ਯੁ.ਕੇ.

Boris Johnson 

This man is incredible

Forget your personal political views.

He is seriously ill with coronavirus, he still clapped for our frontline workers.

His pregnant girlfriend has the virus, he must be terrified, admitted to hospital for oxygen and Yet all you see is a man trying to save us. Trying to save the NHS, save lives.still trying to protect a country who doesn’t protect itself. This man is suffering, he is HUMAN, he could die.

This man he has had a ridiculous amount of abuse when we should be clapping for him alongside frontline workers.

He’s kept wages being paid, he’s trying his best.

Get well soon Boris.. We request everyone let's pray for him .. Jan Shakti News Punjab ✍️Amanjit Singh Khaira

ਐਮ ਪੀ ਤਨਮਨਜੀਤ ਸਿੰਘ ਢੇਸੀ ਅਤੇ ਹੋਰਾਂ ਵਲੋਂ ਦਿਤੀਆਂ ਗਈਆਂ ਵਿਧਾਇਆ

ਬਰਮਿੰਘਮ/ਯੂ ਕੇ, ਅਪ੍ਰੈਲ 2020 -(ਗਿਆਨੀ ਰਾਵਿਦਾਰਪਾਲ ਸਿੰਘ)-

 ਲੇਬਰ ਪਾਰਟੀ ਦੇ ਸਰਗਰਮ ਆਗੂ ਗੁਰਿੰਦਰ ਸਿੰਘ ਜੋਸਨ ਅੱਜ ਲੇਬਰ ਪਾਰਟੀ ਦੀਆਂ ਨੀਤੀਆਂ ਬਣਾਉਣ ਵਾਲੀ ਰਾਸ਼ਟਰੀ ਕੌਸਲ ਦੇ ਮੈਂਬਰ ਚੁਣੇ ਗਏ ਹਨ । ਜੋਸਨ ਨੂੰ 57361 ਵੋਟਾਂ ਮਿਲੀਆਂ। ਇਸ ਅਹੁਦੇ ਤੱਕ ਪਹੁੰਚਣ ਵਾਲੇ ਉਹ ਪਹਿਲੇ ਸਿੱਖ ਹਨ। ਗੁਰਿੰਦਰ ਸਿੰਘ ਜੋਸਨ ਨੇ ਇਸ ਜਿੱਤ 'ਤੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਸਮੂਹ ਪਾਰਟੀ ਮੈਂਬਰਾਂ ਦਾ ਧੰਨਵਾਦ ਕੀਤਾ ਹੈ। ਉਹ ਪਹਿਲਾਂ ਵੀ ਕਈ ਧਾਰਮਿਕ, ਰਾਜਨੀਤਕ ਅਤੇ ਸਮਾਜਿਕ ਜਥੇਬੰਦੀਆਂ ਨਾਲ ਕੰਮ ਕਰ ਰਹੇ ਹਨ । ਲੇਬਰ ਪਾਰਟੀ ਦੇ ਸੀਨੀਅਰ ਆਗੂਆਂ ਐਮ. ਪੀ. ਤਨਮਨਜੀਤ ਸਿੰਘ ਢੇਸੀ, ਰੈਡਬਿ੍ਜ਼ ਕੌਸਲ ਲੀਡਰ ਜਸ ਸਿੰਘ ਅਠਵਾਲ, ਸਿੱਖਸ ਫ਼ਾਰ ਲੇਬਰ ਵਲੋਂ ਨੀਨਾ ਗਿੱਲ ਅਤੇ ਜਨ ਸਕਤੀ ਨਿਉਜ ਦੇ ਮਾਲਕ ਸ ਅਮਨਜੀਤ ਸਿੰਘ ਖਹਿਰਾ ਨੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਸਿੱਖ ਭਾਈਚਾਰੇ ਲਈ ਮਾਣ ਵਾਲੀ ਗੱਲ ਹੈ। 

