ਲੁਧਿਆਣਾ

ਜਗਰਾਓਂ, ਜੂਨ 2019-(ਮਨਜਿੰਦਰ ਗਿੱਲ)- ਅੱਜ ਮਿਤੀ 7-6-019 ਨੂੰ ਸਿਵਲ ਹਸਪਤਾਲ ਜਗਰਾਉਂ  ਵਿਖੇ ਲੋਕਹਿੱੱਤ ਵੈਲਫੇਅਰ ਸੋਸਾਇਟੀ (ਰਜ਼ਿ) ਜਗਰਾਉਂ ਵਲੋਂ ਸਹੀਦਾ ਦੇ ਸਰਤਾਜ ਧੰਨ ਧੰਨ ਸ਼੍ਰੀ ਗੁਰੂ ਅਰਜਨ ਦੇਵ ਜੀ ਦੀ ਲਾਸਾਨੀ ਸਹਾਦਤ ਦਿਹਾੜੇ ਸਮੇਂ ਠੰਡੇ ਮਿੱਠੇ ਜਲ ਦੀ ਛਬੀਲ ਮਰੀਜ਼ਾ ਅਤੇ ਉਨ੍ਹਾ ਦੇ ਰਿਸ਼ਤੇਦਾਰਾ ਲਈ ਲਗਾਈ ਗਈ। ਇਸ ਸੋਸਾਇਟੀ ਦੇ ਚੇਅਰਮੈਂਨ ਸ਼੍ਰੀ ਰਵਿੰਦਰ ਸਿੰਘ, ਪ੍ਰਧਾਨ ਸ੍ਰੀ ਜਗਦੀਸਪਾਲ ਮਹਿਤਾ, ਸ਼੍ਰੀ ਹਰਬੰਸ ਲਾਲ,  ਸ੍ਰੀ ਮਹੀਪਾਲ ਸਿੰਘ ਕੈਸ਼ੀਅਰ, ਸ਼੍ਰੀ ਬਲਵਿੰਦਰ ਸਿੰਘ ਚਾਹਲ, ਸ੍ਰੀ ਬੀਮਸੈਨ, ਸ੍ਰੀ ਹਰਮਿੰਦਰ ਸਿੰਘ ਭੁਪਾਲ ਅਤੇ ਬੀ.ਕੇ ਗੈਸ ਏਜ਼ੰਸੀ ਦੇ ਮਾਲਕ ਡਾ. ਨਰਿੰਦਰ ਸਿੰਘ ਨੇ ਆਪਣੀ ਨੇਕ ਕਮਾਈ ਵਿੱਚ ਹਿੱਸਾ ਪਾਇਆ ਅਤੇ ਠੰਡੇ ਮਿੱਠੇ ਜਲ ਮਿਲਾਉਣ ਦੀ ਸੇਵਾ ਕੀਤੀ ਗਈ। ਸ੍ਰੀ ਰਵਿੰਦਰ ਸਿੰਘ ਜੀ ਨੇ ਕਿਹਾ ਕਿ ਇਹ ਸਾਡੀ ਸੋਸਾਇਟੀ ਦਾ ਪਹਿਲਾ ਉਪਰਾਲਾ ਹੈ। ਅੱਗੋ ਤੋਂ ਵੀ ਲੋਕਾ ਦੀ ਸੇਵਾ ਵਿੱਚ ਹੋਰ ਪ੍ਰੌਗਾਮ ਕੀਤੇ ਜਾਣਗੇ।

ਲੁਧਿਆਣਾ,  ਜੂਨ 2019- ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਨੇ ਸੂਬੇ ਵਿੱਚੋਂ ਲੰਘਦੀਆਂ ਡਰੇਨਾਂ ਨੂੰ ਸਾਫ਼ ਕਰਨ ਲਈ ਹੋਰ ਕਦਮ ਉਠਾਉਂਦੇ ਹੋਏ ਇੱਕ ਪਾਇਲਟ ਪ੍ਰਾਜੈਕਟ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਪ੍ਰੋਜੈਕਟ ਦੀ ਸ਼ੁਰੂਆਤ ਅੱਜ ਸਥਾਨਕ ਬੁੱਢੇ ਨਾਲੇ ਵਿੱਚ ਕੀਤੀ ਗਈ। ਪ੍ਰਾਜੈਕਟ ਦਾ ਉਦਘਾਟਨ ਬੋਰਡ ਦੇ ਚੇਅਰਮੈਨ ਐੱਸ.