ਕਾਫੀ ਸਮੇ ਤੋ ਇੱਕ ਗੱਲ ਦੀ ਸਮਝ ਨਹੀ ਸੀ ਆ ਰਹੀ ਵੀ ਜਦੋ ਵੀ ਮੈ ਕਦੇ ਪੰਜਾਬ ਦੇ ਇਤਿਹਾਸ ਨੂੰ ਪੜਦਾ ਹਾਂ ਜਾਂ ਕਦੇ ਕਿਸੇ ਤੋ ਸੁਣਦਾ ਹਾਂ ਵੀ ਪੰਜਾਬ ਦੇ ਹਰ ਇੱਕਬੰਦਾ ਚਾਹੇ ਉਹ ਬੱਚਾ ਚਾਹੇ ਉਹ ਨੌਜਵਾਨ ਐ ਚਾਹੇ ਉਹ ਬਜੁਰਗ ਤੇ ਚਾਹੇ ਉਹ ਕੌਈ ਔਰਤ ਐ ਉਸਨੇ ਕਦੇ ਵੀ ਆਪਣਾ ਜਜਬਾ ਆਪਣਾ ਹੌਸਲਾ ਨਹੀ ਹਾਰਿਆ ਜਦੋਵੀ ਕਿਤੇ ਹੱਕ ਦੀ ਗੱਲ ਆਈ ਐ ਪੰਜਾਬ ਦੀ ਗੱਲ ਆਈ ਆਪਣੇ ਰੁਤਬੇ ਦੀ ਗੱਲ ਆਈ ਵਧ ਚੜ ਕੇ ਸੰਘਰਸ ਚ ਹਿੱਸਾ ਲਿਆ ਤੇ ਕੁਰਬਾਨੀ ਦੇਣ ਤੋ  ਵੀ ਪਿਛਾਹਪੈਰ ਨਹੀ ਪੁੱਟਿਆ ਪਰ ਫਿਰ ਵੀ ਕਿਉ ਹਾਰ ਵਾਰ ਜਿੱਤ ਕੇ ਵੀ ਕਿਉ ਪੰਜਾਬ ਦੀ ਧਰਤੀ ਲਾਚਾਰ ਤੇ ਬੇਵੱਸ ਹੋ ਜਾਦੀ ਐ ਕਿਉ ਹਰ ਵਾਰ ਆਪਣੇ ਪੁੱਤਰਾ ਦੀਕੁਰਬਾਨੀਆ ਦੇਣ ਤੋ ਬਾਅਦ ਵੀ ਆਪਣੇ ਆਪਣੇ ਨੂੰ ਆਜਾਦ ਨਹੀ ਕਰਵਾ ਸਕੀ ਕਿਉ ਕਿਸੇ ਗਿਣੇ ਚੁੱਣਵੇ ਕੁਝ ਬੰਦਿਆ ਦੀ ਗੁਲਾਮ ਹੋ ਕੇ ਰਹਿ ਜਾਦੀ ਐ ਪਰਸਾਇਦ ਹੁਣ ਮੈਨੂੰ ਇਸ ਗੱਲ ਦੀ ਸਮਝ ਬਾਖੂਬੀ ਆ ਗਈ ਹੈ ਇਸ ਗੁਲਾਮੀ ਦਾ ਇੱਕੋ ਇੱਕ ਕਾਰਣ ਪੰਜਾਬ ਦੇ ਲੋਕਾ ਦਾ ਦਿਲ ਦਾ ਸਾਫ ਤੇ ਭੋਲਾਪਣ ਹੈ ਜੋ ਹਰ ਇੱਕਨੂੰ ਆਪਣਾ ਵਰਗਾ ਸਮਝਦਾ ਹੈ ਤੇ ਆਪਣੇ ਘਰ ਚ ਹੀ ਨਹੀ ਸਗੌ ਆਪਣੇ ਦਿਲ ਚ ਜਗ੍ਹਾ ਦੇ ਦਿੰਦਾ ਹੈ ਸਿਰਫ ਇਸੇ ਕਾਰਣ ਹਰ ਵਾਰ ਜਿੱਤਣ ਦੇ ਬਾਵਜੂਦ ਵੀ ਕਦੇਗੌਰਿਆ ਦੀ ਤੇ ਕਦੇ ਕਾਲਿਆ ਦੀ ਗੁਲਾਮ ਹੁੰਦੀ ਆਈ ਏ ਪਰ ਇੱਕ ਗੱਲ ਹੋਰ ਉਹ ਕਹਿੰਦੇ ਹੁੰਦੇ ਆਂ ਵੀ ਹਰ ਇੱਕ ਚੀਜ ਦੀ ਕੋਈ ਸੀਮਾ ਕੋਈ ਹੱਦ ਹੁੰਦੀ ਐ ਪਰਸਾਇਦ ਕੁਝ ਸ਼ਾਸਕ ਲੋਕ ਇਸ ਗੱਲ ਨੂੰ ਭੁੱਲ ਜਾਦੇ ਨੇ ਜੋ ਲੋਕ ਪਿਆਰ ਹੱਦੋ ਵੱਧ ਕਰ ਸਕਦੇ ਐ ਉਹ ਨਫਰਤ ਦੀ ਵੀ ਸੀਮਾ ਤੋੜ ਸਕਦੇ ਐ ਪਰ ਕੁਝ ਚੌਧਰ ਦੇ ਭੁੱਖੇਲੋਕ ਸਿਰਫ ਆਪਣੇ ਬਾਰੇ ਸੋਚ ਕੇ ਭੋਲੇ-ਭਾਲੇ ਲੋਕਾ ਨੂੰ ਧਰਮਾ ਜਾਤਾ ,ਅਮੀਰ-ਗਰੀਬ, ਊਚ -ਨੀਚ ਦੇ ਨਾਂ ਤੇ ਲੜਾਉਦੇ ਆਏ ਨੇ ਤੇ ਰਾਜ ਕਰਦੇ ਆਏ ਨੇ

