.41 ਫ਼ੀਸਦੀ ਹੈ ਤੇ ਇਸ 'ਚ ਹੋਰ ਕਮੀ ਆ ਰਹੀ ਹੈ। ਸਿਹਤ ਮੰਤਰਾਲੇ ਮੁਤਾਬਕ ਵੀਰਵਾਰ ਨੂੰ 45,720 ਜਿਹੜੇ ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਉਨ੍ਹਾਂ 'ਚ ਸਭ ਤੋਂ ਵੱਧ 10,764 ਕੇਸ ਮਹਾਰਾਸ਼ਟਰ ਦੇ ਹਨ। ਇਸੇ ਤਰ੍ਹਾਂ ਤਾਮਿਲਨਾਡੂ 5849, ਕਰਨਾਟਕ 4,764, ਉੱਤਰ ਪ੍ਰਦੇਸ਼ 2300, ਬੰਗਾਲ 'ਚ 2291, ਤੇਲੰਗਾਨਾ 1554, ਬਿਹਾਰ 1417, ਅਸਾਮ 130, ਦਿੱਲੀ 1227, ਓਡੀਸ਼ਾ 1078, ਕੇਰਲ 1038 ਤੇ ਗੁਜਰਾਤ 'ਚ 1020 ਨਵੇਂ ਮਾਮਲੇ ਦਰਜ ਕੀਤੇ ਗਏ। ਇਸੇ ਤਰ੍ਹਾਂ 24 ਘੰਟਿਆਂ 'ਚ ਜਿਨ੍ਹਾਂ 1129 ਲੋਕਾਂ ਦੀ ਮੌਤ ਹੋਈ ਹੈ ਉਨ੍ਹਾਂ 'ਚ ਸਭ ਤੋਂ ਵੱਧ 518 ਮੌਤਾਂ ਤਾਮਿਲਨਾਡੂ 'ਚ ਹੋਈਆਂ ਹਨ। ਮਹਾਰਾਸ਼ਟਰ 'ਚ 280, ਆਂਧਰ ਪ੍ਰਦੇਸ਼ 'ਚ 65, ਕਰਨਾਟਕ 'ਚ 55, ਬੰਗਾਲ 'ਚ 39, ਉੱਤਰ ਪ੍ਰਦੇਸ਼ 'ਚ 34, ਦਿੱਲੀ 'ਚ 29, ਗੁਜਰਾਤ 'ਚ 28, ਮੱਧ ਪ੍ਰਦੇਸ਼ 'ਚ 14 ਤੇ ਜੰਮੂ-ਕਸ਼ਮੀਰ 'ਚ 10 ਲੋਕਾਂ ਦੀ ਮੌਤ ਹੋਈ ਹੈ। ਝਾਰਖੰਡ ਤੇ ਤੇਲੰਗਾਨਾ 'ਚ ਨੌਂ-ਨੌਂ, ਹਰਿਆਣਾ 'ਚ ਅੱਠ, ਅਸਾਮ, ਪੰਜਾਬ ਤੇ ਰਾਜਸਥਾਨ 'ਚ ਛੇ-ਛੇ ਲੋਕਾਂ ਦੀ ਮੌਤ ਹੋਈ ਹੈ।