ਮਾਨਚੈਸਟਰ/ਯੂ ਕੇ , ਅਪ੍ਰੈਲ 2020 -(ਅਮਨਜੀਤ ਸਿੰਘ ਖਹਿਰਾ )-

 ਸਿੱਖ ਪੰਥ ਦੀ ਸਿਰਮੌਰ ਹਸਤੀ ਭਾਈ ਨਿਰਮਲ ਸਿੰਘ ਖ਼ਾਲਸਾ ਦੇ ਅਕਾਲ ਚਲਾਣੇ 'ਤੇ ਯੂ. ਕੇ. ਦੇ ਸਿੱਖ ਆਗੂਆਂ ਵਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ । ਸਿੱਖ ਆਗੂਆਂ ਅਤੇ ਗੁਰੂ ਘਰਾਂ ਦੀਆਂ ਪ੍ਰਬੰਧਕ ਕਮੇਟੀ ਵਲੋਂ ਭੇਜੇ ਗਏ ਵੱਖ-ਵੱਖ ਬਿਆਨਾਂ 'ਚ ਕਿਹਾ ਗਿਆ ਹੈ ਕਿ ਭਾਈ ਸਾਹਿਬ ਦੇ ਬੇਵਕਤੀ ਅਕਾਲ ਚਲਾਣੇ ਨਾਲ ਸਿੱਖ ਕੌਮ ਨੂੰ ਵੱਡਾ ਘਾਟਾ ਪਿਆ ਹੈ । ਭਾਈ ਨਿਰਮਲ ਸਿੰਘ ਵਿਦੇਸ਼ਾਂ 'ਚ ਨਿਰੋਲ ਰਾਗਾਂ ਨਾਲ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕਰਦੇ ਸਨ । ਭਾਈ ਸਾਹਿਬ ਦੇ ਸਸਕਾਰ ਨੂੰ ਲੈ ਕੇ ਉਨ੍ਹਾਂ ਦੇ ਜੱਦੀ ਪਿੰਡ ਵੇਰਕਾ ਦੇ ਕੌਸਲਰ ਹਰਪਾਲ ਸਿੰਘ ਵੇਰਕਾ ਅਤੇ ਹੋਰ ਲੋਕਾਂ ਵਲੋਂ ਨਿਭਾਏ ਰੋਲ  ਅਤੇ ਸ਼੍ਰੋਮਣੀ ਕਮੇਟੀ ਵਲੋਂ ਨਿਭਾਏ  ਰੋਲ 'ਤੇ ਅਫ਼ਸੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਸਿੱਖ ਕੌਮ ਦੀ ਮਹਾਨ ਹਸਤੀ ਪ੍ਰਤੀ ਪਿੰਡ ਵਾਲਿਆਂ ਦਾ ਰਵੱਈਆ ਸ਼੍ਰੋਮਣੀ ਕਮੇਟੀ ਦਾ ਪੱਖ ਬਹੁਤ ਹੀ ਮਾੜਾ ਰਿਹਾ | ਸਿੱਖ ਆਗੂ ਗਿਆਨੀ ਅਮਰੀਕ ਸਿੰਘ ਰਾਠੌਰ ਮਾਨਚੈਸਟਰ , ਸਿੱਖ ਫੈਡਰੇਸ਼ਨ ਯੂ. ਕੇ. ਦੇ ਭਾਈ ਅਮਰੀਕ ਸਿੰਘ ਗਿੱਲ, ਯੁਨਾਈਟਡ ਖ਼ਾਲਸਾ ਦਲ ਦੇ ਭਾਈ ਲਵਸ਼ਿੰਦਰ ਸਿੰਘ ਡੱਲੇਵਾਲ, ਭਈ ਅਮਰਜੀਤ ਸਿੰਘ ਢਿੱਲੋਂ, ਗੁਰਦੁਆਰਾ ਸਾਹਿਬ ਸਟੋਕ ਓਨ ਟ੍ਰੇਂਟ, ਵਾਰਿਗਟਨ , ਲਿਵਰਪੂਲ, ਪਰੈਸਟਨ ਦੋਨੋ ਗੁਰਦਵਾਰਾ ਸਾਹਿਬ, ਗ੍ਰੇਵਜ਼ੈਂਡ , ਵੁਲਵਰਹੈਂਪਟਨ, ਲੀਡਸ, ਗਲਾਸਗੋ, ਮਾਨਚੈਸਟਰ ਸਿੰਘ ਸਭਾ ਅਤੇ ਲਿਸਟਰ ਦੀਆਂ ਪ੍ਰਬੰਧਕ ਕਮੇਟੀਆਂ , ਸਿੱਖ ਮਿਸ਼ਨਰੀ ਸੁਸਾਇਟੀ ਯੂ. ਕੇ. ਦੇ ਹਰਚਰਨ ਸਿੰਘ ਟਾਂਕ, ਸ ਪ੍ਰਭਜੋਤ ਸਿੰਘ ਮੁੱਖ ਪ੍ਰਬੰਧਕ ਨੋਰਥ ਵੇਸਟ ਸਮਾਗਮ, ਅਮਰਜੀਤ ਸਿੰਘ ਗਰੇਵਾਲ, ਸੁਖਦੇਵ ਸਿੰਘ ਗਰੇਵਾਲ,ਦਲਜੀਤ ਸਿੰਘ ਜੌਹਲ, ਪਰਮਜੀਤ ਸਿੰਘ ਸੇਖੋਂ,  ਜਸਵੰਤ ਸਿੰਘ ਗਰੇਵਾਲ,ਡਾ ਕੁਲਵੰਤ ਸਿੰਘ ਧਾਲੀਵਾਲ  ਬਾਨੀ ਵਰਲਡ ਕੈਂਸਰ ਕੇਅਰ  ਆਦਿ ਨੇ ਸਾਂਝੇ ਤੌਰ 'ਤੇ ਭਾਈ ਨਿਰਮਲ ਸਿੰਘ ਖ਼ਾਲਸਾ ਦੀ ਆਤਮਿਕ ਸ਼ਾਂਤੀ ਲਈ ਅਰਦਾਸ ਕੀਤੀ ।