ਮੈ ਪੰਜਾਬ ਦੇ ਸੰਘਰਸਾਂ,ਯੋਧਿਆ,ਸੂਰਵੀਰਾ ਤੇ ਗੁਰੂਆ-ਪੀਰਾ ਬਾਰੇ ਬਹੁਤ ਕੁਝ ਸੁਣਿਆ ਤੇ ਪੜਿਆ ਸੀ ਬਹੁਤ ਵਾਰ ਅਨੁਮਾਨ ਲਾਉਦਾ ਰਹਿੰਦਾ ਸੀ ਕਿ ਉਹ ਇੱਦਾ ਦੇਹੁੰਦੇ ਹੋਣਗੇ ਉਦਾ ਦੇ ਹੁੰਦੇ ਹੋਣਗੇ ਉਨ੍ਹਾ ਦਾ ਰਹਿਣ ਸਹਿਣ ਵਿਚਰਣ ਸਾਡੇ ਨਾਲੋ ਕਾਫੀ ਅਲੱਗ ਹੁੰਦਾ ਹੋਵੇਗਾ ਪਰ ਅੱਜ ਪੰਜਾਬ ਦਾ ਜੋ ਿਦਿੱਲੀ ਨਾਲ ਜੋ ਸੰਘਰਸ ਜੋਸ਼ਾਂਤਮਈ ਤਰੀਕੇ ਨਾਲ ਇੱਕ ਯੁੱਧ ਛਿੜਿਆ ਹੋਇਆ ਉਸ ਤੋ ਪਤਾ ਲੱਗਦਾ ਵੀ ਪੰਜਾਬ ਦਾ ਹਰ ਇੱਕਨੌਜਾਵਨ,ਬੱਚਾ ਤੇ ਬਜੁਰਗ ਸੂਰਵੀਰ ਵੀ ਹੈ ਤੇ ਯੋਧਾ ਵੀ ਜੋਆਪਣੀ ਅਣਖ ਆਪਣੀ ਜਮੀਰ ਤੇ ਆਪਣੇ ਲੋਕਾ ਆਪਣੇ ਪੰਜਾਬ ਲਈ ਸਭ ਕੁਝ ਦਾਅ ਤੇ ਲਾਉਣ ਨੂੰ ਤਿਆਰ ਹੈ 

ਇਸ ਸਘੰਰਸ ਤੋ ਇੱਕ ਹੋਰ ਗੱਲ ਵੀ ਸਾਫ਼ ਐ ਵੀ ਪੰਜਾਬ ਉੱਤੋ ਆਪਣੀ ਜਾਨ ਕੁਰਬਾਨ ਵਾਲੇ ਵੀ ਵਥੇਰੇ ਨੇ ਤੇ ਕੁਝ ਕੁ ਗਿਣੇ-ਚੁੱਣਵੇ ਬੰਦਿਆ ਨੂੰ ਛੱਡ ਕੇ ਪੰਜਾਬ ਨੂੰਲੁੱਟਣ ਦੀ ਬਜਾਏ ਆਪਣਾ ਸਭ ਕੁਝ ਲੁਟਾਉਣ ਨੂੰ ਵੀ ਤਿਆਰ ਨੇ ਮੁੱਕਦੀ ਗੱਲ ਇਸ ਅੰਦੋਲਨ ਵਿੱਚ ਸਾਰੇ ਧਰਮਾਂ ਜਾਤਾ ਪਾਤਾ ਦੇ ਲੋਕਾ ਦਾ ਏਕਾ ਦੇਖ ਕੇ ਸਾਫ਼ ਹੋਗਿਆ ਵੀ ਪੰਜਾਬ ਨੂੰ ਤੇ ਪੰਜਾਬ ਦੇ ਲੋਕਾ ਨੂੰ ਇੱਕ ਚੰਗੇ ਆਗੂ ਦੀ ਜਰੂਰਤ ਐ ਜੋ ਪੰਜਾਬ ਨੂੰ ਮੁੜ ਤੋ ਲੀਹ ਤੇ ਲਿਆ ਸਕੇ ਤੇ ਸੋਨੇ ਦੀ ਚਿੜੀ ਕਹੇ ਜਾਣ ਵਾਲੇ ਪੰਜਾਬ ਨੂੰ ਮੁੜ ਤੋ ਖੁਸ਼ਹਾਲ ਬਣਾ ਸਕੇ 

ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 551 ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮੂਹ ਗੁਰੂ ਨਾਨਕ ਨਾਮਲੇਵਾ ਸੰਗਤ ਨੂੰ ਬਹੁਤ ਬਹੁਤ ਮੁਬਾਰਕਾਂ।

ਵੱਲੋਂ ਸਮੂਹ ਪੱਤਰਕਾਰ ਅਤੇ ਮੈਨੇਜ਼ਿੰਗ ਸਟਾਫ ਜਨਸ਼ਕਤੀ ਅਦਾਰਾ       

      *ਡਰ*

ਮੈਂਨੂੰ ਰੱਬ ਤੋਂ ਨਹੀਂ

ਰੱਬ ਨੂੰ ਮੰਨਣ ਵਾਲਿਆਂ ਤੋਂ

ਬਹੁਤ ਡਰ ਲੱਗਦੈ! ,

ਜਿਹੜੇ 'ਰੱਬ' ਦੇ ਨਾਂ 'ਤੇ

ਧੰਦਾ ਕਰਦੇ ਨੇ! 

ਰੱਬ ਦੇ ਨਾਂ 'ਤੇ 

ਲੜਦੇ ਨੇ!

ਦੂਜੇ ਦੇ 'ਰੱਬ' ਨੂੰ ਵੇਖ ਕੇ

ਸੜਦੇ ਨੇ!

ਦੂਜਿਆਂ ਨੂੰ ਮਾਰਦੇ ਨੇ, 

ਲਤਾੜ ਦੇ ਨੇ! 

ਆਪਣੇ ਹਿੱਤਾਂ ਲਈ 

ਉਜਾੜ ਦੇ ਨੇ! 