ਕੋਰੋਨਾ ਵਾਇਰਸ ਛੇ ਤਰ੍ਹਾਂ ਦਾ ਹੁੰਦੈ - ਅਧਿਐਨ

ਲੰਡਨ,ਜੁਲਾਈ 2020 -(ਗਿਆਨੀ ਰਾਵਿਦਰਪਾਲ ਸਿੰਘ)-  ਯੂ. ਕੇ. ਸਰਕਾਰ ਲੋਕਾਂ 'ਚ ਲੱਖਾਂ ਟੈਸਟ ਕਿੱਟਾਂ ਵੰਡਣ ਦੀ ਯੋਜਨਾ ਬਣਾ ਰਹੀ ਹੈ । ਸਰਕਾਰ ਨੇ ਆਪਣੇ ਪਹਿਲੇ ਪ੍ਰਯੋਗ ਲਈ ਸਹਿਮਤੀ ਦੇ ਦਿੱਤੀ ਹੈ । ਇਕ ਰਿਪੋਰਟ 'ਚ ਦਾਅਵਾ ਕੀਤਾ ਕਿ ਇਸ ਕਿੱਟ ਦੀ ਜੂਨ 'ਚ ਪਰਖ ਕੀਤੀ ਗਈ ਸੀ, ਜਿਸ ਦੇ ਨਤੀਜੇ 98.6% ਸਹੀ ਪਾਏ ਗਏ। ਫਿੰਗਰਪਿ੍ਕ ਟੈਸਟ ਦਾ ਮਤਲਬ ਹੈ ਕਿ ਸੂਈ ਨੂੰ ਉਂਗਲ 'ਚ ਚੱਬੋ ਕੇ ਖ਼ੂਨ ਲਿਆ ਜਾਂਦਾ ਹੈ ਅਤੇ 20 ਮਿੰਟਾਂ 'ਚ ਲਾਗ ਦਾ ਪਤਾ ਲਗਾਇਆ ਜਾ ਸਕਦਾ ਹੈ । ਇਸ ਨੂੰ ਆਕਸਫੋਰਡ ਯੂਨੀਵਰਸਿਟੀ ਦੇ ਸਹਿਯੋਗ ਨਾਲ ਯੂ. ਕੇ. ਰੈਪਿਡ ਟੈਸਟ ਕੰਸੋਰਟੀਅਮ ਦੁਆਰਾ ਵਿਕਸਤ ਕੀਤਾ ਗਿਆ ਹੈ । ਯੂ. ਕੇ. ਦਾ ਸਿਹਤ ਵਿਭਾਗ ਇਸ ਸਾਲ ਦੇ ਅੰਤ ਤੱਕ ਖ਼ਰੀਦੀਆਂ ਜਾਣ ਵਾਲੀਆਂ ਲੱਖਾਂ ਟੈਸਟ ਕਿੱਟਾਂ ਬਾਰੇ ਆਰ.ਟੀ.ਸੀ. ਨਾਲ ਗੱਲ ਕਰ ਰਿਹਾ ਹੈ ।   ਖੋਜਕਾਰ ਕੋਰੋਨਾ ਵਾਇਰਸ ਬਾਰੇ ਨਵੇਂ ਖ਼ੁਲਾਸੇ ਕਰ ਰਹੇ ਹਨ । ਹੁਣ ਇਹ ਖ਼ੁਲਾਸਾ ਹੋਇਆ ਹੈ ਕਿ ਕੋਰੋਨਾ ਵਾਇਰਸ 6 ਤਰ੍ਹਾਂ ਦਾ ਹੈ । ਹਰ ਕਿਸੇ ਦੇ ਵੱਖ-ਵੱਖ ਲੱਛਣ ਹਨ । ਲੰਡਨ ਦੇ ਕਿੰਗਜ਼ ਕਾਲਜ ਨੇ ਕਿਹਾ ਹੈ ਕਿ ਇਹ ਫ਼ੈਸਲਾ ਕੀਤਾ ਜਾ ਸਕਦਾ ਹੈ ਕਿ ਕਿਹੜੇ ਮਰੀਜ਼ ਨੂੰ ਵਾਇਰਸ ਦਾ ਕਿੰਨਾ ਖ਼ਤਰਾ ਹੈ ਅਤੇ ਉਸ ਦਾ ਕੀ ਇਲਾਜ ਕੀਤਾ ਜਾਣਾ ਚਾਹੀਦਾ ਹੈ । ਅਧਿਐਨ ਦੀ ਅਜੇ ਸਮੀਖਿਆ ਨਹੀਂ ਕੀਤੀ ਗਈ ਹੈ । ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਉਨ੍ਹਾਂ ਲੋਕਾਂ ਦੇ ਇਲਾਜ 'ਚ ਸੁਧਾਰ ਕਰਨ 'ਚ ਮਦਦ ਕਰ ਸਕਦਾ ਹੈ ਜਿਨ੍ਹਾਂ ਨੰੂ ਵਧੇਰੇ ਖ਼ਤਰਾ ਹੈ ਅਤੇ ਦੂਜੀ ਲਹਿਰ ਦੀ ਸੂਰਤ 'ਚ ਲਾਗ ਦਾ ਸ਼ਿਕਾਰ ਹੋਣ ਦੀ ਸੰਭਾਵਨਾ ਹੈ । ਲਗਾਤਾਰ ਖਾਂਸੀ, ਸਿਰ ਦਰਦ ਅਤੇ ਦਸਤ, ਬੁਖ਼ਾਰ ਜਾਂ ਗੰਧ ਦੀ ਕਮੀ ਇਸ ਦੇ ਲੱਛਣ ਹਨ । ਮਾਰਚ ਅਤੇ ਅਪ੍ਰੈਲ 'ਚ ਯੂ.ਐੱਸ. ਅਤੇ ਯੂ.ਕੇ. ਦੇ 1600 ਮਰੀਜ਼ਾਂ ਦਾ ਅੰਕੜਾ ਇਕੱਠਾ ਕੀਤਾ । ਜਿਨ੍ਹਾਂ ਤੋਂ ਪਤਾ ਲੱਗਾ ਕਿ ਕਿ ਕੋਵਿਡ-19 ਇਕ ਨਹੀਂ 6 ਤਰ੍ਹਾਂ ਦਾ ਹੈ ਅਤੇ ਉਨ੍ਹਾਂ ਦੇ 6 ਵੱਖ-ਵੱਖ ਲੱਛਣ ਹੁੰਦੇ ਹਨ । ਉਹ ਹੌਲੀ-ਹੌਲੀ ਗੰਭੀਰ ਹੋ ਜਾਂਦੇ ਹਨ । ਕਿਸੇ ਨੂੰ ਬੁਖ਼ਾਰ ਨਹੀਂ ਹੁੰਦਾ, ਕਿਸੇ ਨੂੰ ਬੁਖ਼ਾਰ ਹੁੰਦਾ ਹੈ ਅਤੇ ਬੁਖ਼ਾਰ ਹੋਣ ਤੋਂ ਬਾਅਦ ਕਿਸੇ ਨੂੰ ਦਸਤ ਲੱਗ ਜਾਂਦੇ ਹਨ । ਇਸ ਤੋਂ ਇਲਾਵਾ, ਥਕਾਵਟ ਅਤੇ ਪੇਟ ਦੀਆਂ ਸਮੱਸਿਆਵਾਂ ਵੀ ਵਿਭਿੰਨ ਕਾਰਨਾਂ ਕਰਕੇ ਹੁੰਦੀਆਂ ਹਨ । 