ਲੰਡਨ, ਅਪ੍ਰੈਲ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿੰਦਰਪਾਲ ਸਿੰਘ)-

 ਕੋਰੋਨਾ ਵਾਇਰਸ ਕਾਰਨ ਹਵਾਈ ਕੰਪਨੀਆਂ ਦੇ 90 ਫ਼ੀਸਦੀ ਉਡਾਨਾਂ ਰੱਦ ਹੋਣ ਕਾਰਨ ਬਿ੍ਟਿਸ਼ ਏਅਰਵੇਜ਼ ਨੇ ਆਪਣੇ 30 ਹਜ਼ਾਰ ਦੇ ਕਰੀਬ ਕਰਮਚਾਰੀਆਂ ਨੂੰ ਅਸਥਾਈ ਤੌਰ 'ਤੇ ਛੁੱਟੀ ਦੇ ਦਿੱਤੀ ਹੈ। ਯੂਨਾਈਟ ਟ੍ਰੇਡ ਯੂਨੀਅਨ, ਬਿ੍ਟਿਸ਼ ਪਾਇਲਟ ਐਸੋਸੀਏਸ਼ਨ ਅਤੇ ਜੀ. ਐਮ. ਬੀ. ਯੂਨੀਅਨ ਨੇ ਕੱਲ ਇਸ ਦਾ ਐਲਾਨ ਕੀਤਾ। ਟ੍ਰੇਡ ਯੂਨੀਅਨਾਂ ਜੋ ਬਿ੍ਟਿਸ਼ ਏਅਰਵੇਜ਼ ਦੇ ਹਜ਼ਾਰਾਂ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਦੀਆਂ ਹਨ, ਨੇ ਆਖਿਆ ਕਿ ਕੰਪਨੀ ਦੇ ਨਾਲ ਕਰੀਬ 30 ਹਜ਼ਾਰ ਕਰਮਚਾਰੀਆਂ ਲਈ ਸਰਕਾਰ ਦੇ ਵਪਾਰ ਬਚਾਓ ਪ੍ਰੋਗਰਾਮ ਨਿਯਮਾਂ ਤਹਿਤ ਸਮਝੌਤਾ ਕੀਤਾ ਹੈ ਜਿਸ ਅਨੁਸਾਰ ਕਾਮਿਆਂ ਨੂੰ ਘਰ ਬੈਠਿਆਂ 80 ਫ਼ੀਸਦੀ ਤਨਖ਼ਾਹ ਮਿਲੇਗੀ। ਯੂਨਾਈਟ ਦੀ ਹਵਾਈ ਖੇਤਰ ਦੇ ਰਾਸ਼ਟਰੀ ਅਧਿਕਾਰੀ ਓਲੀਵਰ ਰਿਚਰਡਸਨ ਨੇ ਆਖਿਆ ਕਿ ਪੂਰਾ ਹਵਾਬਾਜ਼ੀ ਖੇਤਰ ਜਿਨ੍ਹਾਂ ਮੌਜੂਦਾ ਹਾਲਾਤ ਦਾ ਸਾਹਮਣਾ ਕਰ ਰਿਹਾ ਹੈ, ਉਸ ਨੂੰ ਦੇਖਦੇ ਹੋਏ ਇਹ ਸਾਡੇ ਮੈਂਬਰਾਂ ਲਈ ਚੰਗਾ ਫ਼ੈਸਲਾ ਹੈ |