ਇਸੇ ਕਰਕੇ - 

ਮੈਨੂੰ ਰੱਬ ਤੋਂ ਨਹੀਂ, 

ਰੱਬ ਨੂੰ ਮੰਨਣ ਵਾਲਿਆਂ ਤੋਂ 

ਬਹੁਤ ਡਰ ਲੱਗਦੈ! 

-ਸੁਖਦੇਵ ਸਲੇਮਪੁਰੀ

09780620233

23 ਨਵੰਬਰ, 2020

ਕਾਲੇ ਕਾਨੂੰਨ ਵਿਰੁੱਧ

ਬਾਪ ਦਾਦੇਆ ਹੱਲ ਚਲਾਏ 

ਬੜੀ ਮਿਹਨਤ ਨਾਲ ਦਿਨ ਸੁੱਖਾ ਦੇ ਆਏ

ਰੱਲ ਕੇ ਇਹ ਚੋਰ ਕੁੱਤੀ 

ਜਾਦੇ ਨੇ ਕਿਸਾਨਾਂ ਨੂੰ ਲੁੱਟੀ

ਜੋਸ਼ੀਲਾ ਵਗਦਾ ਏ ਖੂਨ ਸਾਡੇ ਵਿੱਚ ਰਗਾਂ ਦੇ

ਜਿਵੇ ਜਿਵੇ ਛੇੜੋਗੇਂ ਅਸੀ ਹੋਰ ਮੱਗਾਗੇ 

ਪੜ ਲਵੋ ਭਾਵੇ ਇਤਿਹਾਸ ਸਾਡੇ 

ਬਹੁਤਾ ਜੇ ਸਾਨੂੰ ਜਾਣਨਾ 

ਮਾੜੇ ਕਾਨੂੰਨ ਵਾਪਸ ਲੈਲੋ.

ਪਾਉਣਾ ਇਹੀ ਤੁਹਾਨੂੰ ਚਾਨਣਾ ਆ

ਜੋਰ ਅਜਮਾਇਸ ਜੇ ਤੁਸੀ ਕਰਨੀ

ਤੁਹਾਡੇ ਗਿੱਦੜਾਂ ਦੀ ਨਾ ਟੋਲੀ ਖੜਨੀ

ਤੁਹਾਡੇ ਗਿੱਦੜਾਂ ਦੀ ਨਾ ਟੋਲੀ ਖੜਨੀ

ਅਮਨਦੀਪ ਸਿੰਘ

ਸਹਾਿੲਕ ਪ੍ਵੋਫੈਸਰ 

ਆਈ.ਐਸ.ਐਫ ਕਾਲਜ ਮੋਗਾ..

9465423413

ਮੁੰਡਾ ਜੰਮਣ ਤੋਂ ਪਹਿਲਾਂ ਗੁੜ ਵੰਡਿਆ!

 ਦੇਸ਼ ਦੇ ਬਿਹਾਰ ਰਾਜ ਵਿਚ ਵਿਧਾਨ ਸਭਾ ਦੀਆਂ ਚੋਣਾਂ ਨੂੰ ਲੈ ਕੇ ਚੋਣ ਪ੍ਰਚਾਰ ਅਤੇ ਚੋਣ ਬੁਖਾਰ ਸਿਖਰਾਂ 'ਤੇ ਹੈ। ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਵਲੋਂ ਵੋਟਰਾਂ ਨੂੰ ਤਰ੍ਹਾਂ ਤਰ੍ਹਾਂ ਦੇ ਸਬਜ-ਬਾਗ ਵਿਖਾਕੇ ਜਿੱਤ ਹਾਸਲ ਕਰਨ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਕੇਂਦਰ ਵਿਚ ਕਾਬਜ ਭਾਰਤੀ ਜਨਤਾ ਪਾਰਟੀ ਵਲੋਂ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨਾਲ ਪਹਿਲਾਂ ਦੀ ਤਰ੍ਹਾਂ ਗੱਠਜੋੜ ਕਰਕੇ ਰਾਜ ਭਾਗ ਹਥਿਆਉਣ ਲਈ ਹਰ ਸੰਭਵ ਯਤਨ ਜੁਟਾਏ ਜਾ ਰਹੇ ਹਨ। ਭਾਰਤੀ ਜਨਤਾ ਪਾਰਟੀ ਨੇ ਬਿਹਾਰ ਚੋਣਾਂ ਨੂੰ ਲੈ ਕੇ ਜੋ ਆਪਣਾ ਚੋਣ ਮਨੋਰਥ ਪੱਤਰ ਜਾਰੀ ਕੀਤਾ ਹੈ, ਦੇ ਵਿੱਚ ਬੇਰੁਜ਼ਗਾਰਾਂ ਨੂੰ ਲੱਖਾਂ ਨੌਕਰੀਆਂ ਦੇਣ ਦੀ ਗੱਲ ਕੀਤੀ ਗਈ ਹੈ, ਪਰ ਚੋਣ ਮਨੋਰਥ ਪੱਤਰ ਵਿਚ ਇਸ ਪਾਰਟੀ ਵਲੋਂ ਜੋ ਮਹੱਤਵਪੂਰਨ ਵਾਅਦਾ ਕੀਤਾ ਗਿਆ ਹੈ, ਉਹ ਹੈ, ਬਿਹਾਰ ਦੇ ਲੋਕਾਂ ਨੂੰ ਨਾਮੁਰਾਦ ਬੀਮਾਰੀ ਕੋਰੋਨਾ ਵਾਇਰਸ ਤੋਂ ਬਚਾਉਣ ਲਈ 'ਮੁਫਤ ਵੈਕਸੀਨ' ਲਗਾਉਣਾ ਹੈ। ਭਾਜਪਾ ਵਲੋਂ ਬਿਹਾਰੀਆਂ ਲਈ ਕੀਤਾ ਗਿਆ ਇਹ ਵਾਅਦਾ ਦੇਸ਼ ਦੇ ਲੋਕਾਂ ਅੱਗੇ ਬਹੁਤ ਵੱਡਾ ਗੁੰਝਲਦਾਰ ਸਵਾਲ ਖੜ੍ਹਾ ਕਰ ਗਿਆ ਹੈ। ਦੇਸ਼ ਦੇ ਭੋਲੇ-ਭਾਲੇ ਲੋਕ ਪੁੱਛ ਰਹੇ ਹਨ ਕਿ ਕੀ ਕੋਰੋਨਾ ਵੈਕਸੀਨ ਦੀ ਕੇਵਲ ਬਿਹਾਰ ਨੂੰ ਜਰੂਰਤ ਹੈ? ਕੀ ਦੇਸ਼ ਦੇ ਬਾਕੀ ਸੂਬਿਆਂ ਵਿਚ ਕੋਰੋਨਾ ਦੀ ਬਿਮਾਰੀ ਨਹੀਂ ਹੈ, ਜਾਂ ਕੋਰੋਨਾ ਮੁਕਤ ਹਨ, ਜਾਂ ਉਨ੍ਹਾਂ ਨੂੰ ਜਰੂਰਤ ਨਹੀਂ ਹੈ ਜਾਂ ਫਿਰ ਉਹ ਆਪਣੇ ਆਪ ਦਵਾਈ ਖ੍ਰੀਦਣ ਦੇ ਸਮਰੱਥ ਹਨ?