ਆਕਸਫੋਰਡ ਕੋਵਿਡ-19 ਵੈਕਸੀਨ ਦੇ ਭਾਰਤ 'ਚ ਵੀ ਜਲਦ ਹੋਣਗੇ ਟਰਾਇਲ

ਡੀਜੀਸੀਆਈ ਤੋਂ ਮਨਜ਼ੂਰੀ ਮੰਗੇਗਾ ਸੀਰਮ ਇੰਸਟੀਚਿਊਟ

ਮਾਨਚੈਸਟਰ, ਜੁਲਾਈ 2020 -(ਅਮਨਜੀਤ ਸਿੰਘ ਖਹਿਰਾ)- ਆਕਸਫੋਰਡ ਯੂਨੀਵਰਸਿਟੀ ਵਿਗਿਆਨੀਆਂ ਨੂੰ ਕੋਵਿਡ-19 ਵੈਕਸੀਨ ਦੇ ਟਰਾਇਲਜ਼ ਤੋਂ ਪਹਿਲੇ ਚੜਾਅ 'ਚ ਮਿਲੀ ਸਫਲਤਾ ਤੋਂ ਦੁਨੀਆ ਨੂੰ ਰਾਹਮ ਮਿਲੀ ਹੈ। ਇਸ ਦਾ ਸੈਕੜਿਆਂ ਲੋਕਾਂ 'ਤੇ ਟਰਾਇਲ ਸਫ਼ਲ ਰਿਹਾ ਹੈ। ਆਕਸਫੋਰਡ ਦੇ ਵਿਗਿਆਨੀਆਂ ਨੇ ਕਿਹਾ ਕਿ ਉਹ ਇਸ ਅਸਟਰ ਜੇਨੇਕ ਵੈਕਸੀਨ ਦਾ ਭਾਰਤ 'ਚ ਵੀ ਜਲਦ ਹੀ ਪ੍ਰੀਖਣ ਕੀਤਾ ਜਾਵੇਗਾ। ਆਕਸਫੋਰਡ ਯੂਨੀਵਰਸਿਟੀ ਯੂਕੇ ਦੀ ਆਲਮੀ ਫਰਮਾਕਿਊਟਲ ਕੰਪਨੀ ਅਸਟਰ ਜੇਨੇਕਾ ਦੇ ਨਾਲ ਮਿਲ ਕੇ ਇਸ ਵੈਕਸੀਨ ਦਾ ਨਿਰਮਾਣ ਕਰ ਰਹੀ ਹੈ। ਅਸਟਰ ਜੇਨੇਕਾ ਨੇ ਦੁਨੀਆਭਰ 'ਚ 9 ਕੰਪਨੀਆਂ ਨਾਲ ਸਾਂਝੇਦਾਰੀ ਕੀਤੀ ਤੇ ਇਸ ਦਾ ਮਕਸਦ ਇਸ ਦੇ 2 ਅਰਬ ਡੋਜ ਤਿਆਰ ਕਰਨ ਦਾ ਹੈ। ਅਸਟਰ ਜੇਨੇਕਾ ਨੇ ਇਸ ਲਈ ਭਾਰਤ ਸੀਰਮ ਇੰਸਟੀਚਿਊਟ ਨਾਲ ਡੀਲ ਕੀਤੀ ਹੈ। ਆਕਸਫੋਰਡ-ਜੇਨਰ ਵੈਕਸੀਨ ਟਰਾਇਲ ਦੀ ਪ੍ਰੈੱਸ ਕਾਨਫਰੰਸ ਦੇ ਦੌਰਾਨ ਡਾ. ਸੈਂਡੀ ਡਗਲਸ ਨੇ ਕਿਹਾ, ਅਸੀਂ ਇਸ ਵੈਕਸੀਨ ਦੀ ਭਾਰਤ 'ਚ ਟਰਾਇਲਜ਼ ਦੀ ਪਲਾਨਿੰਗ ਕਰ ਰਹੇ ਹਾ।' ਉਨ੍ਹਾਂ ਨੇ ਭਾਰਤ ਦੀ ਸੀਰਮ ਇੰਸਟੀਚਿਊਟ ਦੀ ਪ੍ਰਤੀਬੱਧਤਾ ਦੀ ਤਾਰੀਫ਼ ਕੀਤੀ।  ਅਸਟਰ ਜੇਨੇਕਾ ਦੇ ਰਿਸਰਚ ਐਂਡ ਡਿਵੈੱਲਪਮੈਂਟ ਦੇ ਕਾਰਜਕਾਰੀ ਮੁਖੀ ਮੈਨੇ ਪੰਗਲੌਸ (Mene Pangalos) ਨੇ ਕਿਹਾ ਅਸੀਂ ਉਤਸ਼ਾਹਿਤ ਹਾਂ ਕਿਉਂਕਿ ਪਹਿਲੇ ਤੇ ਦੂਜੇ ਪੜਾਅ ਦੇ ਅੰਤਰਿਮ ਡਾਟਾ ਤੋਂ ਪਤਾ ਚੱਲਿਆ ਕਿ AZD1222 ਤੇਜ਼ੀ ਨਾਲ ਐਂਟੀਬਾਡੀ ਤੇ ਟੀ ਸੈਲਸ ਤਿਆਰ ਕਰਦਾ ਹੈ। ਇਸ ਡਾਟਾ ਨਾਲ ਸਾਡਾ ਉਤਸ਼ਾਹ ਵਧਿਆ ਹੈ ਤੇ ਹੁਣ ਕੰਮ 'ਚ ਹੋਰ ਤੇਜ਼ੀ ਆਵੇਗੀ। ਹਾਲੇ ਬਹੁਤ ਕੰਮ ਕਰਨਾ ਹੈ। 