ਵਾਸਿਗਟਨ , ਅਪ੍ਰੈਲ 2020 -(ਏਜੰਸੀ)-

ਕੋਰੋਨਾ ਵਾਇਰਸ ਦਾ ਕਹਿਰ ਮੌਤ ਦਾ ਵਾਵਰੋਲਾ ਬਣਕੇ ਆਇਆ ਅਮਰੀਕਾ ਦੇ ਲੋਕ ਲਈ। ਅਮਰੀਕਾ ਸਮੇ ਮੁਤਾਬਕ 4 ਤਰੀਕ ਦੀ ਸ਼ਾਮ 5 ਵਜੇ ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੋਰੋਨਾ ਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 8000 ਨੂੰ ਪਾਰ ਕਰ ਚੁੱਕੀ ਹੈ ਅਤੇ 14000 ਹਜਾਰ ਲੋਕ ਸੇਹਤ ਜਾਬ ਹੋਏ ਹਨ ਅਤੇ 3 ਲੱਖ ਤੋਂ ਜਾਂਦਾ ਪੀੜਤ ਹਨ।

ਖਾਮੋਸ਼ ਪਰ ਉਦਾਸ ਨਹੀਂ!

ਆਹ! ਮੇਰੇ ਪਿੰਡ ਦੇ ਖੇਤ  ਹਨ, ਜਿਨ੍ਹਾਂ  ਵਿਚ  ਖੜੀਆਂ ਕਣਕਾਂ ਵਿਸਾਖੀ ਦੀ ਉਡੀਕ ਵਿਚ ਹੌਲੀ ਹੌਲੀ ਆਪਣੇ ਸਿਰ ਉਪਰ ਸੋਨੇ ਰੰਗੀ ਚੁੰਨੀ ਤਾਣਦੀਆਂ ਹੋਈਆਂ ਸੁਨੇਹਾ ਦੇ ਰਹੀਆਂ ਹਨ ਕਿ 'ਐ ਮਨੁੱਖ ਹਰ ਕਾਲੀ ਡਰਾਉਣੀ ਰਾਤ ਤੋਂ ਬਾਅਦ ਸੂਰਜ ਆਪਣੀਆਂ ਸੁਨਹਿਰੀਆਂ ਕਿਰਨਾਂ ਨਾਲ ਦਿਨ ਵੀ ਚੜਾਉੰਦਾ ਹੈ, ਇਸ ਲਈ ਤੂੰ ਵੀ ਉਦਾਸ ਨਾ ਹੋ, ਮੁਸੀਬਤਾਂ ਦਾ ਜਿਹੜਾ ਪਹਾੜ ਤੇਰੇ 'ਤੇ ਟੁੱਟਿਆ ਹੈ, ਜਲਦੀ ਖਤਮ ਹੋ ਜਾਵੇਗਾ, ਅਸੀਂ ਵੀ ਤਾਂ ਤੇਰੀ ਉਡੀਕ ਵਿਚ ਖਾਮੋਸ਼ ਹਾਂ, ਪਰ ਉਦਾਸ ਨਹੀਂ, ਅਸੀਂ ਵੀ ਤਾਂ ਆਪਣੀ ਜਿੰਦਗੀ ਬਚਾਉਣ ਲਈ ਤਰ੍ਹਾਂ-ਤਰ੍ਹਾਂ ਦੀਆਂ ਮੁਸੀਬਤਾਂ ਕਦੀ ਜਹਿਰੀਲੀਆਂ ਖਾਦਾਂ ਅਤੇ ਕਦੀ ਕੀੜੇ ਮਾਰ ਦਵਾਈਆਂ ਵਿਚੋਂ ਦੀ ਲੰਘਦੀਆਂ ਰਹੀਆਂ ਹਾਂ, ਭੁੱਖੀਆਂ, ਪਿਆਸੀਆਂ ਰਹਿਕੇ ਵੀ ਦਿਨ ਕੱਟੇ ਪਰ ਅਡੋਲ ਖੜੀਆਂ ਰਹੀਆਂ, ਦਿਲ ਨਹੀਂ ਛੱਡਿਆ, ਤੂੰ ਵੀ ਹੌਸਲਾ ਰੱਖ ਚੰਗੇ ਦਿਨ ਆਉਣਗੇ! '

-ਸੁਖਦੇਵ ਸਲੇਮਪੁਰੀ

ਸਲੇਮਪੁਰੀ ਦੇ ਹੰਝੂ-

ਸਿਵੇ ਵੀ ਬੇ-ਮੁੱਖ ਹੋ ਗਏ ਨੇ ਲਾਸ਼ਾਂ ਵੇਖਕੇ!

ਕਿੰਨ੍ਹਾ ਦਰਦਨਾਕ ਸਮਾਂ ਆ ਗਿਆ ਹੈ ਅੱਜ ਸਿਵੇ ਵੀ ਲਾਸ਼ਾਂ ਵੇਖਕੇ ਬੇ-ਮੁੱਖ ਹੋ ਗਏ ਹਨ। ਸਵਰਗਵਾਸੀ ਭਾਈ ਨਿਰਮਲ ਸਿੰਘ ਖਾਲਸਾ ਜਿਨ੍ਹਾਂ ਦੇ ਨਾਂ ਦਾ ਸੰਸਾਰ ਵਿੱਚ ਡੰਕਾ ਵੱਜਦਾ ਸੀ ਦਾ ਅੰਤਿਮ ਸਸਕਾਰ ਕਰਨ ਤੋਂ ਰੋਕਣ ਲਈ  ਪਿੰਡ ਵੇਰਕਾ ਦੇ ਲੋਕਾਂ ਨੇ ਸਿਵਿਆਂ ਵਾਲੀ ਥਾਂ 'ਤੇ ਨਾਕਾਬੰਦੀ ਕੀਤੀ ਹੋਈ ਹੈ। ਸਾਨੂੰ ਚਿੱਤ ਚੇਤੇ ਵੀ ਨਹੀਂ ਸੀ ਕਿ ਆਹ ਦਿਨ ਵੀ ਸਾਨੂੰ ਜਿੰਦਗੀ ਵਿੱਚ ਵੇਖਣੇ ਪੈਣੇ ਸਨ ਜਦੋਂ ਲਾਸ਼ਾਂ ਨੂੰ ਵੇਖ ਕੇ ਸਿਵਿਆਂ ਨੇ ਵੀ ਬੂਹੇ ਭੇੜ ਲੈਣੇ ਹਨ। ਭਾਈ ਨਿਰਮਲ ਸਿੰਘ ਖਾਲਸਾ ਨੇ ਅੱਜ ਤੜਕ ਸਵੇਰੇ ਨਾ-ਮੁਰਾਦ ਬਿਮਾਰੀ ਕੋਰੋਨਾ ਵਾਇਰਸ ਦੀ ਲਪੇਟ ਵਿਚ ਆਉਣ ਕਰਕੇ ਆਪਣੇ ਸੁਆਸ ਪੂਰੇ ਕਰ ਲਏ ਸਨ।