ਕੀ ਕੋਰੋਨਾ ਵੈਕਸੀਨ ਦੀ ਭਾਰਤ ਨੇ ਖੋਜ ਕਰ ਲਈ ਹੈ, ਜਿਸ ਦੀ ਵਰਤੋਂ ਬਿਹਾਰ ਚੋਣਾਂ ਤੋਂ ਬਾਅਦ ਬਿਹਾਰ ਵਿਚ ਮੁਫਤ ਵੈਕਸੀਨ ਤੋਂ ਸ਼ੁਰੂ ਹੋਵੇਗੀ? ਸੱਚ ਤਾਂ ਇਹ ਹੈ ਕਿ ਸੰਸਾਰ ਵਿੱਚ ਅਜੇ ਤੱਕ ਤਾਂ ਕੋਰੋਨਾ ਵੈਕਸੀਨ ਦੀ ਖੋਜ ਹੀ ਨਹੀਂ ਹੋਈ, ਫਿਰ ਬਿਹਾਰ ਦੇ ਲੋਕਾਂ ਨੂੰ ਕੋਰੋਨਾ ਵੈਕਸੀਨ ਦਾ ਸਬਜ-ਬਾਗ ਕਿਉਂ ਵਿਖਾਇਆ ਗਿਆ ਹੈ? ਕੀ ਬਿਹਾਰ ਦੇ ਲੋਕ ਮੂਰਖ ਹਨ, ਜਿਨ੍ਹਾਂ ਨੂੰ ਇਸ ਵੈਕਸੀਨ ਦੀ ਖੋਜ ਬਾਰੇ ਪਤਾ ਹੀ ਨਹੀਂ ਕਿ ਖੋਜ ਹੋ ਚੁੱਕੀ ਹੈ? ਇਹ ਤਾਂ  'ਮੁੰਡਾ ਜੰਮਣ ਤੋਂ ਪਹਿਲਾਂ ਹੀ ਗੁੜ ਵੰਡੇ ਜਾਣ ਵਾਲੀ ਗੱਲ ਹੋਈ'। ਕੋਰੋਨਾ ਵੈਕਸੀਨ ਦੀ ਖੋਜ ਅਜੇ ਹੋਈ ਨਹੀਂ, ਭਾਜਪਾ ਨੇ ਸਰਿੰਜ-ਸੂਈ ਪਹਿਲਾਂ ਹੀ ਚੁੱਕ ਲਈ ਹੈ! ਭਾਜਪਾ ਵਲੋਂ ਲੱਖਾਂ ਨੌਕਰੀਆਂ ਦਾ ਵਾਅਦਾ ਕੀਤਾ ਗਿਆ ਹੈ, ਜਦਕਿ ਭਾਜਪਾ ਸਰਕਾਰ ਨੇ ਦੇਸ਼ ਵਿਚ ਲੱਖਾਂ ਨੌਕਰੀਆਂ ਦਾ ਭੋਗ ਪਾ ਦਿੱਤਾ ਹੈ! ਪੈਸੇ ਨਹੀਂ, ਫਿਰ ਤਨਖਾਹਾਂ ਕਿਥੋਂ ਦੇਣੀਆਂ ਹਨ? 

ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਬਿਹਾਰ ਇੱਕ ਵਿਸ਼ਾਲ ਰਾਜ ਹੈ, ਖਣਿਜ ਪਦਾਰਥਾਂ ਦਾ ਖਜਾਨਾ ਹੈ, ਜਰਖੇਜ ਧਰਤੀ ਹੈ, ਪਰ ਲੋਕ ਅੱਤ ਦੇ ਗਰੀਬ ਹੋਣ ਕਰਕੇ ਦੇਸ਼ ਦੇ ਹੋਰਨਾਂ ਰਾਜਾਂ ਖਾਸ ਕਰਕੇ ਪੰਜਾਬ, ਹਰਿਆਣਾ, ਦਿੱਲੀ ਸਮੇਤ ਵੱਖ ਵੱਖ ਹਿੱਸਿਆਂ ਵਿੱਚ ਜਾ ਕੇ ਰੋਜੀ ਰੋਟੀ ਲਈ ਧੱਕੇ ਖਾਣ ਲਈ ਮਜਬੂਰ ਹਨ। ਬਿਹਾਰ ਵਿਚ ਘਰ ਘਰ ਵਿਚ ਬੀੜੀ ਉਦਯੋਗ ਹੋਣ ਦੇ ਬਾਵਜੂਦ ਵੀ ਲੋਕ ਦੇਸ਼ ਦੀ ਆਜਾਦੀ ਦੇ 73 ਸਾਲਾਂ ਬਾਅਦ ਭੁੱਖਮਰੀ ਅਤੇ ਗਰੀਬੀ ਨਾਲ ਜੂਝਣ ਲਈ ਮਜਬੂਰ ਹਨ। ਘਰਾਂ ਵਿਚ ਬੀੜੀਆਂ ਬਣਾਕੇ ਵੇਚਣ ਵਾਲੇ ਮਜਦੂਰਾਂ ਦਾ ਕਹਿਣਾ ਹੈ ਕਿ ਸਾਰਾ ਦਿਨ ਕੰਮ ਕਰਨ ਦੇ ਬਾਵਜੂਦ ਉਨ੍ਹਾਂ ਦੀ ਦਿਹਾੜੀ 85 ਰੁਪਏ ਤੋਂ ਵੱਧ ਨਹੀਂ ਪੈਂਦੀ!

-ਸੁਖਦੇਵ ਸਲੇਮਪੁਰੀ

09780620233

24 ਅਕਤੂਬਰ, 2020.

ਖੁੱਲ ਗਏ ਸਕੂਲ, ਸਕੂਲੇ ਚੱਲੀਏ! 

ਚੱਲ ਭੈਣੇ ਜਲਦੀ ਸਕੂਲ ਚੱਲੀਏ!

ਅੱਡੋ-ਅੱਡ ਜਾ ਕੇ ਆਪਾਂ ਸੀਟ ਮੱਲੀਏ!

ਮਾਸਕ ਤੂੰ ਨੱਕ ਮੂੰਹ ਦੇ ਉੱਤੇ ਬੰਨ ਲੈ ।

ਡਾਕਟਰਾਂ ਦੀ ਦੱਸੀ ਹੋਈ ਗੱਲ ਮੰਨ ਲੈ। 

ਸੈਨੀਟਾਈਜ਼ਰ ਦੀ ਸ਼ੀਸ਼ੀ ਹੱਥ ਵਿਚ ਫੜ ਲੈ!

ਟੀਚਰਾਂ ਦੀ ਗੱਲ 'ਤੇ ਅਮਲ ਕਰ ਲੈ।

7 ਮਹੀਨੇ ਹੋਗੇ ਤੈਨੂੰ ਘੁੰਮਦੇ ਕੋਰੋਨਿਆ! 

ਪੁੱਟ ਦੇਣੀ ਜੜ੍ਹ ਤੇਰੀ ਘੋਨਿਆ ਮੋਨਿਆ! 

ਖੁੱਲ੍ਹ ਗਏ ਸਕੂਲ, ਸਕੂਲੇ ਜਾਵਾਂਗੇ। 

ਕਰਾਂਗੇ ਪੜ੍ਹਾਈ, ਚੰਗੇ ਅੰਕ ਪਾਵਾਂਗੇ। 

ਦੂਰ ਦੂਰ ਹੋ ਕੇ ਆਪਾਂ ਕੰਮ ਕਰਾਂਗੇ । 

ਟੀਚਰ ਪੜਾਉਣਗੇ, ਆਪਾਂ ਪੜਾਂਗੇ। 

ਚੱਲ ਵੀਰੇ! ਆਪਾਂ ਸਕੂਲੇ ਚੱਲੀਏ। 

ਸਾਰਿਆਂ ਤੋਂ ਮੂਹਰੇ ਜਾ ਕੇ ਥਾਂ ਮੱਲੀਏ! 