ਇਕ ਹੋਰ ਵੀ ਖੁਸ਼ੀ ਦੀ ਗੱਲ ਕੇ ਭਾਰਤ 'ਚ ਵੀ ਹੋਵੇਗੀ ਟਰਾਇਲ ਦੀ ਸ਼ੁਰੂਆਤ

ਇਸ 'ਚ ਸੀਰਮ ਇੰਸਟੀਚਿਊਟ ਨੇ ਸੋਮਵਾਰ ਨੂੰ ਕਾ ਕਿ ਉਹ ਭਾਰਤੀ ਰੇਗੂਲੇਟਰ DGCI ਤੋਂ ਇਸ ਦੇ ਕਲੀਨਿਕਲ ਪ੍ਰੀਖਣ ਲਈ ਮਨਜ਼ੂਰੀ ਮੰਗ ਰਿਹਾ ਹੈ। ਪੁਣੇ ਦੀ ਸੀਰਮ ਇੰਸਟੀਚਿਊਟ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅੰਤਿਮ ਮਨਜ਼ੂਰੀ ਮਿਲਣ ਤੋਂ ਪਹਿਲਾਂ ਹੀ ਇਸ ਵੈਕਸੀਨ ਦਾ ਨਿਰਮਾਣ ਸ਼ੁਰੂ ਕਰ ਦੇਵੇਗਾ ਤਾਂਜੋ ਜਿਵੇਂ ਹੀ ਇਸ ਹਰੀ ਝੰਡੀ ਮਿਲੇ ਉਸ ਸਮੇਂ ਉਸ ਦੇ ਕੋਲ ਪੂਰੀ ਤਰ੍ਹਾਂ 'ਚ ਵੈਕਸੀਨ ਤਿਆਰ ਰਹੇ। ਸੀਰਮ ਇੰਸਟੀਚਿਊਟ ਦੇ ਮੁੱਖ ਕਾਰਜਕਾਰੀ ਅੰਦਾਰ ਪੂਨੇਵਾਲਾ (Adar Poonawalla) ਨੇ ਕਿਹਾ, ਟਰਾਇਲ ਦੇ ਨਤੀਜੇ ਉਤਸ਼ਾਹਜਨਕ ਰਹੇ ਹਨ। ਅਸੀਂ ਟਰਾਇਲ ਲਈ ਅਪਲਾਈ ਕਰਨ ਵਾਲੇ ਹਾਂ ਤੇ ਜਿਵੇਂ ਹੀ ਮਨਜ਼ੂਰੀ ਮਿਲੇਗੀ ਅਸੀਂ ਇਸ ਨੂੰ ਸ਼ੁਰੂ ਕਰ ਦੇਵਾਂਗਾ। ਅਸੀਂ ਇਸ ਦਾ ਵੱਡੇ ਪੱਧਰ 'ਤੇ ਨਿਰਮਾਣ ਵੀ ਸ਼ੁਰੂ ਕਰਾਂਗੇ।