ਸੁਖਦੇਵ ਸਲੇਮਪੁਰੀ

09780620233

ਲੰਡਨ, ਮਾਰਚ 2020-(ਗਿਆਨੀ ਰਵਿੰਦਰਪਾਲ ਸਿੰਘ)-

 ਬਰਤਾਨੀਆ ਦੇ ਸ਼ਾਹੀ ਤਖ਼ਤ ਦੇ ਦਾਅਵੇਦਾਰ ਪਿ੍ੰਸ ਚਾਰਲਸ (71) ਸਿਹਤਯਾਬ ਹੋ ਗਏ ਹਨ । ਉਹ ਬੀਤੇ 7 ਦਿਨ ਤੋਂ ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਿਤ ਹੋਣ ਕਾਰਨ ਇਕਾਂਤਵਾਸ 'ਚ ਚਲੇ ਗਏ ਸਨ । ਚਾਰਲਸ ਦਾ ਟੈਸਟ ਪਾਜ਼ੀਟਿਵ ਆਉਣ ਤੋਂ ਬਾਅਦ ਉਨ੍ਹਾਂ ਖ਼ੁਦ ਨੂੰ ਸਕਾਟਲੈਂਡ ਸਥਿਤ ਆਪਣੀ ਰਿਹਾਇਸ਼ 'ਤੇ ਵੱਖ (ਆਈਸੋਲੇਟ) ਕਰ ਲਿਆ ਸੀ। ਉਨ੍ਹਾਂ ਦੀ 72 ਸਾਲਾ ਪਤਨੀ ਡਿਊਚਸ ਆਫ਼ ਕੌਰਨਵਾਲ ਦਾ ਕੋਰੋਨਾ ਟੈਸਟ ਨੈਗਟਿਵ ਆਇਆ ਸੀ ਪਰ ਉਨ੍ਹਾਂ ਵੀ ਖ਼ੁਦ ਨੂੰ ਇਕ ਹਫ਼ਤੇ ਲਈ ਵੱਖ (ਆਈਸੋਲੇਟ) ਕੀਤਾ ਹੋਇਆ ਹੈ। ਸ਼ਾਹੀ ਅਧਿਕਾਰੀਆਂ ਨੇ ਦੱਸਿਆ ਕਿ ਪਿ੍ੰਸ ਚਾਰਲਸ ਤੇ ਉਨ੍ਹਾਂ ਦੀ ਪਤਨੀ ਨੂੰ ਸਰਕਾਰੀ ਨਿਯਮਾਂ ਅਨੁਸਾਰ ਤਿੰਨ ਮਹੀਨੇ ਘਰ ਅੰਦਰ ਹੀ ਰਹਿਣਾ ਹੋਵੇਗਾ।

 ਸਰਾਪ ਬਨਾਮ ਵਰਦਾਨ!

