ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪੈ ਰਹੀ ਕਹਿਰ ਦੀ ਗਰਮੀ ਨੇ ਲੋਕਾਂ ਨੂੰ ਹਾਲੋ ਬੇਹਾਲ ਕਰ ਰੱਖਿਆ ਹੈ। ਸ਼ਹੀਦਾਂ ਦੇ ਸਰਤਾਜ ਸ਼੍ਰੀ ਗੁਰੂ ਅਰਜਨ ਦੇਵ ਜੀ ਨੰੁ ਸਮਰਪਿਤ ਜਿਸ ਤਹਿਤ ਪਿੰਡ ਗਾਲਿਬ ਖੁਰਦ ਦੇ ਨੌਜਵਾਨਾਂ ਨੇ ਸਰਪੰਚ ਗੁਰਪ੍ਰੀਤ ਸਿੰਘ ਤੇ ਨਗਰ ਨਿਵਾਸੀਆਂ ਨੇ ਰਲ-ਮਿਲ ਕੇ ਠੰਡ ਮਿੱਠੇ ਜਲ ਦੀ ਛਬੀਲ ਲਾਈ ਗਈ।ਸਾਰਾ ਦਿਨ ਹਰ ਵਿਅਕਤੀ ਨੂੰ ਆਉਦੇ-ਜਾਦੇ ਨੂੰ ਰੋਕੇ ਠੰਡ ਮਿੱਠਾ ਜਲ ਜਲ ਪਿਲਾਇਆ ਗਿਆ।ਇਸ ਸਮੇ ਹਰਪਿੰਦਰ ਸਿੰਘ,ਮਨਜੀਤ ਸਿੰਘ,ਹੈਪੀ ਸਿੰਘ,ਗੁਰਪ੍ਰੀਤ ਸਿੰਘ,ਅਰਸਦੀਪ ਸਿੰਘ,ਰਣਜੀਤ ਸਿੰਘ, ਅਕਸਦੀਪ ਗੋਗੀ,ਹਰਜਿੰਦਰ ਸਿੰਘ,ਰਮਇੰਦਰ ਸਿੰਘ,ਵਿਸਾਲ,ਗਿਆਨੀ ਪਵਨਦੀਪ ਸਿੰਘ ਗਾਲਿਬ ਕਲਾਂ ਆਦਿ ਨੌਜਵਾਨ ਹਾਜ਼ਰ ਸਨ।

ਮੁੱਲਾਂਪੁਰ, ਜੂਨ 2019-(ਮਨਜਿੰਦਰ ਗਿੱਲ)-ਮਸ਼ਹੂਰ ਪਤਰਕਾਰ ਰਕੇਸ਼ ਗੁਪਤਾ ਤੇ ਅੱਜ ਸਵਰੇ ਕੁਸ ਲੋਕਾਂ ਨੇ ਹਮਲਾ ਕਰ ਦਿਤਾ।ਹਮਲੇ ਦੁਰਾਨ ਪਤਰਕਾਰ ਦੇ ਗੰਭੀਰ ਸੱਟਾਂ ਲੱਗੀਆਂ ।ਜਿਨ੍ਹਾਂ ਦਾ ਇਸ ਸਮੇ ਡੀ ਐਮ ਸੀ ਵਿਖੇ ਇਲਾਜ ਚੱਲ ਰਿਹਾ ਹੈ।ਸਾਡੇ ਪ੍ਰਤੀਨਿਧ ਓਹਨਾ ਨਾਲ ਹਸਪਤਾਲ ਵਿਚ ਮਜੂਦ ਸਨ ।ਪੁਰੀ ਗਲਬਾਤ ਸੁਣਨ ਲਈ ਦੇਖੋ ਵੀਡੀਓ

ਲੁਧਿਆਣਾ, ਮਈ 2019( ਮਨਜਿੰਦਰ ਗਿੱਲ )—ਮਾਨਯੋਗ ਜ਼ਿਲ੍ਹਾ ਅਤੇ ਸੈਸ਼ਨਜ਼ ਜੱਜ-ਕਮ-ਚੇਅਰਮੈਨ, ਲੁਧਿਆਣਾ ਵੱਲੋਂ ਜਾਰੀ ਹਦਾਇਤਾਂ ਅਤੇ ਸਕੱਤਰ,ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਲੁਧਿਆਣਾ ਵੱਲੋਂ ਜਾਰੀ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅੱਜ ਤੰਬਾਕੂ ਰਹਿਤ ਦਿਵਸ ਦੇ ਮੌਕੇ  