-ਸੁਖਦੇਵ ਸਲੇਮਪੁਰੀ 

09780620233 

18 ਅਕਤੂਬਰ, 2020

ਲਘੂ ਫ਼ਿਲਮ 'ਸੀਤੋ' ਜਿੱਥੇ ਕੁੜੀ ਮੁੰਡੇ ਦੇ ਫ਼ਰਕ ਵਾਲੀ ਸੋਚ ਤੋਂ ਉੱਪਰ ਉਠਾਉਣ ਦਾ ਯਤਨ ਕਰਦੀ ਹੈ ਉੱਥੇ ਨਸ਼ਿਆਂ ਦੀ ਦਲਦਲ ਵਿੱਚ ਗਰਕ ਰਹੀ ਨੌਜਵਾਨੀ ਜਾਤ ਪਾਤ ਦੀ ਜੰਜੀਰ 'ਚ ਜਕੜੇ ਸਮਾਜ ਨੂੰ ਬਾਬਾ ਸਾਹਿਬ ਅੰਬੇਦਕਰ ਦੇ ਸਿਧਾਂਤਾਂ 'ਤੇ ਚੱਲਣ ਦਾ ਸੁਨੇਹਾ ਦਿੰਦੀ ਹੈ। 4 ਯੂ ਮੀਡੀਆ ਰਿਕਾਰਡਸ ਯੂਟਿਊਬ ਚੈਨਲ ‘ਤੇ ਰਿਲੀਜ ਇਸ ਫਿਲ਼ਮ ਨੂੰ ਦਰਸ਼ਕਾਂ ਵਲੋਂ ਹੁਣ ਤੱਕ 16 ਲੱਖ ਤੋਂ ਜ਼ਿਆਦਾ ਵਾਰ ਦੇੇਖਿਆ ਜਾ ਚੁੱਕਾ ਹੈ। ਲੇਖਕ ਤੇ ਨਿਰਮਾਤਾ ਪਵਨ ਮਹਿਮੀ ਅਤੇ ਨਿਰਦੇਸ਼ਕ ਰਾਜੇਸ਼ ਕਪੂਰ ਦੀ ਇਸ ਫ਼ਿਲਮ ਵਿੱਚ ਪੰਜਾਬੀ ਰੰਗਮੰਚ ਅਤੇ ਫ਼ਿਲਮਾਂ ਦੇ ਨਾਮੀਂ ਕਲਾਕਾਰਾਂ ਨੇ ਅਹਿਮ ਕਿਰਦਾਰ ਨਿਭਾਏ ਹਨ। ਫ਼ਿਲਮ ਦੀ ਇੱਕ ਮੋਚੀ ਦੇ ਪਰਿਵਾਰ ਦੀ ਹੈ ਜੋ ਪਿੰਡ ਦੇ ਸਕੂਲ ਮੂਹਰੇ ਜੁੱਤੀਆਂ-ਜੋੜੇ ਗੰਢ ਕੇ ਆਪਣੀ ਦੋ ਡੰਗ ਦੀ ਰੋਟੀ ਕਮਾਉਦਾ ਹੈ ਤੇ ਉਸਦੀ ਘਰ ਵਾਲੀ ਸਰਪੰਚ ਦੇ ਘਰ ਗੋਹਾ ਕੂੜਾ ਕਰਦੀ ਹੈ। ਇੰਨ੍ਹਾ ਦੀ ਇੱਕ ਧੀ ਹੈ ਸੀਤੋ, ਜੋ ਪੜ੍ਹ ਲਿਖ ਕੇ ਵੱਡੀ ਅਫ਼ਸਰ ਬਣਨਾ ਚਾਹੁੰਦੀ ਹੈ ਪਰ ਗਰੀਬ ਬਾਪ ਵਿਚ ਐਨੀ ਹਿੰਮਤ ਨਹੀਂ ਕਿ ਉਹ ਸਕੂਲ ਦਾਖਲ ਕਰਵਾ ਸਕੇ। ਸੀਤੋ ਜਦ ਆਪਣੇ ਬਾਪ ਦੀ ਰੋਟੀ ਲੈ ਕੇ ਦੁਕਾਨ 'ਤੇ ਜਾਂਦੀ ਤਾਂ ਸਕੂਲ 'ਚੋਂ ਆਪਣੇ ਬਾਪੂ ਲਈ ਪਾਣੀ ਲੈਣ ਚਲੀ ਜਾਂਦੀ ਤੇ ਇਸ ਤਰਾਂ ਉਸਨੂੰ ਅੱਖਰਾਂ ਦਾ ਗਿਆਨ ਹੋਣ ਲੱਗਿਆ। ਸਕੂਲ ਦੇ ਪ੍ਰਿੰਸੀਪਲ ਨੇ ਸੀਤੋ ਅੰਦਰ ਪੜ੍ਹਾਈ ਦੀ ਲਗਨ ਵੇਖ ਉਸਨੂੰ ਸਕੂਲ ਵਿੱਚ ਦਾਖਲਾ ਦੇ ਦਿੱਤਾ। ਪਰ ਸੀਤੋ ਪੜ੍ਹ ਕੇ ਵੱਡੀ ਅਫ਼ਸਰ ਬਣਨਾ ਚਾਹੁੰਦੀ ਹੈ। ਉਸਦੇ ਸੁਪਨੇ ਗਰੀਬੀ ਦੀ ਦਲਦਲ 'ਚੋਂ ਉਪਰ ਉੱਠ ਕੇ ਜਾਤੀਵਾਦ ਦੀਆਂ ਸਮਾਜ ਵਿੱਚ ਵੰਡੀਆਂ ਪਾਉਣ ਵਾਲੇ ਲੋਕਾਂ ਨੂੰ ਜੁਵਾਬ ਦੇਣਾ ਹੈ। ਸੀਤੋ ਬਾਬਾ ਸਾਹਿਬ ਭੀਮ ਰਾਓ ਅੰਬੇਦਕਰ ਦੀ ਸੋਚ 'ਤੇ ਪਹਿਰਾਂ ਦੇਣ ਵਾਲੀ ਜਾਗੂਰਕ ਮੁਟਿਆਰ ਹੈ। ਸਰਪੰਚ ਮੋਚੀ ਦੀ ਧੀ ਨੂੰ ਮਹਿਣੇ ਮਾਰਦਾ ਹੈ, ''ਨੌਕਰੀਆਂ-ਅਫ਼ਸਰੀਆਂ ਸਰਦਾਰਾਂ ਦੇ ਹਿੱਸੇ ਹੀ ਆਉਂਦੀਆਂ ਨੇ, ਨਾ ਕਿ ਸਰਦਾਰਾਂ ਦੇ ਘਰ ਗੋਹਾ ਕੂੜਾ ਕਰਨ ਵਾਲੇ ਕਾਮਿਆਂ ਦੇ……...'' ਸਰਪੰਚ ਦੇ ਇਹ ਬੋਲ ਉਸ ਲਈ ਚਣੌਤੀ ਬਣ ਜਾਂਦੇ ਹਨ। ਉਹ ਆਪਣੀ ਮੰਜਿਲ ਪਾਉਣ ਲਈ ਦਿਨ-ਰਾਤ ਇੱਕ ਕਰ ਦਿੰਦੀ ਹੈ। ਕੱਲ ਦੀ ' ਸੀਤੋ ' ਜਿਲ੍ਹਾ ਮਜ਼ਿੈਸਟਰ ਸੀਤਲ ਕੌਰ ਬਣ ਕੇ ਜਦ ਪਿੰਡ ਆੳਂੁਦੀ ਹੈ ਤਾਂ ਸਰਪੰਚ ਆਪਣੇ ਆਪਣੇ ਪੁੱਤਰ ਦੇ ਡੀ ਐੱਸ ਪੀ ਬਣਲ ਦੀ ਖੁਸ਼ੀ ਵਿੱਚ ਪਾਰਟੀ ਕਰ ਰਿਹਾ ਹੰੁਦਾ ਹੈ। ਜਾਤ ਪਾਤ ਦੀਆਂ ਵੰਡੀਆਂ ਪਾਉਣ ਵਾਲਾ ਸਰਪੰਚ ਗੁੱਸੇ ਵਿੱਚ ਆ ਕੇ ਜਦ ਉਸਦੀ ਬੇਇੱਜਤੀ ਕਰਨ ਲੱਗਦਾ ਹੈ ਤਾਂ ਉਸਦਾ ਪੁੱਤਰ ਅੱਗੇ ਹੋ ਕੇ ਰੋਕਦਾ ਸੁਚੇਤ ਕਰਦਾ ਹੈ ਕਿ ਇਹ ਮੇਰੇ ਤੋਂ ਵੀ ਵੱਡੀ ਅਫ਼ਸਰ ਹੈ। ਅੱਜ ਮੈਂ ਜੋ ਹਾਂ, ਇਸਦੀ ਹੀ ਬਦੌਲਤ ਹਾਂ। ਤੂੰ ਤਾਂ ਮੈਨੂੰ ਨਸ਼ਿਆਂ ਦੇ ਧੰਦੇ 'ਚ ਪਾ ਕੇ ਬਰਬਾਦੀ ਵੱਲ ਤੋਰਿਆ ਸੀ ਪਰ ਘਰ ਛੱਡਣ ਤੋਂ ਬਾਅਦ ਇਸੇ ਸੀਤੋ ਨੇ ਮੈਨੂੰ ਚੰਗੇ ਇੰਨਸਾਨ ਬਣਨ ਦਾ ਰਾਹ ਵਿਖਾਇਆ ਤੇ ਮੇਰੀ ਮਾਰਗ ਦਰਸ਼ਕ ਬਣਕੇ ਇਸ ਅਫ਼ਸਰੀ ਦੇ ਕਾਬਲ ਬਣਾਇਆ। ਇਸ ਫ਼ਿਲਮ 'ਚ ਹਰਪਾਲ ਸਿੰਘ, ਅਰਜਨਾ ਭੱਲਾ, ਨੀਰਜ਼ ਕੌਸ਼ਿਕ, ਭਾਵਨਾ ਸ਼ਰਮਾ, ਕਰਾਂਤੀ ਘੁੰਮਣ,ਕਰਨੈਲ ਸਿੰਘ, ਰੈਣੂ ਬਾਂਸਲ ਬੇਬੀ ਮਿਲਨ ਦੇਵ ਵਿਰਕ, ਤੇ ਕਰਨ ਕਪੂਰ ਆਦਿ ਕਲਾਕਾਰਾਂ ਨੇ ਅਹਿਮ ਕਿਰਦਾਰ ਨਿਭਾਏ ਹਨ। ਇਸ ਫ਼ਿਲਮ ਦੀ ਕਹਾਣੀ ਪਟਕਥਾ ਤੇ ਸੰਵਾਦ ਰਾਜੇਸ਼ ਕਪੂਰ ਨੇ ਲਿਖੇ ਹਨ। ਸਮਾਜ ਨੂੰ ਜਾਗੂਰਕ ਕਰਦੀਆਂ ਅਜਿਹੀਆਂ ਫ਼ਿਲਮਾਂ ਦਾ ਨਿਰਮਾਣ ਜਰੂਰੀ ਹੈ।