ਐੱਸ. ਮਰਵਾਹਾ ਵੱਲੋਂ ਕੀਤਾ ਗਿਆ। ਇਸ ਪ੍ਰਾਜੈਕਟ ਤਹਿਤ ਆਕਸੀਜਨ ਦੇ ਗਾੜ੍ਹੇਪਣ ਨੂੰ ਪਾਣੀ ਦੀ ਸਤਹਿ ਤੱਕ ਘੁੱਲਣ ਦੇ ਯੋਗ ਬਣਾਇਆ ਜਾ ਸਕੇਗਾ। ਇਸ ਪ੍ਰਾਜੈਕਟ ਤਹਿਤ ਬੁੱਢੇ ਨਾਲੇ ਵਿੱਚ ਵਹਿਣ ਵਾਲੇ ਪਾਣੀ ਵਿੱਚ ਦੋ ਸਤਹਿ ਐਰਰੇਟਰ (ਉਪਕਰਨ) ਲਗਾਏ ਗਏ ਹਨ ਤਾਂ ਜੋ ਭੰਗ ਹੋਈ ਆਕਸੀਜਨ ਨੂੰ ਵਧਾਇਆ ਜਾ ਸਕੇ।
ਸ੍ਰੀ ਮਰਵਾਹਾ ਨੇ ਦੱਸਿਆ ਕਿ ਬੋਰਡ ਵੱਲੋਂ ਇਨ੍ਹਾਂ ਐਰਰੇਟਰਾਂ ਵੱਲੋਂ ਮਿਲਣ ਵਾਲੇ ਨਤੀਜਿਆਂ ਦੀ ਨਿਗਰਾਨੀ ਕੀਤੀ ਜਾਵੇਗੀ। ਪ੍ਰਾਜੈਕਟ ਦੇ ਨਤੀਜਿਆਂ ਦਾ ਅਧਿਐਨ ਕਰਨ ਅਤੇ ਵਿਸ਼ਲੇਸ਼ਣ ਕਰਨ ਤੋਂ ਬਾਅਦ ਦੂਸ਼ਿਤ ਖੇਤਰਾਂ ਨੂੰ ਸਾਫ਼ ਕਰਨ ਲਈ ਬੋਰਡ ਵੱਲੋਂ ਰਣਨੀਤੀ ਤਿਆਰ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਸੂਬੇ ਵਿੱਚ ਸੀਵਰੇਜ ਟਰੀਟਮੈਂਟ ਪਲਾਂਟਾਂ ਦੀ ਸਖ਼ਤੀ ਨਾਲ ਨਿਗਰਾਨੀ ਕਰ ਰਿਹਾ ਹੈ ਅਤੇ ਜੋ ਵੀ ਐੱਸਟੀਪੀ ਮਾਪਦੰਡ ਪੂਰੇ ਨਹੀਂ ਕਰ ਰਹੇ, ਉਨ੍ਹਾਂ ਵਿਰੁੱਧ ਕਾਰਵਾਈ ਸ਼ੁਰੂ ਕੀਤੀ ਜਾ ਰਹੀ ਹੈ।
ਬੋਰਡ ਦੇ ਮੈਂਬਰ ਸਕੱਤਰ ਇੰਜਨੀਅਰ ਕਰੁਨੇਸ਼ ਗਰਗ ਨੇ ਕਿਹਾ ਕਿ ਅਜਿਹੇ ਪ੍ਰਾਜੈਕਟ ਪ੍ਰਯੋਗ ਦੇ ਤੌਰ ’ਤੇ ਕੀਤੇ ਜਾ ਰਹੇ ਹਨ ਅਤੇ ਬੋਰਡ ਰਾਜ ਭਰ ਵਿੱਚ ਨਦੀਆਂ ਦੇ ਪਾਣੀ ਦੀ ਗੁਣਵੱਤਾ ਨੂੰ ਸੁਧਾਰਨ ਲਈ ਬਹੁਤ ਉਤਸ਼ਾਹਿਤ ਹੈ। ਇਸ ਮੌਕੇ ਮੁੱਖ ਵਾਤਾਵਰਨ ਇੰਜਨੀਅਰ ਗੁਲਸ਼ਨ ਰਾਏ, ਇੰਜਨੀਅਰ ਜੀ.ਐੱਸ. ਗਿੱਲ ਅਤੇ ਇੰਜਨੀਅਰ ਪਰਮਜੀਤ ਸਿੰਘ, ਵਾਤਾਵਰਨ ਇੰਜਨੀਅਰ ਰਮਨਦੀਪ ਸਿੰਘ ਸਿੱਧੂ ਅਤੇ ਰਾਜੇਸ਼ ਬਾਵਾ ਤੇ ਹੋਰ ਆਦਿ ਵੀ ਮੌਜੂਦ ਸਨ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਇਥੋ ਨਜ਼ਦੀਕ ਪਿੰਡ ਗਾਲਿਬ ਰਣ ਸਿੰਘ ਵਿਖੇ ਮਹੰਤ ਪੂਰਨ ਸਿੰਘ ਡੇਰਾ ਨਿਰਮਲ ਸੰਤ ਆਸਰਮ ਜਿੱਥੇ ਪਿਛਲੇ 100 ਸਾਲਾਂ ਤੋ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਪ੍ਰਕਾਸ਼ ਸਨ ਪਰ ਪਿਛਲੇ ਕੁਝ ਦਿਨ ਤੋ ਡੇਰੇ ਵਿੱਚ ਪਰਿਵਾਰ ਮੈਬਰਾਂ ਆਪਸ ਵਿੱਚ ਕਾਫੀ ਕਲੇਸ਼ ਹੋ ਰਿਹਾ ਹੈ ਜਿਸ ਕਾਰਨ ਗੁਰੂ ਗ੍ਰੰਥ ਸਾਹਿਬ ਜੀ ਸੇਵਾ ਸਹੀ ਢੰਗ ਨਾਲ ਨਹੀ ਹੋ ਰਹੀ ਸੀ।ਜਿਸ ਕਾਰਨ ਪਿੰਡ ਦੀ ਸਮੂਹ ਪੰਚਾਇਤ ਨੇ ਇਸ ਦੀੌ ਸੂਚਨਾ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਸਤਿਕਾਰ ਕਮੇਟੀ ਪੰਜਾਬ ਦੇ ਪ੍ਰਧਾਨ ਭਾਈ ਹਰਜਿੰਦਰ ਸਿੰਘ ਬਾਜੇਕੇ ਤੇ ਲੁਧਿਆਣਾ ਪ੍ਰਧਾਨ ਜਥੇਦਾਰ ਮੋਹਣ ਸਿੰਘ ਬੰਗਸੀਪੁਰਾ ਨੂੰ ਦਿੱਤੀ।ਅੱਜ ਜਦੋ ਸਤਿਕਾਰ ਕਮੇਟੀ ਦੇ ਸਿੰਘਾਂ ਨੇ ਗਾਲਿਬ ਰਣ ਸਿੰਘ ਵਿੱਚ ਡੇਰੇ ਵਿੱਚ ਦੇਖਿਆ ਕਿ ਡੇਰੇ ਦੀ ਮਹੰਤ ਬੀਬੀ ਅਮਰਜੀਤ ਕੌਰ ਬੀਮਾਰ ਮੰਜੇ ਤੇ ਪਈ ਸੀ ਤੇ ਪਤਾ ਕਰਨ ਤੇ ਲੱਗਾ ਕੇ ਮਹੰਤ ਅਮਰਜੀਤ ਕੌਰ ਪਿਛਲੇ 2 ਸਾਲਾਂ ਤੋ ਬੀਮਾਰ ਹੈ ਤੇ ਉਸ ਤੋ ਸ੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਸੇਵਾ ਸੰਭਾਲ ਵੀ ਨਹੀ ਕੀਤੀ ਜਾਦੀ ਤੇ ਮਹੰਤ ਦਾ ਪਤੀ ਗੁਰਦਰਸਨ ਸਿੰਘ ਗਰੇਵਾਲ ਸ਼ਰਾਬ,ਮੀਟ,ਆਡਾ,ਜਰਦਾ ਆਦਿ ਨਸ਼ਿਆਂ ਦਾ ਸੇਵਨ ਕਰਦਾ ਹੈ।ਇਸ ਸਮੇ ਸਤਿਕਾਰ ਕੇਮਟੀ ਨੇ ਸਮੂਹ ਨਗਰ ਨਿਵਾਸੀਆਂ,ਪੰਚਾਇਤ,ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਹਾਜ਼ਰੀ ਵਿੱਚ ਸ੍ਰੀ ਗੰ੍ਰਥ ਸਾਹਿਬ ਜੀ ਦੇ ਪਵਨ ਸਰੂਪ ਪਿੰਡ ਦੇ ਹੀ ਗੁਰਦੁਆਰਾ ਸਾਹਿਬ ਜੀ ਵਿਤਚ ਬਿਰਜ਼ਮਾਨ ਕੀਤੇ ਇਸ ਸਮੇ ਗਾਲਿਬ ਕਲਾਂ ਦੇ ਇੰਨਚਾਰਜ ਰਾਜਵਿੰਦਰ ਸਿੰਘ ਵੀ ਹਾਜ਼ਰ ਸਨ।ਇਸ ਸਮੇ ਸਰਪੰਚ ਜਗਦੀਸ ਚੰਦ ਸ਼ਰਮਾ ਨੇ ਕਿਹਾ ਕਿ ਡੇਰੇ ਦੀ 14 ਕਿਲੇ ਦੀ ਜਮੀਨ ਦੀ ਮਾਲਕੀ ਲੈ ਕੇ ਦੋਵਾਂ ਧਿਰਾਂ ਵਿਚ ਕਲੇਸ਼ ਪਿਆ ਹੋਇਆ ਹੈ ਇਸ ਸਾਡੀ ਸਮੂਹ ਪੰਚਾਇਤ ਤੇ ਸਮੂਹ ਨਗਰ ਨਿਵਾਸੀਆਂ ਨੇ ਫੈਸਲਾ ਕੀਤਾ ਸੀ ਕਿ ਗੁਰੂ ਸਾਹਿਬ ਜੀ ਬੇਅਦਬੀ ਹੋਣ ਦਾ ਡਰ ਸੀ ਇਸ ਲਈ ਅਸੀ ਗੁਰੂ ਸਾਹਿਬ ਜੀ ਨੂੰ ਸਤਿਕਾਰ ਨਾਲ ਗੁਰਦੁਆਰਾ ਸਾਹਿਬ ਜੀ ਲੈ

ਕੇ ਆਦੇ।ਇਸ ਸਮੇ ਸਤਿਕਾਰ ਕਮੇਟੀ ਪ੍ਰਧਾਨ ਬਾਜੇਕੇ ਨੇ ਦਸਿਆ ਕਿ ਅਸੀ ਪਹਿਲਾਂ ਵੀ ਡੇਰੇ ਦੀ ਮਹੰਤ ਅਮਰਜੀਤ ਕੌਰ ਨੂੰ ਗੁਰੂ ਸਾਹਿਬ ਜੀ ਦੇ ਅਦਬ-ਸਤਿਕਾਰ ਨਾਲ ਬਹਾਲ ਕੀਤਾ ਜਾਵੇ ਪਰ ਇਨ੍ਹਾਂ ਨੇ ਗੁਰੂ ਸਾਹਿਬ ਜੀ ਕੋਈ ਵੀ ਕਾਰਵਾਈ ਅਮਲ ਵਿੱਚ ਨਹੀ ਲਿਆਦੀ ਗਈ।ਇਸ ਸਮੇ ਚੌਕੀ ਇੰਨਚਾਰਜ ਨੇ ਕਿਹਾ ਕਿ 8 ਤਰੀਕ ਨੂੰ ਇਹਨਾਂ ਦੇ ਮਹੰਤਾਂ ਦਾ ਇੱਕਠ ਹੋ ਰਿਹਾ ਜਿਸ ਦਾ ਕੀ ਫੈਸਲਾ ਹੋਵਗਾ ਇਸ ਤੋ ਬਾਅਦ ਹੀ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।ਇਸ ਸਮੇ ਨਿਰਮਲ ਸਿੰਘ,ਜਸਵਿੰਦਰ ਸਿੰਘ,ਰਣਜੀਤ ਸਿੰਘ,ਹਰਮਿੰਦਰ ਸਿੰਘ,ਜਗਸੀਰ ਸਿੰਘ(ਸਾਰੇ ਪੰਚ)ਗੁਰਦੁਆਰਾ ਪ੍ਰਧਾਨ ਸਰਤਾਜ ਸਿੰਘ,ਖਾਨਜ਼ਚੀ ਕੁਲਵਿੰਦਰ ਸਿੰਘ ਛਿੰਦਾ,ਪ੍ਰਧਾਨ ਜਸਵਿੰਧਰ ਸਿੰਘ ਬੱਗਾ,ਹਿੰਮਤ ਸਿੰਘ,ਚਮਨ ਲਾਲ,ਇੰਦਰਜੀਤ ਸਿੰਘ,ਭੂਪਿੰਦਰ ਸਿੰਘ,ਇੰਦਰਜੀਤ ਸਿੰਘ,ਪਰਮਿੰਦਰ ਸਿੰਘ,ਸੁਰਿੰਦਰਪਾਲ ਸਿੰਘ ਫੌਜੀ,ਨਰਿੰਦਰ ਕੌਰ,ਰਾਜਵੀਰ ਕੌਰ ਪੰਚ,ਹਰਦੀਪ ਕੌਰ,ਪਰਮਜੀਤ ਕੌਰ,ਬਰਿੰਦਰਪਾਲ ਕੌਰ,ਆਦਿ ਵੱਡੀ ਗਿੱਣਤੀ ਵਿੱਚ ਨਗਰ ਨਿਵਾਸੀ ਹਾਜ਼ਰ ਸਨ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਲੁਧਿਆਣਾ ਤੋਂ ਕਾਂਗਰਸ ਪਾਰਟੀ ਦੇ ਰਵਨੀਤ ਸਿੰਘ ਬਿੱਟੂ ਨੂੰ ਤੀਜੀ ਵਾਰ ਐਮ.ਪੀ.ਬਣਨ ਤੇ ਜਗਰਾਉਂ ਦੇ ਪਿੰਡ ਗਾਲਿਬ ਕਲਾਂ ਦੇ ਸਰਪੰਚ ਸਿੰਕਦਰ ਸਿੰਘ ਪੈਚ ਨੇ ਉਚੇਚੇ ਤੌਰ ਤੇ ਮਿਲਕੇ ਵਧਾਈ ਦਿੱਤੀ ਅਤੇ ਮਿਠਾਈ ਨਾਲ ਮੂੰਹ ਮਿੱਠਾ ਕਰਵਾਇਆ।ਇਸ ਸਮੇਂ ਸਰਪੰਚ ਸਿੰਕਦਰ ਸਿੰਘ ਪੈਚ ਨੇ ਕਿਹਾ ਕਿ ਬਿੱਟੂ ਦੀ ਜਿੱਤ ਸਿਰਫ ਇਕ ਉਮੀਦਵਾਰ ਦੀ ਜਿੱਤ ਨਹੀਂ,ਸਗੋਂ ਪੰਜਾਬ ਦੇ ਵਿਕਾਸ ,ਲੋਕ ਹਿੱਤਾਂ ਲਈ ਕੰਮ ਕਰਨ ਵਾਲੀ ਕੈਪਟਨ ਸਰਕਾਰ ਦੀ ਜਿੱਤ ਹੈ ਅਤੇ ਬਿੱਟੂ ਦੀ ਵੱਡੀ ਲੀਡ ਨੇ ਕਈ ਵਿਰੋਧੀਆਂ ਦਾ ਹੰਕਾਰ ਤੋੜਿਆ ਹੈ,ਉਥੇ ਲੁਧਿਆਣਾ ਦੇ ਵੋਟਰਾਂ ਨੇ ਸਾਬਿਤ ਕਰ ਦਿੱਤਾ ਹੈ ਕਿ ਲੋਕ ਕੈਪਟਨ ਅਮਰਿੰਦਰ ਸਿੰਘ ਮੱੁਖ ਮੰਤਰੀ ਪੰਜਾਬ ਦੀ ਅਗਵਾਈ ਵਾਲੀ ਸਰਕਾਰ ਤੋਂ ਪੂਰੀ ਤਰ੍ਹਾਂ ਸੰਤਸੁਟ ਹਨ।ਬਿੱਟੂ ਦੀ ਜਿੱਤ ਹਲਕੇ ਦੇ ਵਿਕਾਸ ਲਈ ਮੀਲ ਪੱਥਰ ਸਾਬਤ ਹੋਵੇਗੀ ਅਤੇ ਲੁਧਿਆਣਾ ਦੇ ਪੇਡੂ ਤੇ ਸਹਿਰੀ ਖੇਤਰਾਂ ਵਿੱਚ ਰਿਕਾਰਡਤੋੜ ਵਿਕਾਸ ਹੋਵੇਗਾ।ਸਰਪੰਚ ਪੈਚ ਨੇ ਕਿਹਾ ਕਿ ਬਿੱਟੂ ਦੀ ਜਿੱਤ ਲਈ ਕਾਂਗਰਸ ਲੁਧਿਆਣਾ ਦਿਹਾਤੀ ਪ੍ਰਧਾਨ ਸੋਨੀ ਸਾਲਿਬ ਅਤੇ ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ਵਧਾਈ ਦੇ ਪਾਂਤਰ ਹਨ।ਜਿੰਨਾਂ ਨੇ ਕਾਂਗਰਸ ਦੀ ਜਿੱਤ ਲਈ ਦਿਨ ਰਾਤ ਇੱਕ ਕੀਤਾ।