ਤੇ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਲੁਧਿਆਣਾ ਵੱਲੋਂ ਸਰਕਾਰੀ ਸੀਨੀਅਰ ਸਕੈੰਡਰੀ ਸਕੂਲ (ਲੜਕੇ), ਜਵਾਹਰ ਨਗਰ, ਲੁਧਿਆਣਾ ਵਿਖੇ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਅਥਾਰਟੀ ਵੱਲੋਂ ਸਕੂਲ ਦੇ ਵਿਦਿਆਰਥੀਆਂ  ਨੂੰ ਤੰਬਾਕੂ ਦੀ ਵਰਤੋਂ ਨਾਲ ਹੋਣ ਵਾਲੇ ਨੁਕਸਾਨਾਂ ਸਬੰਧੀ ਜਾਣਕਾਰੀ ਅਤੇ ਜਾਗਰੂਕ ਕਰਨ ਸਬੰਧੀ ਪੈਨਲ ਐਡਵੋਕੇਟ ਮੈਡਮ ਵੀਨਾ ਭਾਰਦਵਾਜ਼ ਅਤੇ ਸ੍ਰੀ ਬਲਵਿੰਦਰ ਸਿੰਘ, ਪੈਰਾ ਲੀਗਲ ਵੰਲਟੀਅਰ ਵੱਲੋਂ ਵਿਸ਼ੇਸ਼ ਤੌਰ ਤੇ ਨਾਮਜ਼ਦ ਕੀਤਾ ਗਿਆ। ਉਨ੍ਹਾਂ ਵੱਲੋਂ ਤੰਬਾਕੂ ਦਿਵਸ ਦੇ ਮੌਕੇ ਤੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਤੰਬਾਕੂ ਦੀ ਵਰਤੋਂ ਨਾਲ ਹੋਣ ਵਾਲੇ ਨੁਕਸਾਨਾਂ ਸਬੰਧੀ  ਬੜੇ ਹੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਅਤੇ ਬੱਚਿਆਂ ਨੂੰ ਇਸ ਤੰਬਾਕੂ ਰਹਿਤ ਦਿਵਸ ਮਨਾਉਣ ਦੇ ਮਹੱਤਵ ਸਬੰਧੀ ਵੀ ਜਾਣਕਾਰੀ ਦਿੱਤੀ। ਇਸ ਮੌਕੇ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਲੁਧਿਆਣਾ  ਵੱਲੋਂ ਬਣਾਈ ਗਈ ਟੀਮ ਵੱਲੋਂ  ਤੰਬਾਕੂ ਰਹਿਤ ਦਿਵਸ ਦੇ ਬੱਚਿਆਂ ਨੂੰ ਤੰਬਾਕੂ ਦੀ ਵਰਤੋਂ ਨਾਲ ਹੋਣ ਵਾਲਿਆਂ ਬਿਮਾਰੀਆਂ ਬਾਰੇ ਜਾਣਕਾਰੀ  ਦਿੱਤੀ ਅਤੇ ਬੱਚਿਆ ਨੂੰ ਇਹ ਵੀ ਦੱਸਿਆ ਕਿ ਜੇਕਰ ਕੋਈ ਵਿਅਕਤੀ ਤੰਬਾਕੂ ਦੀ ਵਰਤੋਂ ਕਿਸੇ ਵੀ ਰੂਪ ਵਿੱਚ ਕਰ ਰਿਹਾ ਹੈ ਤਾਂ ਉਹ ਆਪਣੇ ਕਦਮ ਮੌਤ ਦੇ ਵੱਲ ਵਧਾ ਰਿਹਾ ਹੈ। ਇਸ ਤੋਂ ਇਲਾਵਾ ਇਸ ਟੀਮ ਵੱਲੋਂ ਸਕੂਲ ਦੇ ਪ੍ਰਿੰਸੀਪਲ ਅਤੇ ਸਟਾਫ਼ ਨੂੰ ਇਹ ਜਾਣਕਾਰੀ ਦਿੱਤੀ ਕਿ ਜੇਕਰ ਕੋਈ ਵੀ ਵਿਅਕਤੀ ਸਕੂਲ ਦੇ 100 ਗਜ਼ ਦੇ ਘੇਰੇ ਵਿੱਚ ਤੰਬਾਕੂ ਵੇਚਦਾ ਹੈ ਤਾਂ ਉਸ ਦੇ ਖਿਲਾਫ਼ ਕਾਨੂੰਨੀ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਇਸ ਤੰਬਾਕੂ ਰਹਿਤ ਦਿਵਸ ਦੇ ਮੌਕੇ ਸ੍ਰੀਮਤੀ ਵੀਨਾ ਭਾਰਦਵਾਜ਼, ਐਡਵੋਕੇਟ, ਸ੍ਰੀ ਬਲਵਿੰਦਰ ਸਿੰਘ ਪੀ.ਐਲ.ਵੀ. ਤੋਂ ਇਲਾਵਾ ਸਕੂਲ ਦੇ ਪ੍ਰਿੰਸੀਪਲ ਅਤੇ ਸਟਾਫ਼ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।

ਲੁਧਿਆਣਾ, ਮਈ 2019 ( ਮਨਜਿੰਦਰ ਗਿੱਲ) – ਪੰਜਾਬ ਪ੍ਰਦੇਸ਼ ਖੱਤਰੀ ਸਭਾ ਰਜਿ : ਦੀ ਇਕ ਪੰਜਾਬ ਸਟੇਟ ਮੀਟਿੰਗ ਬੀਤੇ ਦਿਨੀ ਲੁਧਿਆਣਾ ਫਰੈਂਡ  ਹੋਟਲ ਵਿਖੇ ਹੋਈ ਜਿੱਥੇ ਪੁਲਿਸ ਜਿਲ੍ਹਾ ਜਗਰਾਉਂ ਦੇ ਖੱਤਰੀ ਸਭਾ ਦੇ ਜਿਲ੍ਹਾ ਇੰਚਾਰਜ ਮੁਕੇਸ਼ ਮਲਹੋਤਰਾ ਅਤੇ ਜਿਲ੍ਹਾ ਸੈਕਟਰੀ ਸੰਦੀਪ ਲੇਖੀ ਸੋਨੀ ਅਤੇ ਖੱਤਰੀ ਸਭਾ ਜਗਰਾਉਂ ਦੇ ਪ੍ਰਧਾਨ ਹਰਮੇਸ਼ ਭਗਰੀਆ ਮੇਛੀ ਨਿਯੁਕਤ ਕੀਤਾ। ਇਸ ਮੌਕੇ ਨਰੇਸ਼ ਕੁਮਾਰ ਸਹਿਗਲ ਨੇ ਹਾਜਰ ਮੁਕੇਸ਼ ਮਲਹੋਤਰਾ ਅਤੇ ਸੰਦੀਪ ਲੇਖੀ ਤੇ ਹਰਮੇਸ਼ ਭਗਰੀਆ ਮੇਛੀ ਨੂੰ ਇਕ ਇਕ ਯਾਦਗਾਰੀ ਚਿੰਨ ਦੇ ਕੇ ਸਨਮਾਨਿਤ ਕਰਦੇ ਹੋਏ ਨਿਯੁਕਤੀ ਪੱਤਰੀ ਦਿੱਤੇ। ਉਕਤ ਤੋਂ ਇਲਾਵਾ ਪੰਜਾਬ ਪ੍ਰਦੇਸ਼ ਖੱਤਰੀ ਸਭਾ ਦੇ ਸੀਨੀਅਰ ਮੀਤ ਪ੍ਰਧਾਨ ਸ਼ਿੰਦਰਪਾਲ ਵਰਮਾ, ਮੀਤ ਪ੍ਰਧਾਨ ਵਿਜੈ ਧੀਰ ਐਡਵੋਕੇਟ, ਪੰਜਾਬ ਸੈਕਟਰੀ ਲਲਿਤ ਮੈਣੀ ਐਡਵੋਕੇਟ, ਪੰਜਾਬ ਯੂਥ ਸੈਕਟਰੀ ਚੇਤਨ ਸਹਿਗਲ, ਜਿਲ੍ਹਾ ਲੁਧਿਆਣਾ ਦੇ ਇੰਚਾਰਜ ਹਰਵਿੰਦਰ ਜੋਲੀ, ਸੈਕਟਰੀ ਸੰਜੀਵ ਤਾਂਗੜੀ ਸਮੇਤ ਵੱਖ ਵੱਖ 22 ਜਿਲ੍ਹਿਆ ਦੇ ਜਿਲ੍ਹਾ ਇੰਚਾਰਜ ਪ੍ਰਧਾਨ, ਸੈਕਟਰੀ ਤੇ 37 ਮੈਂਬਰੀ ਕਾਰਜਕਾਰਨੀ ਕਮੇਟੀ ਤੋਂ ਇਲਾਵਾ 14 ਮੈਂਬਰੀ ਲੇਡੀਜ ਕਾਰਜਕਾਰਨੀ ਪੰਜਾਬ ਪ੍ਰਦੇਸ਼ ਖੱਤਰੀ ਸਭਾ ਰਜਿ: ਹਾਜਰ ਸੀ। ਇਸ ਮੌਕੇ ਨਰੇਸ਼ ਕੁਮਾਰ ਸਹਿਗਲ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਅੱਜ ਪੰਜਾਬ ਵਿਚ ਜਿਸ ਤਰ੍ਹਾਂ ਹਰ ਜਿਲ੍ਹੇ ਵਿਚ ਜਿਲ੍ਹਾ ਪ੍ਰਧਾਨ ਤੇ ਸੇਕਟਰੀ ਨਿਯੁਕਤ ਹਨ ਤੇ ਹੁਣ 2 ਪੁਲਿਸ ਜਿਲ੍ਹਿਆ ਵਿਚ ਵੀ ਜਿਲ੍ਹਾ ਇੰਚਾਰਜ ਸੈਕਟਰੀ ਨਿਯੁਕਤ ਕਰ ਦਿੱਤੇ ਗਏ ਹਨ। ਜਿੱਥੇ ਪਹਿਲਾਂ ਹੀ ਪੰਜਾਬ ਵਿਚ ਪੰਜਾਬ ਪ੍ਰਦੇਸ਼ ਖੱਤਰੀ ਸਭਾ ਦੇ 254 ਯੂਨਿਟ ਸ਼ਹਿਰੀ ਤੇ ਪੇਂਡੂ ਖੇਤਰ ਵਿਚ ਪ੍ਰਧਾਨ ਤੇ ਕਾਰਜਕਾਰਨੀ ਕਮੇਟੀ ਆਪਣਾ ਕੰਮ ਕਰ ਰਹੀ ਹੈ। ਲੋਕ ਭਲਾਈ ਤੇ ਸ਼ਹਿਰੀ ਵਿਕਾਸ ਅਤੇ ਖਾਸ ਕਰਕੇ ਅੱਤਵਾਦ ਤੇ ਨਸ਼ਿਆਂ ਦੇ ਖਿਲਾਫ ਸਮਾਜਿਕ ਕੁਰੀਤੀਆਂ ਦੇ ਖਿਲਾਫ ਅਵਾਜ਼ ਬੁਲੰਦ ਕਰ ਰਹੀ ਹੈ। ਕਿਸੇ ਇਕ ਨਾਲ ਹੋ ਰਹੀ ਧੱਕਾ ਸ਼ਾਹੀ ਵਿਰੁੱਧ ਆਵਾਜ਼ ਬੁਲੰਦ ਕਰਕੇ ਉਸਨੂੰ ਆਵਾਜ਼ ਦਵਾਉਣਾ ਪੰਜਾਬ ਪ੍ਰਦੇਸ਼ ਖੱਤਰੀ ਸਭਾ ਦਾ ਪਹਿਲਾ ਫਰਜ ਹੈ। ਇਸ ਮੌਕੇ ਨਰੇਸ਼ ਸਹਿਗਲ ਤੋਂ ਇਲਾਵਾ ਹੋਰ ਵੀ ਵੱਖ ਵੱਖ ਬੁਲਾਰਿਆ ਤੇ ਆਗੂਆਂ ਨੇ ਆਪਣੇ ਆਪਣੇ ਵਿਚਾਰ ਪੇਸ਼ ਕਰਦੇ ਕਿਹਾ ਕਿ ਜਲਦ ਹੀ ਖੱਤਰੀ ਸਭਾ ਦੇ ਹਰ ਪਿੰਡ ਤੇ ਸ਼ਹਿਰ  ਵਿਚ ਖੱਤਰੀ ਸਭਾ ਆਪਣੀਆਂ ਕਮੇਟੀਆਂ ਸਥਾਪਿਤ ਕਰੇਗੀ। ਉਕਤ ਆਗੂਆਂ ਤੋਂ ਇਲਾਵਾ ਖੱਤਰੀ ਸਭਾ ਦੇ ਪ੍ਰਦੀਪ ਮੈਣੀ, ਬਲਰਾਜ ਓਬਰਾਏ ਬਾਜੀ, ਪ੍ਰਦੀਪ ਵਰਮਾ, ਨੀਰਜ ਖੁਲਰ, ਰਵੀ ਮਲਹੋਤਰਾ, ਅਰੁਣ ਪਾਠਕ, ਪ੍ਰਿੰਸੀ ਜੋਲੀ, ਰਵੀ ਸੰਕਰ ਸੋਢੀ ਐਡਵੋਕੇਟ, ਪ੍ਰਦੀਪ ਭੰਬਰੀ, ਬਾਲ ਕ੍ਰਿਸ਼ਨ ਓਪਲ, ਨਰੇਸ਼ ਜੈਤਕਾ, ਮਹਿੰਦਰ ਪਾਲ ਸਬਰਵਾਲ, ਬਨਾਰਸੀ ਦਾਸ ਕੱਕੜ ਅਤੇ ਹੋਰ ਬਹੁਤ ਸਾਰੇ ਹਾਜਰ ਸਨ।