ਹਰਜਿੰਦਰ ਸਿੰਘ ਜਵੰਦਾ 9463828000

ਕਿਸਾਨ ਧਰਨਾ!

ਚੱਲ ਬਈ ਨਿਹਾਲਿਆ, 

ਧਰਨੇ ਚੱਲੀਏ! 

ਮਤਾ ਪਕਾ ਕਿਹੜਾ, 

ਪਾਸਾ ਮੱਲੀਏ! 

ਬੰਨ੍ਹ ਮੜਾਸਾ 

 ਲਾਈਏ ਧਰਨਾ! 

ਰੇਲ ਗੱਡੀ ਦੇ 

ਅੱਗੇ ਖੜਨਾ! 

ਬੰਨ੍ਹ ਲੈ ਸਿਰ 'ਤੇ 

ਚਿੱਟੀਆਂ ਪੱਗਾਂ! 

ਖੇਤੀ ਸੰਦਾਂ ਨੂੰ 

ਲਾਈਏ ਅੱਗਾਂ! 

ਸਿਰ 'ਤੇ ਬੰਨ੍ਹ ਲੈ

ਨੀਲਾ ਪਰਨਾ! 

ਚੱਲ ਸੜਕਾਂ 'ਤੇ 

ਲਾਈਏ ਧਰਨਾ! 

ਸਿਰ 'ਤੇ ਧਰ ਲੈ

ਚਿੱਟੀ ਟੋਪੀ! 

ਲਾਈੰ ਨਾਅਰੇ 

ਜਾਈੰ ਠੋਕੀ! 

ਦਾਤੀ 'ਥੌੜਾ 

ਹੱਥ 'ਚ ਫੜਲੈ, 

ਹੱਲ - ਪੰਜਾਲੀ 

ਮੋਢੇ ਰੱਖ ਲੈ।

'ਹਾਥੀ' ਵਾਲੇ 

ਨਾਲ ਰਲਾ ਲੈ! 

ਰਲ ਮਿਲ ਕੇ 

ਖੱਲ ਬਚਾ ਲੈ! 

ਖੇਤ ਕਾਮੇ ਨੇ 

ਤੇਰੇ ਬੰਦੇ! 

ਭਾਵੇਂ ਚੰਗੇ, 

ਭਾਵੇਂ ਮੰਦੇ! 

ਭਗਵੇੰ ਰੰਗ ਵਿਚ 

ਜਾ ਤੂੰ ਰੰਗਿਆ! 

ਮੁੜ ਨ੍ਹੀਂ ਆਉਣਾ 

ਵੇਲਾ ਲੰਘਿਆ! 

ਰਾਜਨੀਤੀ ਦੀ 

ਗੱਲ ਨਿਰਾਲੀ! 

ਤੇਰਾ ਹੱਥ ਨਾ 

ਰਹਿ ਜੇ ਖਾਲੀ! 

ਜਿੰਨੇ ਬਣੇ 

ਤੇਰੇ ਭਾਈਵਾਲੀ! 

ਸੱਭ ਹਮਦਰਦੀ, 

ਰੱਖਣ ਜਾਅਲੀ! 

ਸੁਣ ਕਿਸਾਨਾ, 

ਸੁਣ ਮਜਦੂਰਾ! 

ਤੇਰਾ ਘਰ ਨ੍ਹੀ 

ਹੋਣਾ ਪੂਰਾ! 