ਤਕਰੀਬਨ 50 ਲੱਖ ਰੁਪਏ 800 ਮੀਲ ਪੈਦਲ ਚੱਲਕੇ ਕੀਤੇ ਇਕੱਠੇ ਵਰਲਡ ਕੈਂਸਰ ਕੇਅਰ ਦੀ ਟੀਮ ਲਈ ਮਾਣ ਵਾਲੀ ਗੱਲ

ਮਾਨਚੈਸਟਰ, ਜੁਲਾਈ 2020 -(ਅਮਨਜੀਤ ਸਿੰਘ ਖਹਿਰਾ)- ਡਾ ਕੁਲਵੰਤ ਸਿੰਘ ਧਾਲੀਵਾਲ ਅਤੇ ਓਹਨਾ ਦੀ ਸੰਸਥਾ ਵਰਲਡ ਕੈਂਸਰ ਕੇਅਰ ਜਿਸ ਦਾ ਮਕਸਦ ਹੀ ਮਨੁੱਖਤਾ ਦੀ ਸੇਵਾ ਹੈ ਓਹਨਾ ਇਕ ਵੇਰ ਫੇਰ ਇਹ ਸੱਚ ਕਰ ਦਿਤਾ ਹੈ । ਓਹਨਾ ਪਿਛਲੇ ਲਾਕਡੌਨ ਦੇ ਸਮੇ ਦੁਰਾਨ 800 ਮੀਲ ਪੈਦਲ ਚੱਲ ਕੇ ਆਪਣੇ ਸਾਥੀਆਂ ਦੇ ਸਹਿਯੋਗ ਨਾ ਵੱਡੀ ਰਕਮ ਇਕੱਠੀ ਕੀਤੀ ਜੋ ਕੇ  51000 ਪਾਊਂਡ (50,00 ,000 ਲੱਖ ਦੇ ਕਰੀਬ ਬਣਦੀ ਹੈ ਜੋ NHS UK ਨੂੰ ਦਾਨ ਕੀਤੀ ਹੈ। ਹੁਣ ਸ ਧਾਲੀਵਾਲ Vaccine ਦੇ ਲਈ 1100 ਮੀਲ ਹੋਰ ਚੱਲ ਰਿਹਾ ਹੈ। ਸਾਡੇ ਪ੍ਰਤਿਨਿਧ ਨਾਲ ਗੱਲ ਬਾਤ ਕਰਦੇ ਸ ਧਾਲੀਵਾਲ ਨੇ ਦੱਸਿਆ ਕਿ ਵਰਲਡ ਕੈਂਸਰ ਕੇਅਰ ਦਾ ਸਿਰਫ ਤੇ ਸਿਰਫ ਮਕਸਦ ਮਨੁੱਖਤਾ ਦੀ ਸੇਵਾ ਹੈ।ਅਸੀਂ ਉਹਨਾਂ ਸਭ ਦੇ ਬਹੁਤ ਧੰਨਵਾਦੀ ਹਾਂ ਜਿਨ੍ਹਾਂ ਨੇ  NHS ਲਈ ਸਾਨੂੰ ਵੱਡਾ ਸਹਿਯੋਗ ਦਿੱਤਾ ਅਤੇ ਹੁਣ ਫੇਰ ਮੈਂ ਆਸ ਕਰਦਾ ਹਾਂ ਕਿ ਤੁਸੀਂ ਮੇਰੀ ਦਿਲ ਖੋਲ੍ਹ ਕੇ ਮਦਦ ਕਰੋਗੇ। 1100 ਮੀਲ ਚਲਣਾ ਕਠਨ ਹੋਵਗਾ ਪਰ ਜਦੋ ਤੁਸੀਂ ਸਾਰੇ ਮੇਰੇ ਨਾਲ ਹੋਵੋਗੇ ਫੇਰ ਇਹ ਸਭ ਕੁਸ ਵੀ ਨਹੀ ।