ਆਮ ਤੌਰ 'ਤੇ ਸਰਕਾਰੀ ਹਸਪਤਾਲਾਂ ਨੂੰ ਨਿੰਦਣ ਤੋਂ ਸਿਵਾਏ ਸਮਾਜ ਕੋਲ ਕੋਈ ਵੀ ਕੰਮ ਨਹੀਂ ਹੈ। ਸਮਾਜ ਦੇ ਅਮੀਰਾਂ ਸਮੇਤ ਮੱਧ ਵਰਗੀ ਅਤੇ ਖਾਂਦੇ ਪੀਂਦੇ ਲੋਕ ਤਾਂ ਸਰਕਾਰੀ ਹਸਪਤਾਲਾਂ ਦਾ ਨਾਂ ਸੁਣਦਿਆਂ ਹੀ ਨੱਕ ਬੁੱਲ੍ਹ ਚੜਾਉਣ ਲੱਗ ਜਾਂਦੇ ਹਨ। ਖਾਂਦੇ ਪੀਂਦੇ ਪਰਿਵਾਰਾਂ ਦੇ ਮੂੰਹੋਂ ਤਾਂ ਅਕਸਰ ਇਹ ਸ਼ਬਦ ਹੀ ਨਿਕਲਦਾ ਹੈ ਕਿ ਇਹ ਤਾਂ ਗਰੀਬਾਂ ਦੇ ਹਸਪਤਾਲ ਹਨ, ਪਰ ਅੱਜ ਉਨ੍ਹਾਂ ਲੋਕਾਂ ਲਈ ਇਹ ਹਸਪਤਾਲ ਵਰਦਾਨ ਬਣ ਰਹੇ ਹਨ, ਜਿਹੜੇ ਇਨ੍ਹਾਂ ਦੇ ਕੋਲੋਂ ਲੰਘਣਾ ਵੀ ਕਦੀ ਮੁਨਾਸਿਬ ਵੀ ਨਹੀਂ ਸੀ ਸਮਝਦੇ, ਕਿਉਂਕਿ ਬਹੁਤੇ ਨਿੱਜੀ ਹਸਪਤਾਲਾਂ ਨੇ ਤਾਂ ਆਪਣੇ ਬੂਹੇ ਭੇੜ ਕੇ ਬਾਹਰ ਲਿਖ ਦਿੱਤਾ ਹੈ ਕਿ 'ਜਿਹੜੇ ਮਰੀਜ਼ਾਂ ਨੂੰ ਖੰਘ, ਜੁਕਾਮ, ਬੁਖਾਰ ਅਤੇ ਹੱਡ ਭੰਨਣੀ ਦੀ ਸ਼ਿਕਾਇਤ ਹੈ, ਉਹ ਸਰਕਾਰੀ ਹਸਪਤਾਲ ਜਾਣ' ਸਦਕੇ ਜਾਈਏ! ਇਹੋ ਜਿਹੇ ਨਿੱਜੀ ਹਸਪਤਾਲਾਂ ਦੇ ਪ੍ਰਬੰਧਕਾਂ ਤੋਂ, ਜਿਹੜੇ ਕ੍ਰੀਮ ਖਾਣ ਲਈ ਹੀ ਲੋਕਾਂ ਦਾ ਗਲ ਘੁੱਟ ਦੇ ਰਹੇ ਹਨ ਅਤੇ ਜਦੋਂ ਹੁਣ ਦੇਸ਼ ਉਪਰ ਭੀੜ ਬਣੀ ਤਾਂ ਬੂਹੇ ਭੇੜ ਲਏ ਹਨ। ਅੱਜ ਸਰਕਾਰੀ ਹਸਪਤਾਲਾਂ ਨੇ ਹੀ ਕੋਰੋਨਾ  ਸਮੇਤ ਹਰ ਬਿਮਾਰੀ ਤੋਂ  ਪੀੜਤ ਹਰ ਵਰਗ ਦੇ ਲੋਕਾਂ ਦੀ ਬਾਂਹ ਫੜੀ ਹੈ। ਵਰ੍ਹਦੀ ਅੱਗ ਵਿੱਚ ਸਰਕਾਰੀ ਹਸਪਤਾਲਾਂ ਦੇ ਸਿਹਤ ਕਾਮੇ ਜਾਨ ਤਲੀ 'ਤੇ ਰੱਖ ਕੇ ਦੂਜਿਆਂ ਦੀ ਜਾਨ ਬਚਾਉਣ ਵਿੱਚ ਜੁੱਟ ਗਏ ਹਨ। ਅੱਜ ਉਨ੍ਹਾਂ ਲੋਕਾਂ ਦੇ ਮੂੰਹ' ਤੇ ਕੱਸ ਕੇ ਚਪੇੜ ਵੱਜੀ ਹੈ ਜਿਹੜੇ  ਲੋਕ ਹੁਣ ਤੱਕ ਸਰਕਾਰੀ ਹਸਪਤਾਲਾਂ ਨੂੰ 'ਸਰਾਪ' ਹੀ ਸਮਝਦੇ ਰਹੇ ਹਨ।  ਅਮੀਰਾਂ ਨੂੰ ਅੱਜ ਇਸ ਗੱਲ ਦੀ ਵੀ ਸਮਝ ਆ ਗਈ ਹੋਣੀ ਹੈ ਕਿ ਸਮਾਜ ਦੇ ਆਮ ਲੋਕਾਂ ਦਾ ਸਿੱਧੇ ਅਤੇ ਅਸਿੱਧੇ ਤੌਰ ਤੇ ਖੂਨ ਚੂਸਕੇ ਇਕੱਠੀ ਕੀਤੀ ਅੰਨ੍ਹੀ ਮਾਇਆ ਨੂੰ ਐਵੇਂ ਆਪਣੇ ਐਸ਼ੋ-ਆਰਾਮ ਲਈ ਖਰਚਦੇ ਰਹੇ ਹਨ ਜਾਂ ਫਿਰ ਆਪਣੇ ਪਾਪਾਂ ਨੂੰ ਧੋਣ ਅਤੇ ਹੇਰਾਫੇਰੀ ਨਾਲ ਇਕੱਠੀ ਕੀਤੀ ਮਾਇਆ ਦਾ ਦਸਵੰਦ ਸਰਕਾਰੀ ਹਸਪਤਾਲਾਂ ਅਤੇ ਸਕੂਲਾਂ /ਕਾਲਜਾਂ ਉਪਰ ਖਰਚਣ ਦੀ ਬਜਾਏ ਧਾਰਮਿਕ ਸਥਾਨਾਂ ਵਿਚ ਮਹਿੰਗੇ ਪੱਥਰ ਲਗਵਾਉਣ ਲਈ ਖਰਚ ਕਰਦੇ ਰਹੇ ਹਨ। ਅਮੀਰ ਅੱਜ ਇਹ ਵੀ ਸਮਝ ਗਏ ਹੋਣਗੇ ਕਿ ਜਦੋਂ ਸਮਾਜ ਉੱਪਰ ਮੁਸੀਬਤਾਂ ਦਾ ਵੱਡਾ ਪਹਾੜ ਆਣ ਡਿੱਗ ਪਿਆ ਹੈ ਤਾਂ ਧਾਰਮਿਕ ਸਥਾਨਾਂ ਦੇ ਬੂਹੇ ਵੀ ਬੰਦ ਹੋ ਗਏ ਹਨ ਜਦ ਕਿ ਉਨ੍ਹਾਂ ਦੀ ਜਾਨ ਬਚਾਉਣ ਲਈ ਇਸ ਵੇਲੇ ਕੇਵਲ ਤੇ ਕੇਵਲ ਹਸਪਤਾਲਾਂ ਦੇ ਬੂਹੇ ਖੁੱਲ੍ਹੇ ਹਨ। 
ਸਲਾਮ! ਸਰਕਾਰੀ ਹਸਪਤਾਲਾਂ ਨੂੰ!
ਸਲਾਮ! ਸਰਕਾਰੀ ਡਾਕਟਰਾਂ ਨੂੰ!
ਸਲਾਮ! ਸਰਕਾਰੀ ਨਰਸਾਂ ਨੂੰ!
ਸਲਾਮ! ਸਰਕਾਰੀ ਪੈਰਾ-ਮੈਡੀਕਲ ਸਟਾਫ ਨੂੰ!
-ਸੁਖਦੇਵ ਸਲੇਮਪੁਰੀ
09780620233