- ਸੁਖਦੇਵ ਸਲੇਮਪੁਰੀ 

09780620233 

4 ਅਕਤੂਬਰ, 2020

ਤਾਜਾ-ਮੌਸਮ ਜਾਣਕਾਰੀ

*ਮੀਂਹ-ਅਪਡੇਟ*

ਮੌਸਮ ਵਿਭਾਗ ਪੰਜਾਬ ਤੋਂ ਮਿਲੀ ਜਾਣਕਾਰੀ ਅਨੁਸਾਰ 

15/16 ਸਤੰਬਰ ਲਾਗੇ ਬਰਸਾਤਾਂ ਦੀ ਵਾਪਸੀ ਨਾਲ ਮਾਨਸੂਨੀ ਬ੍ਰੇਕ ਖਤਮ ਹੋਣ ਦੀ ਉਮੀਦ ਹੈ ਜਦਕਿ ਪਹਿਲਾਂ ਦੱਸੇ ਮੁਤਾਬਿਕ ਚੜ੍ਹਦੇ ਅੱਸੂ ਪੱਛਮੀ ਸਿਸਟਮਾਂ 'ਤੇ ਮਾਨਸੂਨੀ ਨਮੀ ਦੇ ਪ੍ਰਭਾਵ ਨਾਲ ਸੂਬੇ ਚ ਬਰਸਾਤਾਂ ਦੀ ਦੁਬਾਰਾ ਵਾਪਸੀ ਹੋਣ ਵਾਲੀ ਹੈ।ਅਗਲੇ 2 ਦਿਨ (14/15 ਸਤੰਬਰ ) ਬਹੁਤੀਂ ਥਾਂ ਮੌਸਮ ਸਾਫ਼ ਬਣਿਆ ਰਹੇਗਾ  ਪਰ ਕਿਤੇ-ਕਿਤੇ ਨਿੱਕੀ ਕਾਰਵਾਈ ਹੋ ਸਕਦੀ ਹੈ

 *ਬਾਰਿਸ਼*

15 ਤੋਂ 20 ਸਤੰਬਰ ਤੱਕ ਖਿੱਤੇ ਪੰਜਾਬ ਦੇ ਬਹੁਤੇ (50-75% ਤੱਕ) ਹਿੱਸਿਆਂ 'ਚ ਬਾਰਿਸ਼ ਦੇ 2/3 ਦੌਰ ਵੇਖਣ ਨੂੰ ਮਿਲਣਗੇ। ਪੱਛਮੀ ਸਿਸਟਮ ਦੇ ਪ੍ਰਭਾਵ ਕਾਰਨ 18/19 ਸਤੰਬਰ ਨੂੰ ਕਾਰਵਾਈ ਵਧੇਰੇ ਰਹਿ ਸਕਦੀ ਹੈ। ਚੱਲ ਰਹੇ ਹਲਾਤਾਂ ਅਨੁਸਾਰ ਇਸ ਵਾਰ ਫਿਰ ਖਿੱਤੇ ਪੰਜਾਬ ਦੇ ਦੱਖਣੀ ਖੇਤਰ' ਚ ਵਧੇਰੇ ਬਾਰਿਸ਼ ਦੀ ਉਮੀਦ ਜਾਪ ਰਹੀ ਹੈ, ਜਿਸ ਦੇ ਫ਼ਲਸਰੂਪ ਫਾਜ਼ਿਲਕਾ, ਮੁਕਤਸਰ ਸਾਹਿਬ, ਫਰੀਦਕੋਟ, ਫਿਰੋਜ਼ਪੁਰ, ਮਾਨਸਾ, ਬਠਿੰਡਾ, ਸੰਗਰੂਰ, ਮੋਗਾ, ਬਰਨਾਲਾ, ਗੰਗਾਨਗਰ-ਹਨੂੰਮਾਨਗੜ੍ਹ, ਸਿਰਸਾ, ਫਤਿਹਾਬਾਦ ਅਤੇ ਪਟਿਆਲਾ ਇਲਾਕਿਆਂ ਚ ਦਰਮਿਆਨੀ ਭਾਰੀ ਬਾਰਿਸ਼ ਦੀ ਆਸ ਹੈ।   

*ਨੁਕਸਾਨ*

ਦੱਖਣ-ਪੱਛਮੀ ਪੰਜਾਬ ਦੇ ਕਈ ਇਲਾਕੇ ਪਹਿਲਾਂ ਹੀ ਮੀਂਹਾਂ ਦੀ ਮਾਰ ਝੱਲ ਰਹੇ ਆ ਤੇ ਅੱਗੋਂ ਵੀ ਜਾਪਦਾ ਹੈ ਕਿ ਅੱਸੂ ਚ ਇਸ ਵਾਰ ਬਾਰਿਸ਼ਾਂ ਦੀ ਆਉਣੀ ਜਾਣੀ ਬਣੀ ਰਹੇਗੀ ਅਤੇ  ਜਾਂਦਾ ਹੋਇਆ ਮਾਨਸੂਨ ਪੱਛਮੀ ਸਿਸਟਮਾਂ ਨਾਲ ਮਿਲ ਕੇ ਪੱਕੀਆਂ ਫ਼ਸਲਾ ਦਾ ਨੁਕਸਾਨ ਕਰ ਸਕਦਾ ਹੈ, ਝੱਖੜ ਤੇ ਗੜ੍ਹੇਮਾਰੀ ਦੀਆਂ ਘਟਨਾਵਾਂ ਵੀ ਥੋੜ੍ਹੇ ਇਲਾਕੇ ਚ ਵੇਖਣ ਨੂੰ ਮਿਲਣਗੀਆਂ।

ਸਤੰਬਰ ਦੇ ਆਖਰੀ ਹਫ਼ਤੇ ਵੀ ਚੰਗੀ ਹਲਚਲ ਹੁੰਦੀ ਜਾਪ ਰਹੀ ਹੈ। 

ਧੰਨਵਾਦ ਸਹਿਤ। 

ਪੇਸ਼ਕਸ਼ - 

- ਸੁਖਦੇਵ ਸਲੇਮਪੁਰੀ 

09780620233 

  4Pm 13 ਸਤੰਬਰ, 2020