ਵਰਲਡ ਕੈਂਸਰ ਕੇਅਰ ਦੀ ਮਦਦ ਲਈ ਜਰੂਰੀ ਲਿੰਕ 

www.worldcancercare.co.in

For NRIs www.worldcancercare.org

Mob. Ind. 9888711774-99

UK 00 44 7947 315461

Canada +16043455632

ਲੰਡਨ, ਜੁਲਾਈ 2020  ( ਗਿਆਨੀ ਅਮਰੀਕ ਸਿੰਘ ਰਾਠੌਰ)- ਯੂ.ਕੇ. ਦੇ ਸਟੀਲ ਕਾਰੋਬਾਰੀ ਲਕਸ਼ਮੀ ਮਿੱਤਲ ਨੇ ਆਕਸਫੋਰਡ ਯੂਨੀਵਰਸਿਟੀ ਨੂੰ ਕੋਰੋਨਾ ਵੈਕਸੀਨ ਤਿਆਰ ਕਰਨ ਲਈ 35 ਲੱਖ ਪੌਾਡ (ਲਗਪਗ 3300 ਕਰੋੜ ਰੁਪਏ) ਦੀ ਮਦਦ ਦਿੱਤੀ ਹੈ। ਮਿੱਤਲ ਪਰਿਵਾਰ ਨੇ ਇਹ ਮਦਦ ਆਕਸਫੋਰਡ ਯੂਨੀਵਰਸਿਟੀ ਦੇ ਟੀਕਾਕਰਨ ਵਿਭਾਗ ਨੂੰ ਦਿੱਤੀ ਹੈ, ਜੋ ਜੇਨਰ ਇੰਸਟੀਚਿਊਟ ਨਾਲ ਸਬੰਧਿਤ ਹੈ।ਜਿਸ ਦੇ ਡਾਇਰੈਕਟਰ ਪ੍ਰੋਫੈਸਰ ਐਡਰਿਅਨ ਹਿੱਲ ਹਨ | ਇਸ ਦਾਨ ਤੋਂ ਬਾਅਦ ਉਨ੍ਹਾਂ ਦੀ ਪੋਸਟ ਨੂੰ 'ਲਕਸ਼ਮੀ ਮਿੱਤਲ ਐਾਡ ਫੈਮਲੀ ਪ੍ਰੋਫੈਸਰਸ਼ਿਪ ਆਫ਼ ਵੈਕਸਨੌਲੌਜੀ' ਦਾ ਨਾਂਅ ਦਿੱਤਾ ਗਿਆ ਹੈ। ਜੈਨਰ ਇੰਸਟੀਚਿਊਟ ਦੀ ਸਥਾਪਨਾ 2005 'ਚ ਆਕਸਫੋਰਡ ਅਤੇ ਯੂ. ਕੇ. ਇੰਸਟੀਚਿਊਟ ਫ਼ਾਰ ਐਨੀਮਲ ਹੈਲਥ ਨਾਲ ਸਾਂਝੇਦਾਰੀ 'ਚ ਕੀਤੀ ਗਈ ਸੀ। ਵਿਸ਼ਵ ਭਰ 'ਚ ਵੈਕਸੀਨ ਅਧਿਐਨ ਨੂੰ ਲੈ ਕੇ ਇਹ ਸੰਸਥਾ ਚੋਟੀ 'ਤੇ ਹੈ। ਕੋਰੋਨਾ ਮਹਾਂਮਾਰੀ ਵਿੱਤ ਟੀਕਾ ਤਿਆਰ ਕਰਨ ਲਈ ਬਹੁਤ ਤੇਜ਼ੀ ਨਾਲ ਕੰਮ ਚੱਲ ਰਿਹਾ ਹੈ¢ ਆਕਸਫੋਰਡ ਯੂਨੀਵਰਸਿਟੀ ਵਲੋਂ ਕੋਰੋਨਾ ਵੈਕਸੀਨ ਲਈ ਮਨੁੱਖੀ ਪਰੇਖਣ ਦਾ ਕੰਮ ਇੰਗਲੈਂਡ, ਬ੍ਰਾਜ਼ੀਲ ਅਤੇ ਦੱਖਣੀ ਅਫ਼ਰੀਕਾ 'ਚ ਕੀਤਾ ਜਾ ਰਿਹਾ ਹੈ। ਪ੍ਰੋਫੈਸਰ ਐਾਡ ਰਿਅਨ ਹਿੱਲ ਜੇਨਰ ਸੰਸਥਾ ਦੇ ਡਾਇਰੈਕਟਰ ਹਨ। ਲਕਸ਼ਮੀ ਮਿੱਤਲ ਨੇ ਕਿਹਾ ਹੈ ਕਿ ਕੋਰੋਨਾ ਮਹਾਂਮਾਰੀ ਤੋਂ ਬਾਅਦ ਦੁਨੀਆ ਨੂੰ ਕਿਸੇ ਵੀ ਤਰ੍ਹਾਂ ਦੇ ਮਹਾਂਮਾਰੀ ਲਈ ਪੂਰੀ ਤਰ੍ਹਾਂ ਤਿਆਰ ਰਹਿਣਾ ਪਏਗਾ।ਇਸ ਮਹਾਂਮਾਰੀ ਨੇ ਵੱਡੇ ਪੱਧਰ 'ਤੇ ਸਮਾਜਿਕ ਅਤੇ ਆਰਥਿਕ ਨੁਕਸਾਨ ਕੀਤਾ ਹੈ।ਮਿੱਤਲ ਨੇ ਕਿਹਾ ਕਿ ਅਜਿਹੀ ਸਥਿਤੀ 'ਚ ਜਦੋਂ ਮੈਂ ਪ੍ਰੋਫੈਸਰ ਹਿੱਲ ਨਾਲ ਗੱਲ ਕੀਤੀ ਤਾਂ ਮੈਨੂੰ ਅਹਿਸਾਸ ਹੋਇਆ ਕਿ ਉਹ ਟੀਕਾ ਬਣਾਉਣ ਲਈ ਜੋ ਕਰ ਰਹੇ ਹਨ ਉਹ ਬਹੁਤ ਮਹੱਤਵਪੂਰਨ ਹੈ।  

ਮਾਨਚੈਸਟਰ, ਜੁਲਾਈ 2020  (ਗਿਆਨੀ ਅਮਰੀਕ ਸਿੰਘ ਰਾਠੌਰ)- ਸਕਾਟਲੈਂਡ ਦੀ ਪਹਿਲੀ ਮੰਤਰੀ ਨਿਕੋਲਾ ਸਟਰਜਨ ਨੇ ਅੱਜ ਤੋਂ ਇਹ ਲਾਜ਼ਮੀ ਕਰਾਰ ਦਿੱਤਾ ਹੈ ਕਿ ਦੁਕਾਨਾਂ 'ਚ ਖ਼ਰੀਦਦਾਰੀ ਕਰਦੇ ਸਮੇਂ ਮਾਸਕ ਜਾਂ ਕਿਸੇ ਪ੍ਰਕਾਰ ਦੇ ਕੱਪੜੇ/ਰੁਮਾਲ ਨਾਲ ਮੂੰਹ ਨੱਕ ਢਕਿਆ ਹੋਣਾ ਜ਼ਰੂਰੀ ਹੈ। ਮੂੰਹ/ਨੱਕ ਢਕਿਆ ਨਾ ਹੋਣ ਦੀ ਸੂਰਤ 'ਚ ਤੁਹਾਨੂੰ 60 ਪੌਡ ਜਾਂ ਇਸ ਤੋਂ ਵੱਧ ਦਾ ਜੁਰਮਾਨਾ ਕੀਤਾ ਜਾ ਸਕਦਾ ਹੈ। ਪੰਜ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆ ਅਤੇ ਪੁਲਿਸ ਨੂੰ ਇਸ ਤੋਂ ਛੋਟ ਹੋਵੇਗੀ। ਕੈਫ਼ੇ, ਰੈਸਟੋਰੈਂਟ, ਪੱਬ, ਬੈਂਕਾਂ, ਸਹਿਕਾਰੀ ਬੈਂਕਾਂ 'ਚ ਮਾਸਕ ਪਾਉਣਾ ਜ਼ਰੂਰੀ ਨਹੀਂ ਹੈ। ਪਰ ਜਨਤਕ ਥਾਵਾਂ 'ਤੇ 2 ਮੀਟਰ ਦੀ ਸਮਾਜਿਕ ਦੂਰੀ ਰੱਖਣੀ ਲਾਜ਼ਮੀ ਹੈ। ਜ਼ਿਕਰਯੋਗ ਹੈ ਕਿ ਸਕਾਟਲੈਂਡ 'ਚ 22 ਜੂਨ ਤੋਂ ਜਨਤਕ ਆਵਾਜਾਈ ਬੱਸਾਂ, ਰੇਲ ਗੱਡੀਆਂ 'ਚ ਮੂੰਹ-ਨੱਕ ਢਕਣਾ ਪਹਿਲਾਂ ਉਹੀ ਲਾਜ਼ਮੀ ਕਰਾਰ ਦਿੱਤਾ ਹੋਇਆ ਹੈ ।

ਵਾਸ਼ਿੰਗਟਨ,  ਜੁਲਾਈ 2020 - (ਏਜੰਸੀ)- ਇਮੀਗਰੇਸ਼ਨ ਐਂਡ ਕਸਟਮਜ਼ ਐਨਫੋਰਸਮੈਂਟ ਦੇ ਵਿਦੇਸ਼ੀ ਵਿਦਿਆਰਥੀਆਂ ਬਾਰੇ ਨਵੇਂ ਨੇਮਾਂ ਖਿਲਾਫ਼ ਹਾਰਵਰਡ ਯੂਨੀਵਰਸਿਟੀ ਅਤੇ ਮੈਸਾਚੁਐਸਟਸ ਇੰਸਟੀਚਿਊਟ ਆਫ਼ ਟੈਕਨਾਲੌਜੀ (ਐੱਮਆਈਟੀ) ਨੇ ਕੇਸ ਦਾਖ਼ਲ ਕੀਤਾ ਹੈ। ਬੋਸਟਨ ਦੀ ਜ਼ਿਲ੍ਹਾ ਅਦਾਲਤ ’ਚ ਬੁੱਧਵਾਰ ਨੂੰ ਦਾਖ਼ਲ ਕੇਸ ’ਚ ਦੋਵੇਂ ਵਿਦਿਅਕ ਅਦਾਰਿਆਂ ਨੇ ਮੰਗ ਕੀਤੀ ਹੈ ਕਿ ਫ਼ੈਸਲੇ ’ਤੇ ਰੋਕ ਲਗਾਈ ਜਾਵੇ ਅਤੇ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਨੂੰ ਗ਼ੈਰਕਾਨੂੰਨੀ ਐਲਾਨਿਆ ਜਾਵੇ। ਜ਼ਿਕਰਯੋਗ ਹੈ ਕਿ ਅਮਰੀਕਾ ਨੇ ਨਵੇਂ ਵੀਜ਼ਾ ਨੇਮਾਂ ’ਚ ਕਿਹਾ ਹੈ ਕਿ ਆਨਲਾਈਨ ਪੜ੍ਹਾਈ ਕਰਨ ਵਾਲੇ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਆਪਣੇ ਮੁਲਕ ਪਰਤਣਾ ਪਵੇਗਾ। ਐੱਮਆਈਟੀ ਦੇ ਪ੍ਰਧਾਨ ਰਾਫੇਲ ਰੀਫ ਨੇ ਕਿਹਾ ਕਿ ਸਰਕਾਰ ਦੇ ਫ਼ੈਸਲੇ ਨਾਲ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਨੁਕਸਾਨ ਹੋਵੇਗਾ। ਹਾਰਵਰਡ ਦੇ ਪ੍ਰਧਾਨ ਲਾਰੈਂਸ ਐੱਸ ਬਾਕਾਓ ਨੇ ਕਿਹਾ ਕਿ ਵਿਦਿਆਰਥੀਆਂ ਨੂੰ ਜਾਂ ਤਾਂ ਅਜਿਹੇ ਵਿਦਿਅਕ ਅਦਾਰਿਆਂ ’ਚ ਦਾਖ਼ਲਾ ਲੈਣਾ ਪਵੇਗਾ ਜਿਥੇ ਉਨ੍ਹਾਂ ਨੂੰ ਖੁਦ ਜਾ ਕੇ ਪੜ੍ਹਾਈ ਕਰਨੀ ਪਵੇਗੀ ਜਾਂ ਫਿਰ ਉਨ੍ਹਾਂ ਨੂੰ ਮੁਲਕ ਛੱਡਣਾ ਪਵੇਗਾ। ਉਧਰ ਨਵੇਂ ਵੀਜ਼ਾ ਨੇਮਾਂ ਦਾ ਅਸਰ ਭਾਰਤੀ ਵਿਦਿਆਰਥੀਆਂ ’ਤੇ ਪੈਣਾ ਸੁਭਾਵਿਕ ਹੈ। ਭਾਰਤੀ ਸਫ਼ਾਰਤਖਾਨੇ ਦੇ ਤਰਜਮਾਨ ਨੇ ਕਿਹਾ ਕਿ ਅਮਰੀਕੀ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਨੇ ਅਜੇ ਨਵੇਂ ਅਕਾਦਮਿਕ ਵਰ੍ਹੇ ਦਾ ਐਲਾਨ ਕਰਨਾ ਹੈ ਅਤੇ ਇਸ ਨਾਲ ਦੁਚਿੱਤੀ ਦਾ ਮਾਹੌਲ ਬਣੇਗਾ। ਉਨ੍ਹਾਂ ਕਿਹਾ ਕਿ ਵਿਦੇਸ਼ ਸਕੱਤਰ ਹਰਸ਼ਵਰਧਨ ਸ਼੍ਰਿੰਗਲਾ ਨੇ 7 ਜੁਲਾਈ ਨੂੰ ਸਿਆਸੀ ਮਾਮਲਿਆਂ ਬਾਰੇ ਅੰਡਰ ਸੈਕਟਰੀ ਕੋਲ ਇਹ ਮਾਮਲਾ ਉਠਾਇਆ ਹੈ।